ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿರ್ದ್ ಶ್ರೀ ದೇವಿ ಮಹಾತ್ಮೆ ಯಕ್ಷಗಾನ ಬಯಲಾಟ ಡಿ.8 ಗುರುವಾರದಾನಿ ರಾತ್ರೆ 8 ಗಂಟೆಗ್ ಪಾಲಡ್ಕ ಗ್ರಾಮದ ಕೇಪುಲ್ (ನ್ಯೂ ದರ್ಖಾಸ್) ಇಲ್ಲಲ್ ಪಾಡಿನ ರಂಗಮಂಟಪಡ್ ನಡಪರೆ ಉಂಡು.
ಈ ಲೇಸ್ ಗ್ ನಿಕುಲು ಮಾತ ಬತ್ ದ್, ಶ್ರೀ ದೇವೆರೆನ ಪ್ರಸಾದ ದೆತೊಂದು, ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಕೇಪುಲ್ ಇಲ್ಲ್ ಪಾಲಡ್ಕದ ವಸಂತಿ ಬೊಕ್ಕ ದಿನೇಶ ಸಾಲ್ಯಾನ್, ಬೊಕ್ಕ ರಕ್ಷಿತಾ ಲೆಪ್ಪೋಲೆಡ್ ತೆರಿಪಾದೆರ್.
ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿರ್ದ್ ಶ್ರೀ ದೇವಿ ಮಹಾತ್ಮೆ ಯಕ್ಷಗಾನ ಬಯಲಾಟ ನ.27 ಐತಾರದಾನಿ ರಾತ್ರೆ 8 ಗಂಟೆಗ್ ಪಾಲಡ್ಕ ಗ್ರಾಮದ ಪೊಸಲಾಯಿ ಇಲ್ಲ್ ಬಾಕಿಮಾರ್ ಕಂಡಡ್ ಪಾಡಿನ ರಂಗಮಂಟಪಡ್ ನಡಪರೆ ಉಂಡು.
ಈ ಲೇಸ್ ಗ್ ನಿಕುಲು ಮಾತ ಬತ್ ದ್, ಶ್ರೀ ದೇವೆರೆನ ಪ್ರಸಾದ ದೆತೊಂದು, ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಪೊಸಲಾಯಿ ಇಲ್ಲ್ ಪಾಲಡ್ಕದ ಸುಶೀಲಾ ಪೂಜಾರಿ ಬೊಕ್ಕ ಜೋಕುಲು ಲೆಪ್ಪೋಲೆಡ್ ತೆರಿಪಾದೆರ್.
ಬ್ರಹ್ಮ ಶ್ರೀ ನಾರಾಯಣ ಗುರು ಸೇವಾ ಸಂಘ (ರಿ)ಕಡಂದಲೆ-ಪಾಲಡ್ಕ ಮಹಿಳಾ ಘಟಕದ ಅಧ್ಯಕ್ಷೆರೆನ ಬೊಕ್ಕ ಉಪಾಧ್ಯಕ್ಷೆರೆನ, ಸದಸ್ಯರೆನ ಪದಾಧಿಕಾರಿಲೆನ ಪದಗ್ರಹಣ ಲೇಸ್ ಇಂಚೊಗು ಬಿಲ್ಲವ ಸಂಘದ ವಠಾರಡ್ ನಡತ್ಂಡ್.
ಅಧ್ಯಕ್ಷೆರಾದ್ ಸೌಮ್ಯ ಗಣೇಶ್ ಕೋಟ್ಯಾನ್, ಉಪಾಧ್ಯಕ್ಷೆರಾದ್ ಲೀಲಾ ಆನಂದ್, ಕಾರ್ಯದರ್ಶಿ ಆದ್, ಪೂಜಾ ಉದಯ್, ಜೊತೆ ಕಾರ್ಯದರ್ಶಿ ಯಾದ್ ಜ್ಯೋತಿ ಸೀತಾರಾಮ್, ಕೋಶಾಧಿಕಾರಿಯಾದ್ ಶರ್ಮಿಳಾ ಕೇಶವ್ ಆಯ್ಕೆ ಆತೆರ್. ಸಂಘದ ಉಪಾಧ್ಯೆಕ್ಷೆರ್ ಲೀಲಾಧರ್ ಪೂಜಾರಿ ದೀಪ ಅರ್ಲಾಯೆರ್. ಅಜಯ್ ಪ್ರಾರ್ತನೆ ಮಲ್ತೆರ್. ವಸಂತಿ ಜಗದೀಶ್ ನಿರೂಪಣೆನ್ ಮಲ್ತೆರ್. ಪದಾಧಿಕಾರಿಲೆನ ಪರಿಚಯನ್ ಪಾವನ ಸಂತೋಷ್ ತೆರಿಪಾಯೆರ್.
