ಕೇರಳ ಸುದ್ದಿ | Kerala News

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಕೇರಳ ಸುದ್ದಿ | Kerala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಆರೋಗ್ಯ ಸಮಸ್ಯೆ ಇತ್ತಿನಕುಲು ಶಬರಿ ಮಲೆ ಬರ್ತರೆ ಬಲ್ಲಿ: ಆರೋಗ್ಯ ಇಲಾಖೆ ಸೂಚನೆ

Nov 23, 2022

ಕರ್ನಾಟಕಡ್ ಇತ್ತೆ ಮಸ್ತ್ ಜನ ಅಯ್ಯಪ್ಪ ಸ್ವಾಮಿನ ಮಾಲೆ ಪಾಡ್ದೆರ್. ಈ ಬಗೆಟ್ ಕೇರಳದ ಪಟ್ಟನಂತಿಟ್ಟ ಜಿಲ್ಲೆಡ್ ಇಪ್ಪುನ ಶಬರಿಮಲೆ ಅಯ್ಯಪ್ಪ ದೇವಲ್ಯಗ್ ಪೋಪಿನ ಭಕ್ತೆರೆಗ್ ಆರೋಗ್ಯ ಇಲಾಖೆ ಕೆಲ ಸೂಚನೆ ಕೊರ್ತುಂಡು.

ಅಯ್ಯಪ್ಪ ಸ್ವಾಮಿ ಭಕ್ತೆರೆಡ್ ಕೆಲವೆರೆಗ್ ದಂಬುದ ಸಮಸ್ಯೆ, ತಿಗಲೆ ದ ಸಮಸ್ಯೆ ಅಸ್ತಮಾ ಸೇರಿನಂಚನೆ ಉಸುಲುಗು ಸಂಬಂಧಪಟ್ಟಿನ ಸಮಸ್ಯೆ ಇತ್ತ್ಂಡ ಶಬರಿಮಲೆ ಬೆಟ್ಟನ್ ಬರ್ತರೆ ಬಲ್ಲಿ ಪಂದ್ ಯಾತ್ರಾರ್ಥಿಲೆಗ್ ಆರೋಗ್ಯ ಇಲಾಖೆದಕುಲು ಸೂಚನೆ ಕೊರ್ತೆರ್.

ಶಬರಿಮಲೆಕ್ಕ್ ಪೋಪಿನ ಭಕ್ತೆರೆನ ಬಸ್ ಪಲ್ಟಿ: 20 ಜನಕ್ಕ್ ಪೆಟ್ಟ್

Nov 19, 2022

ಆಂಧ್ರಪ್ರದೇಶರ್ದ್ ಶಬರಿಮಲೆತ್ತ ಭಕ್ತೆರೆನ್ ಲೆತೊಂದು ಪೋವೊಂದು ಇತ್ತಿನ ಬಸ್ ಪಲ್ಟಿಯಾದ್ 20 ರ್ದ್ ಎಚ್ಚದ ಜನಕ್ಲೆಗ್ ಪೆಟ್ಟಾತಿನ ಘಟನೆ ಸನಿವಾರ ಪಥನಂತಿಟ್ಟದ ಜಿಲ್ಲೆದ ಲಾಹಾ ಕೈತಲ್ ನಡತ್ಂಡ್.

ಬಸ್‌ಡ್ ಇತ್ತಿನ 44 ಪ್ರಯಾಣಿಕೆರೆನ್ ರಕ್ಷಣೆ ಮಲ್ತ್‌ದ್ ಕೈತಲ್‌ದ ಆಸ್ಪತ್ರೆಗ್ ದಾಖಲ್ ಮಲ್ತ್‌ದೆರ್ ಪಂದ್ ಜಿಲ್ಲಾಡಳಿತ ಅಧಿಕಾರಿಲು ತೆರಿಪಾದೆರ್. ಪೊಲೀಸೆರ್, ಅಗ್ನಿಶಾಮಕ ದಳತ್ತ ಸಿಬ್ಬಂದಿಲು ರಕ್ಷಣಾ ಕಾರ್ಯಚರಣೆ ಮಲ್ತ್‌ದೆರ್.

