2023

ಎ.11-12: ಸುರತ್ಕಲ್ ದ ಪುರಾತನ ಶ್ರೀ ಮಾರಿಯಮ್ಮ ದೇವಲ್ಯಡ್ ಮಾರಿಪೂಜೆ

ಸುರತ್ಕಲ್ ದ ಪುರಾತನ ಶ್ರೀ ಮಾರಿಯಮ್ಮ ದೇವಲ್ಯಡ್ ಮಾರಿಪೂಜೆ ಎ.11-12 ಮುಟ್ಟ ನಡಪರೆ ಉಂಡು.

ಎ.11 ಅಂಗಾರೆ ಬೊಲ್ಪುಗು ಸುರತ್ಕಲ್ ಪೇಂಟೆಡ್ ಶ್ರೀ ದೇವಿನ ಬಿಂಜ ಪ್ರತಿಷ್ಠೆ, ಪರಕೆ, ಕಾಣಿಕೆ ಸೇವೆ, ಮಧ್ಯಾಹ್ನ ತುಲಾಭಾರ ಸೇವೆ, ಮಹಾಪೂಜೆ, ಶ್ರೀ ದೇವಿ ದರ್ಶನ, ಮಡೆಸ್ತಾನ, ಪರಕೆ, ಕಾಣಿಕೆ, ಅನ್ನಸಂತರ್ಪಣೆ ನಡಪರೆ ಉಂಡು. ರಾತ್ರೆ ಸುರತ್ಕಲ್ ಪೇಂಟೆರ್ದ್ ತಾಲೀಮು ಪ್ರದರ್ಶನ, ಚೆಂಡೆ, ವಾದ್ಯಾ ಬ್ಯಾಂಡ್ ಡೋಲು ಘೋಷದೊಟ್ಟಿಗೆ ಬಿರುದಾವಳಿರ್ದ್ ಶ್ರೀ ದೇವಿನ ಬಿಂಬ ಶ್ರೀ ಕ್ಷೇತ್ರಗ್ ಬರ್ಪುಂಡು. ಬೊಕ್ಕ ರಾಶಿ ನೈವೇದ್ಯ ಬರ್ಪುಂಡು. ಅವೆರ್ದ್ ಬೊಕ್ಕ ಧೂಮಾವತಿ ಬಂಟ ದೈವೊಲೆನ ಭಂಡಾರ ಬತ್ತ್ ದ್, ಮಹಾಪೂಜೆ, ಶ್ರೀ ದೇವಿ ದರ್ಶನ, ಪರಕೆ, ಕಾಣಿಕೆ ನಡಪರೆ ಉಂಡು.

ಎ.12 ಬುಧಾರ ಬಯ್ಯಗ್ ಮಹಾಪೂಜೆ, ಶ್ರೀ ದೇವಿ ದರ್ಶನ ಪರಕೆ, ಕಾಣಿಕೆ, ಬಿರುದಾವಳಿರ್ದ್ ಶ್ರೀ ದೇವಿನ ಬಿಂಬ ವಾರಿಧಿವಾಸಗ್ ಪೊಪುಂಡು.

ಈ ಲೇಸ್ ಗ್ ಮಾತೆರ್ಲಾ ಪಾಲ್ ಪಡೆವೊಡು ಪಂದ್ ಯಸ್ ಎ ಪಿ ಕೆ ಸಂಘ, ಬೊಂಬೈ ಬೊಕ್ಕ ಬೆಂಗ್ಲೂರ್ ಸಮಿತಿ, ಬೊಕ್ಕ ಕ್ಷೇತ್ರದ ಅಂಗಸಂಸ್ಥೆಲು, ಆಡಳಿತ ಸಮಿತಿ, ಏಳ್ ಗ್ರಾಮ, ಐನ್ ಪಟ್ಣ, ಐನ್ ಮಾಗಣೆ, ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಎ.8: ಪಾಣೇರ್ ಶ್ರೀ ಸತ್ಯದೇವತೆ ಕಲ್ಲುರ್ಟಿ ದೈವೊಲ್ಯಡ್ ವರ್ಷಾಧಿದ ಕೋಲ

ಪಾಣೇರ್ ಶ್ರೀ ಸತ್ಯದೇವತೆ ಕಲ್ಲುರ್ಟಿ ದೈವೊಲ್ಯಡ್ ವರ್ಷಾಧಿದ ಕೋಲ ಎ.8 ಸನಿಯಾರ ನಡಪರೆ ಉಂಡು.

ಎ.7 ಸುಕ್ರಾರ ಬಯ್ಯಗ್ ಚೌಕಿಪೂಜೆ ಆದ್ ಕಟೀಲ್ ಮೇಳದಕ್ಲೆರ್ದ್ ಶ್ರೀ ದೇವಿ ಮಹಾತ್ಮೆ ಆಟ ನಡಪರೆ ಉಂಡು.

ಎ.8 ಸನಿಯಾರ ಬೊಲ್ಪುಗು ನವಕ ಕಲಶಾಭಿಷೇಕ, ಮಧ್ಯಾಹ್ನ ಮಹಾಪೂಜೆ ಆದ್ ಪ್ರಸಾದ ಕೊರ್ಪಿನ ಲೇಸ್ ನಡಪರೆ ಉಂಡು. ಬೊಕ್ಕ ಸತ್ಯಶ್ರೀ ಕಲ್ಯಾಣ ಮಂಟಪಡ್ ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆ ಉಂಡು. ರಾತ್ರೆ ಸುಮಂಗಲಾ ಕಲ್ಯಾಣ ಮಂಟಪದ ಕೈತಲ್ ಸಾರ್ವಜನಿಕ ಅನ್ನಸಂತರ್ಪಣೆ ಆದ್, ಶ್ರೀ ಸತ್ಯದೇವತೆ ಕಲ್ಲುರ್ಟಿ ದೈವೊದ ಕೋಲ ನಡಪರೆ ಉಂಡು.

ಎ.9 ಐತಾರ ಬಯ್ಯಗ್ ಸಾರ್ವಜನಿಕ ಅಗೇಲ್ ಸೇವೆ, ಬೊಕ್ಕ ನಿತಿನ್ ಹೊಸಂಗಡಿ ನಿರ್ದೇಶನದ, ಶ್ರೀ ದುರ್ಗಾ ಕಲಾ ಕೂಟದ, ಪುಗರ್ತೆದ ಕಲಾವಿದೆರ್ ಕೇಪು ಮೈರ ಅಭಿನಯದ ಕಲ್ಜಿಗದ ಕಾಳಿ ಮಂತ್ರದೇವತೆ ತುಳು ನಾಟಕ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್ ಗಂಧ ಪ್ರಸಾದ ದೆತೊಂದು, ಶ್ರೀ ಸತ್ಯದೇವತೆ ಕಲ್ಲುರ್ಟಿನ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ಸತ್ಯದೇವತಾ ಚಾರಿಟೇಬಲ್ ಟ್ರಸ್ಟ್ (ರಿ.)ದ ಅಧ್ಯಕ್ಷೆರ್ ಬೊಕ್ಕ ಕಾರ್ಯಕಾರಿ ಸಮಿತಿದ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಎ.8: ಲೋಲಮ್ಮ ಪಚ್ಚನಾಡಿ ನೆಂಪುದ ಸೇವೆದ ಶ್ರೀ ದೇವಿ ಮಹಾತ್ಮೆ ಆಟ

ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿ ಮೊಕ್ಲೆರ್ದ್ ಎ.8 ಸನಿಯಾರ ಬಯ್ಯಗ್ 5:30 ಕ್ಕ್ ಪಚ್ಚನಾಡಿ ಬೆಟ್ಟು ಇಲ್ಲದ ಕೈತಲ್ ಪಾಡ್ದಿನ ರಂಗಸ್ಥಳಡ್ 54 ನೇ ವರ್ಷೊದ ಸೇವೆದಾಟ ಶ್ರೀ ದೇವಿ ಮಹಾತ್ಮೆ ನಡಪರೆ ಉಂಡು.

ಈ ಲೇಸ್ ಗ್ ಕಲಾಭಿಮಾನಿಲು ಬತ್ತ್ ದ್, ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಕೀರ್ತಿಶೇಷ ದಿ. ಲೋಲಮ್ಮ ಪಚ್ಚನಾಡಿ ಸ್ಮರಣಾರ್ಥ ಜೋಕುಲು, ಪುಲ್ಲಿನಕುಲು, ಬೊಕ್ಕ ಕುಡ್ಲ ಲೋಲಮ್ಮ ಪಚ್ಚನಾಡಿ ಸೇವಾ ಪ್ರತಿಷ್ಠಾನದ ಅಧ್ಯಕ್ಷೆರ್ ರಾಮ ಅಮೀನ್ ಪಚ್ಚನಾಡಿ ಲೆಪ್ಪೋಲೆಡ್ ತೆರಿಪಾದೆರ್.

ಲೋಲಮ್ಮ ಪಚ್ಚನಾಡಿ ಮೆರೆನ ಪೊಲಬು

ಯಕ್ಷಗಾನ ಸೇವೆಡ್ ಲೋಲಮ್ಮ ಪಚ್ಚನಾಡಿ ಮೆರೆನ ಪುದರ್ ಅಮರ. ಕಾರಣ ಏತೇ ಬಡಪತ್ತ್ ಡ್ ಇತ್ತ್ಂಡಲ ಮೇರ್ ಏಪಲ 40 ವರ್ಷೊ ಮುಟ್ಟ ಕಟೀಲ್ ಮೇಳದ ಶ್ರೀದೇವಿ ಮಹಾತ್ಮೆ ಆಟನ್ ಗೊಬ್ಬಾವೊಂದು ಇತ್ತೆರ್.

ಕುಡ್ಲದ ಮರೋಳಿ ಗ್ರಾಮಡ್ ದಿ.ತೋಮ ಪೂಜಾರಿ ಬೊಕ್ಕ ದಿ.ಪೂವಪ್ಪೆ ಪೂಜಾರ್ತಿ ದಂಪತಿಲೆನ ಮಗಲಾದ್ ಪುಟ್ಟಿನ ಲೋಲಮ್ಮ ಪಚ್ಚನಾಡಿ ಶ್ರೀದೇವಿನ ಬಗೆಟ್ ಮಸ್ತ್ ಭಕ್ತಿ ಇತ್ತಿನಾರ್.

1968 ಟ್ಟ್ ಪದವಿನಂಗಡಿದ ಸ್ವಸ್ತಿ ಗೇರುಬೀಜ ಕಾರ್ಖಾನೆ ಮುಚ್ಚಿನಗ ಅಲ್ಪ ಉದ್ಯೋಗಿ ಆದಿತ್ತಿನ ಮೇರ್ ಅರೆನೊಟ್ಟಿಗೆ ಬೇಲೆ ಮಲ್ತೊಂದಿನಕ್ಲೆನ ಒಟ್ಟುಗು ಸೇರ್ದ್ ಮುಚ್ಚಿದಿತ್ತಿನ ಕಾರ್ಖಾನೆ ಕುಡ ಸುರು ಆಂಡ ಕಟೀಲ್ ಮೇಳದ ಆಟ ಗೊಬ್ಬಾವೆ ಪಂದ್ ಪರಕೆ ಪಂಡೊಂಡೆರ್. ಪರಕೆ ಪಂಡಿನ ಫಲ ಪನ್ಪಿನಂಚನೆ ಗೇರ್ ಬೀಜ ಕಾರ್ಖಾನೆ ಕುಡ ಸುರು ಆಂಡ್. ಪರಕೆ ಸಂದಾಯ ಮಲ್ಪೆರೆ ಒರಿಯೊರಿಯೇ ಒಂಜೊಂಜಿ ಕಾರಣ ಪಂದ್ ಪಿರ ಜಾರ್ ನಗ ಲೋಲಮ್ಮನೇ ದುಂಬು ಉಂತುದು ಪರಕೆದ ಆಟ ಗೊಬ್ಬಾಯೆರ್. ಬೊಕ್ಕ ಪ್ರತಿವರ್ಷ ನಡಪುಲೆಕ್ಕ ಒಟ್ಟು 39 ಪರಕೆದ ಆಟನ್ ಗೊಬ್ಬಾಯಿನ ಲೋಲಮ್ಮ 40ನೇ ಆಟದ ಪೊರ್ತುಡು ಕಟೀಲಮ್ಮನ ಪಾದ ಸೇರಿಯೆರ್.

