September 2021

‘ಟವರ್ ಟ್ರೇಡಿಂಗ್’ ಚೈನ್‌ಲಿಂಕ್ ಮಾದರಿದ ಆ್ಯಪ್ ಮುಖೇನ ಲಕ್ಷ ಲಕ್ಷ ಬೆನ್ಪಿನ ಆಸೆ ಪುಟ್ಟಾದ್ ಜನಕ್ಲೆಗ್ ಡೋಂಗಿ

ಕಾರವಾರ : ‘ಟವರ್ ಟ್ರೇಡಿಂಗ್’ ಪನ್ಪಿನ ಗೂಗಲ್ ಪ್ಲೇ ಸ್ಟೋರ್‌ಡ್ ಉಪ್ಪುನ ಒಂಜಿ ಆಪ್. ಈ ಆಪ್ ಮುಖೇನ ಕ್ರಿಪ್ಟೋ ಕರೆನ್ಸಿಲಾಯಿನ ಬಿಟ್ ಕಾಯಿನ್, ಎಕ್ಸ್ ಆರ್ ಪಿ, ಇಥಿರಿಯಂ, ಡಾಗಿ ಕಾಯಿನ್ ಇಂಚ  ಕರೆನ್ಸಿಲೆನ್ ಖರೀದಿ ಮಲ್ತ್ ಕಾಸ್ ಹೂಡಿಕೆ ಮಲ್ತ್ ಲಕ್ಷ ಲಕ್ಷ ಬೆನೊಲಿ ಪಂದ್ ಆಸೆ ಪುಟ್ಟಾದೆರ್.

ಉಂದೆನ್ ನಂಬಿನ ಉತ್ತರ ಕನ್ನಡ ಜಿಲ್ಲೆದ ಜನಕುಲು ‘ಟವರ್ ಟ್ರೇಡಿಂಗ್’ ಆಪ್ ಡೌನ್‌ಲೌಡ್ ಮಲ್ತ್ ಸುರುಟು 5 ಸಾರ ರೂಪಾಯಿ ಇನ್ವೆಸ್ಟ್ ಮಲ್ದೆರ್ , ಇಂಚ 5 ಸಾವಿರ ಹೂಡಿಕೆ ಮಲ್ತಿನಕ್ಲೆಗ್ ಸುರುತ್ತೆ 8750 ರೂಪಾಯಿ ಅಕ್ಲೆನ ಖಾತೆಗ್ ಬತ್ದ್ ಇತ್ತುಂಡು ಐರ್ದ್ ಬೊಕ್ಕ ವಾಟ್ಸಾಪ್ ಗ್ರೂಪ್ ಮಲ್ತ್ ಅವು ಚೈನ್ ಲಿಂಕ್ ರೀತಿ ಬುಲೆವೊಂದು ಪೋತುಂಡು.

ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ದೇವಿ ದೇವಸ್ಥಾನದ ಸ್ವರ್ಣ ಕಳಶ ನಿರ್ಮಾಣ ಸಮಿತಿದ ಕುಂದಾಪುರ ವಲಯದ ಸಭೆ

ಕುಂದಾಪುರ :ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ಸ್ವರ್ಣ ಕಳಶ ನಿರ್ಮಾಣ ಸಮಿತಿದ ಕುಂದಾಪುರ ವಲಯದ ಸಭೆ ಕುಂದಾಪುರ ವಲಯದ ಗುರ್ಕಾರ್ಲಾಯಿನ ಶ್ರೀ ಉದಯ ಕುಮಾರ್ ಹಟ್ಟಂಗಡಿ ಮೆರೆನ ಗುರ್ಕಾರ್ಮೆಡ್ ಕುಂದಾಪುರದ ಹೆಮ್ಮಾಡಿ ಮೀನುಗಾರರ ಸಹಕಾರಿ ಸಂಘದ ಮತ್ಸ್ಯ ಜ್ಯೋತಿ ಸಭಾಂಗಣಡ್ ನಡತುಂಡು. ಕೇಂದ್ರೀಯ ಮಂಡಳಿದ ಗುರ್ಕಾರ್ಲಾಯಿನ ಶ್ರೀ ಮನೋಜ್ ಸಾಲ್ಯಾನ್ ಉಳ್ಳಾಲ ಮೇರ್ ಸಭೆಕ್ ಸ್ವರ್ಣ ಕಳಶ ನಿರ್ಮಾಣದ ಸಂಪೂರ್ಣ ಮಾಹಿತಿನ್ ‌ಕೊರಿಯೆರ್ .

