ರಪಕ್ಕ ಸುದ್ದಿ Flash News

Wildlife veterinary lady doctor rescues a leapord cub from a well ಚಿಟ್ಟೆ ಪಿಲಿನ್ ಪತ್ತರೆ ಗುವೆಲ್ ಗ್ ಜತ್ತಿನ ಸಾಹಸಿ ಪೊಂಜೊವು ವೈದ್ಯೆರ್!

ಬೆದ್ರ: ರಡ್ಡ್ ದಿನತ್ತ ಪಿರವು ಗುವೆಲ್ ಗ್ ಬೂರ್ದಿನ ಒಂಜಿ ವರ್ಷ ಪ್ರಾಯದ ಚಿಟ್ಟೆ ಪಿಲಿನ್ ಪೊಂಜೊವು ಪಶುವೈದ್ಯೆರ್ ಗೂಡುದ(ಪಂಜರ) ಮುಕೇನ ಗುವೆಲ್ ಗ್ ಜತ್ತ್‌ದ್ ರಕ್ಷಣೆ ಮಲ್ತ್‌ದೆರ್.

30 ಅಡಿರ್ದ್‌ಲ ಎಚ್ಚ ಗುಂಡಿದ ಗುವೆಲ್‌ಗ್ ಬೂರ್ದಿನ ಚಿಟ್ಟೆ ಪಿಲಿ ಮಾಟೆಡ್ ದೆಂಗ್ ದ್ ಕುಲ್ದಿತ್ತ್ಂಡ್. ಆಂಡ ಅರಣ್ಯ ಇಲಾಖೆದ ಗೂಡುದ ಉಲಯಿ ಬರಿಯರೆ ಕೇನೊಂದಿಜ್ಜಾಂಡ್. ಅಯಿರ್ದ್ ಬೊಕ್ಕ ಅರಣ್ಯ ಇಲಾಖೆದಕ್ಲೆನ ಲೆಪ್ಪುಗ್ ಬತ್ತಿನ ಎನ್‌ಜಿಓ ಆಯಿನ ಚಿಟ್ಟೆ ಪಿಲಿ ವೈಲ್ಡ್ ಲೈಫ್ ರೆಸ್‌ಕ್ಯೂ ಸೆಂಟರ್‌ದ ಪಶುವೈದ್ಯೆರ್ ಆಯಿನ ಡಾ. ಯಶಸ್ವಿ, ಡಾ. ಮೇಘನಾ, ಡಾ. ಪೃಥ್ವಿ, ಡಾ. ನಫೀಸಾ ಜಾಗೆಗ್ ಬತ್ತೆರ್.

ಡಾ. ಮೇಘನಾ ಮೇರ್ ಲೋಡ್ ಮಲ್ತಿನ ಡಾರ್ಟ್ ಗನ್ ಪತೊಂದು ಗೂಡುದ ಉಲಯಿ ಕುಲ್ದು ಇಲಾಖೆದ ಸಿಬ್ಬಂದಿಲು ಬೊಕ್ಕ ಊರುದಕಲ್ನ ಸಕಾಯೊಡು ಗುವೆಲ್ ಗ್ ಜತ್ತೆರ್. ತಿರ್ತ್ ಜತ್ತ್ ದ್ ಚಿಟ್ಟೆ ಪಿಲಿಕ್ಕ್ ಮತಿ ತಪ್ಪಾದ್ ಗುವೆಲ್ ರ್ದ್ ಮಿತ್ತ್ ಕನತ್ ದ್ ಚಿಕಿತ್ಸೆ ಕೊರ್ದು ಮತಿ ಬತ್ತಿ ಬೊಕ್ಕ ಕಾಡ್ ಗ್ ಬುಡಿಯೆರ್.

Wildlife veterinary doctor rescues a leapord cub from a well

Moodbidri: A leapord cub had fallen into a 30 feet well two days ago and refused to get into cage put down by forest officials.

Later they contacted NGO Wildlife rescue centre veterinary doctor team headed by Dr Megana who went into the well tranquilised it and rescued the animal.

Children of Migrant labourers from Uttar Karnataka in love with Tulu language – Get a merit certificate for learning Tulu script ಉತ್ತರ ಕರ್ನಾಟಕದ ಜೋಕ್ಲೆನ ತುಳು ಬಾಸೆ ಮೋಕೆ: ತುಳು ಲಿಪಿ ಕಲ್ತ್ ದ್ ದೆತೊಂಡೆರ್ ಆಜೋಲೆ!