ಈ ಪೊರ್ತುಡು ಪದ್ಮನಾಭ ಅಮೀನ್ ಬೊಕ್ಕ ನಾರಾಯಣ ಪೂಜಾರಿ ಕೊರಂಗಲು, ಗೌರವ ಸಲಹೆಗಾರೆರ್ ಬಿಲ್ಲವ ಸಂಘ ಬೊಕ್ಕ ಜಗದೀಶ್ ಕಲ್ಲೋಟ್ಟು ಸದಸ್ಯೆರ್, ಬಿಲ್ಲವ ಸಂಘ ಭಜನಾ ಮಂಡಳಿದ ಅಧ್ಯಕ್ಷೆರ್ ಶಿವರಾಮ್ ಇತ್ತೆರ್.
ಅಪ್ಪೆ ಆದಿ ಧೂಮಾವತಿ ಬೊಕ್ಕ ದೇಯಿ ಬೈದೆತಿನ ಪುದರ್ ಡ್ ಪೊಸ ಯಕ್ಷಗಾನ ಮೇಳ ಪಿದಾಡುನ ಈ ಪೊರ್ತುಡು ಕ್ಷೇತ್ರೊಗು ಪೊಸ ಕಳೆ ಬೈದ್ಂಡ್. ಜನಕ್ಲೆಡ ಭಕ್ತಿ ಭಾವ ನನಾತ್ ಉರ್ಕರೊಂದುಂಡು. ಭಾರಿ ಸಂಖ್ಯೆಡ್ ಭಕ್ತೆರ್ ಕ್ಷೇತ್ರೊಗು ಬರೊಂದುಲ್ಲೆರ್. ದೇಯಿ ಬೈದ್ಯೆತಿ ಸಮಾಧಿಲ ಸೇರ್ದ್ ಇಡೀ ಗೆಜ್ಜೆಗಿರಿ ನಂದನ ಬಿತ್ತ್ ಲ್ ಬಣ್ಣ ಬಣ್ಣದ ವಿದ್ಯುತ್ ಬೊಲ್ಪುಲೆರ್ದ್ ಮಿನ್ಕೊಂದುಂಡು.
ಗೆಜ್ಜೆಗಿರಿಟ್ ಇಪ್ಪುನ ದೇಯಿ ಬೈದ್ಯೆತಿ ಸಮಾಧಿಗ್ 450 ವರ್ಷದ ಇತಿಹಾಸ ಉಂಡು. ಪಡುಮಲೆತ್ತ ಅರಸು ಬಳ್ಳಾಲೆರೆನ ಕಾರ್ ಗ್ ಮರ್ದ್ ಕೊರಿಯರೆ ಪಂದ್ ಗೆಜ್ಜೆಗಿರಿತ್ತ ಇಲ್ಲರ್ದ್ ಪೋಯಿನ ಬಂಜಿನಾರ್ ದೇಯಿ ಬೈದ್ಯೆತಿ ನಾಟಿ ವೈದ್ಯದ ಮುಖೇನ ಬಳ್ಳಾಲ್ರೆನ ಕಾರ್ ಗುಣಮಲ್ತ್ ದ್ ಜೂವ ಒರಿಪಾವೆರ್. ಅರಸುಲು ಗುಣಮುಖ ಆಯಿನ ಬೊಕ್ಕ ದೇಯಿ ಬೈದ್ಯೆತಿ ತನ್ನ ಇಲ್ಲಗ್ ಪಿರ ಪಿದಾಡಿನ ಪೊರ್ತುಡು ಪೆದ್ದುನ ಬಂಜಿ ಬೇನೆ ಬತ್ತಿನ ಕಾರಣ ಬಳ್ಳಾಲೆರೇ ದುಂಬು ಉಂತುದು ಬೇಲೆದಕ್ಲೆಡ ಪೆದ್ಪಾವುನ ವ್ಯವಸ್ಥೆ ಮಲ್ಪುವೆರ್. ಅಮರ್ ಜೋಕುಲೆಗ್ ಜನ್ಮ ಕೊರ್ನ ಬೊಕ್ಕ 16ನೇ ದಿನನೇ ದೇಯಿ ಬೈದ್ಯೆತಿ ಬೂಡುದ ಕೈತಲ್ ದ ಕೆರೆಟ್ಟ್ ಬೂರ್ದು ಆಕಸ್ಮಿಕವಾದ್ ತೀರ್ ಪೋಪೆರ್. ಇಸಯ ತೆರಿದ್ ಅಣ್ಣೆ ಸಾಯನ ಬೈದ್ಯೆರ್ ಮೆಗ್ದಿನ ಸರೀರೊನು ಗೆಜ್ಜೆಗಿರಿತ್ತ ಇಲ್ಲಗ್ ಕನತ್ ದ್ ಮಣ್ಣ್ ಮಲ್ಪುವೆರ್. ಒಂತೆ ಸಮಯೊರ್ದು ಬೊಕ್ಕ ಅಮರ್ ಜೋಕುಲೆನ್ ಲ( ಕೋಟಿ ಚೆನ್ನಯೆರ್) ಕುಡ ಇಲ್ಲಗ್ ಕನತ್ ದ್ ತಾಂಕ್ ವೆರ್. ಅಪ್ಪೆ ಬೊಕ್ಕ ಮಾಮುನ ಇಲ್ಲ್ ಆಯಿನ ಗೆಜ್ಜೆಗಿರಿಟ್ ಜೋಕುಲು ಬುಲೆದ್ ಮಲ್ಲ ಆಯೆರ್. ಅವ್ವೇ ಇಲ್ಲ್ ಅಕ್ಲೆನ ಪಾಲ್ ಗ್ ಸ್ವಂತ ಇಲ್ಲ್ ಕುಟುಂಬದ ಇಲ್ಲ್ ಆದ್ ಉಂಡು.
ಉಜಿರೆ : ಧರ್ಮಸ್ಥಳ ಸಿದ್ಧವನ ಮಾರ್ಗದ ತಿರ್ಗೋಸ್ ಡ್ ಗಾಡಿಯೊಂಜಿ ಅಡ್ಡ ಬೂರ್ದು 6 ಜನಕ್ಕ್ ಗಾಯ ಆಯಿನ ಘಟನೆ ಸನಿಯಾರ ಬಯ್ಯಡ್ ನಡತ್ಂಡ್.
ಚಿಕ್ಕಬಳ್ಳಾಪುರೊರ್ದು ಪ್ರಯಾಣಿಕೆರೆನ್ ಲೆತೊಂದು ಧರ್ಮಸ್ಥಳೊಗು ಬತ್ತಿನ ಟಾಟಾ ಸುಮೊ ಓವರ್ ಸ್ಪೀಡ್ ದ ಕಾರಣ ಅಡ್ಡ ಬೂರ್ದುಂಡು. ಗಾಡಿಡಿತ್ತಿನಕ್ಲೆಗ್ ಎಲ್ಯಮಟ್ಟ್ ದ ಪೆಟ್ಟ್ ಆತ್ಂಡ್. ಆಂಡ ಮಾತೆರ್ಲ ಹುಷಾರ್ ಉಲ್ಲೆರ್.
(ವರದಿ : ಶ್ರೇಣಿಕ್ ಬಲ್ಲಾಳ್)
ಗೆಜ್ಜೆಗಿರಿ ನಂದನ ಬಿತ್ತಿಲ್ ಪನ್ಪುನ ಪುದರ್ ಕೇನ್ನಗ ಮೈ ರೋಮಾಂಚನ ಆಪುಂಡು. ಕ್ಷೇತ್ರದ ಇತಿಹಾಸನ್ ಕೇನ್ನಗ ಅಮರ್ ವೀರಪುರುಷೆರೆನ ಮೂಲಸ್ಥಾನ ಒವು ಪನ್ಪುನ ಪ್ರಶ್ನೆಗ್ ಉತ್ತರ ತಿಕ್ಕುಂಡು. ಅಂಚಿನ ಪುಣ್ಯ-ಪವಿತ್ರ ಭೂಮಿಡ್ ದೇಯಿ ಬೈದ್ಯೆತಿ– ಕೋಟಿ-ಚೆನ್ನಯೆರೆನ ಭವ್ಯ ಆಲಯ ನಿರ್ಮಾಣ ಆತ್ಂಡ್.