ಕೇಂದ್ರೀಯ ಮಂಡಳಿದ ಪ್ರಧಾನ ಕಾರ್ಯಂತೆರಾಯಿನ ಶ್ರೀ ಶಿವರಾಮ್ ಕೆ ಎಂ ಮೇರ್ ಬತ್ತಿ ಬಿನ್ನೆರೆನ್ ಎದುಕೊಂಡೆರ್ ಅಂಚನೇ ಮಾತಾ ವಲಯದ ಸಮಿತಿ ಸದಸಯೆರ್ನ ಸಾಕಾರ ಕೇಂಡೆರ್ . ಈ ಸಭೆಟ್ ದಕ್ಷಿಣ ಕನ್ನಡ ಮೊಗವೀರ ಮಹಾಜನ ಸಂಘದ ಗುರ್ಕಾರ್ಲಾಯಿನ ಶ್ರೀ ಜಯ ಸಿ ಕೋಟ್ಯಾನ್, ಜೀರ್ಣೋದ್ಧಾರ ಸಮಿತಿ ಗುರ್ಕಾರ್ಲಾಯಿನ ಶ್ರೀ ಗುಂಡು ಅಮೀನ್,ಕ್ಷೇತ್ರಾಡಳಿತ ಗುರ್ಕಾರ್ಲಾಯಿನ ಶ್ರೀ ವಾಸುದೇವ ಸಾಲ್ಯಾನ್, ಮೊಗವೀರ ಸಮಾಜದ ಪೆರಿಯೆರಾಯಿನ ಶ್ರೀ ಸದಾನಂದ ಬಂಗೇರ ಉಳ್ಳಾಲ, ಕೇಂದ್ರೀಯ ಮಂಡಳಿದ ಪ್ರಧಾನ ಸಂಚಾಲಕೆರಾಯಿನ ಶ್ರೀ ವಿನಯ್ ಕರ್ಕೇರ ಮಲ್ಪೆ, ಕುಡ್ಲ ವಲಯ ಗುರ್ಕಾರ್ಲಾಯಿನ ಶ್ರೀ ದಯಾನಂದ ಬಂಗೇರ ಉಳ್ಳಾಲ, ಬಗ್ವಾಡಿ ‌ಹೋಬಳಿ ಪ್ರಮುಖೆರಾಯಿನ ಶ್ರೀ ಕೆ ಕೆ ಕಾಂಚನ್, ಹಿರಿಯಣ್ಣ,ಎಂ ಎಂ ಸುವರ್ಣ, ಜಗದೀಶ್ ಬೊಕ್ಕ ಕುಂದಾಪುರ ವಲಯದ ಮಾತಾ ಸಮಿತಿದ ಪದುಕೆರ್ ಬೊಕ್ಕ ಸದಸ್ಯೆರ್ ಪಾಲ್ ಪಡೆದಿತ್ತೆರ್.

ಕೇರಳೊಡು ಬೀಗಲ್ ಜಾತಿದ ನಾಯಿಗ್ ಸಾಂಪ್ರದಾಯಿಕ ಮದಿಮೆ

ಕೇರಳ : ಸಾಮಾನ್ಯವಾದ್ ಕುತೂಹಲ ಮೂಡವುನ ಸುದ್ದಿಲು ಕೆಲವು ಸಲ ಆಶ್ಚರ್ಯ ಆದ್ ಉಪ್ಪುಂಡು. ಅಂಚಿನನೇ ಒಂಜಿ ಸುದ್ದಿ ಇತ್ತೆ ಫುಲ್​ ವೈರಲ್​ ಆತುಂಡು . ಕೇರಳಡ್ ನಾಯಿದ ಕಿನ್ನಿಗ್ ಸಾಂಪ್ರದಾಯಿಕವಾದ್ ಮದಿಮೆ ಮಲ್ದೆರ್ ಒಂಜರೆ ವರ್ಷದ ಪೊಣ್ಣು ನಾಯಿದ ಕಿನ್ನಿ ಬೊಕ್ಕ ರಡ್ಡ್ ವರ್ಷದ ಆಣ್ ನಾಯಿದ ಕಿನ್ನಿಗ್ ಸೋಮವಾರ ಮದಿಮೆ ಮಲ್ದೆರ್. ರಡ್ಡ್ ನಾಯಿಲಾ ಬೀಗಲ್ ಜಾತಿಗ್ ಸೇರ್ದಿನವು.