ಕಾವೂರು: ಉತ್ತರ ಕರ್ನಾಟಕದ ಕಲ್ಪಾರ್ಥಿಲು ಇತ್ತೆ ತುಳು ಬಾಸೆದ ಮಿತ್ತ್ ಮೋಕೆ ತೋಜಾದ್ ತುಳು ಲಿಪಿ ಕಲ್ಪುನ ಮುಕೇನ ಬೇತೆಕ್ಲೆಗ್ ಮಾದರಿ ಆತೆರ್.

ಕಾವೂರ್‌ದ ಮುಲ್ಲಕಾಡು ಶಾಲೆದ 18 ಜೋಕುಲು ತುಳು ಲಿಪಿ ಕಲ್ತ್‌ದೆರ್. ಬೇತೆ ಜಿಲ್ಲೆದ ಕಾರ್ಮಿಕೆರ್ ಬೇಲೆಗ್ ಪಂದ್ ತುಳುನಾಡ್‌ಗ್ ಬತ್ತ್‌ದೆರ್. ಆಂಡ ಅಕ್ಲೆನ ಜೋಕುಲು ಸರ್ಕಾರಿ ಶಾಲೆಡ್ ಕಲ್ತೊಂದಿಪ್ಪುನ ಒಟ್ಟುಗು ಅಕ್ಲೆನ ಪುರ್ಸೊತ್ತುದ ಪೊರ್ತುಡು ತುಳು ಸಾಹಿತ್ಯ ಅಕಾಡೆಮಿ, ಮುಲ್ಲಕಾಡು ಫ್ರೆಂಡ್ಸ್ ಸರ್ಕಲ್, ಕೈತಲ್‌ದ ತುಳು ಸಂಘಟನೆಲು ಅಟ್ಟನೆ ಮಲ್ತಿನ ತುಳು ಕಲ್ಪುಲೆ ಶಿಬಿರಡ್ ಪಾಲ್ ಪಡೆದ್ ಅಕಾಡೆಮಿದ ಆಜೋಲೆ (ಪ್ರಮಾಣ ಪತ್ರ) ದೆತೊಂದೆರ್.

ಒಟ್ಟು 18 ಜೋಕುಲು ಶಿಬಿರಡ್ ಪಾಲ್ ಪಡೆದಿತ್ತೆರ್. ನಂದೀಶ್, ಶರತ್, ವಿನಾಯಕ, ನಿತೇಶ್, ಸ್ವಪ್ನಾ, ಸುನೀಲ್, ಪರಶುರಾಮ್, ಧನುಷ್, ಗಣೇಶ್, ಸುಜಾತ, ಪ್ರವೀಣ್, ಅರ್ಪಿತಾ, ಅರ್ಚನಾ, ಶ್ರೀ ದೇವಿ, ಕಾಂಚನ, ಕಾರ್ತಿಕ್, ವಿದ್ಯಾ, ಸಂಗಮೇಶ್ ತುಳು ಲಿಪಿ ಕಲ್ತಿನ ಕಲ್ಪಾರ್ಥಿಲು.

Praveen Netare murder accused Shafi Bellare given SDPI ticket ಪ್ರವೀಣ್ ನೆಟ್ಟಾರುನ್ ಕೆರ್ತಿನ ಆರೋಪಿ ಶಾಫಿ ಬೆಳ್ಳಾರೆಗ್ ಎಸ್‌ಡಿಪಿಐ ಟಿಕೆಟ್ !

ಕುಡ್ಲ: ಬಿಜೆಪಿ ಕಾರ್ಯಕರ್ತೆ ಪ್ರವೀಣ್ ನೆಟ್ಟಾರುನು ಕೆರ್ತಿನ ಕೇಸ್‌ಡ್ ಜೈಲ್‌ಡ್ ಇಪ್ಪುನ ಶಾಫಿ ಬೆಳ್ಳಾರೆಗ್ ಎಸ್‌ಡಿಪಿಐ ಬರ್ಪಿನ ವಿಧಾನಸಭಾ ವೋಟುಗು ಪುತ್ತೂರ್‌ರ್ದ್ ಟಿಕೆಟ್ ಘೋಷಣೆ ಮಲ್ತೆರ್.

ಕರ್ನಾಟಕ ವಿಧಾನಸಭಾ ವೋಟು ಸದ್ಯೊಡೆ ನಡಪರೆ ಉಂಡು. ಅಯಿಕ್ಕ್ ಎಸ್‌ಡಿಪಿಐ ಲ ತಯಾರ್ ಮಲ್ತೊಂದಿತ್ತ್‌ದ್, ಈ ಇಚಾರನ್ ಎಸ್‌ಡಿಪಿಐ ಸಮಾವೇಶಡ್ ಘೋಷಣೆ ಮಲ್ತ್‌ದೆರ್. ಶಾಫಿ ಬೆಳ್ಳಾರೆ ಎಸ್‌ಡಿಪಿಐದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಆದ್ ಉಲ್ಲೆರ್.