ಈ ಕ್ಷೇತ್ರದ ನಿರ್ಮಾಣ-ಬ್ರಹ್ಮಕಲಶ ಕಾರ್ಯ ಇಡೀ ತುಳುನಾಡ್ ದ ಧಾರ್ಮಿಕ ಪರಂಪರೆಡೇ ಪೊಸ ಇತಿಹಾಸ ಸೃಷ್ಟಿ ಮಲ್ದ್ಂಡ್. ಬ್ರಹ್ಮಕಲಶ ಕಾರ್ಯಗ್ ಭಕ್ತೆರೆನ ಗುಂಪೇ ಸಾಗರದ ರೀತಿಡ್ ಸೇರುಂಡು. ತುಳುನಾಡ್ ದ ಮೂಲೆ ಮೂಲೆದ ಭಕ್ತೆರೆನೊಟ್ಟಿಗೆ ಪಿದಯಿ ಜಿಲ್ಲೆ ರಾಜ್ಯಲು, ವಿದೇಶದ ಭಕ್ತೆರ್ಲ ಈ ಕ್ಷೇತ್ರಗ್ ಬತ್ ದ್ ಪುಣ್ಯ ಪುರುಷೆರೆನ ಮೂಲಸ್ಥಾನದ ವೈಭವನ್ ತೂಪೆರ್. ಏರರ್ಲಾ ನಿರೀಕ್ಷೆ ಮಲ್ಪಂದಿನಾತ್ ಭಕ್ತೆರ್ ಬತ್ತಿನವು ಪೊಸ ಇತಿಹಾಸನೇ ಬರೆತ್ಂಡ್. ಇತ್ತೆಲ ನಿತ್ಯ-ನಿರಂತರ ಕ್ಷೇತ್ರಗ್ ನೂದೆರ್ದ್ ಹೆಚ್ಚ ಸಂಖ್ಯೆಡ್ ಭಕ್ತೆರ್ ಬರ್ಪುನವು ಗೆಜ್ಜೆಗಿರಿ ಕಾರಣಿಕ ಶಕ್ತಿನ್ ಜಗತ್ತ್ ಗ್ ತೂಪಾವುಂಡು. ಏರಾಜೆ ಬರ್ಕೆ ಪನ್ಪುನ ಪುಗರ್ತೆದ ಇಲ್ಲದ ನೆಲನೇ ಗೆಜ್ಜೆಗಿರಿ ನಂದನಬಿತ್ತಿಲ್, ಸಾರ ಸಾರ ವರ್ಷಲೆನ ಇತಿಹಾಸ ಇಪ್ಪುನ ಈ ಇಲ್ಲ್ ಪಡುಮಲೆ ಅರಸು ಬಳ್ಳಾಲರೆನ ಸಂಸ್ಥಾನಡ್ ಮಹತ್ವದ ಸ್ಥಾನ ಮಾನ ಪಡೆಯಿನ ಮಣ್ಣ್ ಗುರು ಸಾಯನ ಬೈದ್ಯೆರ್ ಈ ಇಲ್ಲಲ್ ಯಜಮಾನೆರಾದ್ ಮೆರೆತೆರ್. ಸುಮಾರ್ 500 ವರ್ಷದ ಇತಿಹಾಸನ್ ಕ್ಷೇತ್ರ ಪರಿಚಯ ಮಲ್ತೊಂದು ಉಂಡು. ಮಾತೆ ದೇಯಿ ಬೈದ್ಯೆತಿಗ್ ಗುರು ಸಾಯನೆರೆನ ಪುನರ್ಜನ್ಮ ಕೊರ್ನ ನೆಲ ಗೆಜ್ಜೆಗಿರಿ ಆತ್ಂಡ್, ಕೋಟಿ– ಚೆನ್ನಯೆರೆನ ಜೀವನ ಕಥಾನಕನ್ ಈ ಪುಣ್ಯಭೂಮಿ ಭಕ್ತ ವೃಂದಗ್ ತೆರಿಪಾವುಂಡು. ತುಳುನಾಡ್ ದ ಅಮರ್ ವೀರ ಪುರುಷೆರಾದ್ ಮೆರೆಯಿನ ಕೋಟಿ- ಚೆನ್ನಯೆರೆನ ಬದ್ ಕ್ ದ ಬಹುಪಾಲ್ ನ್ ಕರಿನ ತಾಣವಾದಿಪ್ಪುನ ಗೆಜ್ಜೆಗಿರಿ ವೀರೆರೆನ ಅಪ್ಪೆ, ಮಾಮು ಇತ್ತಿನ ಕೌಟುಂಬದ ಮೂಲ ಉಂದು. ಧರ್ಮದೈವ ಧೂಮಾವತಿನ ತಾಣವಾದ್ಲಾ ಕಾರಣೀಕರ್ತೆರ್ ತೊಜಪಾವುಂಡು. ಒಟ್ಟಾರೆಯಾದ್ ಪನೊಡುದಾಂಡ ಕೋಟಿ ಚೆನ್ನಯೆರೆನ ಮೂಲಸ್ಥಾನನೇ ಆತ್ಂಡ್.