ಕಡು ಬಡಪತ್ತ್ ದ ನಡುಟ್ಲಾ ಪದವಿನಂಗಡಿಡ್ ಆಟ ಗೊಬ್ಬಾದಿನಾರ್ ಲೋಲಮ್ಮ. 1983 ಟ್ಟ್ ಕಟೀಲ್ ಕ್ಷೇತ್ರದ ಪ್ರಧಾನ ಅರ್ಚಕೆರಾದಿತ್ತಿನ ಗೋಪಾಲಕೃಷ್ಣ ಅಸ್ರಣ್ಣೆರೆನ್ ಲೆತ್ತ್ ದ್ ಪದವಿನಂಗಡಿಗ್ ‘ದೇವಿನಗರ’ ಪನ್ಪುನ ಪುದರ್ ನ್ ದೀಯೆರ್. ಉಂದು ಸಾಮಾನ್ಯ ಪೊಂಜೋವ್ ಒರ್ತಿ ಮಲ್ದಿನ ಭಾರಿ ಮಲ್ಲ ಸಾಧನೆದ ಕತೆ.

ಎ.9: ಗಾಂಧಿನಗರದ ತಾಣದ ಗುಡ್ಡೆ ಶ್ರೀ ರಕ್ತೇಶ್ವರಿ ದೈವೊಲ್ಯಡ್ ಸಿರಿ ಸಿಂಗಾರ ನೇಮ

ಬೊಲ್ತೇರ್: ಗಾಂಧಿನಗರದ ತಾಣದ ಗುಡ್ಡೆ ಶ್ರೀ ರಕ್ತೇಶ್ವರಿ ದೈವೊಲ್ಯಡ್ ಶ್ರೀ ರಕ್ತೇಶ್ವರಿ, ಮಹಿಷಂತಾಯ, ಪಿಲಿಚಾಮುಂಡಿ, ಕಲ್ಲುರ್ಟಿ ಪಂಜುರ್ಲಿ ದೈವೊಲೆನ ಸಿರಿ ಸಿಂಗಾರ ನೇಮ ಎ.9 ಐತಾರ ನಡಪರೆ ಉಂಡು.

ಬೊಲ್ಪುಗು ನವಕ ಪ್ರಧಾನ, ನವಕ ಪ್ರಧಾನ ಹೋಮ, ಕಲಶಾಭಿಷೇಕ, ಪರ್ವ ಸಂಕ್ರಾಂತಿ, ಬಯ್ಯಗ್ ದೈವೊಲೆನ ಭಂಡಾರ ಜಪ್ಪೆರೆ ಉಂಡು. ರಾತ್ರೆ ದೈವೊಲೆನ ನೇಮ, ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಗಾಂಧಿನಗರ-ತಾಣದಗುಡ್ಡೆ ಶ್ರೀ ರಕ್ತೇಶ್ವರಿ ಕ್ಷೇತ್ರದ ಅಧ್ಯಕ್ಷೆರ್, ಸರ್ವಸದಸ್ಯೆರ್ ಬೊಕ್ಕ ಕರಿಮಣೇಲು, ಹೊಸಂಗಡಿ ಗ್ರಾಮಸ್ಥೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಕುಡ್ಲ: ಕೆಪಿಟಿ ಸರ್ಕಲ್ ಡ್ ತುಳು ಕೊಡಿನ್ ಏರಾಯಿನ ತುಳುವೆರ್

ಕುಡ್ಲದ ಕೆಪಿಟಿ ಸರ್ಕಲ್ ಡ್ ಇನಿ ರಿಕ್ಷಾ ಚಾಲಕೆರ್ ಮಾಲಕೆರ್ ಬೊಕ್ಕ ತುಳು ಅಭಿಮಾನಿಲು ತುಳು ಕೊಡಿನ್ ರಾಪಾಯೆರ್.

ಈ ಲೇಸ್ ಡ್ ದಯಾನಂದ ಕತ್ತಲ್ ಸಾರ್, ಯೋಗೀಶ್ ಶೆಟ್ರ್ ಜಪ್ಪು, ರೋಶನ್, ಕೆಪಿಟಿ ರಿಕ್ಷಾ ಚಾಲಕ ಮಾಲಕೆರೆನ ಕೂಟ, ಮನೋಹರ್ ಶೆಟ್ರ್, ಕಿಶೋರ್, ಶರತ್ ಪದವಿನಂಗಡಿ ಇತ್ತೆರ್.

