ಹಾವೇರಿ: ಕೆಜಿಎಫ್-2 ಸಿನಿಮಾ ತುವೊಂದು ಇತ್ತಿನ ಪೊರ್ತುಡು ಗುಂಡು ಪಾರಿನ ಪರಿಣಾಮ ಜವಣ್ಯನ ಬಂಜಿಗ್ ಗಾಯ ಆಯಿನ ಘಟನೆ ಹಾವೇರಿಡ್ ನಡತುಂಡು . ಗಾಯಾ ಆಯಿನರೆನ್ ವಸಂತ ಕುಮಾರ್ ಪಂದ್ ಗುರ್ತಿಸಾದೆರ್ .
ಹಾವೇರಿ ಜಿಲ್ಲೆ ಶಿಗ್ಗಾಂವಿ ಪಟ್ಟಣದ ರಾಜೇಶ್ವರಿ ಚಿತ್ರಮಂದಿರಡ್ ಘಟನೆ ನಡತುಂಡು . ಕೆಜಿಎಫ್ 2 ಚಿತ್ರ ತೂನಗ ಗುಂಡು ಪಾರ್ದುಂಡು . ಈ ಗುಂಡು ವಸಂತ ಕುಮಾರ್ ಬಂಜಿಗ್ ಬೂರ್ದುಂಡು . ಅಪಗನೆ ಅರೆನ್ ಸರ್ಕಾರಿ ಆಸ್ಪತ್ರೆಗ್ ದಾಖಲ್ ಮಲ್ದೆರ್ ಐರ್ದ್ ಬೊಕ್ಕ ಎಚ್ಚದ ನಂತರ ಚಿಕಿತ್ಸೆಗಾದ್ ಹುಬ್ಬಳ್ಳಿದ ಕಿಮ್ಸ್ ಆಸ್ಪತ್ರೆಗ್ ಲೆತೊಂದು ಪೋತೆರ್.
ಕುಡ್ಲ : ಏ.22 ರ್ದ್ ಮೇ 18 ಮುಟ ಪಿಯು ವಾರ್ಷಿಕ ಪರೀಕ್ಷೆ ನಡಪರೆ ಉಂಡು , ಮಾತಾ ತಯಾರಿ ಮಲ್ದೆರ್ . ಆಯಾ ಪಿಯು ಕಾಲೇಜುಡು ಎಸ್ಡಿಎಂಸಿಲು ಸಮವಸ್ತ್ರ ನಿಗದಿ ಮಲ್ದೆರ್ಡ ಸಮವಸ್ತ್ರ ಪಾಡ್ದೆ ಕಲ್ಪಾರ್ಥಿಲು ಪರೀಕ್ಷೆಗ್ ಹಾಜರಾಪಿನ ಕಡ್ಡಾಯ ಪಂದ್ ಶಿಕ್ಷಣ ಸಚಿವ ಬಿ.ಸಿ ನಾಗೇಶ್ ಪಂಡೆರ್ .
ಸಮವಸ್ತ್ರ ಇಜ್ಜಂದಿನ ಕಡೆಟ್ ಒವ್ವೆ ಧರ್ಮನ್ ಸಾಂಕೇತಿಸಾವುನ ಅಂಗಿ ಪಾರ್ದ್ ಬರ್ರೆ ಇಜ್ಜಿ ಪಂದ್ ಸಚಿವೆರ್ ಪಂಡೆರ್.
Clothes signifying religious sentiments not to be worn while writing PUC examination- Minister B C Nagesh.
Mangalore: The PUC examination will be held from April 22 nd to May 18th. All arrangements have been made for the smooth conduct of exams. Students have been told to apper at the examination centre wearing the prescribed college uniform.
In colleges were there is no specified uniform; students should not wear clothes that siginifys religious sentiments said the minister.
ಮೈಸೂರು: ಪೆರಿಯಪತ್ರಕರ್ತ, ಕ್ರೀಡಾಪಟು, ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ ಮಗಲ್ ಸಿ.ಮಹೇಶ್ವರನ್ (64) ಇನಿ ಮೈಸೂರುಡು ಕೆ.ಸಿ.ಲೇಔಟ್ದ ಇಲ್ಲಡ್ ತೀರ್ ಪೋಯೆರ್.
ಮೈಸೂರುದ ಚಾಮುಂಡಿಬೆಟ್ಟಡ್ ಎಲ್ಲೆ ಮಧ್ಯಾಹ್ನ ತೀರ್ ಪೋಯಿನರೆನ ಅಂತ್ಯಕ್ರಿಯೆ ನಡಪರೆ ಉಂಡು ಪಂದ್ ಕುಟುಂಬದಕುಲು ಪಂಡೆರ್.
