2022

ಮಸ್ಕತ್​​ಡ್ 16ನೇ ವಿಶ್ವ ಕನ್ನಡ ಸಮ್ಮೇಳನ

ಒಮಾನ್: ಡಾ. ರಾಜ್ ಕುಮಾರ್ ವೇದಿಕೆ, ಮಸ್ಕತ್ ಕನ್ನಡ ಸಂಘ ಬೊಕ್ಕ ಹೃದಯವಾಹಿನಿ ಪತ್ರಿಕೆದ ಸಹಭಾಗಿತ್ವಡ್ ಮಸ್ಕತ್​ದ ಅಲ್ ಫಲಾಜ್ ಜಾವಡಿಡ್ ಆಯೋಜನೆ ಮಲ್ತಿನ 16ನೇ ವಿಶ್ವ ಕನ್ನಡ ಸಂಸ್ಕೃತಿ ಸಮ್ಮೇಳನನ್ ರಿಯಲ್ ಸ್ಟಾರ್ ಉಪೇಂದ್ರ ಉದಿಪನ ಮಲ್ತೆರ್.

ಕನ್ನಡಿಗೆರಾಯಿನ ಕೆ.ಪಿ. ಮಂಜುನಾಥ ಸಾಗರ್ ಮೆರೆನ ನೇತೃತ್ವಡ್ ಕರಿನ 16 ವರ್ಷಲೆರ್ದ್ ಜಗತ್ತ್ ದ ಬೇತೆ ಬೇತೆ ರಾಷ್ಟ್ರಲೆಡ್ ಅಟ್ಟಣೆ ಮಲ್ತಿನ ವಿಶ್ವ ಕನ್ನಡ ಸಂಸ್ಕೃತಿ ಸಮ್ಮೇಳನದ 16ನೇ ಸಮ್ಮೇಳನನ್ ಖ್ಯಾತ ವಿದ್ವಾಂಸೆರಾಯಿನ ಪ್ರೊ.ಮಲ್ಲೇಪುರಂ ವೆಂಕಟೇಶ ಮೆರೆನ ಸಮ್ಮೇಳನಾಧ್ಯಕ್ಷತೆಡ್ ಒಮಾನ್ ರಾಷ್ಟ್ರದ ರಾಜಧಾನಿ ಮಸ್ಕತ್ ಡ್ ಅಯೋಜನೆ ಮಲ್ದೆರ್. 67ನೇ ಕರ್ನಾಟಕ ರಾಜ್ಯೋತ್ಸವದ ಅಂಗವಾದ್ ವಿಶ್ವ ಸಂಸ್ಕೃತಿಗ್ ಕನ್ನಡದ ಆರತಿ ಪನ್ಪುನ ವಿನೂತನ ಪರಿಕಲ್ಪನೆಡ್ ಆಯೋಜನೆ ಮಲ್ಪೆರೆ ಆಯಿನ ಲೇಸ್ ಡ್ ಒಮಾನ್ ರಾಷ್ಟ್ರಲೆಡ್ ಇಪ್ಪುನ ಸಾರ ಸಾರ ಕನ್ನಡಿಗೆರ್ ಪಾಲ್ ಪಡೆಯೆರ್. ಲೇಸ್ ನ್ ಉದಿಪನ ಮಲ್ತ್ ದ್, ಅಕೆರಿಗ್ ಮಾಸ್ತ್ ಪ್ರೇಕ್ಷಕೆರೆನೊಟ್ಟಿಗೆ ಸಂವಾದಗ್ ಜತ್ತಿನ ರಿಯಲ್ ಸ್ಟಾರ್ ಉಪೇಂದ್ರ, ಮತೆರ್ಲಾ ಮಾತ ಕ್ಷೇತ್ರಲೆಡ್ ಬದಲಾವಣೆ ಬಯಸುವೆರ್. ಅಂಚನೆ ಯಾನ್ ರಾಜಕೀಯನ್ ಪ್ರಜಾಕೀಯವಾದ್ ಬದಲ್ ಮಲ್ಪರೆ ಸುರುಕು ಕ್ಯಾಶ್ ಲೆಸ್ ಪಾರ್ಟಿ ಪುಟ್ಟದ್ ಪಾಡಿದೆ ಪಂದ್ ಪಂಡೆರ್. ಬೊಕ್ಕ ಸಮ್ಮೇಳನಾಧ್ಯಕ್ಷೆರ್ ಪ್ರೊ.ಮಲ್ಲೇಪುರ ವೆಂಕಟೇಶ್ ಮೇರ್ ಪಾತೆರ್ದ್, ಭಾಷೆ, ಕಲೆ, ಸಾಹಿತ್ಯ, ಸಂಸ್ಕೃತಿ ಮಾತಲ ಇಪ್ಪುನ ಕರ್ನಾಟಕದ ಕನ್ನಡಿಗೆರ್ ಜಗತ್ತ್ ದ ಒವ್ವೇ ಮೂಲೆಡ್ ಇತ್ಂಡಲ ಕನ್ನಡ ಸಂಸ್ಕೃತಿನ್ ಪಸರುನ ಕಜ್ಜೊನ್ ಮಲ್ತೊಂದು ಉಲ್ಲೆರ್. ಅಂಚಿನ ಕಾರ್ಯಗ್ ಮಂಜುನಾಥ ಸಾಗರ್ ನಂಚಿನ ಸಂಘಟಕೆರ್ದ್ ಹೆಚ್ಚದ ಶಕ್ತಿ ಬೈದ್ಂಡ್ ಪಂದ್ ಪಂಡೆರ್. ಸಮ್ಮೇಳನದ ಪ್ರಮುಖ ಆಯೋಜಕೆರ್ ಕೆ.ಪಿ.