ದೇವಸ್ಥಾನ ದರ್ತಿನ ಬಿಜೆಪಿ ಸರ್ಕಾರದ ವಿರುದ್ಧ ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಪಾದಯಾತ್ರೆ,ಪ್ರತಿಭಟನೆ

ಮುಲ್ಕಿ : ನಂಜನಗೂಡು ದ ಮಹದೇವಮ್ಮ ದೇವಸ್ಥಾನೊನು ದರ್ಪಾಯಿನ ಕ್ರಮ ಬಿಜೆಪಿದ ಮುಖವಾಡೊನು ಬಯಲ್ ಮಲ್ದ್ಂಡ್. ಒಟ್ಟಾರೆ 5700 ದೇವಸ್ಥಾನ, ಮಸೀದಿ, ಇಗರ್ಜಿಲು ಈ ಪಟ್ಟಿಡ್ ಉಂಡು ಪಂದ್ ತೆರಿದ್ ಬೈದ್ಂಡ್. ಉಂದೆತ್ತ ವಿಚಾರೊಡು ಸರಕಾರದ ಸ್ಪಷ್ಟ ನಿಲುವು ದಾದ ಪಂದ್ ತೆರಿಪಾವೊಡುಂದು ಕಾಂಗ್ರೆಸ್ ಯುವ ನಾಯಕೆರ್ ಮಿಥುನ್ ರೈ ಆಗ್ರಹ ಮಲ್ತೆರ್. ದೇವಸ್ಥಾನ ದರ್ಪಾಯಿನ ರಾಜ್ಯ ಸರ್ಕಾರದ ಕ್ರಮೊನು ಖಂಡಿಸಾದ್ ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ದಕುಲು ಗುರುವಾರ ಕಾರ್ನಾಡ್ ರ್ದ್ ಮುಲ್ಕಿ ಬಸ್ಸ್ ಸ್ಟ್ಯಾಂಡ್ ಮುಟ್ಟ ಅಟ್ಟಣೆ ಮಲ್ದಿತ್ತಿನ ಪಾದಯಾತ್ರೆದ ಮುಗಿತಲದ ಲೇಸ್ ಡ್ ಆರ್ ಪಾತೆರಿಯೆರ್.

