2021

ಕಡಲಪ್ಪೆನ ಸೇವೆಡ್ ನಿರತರಾಯಿನ ಜವನ್ಯೆರ್ ನ ಕೂಟ – ಕಡಲ ಪುಡೆಟ್ ದಿನ ಬುಡ0ದೆ ಸ್ವಚ್ಛತೆ

ಪರಿಸರದ ಮಿತ್ತ್ ಮೋಕೆ ಉಪ್ಪುನ ಸಮಾನ ಮನಸ್ಕ ಜವನ್ಯೆರ್ನ ಒಂಜಿ ಕೂಟದ ಸದಸ್ಯೆರ್ನ ದಿನಚರಿ ಸುರು ಆಪಿನೇ ಕಡಲಪ್ಪೆನ ಪುಡೆತ ಸ್ವಚ್ಛತೆ ದ ಮುಖೇನ.

ಕರಿನ ಅವ್ವೆತೋ ದಿನರ್ದ್ ಈ ಜವನ್ಯೆರ್ ಕಾಂಡೆ ಬೇಗ ಲಕ್ಕ್ ದ್ ಕಡಲ ಪುಡೆಕ್ ಪೋದು ಸ್ವಚ್ಛತೆ ದ ಬೇಲೆ ಸುರು ಮಲ್ಪುವೆರ್. ಬೆಂಗ್ರೆ ಡೆಲ್ಟ್ ಪಾಯಿಂಟ್ ರ್ದ್ ಸ್ವಚ್ಛತೆ ಸುರು ಮಲ್ದಿನ ಈ ಕೂಟ ಸದ್ಯ ಗ್ ಕುದ್ರೋಳಿ ಬೆಂಗರೆ ಮುಟ್ಟುದುಂಡು. ದಿನೊಲ ಸುಮಾರ್ 20 -25 ಜವನೆರ್ ಕಾಂಡೆ 5:30 ರ್ದ್ 8 ಗಂಟೆ ಮುಟ ಶ್ರದ್ದೆ ಡ್ ಅಪ್ಪೆನ ಕಡಲ್ ದ ಬರಿನ್ ಸ್ವಚ್ಛತೆ ಮಲ್ಪುನ ಬೇಲೆಡ್ ತೊಡಗುವೆರ್.

ಮೂಜಿ ಜನರ್ದ್ ಸುರು ಆಯಿನ ಕೂಟ :ಈ ತಂಡದ ಮುತಾಲಿಕೆ ವಯಿಸೊಂದಿನ ಹರ್ಷ ಕೋಟ್ಯಾನ್ ಬೊಕ್ಕ ಶ್ರೇಯಸ್ ಹೊಳ್ಳ ಮಸ್ತ್ ಸಮಯರ್ದ್ ಕಡಲ್ ಗ್ ಪೋಪಿನ ಹವ್ಯಾಸ ಇತ್ತಿನಕುಲು.ಲಾಕ್ಡೌನ್ ಮುಗಿಬೊಕ್ಕ ಕಡಲ ಬರಿಟ್ ತೂಯಿನ ಕಜವುದ ರಾಶಿ ಅಕುಲು ಇತ್ತೆ ಮಲ್ತೊಂದು ಉಪ್ಪುನ ಬೇಲೆಗ್ ಸ್ಪೂರ್ತಿ ಪಂದ್ ಪನ್ಪೆರ್.

ಮೂಜಿ ಜನರ್ದ್ ಸುರು ಆಯಿನ ಕೂಟ ಗ್ ಇತ್ತೆ ಅವ್ವೆತೋ ಜನಕುಲು ಪ್ರೇರೇಪಿತೆರಾದ್ ಸೇರೊಂದೇ ಉಲ್ಲೆರ್.ಅಂಚನೇ ಬೇಲೆಗ್ ಪೋಪಿನ ಉದ್ಯೋಗಿ ಲುಲಾ ಅಕ್ಲೆನ ಒಂತೆ ಪೊರ್ತುನು ಕಡಲಪ್ಪೆನ ಸೇವೆಗ್ ಮುಡಿಪಾದ್ ದೀತೆರ್. ಪೊಣ್ಣುಲು, ಪೊಂಜೊವುಲು ಒಂಜಿ ದಿನತ ಬಿಡುವಿಜ್ಜಂದೆ ಈ ಕಾರ್ಯಡ್ ಸತತವಾದ್ ಕೈಜೋಡಿಸಾದೆರ್.ಜನವರಿ 26ನೇ ತಾರೀಖ್ ಗ್ ಈ ಕೂಟ ತನ್ನ 100ನೇ ದಿನತ ಸ್ವಚ್ಛತಾ ಕಾರ್ಯಕ್ರಮಗ್ ಪಜ್ಜೆ ದೀಯೊಂದು ಉಂಡು.

ಸದ್ಯಗ್ ಒವ್ವೆ ರೀತಿದ ಸ್ವಯಂ ಸೇವಕೆರ್ನ ಸಮಸ್ಯೆ ನಮಕ್ ಇಜ್ಜಿ ಆಂಡ ಸಂಗ್ರಹ ಮಲ್ತಿನ ಕಜವುಲೆನ್ ಡಂಪಿಂಗ್ ಯಾರ್ಡ್ಗ್ ಸಾಗವುನ ಮಲ್ಲ ಸಮಸ್ಯೆ ಆತುಂಡು. ನೆತ್ತ ಬಗ್ಗೆ ಮಂಗಳೂರು ಮಹಾನಗರ ಪಾಲಿಕೆ ಗಮನ ಕೊರೊಡು ಪಂದ್ ತಂಡದ ಗುರ್ಕಾರ್ಲು ಪಂತೆರ್.