ಮಂಜುನಾಥ ಸಾಗರ್ ಪಾತೆರ್ದ್, ಕನ್ನಡ ನಾಡ್ ದ ಮಾತ ವರ್ಗದ ಕಲಾವಿದೆರೆಗ್ ಅಂತರರಾಷ್ಟ್ರೀಯ ವೇದಿಕೆಡ್ ಅವಕಾಶ ತಿಕ್ಕೊಡು ಪನ್ಪುನ ಮೂಲ ಉದ್ದೇಶರ್ದ್ ಸುರು ಆಯಿನ ಸಮ್ಮೇಳನ ಇನಿ ಹೆಮ್ಮರವಾದ್ ಮುಂದುವರಿದ್ಂಡ್ ಪಂದ್ ಪಂಡೆರ್. ಕೆ.ಪಿ.ಮಂಜುನಾಥ ಸಾಗರ್ ಮೆರೆನ ನೇತೃತ್ವಡ್ ಕರ್ನಾಟಕರ್ದ್ ಬತ್ತಿನ ಸುಮಾರ್ ಕಲಾವಿದೆರ್, ಗಾಯಕೆರ್ ಬೇತೆ ಬೇತೆ ಪ್ರದರ್ಶನ ಕೊರಿಯೆರ್. ಲೇಸ್ ಡ್ ಕರ್ನಾಟಕ ಸರ್ಕಾರದ ಅನಿವಾಸಿ ಕನ್ನಡಿಗೆರೆನ ಕೋಶದ ಮಾಜಿ ಅಧ್ಯಕ್ಷೆರ್ ಆರತಿ ಕೃಷ್ಣ, ಬಹರೇನ್ ಕನ್ನಡ ಸಂಘದ ಮಾಜಿ ಅಧ್ಯಕ್ಷೆರ್ ಬೊಕ್ಕ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರಾಯಿನ ರಾಜ್ ಕುಮಾರ್ ನ್ ತಮ್ಮನ ಮಲ್ಪರೆ ಆಂಡ್. ನನ ಬರ್ಪುನ ಬಹುಮುಖ ಪ್ರತಿಭೆ ಪ್ರಭಾ ಸುವರ್ಣ ಮೆರೆಗ್ ಮಹಿಳಾ ಸಾಧಕಿ ಸ್ವರ್ಣ ಪ್ರಶಸ್ತಿ ಪ್ರಧಾನ ಮಲ್ಪರೆ ಆಂಡ್. ಮಸ್ಕತ್ ಕನ್ನಡ ಸಂಘದ ಅಧ್ಯಕ್ಷೆರ್ ಎಸ್. ಡಿ ಟಿ. ಪ್ರಸಾದ್, ಕೈತಲ್ ದ ಸರ್ಕಾರದ ಪ್ರತಿನಿಧಿಲು ಸೇರ್ದ್ ಬೇತೆ ಬೇತೆ ಗಣ್ಯೆರ್ ಪಾಲ್ ಪಡೆಯೆರ್.

16 th ‘ Vishwa Kannada Sammelan’ in Muscat

To be arranged jointly with
” Hrudayavahini” ; inaugurated by Real star Upendra

Oman:Dr Rajkumar Vedike, Muscat Kannada Sangha and Hrudayavahini newspaper jointly hosted the 16 th Vishwa Kannada Samskritika Sammelan at Muscat.It was inaugurated by Kannada star Upendra.

Vishwa Kannada Samskritika Sammelan was being organised by Kannadiga
K P Manjunath Sagar from the past 16 years at different places round the world and this year’s program was presided by noted scholar Prof Mallepuram Venkatesh.

Kannadigas residing in Oman and in places nearby participated in a special program ” Aarathi ” held in honour of 67 th year of Karnataka Rajyotsava.