ಬಂಟ್ವಾಳ ತಾಲೂಕ್ ದ ಮಣಿನಾಲ್ಕೂರು ಗ್ರಾಮದ ಇಳಿಯೂರು ಶ್ರೀ ಮಹಾವಿಷ್ಣು ದೇವಲ್ಯಡ್ ಏ 29 ಸುಕ್ರಾರರ್ದ್ ಮೇ 5 ಗುರುವಾರ ಮುಟ್ಟ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಪದ್ಮವಿಭೂಷಣ ರಾಜರ್ಷಿ ಡಾ| ಡಿ. ವೀರೇಂದ್ರ ಹೆಗ್ಗಡೆರ್ನ ಶುಭಾಶೀರ್ವಾದಡ್ ಅಷ್ಟಬಂಧ ಪ್ರತಿಷ್ಠಾ ಬ್ರಹ್ಮಕಲಶೋತ್ಸವ ಕ್ಷೇತ್ರದ ತಂತ್ರಿಲಾಯಿನ ಶ್ರೀ ಶ್ರೀ ಬ್ರಹ್ಮಶ್ರೀ ನೀಲೇಶ್ವರ ಉಚ್ಚಿಲತ್ತಾಯ ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್ ಅಂಚನೆ ಮಸ್ತ್ ಧಾರ್ಮಿಕ, ಸಾಂಸ್ಕೃತಿಕ ಕಾರ್ಯಕ್ರಮದ ಒರೊಟ್ಟು ನಡಪರೆ ಉಂಡು.
ಏ 29 ತಾರೀಕ್ ಗ್ ಮಧ್ಯಾಹ್ನ 2 ಗಂಟೆಗ್ ಬಿ.ಸಿ.ರೋಡ್ ಶ್ರೀ ರಕ್ತೇಶ್ವರಿ ದೇವಲ್ಯರ್ದ್ ಶ್ರೀ ಮಹಾವಿಷ್ಣು ಕ್ಷೇತ್ರ ಇಳಿಯೂರು ಮುಟ್ಟ ಮಹಾವಿಷ್ಣು ದೇವೆರ್ನ ಮೂರ್ತಿ ಬೊಕ್ಕ ಪುದೆಕಾಣಿಕೆದ ಮೆರವಣಿಗೆ ನಡಪರೆ ಉಂಡು. ಬಂಟ್ವಾಳ ಕ್ಷೇತ್ರದ ಶಾಸಕೆರ್ ಆಯಿನ ಶ್ರೀ ರಾಜೇಶ್ ನಾಯ್ಕ್ ಉಳಿಪ್ಪಾಡಿಗುತ್ತು ಪುದೆಕಾಣಿಕೆದ ಮೆರವಣಿಗೆಗ್ ಚಾಲನೆ ಕೊರಿಯೆರ ಉಲ್ಲೆರ್. ರಾತ್ರಿ 8.30 ಗ್ ಕಟೀಲು ಶ್ರೀ ದುರ್ಗಾಪರಮೇಶ್ವರಿ ದಶಾವತಾರ ಯಕ್ಷಗಾನ ಮಂಡಳಿರ್ದ್ ಶ್ರೀ ದೇವಿ ಮಹಾತ್ಮೆ ಪನ್ಪಿನ ಯಕ್ಷಗಾನ ನಡಪರೆ ಉಂಡು.
ಏ 30 ಶನಿವಾರ ರಾತ್ರಿ 7.30ಗ್ ಧಾರ್ಮಿಕ ಸಭಾಕಾರ್ಯಕ್ರಮ ನಡಪರೆ ಉಂಡು. ಧರ್ಮಸ್ಥಳದ ಧರ್ಮಾಧಿಕಾರಿ ಪರಮಪೂಜ್ಯ ಪದ್ಮವಿಭೂಷಣ ಡಾ| ಡಿ.ವೀರೇಂದ್ರ ಹೆಗ್ಗಡೆರ್ ಸಭಾಧ್ಯಕ್ಷತೆನ್ ವಹಿಸೊನ್ಯರ ಉಲ್ಲೆರ್. ರಾತ್ರಿ 8.30 ಗ್ ನೃತ್ಯ ರಂಜಿನಿ ಬೊಕ್ಕ ಮಸ್ತ್ ಮ್ಯಾಜಿಕ್ ಪನ್ಪಿನ ಸಾಂಸ್ಕೃತಿಕ ಕಾರ್ಯಕ್ರಮಲ ನಡಪರೆ ಉಂಡು.
ಮೇ 1 ಐತಾರದಾನಿ ಕಾಂಡೆ 7 ಗಂಟೆಗ್ ಗಣಪತಿಹೋಮ, ಅಂಕುರ ಪೂಜೆ, ಕಾಂಡೆ 11 ಗಂಟೆಗ್ ಭಕ್ತಿ ಗಾನ ವೈಭವ, ಮಧ್ಯಾಹ್ನ 12 ಗಂಟೆಗ್ ನುಪ್ಪು ಸೇವೆ ಅಂಚನೆ ಬಯ್ಯಗ್ 6 ಗಂಟೆಗ್ ಗೀತಾ ಸಾಹಿತ್ಯ ಸಂಭ್ರಮ, ರಾತ್ರಿ 7.30 ಗ್ ಧಾರ್ಮಿಕ ಸಭಾ ಕಾರ್ಯಕ್ರಮ, 9.30 ಗ್ ಲೇಲೆಪಾಡಡೆ ಪನ್ಪಿನ ತುಳು ನಾಟಕ.