ಶಬರಿಮಲೆ ಯಾತ್ರೆ ಸುರು ಆಯರೆ ನನ ಕೆಲವೇ ದಿನ: ದೇವಲ್ಯಡ್ ಬಿರ್ಸ್ ದ ತಯಾರಿ

Nov 9, 2022

ಪಂಪಾ: ಶಬರಿಮಲೆ ಯಾತ್ರೆ ಸುರು ಆಯರೆ ನನ ಒಂಜಿ ವಾರ ಮಾತ್ರ ಬಾಕಿ ಉಂಡು. ನ.16 ಕ್ಕ್ ಬಯ್ಯ ಮಂಡಲ ತೀರ್ಥ ಯಾತ್ರೆಗಾದ್ ದೇವಲ್ಯದ ಬಾಕಿಲ್ ದೆಪ್ಪುವೆರ್ .

ಕೋವಿಡ್ ರ್ದ್ ಬೊಕ್ಕ ತೀರ್ಥಯಾತ್ರೆ ಸಂಪೂರ್ಣವಾದ್ ಸುರು ಆಪಿನೆಡ್ದಾವರ ಎಚ್ಚದ ಸಂಖ್ಯೆದ ಭಕ್ತೆರೆನ್ ಸರ್ಕಾರ ಬೊಕ್ಕ ದೇವಸ್ವಂ ಮಂಡಳಿ ನಿರೀಕ್ಷೆ ಮಲ್ತೊಂದು ಉಂಡು. ನಿಲಕ್ಕಲ್, ಪಂಪಾ ಬೊಕ್ಕ ಸನ್ನಿಧಾನಡ್ ಮೂಲ ಸೌಕರ್ಯದೊಟ್ಟುಗು ಬೇತೆ ರೀತಿದ ಸಿದ್ಧತೆ ಭಾರೀ ಬೇಗಡ್ ನಡತೊಂದು ಉಂಡು.

10 ಲಕ್ಷ ಜನಕ್ಲೆನ ರೇಷನ್ ಕಾರ್ಡ್‌ನ್ ದೆತ್ತ್ ಪಾಡಿನ ಸರ್ಕಾರ?

Nov 9, 2022

ದೇಶಡ್ 10 ಲಕ್ಷ ರೇಷನ್ ಕಾರ್ಡ್‌ನ್ ದೆಪ್ಪರೆ ಸರ್ಕಾರ ಯೋಚನೆ ಮಲ್ತೊಂದು ಉಂಡು. ಅವೆಕ್ಕಾದ್ ಪರಿಶೀಲನೆ ಪ್ರಕ್ರಿಯೆ ನಡತೊಂದು ಉಂಡು. ಅಂಚೆನೆ ದುಂಬು ಬರ್ಪಿನ ದಿನಟ್ಟ್ ಈ ಸಂಖ್ಯೆ ಎಚ್ಚ ಆಪಿನ ಸಾಧ್ಯತೆ ಉಂಡು.

ಸುಮಾರು 80 ಕೋಟಿರ್ದ್‌ಲ ಎಚ್ಚದ ಭಾರತೀಯೆರ್ ಆ ರೇಷನ್ ಕಾರ್ಡ್‌ದ ಪ್ರಯೋಜನ ಪಡೆಯೊಂದು ಉಲ್ಲೆರ್. ಅವೆಟ್ಟ್ ಒಂಜಿ ಕೋಟಿರ್ದ್‌ಲ ಎಚ್ಚದ ಫಲಾನುಭವಿಲು ಈ ಯೋಜನೆಗ್ ಅರ್ಹೆ ರತ್ತ್ ಪಂದ್ ತೆರಿಪಾದೆರ್. ಇದ ಮುಟ್ಟ ಸರ್ಕಾರ ಗುರ್ತಿಸಾಯಿನ 10 ಲಕ್ಷ ಜನಕ್ಲೆಗ್ ಧರ್ಮಾರ್ಥವಾದ್ ಅರಿ, ಗೋಧಿ ಬೊಕ್ಕ ಬೇಳೆ ತಿಕ್ಕೊಂದಿಜ್ಜಿ ಪಂದ್ ತೆರಿದ್ ಬೈದ್ಂಡ್.