ಪುಣೆ: ಬಾಲಿವುಡ್, ಮರಾಠಿ ಸೇರ್ದ್ ಸುಮಾರ್ ಪಿಚ್ಚರ್ ಡ್ ನಟನೆ ಮಲ್ತಿನ ಪೆರಿಯ ನಟೆ ವಿಕ್ರಮ್ ಗೋಖಲೆ ಮೇರ್ ಪುಣೆಡ್ ತೀರ್ ಪೋಯೆರ್.
ಮೇರ್ ಕರಿನ 15 ದಿರ್ನದಿಂಚ ಆಸ್ಪತ್ರೆಡ್ ಇತ್ತೆರ್. ಮೆರೆಗ್ ಚಿಕಿತ್ಸೆ ಫಲಿಸಂದೇ ಇನಿ ತೀರ್ ಪೋಯೆರ್ ಪಂದ್ ತೆರಿದ್ ಬೈದ್ಂಡ್.
ಮಲ್ಪೆ: ಬಂಗಾರ್ ತಯಾರ್ ಮಲ್ಪುನ ಘಟಕದ ಬೀಗ ಪುಡಾತ್ ದ್ ಉಲಯಿ ಪೊಗ್ಗಿನ ಕಲ್ವೆರ್ 6.30 ಲಕ್ಷ ರೂ. ಬಿಲೆತ ಬಂಗಾರ್ ಕಂಡ್ ದ್ ಬಲ್ದಿನ ಘಟನೆ ನ. 25 ದಾನಿ ಕೆಳಾರ್ಕಳಬೆಟ್ಟುಡ್ ನಡತ್ಂಡ್.
ಈ ಬಗೆಟ್ ಘಟಕದ ವ್ಯವಸ್ಥಾಪಕೆರ್ ದೀಪಕ್ ರಾಮದಾಸ್ ನಾಯಕ್ ಕೊರ್ನ ದೂರುದಂಚನೆ ಮಲ್ಪೆ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.
ರೇಡಿಯೋ ಮಣಿಪಾಲ್ 90.4mhz ಡ್ ಕನ್ನಡ ಸಾಹಿತ್ಯ ಪರಿಷತ್ ಒಡಿಪು ಜಿಲ್ಲೆ ಬೊಕ್ಕ ಒಡಿಪು ತಾಲೂಕ್ ಘಟಕದ ಮುತಾಲಿಕೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 30 ನೇ ಸಂಚಿಕೆ ನ.26 (ಇನಿ) ಬಯ್ಯಗ್ 4:30 ಕ್ ಪ್ರಸಾರ ಆಂಡ್.
ಈ ಸಂಚಿಕೆಡ್ ಲೇಖಕೆರ್ ಬೊಕ್ಕ ಸಮ್ಮೋಹನ ಚಿಕಿತ್ಸಕೆರಾದಿಪ್ಪುನ ಜ್ಯೋತಿ ಮಹಾದೇವ್ ತನ್ನ ಸ್ವರಚಿತ ಕಥೆನ್ ಪಂಡೆರ್. ನನ ಈ ಸಂಚಿಕೆ ನ.27 ಐತಾರ ಮಧ್ಯಾಹ್ನ 12:30ಕ್ ಮರುಪ್ರಸಾರ ಆಯೆರೆ ಉಂಡು.
ಡೆಲ್ಲಿ: ಚೀನಾಡ್ ಇತ್ತೆ ಪ್ರತಿದಿನ 30,000 ಕೊರೋನಾ ಸೋಂಕು ಪತ್ತೆ ಆವೊಂದು ಉಂಡು.
ಕರಿನ 24 ಗಂಟೆಡ್ ಮುಲ್ಪ ಹೊಸತಾದ್ 389 ಕೊರೋನಾ ಸೋಂಕು ಪತ್ತೆ ಆತ್ಂಡ್. ಕೊರೋನಾ ಸೋಂಕಿತೆರೆನ ಸಂಖ್ಯೆ ಇತ್ತೆ 44671219 ಕ್ ಏರ್ ದುಂಡು. ನೆಟ್ ತೀರ್ ಪೋಯಿನಕ್ಲೆನ ಸಂಖ್ಯೆ 5, 30,608 ಕ್ ಏರ್ದ್ಂಡ್.