Addressing the gathering after the inauguration Upendra said that change was the essence of life and he had founded a political party UPP with an idealogy to bring proffessionalism in politics with a motto of cashless party (no party fund).

Prof Mallepuram Venkatesh accloded the culture and literature of Karnataka and the Kannadigas who try to bring out the best irrespective of their place of domicile.

Organiser K P Manjunath said that the main aim of these programs was to provide an international platform to the Kannada artists.

Multi talented Prabha Suvarna from Mumbai was presented with ” Mahila Dadaji Suvarna Award”.

SDT Prasad president of Muscat Kannada Sangha , local government officials and a host of dignitaries participated in the program.

ಡಿ.5,6,7: ಮಹತೋಭಾರ ಶ್ರೀ ಕಾರಿಂಜೇಶ್ವರ ದೇವಲ್ಯಡ್ ಅಷ್ಟಮಂಗಳ ಚಿಂತನೆ

ಮಹತೋಭಾರ ಶ್ರೀ ಕಾರಿಂಜೇಶ್ವರ ದೇವಲ್ಯಡ್ ಅಷ್ಟಮಂಗಳ ಚಿಂತನೆ ಡಿ.5, 6, 7, ಕ್ ನಡಪರೆ ಉಂಡು.

ಈ ಲೇಸ್ ಡ್ ನಿಕುಲು ಮಾತ ಪಾಲ್ ಪಡೆದ್, ಸಲಹೆ ಸೂಚನೆ ಬೊಕ್ಕ ಸಹಕಾರನ್ ಕೊರೊಡು ಪಂದ್ ಶ್ರೀ ಕ್ಷೇತ್ರ ಕಾರಿಂಜದ ಗ್ರಾಮಣಿಲು, ತಂತ್ರಿಲು, ಅರ್ಚಕೆರ್, ಸಿಬ್ಬಂದಿ ವರ್ಗದಕುಲು ಬೊಕ್ಕ ಊರುದ ಪತ್ತ್ ಸಮಸ್ತೆರ್ ಬೊಕ್ಕ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ, ಮರೋಳಿ ಸೂರ್ಯನಾರಾಯಣ ದೇವಲ್ಯ ನನ ಸರ್ಕಾರದ ಅಧಿಕೃತ ಪ್ರವಾಸಿ ತಾಣ

ಮುಲ್ಕಿ : ಇತಿಹಾಸ ಬೊಕ್ಕ ಸೌಹಾರ್ದತೆಗ್ ಪುದಾರತಿನ ಮೂಲ್ಕಿದ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯ ಅಂಚೆನೆ ಕುಡ್ಲ ಮರೋಳಿದ ಶ್ರೀ ಸೂರ್ಯ ನಾರಾಯಣ ದೇವಲ್ಯೊಲೆನ್ ಸರಕಾರದ ಪ್ರವಾಸೋದ್ಯಮ ಇಲಾಖೆದಡಿಟ್ ಮಲ್ಲ ಪ್ರವಾಸಿ ತಾಣವಾದ್ ಮಾನ್ಯತೆ ಕೊರ್ತುಂಡು.

ಮುಲ್ಕಿದ ಉದ್ಯಮಿ, ಶಾರದಾ ಇನ್ಫ್ರಾ ಡಿಸೈನ್ಸ್ ಇಂಡಿಯಾ ಪ್ರೈ.ಲಿ. ನೆತ್ತ ಆಡಳಿತ ನಿರ್ದೇಶಕೆರ್ ಜೀವನ್ ಕೆ. ಶೆಟ್ಟಿ ಮೇರ್ ಬಪ್ಪನಾಡ್ ದೇವಲ್ಯನ್ ಪ್ರವಾಸಿ ತಾಣವಾದ್ ಸೇರ್ಪಡೆ ಮಲ್ಪೊಡು ಪಂದ್ ಮಾಜಿ ಮುಖ್ಯಮಂತ್ರಿ ಯಡಿಯೂರಪ್ಪ ಸೇರ್ದ್ ಕೆಲವು ಪ್ರವಾಸೋದ್ಯಮ ಸಚಿವೆರೆಗ್ ಬಿನ್ನಾಪು ಸಂದಾದಿತ್ತೆರ್. ರಾಜ್ಯ ಸರ್ಕಾರ ಪೊಸತ್ತಾದ್ ಒಟ್ಟು 29 ಕ್ಷೇತ್ರಲೆನ್ ಪ್ರವಾಸೋದ್ಯಮ ತಾಣವಾದ್ ಸೇರ್ಪಡೆ ಮಲ್ದ್ಂಡ್. ಆಯಿಟ್ ಬಪ್ಪನಾಡ್ ದೇವಲ್ಯ ಬೊಕ್ಕ ಕುಡ್ಲ ಮರೋಳಿದ ಸೂರ್ಯನಾರಾಯಣ ದೇವಲ್ಯ ಸೇರ್ದ್ಂಡ್. ಬಪ್ಪನಾಡ್ ದೇವಲ್ಯನ್ ಪ್ರವಾಸಿತಾಣವಾದ್ ಸೇರ್ಪಡೆ ಮಲ್ಪುನೆಟ್ ಪ್ರಮುಖವಾದ್ ಬೆಂದಿನ ಮುಲ್ಕಿ ಜೀವನ್ ಶೆಟ್ಟಿ ಮೆರೆಗ್ ವ್ಯಾಪಕ ಪ್ರಶಂಸೆ ವ್ಯಕ್ತ ಆತ್ಂಡ್.

