2021

ಭಾರತೀಯ ರೆಡ್‌ಕ್ರಾಸ್ ಸಂಸ್ಥೆ ಒಡಿಪು ಜಿಲ್ಲಾ ಘಟಕದ ವತಿರ್ದ್ ವಿಶ್ವ ಆರೋಗ್ಯ ದಿನ

ಉಡುಪಿ, ಎ.7: ಭಾರತೀಯ ರೆಡ್‌ಕ್ರಾಸ್ ಸಂಸ್ಥೆ ಒಡಿಪು ಜಿಲ್ಲಾ ಘಟಕದ ವತಿರ್ದ್ ವಿಶ್ವ ಆರೋಗ್ಯ ದಿನನ್ ಎ.7 ತಾರೀಖ್ ಗ್ ಕಾಂಡೆ 11 ಗಂಟೆಗ್ ಅಜ್ಜರಕಾಡು ರೆಡ್‌ಕ್ರಾಸ್ ಭವನಡ್ ಅಟ್ಟನೆ ಮಲ್ದೆರ್ .

ಈ ಲೇಸ್ ನ್ ಜಿಲ್ಲಾ ಸರ್ಜನ್ ಡಾ. ಮಧುಸೂದನ ನಾಯಕ್ ಉದಿಪನ ಮಲ್ಪರೆ ಉಲ್ಲೆರ್ , ಭಾರತೀಯ ರೆಡ್‌ಕ್ರಾಸ್ ಸಂಸ್ಥೆ ಒಡಿಪು ಜಿಲ್ಲಾ ಘಟಕದ ಸಭಾಪತಿ ಡಾ. ತಲ್ಲೂರು ಶಿವರಾಮ ಶೆಟ್ಟಿ ಗುರ್ಕಾರ್ಮೆ ವಹಿಸರೆ ಉಲ್ಲೆರ್ ಪಂದ್ ಸಂಸ್ಥೆದ ಪ್ರಕಟಣೆ ತೆರಿಪಾದುಂಡು .

ಶ್ರೀಕ್ಷೇತ್ರ ಮಿತ್ತಮಜಲು, ಸಜೀಪಮಾಗಣೆ: ಬಿಸು ಜಾತ್ರೆ

ಬಂಟ್ವಾಳ , ಎಪ್ರಿಲ್ 06: ಶ್ರೀಕ್ಷೇತ್ರ ಮಿತ್ತಮಜಲು, ಸಜೀಪಮಾಗಣೆಡ್ ತಾರೀಖ್ 13/4/2021 ನೇ ಅಂಗಾರೆರ್ದ್ 16/4/2021 ನೇ ಶುಕ್ರವಾರ ಮುಟ ಬಿಸು ಜಾತ್ರೆ ನಡಪರೆ ಉಂಡು.

ತಾರೀಖ್ 08-04-2021ನೇ ಗುರುವಾರ ಕಾಂಡೆ 10:30ಕ್ ಕೋರಿದ ಕಟ್ಟ.ತಾರೀಖ್ 13-04-2021ನೇ ಅಂಗಾರೆ ರಾತ್ರಿ 9 ಗಂಟೆಗ್ ಒಲಸರಿ ಬೊಕ್ಕ ನಾಲ್ಕೈತ್ತಾಯ ದೈವದ ಮೆಚ್ಚಿ
ತಾರೀಖ್ 14-04-2021ನೇ ಬುಧವಾರ ರಾತ್ರಿ 10:30 ಕ್ ಕೆರೆನೇಮ.ತಾರೀಖ್ 15/4/2021 ನೇ ಗುರುವಾರ ಕಾಂಡೆ 9:30 ಕ್ ಕೆರೆನೇಮ ಬೊಕ್ಕ ಉಡುಕುಬಲಿ ಮಧ್ಯಾಹ್ನ 1 ಗಂಟೆಗ್ ಮಹಾಅನ್ನಸಂತರ್ಪಣೆ ನಡಪರೆ ಉಂಡು.
ತಾರೀಖ್ 16-04-2021ನೇ ಶುಕ್ರವಾರ ಕಾಂಡೆ ಪರಿವಾರ ದೈವಲೆಗ್ ನೇಮೋತ್ಸವ ನಡಪರೆ ಉಂಡು.

ದೇರಳಕಟ್ಟೆದ ಯೆನೆಪೊಯ ಕೂಟಗ್ ದಿ.ಅಹ್ಮದ್ ಮಾಸ್ಟರ್ ಸ್ಮಾರಕ ಟ್ರೋಫಿ

ಕುಡ್ಲ , ಎ.6: ದ.ಕ.ಜಿಲ್ಲಾ ಫುಟ್ಬಾಲ್ ಅಸೋಸಿಯೇಶನ್‌ ಒಟ್ಟು ಸೇರಿಗೆಡ್ ಪೇಂಟೆದ ನೆಹರೂ ಮೈದಾನಡ್ ನಡತಿನ ದಿ. ಅಹ್ಮದ್ ಮಾಸ್ಟರ್ ಸ್ಮಾರಕ ಎ ಡಿವಿಜನ್ ಪಂದ್ಯಾವಳಿಡ್ ದೇರಳಕಟ್ಟೆದ ಯೆನೆಪೊಯ ಕೂಟ ಉಳ್ಳಾಲದ ಸೋಕರ್ ಕೂಟನ್ 1-0 ಗೋಲ್ ರ್ದ್ ಸೋಪಾದ ದಿ.ಅಹ್ಮದ್ ಮಾಸ್ಟರ್ ಸ್ಮಾರಕ ಟ್ರೋಫಿನ್ ಪಡೆತೆರ್ .

ಶನಿವಾರ ನಡತಿನ ಬಿ ಡಿವಿಜನ್ ಪಂದ್ಯಾವಳಿದ ಫೈನಲ್ಡ್ ಉಳ್ಳಾಲದ ಎಫ್‌ಸಿ ತಂಡ ಬಜ್ಪೆದ ಷೂಟರ್ಝ್ ಕೂಟನ್ ಸೊಪಾದ್ ದಿ.ಪಳ್ಳಿ ಜಯರಾಂ ಶೆಟ್ಟಿ ಸ್ಮಾರಕ ಟ್ರೋಫಿನ್ ಪಡೆತೆರ್.

ಮುಗಿತಲದ ಲೇಸ್ ಡ್ ಕುಡ್ಲ ವಿಶ್ವವಿದ್ಯಾನಿಲಯದ ಕ್ರೀಡಾ ನಿರ್ದೇಶಕ ಡಾ.ಕಿಶೋರ್ ಕುಮಾರ್ ಸಿ.ಕೆ. ಬಿನ್ನೆರ್ ಆದ್ ಪಾಲ್ ಪಡೆದ್ ವಿಜೇತ ಕೂಟಲೆಗ್ ಇನಾಮು ಪಟ್ಟಿಯೆರ್.ದ.ಕ.ಜಿಲ್ಲಾ ಪುಟ್ಬಾಲ್ ಸಂಸ್ಥೆದ ಗುರ್ಕಾರ್ಲಾಯಿನ ಡಿಎಂ ಅಸ್ಲಂ ಗುರ್ಕಾರ್ಮೆ ವಯಿಸ್ದಿತ್ತೆರ್.