Progressive farmer Dr L C Soans on more ಬೆದ್ರದ ಕೃಷಿ ತಜ್ಞೆರ್ ಡಾ.ಎಲ್.ಸಿ ಸೋನ್ಸ್ ನನ ನೆಂಪು ಮಾತ್ರ

ಬೆದ್ರ: ಪೆರಿಯ ಕೃಷಿ ತಜ್ಞೆರ್, ಬೆದ್ರ ಬನ್ನಡ್ಕದ ಸೋನ್ಸ್ ಫಾರ್ಮ್‍ನ ಪ್ರಗತಿಪರ ಕೃಷಿಕೆರ್ ಡಾ.ಎಲ್.ಸಿ ಸೋನ್ಸ್ ಮೇರ್ ಇನಿ (ಬುಧಾರ) ಬೊಲ್ಪುಗು ದೇವೆರೆ ಪಾದೊ ಸೇರಿಯೆರ್.

1934 ಏಪ್ರಿಲ್ 4 ಕ್ಕ್ ಪುಟ್ಟಿನ ಮೇರ್ ತನ್ನ ಜೀವನನ್ ಕೃಷಿಕ್ಕಾದ್ ಮುಡಿಪಾದ್ ದೀಯೆರ್. ಕೃಷಿ ಕ್ಷೇತ್ರಡ್ ಅಸಾಮಾನ್ಯ ಸಾಧನೆ ಮಲ್ತಿನ ಮೇರ್ ಫರಂಗಿಪೆಲಕಾಯಿದ ಕೃಷಿ, ಬೆದ್ ರ್ ದ ಬೇತೆ ಬೇತೆ ಜಾತಿ, ದೇಶ-ವಿದೇಶದ ಹಣ್ಣು-ತರಕಾರಿ ಪ್ರಬೇಧಲೆನ್ ಬೆದ್ರ ಬನ್ನಡ್ಕದ ಮಣ್ಣ್ ಡ್ ಬುಲೆಪಾದ್, ಆಯಿರ್ದ್ ಫಸಲ್ ಬೊಕ್ಕ ಲಾಭ ಪಡೆತೆರ್. ಅಂಚೆನೆ ಜಲ ತಜ್ಞೆರಾದ್ ಇಸೇಸ ಪರಿಣಿತಿನ್ ಪಡೆತೆರ್.

ಅಂಚೆನೆ ಕೃಷಿತ್ತೊಟ್ಟಿಗೆ ಸಾಮಾಜಿಕವಾದ್ ಗುರುತಿಸಾಯಿನ ಮೇರ್ ಸುಮಾರ್ ಸಂಘ ಸಂಸ್ಥೆಲೆನ ಸಕ್ರಿಯ ಪದಾಧಿಕಾರಿಯಾದ್, ಅಮೇರಿಕನ್ ಸೊಸೈಟಿ ಆಫ್ ಡೌಸರ್ ದ ಸದಸ್ಯೆರಾದ್, ಬ್ರಿಟಿಸ್ ಸೊಸೈಟಿ ಆಫ್ ಡೌಸರ್ ದ ಅಜೀವ ಸದಸ್ಯೆರಾದ್, ಬೆದ್ರ ಕಡಲಕೆರೆ ನಿಸರ್ಗಧಾಮದ ಸಲಹೆಗಾರೆರಾದ್, ಸುಮಾರ್ ಅಭಿವೃದ್ಧಿ ಕಾರ್ಯಲೆಡ್ ಪ್ರಮುಖ ಪಾತ್ರ ಒಯಿಸ್ ದಿತ್ತೆರ್. ಅಂಚೆನೆ ಶ್ರೀಮಹಾವೀರ ವಿಧ್ಯಾವರ್ಧಕ ಸಂಘ, ಶ್ರೀಮಹಾವೀರ ಕಾಲೇಜ್ ಆಡಳಿತ ಮಂಡಳಿದ ಸದಸ್ಯೆರಾದ್, ರೋಟರಿ ಎಜ್ಯುಕೇಶನ್ ಸೊಸೈಟಿದ ಉಪಾಧ್ಯಕ್ಷೆರಾದ್, ಶಿಕ್ಷಣ ಕ್ಷೇತ್ರಡ್ ಸೇವೆ ಸಂದಾದೆರ್.

ಸಮಾಜಮಂದಿರ ಸಭಾದ ಮಾಜಿ ಅಧ್ಯಕ್ಷೆರಾದ್, ಇತ್ತೆ ಸದಸ್ಯೆರಾದ್ ಗುರುತಿಸಾದಿತ್ತೆರ್. ಬೊಕ್ಕ ಕೃಷಿ ಇಚಾರ ವಿನಿಮಯ ಕೇಂದ್ರಡ್ ಪದಾಧಿಕಾರಿಯಾದ್ ಸೇವೆ ಸಂದಾದೆರ್. ಅಂಚೆನೆ ಕೃಷಿ ಬೊಕ್ಕ ಆರೋಗ್ಯದ ಬಗೆಟ್ ಜಾಗೃತಿ ಮೂಡಿಸಾಯೆರೆ ಅಲ್ಫ್ರೇಡ್ ಸೋನ್ಸ್ ಫೌಂಡೇಶನ್ ನ್ ಸ್ಥಾಪನೆ ಮಲ್ತೆರ್.

ಬೆಂಗ್ಲೂರ್ ಕೃಷಿ ವಿ.ವಿರ್ದ್ ಎಡ್ಡೆ ತೋಟಗಾರಿಕಾ ಸಾಧಕ ಪ್ರಶಸ್ತಿ, ಅಮೇರಿಕ ಮೊಟಾನಾ ವಿ.ವಿರ್ದ್ ಇಸೇಸ ಹಳೆ ವಿದ್ಯಾರ್ಥಿ ಪ್ರಶಸ್ತಿ ಪಡೆತೆರ್. ಅಮೇರಿಕದ ಹಳೆ ವಿದ್ಯಾರ್ಥಿಲೆನ್ ಬುಡ್ದ್, ಬೇತೆ ದೇಶರ್ದ್ ಪ್ರಶಸ್ತಿ ಪಡೆಯಿನ ಸುರುತ್ತ ಜನ ಮೇರ್ ಆತೆರ್.