ಮೇ 2 ತಾರೀಕ್ ಗ್ ಕಾಂಡೆ 7 ಗಂಟೆಗ್ 108 ತಾರಾಯಿದ ಗಣಪತಿ ಹೋಮ, ಮಧ್ಯಾಹ್ನ 12 ಗಂಟೆಗ್ ನುಪ್ಪು ಸೇವೆ, ಬಯ್ಯಗ್ 6 ಗಂಟೆಗ್ ಶಾಂಭವಿ ವಿಜಯ ಪನ್ಪಿನ ಯಕ್ಷಗಾನ, ರಾತ್ರಿ 7.30 ಗ್ ಧಾರ್ಮಿಕ ಸಭಾ ಕಾರ್ಯಕ್ರಮ, ರಾತ್ರಿ 9 ಗಂಟೆಗ್ ಕೊಪ್ಪರಿಗೆ ತುಳು ನಾಟಕ ನಡಪರೆ ಉಂಡು.
ಮೇ 3 ಅಂಗಾರೆ ಕಾಂಡೆ 7 ಗಂಟೆಗ್ ಕುಂಬೇಷ ಕರ್ಕರಿ ಕಲಶ ಪೂಜೆ, ಮಧ್ಯಾಹ್ನ 12 ಗಂಟೆಗ್ ಮಹಾಪೂಜೆ, ನುಪ್ಪುಸೇವೆ, ಬಯ್ಯ 6 ಗಂಟೆಗ್ ಸಾಂಸ್ಕೃತಿಕ ನೃತ್ಯ ಝೇಂಕಾರ, ರಾತ್ರಿ 7.30 ಗ್ ದಾರ್ಮಿಕ ಸಭಾಕಾರ್ಯಕ್ರಮ , ರಾತ್ರಿ 9 ಗಂಟೆಗ್ ಅಕ್ಲೆಡ ಕೇನ್ಲೆ ಪನ್ಪಿನ ತುಳು ನಾಟಕ.
ಮೇ 4 ತಾರೀಕ್ ಗ್ ಬುಧಾರ ಕಾಂಡೆ 6 ಗಂಟೆಗ್ ಗಣಪತಿ ಹೋಮ, 7.45 ಕ್ ಮೃಗಶಿರ ನಕ್ಷತ್ರ ವೃಷಭ ರಾಶಿ ಶುಭ ಮೂಹೂರ್ತಡ್ ಶ್ರೀ ಮಹಾವಿಷ್ಣು ದೇವೆರ್ನ ಪ್ರತಿಷ್ಠೆ, ಅಷ್ಟಬಂಧ ಲೇಪನ, ಪರಿವಾರ ದೇವತೆಲೆನ ಪ್ರತಿಷ್ಠೆ, ಪರಿಕಲಶಾಭಿಷೇಕ, ಬ್ರಹ್ಮಕಲಶಾಭಿಷೇಕ, 11 ಗಂಟೆಗ್ ಧಾರ್ಮಿಕ ಸಭಾ ಕಾರ್ಯಕ್ರಮ, ಮಧ್ಯಾಹ್ನ 12.30 ಗ್ ಮಹಾಪೂಜೆ, ಪ್ರಸಾದ ಕೊರ್ಪಿನ ಲೇಸ್, ನುಪ್ಪುಸೇವೆ, ಮಧ್ಯಾಹ್ನ 2 ಗಂಟೆಗ್ ಗಾನ-ವೈಭವ, ರಾತ್ರಿ 8.30 ಗ್ ದೈವಲೆನ ನೇಮೋಚ್ಚಯ, ರಾತ್ರಿ 9 ಗಂಟೆಗ್ ಜನಾನ್ ದೈವ, ಪಂಜುರ್ಲಿ, ಪೊಟ್ಟ ಪಂಜುರ್ಲಿ ಬೊಕ್ಕ ಕಲ್ಲುರ್ಟಿ ದೈವಲೆನ ನೇಮೋಚ್ಚಯ ನಡಪರೆ ಉಂಡು.
ಶ್ರೀ ರಾಮಾಂಜನೇಯ ಯುವಕ ಮಂಡಲ (ರಿ.) ಚಿಲಿಂಬಿ ಗುಡ್ಡೆ ಕುಡ್ಲ ಉಂದೆತ್ತ ಮಹಾಸಭೆ ರಾಮಾಂಜನೇಯ ಯುವಕ ಮಂಡಲದ ನಿ. ಪೂ. ಅಧ್ಯಕ್ಷೆರಾಯಿನ ಶ್ರೀಯುತ ದಿನೇಶ್ ಮೆರ್ನ ಅಧ್ಯಕ್ಷತೆಡ್ ನಡತ್ಂಡ್.
