2021

ಸಸಿಹಿತ್ಲು ಬೀಚ್‌ಡ್ ಜನೊಕ್ಲೆಗ್ ರಕ್ಷಣೆ ಇಜ್ಜಿ: ವಸಂತ್ ಬೆರ್ನಾಡ್ ಆರೋಪ

ಹಳೆಯಂಗಡಿ: ಜಗತ್ತ್ಡೇ ಮಲ್ಲ ಪುದರ್ ಪಡೆಯಿನ ಸಸಿಹಿತ್ಲು ಮುಂಡಾ ಬೀಚ್‌ಡ್ ಕರಿನ ಒಂಜರೆ ವರ್ಸೊರ್ದಿಂಚಿ ೧೪ ಜನ ನೀರ್‌ಡ್ ಮುರ್ಕುದು ಸೈದೆರ್. ಅವುಲು ಜನೊಕ್ಲೆಗ್ ರಕ್ಷಣೆ ಇಜ್ಜಿ. ಉಂದೆಕ್ಕ್ ಮತಾ ಜಿಲ್ಲಾಡಳಿತದ ನಿರ್ಲಕ್ಷö್ಯ ಕಾರಣ ಪಂಡ್‌ದ್ ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಕಮಿಟಿ(ಕೆಪಿಸಿಸಿ) ಕೋಆರ್ಡಿನೇಟರ್ ವಸಂತ ಬೆರ್ನಾಡ್ ಆರೋಪ ಮಲ್ತೆರ್.
ಮುಲ್ಕಿ ಬ್ಲಾಕ್ ಕಾಂಗ್ರೆಸ್‌ದ ಕಚೇರಿಡ್ ಗುರುವಾರ ಸುದ್ದಿಗೋಷ್ಠಿಡ್ ಪಾತರ‍್ನ ಆರ್, ಕರಿನ ಸರ್ತಿ ಕಾಂಗ್ರೆಸ್ ಬೆಂಬಲಿತ ಪಂಚಾಯ್ತಿ ಅಧಿಕಾರೊಡು ಉಪ್ಪುನಗ ಬೀಚ್‌ಡ್ ರಕ್ಷಣಾ ಸಿಬ್ಬಂದಿಲೆನ್ ನೇಮಕ ಮಲ್ತ್ದ್ ಅಕ್ಲೆಗ್ ಸಂಬಳಲಾ ಕೊರೊಂದಿತ್ತ್ಡ್.  ಆಂಡ ಇತ್ತೆದ ಆಡಳಿತ ಅಕ್ಲೆಗ್ ಸಂಬಳ ಕರ‍್ಪಿನೆನ್ ಉಂತಾದಿನೆರ್ದಾವರ ಅಡೆಗ್ ಬತ್ತಿನ ಪ್ರವಾಸಿಗೆರೆನ್ ರಕ್ಷಣೆ ಮಲ್ಪುನಕುಲೇ ಇಜ್ಜಾದ್ ಪೋತುಂಡು. ಸಿಬ್ಬಂದಿಲೆಗ್ ಸೂಚನೆ ಕೊರಂದೆ ಜಿಲ್ಲಾ ಪಂಚಾಯ್ತಿದ ಸಿಇಒಗ್ ಪಂಡ್‌ದ್ ಪಿಡಿಒ ಸೂಚನೆ ಕರ‍್ದು ಅಕ್ಲೆನ್ ಕೆಲಸೊರ್ದು ದೆತ್ತ್ದ್ ಪಾಡ್ದೆರ್. ಅಂಚಾದ್ ಈತ್ ಪುಗರ್ತೆದ ಬೀಚ್‌ಗ್ ಬತ್ತಿನ ಕೆಲವೆರ್ ಪ್ರಾಣ ಕಳೆವೊಂದೆರ್ ಪಂಡ್‌ದ್ ಬೆರ್ನಾಡ್ ಪಂಡೆರ್.ಸಸಿಹಿತ್ಲು ಬೀಚ್‌ದ ಅಭಿವೃದ್ಧಿಗ್ ಮಾಜಿ ಸಚಿವೆರ್ ಅಭಯಚಂದ್ರ ಜೈನ್ ಕಾರಣಕರ್ತೆರ್. ಆಂಡ ಇತ್ತೆದ ಉಸ್ತುವಾರಿ ಸಚಿವೆರ್, ಶಾಸಕೆರ್ ಓಟು ಬನ್ನಗ ಮಾತ್ರ ಈ ಜಾಗೆಗ್ ಭೇಟಿ ಕರ‍್ದು ತಡೆಗೋಡೆ ನಿರ್ಮಾಣ ಮಲ್ಪುವ ಪಂಡ್‌ದ್ ಎಡ್ಡೆ ಪ್ರಚಾರ ದೆತೊಂದೆರ್ ಐರ್ದ್ ಇನಿ ಮುಟ್ಟ ದಾಲ ಅಭಿವೃದ್ಧಿ ಕೆಲಸ ಆತಿಜಿ ಪಂಡ್‌ದ್ ದೂರಿಯೆರ್.ಕಡಲ್‌ಕೊರೆತ ತಡೆಪರೆ ಮಲ್ದಿನ ೨ನೇ ಹಂತದ ತಡೆಗೋಡೆದ ಕೆಲಸ ನನಲಾ ಆತಿಜಿ. ಅವುಲು ಅಗತ್ಯ ಬೋಡುತ್ತಿನ ಮೂಲಸೌಕರ್ಯ ಇಜ್ಜಿ. ಅಂಗಡಿಲು ನೀರ್‌ಡ್ ಪೋತುಂಡು. ತಂಡಾಸ್‌ದ ನಿರ್ವಹಣೆ ಮಲ್ಪುನಕುಲು ಇಜ್ಜಿ.ಇಂಚೊಗು ಪ್ರವಾಸೊಗು ಬೈದಿನ ಕುಟುಂಬದ ಒರಿ ವ್ಯಕ್ತಿ ನೀರ್‌ಡ್ ಮುರ್ಕುದೆರ್. ಬೊಕ್ಕೊರಿಯನ ಪುಣ ನಾಡುನ ವಿಷಯೊಡ್ಲಾ ಜಿಲ್ಲಾಡಳಿತ ಉದಾಸೀನ ಮಲ್ದ್ಂಡ್ ಪಂಡ್‌ದ್ ಆರ್ ಪಂಡೆರ್. ಪ್ರವಾಸಿಗೆರೆಗ್ ಸರಿಯಾಯಿನ ರಕ್ಷಣೆ ಕರ‍್ಪಾಲೆ ಪಂಡ್‌ದ್ ಆಗ್ರಹ ಮಲ್ತೆರ್.