2006 ಸಾಧಕ ಪ್ರಶಸ್ತಿ, 2004 ದ.ಕ ಜಿಲ್ಲಾ ರಾಜೋತ್ಸವ, ಹಿರಿಯಡ್ಕದ ಗ್ರಾಮೀಣಾಭಿವೃದ್ಧಿ ಪ್ರತಿಷ್ಠಾನರ್ದ್ ಬೆಸ್ಟ್ ಫಾರ್ಮರ್ ಪ್ರಶಸ್ತಿ, 2010-ಬಾಗಲಕೋಟೆ ತೋಟಗಾರಿಕಾ ವಿ.ವಿರ್ದ್ ರಾಷ್ಟ್ರಮಟ್ಟದ ಪ್ರಶಸ್ತಿ, ವಿಶ್ವ ತುಳು ಸಮ್ಮೇಳನಡ್ ತಮ್ಮನದೊಟ್ಟಿಗೆ ದೇಶ ವಿದೇಶದ ಸುಮಾರ್ ಸಂಘ ಸಂಸ್ಥೆಲು ಮೆರೆನ ಸಾಧನೆಗ್ ಮಾನಾದಿಗೆ ಮಲ್ತ್ ದ್ಂಡ್.

ಬೊಕ್ಕ ಇಸ್ರೆಲ್‍ಡ್ ನಡತಿನ ವಿಶ್ವ ನೀರಾವರಿ ಸಮ್ಮೇಳನಡ್ ಪಾಲ್ ಪಡೆದ್, ಅಯಿತ ಮಾದರಿನ್ ತನ್ನ ಊರುಡ್ ಪ್ರಯೋಗ ಮಲ್ದೆರ್. ಅಂಚೆನೆ ಕೋಡೆ ತನ್ನ 89ನೇ ವರ್ಷೊದ ಪುಟ್ಟುನ ಪರ್ಬನ್ ಆಚರಿಸಾದೆರ್.

Progressive farmer Dr L C Soans on more

Moodbidri: Senior progressive agriculturist Bannadka Soans Farm’s Dr L C Soans expired this Wednesday morning.

Born on April 4 th 1934 he was well known for adopting progressive methods of farming.He has cultivated pineapples and his farm was known as pineapple farm .He has also pioneered growing of exotic fruits and vegetables in his farm.He was also known to be a water expert .

He was also known for his social service activities and had been an active member of many local organisations.He had founded the Alfred Soans foundation to bring awareness in farming and health matters .

He was also the winner of many prestigious awards in the field of farming in India and abroad.He had also participated in world irrigation meet at Israel.

Todaru Navachetana Seva Balaga honoured ತೋಡಾರು ನವಚೇತನ ಸೇವಾ ಬಳಗಗ್ ಗೌರವಾರ್ಪಣೆ

ಶ್ರೀ ಗುರು ರಾಘವೇಂದ್ರ ಸೇವಾ ಟ್ರಸ್ಟ್ (ರಿ.), ಶ್ರೀ ದುರ್ಗಾ ವಿದ್ಯಾ ಸಂಘ ಟ್ರಸ್ಟ್ (ರಿ.), ವಿಜೇತ ವಸತಿಯುತ ಇಸೇಸ ಶಾಲೆ ಬೊಕ್ಕ ಶಿಕ್ಷಣ ತರಬೇತಿ ಸಂಸ್ಥೆದ ಒಟ್ಟುಸೇರಿಗೆಡ್ ಏಳನೇ ವರ್ಷೊದ ವಾರ್ಷಿಕ ಉಚ್ಚಯ ನಡತ್ಂಡ್.

ಈ ಲೇಸ್ ಡ್ ಸೇವಾ ಕಾರ್ಯನ್ ಗುರುತಿಸಾದ್ ತೋಡಾರು ನವಚೇತನ ಸೇವಾ ಬಳಗಗ್ ಇಸೇಸ ಗೌರವ ಸ್ಮರಣಿಕೆನ್ ಕೊರ್ದು ಚಾವಡಿಡ್ ಮಾನಾದಿಗೆ ಮಲ್ತೆರ್.

ನವಚೇತನ ಕೂಟಗ್ ಮಾನಾದಿಗೆ ಮಲ್ತಿನ ಇಸೇಸ ವಿಜೇತ ಶಾಲೆದ ರೂವಾರಿ ಕಾಂತಿ ಹರೀಶ್ ಮೆರೆಗ್ ಬೊಕ್ಕ ಶಾಲೆದ ಮತ ಸಿಬ್ಬಂದಿ ವರ್ಗದಕ್ಲೆಗ್ ನವಚೇತನ ಸೇವಾ ಬಳಗ ಕೂಟದ ಪರವಾದ್ ಸೊಲ್ಮೆ ಸಂದಾಯೆರ್.

Todar Navachetana Seva Balaga honoured

Sri Guru Ragavendra Seva trust, Sri Durga Vidya Sangha Trust, Vijeta residential special school Teacher training institute came together to host their seven annual yearly program.

Todar Navachetana Seva Balaga was honoured for its social service activities.

Kiccha Sudeep to join the BJP today?? ಇನಿ ಕಿಚ್ಚ ಸುದೀಪ್ ಬಿಜೆಪಿಗ್ ಸೇರ್ಪಡೆ?

ಸ್ಯಾಂಡಲ್ ವುಡ್ ಸೂಪರ್ ಸ್ಟಾರ್ ಕಿಚ್ಚ ಸುದೀಪ್ ಇನಿ ಬಿಜೆಪಿಗ್ ಸೇರಿಯೆರೆ ಉಲ್ಲೆರ್ ಪಂದ್ ವರದಿ ಆತ್ಂಡ್.