ಕಂಬುಲೊಗು ಕುಡ ಬೈದ್ಂಡ್ ಕುತ್ತು, ಪೆಟಾ ಅರ್ಜಿದ ವಿರುದ್ಧ ಸುಪ್ರೀಂ ಕೊರ್ಟುಗು ಮೇಲರ್ಜಿ

ಪುತ್ತೂರ್: ತುಳುನಾಡ್ದ ಕಂಬುಲಗ್ ಕುಡೊರ ಕುತ್ತು ಬರ್ಪಿಲೆಕ ಉಂಡು. ಕಂಬುಲ ನಿಷೇಧ ಮಲ್ಪೊಡು ಪಂದ್ ಪ್ರಾಣಿ ದಯಾ ಸಂಘ (ಪೆಟಾ)ದಕುಲು ಕುಡ ಸುಪ್ರೀಂಕೋರ್ಟ್ ಗು ಅರ್ಜಿ ಪಾಡ್ದೆರ್. ಈ ಬಗೆಟ್ ತೆರಿನ ಉಬಾರ್ ವಿಜಯ ವಿಕ್ರಮ ಜೋಡು ಕರೆ ಕಂಬುಲ ಸಮಿತಿದ ಅಧ್ಯಕ್ಷೆರಾಯಿನ ಅಶೋಕ್ ಕುಮಾರ್ ರೈ ಮೇರ್ ಕಂಬುಲೊನು ಒರಿಪಾವುನ ನಿಲೆಟ್ಟ್ ಸುಪ್ರೀಂ ಕೋರ್ಟುದ ಸಾಂವಿಧಾನಿಕ ಪೀಠೊಗು ಮೇಲರ್ಜಿ ಪಾಡ್ದೆರ್.

ಕಂಬುಲದ ಅಭಿಮಾನಿ ಅಂಚೆನೆ ಕೋಡಿಂಬಾಡಿ ರೈ ಎಸ್ಟೇಟ್ ಧಣಿ ಆಯಿನ ಅಶೋಕ್ ರೈಕುಲು ಸಂದಾಯಿನ ಮೇಲ್ಮನವಿ ಅರ್ಜಿದ ವಿಚಾರಣೆ ಸುಪ್ರೀ‌ಂಕೋರ್ಟ್ ದ ಸಾಂವಿಧಾನಿಕ ಪೀಠಡ್ ನ.29ಗು ನಡಪರೆ ಉಂಡು. ಅಶೋಕ್ ರೈ ಮೆರೆನ ಪರವಾದ್ ಪುಗರ್ತೆದ ವಕೀಲೆರ್ ಸಂಜಯ್ ನೂಲಿ ವಾದ ಮಲ್ಪೆರೆ ಉಲ್ಲೆರ್. “ಕಂಬುಲ ಕೂಟಡ್ ಪ್ರಾಣಿ ಹಿಂಸೆ ನಡತೊಂದು ಉಂಡು. ಅಯಿರ್ದಾವರ ಕಂಬುಲ ಆಯೋಜನೆಗ್ ನಿಷೇಧ ಪಾಡೊಡು” ಪಂದ್ ಪ್ರಾಣಿ ದಯಾ ಸಂಘ ನಿರಂತರವಾದ್ ಪೊರ್ಂಬಾಟ ಮಲ್ತೊಂದು ಉಂಡು. ನೆತ್ತ ವಿರುದ್ಧ ಅಶೋಕ್ ರೈ ಮೇರ್ ಕಾನೂನು ಪೊರ್ಂಬಾಟ ನಡಪಾವೊಂದು ಉಲ್ಲೆರ್. ನೇರ್ದ್ ಪಿರವು ರಾಷ್ಟ್ರಪತಿಕ್ಕುಲು ಸುಗ್ರೀವಾಜ್ಞೆ ಮುಖೇನ ಕಂಬುಲ ಕೂಟಗ್ ಅವಕಾಶ ಕೊರ್ದಿತ್ತೆರ್. ಅಯಿರ್ದ್ ಬೊಕ್ಕ ತುಳುನಾಡ್ ಡ್ ಕಂಬುಲ ಕೂಟ ನಡತೊಂದು ಉಂಡು. ಪೆಟಾ ಅರ್ಜಿದ ವಿರುದ್ಧ ಮೇಲ್ಮನವಿ ಕೊರಿನ ಅಶೋಕ್ ಕುಮಾರ್ ರೈಕುಲು, ಕಂಬುಲ ಕೂಟಗ್ ಪ್ರಾಚೀನ ಇತಿಹಾಸ ಉಂಡು. ಕಂಬುಲಡ್ ಎರ್ಲೆಗ್ ಹಿಂಸೆ ಆಪುಜಿ.ಅವೆನ್ ಜೋಕುಲೆಲೆಕ್ಕ ಮೋಕೆಡ್ ಸಾಂಕುವ. ಅಂಚಾದ್ ಕಂಬುಲಗ್ ನಿಷೇಧ ಪಾಡರೆ ಬಲ್ಲಿ ಪಂದ್ ಸುಪ್ರೀಂ ಕೋರ್ಟ್ ಗು ರಿಟ್ ಸಂದಾದೆರ್.

