ತುಳುನಾಡ್ ದ ಬೊಲೆಚ್ಚಿಲ್ ಗ್ ಪೆರಿಯಕ್ಲೆನ ಶ್ರಮನೇ ಕಾರಣ: ಶಾಸಕೆರ್ ಉಮಾನಾಥ ಕೋಟ್ಯಾನ್; ಖಂಡೇವುದ ಕಂಡೊಡು ಸುರತ್ಕಲ್ ಬಂಟರ ಸಂಘದ ಆಟಿದ ಪೊರ್ಲು ಲೇಸ್
ಸುರತ್ಕಲ್: ತುಳುನಾಡ್ ದ ಬುಲೆಚ್ಚಿಲ್ ಗ್ ಪೆರಿಯಾಕ್ಲು ಬೆಂದಿನ ಬೆಗರೇ ಕಾರಣ. ಆಟಿ ಆಚರಣೆ ಇಂಚಿನ ಲೇಸ್ ದ ಮುಖೇನ ಪೆರಿಯಕ್ಲೆನ ಬಂಗದ ದಿನನ್ ನೆನೆತೊಂದ್ ನಮ ತಪ್ಪುನು ಸರಿ ಮಂತೊನುಗ ಪಂದ್ ಮುಲ್ಕಿ ಬೆದ್ರ ಕ್ಷೇತ್ರದ ಶಾಸಕೆರ್ ಉಮಾನಾಥ ಕೋಟ್ಯಾನ್ ಪಂಡೆರ್.
ಆರ್ ಸುರತ್ಕಲ್ ಬಂಟರ ಸಂಘ ಬೊಕ್ಕ ಪೊಂಜೊವ್ ಲೆನ ಕೂಟದ ಮುತಾಲಿಕೆಡ್ ಚೇಳಾಯಿರು ಖಂಡೇವುದ ಶ್ರೀ ಉಳ್ಳಾಯ ದೈವಸ್ಥಾನದ ಜಾಗೆಡ್ ನಡತಿನ ಆಟಿದ ಪೊರ್ಲು ಸಭಾ ಕಾರ್ಯಕ್ರಮನ್ ಉದಿಪನ ಮಲ್ತ್ ದ್ ಪಾತೆರಿಯೆರ್.
ಸುರತ್ಕಲ್ ಬಂಟರ ಸಂಘದ ಅಧ್ಯಕ್ಷೆರ್ ಸುಧಾಕರ್ ಎಸ್. ಪೂಂಜ ಅಧ್ಯಕ್ಷತೆ ಒಯಿಸ್ ದಿತ್ತೆರ್. ಕಾಂಗ್ರೆಸ್ ಯುವ ನಾಯಕೆರ್ ಮಿಥುನ್ ರೈ, ಸುರತ್ಕಲ್ ಬಂಟರ ಸಂಘದ ಮಾಜಿ ಅಧ್ಯಕ್ಷೆರ್ ದೇವಾನಂದ ಎಂ. ಶೆಟ್ಟಿ, ಉಲ್ಲಾಸ್ ಆರ್. ಶೆಟ್ಟಿ ಪೆರ್ಮುದೆ, ಮಾತಾ ಡೆವಲಪರ್ಸ್ ಮಾಲಕೆರ್ ಸಂತೋಷ್ ಕುಮಾರ್ ಶೆಟ್ಟಿ, ಒಡಿಪು ಸಮೂಹ ಶಿಕ್ಷಣ ಸಂಸ್ಥೆ ಮಣಿಪಾಲದ ಉಪನ್ಯಾಸಕಿ ಅರ್ಪಿತಾ ಪ್ರಶಾಂತ್ ಶೆಟ್ಟಿ, ಉಳ್ಳಾಯ ದೈವಸ್ಥಾನದ ಗಡಿ ಪ್ರಧಾನೆರ್ ಆದಿತ್ಯ ಮುಕ್ಕಾಲ್ದಿ, ಗೌರವಾಧ್ಯಕ್ಷೆರ್ ಉದಯ ಕುಮಾರ್ ಶೆಟ್ಟಿ, ಬಂಟರ ಸಂಘದ ಉಪಾಧ್ಯಕ್ಷೆರ್ ಲೋಕಯ್ಯ ಶೆಟ್ಟಿ ಮುಂಚೂರು, ಪ್ರಧಾನ ಕಾರ್ಯದರ್ಶಿ ಪ್ರವೀಣ್ ಶೆಟ್ಟಿ, ಕೋಶಾಧಿಕಾರಿ ರತ್ನಾಕರ ಶೆಟ್ಟಿ, ಪೊಂಜೋವ್ ಲೆನ ಕೂಟದ ಅಧ್ಯಕ್ಷೆರ್ ಚಿತ್ರಾ ಜೆ. ಶೆಟ್ಟಿ, ಪ್ರಧಾನ ಕಾರ್ಯದರ್ಶಿ ಸರೋಜ ಶೆಟ್ಟಿ, ಉಪಾಧ್ಯಕ್ಷೆರ್ ಭವ್ಯಾ ಎ ಶೆಟ್ಟಿ, ಕೋಶಾಧಿಕಾರಿ ಶೈಲ ಶೆಟ್ಟಿ ಸೇರಿನಂಚನೆ ಮಸ್ತ್ ಜನ ಇತ್ತೆರ್.