ತುಳು ಭಾಷೆಗ್ ಅಧಿಕೃತ ತಾನೊ ತಿಕ್ಕರೆ ಆನ್‌ಲೈನ್ ಮನವಿ

Oct 18, 2022

ತುಳು ಭಾಷೆಗ್ ಅಧಿಕೃತ ತಾನೊ ತಿಕ್ಕರೆ change.org ಪನ್ಪಿನ ವೆಬ್‌ಸೈಟ್ ಮುಖೇನ ಆನ್‌ಲೈನ್ ಮನವಿ ಪಾಡುನ ಅಭಿಯಾನ ನಡತೊಂದು ಉಂಡು.

ತುಳು ಬೊಕ್ಕ ಕೊಡವ ಭಾಷೆನ್ ಸಂವಿಧಾನದ ಅರ್ಟಿಕಲ್ 345,346,347 ಪ್ರಕಾರ ಕರ್ನಾಟಕದ ನಿರ್ದಿಷ್ಟ ಜಾಗೆಡ್ ಅಧಿಕೃತ ಮಲ್ಪೊಡು ಪಂದ್ ಈ ಅಭಿಯಾನ ನಡತೊಂದು ಉಂಡು. ಮಾತೆರ್‍ಲಾ ಈ ಅಭಿಯಾನೊಡು ಪಾಲ್ ಪಡೆಯೊಡು ಪಂದ್ ಸಾಮಾಜಿಕ ಕಾಯಕರ್ತೆ ಪ್ರತೀಕ್ ಪೊನ್ನನ್ನ ತೆರಿಪಾದೆರ್.
https://www.change.org/p/official-language-status-to-tulu-and-kodava-language

ಭಾರತ್ ಜೋಡೋ ಯಾತ್ರೆಡ್ ಪಾಲ್ ಪಡೆಯಿನ ಮಾಜಿ ಸಚಿವೆರ್ ಬಿ. ರಮಾನಾಥ ರೈ

Oct 13, 2022

ಬಂಟ್ವಾಳ: ಕಾಂಗ್ರೆಸ್ ನಾಯಕೆರ್ ರಾಹುಲ್ ಗಾಂಧಿ ಮೆರೆನ ಮುತಾಲಿಕೆಡ್ ನಡತೊಂದು ಇಪ್ಪುನ ಭಾರತ್ ಜೋಡೋ ಯಾತ್ರೆ ಇತ್ತೆ ಚಿತ್ರದುರ್ಗಡ್ ಪೋವೊಂದಿತ್ತ್‌ದ್ ಈ ಯಾತ್ರೆಡ್ ಮಾಜಿ ಸಚಿವೆರ್ ಬಿ. ರಮಾನಾಥ ರೈ ಮೇರ್ ಪಾಲ್ ಪಡೆದೆರ್.

ಡಿ.ಕೆ ಶಿವಕುಮಾರ್ ಅಂಚನೆ ರಮಾನಾಥ ರೈ ಕರ್ನಾಟಕ ರಾಜ್ಯಡ್ ನಡಪುನ ಯಾತ್ರೆಡ್ ಪೂರ್ತಿಯಾದ್ ಪಾಲ್ ಪಡೆಯರೆ ಉಲ್ಲೆರ್ ಪಂದ್ ಮಾಹಿತಿ ತಿಕ್ಕ್‌ದ್ಂಡ್.

ಕೇರಳ ಸುದ್ದಿ | Kerala News ರಾಜ್ಯದ ಸುದ್ದಿ | State News

ಕೇರಳದ ವೈದ್ಯೆರ್‍ನ ಈ ಮರ್ದ್‌ದ ಚೀಟಿ ದಾಯೆ ವೈರಲ್ ತೂಲೆ..!