ಸೌದಿ ಅರೇಬಿಯಾದ ಫುಟ್‍ಬಾಲ್ ತಂಡಡ್ ಗೊಬ್ಬುನಕ್ಲೆಗ್ ರೋಲ್ಸ್ ರಾಯ್ಸ್ ಗಿಫ್ಟ್ ಘೋಷಣೆ ಮಲ್ತಿನ ಸರ್ಕಾರ

ಕತಾರ್: ಫಿಫಾ ಫುಟ್‍ಬಾಲ್ ವಿಶ್ವಕಪ್‍ಡ್ ಅರ್ಜೆಂಟೀನಾ ವಿರುದ್ಧ ಗೆಂದಿನ ಸೌದಿ ಅರೇಬಿಯಾದ ಗೊಬ್ಬುಗಾರೆರೆಗ್ ಇನಾಮು ಕೊರ್ಪ ಪಂದ್ ಸೌದಿ ಅರೇಬಿಯಾ ಸರ್ಕಾರ ಘೋಷಣೆ ಮಲ್ದ್ಂಡ್.

ಲಿಯೋನೆಲ್ ಮೆಸ್ಸಿ ಸಾರಥ್ಯದ ಅರ್ಜೆಂಟೀನಾ ವಿರುದ್ಧ 2-1 ಗೋಲುಲೆನ ಅಂತರಡ್ ಗೆಂದಿನ ಸೌದಿ ಅರೇಬಿಯಾ ತಂಡಡ್ ಇಪ್ಪುನ ಗೊಬ್ಬುಗಾರೆರೆಗ್ ರೋಲ್ಸ್ ರಾಯ್ಸ್ ಫ್ಯಾಂಟಮ್ ಕಾರ್ ನ್ ಇನಾಮ್ ಆದ್ ಕೊರ್ಪ ಪಂದ್ ಸರ್ಕಾರ ತೆರಿಪಾದ್ಂಡ್.

ಶಾಲೆ ಕಾಲೇಜ್ ಡ್ ಧ್ಯಾನ: ಕೇಂದ್ರ ಸರಕಾರರ್ದ್ ಮಹತ್ವದ ನಿರ್ಧಾರ

ಬೆಂಗ್ಲೂರ್: ಶಾಲೆ- ಕಾಲೇಜ್ ಡ್ ಧ್ಯಾನ ಮಲ್ಪಾವುನ ಮಹತ್ವದ ನಿರ್ಧಾರನ್ ಕೇಂದ್ರ ಸರ್ಕಾರ ದೆತೊಂದುಂಡು.