ಈ ಪೊರ್ತುಡು ಸಾಧಕೆರಾಯಿನ ಅಬ್ದುಲ್ ಬಶೀರ್ (ನಿವೃತ್ತ ಕೃಷಿ ಅಧಿಕಾರಿ), ದಯಾನಂದ ಶೆಟ್ಟಿ ಖಂಡಿಗೆ ಬೀಡು (ಕೃಷಿ ಕ್ಷೇತ್ರ), ಶಿವರಾಮ ಪಣಂಬೂರು (ಯಕ್ಷಗಾನ), ಕೆ.ಕೆ. ಪೇಜಾವರ (ಶಿಕ್ಷಣ ಜಾನಪದ), ಗೀತಾ ಎಸ್. ಶೆಟ್ಟಿ ಶಿಬರೂರು (ಸಮಾಜ ಸೇವೆ) ಮೊಕ್ಲೆನ್ ಲೇಸ್ ಡ್ ಮಾನಾದಿಗೆ ಮಲ್ತೆರ್.
ಲೇಸ್ ಡ್ ಬಿನ್ನೆರಾದ್ ಪುಗರ್ತೆದ ಸಿನಿಮಾ ನಿರ್ದೇಶಕೆರ್ ವಿಜಯಕುಮಾರ್ ಕೊಡಿಯಾಲ್ ಬೈಲ್, ಅಬತರ ಪಿಚ್ಚರ್ ಪುಗರ್ತೆದ ಅರ್ಜುನ್ ಕಾಪಿಕಾಡ್, ರಾಜ್ ಸೌಂಡ್ಸ್ ಪುಗರ್ತೆದ ವಿನೀತ್ ಕುಮಾರ್, ರಾಜೇಶ್ ಕುಡ್ಲ, ಪ್ರೇಮ್ ಶೆಟ್ಟಿ ಸುರತ್ಕಲ್, ಅನೂಪ್ ಸಾಗರ್, ಲಕ್ಷ್ಮೀಶ ಸುವರ್ಣ ಲೇಸ್ ಡ್ ಪಾಲ್ ಪಡೆದ್ ಎಡ್ಡೆಪ್ಪುನ್ ಬಯಕ್ಯೆರ್.
2022-22 ನೇ ವರ್ಷಡ್ ಎಚ್ಚ ಅಂಕ ಪಡೆಯಿನ ಬಂಟ ಸಮಾಜದ ಕಲ್ಪಾರ್ಥಿಲೆಗ್ ಮಾನಾದಿಗೆ ಮಲ್ತೆರ್. ಸಂಘದ ಸದಸ್ಯೆರೆಗ್ ಕೆಸರ್ ದ ಕಂಡಡ್ ಗೊಬ್ಬುಲು ನಡತ್ಂಡ್. ಖಂಡೇವು ಬೂಡುದ ಗಡಿ ಪ್ರಧಾನೆರ್ ಆದಿತ್ಯ ಮುಕ್ಕಾಲ್ದಿ ಕೆಸರ್ ದ ಕಂಡಡ್ ಗೊಬ್ಬುನ್ ಉದಿಪನ ಮಲ್ತೆರ್.
ದಿವಾಕರ್ ಶೆಟ್ಟಿ ಬೊಕ್ಕ ಕೂಟದಕುಲು ಪ್ರಾರ್ಥನೆ ಮಲ್ತೆರ್.ಲೋಕಯ್ಯ ಶೆಟ್ಟಿ ಬಿನ್ನೆರೆನ್ ಎದ್ಕೊನಿಯೆರ್. ಚಿತ್ರಾ ಜೆ ಶೆಟ್ಟಿ ಸೊಲ್ಮೆ ಸಂದೈತ ಮಲ್ತೆರ್. ರಾಜೇಶ್ವರಿ ಡಿ. ಶೆಟ್ಟಿ, ನವೀನ್ ಶೆಟ್ಟಿ ಎಡ್ಮೆಮಾರ್ ಲೇಸ್ ಸುದಾರಿಕೆ ಮಲ್ತೆರ್.
The hard work of our forefathers is responsible for the development of Tulunadu- MLA Umanath Kotian
Àathi month special program organised by Suratkal Bantara Sangha at Kandige
Suratkal: ” The hard work of our forefathers is responsible for the development of our land. We should always remember their sacrifices and in programmes like these we should remember and honour our forefathers and strive to emulate them” said MLA Umanath Kotian while inaugurating the “Aathida Porlu” program at at the premises of Sri Ullaya Daivastana at Kandevur in Suratkal.
The program was presided by Sudhakar S Punja of Suratkal Bantara Sangha.Congress youth leader Mithun Rai and other members and former office bearers of Bantara Sangha participated in the program.
In this program Abdul Bashir Retired Agricultural officer, Dayanand Shetty,Kandige Beedu in the field of Agriculture, Shivaram Panambur ( Yakshagana) K K Pejawar (Janapada) Geeta S Shetty ( social service) were honoured.
The guests of honour were director Vijay Kumar Kodialbail, Arjun Kapikad, Veenth Kumar, Rajesh Kudla Prem Shetty, Anup Sagar and Lakshmish Suvarna.
Student achievers of 2021-22 were honoured.Many traditional frames and activities were also organised.