ಸದ್ಯ ಈ ಜವನೆರ್ನ ಕೂಟ ಇನ್ಸ್ಟಾಗ್ರಾಮ್ ಡ್ boskyOrb ಪನ್ಪುನ ಪೇಜ್ ಮಲ್ತ್ ದ್ ತನ್ಕುಲೆ ದಿನತ ಚಟುವಟಿಕೆನ್ ಫೋಟೋ ಸಹಿತ ಅಪ್ಲೋಡ್ ಮಲ್ತೊಂದು ಉಲ್ಲೆರ್. ಈ ಮುಖೇನ ನನಾತ್ ಜನಕುಲು ಪಾಲ್ ಪಡೆಯೊಂದು ಉಲ್ಲೆರ್ ಪಂದ್ ಹರ್ಷ ತೆರಿಪಾದೆರ್.

ಶ್ರೀ ರಾಮಾಂಜನೇಯ ಯುವಕ ಮಂಡಲದ ೩೪ನೇ ವರ್ಷದ ಉಚ್ಚಯ

ಕುಡ್ಲ: ಜನವರಿ ೬ ತಾನಿ ಶ್ರೀ ರಾಮಾಂಜನೇಯ ಯುವಕ ಮಂಡಲದ ೩೪ನೇ ವರ್ಷದ ಉಚ್ಚಯೊಗು ಕಾಂಡೆ ಪಂಚಗವ್ಯ ಗಣಹೋಮ ಬೊಕ್ಕ ಸಾರ್ವಜನಿಕ ಸತ್ಯ ನಾರಾಯಣ ಪೂಜೆ ನಡತ್ಂಡ್.

ಕಾಂಡೆ ಬೊಲ್ಪು ಅರ್‍ಲಾವುನ ತೊಟ್ಟುಗು ಕಜ್ಜೊಗು ಉಮಾನಾಥ್ ಅಮೀನ್ (ನಿವೃತ್ತ ಬ್ಯಾಂಕ್ ವಾಸುನಂದಾ ಕೊಟ್ಟಾರಕ್ರಾಸ್, ಸಚಿನ್ ರಾಜ್ ರೈ, ಶಶಿಧರ ಹೆಗ್ಡೆ ಕಜ್ಜೊಗು ಚಾಲನೆ ಕೊರಿಯೆರ್. ಆಯಿರ್‍ದ್ ಬೊಕ್ಕ ಮಹಾಮಂಗಳಾರತಿ ಬೊಕ್ಕ ನುಪ್ಪು ಪ್ರಸಾದ ಸೇವೆ ನಡತ್ಂಡ್. ಬಯ್ಯ ನಡತಿನ ಸಭಾ ಕಾರ್ಯಕ್ರಮೊಟು ಮಾನ್ಯ ಶಾಸಕೆರಾಯಿನ ಡಿ| ವೇದವ್ಯಾಸ ಕಾಮತ್, ಮುಖ್ಯ ಅತಿಥಿಲಾದ್ ಚರಿತ್ ಪೂಜಾರಿ, ಸುರೇಖಾ ಹೆಗ್ಡೆ ನಿವೃತ್ತ ಯೋಧರಾಯಿನ ಎಲ್.ಎನ್ ಕೆ.ಸಿ ನಾರಾಯ ರಘವೀರ ಬಾಬುಗುಡ್ಡೆ ಯುವಕ ಮಂಡಲದ ಅಧ್ಯಕ್ಷೆರಾಯಿನ ದಿನೇಶ್, ಮಹಿಳಾ ಉಪಾಧ್ಯಕ್ಷೆರಾಯಿನ ಗಂಗಮ್ಮ ಪಾಲ್ ಪಡೆದಿತ್ತೆರ್. ಕಾರ್ಯಕ್ರಮೊಟು ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ವಿಜೇತ ಮುರುಳಿ ಕುಮಾರ್ ಭಜನಾ ತರಬೇತಿದಾರೆರಾಯಿನ ನಾಗೇಶ್ ಕೊಡಕ್ಕಲ್, ನಿವೃತ್ತ ಯೋಧೆರಾಯಿನ ಎಲ್.ಎನ್ ಕೆ.ಸಿ ನಾರಾಯಣ ಮೆರೆಗ್ ಮಾನಾದಿಗೆ ಮಲ್ತೆರ್. ಸಭಾ ಕಾರ್ಯಕ್ರಮರ್‍ದ್ ಬೊಕ್ಕ ಬೇತೆ ಬೇತೆ ಸಾಂಸ್ಕೃತಿಕ ಕಾರ್ಯಕ್ರಮ ನಡತ್ಂಡ್. ಕಾರ್ಯಕ್ರಮನ್ ಶಿಕ್ಷಕೆರಾಯಿನ ರವೀಶ್ ಕೆ ನಿರೂಪಿಸಿಯೆರ್.