2022ನೇ ಸಾಲ್ ದ ಪೊಸ ಪದಾಧಿಕಾರಿಲೆನ್ ಆಯ್ಕೆ ಮಲ್ತ್ ತೆರ್. ಅಧ್ಯಕ್ಷೆರಾದ್ ರವೀಶ್ ಕೆ, ಉಪಾಧ್ಯಕ್ಷೆರಾದ್ ಶಾಮ್ ಸುಂದರ್, ಪೊಂಜೊವ್ ಲೆನ ಉಪಾಧ್ಯಕ್ಷೆರಾದ್ ಶ್ರೀಮತಿ ಪ್ರೇಮ, ಕಾರ್ಯದರ್ಶಿ ಶ್ರೀಕಾಂತ್, ಉಪ ಕಾರ್ಯದರ್ಶಿಯಾದ್ ಜೀವನ್ ಡಿಸೋಜಾ, ಮಹಿಳಾ ಸಂಘಟನಾ ಕಾರ್ಯದರ್ಶಿಯಾದ್ ಶ್ರೀಮತಿ ಸುನೀತಾ ಪ್ರದೀಪ್, ಕೋಶಾಧಿಕಾರಿಯಾದ್ ಹರೀಶ್ ಡಿ, ಉಪ ಕೋಶಾಧಿಕಾರಿಯಾದ್ ವಿಲ್ಫ್ರೆಡ್ ಡಿಸೋಜಾ, ಕ್ರೀಡಾ ಕಾರ್ಯದರ್ಶಿಯಾದ್ ರಕ್ಷಿತ್ ಆರ್, ಉಪ ಕ್ರೀಡಾ ಕಾರ್ಯದರ್ಶಿಯಾದ್ ದಿನೇಶ್, ಮಹಿಳಾ ಕ್ರೀಡಾ ಕಾರ್ಯದರ್ಶಿಯಾದ್ ಶ್ರೀಮತಿ ವಿಜಯಲಕ್ಷ್ಮಿ, ಕಟ್ಟಡದ ಉಸ್ತುವಾರಿಯಾದ್ ಯತೀಶ್ ಅಂಚನೆ ಗೌರವಾಧ್ಯಕ್ಷೆರಾದ್ ಗುರುದತ್ ಕೋಟ್ಯಾನ್ ಆಯ್ಕೆಯಾತೆರ್.
ಒಡಿಪು :ಇಂಚೋಗು ಗುತ್ತಿಗೆದಾರೆ ಸಂತೋಷ್ ಪಾಟೀಲ್ ಆತ್ಮಹತ್ಯೆ ಮಲ್ತಿನ ಒಡಿಪುದ ಲಾಡ್ಜ್ ಡ್ ಇನಿ ಕುಡೊಂಜಿ ವ್ಯಕ್ತಿ ಆತ್ಮಹತ್ಯೆ ಮಲ್ದೆ. ಬಲ್ಲ್ ದೆತೊಡಿನ ಜವಣ್ಯನ್ ಕೊಣಾಜೆದ ಶರಣ್ ರಾಜ್ (31 ವ) ಪಂದ್ ಗುರ್ತಿಸಾದೆರ್ .
ಇಂಬೇ ಕುಡ್ಲದ ಮೆಡಿಕಲ್ ರೆಪ್ ಪಂದ್ ತೆರಿದ್ ಬೈದುಂಡು.ರಾಜ್ಯೋಡೆ ಸುದ್ದಿಯಾದ್ ಇತ್ತಿನ ಸಂತೋಷ್ ಪಾಟೀಲ್ ಬಲ್ಲ್ ಪಾಡೊಂದಿನ ಸುದ್ದಿ ಸಚಿವ ಈಶ್ವರಪ್ಪ ಸಚಿವ ಪದವಿನ್ ದೆತೊಂದು ಇತ್ತುಂಡು ಇತ್ತೆ ಅವ್ವೆ ಲಾಡ್ಜ್ ಡ್ ಕೂಡೋರಿ ಬಲ್ಲ್ ಪಾಡೊಂದಿನ ಘಟನೆ ನಡತ್oಡ್.
ಒಡಿಪು ಜಿಲ್ಲೆ ಕಾಪು ತಾಲೂಕ್ ದ ಏಣಗುಡ್ಡೆ ಶ್ರೀ ಬ್ರಹ್ಮಬೈದೆರ್ ಲೆನ ಗರಡಿಡ್ ಮೇ 7-14 ಮುಟ್ಟ ಶ್ರೀ ಬ್ರಹ್ಮಬೈದೆರ್ ಬೊಕ್ಕ ಪರಿವಾರ ಶಕ್ತಿಲೆನ ಪುನರ್ ಪ್ರತಿಷ್ಠಾಪನೆ ಬೊಕ್ಕ ಬ್ರಹ್ಮಕಲಶಾಭಿಷೇಕ ಅಂಚನೆ ಮೇ 19-23 ಮುಟ್ಟ ಕಾಲಾವಧಿ ಜಾತ್ರಾ ಉಚ್ಚಯ ಭಾರೀ ಗೌಜಿಡ್ ನಡಪರೆ ಉಂಡು.
