ಕಾರ್ಲ: ಶ್ರೀ ರಾಮಕೃಷ್ಣ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆ ಬೋಳ ಪಿಲಿಯೂರು ಬೊಕ್ಕ ಹಳೆ ಕಲ್ಪಾರ್ಥಿಲೆನ ಸಂಘ ಅಂಚನೆ ಮಿತ್ರವೃಂದ ಬರಬೈಲು ಮೊಕುಲೆನ ಮುತಾಲಿಕೆಡ್ ಶಾಲಾ ವಾರ್ಷಿಕೋಚ್ಚಯ ಅಂಚೆನೆ ಶಾಲೆಡ್ ಶಿಕ್ಷಕೆರ್ ಆದಿತ್ತ್ದ್ ನಿವೃತ್ತಿ ಆಯಿನ ಮುಖ್ಯ ಶಿಕ್ಷಕೆರ್ ಹೂವಪ್ಪ ಮೊಕಲೆನ ಮಾನಾದಿಗೆದ ಲೇಸ್ ಇಂಚಿಪ್ಪಗ್ ಶಾಲೆದ ರಂಗ ವೇದಿಕೆಡ್ ನಡತ್ಂಡ್.
ಕಾಂಡೆ ಬೋಳ ಗ್ರಾಮ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ರಾಜೇಂದ್ರ ಧ್ವಜಾರೋಹಣ ಮಲ್ತೆರ್. ಅಯಿರ್ದ್ ಬೊಕ್ಕ ಶಾಲೆದ ಕಲ್ಪಾರ್ಥಿಲೆಗ್ ಅಂಚನೆ ಪೆರಿಯ ಕಲ್ಪಾರ್ಥಿಲೆಗ್ ಛದ್ಮವೇಷ ಪಂತೊ ನಡತ್ಂಡ್. ಬಯ್ಯ ನಡತಿನ ಸಭಾ ಕಾರ್ಯಕ್ರಮಡ್ ಶಾಲಾ ಸಂಚಾಲಕೆರ್, ಉದ್ಯಮಿ ಬಿ. ರಾಮಚಂದ್ರ ಹೆಗ್ಡೆ ಅಧ್ಯಕ್ಷತೆ ವಹಿಸೊಂದು ಇತ್ತೆರ್.
ನಿಟ್ಟೆ ತಾಂತ್ರಿಕ ಶಿಕ್ಷಣ ಸಂಸ್ಥೆದ ಉಪ ಪ್ರಾಂಶುಪಾಲೆರ್ ಅಂಚನೆ ಶೈಕ್ಷಣಿಕ ಡೀನ್ ಡಾ. ಐ. ಆರ್. ಮಿತ್ತಂತಾಯ ಲೇಸ್ ಉದಿಪನ ಮಲ್ತ್ದ್ ಎಡ್ಡೆಪ್ಪುನು ಬಯಕ್ಯೆರ್.