Oct 1, 2022

ಏರ್ ಬರೆತಿನಲ ಓದೊಲಿ ಆಂಡ ಈ ಡಾಕ್ಟರ್ ನಕುಲು ಬರೆಯಿನ ಮಾತ್ರ ಬ್ರಹ್ಮಗ್‌ಲ ಓದರೆ ಸಾಧ್ಯ ಇಜ್ಜಿ. ಆಯಿಕ್ಕ್ ವೈದ್ಯೆರ್‍ನ ಮರ್ದ್‌ದ ಚೀಟಿಗ್ ಬ್ರಹ್ಮಲಿಪಿ ಪಂದ್ ಮಕ್ಕರ್ ಮಲ್ಪೆರ್. ಮಸ್ತ್ ಜನ ಈ ಚೀಟಿನ್ ಓದರೆ ಪೋದು ಸೋತ್‌ದ್ ಪೋತೆರ್. ಕಡೆಕ್ಕ್ ವೈದ್ಯೆರ್‍ನ ಲಿಪಿ ಅರ್ಥ ಆಪಿನವ್ ಮರ್ದ್‌ದ ಅಂಗಡಿದಕ್ಲೆಗ್ ಮಾತ್ರ ಪನ್ಪಿನ ತೀರ್ಮಾನ ದೆತೊಂದು ಮನಿಪಂದೆ ಚೀಟಿ ಮಡ್ಚ್‌ದ್ ಕಿಸೆಟ್ ದೀಪೆರ್.

ಆಂಡ ಕೇರಳದ ವೈದ್ಯೆರ್ ಒರಿ ಬರೆಪುನ ಔಷಧಿ ಚೀಟಿ ಮಾತ್ರ ವಾ ಗೊಂದಲನ್‌ಲ ಸೃಷ್ಠಿ ಮಲ್ಪುಜಿ. ಆತ್ ಅಚ್ಚ್‌ಕಟ್ಟಾದ್ ಅಕ್ಷರನ್ ಬರೆಪೆರ್. ಅಂಚಾದ್ ಇತ್ತೆ ಉಂದು ವೈರಲ್ ಆವೊಂದುಂಡು.

ಡಾ. ನಿತಿನ್ ನಾರಾಯಣನ್ ಕೇರಳದ ಪಾಲಕ್ಕಾಡ್ ಸಮುದಾಯ ಆರೋಗ್ಯ ಕೇಂದ್ರಡ್ ಜೋಕ್ಲೆನ ವೈದ್ಯೆರಾದುಲ್ಲೆರ್. ಆರೆ ಈ ಮರ್ದ್‌ದ ಚೀಟಿನ್ ಬರೆತಿನಾರ್. ಒಂಜೊಂಜಿ ಅಕ್ಷರನ್‌ಲ ಬುಡ್ಪಾದ್ ಬರೆದ್ ಕ್ಯಾಪಿಟಲ್ ಲೆಟರ್ಸ್‌ಡ್ ಬರೆಪುನ ಮೆರೆನ ತಾಳ್ಮೆ ವಾ ವೈದ್ಯೆರ್‌ದ್‌ಲ ಬಲ್ಲಿ.

ಇತ್ತೆ ಪೊರ್ಲು ಅಕ್ಷರಡ್ ಬರೆಪುನ ವೈದ್ಯೆರ್ “ಯನ್ನ ಮೆಗ್ದಿ ನಾಲ್ ಗೆರೆತ್ತ ನೋಟ್‌ಬುಕ್‌ಡ್ ಅಚ್ಚುಕಟ್ಟಾದ್ ಬರೆಯರೇ ಅಭ್ಯಾಸ ಮಲ್ತಿನವ್ವೇ ಉಂದೆತ್ತ ಪಿರ ಇಪ್ಪುನ ಗುಟ್ಟು” ಪಂದ್ ಪನ್ಪೆರ್.

ಕೇರಳಡ್ ರೈಲ್‌ರ್ದ್ ಬೂರ್ದ್ ತೀರ್ ಪೋಯಿನ ವಿಟ್ಲದ ಜವನೆ

Sep 29, 2022

ಕೊಚ್ಚಿ: ಕೇರಳಡ್ ರೈಲ್‌ರ್ದ್ ಬೂರ್ದು ವಿಟ್ಲ ಕಡಂಬುದ ಜವನೆ ತೀರ್ ಪೋಯಿನ ಘಟನೆ ನಡತ್ಂಡ್.