ಬೆಂಗ್ಲೂರ್ ದ ಕೇಂದ್ರ ಕಚೇರಿಡ್ ಸುಮಾರ್ ಮುಖಂಡೆರೆನ ಎದುರು ಸುದೀಪ್ ಬಿಜೆಪಿ ಸೇರೊಂದು, ಪ್ರಚಾರಕೆರಾದ್ ಬೇಲೆ ಮಲ್ಪರೆ ಉಲ್ಲೆರ್ ಪಂದ್ ತೆರಿದ್ ಬೈದ್ಂಡ್. ಸಿಎಂ ಬೊಮ್ಮಾಯಿನೊಟ್ಟಿಗೆ ಎಚ್ಚ ಆತ್ಮೀಯತೆ ಇಪ್ಪುರ್ನೆದಾವೆರ ಸುದೀಪ್ ಈ ನಿರ್ಧಾರ ಮಲ್ದೆರ್ ಪಂದ್ ಪನಿಯೆರೆ ಆಪುಂಡು. ಆಂಡ ಈ ಬಗೆಟ್ ಸುದೀಪ್ ಕಡೆರ್ದ್ ಒವ್ವೇ ಸ್ಪಷ್ಟನೆ ಬೈದಿಜಿ.

April 8 th: Akhila Bharata Tulu Okkuta (R) and Tulu Koota Bedra(R) come together to organise Tulu Maha koota ಎ.8: ಅಖಿಲ ಭಾರತ ತುಳು ಒಕ್ಕೂಟ (ರಿ.) ಬೊಕ್ಕ ತುಳುಕೂಟ ಬೆದ್ರ (ರಿ.)ದ ಒಟ್ಟುಸೇರಿಗೆಡ್ ತುಳು ಮಹಾಕೂಟ

ಕುಡ್ಲ: ಅಖಿಲ ಭಾರತ ತುಳು ಒಕ್ಕೂಟ (ರಿ.) ಬೊಕ್ಕ ತುಳುಕೂಟ ಬೆದ್ರ (ರಿ.)ದ ಒಟ್ಟುಸೇರಿಗೆಡ್ ತುಳು ಮಹಾಕೂಟ ಎ.8 ಸನಿಯಾರ ಪಗೆಲ್ ಡ್ ಬೆದ್ರದ ಕನ್ನಡ ಭವನೊಡು ನಡಪರೆ ಉಂಡು.

ಈ ಲೇಸ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ವೀರೇಂದ್ರ ಹೆಗ್ಗಡೆರೆನ ಆಶೀರ್ವಾದದೊಟ್ಟಿಗೆ ನಡಪರೆ ಉಂಡು. ಕಾಂಡೆ ಚಾ ತೆನಸ್ ಆದ್ ಉದಿಪನ ಲೇಸ್ ನಡಪರೆ ಉಂಡು. ಈ ಲೇಸ್ ದ ಉದಿಪನನ್ ಆಳ್ವಾಸ್ ಎಜುಕೇಶನ್ ಟ್ರಸ್ಟ್ ದ ಗುರ್ಕಾರ್ಲು ಡಾ.ಎಂ ಮೋಹನ ಆಳ್ವ ಮಲ್ಪರೆ ಉಲ್ಲೆರ್. ಬೊಕ್ಕ ಘಟಕ, ಕೂಟೊಲೆನ ಕಾರ್ಯ ಕಜ್ಜದ ಪೊಲಬು ಕೊರಿಯೆರೆ ಉಂಡು. ಮಧ್ಯಾಹ್ನ ತುಳು ಮಹಾಕೂಟದ ಪ್ರತಿನಿಧಿಲೆನ ಸಮೂಹ ಪೋಟೋ ದೆತ್ತ್ ದ್, ಪಂತೆಡ್ ಕುಲ್ಲುದು ವನಸ್ ಮಲ್ಪರೆ ಉಂಡು. ಅವೆರ್ದ್ ಬೊಕ್ಕ ಪಾತೆರಕತೆ, ತುಲಿಪು, ನಡಪರೆ ಉಂಡು ಬೊಕ್ಕ ಒಕ್ಕೂಟೊಡು ಬೆನ್ಪಿನ ಪೆರ್ಮೆದ ತುಳುವೆರೆಗ್ ತಮ್ಮನ ಬಲ್ಮನ ನಡಪರೆ ಉಂಡು ಪಂದ್ ಅಧ್ಯಕ್ಷೆರ್ ಎ.ಸಿ ಭಂಡಾರಿ, ಗೌರವಾಧ್ಯಕ್ಷೆರ್ ಶಶಿಧರ ಬಿ. ಶೆಟ್ಟಿ ಬರೋಡ ಲೆಪ್ಪೋಲೆಡ್ ತೆರಿಪಾದೆರ್.

April 8 th: Akhila Bharata Tulu Okkuta (R) and Tulu Koota Bedra(R) come together to organise Tulu Maha koota

Tulu Mahakoota will be organised in Moodbidri Kannada Bavana on Saturday April 8 th.

Dr D Veerendra Heggade will bless .The koota will be inaugurated by Dr Mohan Alva of Alvas education trust.

The various units of the Tulu koota will given information of their activities and read out the report.Various activities have been lined up for the afternoon session including talk show,comedy shows and such other associated Tulu cultural activities.

Tulu Achievers will be honoured on the occasion. An invite by A C Bandari president of the Mahakoota and Sashidhar Shetty Baroda honorary president.

Iftar meet – Bearys Cultural of Forum, Dubai, UAE ಸೌಹರ್ದತೆ ಮೆರೆಯಿನ ಬ್ಯಾರಿಸ್ ಕಲ್ಚರಲ್ ಆಫ್ ಫೋರಂ ದುಬೈ ಯುಎಇದ ಇಫ್ತಾರ್ ಮೀಟ್

ದುಬೈ: ಬ್ಯಾರಿಸ್ ಕಲ್ಚರಲ್ ಆಫ್ ಫೋರಂ ದುಬೈ ಯುಎಇದ ವತಿರ್ದ್ ಸೌಹಾರ್ದತೆ ಬಿ.ಸಿ ಎಫ್. ಇಫ್ತಾರ್ ಮೀಟ್ 2023 (BCF IFTAR MEET2023) ಎ.1 ಕ್ಕ್ ದುಬೈಡ್ ಗೌಜಿಡ್ ನಡತ್ಂಡ್.