75 ನೇ ಸ್ವಾತಂತ್ರ್ಯ ದಿನಾಚರಣೆದ ಅಮೃತ ಉಚ್ಚಯದ ನೆಂಪುಗು ಕೇಂದ್ರ ಸರ್ಕಾರ ಈ ಮಹತ್ವದ ನಿರ್ಧಾರ ಮಲ್ದ್ಂಡ್. ನನ ದುಂಬುಗ್ ದೇಶದ ಮಾತ ವಿಶ್ವವಿದ್ಯಾಲಯಲು ಪದವಿ ಕಾಲೇಜ್ ಲೆಡ್ ಧ್ಯಾನ ಮಲ್ಪುಲೆಕ್ಕ ಯುಜಿಸಿ ಕಾರ್ಯದರ್ಶಿ ಪ್ರೊ. ರಜನೀಶ್ ಜೈನೆರ್ ಪತ್ರ ಬರೆತೆರ್. ಕೇಂದ್ರ ಸಂಸ್ಕೃತಿ ಇಲಾಖೆ ಧ್ಯಾನ ಮಲ್ಪುನ ನಿಟ್ಟ್ ಡ್ ಆರ್ಟ್ ಆಫ್ ಲಿವಿಂಗ್ ಸಂಸ್ಥೆದೊಟ್ಟಿಗೆ ಒಪ್ಪಂದ ಮಲ್ದ್ಂಡ್. ವಿಶ್ವವಿದ್ಯಾಲಯಲು, ಪದವಿ ಕಾಲೇಜ್ ಲೆಡ್ ಹರ್ ಘರ್ ಧ್ಯಾನ ಅಭಿಯಾನ ನಡಪಾಯೆರೆ ನಿರ್ಧಾರ ದೆತೊಂದುಂಡು. ಈ ಅಭಿಯಾನಗ್ ಕಾಲೇಜ್ ವಿದ್ಯಾರ್ಥಿಲು ಒವ್ವೇ ಶುಲ್ಕ ಕಟ್ಟೊಡು ಪಂದ್ ಇಜ್ಜಿ. ಆರ್ಟ್ ಆಫ್ ಲಿವಿಂಗ್ ಫೌಂಡೇಶನ್ ಅಭಿವೃದ್ಧಿ ಪಡಿಸಾಯಿನ ಧ್ಯಾನದ ಮಾದರಿ ಸುರು ಮಲ್ಪರೆ ಯುಜಿಸಿ ಸಂಸ್ಥೆಲೆಗ್ ಸೂಚನೆ ಕೊರ್ತುಂಡು.

ಕಾರ್ಲ: ಸಾಹಿತಿ, ಬರವುಗಾರೆ ಕೇವಿನ್ ಡಿಮೆಲ್ಲೋ ಆತ್ಮಹತ್ಯೆ

ಕಾರ್ಲ: ಸಾಹಿತಿ,ಬರವುಗಾರೆ ಕೇವಿನ್ ಡಿಮೆಲ್ಲೋ ತನ್ನ ಇಲ್ಲಲ್ ಆತ್ಮಹತ್ಯೆ ಮಲ್ತೊಂದೆರ್.

ಮೇರ್ ಸುಮಾರ್ ಮದ್ಯವರ್ಜನ ಶಿಬಿರಲೆಡ್ ಸಂಪನ್ಮೂಲ ವ್ಯಕ್ತಿಯಾದ್ ಪಾಲ್ ಪಡೆತೆರ್. ಬೊಕ್ಕ ಸುಮಾರ್ ಕೊಂಕಣಿ ಬರವುಲೆನ ಮುಖೇನ ಪುದರ್ ಪಡೆತೆರ್. ಕಾರ್ಲ ಕ್ರೈಸ್ಟ್ ಕಿಂಗ್ ಶಾಲೆದ ಆಡಳಿತಾಧಿಕಾರಿಲ ಆದಿತ್ತೆರ್. ಸಾಹಿತ್ಯಕ್ಕಾದ್ ಸುಮಾರ್ ಪ್ರಶಸ್ತಿಲೆನ್ ಪಡೆತೆರ್. ಆಂಡ ಮೆರೆನ ಸಾವುಗ್ ಸರಿತ ಕಾರಣ ನನಲ ತೆರಿದ್ ಬೈದಿಜಿ. ಈ ಬಗೆಟ್ ಕಾರ್ಲ ಪೇಂಟೆದ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್. ಪೊಲೀಸೆರ್ ತನಿಖೆ ಮಲ್ತೊಂದು ಉಲ್ಲೆರ್.

ಡಿ. 17: ಕೊಕ್ಕಡಡ್ ಕೋರಿ ಜಾತ್ರೆ

ಭಕ್ತೆರೆನ ಆರೋಗ್ಯ ಸಿದ್ಧಿದೊಟ್ಟಿಗೆ ಇಷ್ಟಾರ್ಥ ಈಡೇರಿಸಾವುನ ಬೊಕ್ಕ ಕೈಕಂಜಿಲೆಗ್ ಬರ್ಪಿನ ಸೀಕ್ ಲೆನ್ ಗುಣ ಮಲ್ಪುನ ತುಳುನಾಡ್ ದ ವಿಶಿಷ್ಟ ಆಚರಣೆಲೆಡ್ ಒಂಜಾಯಿನ ಕೊಕ್ಕಡ ಕೋರಿ ಜಾತ್ರೆ.