ವಿಟ್ಲ ಕೈತಲ್‌ದ ಪಿಲಿವಲಚ್ಚಿಲ್‌ದ ಅಶ್ರಫ್ ಮೆರೆನ ಮಗೆ ಅನಾಸ್ (19) ತೀರ್ ಪೋಯಿನ ಜವನೆ. ಮೇರ್ ಎಸಿ ಮೆಕ್ಯಾನಿಕ್ ಕಲ್ತೊಂದು ಇತ್ತ್‌ದ್ ಕೇರಳದ ಕೊಚ್ಚಿಗ್ ಟ್ರೈನಿಂಗ್‌ಗ್ ಪೋದಿತ್ತೆರ್. ಟ್ರೈನಿಂಗ್ ಮುಗಿದ್ ಊರುಗ್ ಪಿರಬನ್ನಗ ರೈಲ್‌ರ್ದ್ ಬೂರ್ದ್ ತೀರ್ ಪೋತೆರ್ ಪನ್ಪಿನ ಮಾಹಿತಿ ಬೈದ್ಂಡ್.

ಉಳ್ಳಾಲ: ಸರಕಾರಿ ಲೇಸ್ ದ ಫ್ಲೆಕ್ಸ್‌ಡ್ ಬಂಜಿನ ಪೊಂಜೊವುನ ಫೋಟೊ ಪಾಡ್ದಿನೆಕ್ಕ್ ವಿರೋಧ

Sep 28, 2022

ಉಳ್ಳಾಲ: ಸರ್ಕಾರಿ ಕಾರ್ಯಕ್ರಮ ಒಂಜೆತ್ತ ಫ್ಲೆಕ್ಸ್‌ಡ್ ಪೊಂಜೊವುನ ಒಪ್ಪಿಗೆ ಇಜ್ಜಂದೆ ಫೋಟೋ ಪಾಡ್ದಿನ ಬಗೆಟ್ ಬೆಚ್ಚ ಆಯಿನ ಬಜರಂಗದಳತ್ತ ಕಾರ್ಯಂತೆರ್ ಕಾರ್ಯಕ್ರಮ ಅಟ್ಟನೆ ಮಲ್ಪುನಕ್ಲೆಗ್ ಸರಿಯಾದ್ ಪಾತೆರಿನ ಘಟನೆ ಕೊಲ್ಯ ನಾರಾಯಣ ಗುರು ಸಭಾಭವನಡ್ ನಡತ್ಂಡ್.

ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತಿ ಮಹಿಳಾ ಬೊಕ್ಕ ಪೊಂಜೊವುಲೆನ ಅಭಿವೃದ್ದಿ ಇಲಾಖೆ ಶಿಶು ಅಭಿವೃದ್ಧಿ ಯೋಜನೆ ಕುಡ್ಲ ಗ್ರಾಮಾಂತರ ಮುತಾಲಿಕೆಡ್ ತಾಲೂಕು ಮಟ್ಟದ ಪೋಷಣ್ ಮಾಸಾಚರಣೆ ಕಾರ್ಯಕ್ರಮ, ಅನ್ನಪ್ರಾಶನ, ಪೌಷ್ಠಿಕ ಆಹಾರ ಪ್ರದರ್ಶನ ಅಂಚನೆ ಬಯಕೆದ ಕಾರ್ಯಕ್ರಮದ ಅಟ್ಟನೆ ಮಲ್ತ್‌ದಿತ್ತೆರ್. ಮಸ್ತ್ ವರ್ಷದ ಪಿರವು ಪೊಂಜೊವು ಗರ್ಭಿಣಿ ಆದಿತ್ತಿನ ಫೋಟೋನ್ ಜಾಲತಾಣರ್ದ್ ದೆತ್ತ್‌ದ್ ಫ್ಲೆಕ್ಸ್‌ಗ್ ಪಾಡ್‌ದಿತ್ತೆರ್. ಅಯಿತ್ತ ಬರಿಟ್ಟೆ ಕ್ಷೇತ್ರದ ಶಾಸಕೆರ್ ಯು. ಟಿ ಖಾದರ್ ಪೋಟೋನ್‌ಲ ಪಾಡ್‌ದಿತ್ತೆರ್. ವಿಷಯ ತೆರಿನ ಬಜರಂಗದಳತ್ತ ಕಾರ್ಯಂತೆರ್ ವಿರೋಧ ಮಲ್ತ್ ದ್ ಸ್ವರ ಲಕ್ಕಾದೆರ್.