ನಗರದ ದೇರಾದ ದುಬೈ ಹಾಸ್ಪಿಟಲ್‌ ದ ಎದುರುಭಾಗಡ್ ಇಪ್ಪುನ ದುಬೈ ವಿಮೆನ್ ಅಸೋಸಿಯೇಷನ್ ಬಿಲ್ಡಿಂಗ್ ದ ಅಲ್ ಝಹಿದ ಬ್ಯಾಂಕ್ವೆಟ್ ಹಾಲ್ ಡ್ ಕರ್ನಾಟಕ ಪರ ಮತ ಕನ್ನಡ ತುಳು ಸಂಘ ಸಂಸ್ಥೆಲೆನ ಪದಾಧಿಕಾರಿಲು ಬೊಕ್ಕ ಸದಸ್ಯೆರೆನ ಒಟ್ಟುಸೇರಿಗೆಡ್ ಸೌಹಾರ್ದತೆದ ಇಫ್ತಾರ್ ಕೂಟಗ್ ಸಾಕ್ಷಿ ಆಂಡ್.

ಇಫ್ತಾರ್ ಕೂಟದ ದುಂಬು ಬಿ.ಸಿ.ಎಫ್. ಸದಸ್ಯೆರೆನ ಜೋಕುಲೆಗ್ ಇಸ್ಲಾಮಿಕ್ ರಸಪ್ರಶ್ನೆ ಲೇಸ್ ಬೊಕ್ಕ ಕುರಾನ್ ಓದುನ ಲೇಸ್ ನಡತ್ಂಡ್. ಇಸ್ಲಾಮಿಕ್ ರಸಪ್ರಶ್ನೆಡ್ ಗೆಂದಿನ ಜೋಕುಲೆಗ್ ಇನಾಮು ಕೊರ್ದು ಮಾನಾದಿಗೆ ಮಲ್ತೆರ್. ಅವೆರ್ದ್ ಬೊಕ್ಕ ನಡತಿನ ಸರಳ ಸಭಾ ಲೇಸ್ ಡ್ ಬಿ.ಸಿ.ಎಫ್.ದ ಅಧ್ಯಕ್ಷೆರ್, ಮಾಹ ಪೋಷಕೆರ್ ಡಾ. ಬಿ.ಕೆ.ಯೂಸುಫ್ ಮೆರೆನ ಗುರ್ಕಾರ್ಮೆಡ್ ನಡತ್ಂಡ್.

ಮೇರ್ ಲೇಸ್ ನ್ ಉದ್ದೇಶಿಸಾದ್ ಪಾತೆರ್ದ್, ರಂಜಾನ್ ಪವಿತ್ರ ತಿಂಗೊಲ್ದ ಸಂದೇಶಲೆನ್ ತೆರಿಪಾದ್, ಬಿ.ಸಿ.ಎಫ್. ದ ಕಾರ್ಯ ವೈಖರಿನ್ ವಿವರಿಸಾದ್ ಮಾತೆರ್ಲ ಸಹಕಾರ ಮಲ್ಪೊಡು ಪಂದ್ ಬಿನ್ನಾಪು ಮಲ್ತೆರ್.

ಕರ್ನಾಟಕ ಪರ ಮಾತಾ ತುಳು ಕನ್ನಡ ಸಂಘ ಸಂಸ್ಥೆಲೆನ ಪರವಾದ್ ಕರ್ನಾಟಕ ಸಂಘದ ಅಧ್ಯಕ್ಷೆರ್ ಸತೀಶ್ ಪೂಜಾರಿ ಪಾತೆರ್ದ್, ಸೌಹಾರ್ದಯುತ ಇಫ್ತಾರ್ ಕೂಟಗ್ ಎಡ್ಡೆಪ್ಪು ಬಯಕಿಯೆರ್.