ಸುದ್ದಿಗೋಷ್ಠಿ ಆನಗ ಹಳೆಯಂಗಡಿ ಗ್ರಾಮ ಪಂಚಾಯ್ತಿ ಸದಸ್ಯೆರಾಯಿನ ಧನರಾಜ್ ಕೋಟ್ಯಾನ್, ಅನಿಲ್ ಕುಮಾರ್ ಸಸಿಹಿತ್ಲು, ಚಂದ್ರಕುಮಾರ್,ಅಬ್ದುಲ್ ಖಾದರ್, ಅಬ್ದುಲ್ ಅಜೀಜ್ ಹಳೆಯಂಗಡಿ ಇತ್ತೆರ್.

ತುಳು ಬಳಕೆ , ಮಹಾಲಕ್ಷ್ಮಿ ಬ್ಯಾಂಕ್ ಮಾದರಿ : ಕತ್ತಲ್ಸಾರ್

ಬ್ಯಾಂಕ್‌ದ ತುಳು ನಾಮಫಲಕನ್ ಬುಡುಗಡೆ ಮಲ್ತಿನ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಗುರ್ಕಾರ್ಲಾಯಿನ ದಯಾನಂದ ಕತ್ತಲ್‌ಸಾರ್, ಬ್ಯಾಂಕ್ದ ನಾಮಫಲಕನ್ ತುಳುಟು ಬಳಕೆ ಮಲ್ತಿನ ಸುರುತ್ತ ಬ್ಯಾಂಕ್ ಇಂದು ಆತುಂಡು, ಉಂದು ತುಳುನಾಡ್ ದ ಬೇತೆ ಬ್ಯಾಂಕ್ ಲೆಗ್ ಮಾದರಿ ಆದುಂಡು. ಬೇತೆ ಬ್ಯಾಂಕ್ ಬೊಕ್ಕ ವ್ಯವಹಾರ ಸಂಸ್ಥೆಲು , ಉದ್ದಿಮೆಲು ನಾಮಫಲಕನ್ ತುಳುಟ್ಟ್ ಬರೆಪಾವುನ ಒಟ್ಟುಗು ತುಳುನಾಡ್ ಡ್ ತುಳು ಜನಕ್ಲೆಗ್ ಅನುಕೂಲ ಆಪಿಲಕ ತುಳು ಭಾಷೆಡ್ ವ್ಯವಹಾರ ನಡಪಾವೊಡು ಪಂದ್ ಪಂಡೆರ್.

ಸರಳ ರೀತಿಡ್ ನಡತಿನ ಅಯ್ಯಪ್ಪ ಸ್ವಾಮಿ ರಥೋತ್ಸವ

ಕಳಸ:ಕಳಸೋಡು ಅಯ್ಯಪ್ಪ ಸ್ವಾಮಿ ಭಕ್ತೆರ್ ಕೋರನ ಸಮಯೊಡ್ದಾವರ ಗೌಜಿದಾಂತೆ ಎಲ್ಯ ರೀತಿಡ್ ಈ ಸರ್ತಿದ ಅಯ್ಯಪ್ಪ ಸ್ವಾಮಿ ರಥೋತ್ಸವ ಮಂತೆರ್.