2021

ಜಾಗತಿಕ ಬಂಟರ ಸಂಘದ ಒಕ್ಕೂಟರ್ದ್ ಪಣವುದ ಸಹಾಯ

ಕುಡ್ಲ , ಎ.10: ಸಮಾಜದ ಅಶಕ್ತೆರೆಗ್ ಜಾಗತಿಕ ಬಂಟರ ಸಂಘದ ಒಕ್ಕೂಟರ್ದ್ ಸುಮಾರು 15 ಲಕ್ಷ ರೂ. ಪನವುದ ಬೇತೆ ಬೇತೆ ರೀತಿದ ಆರ್ಥಿಕ ಸಹಾಯನ್ ಪೇಂಟೆದ ಬಂಟ್ಸ್ ಹಾಸ್ಟೆಲ್‌ಡ್ ಉಪ್ಪುನ ಅಮೃತೋತ್ಸವ ಕಟ್ಟಡಡ್ ನಡತಿನ ಲೇಸ್ ಡ್ ಪಾತೆರಿಯೆರ್.

ಈ ಪೊರ್ತು ಪಾತೆರಿನ ಸಂಘದ ಗುರ್ಕಾರ್ಲಾಯಿನ ಐಕಳ ಹರೀಶ್ ಶೆಟ್ಟಿ ಕೊರೋನದಂಚಿನ ಆರ್ಥಿಕ ಸಂಕಷ್ಟದ ನಡುಟುಲಾ ಬಂಟ ಸಮಾಜಡ್ ಅಸಹಾಯಕರಾದುಪ್ಪುನಕ್ಲೆನ್ ಗುರ್ತಿಸಾದ್ ವಸತಿ ನಿರ್ಮಾಣ, ವೈದ್ಯಕೀಯ, ವಿದ್ಯಾರ್ಥಿ ವೇತನ, ಪೊಣ್ಣು ಜೋಕ್ಲೆನ ಮದಿಮೆಗ್ ಸಹಾಯ ಮಲ್ತೊಂದು ಬೈದೆರ್ ಪಂದ್ ಪಂಡೆರ್.
ಒಕ್ಕೂಟದ ಪೋಷಕ ಸದಸ್ಯ ಗುರ್ಕಾರ್ಲಾಯಿನ ರವಿ ಶೆಟ್ಟಿ, ಉದ್ಯಮಿ ಗಜಾನನ ಪೂಂಜ ಪಾತೆರಿಯೆರ್ . ಒಕ್ಕೂಟದ ಪ್ರಧಾನ ಕಾರ್ಯದರ್ಶಿಯಾಯಿನ ಜಯಕರ ಶೆಟ್ಟಿ ಇಂದ್ರಾಳಿ ಪ್ರಾಸ್ತಾವಿಕವಾದ್ ಪಾತೆರಿಯೆರ್.

ಒಕ್ಕೂಟದ ಆಡಳಿತಾಧಿಕಾರಿ ಸಚ್ಚಿದಾನಂದ ಹೆಗ್ಡೆ ಕೊಳ್ಕೆಬೈಲ್, ಸುರತ್ಕಲ್ ಬಂಟರ ಸಂಘದ ಗುರ್ಕಾರ್ಲಾಯಿನ ಸುಧಾಕರ ಪೂಂಜಾ, ಜೀವನ್ ಶೆಟ್ಟಿ ಮುಲ್ಕಿ, ದೇವಪ್ಪಶೇಖ, ಲೋಕಯ ಶೆಟ್ಟಿ ಮುಂಚೂರು, ಪ್ರಕಾಶ್ ಶೆಟ್ಟಿ ಪಡುಬಿದ್ರೆ, ಸುದರ್ಶನ್ ಶೆಟ್ಟಿ ಪೆರ್ಮಂಕಿ, ಪ್ರದೀಪ್ ರೈ, ಈಶ್ವರ್ ಶೆಟ್ಟಿ ಚಿಪ್ಪಾಡಿ ಪಾಲ್ ಪಡೆದಿತ್ತೆರ್ .