ಬೋಳ ಗ್ರಾ. ಪಂ. ಅಧ್ಯಕ್ಷೆರ್ ಸುಧಾ ಎಸ್. ಪೂಜಾರಿ, ಗ್ರಾಮಕರಣಿಕೆರ್ ಸುದರ್ಶನ್ ಕಾಮತ್, ಮುಂಡ್ಕೂರು ಸಮೂಹ ಸಂಪನ್ಮೂಲ ಕೇಂದ್ರದ ಸಂಪನ್ಮೂಲ ಜನ ಚಂದ್ರಕಾಂತ ಡೇಸಾ, ವೈಟ್ ಎಂಡ್ ವೈಟ್ ಬೆಂಗ್ಲೂರ್ದ ಗಂಗಾಧರ, ಶಾಲೆದ ಪೂರ್ವ ಕಲ್ಪಾರ್ಥಿ ಅಮೇರಿಕಾದ ಇಂಟೆಲ್ದ ಲೀಡ್ ಸಾಫ್ಟ್ ವೇರ್ ಇಂಜಿನಿಯರ್ ಪ್ರದೀಪ್ ಕುಮಾರ್ ಬೋಳ, ಅ.ಪ್ರಾ.ಶಾ.ಶಿ.ಸಂಘದ ತಾಲೂಕು ಅಧ್ಯಕ್ಷೆರ್ ಪ್ರಥ್ವಿರಾಜ್ ಬಲ್ಲಾಳ್, ಶಾಲೆದ ಉಸ್ತುವಾರಿ ಸಮಿತಿ ಅಧ್ಯಕ್ಷೆರ್ ಬಿ. ಪ್ರಕಾಶ್ ಆಚಾರ್ಯ, ಹಳೆ ವಿದ್ಯಾರ್ಥಿ ಸಂಘದ ಗೌರವಾಧ್ಯಕ್ಷೆರ್ ಬಿ. ಶಂಕರ ಶೆಟ್ಟಿ, ಅಧ್ಯಕ್ಷೆರ್ ಬಿ. ಜಯರಾಮ ಶೆಟ್ಟಿ, ಕಾರ್ಯದರ್ಶಿ ಜ್ಯೋತಿ, ಕೋಶಾಧಿಕಾರಿ ಬಿ. ಜಗನ್ನಾಥ್ ಶೆಟ್ಟಿ, ಮಿತ್ರವೃಂದ ಬರಬೈಲು ಉಂದೆತ್ತ ಅಧ್ಯಕ್ಷೆರ್ ಸುಪ್ರೀತ್ ಶೆಟ್ಟಿ ಅಂಚನೆ ಕಾರ್ಯದರ್ಶಿ ಬಿ. ವಿಶ್ವನಾಥ ಶೆಟ್ಟಿ ಲೇಸ್ಡ್ ಇತ್ತೆರ್.
ಮಾನಾದಿಗೆ:
37 ವರ್ಷ ಶಾಲೆಡ್ ಶಿಕ್ಷಕೆರಾದ್ ಕರ್ತವ್ಯ ಮಲ್ತ್ದ್ ನಿವೃತ್ತಿ ಆಯಿನ ಹೂವಪ್ಪ ಮೆರೆನ್ ಈ ಪೊರ್ತುಡು ಮಾನಾದಿಗೆ ಮಲ್ತೆರ್. ಶಾಲೆದ ಅಭಿವೃದ್ದಿ ಚಟುವಟಿಕೆಡ್ ಸಾಕಾರ ಮಲ್ತೊಂದಿತ್ತಿನ ದಾನಿಲೆನ್ ಮಾನಾದಿಗೆ ಮಲ್ತೆರ್. ಕಲ್ಪುನ ಬೊಕ್ಕ ಆಟೋಟ ಪಂತೊಡು ಗೆಂದಿನ ಕಲ್ಪಾರ್ಥಿಲೆಗ್ ಇನಾಮು ಕೊರಿಯೆ.
ಸಾಧಕೆರೆಗ್ ಮಾನಾದಿಗೆ:
ಶೈಕ್ಷಣಿಕ ಕ್ಷೇತ್ರದ ಸಾಧನೆಗಾದ್ ಶಾಲಾ ಪೂರ್ವ ಕಲ್ಪಾರ್ಥಿ ನಿಟ್ಟೆ ತಾಂತ್ರಿಕ ಶಿಕ್ಷಣ ಸಂಸ್ಥೆದ ಸಹಾಯಕ ಪ್ರಾಧ್ಯಾಪಕೆರ್ ಡಾ. ದಿಲೀಪ್ ಕುಮಾರ್ ಕೆ., ಕ್ರೀಡಾ ಕ್ಷೇತ್ರದ ಸಾಧನೆಗಾದ್ ಶಾರೀರಿಕ ಶಿಕ್ಷಕೆರ್ ಡಾ. ನಿತಿನ್, ಖೇಲೋ ಇಂಡಿಯಾ ವಾಲಿಬಾಲ್ ಚಾಂಪಿಯನ್ ಶಿಪ್ಗ್ ಆಯ್ಕೆ ಆಯಿನ ಪೂರ್ವ ಕಲ್ಪಾರ್ಥಿ ಅಕ್ಷಯ್ ಸುವರ್ಣ ಅಂಚನೆ ಬೋಳ ಗ್ರಾಮಡ್ ಪವರ್ಮನ್ ಆದ್ ಸೇವೆ ಮಲ್ತ್ದ್ ವರ್ಗಾವಣೆ ಆಯಿನ ಅಮರೇಶ್ ಅಂಚನೆ ಪಾಂಡುರಂಗ ಆರ್. ಎಂ. ಮೊಕುಲೆನ್ ಈ ಪೊರ್ತುಡು ಮಾನಾದಿಗೆ ಮಲ್ತೆರ್.