ತಂತ್ರಿಲಾಯಿನ ವೇ| ಮೂ| ಮನೋಜ್ ತಂತ್ರಿ ಶಿವಗಿರಿ ಬೊಕ್ಕ ವೇ| ಮೂ| ಶ್ರೀ ಮಹೇಶ್ ಶಾಂತಿ ಹೆಜಮಾಡಿ ಮುಕ್ಲೆನ ಮುತಾಲಿಕೆಡ್ ಗರಡಿದ ಪೂಜಾ ಪೂಜಾರಿ ಶ್ರೀ ಇಂಪು ಪೂಜಾರಿ ಗರಡಿಮನೆ, ಜ್ಯೋತಿಷ್ಯ ಪ್ರವೀಣ ಶ್ರೀಯುತ ಮೋಹನ್ ಮಾಯಿಪ್ಪಾಡಿ, ವಾಸ್ತುತಜ್ಞೆರ್ ಶ್ರೀ ಪ್ರಮಲ್ ಕುಮಾರ್ ಕಾರ್ಲ ಮುಕ್ಲೆನ ಉಪಸ್ಥಿತಿಟ್, ತಂತ್ರಿವರೇಣ್ಯರ್ ಅಂಚನೆ ವೇದಜ್ಞ ಋತ್ವಿಜರ ಸಕಾರಡ್ ಪುನರ್ ಪ್ರತಿಷ್ಠಾಪನೆ ಬೊಕ್ಕ ಬ್ರಹ್ಮಕಲಶಾಭಿಷೇಕ ನಡಪರೆ ಉಂಡು.
ಮೇ 6 ಸುಕ್ರಾರ ನಾಗ ಪ್ರತಿಷ್ಠೆ, 7 ತಾರೀಕ್ ಗ್ ಬಯ್ಯ 5.15 ಕ್ಕ್ ಪ್ರಾಯಶ್ಚಿತ್ತಾಧಿ ವೈದಿಕ ಪೂಜಾಧಿಲು, ಮೇ 8 ಗ್ ಎದ್ಕೊನುನ ಗೋಪುರ, ತೇರ್ಥಬಾವಿ, ಉಗ್ರಾಣ ಉದಿಪನ ಅಂಚನೆ ಮೂಡಬೆಟ್ಟು ಚೌಟೆರ್ನ ಕಟ್ಟೆರ್ದ್ ಗರಡಿಗ್ ಪುದೆಕಾಣಿಕೆದ ಮೆರವಣಿಗೆ, ಮೇ 9 ಗ್ ಜಾನಪದ ವಿದ್ವಾಂಸ ಬನ್ನಂಜೆ ಬಾಬು ಅಮೀನ್ ಅಧ್ಯಕ್ಷೆತೆಡ್ ಬೇತೆ ಬೇತೆ ಕ್ಷೇತ್ರದ ಬಿನ್ನೆರ್ನ ಉಪಸ್ಥಿತಿಡ್ ಗರಡಿದ ಪೂಜಾ ಪೂಜಾರಿ ಇಂಪು ಪೂಜಾರಿ ಸಾಂಸ್ಕೃತಿಕ ಕಾರ್ಯಕ್ರಮಗ್ ಚಾಲನೆ ಕೊರಿಯರೇ ಉಲ್ಲೆರ್. ಬಯ್ಯಗ್ 6.35 ರ್ದ್ ಅಪ್ಪೆ ಮಾಯಂದಾಲ್ ಪನ್ಪಿನ ತುಳು ಯಕ್ಷಗಾನ, ಮೇ 10 ಕ್ಕ್ ಅಷ್ಟ ದ್ರವ್ಯ ಗಣಪತಿ ಹೋಮ, ಗುರು ಪೂಜೆ, ಅಂಕುರ ಪೂಜೆ, ಮೃತ್ಯುಂಜಯ ಹೋಮ, ರಾತ್ರಿ 6.35 ಕ್ಕ್ ದೇವದಾಸ್ ಕಾಪಿಕಾಡ್ ನಿರ್ದೇಶನದ ನಮಸ್ಕಾರ ಮಾಸ್ಟ್ರೇ ಪನ್ಪಿನ ತುಳು ನಾಟಕ, ಮೇ 11 ಗ್ ಕಾಂಡೆ ಗಣಪತಿ ಹೋಮ, ಗುರು ಪೂಜೆ, ಅಂಕುರ ಪೂಜೆ, ಶಕ್ತಿಪೂಜೆ, ತ್ರಿಕಾಲ ಪೂಜೆ, ದುರ್ಗಾಹೋಮ, ರಾತ್ರಿ 6.05ಕ್ಕ್ ಸಾಂಸ್ಕೃತಿಕ ಕಾರ್ಯಕ್ರಮ-ಶಶಿಪ್ರಭಾ ಪರಿಣಯ ಯಕ್ಷಗಾನ, ಮೇ 12ಕ್ಕ್ ರಾತ್ರಿ 6.05ಕ್ಕ್ ಸಾಂಸ್ಕೃತಿಕ ಕಾರ್ಯಕ್ರಮ- ಸ್ವಸ್ತಿಕ್ ಕಲಾ ಸಂಘ(ರಿ.) ಕಟಪಾಡಿ ಸದಸ್ಯೆರ್ದ್ ನೃತ್ಯ ವೈಭವ.