ತುಳು ಎಂ.ಎ: ಭರತೇಶ್ ಗ್ ಸುರುತ್ತ ರ್‍ಯಾಂಕ್‌

ಕುಡ್ಲ, ಎಪ್ರಿಲ್ 09:ಕುಡ್ಲ ವಿಶ್ವವಿದ್ಯಾಲಯದ ತುಳು ಸ್ನಾತಕೋತ್ತರ ಪರೀಕ್ಷೆಡ್ ಭರತೇಶ್ ಅಲಸಂಡೆ ಮಜಲು ಸುರುತ್ತ ರ್‍ಯಾಂಕ್‌ ಪಡೆತೆರ್.

ಮೇರ್ ಸಿಜಿಪಿಎ 8.2 ಪಡೆತೆರ್ . ಬ್ಯಾಂಕ್ ಉದ್ಯೋಗಿ, ಕರ್ನಾಟಕ ಅರೆಭಾಷೆ ಸಾಹಿತ್ಯ ಬೊಕ್ಕ ಸಂಸ್ಕೃತಿ ಅಕಾಡೆಮಿದ ಸದಸ್ಯೆರಾಯಿನ ಮೇರ್ ತುಳು, ಅರೆಭಾಷೆ ಅಧ್ಯಯನ ಮಲ್ತೊಂದು ಉಲ್ಲೆರ್.

ಒಡಿಪು ಪಣಿಯಾಡಿ ದೇಗುಲಗ್ ಶ್ರೀಕ್ಷೇತ್ರ ಧರ್ಮಸ್ಥಳರ್ದ್ ೧೦ಲಕ್ಷ ರೂ ದೇಣಿಗೆ

ಒಡಿಪು, ಎಪ್ರಿಲ್,09: ಒಡಿಪುದ ಪಣಿಯಾಡಿ ಶ್ರೀಲಕ್ಷ್ಮೀಅನ೦ತ ಪದ್ಮನಾಭ ದೇವಸ್ಥಾನದ ಜೀರ್ಣೋದ್ಧಾರಗ್ ಶ್ರೀಕ್ಷೇತ್ರ ಧರ್ಮಸ್ಥಳದ ವತಿರ್ದ್ ಕೊರಿನoಚಿನ ೧೦ ಲಕ್ಷ ರೂಪಾಯಿದ ದೇಣಿಗೆದ ಡಿಡಿನ್ ಅಂಗಾರೆ ದಾನಿ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಬಿ.ಸಿ ಟ್ರಸ್ಟ್(ರಿ)ದ ಒಡಿಪು ಜಿಲ್ಲಾ ನಿರ್ದೇಶಕೆರಾಯಿನ ಗಣೇಶ ಬಿ ಮೇರ್ ದೇವಸ್ಥಾನದ ಮುಖ್ಯ ಸ೦ಚಾಲಕೆರಾಯಿನ ನಾಗರಾಜ ಆಚಾರ್ಯ ಮೆರೆಗ್ ಕೊರಿಯೆರ್.