ತುಳುನಾಡ್ ದ ಕೆಲವು ಕಡೆ ನಡಪುನ ಕೋರಿ ಜಾತ್ರೆ ಕೈತಲ್ ದ ದೈವಲೆನ ಚಾವಡಿಡ್ ನಿರ್ದಿಷ್ಟ ಇಲ್ಲದಕುಲೆನ ಒಟ್ಟುಸೇರಿಗೆಡ್ ನಡಪುನ ಆಂಡಲ ಕೊಕ್ಕಡದ ಕೋರಿ ಜಾತ್ರೆ ಸ್ವರೂಪನೇ ಬೇತೆ. ಮುಲ್ಪದ ಅಧಿದೇವತೆ ಶ್ರೀವೈದ್ಯನಾಥ ಬೊಕ್ಕ ವಿಷ್ಣುಮೂರ್ತಿ ದೇವೆರ್. ಕೊಕ್ಕಡ ಕೋರಿಡ್ ಕಂಡಡ್ ಸುರುಕು ಉಳುಮೆ ಮಲ್ತ್ ದ್ ಹದ ಮಲ್ಪುವೆರ್. ದುಂಬುದ ಕಾಲೊಡ್ ಜಾತ್ರೆಗ್ ಒಂಜಿ ತಿಂಗೊಲ್ ದುಂಬೇ ಕೊಕ್ಕಡ ಸೀಮೆಗ್ ಉಲಯಿ ಇಪ್ಪುನ ಪ್ರತಿ ಗ್ರಾಮಲೆನ ಇಲ್ಲ ಇಲ್ಲಗ್ ಕೋರಿ ಜಾತ್ರೆಗ್ ದೈವದ ವೇಷ ಪಾಡ್ದ್ ಲೆಪ್ಪುನ ಸಂಪ್ರದಾಯ ಇತ್ಂಡ್. ವೇಷದೊಟ್ಟಿಗೆ ದೋಲು ಬೊಟ್ಟೊಂದು ಬೇತೆನೇ ಒಂಜಿ ತಂಡ ಊರಿಡೀ ತಿರುಗುಂಡು. ಕೊರಗ ದೈವಗ್ ಕೃಷಿ ಬೊಕ್ಕ ಕೈಕಂಜಿಗ್ ಸಂಬಂಧ ಪಟ್ಟಿನ ಪರಕೆ ಪನ್ದ್ ಅವೆನ್ ಸಂದಾವುನ ಪದ್ಧತಿ ಉಂಡು.

ಜಾತ್ರೆದ ದುಂಬುನಾನಿ ಬಯ್ಯಗ್ ಕಂಬುಲದ ಕಂಡಗ್ ಪೇರ್ ಪಾಡ್ದ್ ಕಂಡದ ಸುತ್ತ ಕೋಲ್ತಿರಿ ಪೊತ್ತಾದ್ ಅಲಂಕಾರ ಮಲ್ಪುವೆರ್. (ವಸಯ) ಮನದಾನಿ ಬೊಲ್ಪುಗು ದೂರದ ಊರುರ್ದ್ ಬತ್ತಿನ ಭಕ್ತೆರ್ ಪರಕೆದ ತೊಪ್ಪುನು ದೇವೆರೆನ ಕಂಡಗ್ ಪಾಡುವೆರ್. ಗುತ್ತುದ ಇಲ್ಲರ್ದ್ ಅಲಂಕಾರ ಮಲ್ತಿನ ಬಸವೆ ಬೊಕ್ಕ ಎರ್ಲೆನೊಟ್ಟಿಗೆ ಪ್ರತಿ ಊರುರ್ದು ಪರಕೆ ಪನ್ದ್ ಬತ್ತಿನ ಕೈಕಂಜಿಲೆನ್ ದೇವಲ್ಯಗ್ ಕನತ್ ದ್ ಬೊಕ್ಕ ದೇವೆರೆನ ಕಂಡಗ್ ವಾದ್ಯ ಘೋಷದೊಟ್ಟಿಗೆ ಕನಪೆರ್. ಗುತ್ತುದ ಬೋರಿಲೆನ್ ಸುರುಕು ಜಪ್ಪಾದ್ ಬೊಕ್ಕ ಬೇತೆ ಕೈಕಂಜಿಲೆನ್ ಒಂಜಿ ಬರಿರ್ದ್ ಕುಡೊಂಜಿ ಬರಿಕ್ ಬಲಿಪಾವೆರ್. ಹುಷಾರ್ ಇಜ್ಜಂದಿನ ಕಾರಣ ಪರಕೆ ಪಂಡಿನ ಜನ ಸೊಪ್ಪುದ ಕಟ್ಟನ್ ತರೆಟ್ ದೀದ್ ಒಂಜಿ ಸುತ್ತು ಬತ್ ದ್ ಕಂಡಗ್ ಪಾಡ್ದ್ ಕಂಡದ ನೀರ್ ನ್ ತೀರ್ಥ ಪಂದ್ ಪರ್ದ್, ಪ್ರೋಕ್ಷಣೆ ಮಲ್ಪರೆ ಕೆಲವು ದೂರದ ಊರುರ್ದ್ ಬರ್ಪೆರ್. ನಾಗಬ್ರಹ್ಮ ದೈವಲೆನ ಮುಡಿಯಾದ್ ಕಂಡಗ್ ಒಂಜಿ ಸುತ್ತು ಪಾಡ್ದ್ ವ್ಯವಸ್ಥೆ ಸರಿ ಆತ್ಂಡ್ ಪಂದ್ ತೆರಿವೊನ್ನ ದೈವಲು ದೇವಲ್ಯರ್ದ್ ರಡ್ಡ್ ದೇವೆರೆಲೆನ್ ಮೆರವಣಿಗೆಡ್ ಎದುರು ಉಂತುದು ಲೆತೊಂದು ಬನ್ನಗ ತಾದಿ ಉದ್ದಲ ಜನ ಕಾತೊಂದು ಇಪ್ಪುವೆರ್. ಕಂಡದ ಎದುರು ಇಪ್ಪುನ ಜಾಗೆ ಭಂಡಾರಿ ಮಜ ಪಂದೇ ಪ್ರಸಿದ್ಧಿ ಆತ್ಂಡ್. ಮುಲ್ಪದ ಕಟ್ಟೆಡ್ ದೇವೆರ್ ಕುಲ್ಲಿನೊಟ್ಟಿಗೆ ಕಂಡದ ನಡು ಭಾಗಡ್ ನಾಗಬ್ರಹ್ಮನ ಕುರುಹಾದ್ ಎತ್ತರದ ಪೂವುರ್ದ್ ಅಲಂಕರ ಮಲ್ತಿನ ತೇರ್ ನ್ (ಪೂಕರೆ) ಉಂತಾದ್ ದೇವರೆಗ್ ಪೂಜೆ ನಡಪುಂಡು. ಅಂಚನೆ ಈ ಸರ್ತಿ ನಡೆಪುನ ಕೋರಿ ಜಾತ್ರೆ ಡಿ. 17 ಶನಿಯಾರದಾನಿ ನಡಪುಂಡು.

