ರಪಕ್ಕ ಸುದ್ದಿ Flash News

ಹುಷಾರ್ದಾಂತೆ ತೀರ್ ಪೋಯಿನ ಖ್ಯಾತ ಸಂಗೀತಗಾರ್ತಿ ಬೊಕ್ಕ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಪರಸ್ಸಲಾ ಬಿ ಪೊನ್ನಮ್ಮಲ್

Jun 23, 2021

ತಿರುವನಂತಪುರಂ, ಜೂನ್ 23 :ಕರಿನ ಎನ್ಮ ದಶಕರ್ದ್ ಶಾಸ್ತ್ರೀಯ ಸಂಗೀತ ಪ್ರಿಯೆರೆನ್ ತನ್ನ ನಂಬರೇ ಆವಂದಿನ ಸಂಗೀತ ಕಚೇರಿದ ಮುಖೇನ ರಂಜಿಸಾಯಿನ ಪ್ರಸಿದ್ಧ ಕರ್ನಾಟಕ ಸಂಗೀತಗಾರ್ತಿ ಬೊಕ್ಕ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಪರಸ್ಸಲಾ ಬಿ ಪೊನ್ನಮ್ಮಲ್ ಮೇರ್ ಅಂಗಾರೆ ಮುಲ್ಪದ ವಲಿಯಾಸಡ್ ಉಪ್ಪುನ ತಮ್ಮ ಸ್ವಗ್ರಹಡ್ ತೀರ್ ಪೋಯೆರ್.

96 ವರ್ಷ ಆಯಿನ ಮೇರ್ ಹುಷಾರ್ ದಾಂತೆ ತೀರ್ ಪೋಯೆರ್ ಪಂದ್ ಕುಟುಂಬದಕುಲು ತೆರಿಪಾದೆರ್.

ಅಭ್ಯುದಯ ಭಾರತೀ ಸೇವಾ ಟ್ರಸ್ಟ್ (ರಿ.) ಕಾಟಿಪಳ್ಳ ವತಿರ್ದ್ ಜಾಸ್ತಿ ಮೂಲ ಪುದರ್ ಪಟ್ಟಿ ಮಲ್ಪುನ ಪಂಥ

Jun 23, 2021

ಕಾಟಿಪಳ್ಳ, ಜೂನ್ 23: ನಮ ಉಪ್ಪುನ ಜಾಗೆದ ತುಳುನಾಡ್ ದ ಪರಂಪರೆದ ಮೂಲ ಪುದರ್ ಇತ್ತೆದ ಪೀಳಿಗೆಗ್ ತೆರಿಪಾವುನ ನೆಲೆಟ್ಟ್ ಅಭ್ಯುದಯ ಭಾರತೀ ಸೇವಾ ಟ್ರಸ್ಟ್ (ರಿ.) ಕಾಟಿಪಳ್ಳ ವತಿರ್ದ್ ಕಾಟಿಪಳ್ಳ ವ್ಯಾಪ್ತಿಡ್ ಬರ್ಪಿನ ಪಿನ್ ಕೋಡ್ (575030)ದ ಮೂಲ ಪುದರ್ ಪಟ್ಟಿ ಮಲ್ಪುನ ಪಂಥ ನಡಪರೇ ಉಂಡು.

ಉದಾರ್ಮೆಗ್ : ಇತ್ತೆದ ಪುದರ್ 2ನೇ ಬ್ಲಾಕ್ ಕಾಟಿಪಳ್ಳ ಮೂಲ ಪುದರ್ : ವಿಟ್ಲ ಪದವು.

ನಿಕ್ಲೆಗ್ ಗೊತ್ತುಪ್ಪುನ ಪುದರ್ ನ್ ಪಟ್ಟಿ ಮಲ್ತ್ ವಾಟ್ಸಪ್ಪ್ ಮುಖೇನ 8050152342 ಈ ಸಂಖ್ಯೆಗ್ ತಾರೀಖ್ 30/6/2021 ತ್ತ ಉಲಯಿ ಕಡಪಾವೊಡು.

ಕುಡ್ಲಡ್ ಎಲ್ಲೆರ್ದ್ ಮಾತಾ ಅಂಗಡಿಡ್ ಬೇರ ಮಲ್ಪರೆ ಅವಕಾಶ – ಕೋಟ ಶ್ರೀನಿವಾಸ್ ಪೂಜಾರಿ

Jun 22, 2021

ಕುಡ್ಲ , ಜೂ.22 : “ದ.ಕ. ಜಿಲ್ಲೆಡ್ ಜೂನ್.23ರ್ದ್ ಮಾತಾ ಅಂಗಡಿಲೆನ್ ಸುರು ಮಲ್ಪರೆ ಅವಕಾಶ ಕೊರ್ತ ” ಪಂದ್ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ್ ಪೂಜಾರಿ ತೆರಿಪಾದೆರ್ .