ಈ ಲೇಸ್ ಡ್ ಕಾರ್ಯಾಧ್ಯಕ್ಷರಾಯಿನ ಎಸ್ ನಾರಾಯಣ್ ಮಡಿ, ಒತ್ತು ಗುರ್ ಕಾರ್ಲಾಯಿನ ತಲ್ಲೂರು ಚ೦ದ್ರಶೇಖರ ಶೆಟ್ಟಿ,ಲಕ್ಷ್ಮೀನಾರಾಯಣ ಹೆಗ್ಡೆ, ಕಾರ್ಯದರ್ಶಿ ಶ್ರೀನಿವಾಸ ಆಚಾರ್ಯ, ಶ್ರೀಕೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ತಾಲೂಕು ಯೋಜನಾಧಿಕಾರಿ ರೋಹಿತ್ .ಎಚ್ ಮೇಲ್ವಿಚಾರಕೇರಾಯಿನ ಸುಮ೦ಗಲಾ, ಸೇವಾ ಪ್ರತಿನಿಧಿ ಪ್ರಭಾವತಿ ಸೇರಿನಂಚ ಕೈತಲ್ ದ ಘಟಕದ ವಜೃಕ್ಷಿ ಪಾಲ್ ಪಡೆದಿತ್ತೆರ್ .
ಲೇಸ್ ದ ಗುರ್ಕಾರ್ಮೆನ್ ಕಾರ್ಯಾಧ್ಯಕ್ಷರಾಯಿನ ಎ೦ ವಿಶ್ವನಾಥ ಭಟ್ ವಹಿಸ್ ದಿತ್ತೆರ್ . ಪ್ರ.ಕಾರ್ಯದರ್ಶಿ ಬಿ.ವಿಜಯರಾಘವ ರಾವ್ ರವರು ಎದುಕೊಂಡೆರ್ , ದೇವಸ್ಥಾನದ ಮುಖ್ಯ ಸ೦ಚಾಲಕೆರಾಯಿನ ನಾಗರಾಜ ಆಚಾರ್ಯ ಮೇರ್ ಪ್ರಸ್ತಾವಿಕವಾದ್ ಪಾತೆರಿಯೆರ್ ,ಮೈತೋಷ್ ರವರು ಲೇಸ್ ಅಟ್ಟನೆ ಮಲ್ತೆರ್ ,ರಾಘವೇ೦ದ್ರ ಭಟ್ ಸೊಲ್ಮೆ ಸಂದೈತ ಮಲ್ತೆರ್ .

ತುಳುಕೂಟ ಕುಡ್ಲ (ರಿ.): ಬಿಸುಪರ್ಬ -2021

ತುಳುಕೂಟ ಕುಡ್ಲ (ರಿ.) ಕುಡ್ಲ ಮೆಕ್ಲೆನ ಒಟ್ಟು ಸೇರಿಗೆಡ್ ಕುಡ್ಲದ ಮಹತೋಭಾರ ಶ್ರೀ ಮಂಗಳಾದೇವಿ ದೇವಸ್ಥಾನದ ಸಭಾಂಗಣಡ್ ತಾರೀಖ್ 14/4/2021 ನೇ ಬುಧವಾರ ಬೈಯ್ಯ 4 ಗಂಟೆಗ್ ಬಿಸುಪರ್ಬ -2021 ನಡಪರೆ ಉಂಡು.

ಲೇಸ್ ದ ಉದಿಪನನ್ ಮೇಯರ್ ಶ್ರೀ ಪ್ರೇಮಾನಂದ ಶೆಟ್ಟಿ, ಮನಪಾ ಕುಡ್ಲ ನಡಪಾಯರೇ ಉಲ್ಲೆರ್.
ಗುರ್ಕಾರ್ಲಾದ್ ದಾಮೋದರ ನಿಸರ್ಗ, ಗುರ್ಕಾರ್ಲು , ತುಳುಕೂಟ ಕುಡ್ಲ(ರಿ),
ಅಂಚನೇ ಮಲ್ಲ ಬಿನ್ನೆರ್ ಆದ್ ಶ್ರೀ ಪಿ. ರಮಾನಾಥ ಹೆಗ್ಡೆ ಆಡಳಿತ ಮೊಕ್ತಸರೆರ್, ಶ್ರೀ ಮಂಗಳಾದೇವಿ ದೇವಸ್ಥಾನ ಪಾಲ್ ಪಡೆಯರೆ ಉಲ್ಲೆರ್.ಅವ್ವೆ ದಿನ ಶ್ರೀ ಧರ್ಮಸ್ಥಳ ಪದ್ಮವಿಭೂಷಣ ಡಾ| ಡಿ. ವೀರೇಂದ್ರ ಹೆಗ್ಗಡೆರೆನ ಪ್ರಾಯೋಜಕತ್ವದ ರತ್ನವರ್ಮ ಹೆಗ್ಗಡೆ ಸ್ಮತಿ ತುಳುನಾಟಕ ಕೃತಿ ಪ್ರಶಸ್ತಿ ಪ್ರದಾನದ ಇನಾಮು ಪಟ್ಟುನ ಲೇಸ್ ಲ ನಡಪರೆ ಉಂಡು.