ಮುಖ್ಯ ಶಿಕ್ಷಕೆರ್ ಎನ್. ರಾಜೇಂದ್ರ ಆಚಾರ್ ಎದ್ಕೊನಿಯೆರ್. ಶಿಕ್ಷಕೆರ್ ಆಯಿನ ಗೀತಾ ದೇವಾಡಿಗ ವರದಿ ವಾಚನ ಮಲ್ತೆರ್. ಶಶಿಕಲಾ ಇನಾಮುಡ್ ಗೆಂದಿನಕ್ಲೆನ ಪಟ್ಟಿನ್ ಪಂಡೆರ್. ಪೂರ್ವ ಕಲ್ಪಾರ್ಥಿ ಸತೀಶ್ ಶೆಟ್ಟಿ ಆಗ್ಯೊಟ್ಟು ಲೇಸ್ ಸುಧಾರಿಕೆ ಮಲ್ತೆರ್. ತಾರನಾಥ್ ಬೋಳಾ ಬತ್ತಿನ ಬಿನ್ನೆರೆಗ್ ಸೊಲ್ಮೆ ಸಂದೈತ ಮಲ್ತೆರ್. ಗೌರವ ಶಿಕ್ಷಕೆರ್ ಆಯಿನ ಹರಿಣಿ, ದೀಪಾ ಅಂಚನೆ ಪೂರ್ವ ಕಲ್ಪಾರ್ಥಿಲು ಆಯಿನ ಸುಜಾತ ಶೆಟ್ಟಿ, ಸಂಗೀತಾ ಶೆಟ್ಟಿ, ಪ್ರಮೀಳಾ ಸತೀಶ್ ಶೆಟ್ಟಿ ಅಂಚನೆ ಸ್ವಾತಿ ಪ್ರವೀಣ್ ಸಾಕಾರ ಕೊರಿಯೆರ್.
ಶಾಲೆದ ಕಲ್ಪಾರ್ಥಿಲೆರ್ದ್ ನೃತ್ಯ ವೈವಿಧ್ಯ ಅಂಚನೆ ಪೂರ್ವ ಕಲ್ಪಾರ್ಥಿಲೆರ್ದ್ ಬರವುದ ಬೊಳ್ಳಿ ರಾಜೇಶ್ ಆಚಾರ್ಯ ಮೆರೆನ ತುಳು ಸಾಮಾಜಿಕ ನಾಟಕ “ಕಥೆ ಏರ್ ಬರೆಪೆರ್” ಪ್ರದರ್ಶನ ಆಂಡ್.
Bola: Sri Ram Krishna aided higher primary school – annual day celebration
Karkala: The annual day celebration of Sri Ramakrishna higher primary school Bola was held with the patronage of old students association and Mitravrinda Barabailu.
The program included honouring of retired headmaster Huvappa, fancy dress competition, honouring old students and such other activities. The stage program was presided by the school correspondent and entrepreneur B Ramachandran Hegde.
The program was inaugurated by Dr I R Mittantaya Vice President of Nitte technical institution.A host of dignitaries participated in the program. A social drama ‘ Kathe Yer Bareper’ by Rajesh Acharya was was enacted along with a variety of cultural programmes.