ಮೇ 13 ಸುಕ್ರಾರ ಕಾಂಡೆ 7.05ಕ್ಕ್ ಶ್ರೀ ಬ್ರಹ್ಮಬೈದೆರ್ ಲೆನ ಅಂಚನೆ ಪರಿವಾರ ಶಕ್ತಿಲೆನ ಪ್ರತಿಷ್ಠೆ, ಕೊಡಿ ಪ್ರತಿಷ್ಠೆ, ನವಕ, ಪ್ರಧಾನ ಹೋಮ, ಕಾಂಡೆ 10.05 ಕ್ಕ್ ಬ್ರಹ್ಮಕಲಶಾಭಿಷೇಕ, ಅಲಂಕಾರ ಪೂಜೆ, ನೈವೇದ್ಯ, ಮಹಾಪೂಜೆ, ಮಧ್ಯಾಹ್ನ 12.05 ಗ್ ಶ್ರೀ ಬೈದೆರ್ಲೆನ ದರ್ಶನ ಸೇವೆ, ಪಲ್ಲಪೂಜೆ, ಪ್ರಸಾದ ಪಟ್ಟುನ ಲೇಸ್, ನುಪ್ಪು ಸೇವೆ ಅಂಚನೆ ಬ್ರಹ್ಮಕಲಶೋಚ್ಚಯದ ದಿನ ಬಯ್ಯಗ್ ನಡಪುನ ಧಾರ್ಮಿಕ ಸಭೆಟ್ಟ್ ಸೊಲೂರು ಆರ್ಯ ಈಡಿಗ ಮಹಾಸಂಸ್ಥಾನದ ಶ್ರೀ ವಿಖ್ಯಾತಾನಂದ ಸ್ವಾಮೀಜಿಲು ಆಶೀರ್ವಚನ ಮಲ್ಪರೆ ಉಲ್ಲೆರ್. ಸಚಿವೆರ್ ಆಯಿನ ಕೋಟ ಶ್ರೀನಿವಾಸ ಪೂಜಾರಿ ಕಾರ್ಯಕ್ರಮನ್ ಉದಿಪನ ಮಲ್ಪರೆ ಉಲ್ಲೆರ್.
ಮೇ 21ಕ್ಕ್ ಶ್ರೀ ಬೈದೆರ್ಲೆನ ನೇಮೋಚ್ಚಯ, ಮೇ 22 ಕ್ಕ್ ಶ್ರೀ ಮಾಯಂದಾಲ್ ನೇಮ ಅಂಚನೆ ಮೇ 24ಕ್ಕ್ ಪಡು ಏಣಗುಡ್ಡೆ ಧೂಮಾವತಿ ದೈವದ ಸಿರಿ ಸಿಂಗಾರದ ನೇಮೋಚ್ಚಯ ನಡಪರೆ ಉಂಡು.
ಒಡಿಪು ಜಿಲ್ಲೆ ಕಾರ್ಲ ತಾಲ್ಲೂಕ್ ದ ಕೆರ್ವಾಶೆ ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ವರ್ಷಂಪ್ರತಿ ಆಚರಣೆ ಮಲ್ಪುನ ವಾರ್ಷಿಕ ಜಾತ್ರಾ ಮಹೋಚ್ಚಯ ಏ.15-ಏ.21 ಮುಟ್ಟ ಬ್ರಹ್ಮಶ್ರೀ ಎಡಪದವು ಬಿ.ಸುಬ್ರಹ್ಮಣ್ಯ ತಂತ್ರಿಲೆನ ಮುತಾಲಿಕೆಡ್ ಅಂಚನೆ ಊರು ಬೊಕ್ಕ ಪರವೂರ್ ದ ಭಕ್ತೆರ್ನ ಸಾಕಾರಡ್ ನಡಪರೆ ಉಂಡು.
ಏ.19 ಅಂಗಾರೆ ಮಹಾರಥೋಚ್ಚಯ ಬೊಕ್ಕ ಗುರುಪೂಜಾದಿ ಕಾರ್ಯಕ್ರಮಲು, ಏ.20 ಬುಧಾರೆ ದೇವೆರ್ನ ಜಲಕ, ರಾತ್ರಿ 7 ಗಂಟೆಗ್ ಪೀಠ ಪೂಜೆ, ಬಲಿ, ಓಕುಳಿ ಯಾತ್ರೆ, ಕಟ್ಟೆಪೂಜೆ, ಜಲಕ, ದೈವಲೆನ ಕೋಲ, ದೇವೆರ್ನ ಭೇಟಿ, ಅಗ್ನಿಕೇಳಿ ಉಚ್ಚಯ, ಬಲಿ, ಕೊಡಿ ಜಪ್ಪುನಿ, ಮಹಾಪೂಜೆ, ಪ್ರಸಾದ ಪಟ್ಟುನ, ಏ.21 ಗುರುವಾರ ಸಂಪ್ರೋಕ್ಷಣೆ, ನವಕ ಪ್ರಧಾನ ಹೋಮ, ಅಭಿಷೇಕ, ಮಹಾಪೂಜೆ, ಮಹಾಮಂತ್ರಾಕ್ಷತೆ ಲೇಸ್ ನಡಪರೆ ಉಂಡು.
