ಇಂಡಿಯಾ ಫೆಸ್ಟ್ ಅವಾರ್ಡ್ ಗೆಂದಿನ ತುಳುನಾಡುದ ಬಾಲ ಪ್ರತಿಭೆ ಸುವಿದ್ ಮಾರ್ನಾಡ್
ಸರ್ಫ್ ಎಕ್ಸೆಲ್ ದಗಲ ”ಪೂರಬ್ ಪೋ” ಜಾಹಿರಾತುದ ಮುಕಾಂತ್ರ ಲೋಕೊರ್ಮೆ ಪುದರಾತಿನ ತುಳುನಾಡುದ ಮಾರ್ನಾಡುದ ಬಾಲ ಪ್ರತಿಭೆ ಸುವಿಧ್ ಸುರೇಂದ್ರ ಮಾರ್ನಾಡ್ ‘ಇಂಡಿಯಾ ವಾಯ್ಸ್ ಆಫ್ ಫೆಸ್ಟ್ 2021 ಪ್ರಶಸ್ತಿಗ್ ಆಯ್ಕೆ ಆತೆರ್ . ಶುಗರ್ ಇಂಡಿಯಾ ದಕುಲು ಭಾರತದ ಟಿವಿ ಜಾಹಿರಾತುಲೆಗ್ ಇಡೀ ಇಂಡಿಯಾಡ್ ಆಯ್ಕೆ ಮಲ್ಪುನ ಜೋಕುಲೆನ ವಿಭಾಗದ ಪ್ರಶಸ್ತಿಗ್ ಪದಿನಾಲ್ ವರ್ಷದ ಸುವಿಧ್ ಆಯ್ಕೆ ಆದ್ ಇಡೀ ತುಳುನಾಡುಗ್ ಕೀರ್ತಿ ಕನದೆರ್.
ಸದ್ಯ ಮುಂಬೈಯ್ಡ್ ಪೊದ್ದಾರ್ ಇಂಟರ್ನ್ಯಾಷನಲ್ ಸ್ಕೂಲ್ ಮುಲ್ಪ ಎಡ್ಮನೇ ಕ್ಲಾಸುಡ್ ಕಲ್ತೊ೦ದು ಉಪ್ಪುನ ಸುವಿಧ್ ಪುಗಾರ್ತೆದ ಮುಂಬೈದ ಧ್ವನಿ ಕಲಾವಿದೆ ಸುರೇಂದ್ರ ಮಾರ್ನಾಡ್ ಬೊಕ್ಕ ವಿದ್ಯಾ ಸುರೇಂದ್ರ ಮಾರ್ನಾಡ್ ದಂಪತಿಲೆನ ಕಡೀರ ಮಗೆ.
ಸಂಗೀತ ಯಕ್ಷಗಾನ ಬೊಕ್ಕ ಚಂಡೆ ವಾದನ ಇಂಚ ಬಹುಮುಖ ಪ್ರತಿಭೆ ಸುವಿಧ್ ಐಲೇಸಾ – ದಿ ವಾಯ್ಸ್ ಆಫ್ ಓಷನ್ ಸಂಸ್ಥೆದ ಸುಮಾರ್ ನೂದುಲಾ ಮಿತ್ತ್ ವಿಡಿಯೋ ಎಡಿಟ್ ಮಲ್ತ್ , ಪ್ರಮೋಷನ್ ಸ್ಟಿಕರ್ಸ್, ಪೋಸ್ಟರ್ಸ್ ಮಲ್ತುದು ಲೋಕದ ಮಾತಾ ತುಳುವೆರೆನ ಮನಸ್ ಗೆಂದಿನ ಬಿರ್ಸುದ ಬಾಲೆ.
ಟಿವಿ ಜಾಹೀರಾತುಲೆಡ್ ಹಾರ್ಲಿಕ್ಸ್ , ಲೈಫ್ ಬಾಯ್ ಚಾಕೋಸ್ , ಗುಡ್ ನೈಟ್ ಇಂಚ ಪತ್ತೆಡ್ಲಾ ಜಾಸ್ತಿ ಬಾಸೆಡ್ ಸ್ವರ ಕೊರ್ದು ಪುದರಾಯಿನ ಪೆರ್ಮೆ ಉಂಡು . ಫ್ರೆಂಚ್ ನೇಪಾಳಿ ಬಾಸೆಡ್ಲಾ ಜಾಹಿರಾತುಲೇನ್ ಮಲ್ತುದು ಪುದರಾತಿನ ಸುವಿಧ್ ನ ಸಂಗೀತದ ಗುರು ಆಜೀವಾಸನ್ . ಮುಂಬೈ ನ್ಯಾಷನಲ್ ಕಾಲೇಜಿಡ್ ಪ್ರಾಧ್ಯಾಪಕೆರಾದ್ ಉಪ್ಪುನ ಅಪ್ಪೆ ವಿದ್ಯಾ ಮೆರೆನ ಉಮೇದುಡ್ ಕೀ ಬೋರ್ಡ್ ಕಲ್ತೊಂದುಪ್ಪುನ ಸುವಿಧ್ ಐಲೇಸಾ ಕೂಟೊಡು ‘ವ೦ಡರ್ ಕಿಡ್’ ಪಂಡುದೇ ಪುದರಾತಿನ ಪೆರ್ಮೆದ ತುಳುನಾಡ ಬಾಲೆ.ಸುವಿಧ್ ಸುರೇಂದ್ರ ಮಾರ್ನಾಡ್ ನನಾತ್ ಫುಗಾರ್ತಾಲೆನ್ ದೆತೊನುನಕ್ಕ ಆವಡ್ ಪಂಡುದ್ ಉಡಲ್ ದಿಂಜಿನ ಹಾರೈಕೆಲು.