9 ಬೊಕ್ಕ 10ನೇ ಕ್ಲಾಸ್ ನನ ಪ್ರೌಢಶಿಕ್ಷಣ ಅತ್ತ್ , ಪ್ರಾಥಮಿಕ ಶಿಕ್ಷಣ ಕ್ಲಾಸ್

ಬೆಂಗ್ಲೂರ್: ಈತ್ ದಿನ 9 ಬೊಕ್ಕ 10ನೇ ಕ್ಲಾಸ್ ನ್ ಪ್ರೌಢ ಶಿಕ್ಷಣ ಆದಿತ್ತ್ಂಡ್. ಆಂಡ ನನ ದುಂಬು 9 ಬೊಕ್ಕ 10ನೇ ಕ್ಲಾಸ್ ಲೆನ್ ಪ್ರಾಥಮಿಕ ಶಿಕ್ಷಣದ ಆಪುಂಡು.

ಈ ಬಗೆಟ್ ಸಾರ್ವಜನಿಕ ಶಿಕ್ಷಣ ಇಲಾಖೆ ಜ್ಞಾಪಕ ಪತ್ರ ಬುಡುಗಡೆ ಮಲ್ತೆರ್. ಈ ಜ್ಞಾಪಕ ಪತ್ರದ ಪ್ರಕಾರ ಕರ್ನಾಟಕ ಶಿಕ್ಷಣ ಸಂಸ್ಥೆಲೆನ, (ವರ್ಗೀಕರಣ, ನಿಯಂತ್ರಣ, ಪಠ್ಯಕ್ರಮ) ನಿಯಮ 1995 ತಿದ್ದುಪಡಿ ನಿಯಮ-2022 ಟ್ ಈ ನಿಯಮದ ಪ್ರಕಾರ ನೋಂದಣಿ ಬೊಕ್ಕ ಮಾನ್ಯತೆಗ್ ಮಾತ್ರ 9 ಬೊಕ್ಕ 10ನೇ ಕ್ಲಾಸ್ ಲು ಪ್ರಾಥಮಿಕ ಶಿಕ್ಷಣದ ದುಂಬುದ ಶಿಕ್ಷಣ ಪಂದ್ ನಿಯಮಲೆಡ್ ತಿದ್ದುಪಡಿ ಮಲ್ಪರೆ ಆತ್ಂಡ್ ಪಂದ್ ತೆರಿಪಾದೆರ್.