ಬಿಜೆಪಿದಕುಲು ಒಂಜಿ ಕಣ್ಣ್ ಗ್ ಬೆಣ್ಣೆ ಬೊಕ್ಕೊಂಜಿ ಕಣ್ಣ್ ಗ್ ಸುಣ್ಣ ಪಾಡುನಕುಲು. ಒಂಜಿ ಮೈಟ್ ದೇವಸ್ಥಾನ ಪುಡತ್ ದ್ ಬೊಕ್ಕೊಂಜಿ ಕಡೆಟ್ಟ್ ಪ್ರತಿಭಟನೆ ಮಲ್ಪುವೆರ್. ಅಕುಲು ಮಲ್ಪುನ ಪ್ರತಿಭಟನೆ ಏರ್ನ ವಿರುದ್ಧ ಪಂದ್ ಮಿಥುನ್ ರೈ ಪ್ರಶ್ನೆ ಮಲ್ತೆರ್.
ದಿಕ್ಸೂಚಿ ಭಾಷಣ ಮಲ್ತಿನ ಸಮಾಜ ಚಿಂತಕೆರ್ ಸುಧೀರ್ ಮರೋಳಿ ಪಾತೆರ್ದ್, ಕಾಂಗ್ರೆಸ್ ಪಾಡುನ ಕೇಸರಿ ಶಾಲ್ ಸೌಹಾರ್ದದ ಶಾಲ್. ಕೇಸರಿ ಕಾಂಗ್ರೆಸ್ ದ ಬಾವುಟೊಡೇ ಉಂಡು. ಬಿಜೆಪಿ ನಾಟಕ ಮಲ್ಪುನೆನ್ ಉಂತಾವೊಡು ಪಂಡೆರ್.
ಕಾಂಗ್ರೆಸ್ ವೈದ್ಯಕೀಯ ಪ್ರಕೋಷ್ಠದ ಅಧ್ಯಕ್ಷೆರ್ ಡಾ.ಶೇಖರ ಪೂಜಾರಿ, ಕೆಪಿಸಿಸಿ ಕೋಆರ್ಡಿನೇಟರ್ ವಸಂತ ಬೆರ್ನಾಡ್, ರಾಜ್ಯ ಯುವ ಕಾಂಗ್ರೆಸ್ ನಾಯಕಿ ದೀಪಿಕಾ ರೆಡ್ಡಿ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಮೋಹನ್ ಕೋಟ್ಯಾನ್, ಯುವ ಕಾಂಗ್ರೆಸ್ ಅದ್ಯಕ್ಷೆರ್ ಅಶೋಕ್ ಪೂಜಾರ ಮಿತ್ತರ್ಮೆಡ್ ಇತ್ತೆರ್. ಕೆಪಿಸಿಸಿ ಹಿಂದುಳಿದ ವರ್ಗದ ಕಾರ್ಯದರ್ಶಿ ಪ್ರವೀಣ್ ಬೊಳ್ಳೂರು, ಗುರುರಾಜ್, ಮುಲ್ಕಿ ನಗರ ಪಂಚಾಯತ್ ಸದಸ್ಯೆರ್ ಪುತ್ತು ಬಾವ, ಯೋಗೀಶ್ ಕೋಟ್ಯಾನ್ , ಬಾಲಚಂದ್ರ ಕಾಮತ್ , ಜನಾರ್ದನ ಬಂಗೇರ, ಪಂಚಾಯತ್ ಸದಸ್ಯೆರ್ ಧನರಾಜ್ ಸಸಿಹಿತ್ಲು, ಅನಿಲ್ ಸಸಿಹಿತ್ಲು, ಚಂದ್ರ ಕುಮಾರ್, ಸುರೇಶ್ ಪಂಜ, ನವೀನ್ ಸಾಲ್ಯಾನ್, ಕೇಶವ ಪೂಜಾರಿ, ಶ್ರೀಧರ ಪಂಜ ಮೊಕುಲು ಮಾತ ಇತ್ತೆರ್.
ಶರತ್ ಶೆಟ್ಟಿ ಕಿನ್ನಿಗೋಳಿ ಲೇಸ್ ಸುಧಾರಿಕೆ ಮಲ್ತೆರ.

ಬನ್ನೇರುಘಟ್ಟದ “ಬಿಲ್ಲವ ಭವನ”ಡ್ ಬಿಲ್ಲವ ಅಸೋಸಿಯೇಷನ್ ಬೆಂಗ್ಳೂರು ಒಟ್ಟು ಸೇರಿಗೆಡ್ ಬ್ರಹ್ಮಶ್ರೀ ನಾರಾಯಣಗುರು ಜಯಂತಿ ಉಚ್ಚಯ

ಬೆಂಗ್ಳೂರು : ತಾರೀಖ್ 03-10-2021 ಕ್ಕ್ ಐತಾರ ದಾನಿ ಬನ್ನೇರುಘಟ್ಟ ಮಾರ್ಗದ “ಬಿಲ್ಲವ ಭವನ”ಡ್ ಬಿಲ್ಲವ ಅಸೋಸಿಯೇಷನ್ ಬೆಂಗ್ಳೂರು ಆಶ್ರಯಡ್ ಬ್ರಹ್ಮಶ್ರೀ ನಾರಾಯಣಗುರು ಜಯಂತಿ ಬೊಕ್ಕ ಪ್ರತಿ ವರ್ಷದಲಕ ಈ ಸಲಲ ಆರ್ಥಿಕವಾದ್ ಸಂಕಷ್ಟಡ್ ಉಪ್ಪುನ ಸಮಾಜದ ಪಾಪದ ಕುಟುಂಬದ ಜೋಕ್ಲೆಗ್ ಶೈಕ್ಷಣಿಕವಾದ್ ಸಾಕಾರ ಕೊರ್ಪಿನ ನೆಲೆಟ್ಟ್ ಸುಮಾರ್ 1.75 ಲಕ್ಷ ಪಣವುದ ಬೃಹತ್ ಸಹಾಯಧನ ಲೇಸ್ ನಡಪರೆ ಉಂಡು , ಸಮಾಜ ಭಾಂದವೆರ್ ಎಚ್ಚದ ಸಂಖ್ಯೆಡ್ ಪಾಲ್ ಪಡೆಯರೇ ಬಿನ್ನಾಪು ಮಲ್ದೆರ್.