ಈ ಪೊರ್ತುಡು ಮಲ್ಲ ಬಿನ್ನೆರಾದ್ ಬಿ.ಸಿ.ಎಫ್.ದ ಗೌರವ ಮಹಾ ಪೋಷಕೆರ್ ಡಾ.ತುಂಬೆ ಮೊಯ್ದೀನ್ ಮೆರೆನ ಪ್ರತಿನಿಧಿಯಾದ್ ತುಂಬೆ ಗ್ರೂಪ್ ಹಾಸ್ಪಿಟಾಲಿಟಿ ಮ್ಯಾನೇಜರ್ ಫರ್ಹಾದ್, ಅಲ್ ಅಜ್ ತಾಹಾ ಬಾಫಕಿ ತಂಗಳ್ (ಗೌರವಾಧ್ಯಕ್ಷೆರ್ DKSC), ಅಲ್ ಹಾಜ್ ಅಸ್ಗರಲಿ ತಂಗಳ್ ( ಗೌರವಾಧ್ಯಕ್ಷೆರ್ ಕೆಐಸಿ ಯುಎಇ), ಕೆ.ಸಿ.ಎಫ್.ದ ಅಲ್ ಹಾಜ್ ಮೆಹಬೂಬ್ ಸಖಾಫಿ, ಎಮಿರೇಟ್ಸ್ ಗ್ಲಾಸ್ ದ ಜನಾಬ್ ರಿಜ್ವಾನುಲ್ಲಾ ಖಾನ್, ಗಡಿಯಾರ್ ಗ್ರೂಪ್ ದ ಜನಾಬ್ ಇಬ್ರಾಹಿಂ ಗಡಿಯಾರ್, ನಫೀಸ್ ಗ್ರೂಪ್ ಬ ಜನಾಬ್ ಅಬೂಸಾಲಿಹ್, ಮಾಹ ಪೋಷಕೆರ್ ಜೋಸೆಫ್ ಮಥಿಯಾಸ್, ಕರ್ನಾಟಕ ಸಂಘ ಶಾರ್ಜಾದ ಉಪಾಧ್ಯಕ್ಷೆರ್ ನೊವೆಲ್ ಅಲ್ಮೆಡಾ, ಟೆಕ್ನೋಫಿಟ್ ದ ಸಾದಿಕ್, ಭಟ್ಕಳ ಜಮಾತ್ ದ ಮುಅಲ್ಲಿಂ, ಅಶ್ಫಾಕ್ ಸದಾ, IFFCO ದ ಮ್ಯಾನೇಜರ್ ಖಾಲಿದ್, ಬಿಲ್ಲವಾಸ್ ದುಬೈದ ಆನಂದ ಬೈಲೂರು, ದುಬೈ ಕರ್ನಾಟಕ ಸಂಘದ ಉಪಾಧ್ಯಕ್ಷೆರ್ ದಯಾ ಕಿರೋಡಿಯನ್, ದುಬೈ ಲಿಂಗಾಯತೆರೆ ಸಂಘದ ಅಧ್ಯಕ್ಷೆರ್ ಮಲ್ಲಿಕಾರ್ಜುನ ಗೌಡ, ಗಮ್ಮತ್ ಕಲಾವಿದೆರ್ ದುಬೈದ ವಿಶ್ವನಾಥ ಶೆಟ್ಟಿ ಪಾಲ್ ಪಡೆದಿತ್ತೆರ್.

ಬಿ.ಸಿ.ಎಫ್.ದ ಇಫ್ತಾರ್ ಕೂಟ ಸಮಿತಿದ ಅಧ್ಯಕ್ಷೆರ್ ಅಬ್ದುಲ್ ಲತೀಫ್ ಮುಲ್ಕಿ ಬೊಕ್ಕ ಬಿ.ಸಿ.ಎಫ್.ದ ಉಪಾಧ್ಯಕ್ಷೆರ್ ಎಂ.ಈ.ಮೂಳುರು ಪ್ರಾಸ್ತಾವಿಕ ಪಾತೆರಿಯೆರ್.

ಈ ಪೊರ್ತುಡು ಬ್ಯಾರಿಸ್ ಕಲ್ಚರಲ್ ಫೋರಂ ದುಬೈ ಯುಎಇದ ಪದಾಧಿಕಾರಿಲು ಜನಾಬ್ ಬಿ.ಎಮ್. ಮುಮ್ತಝ್ ಅಲಿ, ಅಮಿರುದ್ದಿನ್ ಎಸ್.ಐ, ಆಫೀಖ್ ಹುಸೈನ್ ಚಾವಡಿಡ್ ಇತ್ತೆರ್.

ಸಮದ್ ಬೀರಲಿ, ಶಅಸ್ಲಂ ಕಾರಾಜೆ, ದೇವ್ ಎ ಯಾಕೂಬ್, ನವಾಝ್ ಕೋಟೆಕಾರ್, ಸತ್ತಿಕಲ್ ಸಹೋದರೆರ್, ಅಬ್ದುಲ್ ರೆಹಮಾನ್ ಸಜಿಪ, ಲತೀಫ್ ತಿಂಗಳಾಡಿ, ರಿಯಾಝ್ ಸುರತ್ಕಲ್, ಅಮೀರ್ ಹಳೆಂಗಡಿ, BCF ದ ಮಹಿಳಾ ವಿಭಾಗ ಬೊಕ್ಕ ಮತ ಕೂಟದ ಸದಸ್ಯೆರ್ ಲೇಸ್ ನ್ ಪೊರ್ಲು ಮಲ್ಪುನ ಮುತಾಲಿಕೆಡ್ ಒಯಿಸ್ ದಿತ್ತೆರ್.

ಉಪಾಧ್ಯಕ್ಷೆರ್ ಅಮೀರುದ್ದೀನ್ SI ಸೊಲ್ಮೆ ಸಂದಾಯೆರ್. ಬಿ.ಸಿ.ಎಫ್ ದ ಕಾರ್ಯದರ್ಶಿ ಡಾ.ಕಾಪು ಮಹಮ್ಮದ್ ಮೇರ್ ಎದ್ಕೊಂದು ಲೇಸ್ ನ್ ಸುಧಾರಿಕೆ ಮಲ್ತೆರ್.

ವರದಿ: ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)
ಪೊಟೋ : ಅಶೋಕ್ ಬೆಳ್ಮಣ್ (ದುಬೈ)

Iftar meet – Bearys Cultural of Forum, Dubai, UAE

Dubai: The Bearys Cultural of Forum Dubai UAE had organised a BCF Iftar meet 2023 on April 1st at Dubai. The meet was held at Al Zahid Banquet hall with Kannada and Tulu organization members taking part in the program.

The meet started off with the BCF members and their families taking part in an Islamic quiz competition and with the reading of the Qur’an.Prizes were distributed to the winners in the quiz competition.

The stage program was presided by B K Yousaf the president of BCF.Speaking on the occasion he emphasized the importance of the holy month of Ramzan and requested for the cooperation of the members in all the activities .

Satish Poojary president of Karnataka Sangha conveyed his best wishes on behalf of all the Kannada and Tulu organizations.

The guest of honour was the patron of BCF Dr Tumbe Moideen who was represented by Farhad ,( Tumbe group hospitality manager), Al Aj Taha Bafaki Tangal ( honorary president DKSC, Al Haj Asgarali Tangal( honorary president KIC , UAE) and many other dignitaries participated in the event.