ಸಾಂಸ್ಕೃತಿಕ ಕಾರ್ಯಕ್ರಮಲು
ಏ.19 ಅಂಗಾರೆ ರಾತ್ರಿ 7.30 ಗ್ ಕರ್ನಾಟಕ ಶಾಸ್ತ್ರೀಯ ಸಂಗೀತ, 9 ಗಂಟೆಗ್ ಧಾರ್ಮಿಕ ಸಭೆ, 10.30 ಗ್ ಸನಾತನ ನಾಟ್ಯಾಲಯ ಕುಡ್ಲ ಮುಕುಲೆಡ್ದ್ ಪುಣ್ಯಭೂಮಿ ಭಾರತ ಪನ್ಪಿನ ನೃತ್ಯರೂಪಕ
ಏ.20 ಬುಧಾರ ರಾತ್ರಿ 7 ಗಂಟೆಗ್ ಶ್ರೀ ಕೊಡಮಣಿತ್ತಾಯ ಭಜನಾ ಮಂಡಳಿ, ಮಾಳ ಕೂಟರ್ದ್ ಭಜನೆ, ರಾತ್ರಿ 9 ಗಂಟೆಗ್ ಕುದ್ರೋಳಿ ಗಣೇಶ್ ಮೆರೆರ್ದ್ ಹರಿಕಥಾ ಜಾದೂ.
ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಪರಪೋಕು
ಒಡಿಪು ಜಿಲ್ಲೆದ ಕಾರ್ಲ ತಾಲೂಕ್ ದ ಕೆರ್ವಾಶೆ ಪಶ್ಚಿಮಘಟ್ಟ ದ ಮುದೆಲ್ ಡ್ ಇಪ್ಪುನ ಒಂಜಿ ಎಲ್ಯ ಗ್ರಾಮ. ಮುಲ್ಪದ ಶ್ರೀ ಮಹಾಲಿಂಗೇಶ್ವರ ದೇವಲ್ಯ, ಕೆರ್ವಾಶೆ ಅಂಚನೆ ಸುತ್ತಮುತ್ತ ಇಪ್ಪುನ ಶಿರ್ಲಾಲು, ಮುಂಡ್ಲಿ-ಜಾರ್ಕಳ, ಮೂಡಾರು ಬೊಕ್ಕ ಮಾಳ ಗ್ರಾಮಲು ಸೇರಿಲೆಕ್ಕ 5 ಮಾಗಣೇದ ಹೋಬಳಿ ದೇವಲ್ಯ ಆದಿತ್ತ್ ದ್, ಮುಲ್ಪದ ಭಕ್ತಾಧಿಲೆನ ಧಾರ್ಮಿಕ ಅಂಚನೆ ಶ್ರದ್ಧಾ ಕೇಂದ್ರವಾತ್ಂಡ್.
ಸಾರ ವರ್ಷ ಇತಿಹಾಸ ಇಪ್ಪುನ ಕೆರ್ವಾಶೆ ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ಇಪ್ಪುನ ಶಿವಲಿಂಗನ್ ಖರ ಮಹರ್ಷಿ ಈ ಪುಣ್ಯ ಕ್ಷೇತ್ರಡ್ ಪ್ರತಿಷ್ಠಾಪನೆ ಮಲ್ತಿನೆಡ್ದಾವರ ಈ ಕ್ಷೇತ್ರ ಖರಾಸುರ ಪ್ರತಿಷ್ಠೆ ದ ಪುಗರ್ತೆನ್ ಪಡೆದ್ಂಡ್.
ಈ ಪಿರವು 1957 ಬೊಕ್ಕ 1992 ನೇ ಇಸವಿಡ್ ಎಲ್ಯ ಪ್ರಮಾಣದ ಜೀರ್ಣೋದ್ಧಾರ ಬೇಲೆದ ಒಟ್ಟುಗ್ ಅಷ್ಟಬಂಧ ಬ್ರಹ್ಮಕಲಶೋಚ್ಚಯ ನಡತಿನವ್ ದಾಖಲೆಡ್ದ್ ತೆರಿದ್ ಬರ್ಪುಂಡ್.
ಮೂಜಿ ದಶಕಡ್ದ್ ಈ ಕ್ಷೇತ್ರದ ಧಾರ್ಮಿಕ ನೇತೃತ್ವ ವಹಿಸೊಂದ್ ಇಪ್ಪುನ ಬ್ರಹ್ಮಶ್ರೀ ಎಡಪದವು ಸುಬ್ರಹ್ಮಣ್ಯ ತಂತ್ರಿಲೆನ ಮುತಾಲಿಕೆಡ್ ಊರ್ ದ ಭಕ್ತೆರ್ ಸನ್ನಿಧಿಡ್ ಮಲ್ತಿನ ಪ್ರಾರ್ಥನೆಗ್ ದೇವೆರೆಡ್ದ್ ಆಭಯ ತಿಕ್ಕಿನವ್ ಜನಕ್ಲೆಗ್ ವಿಶ್ವಾಸ ಮೂಡುಲೆಕ್ಕ ಮಲ್ತ್ಂಡ್.
