September 2021

ದ.ಕ ಜಿಲ್ಲೆಡ್ ಪುಣ್ಯಕ್ಷೇತ್ರಗ್ ವಾರಾಂತ್ಯಡ್ ಲ ಮುಕ್ತ ಅವಕಾಶ- ಕೋವಿಡ್ ನೆಗೆಟಿವ್ ವರದಿ ಅಗತ್ಯ- ಡಿಸಿ ಆದೇಶ

ಕುಡ್ಲ : ದ.ಕ.ಜಿಲ್ಲೆಡ್ ಕೋವಿಡ್ ಪ್ರಕರಣದ ಸಂಖ್ಯೆ ಕಮ್ಮಿ ಆಯಿನಿ ನೆಲೆಟ್ಟ್ ಶ್ರೀಕ್ಷೇತ್ರ ಧರ್ಮಸ್ಥಳ, ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನಗ್ ಪಾಡಿನ ವಾರಾಂತ್ಯ ನಿರ್ಬಂಧನ್ ದೈದೆರ್ ಷರತ್ತುದ ಒಟ್ಟುಗು ಸೇವೆ ಬೊಕ್ಕ ಸಾರ್ವಜನಿಕೆರ್ನ ಮುಕ್ತ ಪ್ರವೇಶಗ್ ಅವಕಾಶ ಕೊರ್ತೆರ್ ದ.ಕ.ಜಿಲ್ಲಾಧಿಕಾರಿ ಡಾ.ಕೆ.ವಿ.ರಾಜೇಂದ್ರ ಆದೇಶ ಕೊರ್ತೆರ್ .

ಆಂಡ ದೇವಸ್ಥಾನಡ್ ಕೋವಿಡ್ ನಿಯಮಾವಳಿನ್ ಕಟ್ಟುನಿಟ್ಟಾದ್ ಪಾಲಿಸಾವೊಡು . ಆಡಳಿತ ಮಂಡಳಿ ಉಂದೆನ್ ಕಟ್ಟುನಿಟ್ಟಾದ್ ಅನುಷ್ಠಾನ ಮಲ್ಪುನ ಜವಾಬ್ದಾರಿ ಉಪ್ಪೊಡು ಪಂದ್ ಪಂಡೆರ್.

ಪಟ್ಲ ಫೌಂಡೇಶನ್ ವತಿರ್ದ್ ಪೆರಿಯ ಬಲಿಪ ಭಾಗವತೆರೆಗ್ ಮಾನದಿಗೆ , ಕಿರಿಯ ಬಲಿಪ ಭಾಗವತೆರೆಗ್ ವೈದ್ಯಕೀಯ ಸಾಕಾರ

ಕುಡ್ಲ : ಯಕ್ಷರಂಗದ ಬೀಷ್ಮ ಬೊಕ್ಕ ಪ್ರಖ್ಯಾತ ಹಿರಿಯ ಭಾಗವತೆರ್ ೨೦೧೭ರ ಪಟ್ಲ ಪ್ರಶಸ್ತಿ ಪುರಸ್ಕೃತೇರಾಯಿನ ಶ್ರೀ ಬಲಿಪ ನಾರಾಯಣ ಭಾಗವತರ ವಿಶ್ರಾಂತಿ ಜೀವನದ ಪೊರ್ತುಡು ಪಟ್ಲ ಫೌಂಡೇಶನ್ ಟ್ರಸ್ಟ್ ಪಧಾದಿಕಾರಿಲು ಆರೆನ ಸ್ವಗೃಹಕ್ ಪೋದು ಅರೆಗ್ ಮಾನದಿಗೆ ಮಲ್ತ್ ನಾlನಾತ್ , ಕಾಲ ತಮ್ಮ ಮಾರ್ಗದರ್ಶನ ಬೊಕ್ಕ ಆಶೀರ್ವಾದ ಯಕ್ಷಗಾನ ಕಲಾವಿದೆರ್ನ ಮಿತ್ತ್ ಉಪ್ಪಡ್ ಪಂದ್ ಪಟ್ಲ ಸತೀಶ್ ಶೆಟ್ಟಿ ಪ್ರಾರ್ಥನೆ ಮಲ್ತ್ ಗುರುಕುಲೆನ ಆಶೀರ್ವಾದ ಪಡೆಯೆರ್.

ಈ ಪೊರ್ತುಡು ಅಸೌಖ್ಯದಿಂದ ಹುಷಾರ್ ಆವೊಂದು ಉಪ್ಪುನ ಶ್ರೀ ಪ್ರಸಾದ್ ಬಲಿಪ ಭಾಗವತೆರೆಗ್ ವೈದ್ಯಕೀಯ ವೆಚ್ಚದ ಸಾಕಾರ ಗಾದ್ ರೂ ೫೦,೦೦೦/- ಕೊರ್ದು ಟ್ರಸ್ಟ್ ಎಡ್ಡೆಪ್ಪು ಬಯಕಿಯೆರ್.

ಈ ಪೊರ್ತುಡು ಕೇಂದ್ರೀಯ ಸಮಿತಿದ ಪದಾಧಿಕಾರಿಲಾಯಿನ ಡಾ! ಮನು ರಾವ್, ರಾಜೀವ ಪೂಜಾರಿ ಕೈಕಂಬ, ಕೆ ಪುರುಷೋತ್ತಮ ಭಂಡಾರಿ, ಸಿ ಎ ಸುದೇಶ್ ಕುಮಾರ್ ರೈ, ಜಗನ್ನಾಥ ಶೆಟ್ಟಿ ಬಾಳ, ರವಿ ಶೆಟ್ಟಿ ಅಶೋಕನಗರ ಬೊಕ್ಕ ಮೂಡಬಿದ್ರೆ ಘಟಕದ ಪದಾಧಿಕಾರಿಲಾಯಿನ ದಿವಾಕರ್ ಶೆಟ್ಟಿ ತೋಡಾರ್, ಪ್ರೇಮನಾಥ್ ಮಾರ್ಲ ಕೆ, ರವಿ ಪ್ರಸಾದ್ ಶೆಟ್ಟಿ , ಮನೋಜ್ ಕುಮಾರ್ ಶೆಟ್ಟಿ, ಅರುಣ್ ಕೋಟ್ಯಾನ್ ಒಟ್ಟು ಗಿತ್ತೆರ್.