ಸುಳ್ಯ ತಾಲೂಕು ತುಳು ಸಾಹಿತ್ಯ ಸಮ್ಮೇಳನ ಬೊಕ್ಕ ಕೃಷಿ ಮೇಳ – 2021

ಸುಳ್ಯ, ಎಪ್ರಿಲ್ 09: ಓಡಿಯೂರು ಶ್ರೀಲೆನ ಷಷ್ಟಬ್ಧ ಸಂಭ್ರಮ ಸುಳ್ಯ ತಾಲೂಕು ಸಮಿತಿ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಕುಡ್ಲ, ತುಡರ್ ತುಳು ಕೂಟ ಸುಳ್ಯ ಬೊಕ್ಕ ಕಳಂಜ ಬಾಲ ಪ್ರಾಕೃ.ಪ.ಸಹಕಾರಿ ಸಂಘ ನಿ.ಜ್ಞಾನ ವಾಹಿನಿ ಪ್ರಾದೇಶಿಕ ಸಮಿತಿ ಸುಳ್ಯ ಮೊಕ್ಲೆನ ಕೂಡುಕೂಟೊಡು ದಿವಂಗತ ಕೋಟೆ ವಸಂತ ಕುಮಾರ್ (ಚಾವಡಿ)ಡ್ ಸುಳ್ಯ ತಾಲೂಕು ತುಳು ಸಾಹಿತ್ಯ ಸಮ್ಮೇಳನ ಬೊಕ್ಕ ಕೃಷಿ ಮೇಳ – 2021 ಲೇಸ್ ತೇದಿ ಪಗ್ಗು 6 ಪೋಪುನಾನಿ , 19-04-2021 ಸೋಮಾರ ಕಾಂಡೆ 9-30 ಗಂಟೆರ್ದ್ ಬಜನಿ ದಿ| ರಾಮಯ್ಯ ರೈ ಸಭಾಂಗಣ ಕೋಟೆ ಮುಂಡುಗಾರು ಶಾಲೆ ಕಳಂಜ, ಸುಳ್ಯ ತಾಲೂಕು ಡು ನಡಪರೆ ಉಂಡು.

ಶ್ರೀ ನಂದನೇಶ್ವರ ದೇವಸ್ಥಾನ ಪಣಂಬೂರು : ಪ್ರಾಯಶ್ಚಿತ್ತ ಲೇಸ್

ಪಣಂಬೂರು, ಎಪ್ರಿಲ್ 09 : ಜಾತ್ರಾ ಪೊರ್ತುಡು ನಡತಿನ ಆಕಸ್ಮಿಕ ಘಟನೆದ ಪರಿಹಾರಾರ್ಥವಾದ್ ಶ್ರೀ ನಾಗದೇವೆರ್ನ , ಕ್ಷೇತ್ರದ ದೈವದ ಅಪ್ಪಣೆದ ಪ್ರಕಾರ , ತಂತ್ರಿಲೆನ ಮುತಾಲಿಕೆಡ್ ತಾರೀಖ್ 9-04-2021ನೇ ಶುಕ್ರವಾರ ಪ್ರಾಯಶ್ಚಿತ್ತ ಕಾರ್ಯಕ್ರಮ ನಡಪರೆ ಉಂಡು.