ಕೋಟ: ಕುಡ್ಲ ವಿಶ್ವವಿದ್ಯಾನಿಲಯ ನಡಪಾಯಿನ ಅಂತಿಮ ಸ್ನಾತಕೋತ್ತರ ಪರೀಕ್ಷೆಡ್ ಕಲ್ಯಾಣಪುರ ಮಿಲಾಗ್ರಿಸ್ ಕಾಲೇಜ್ ಡ್ ಎಂ ಕಾಂಡ್ ಮೂಜನೆ ರಾಂಕ್ ಪಡೆಯಿನ ಸಮಾಜ ಕಲ್ಯಾಣ ಬೊಕ್ಕ ಹಿಂದುಳಿದ ವರ್ಗದ ಕಲ್ಯಾಣ ಸಚಿವ ಕೋಟ ಶ್ರೀನಿವಾಸ ಪೂಜಾರಿಲೆನ ಪುತ್ರಿ ಕಾಲೇಜ್ ಗ್ ಕೀರ್ತಿ ಕಂತಿನ ಸ್ವಾತಿ ಪೂಜಾರಿ ಮೆರೆನ್ ಕಾಲೇಜ್ ದ ಆಡಳಿತ ಮಂಡಳಿ, ಪ್ರಾಂಶುಪಾಲೆರ್ , ಉಪನ್ಯಾಸಕ ವೃಂದದಕುಲು ಪೊಣ್ಣನ ಇಲ್ಲಗ್ ಪೋದು ಮಾನಾದಿಗೆ ಮಲ್ತೆರ್.
ಮಾನದಿಗೆ ಮಲ್ತಿನ ಕಾಲೇಜ್ ದ ಪ್ರಾಂಶುಪಾಲೆರಾಯಿನ ಡಾ. ವಿನ್ಸಂಟ್ ಆಳ್ವ ಪಾತೆರ್ದ್ , ಅಪ್ಪೆ ಅಮ್ಮೆರ್ನ ಸರಳ ಸಜ್ಜನಿಕೆ ಆಚಾರ-ವಿಚಾರಡ್ ಪ್ರಭಾವಿತೇರಾದ್ , ಏಪಲಾ ಸಚಿವೆರ್ನ ಮಗಲ್ ಪಂದ್ ಪನಂದೆ ಕಾಲೇಜ್ ಗ್ ಮಾಮಲ್ಲ ಕೀರ್ತಿ ಕಂತ್ ಕೊರ್ದು ನಮ್ಮ ಮಾತಾ ಜೋಕ್ಲೆಗ್ ಮಾದರಿ ಆದ್ ಉಲ್ಲೆರ್ ಪಂದ್ ಪಂಡೆರ್.
ಕಾಲೇಜ್ ದ ಐಕ್ಯೂಎಸಿ ಸಂಚಾಲಕೆರಾಯಿನ ಡಾ.ಸಿ. ಜಯರಾಮ್ ಶೆಟ್ಟಿಗಾರ್ ಲೇಸ್ ಉದಿಪನ ಮಲ್ತೆರ್ . ಊಔಆ ಪ್ರೊ. ಸೋಫಿಯಾ ಡಯಾಸ್. ಮಹಿಳಾ ಪ್ರಕೋಷ್ಠದ ಸಂಚಾಲಕಿ ಪ್ರೊ. ರೇಷ್ಮಾ, ಸಾರ್ವಜನಿಕ ಸಂಪರ್ಕಾಧಿಕಾರಿ ಪ್ರೊ. ರವಿನಂದನ್, ಶಾಂತಾ ಶ್ರೀನಿವಾಸ ಪೂಜಾರಿ ಪಾಲ್ ಪಡೆದಿತ್ತೆರ್ .
ಫುಟ್ಬಾಲ್ದ ಜೀವಂತ ದಂತಕಥೆ ಕ್ರಿಸ್ಟಿಯಾನೋ ರೊನಾಲ್ಡೋ ಮೆರೆನ ಆಣ್ ಬಾಲೆ ತೀರ್ ಪೋಯಿನ ಬಗ್ಗೆ ಮಾಹಿತಿ ಬೈದುಂಡು.
ಅಂದ್ , ಲೆಜೆಂಡರಿ ಫುಟ್ಬಾಲ್ ಪಂತಾರ್ಥಿ ಕ್ರಿಸ್ಟಿಯಾನೋ ರೊನಾಲ್ಡೊ ಬೊಕ್ಕ ಅರೆನ ಸಂಗಾತಿ ಜಾರ್ಜಿನಾ ರೋಡ್ರಿಗಸ್ ತನ್ನ ಆಣ್ ಬಾಲೆನ್ ಕಲೆಯೊಂದಿನ ಬಗ್ಗೆ ಅಧಿಕೃತ ಮಾಹಿತಿನ್ ಸಾಮಾಜಿಕ ಮಾಧ್ಯಮಡ್ ಪಂಡೆರ್ .
ನಮ್ಮ ಪೊಣ್ಣು ಬಾಲೆದ ಪುಟ್ಟು ಈ ಕ್ಷಣನ್ ಚೂರು ಭರವಸೆ ಕೊರ್ದು ನಂಕ್ ಬದ್ ಕೆರೆ ಶಕ್ತಿ ಕೊರೊಂದು ಉಲ್ಲೆರ್ .”ಪಂದ್ ಪಂಡೆರ್.
Cristiano Ronaldo loses infant son.
Football star from Portugal Cristiano Ronaldo and his partner Georgina Rodriguez lost their infant son at childbirth.
Sharing his grief on social media he said the birth of a baby girl has given him the hope and strength to move on .