ಈ ಬಗ್ಗೆ ಮಾಹಿತಿ ಕೊರಿನ ಆರ್ , “ಸಂಸದ ನಳಿನ್ ಕುಮಾರ್ ಕಟೀಲ್ ಬೊಕ್ಕ ಮಾತಾ ಶಾಸಕೆರ್ ಮುಖ್ಯಮಂತ್ರಿಲೆಗ್ ಮನವಿ ಮಲ್ತಿನ ನೆಲೆಟ್ಟ್ ಕುಡ್ಲಡ್ ಎಲ್ಲೆರ್ದ್ ಮಾತಾ ಅಂಗಡಿನ್ ಕಾಂಡೆ 6 ಗಂಟೆರ್ದ್ ಮಧ್ಯಾಹ್ನ 2 ಗಂಟೆ ಮುಟ ಬೇರ ಮಲ್ಪರೆ ಅವಕಾಶ ಕೊರ್ತ ಪಂದ್ ” ಪಂಡೆರ್ .

ಕೋವಿಡ್ ರ್ದ್ ತೀರ್ ಪೋಯಿನಕ್ಲೆನ ಅಸ್ತಿ ವಿಸರ್ಜನೆ ಮಲ್ತಿನ ನಳಿನ್ ಕುಮಾರ್ ಕಟೀಲ್

Jun 22, 2021

ಕುಡ್ಲ , ಜೂನ್ 22: ದಕ್ಷಿಣ ಕನ್ನಡ ಜಿಲ್ಲೆಡ್ ಕೊರೊನಾ ಕಾರಣರ್ದ್ ತೀರ್ ಪೋಯಿನಕ್ಲೆನ ಸಂಖ್ಯೆ ಸಾವಿರದ ಗಡಿ ದಾಟ್ದುಂಡು . ದೈನಂದಿನ ಪ್ರಕರಣದ ಸಂಖ್ಯೆ ಜಾಸ್ತಿ ಆಯಿನ ನೆಲೆಟ್ಟ್ ಕಠಿಣ ಲಾಕ್‌ಡೌನ್ ದುಂಬು ಕೊಂತೆರ್ .

ಇಂದುವೆ ಪೊರ್ತುಡು ಕೊರೊನಾ ವೈರಸ್‌ರ್ದ್ ತೀರ್ ಪೋಯಿನ 12 ಜನತ ಚಿತಾಭಸ್ಮ ಸಂಗ್ರಹ ಮಲ್ಪರೆ ವಾರಸುದಾರೇರಾಯಿನ ನೆಲೆಟ್ಟ್ ದಕ್ಷಿಣ ಕನ್ನಡ ಸಂಸದ, ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಕುಡ್ಲದ ಸೋಮೇಶ್ವರದ ಸೋಮನಾಥೇಶ್ವರ ಕಡಲ ಬರಿಟ್ ವಿಸರ್ಜನೆ ಮಲ್ತೆರ್ .

ಎಸ್ಎಸ್ ಎಫ್ ವತಿರ್ದ್ ” ಮುತಅಲ್ಲಿಮರಿಗೊಂಜಿ ಸೆಲ್ಯೂಟ್’ ಲೇಸ್

Jun 22, 2021

ಕೋಣಾಜೆ, ಜೂ.22: ಎಸ್ಸೆಸ್ಸೆಫ್ ಇನೋಳಿ ಶಾಖೆದ ವತಿರ್ದ್ ‘ಮುತಅಲ್ಲಿಮರಿಗೊಂದು ಸೆಲ್ಯೂಟ್’ ಲೇಸ್ ಐತಾರ ಬೈಯ್ಯ ಎಸ್ಸೆಸ್ಸೆಫ್ ಶಾಖಾ ಕಚೇರಿಡ್ ನಡತುಂಡು .

ಶಾಖಾಧ್ಯಕ್ಷ ಅಲ್ತಾಫ್ ಕಾರ್ಯಕ್ರಮದ ಗುರ್ ಕಾರ್ಮೆ ವಯಿಸ್ದಿತ್ತೆರ್ . ಅಬೂ ಹಫ್ಸ್ ಅಹ್ಸನಿ ಬೊಕ್ಕ ಕೆ.ಸಿ.ಎಫ್ ಶಾರ್ಜಾ ಝೋನ್ ಗುರ್ಕಾರ್ಲಾಯಿನ ಅಬೂಸ್ವಾಲಿಹ್ ಸಖಾಫಿ ತರಬೇತಿ ಕೊರಿಯೆರ್ .

ಎಸ್‌ವೈಎಸ್ ಹರೇಕಳ ಸೆಂಟರ್ ಗುರ್ಕಾರ್ಲಾಯಿನ ಹೈದರ್ ಅಲೀ ಸಖಾಫಿ ಲೇಸ್ ನ್ ಉದಿಪನ ಮಲ್ತೆರ್ . ಎಸ್ಸೆಸ್ಸೆಫ್ ಕೊಣಾಜೆ ಸೆಕ್ಟರ್ ಕೋಶಾಧಿಕಾರಿ ಅಲ್ತಾಫ್ ಫಾಳಿಲಿ, ಎಸ್‌ವೈ‌ಎಸ್ ಇನೋಳಿ ಬ್ರಾಂಚ್ ಪ್ರಧಾನ ಕಾರ್ಯದರ್ಶಿ ಅಬ್ದುಸ್ಸಮದ್, ಎಸ್ಸೆಸ್ಸೆಫ್ ಇನೋಳಿ ಶಾಖೆದ ಮಾಜಿ ಕಾರ್ಯದರ್ಶಿ ಯಾಕೂಬ್,ಇಖ್ಬಾಲ್ ಕಕ್ಕೆಬೊಟ್ಟು ಪ್ರಾಸ್ತಾವಿಕವಾದ್ ಪಾತೆರಿಯೆರ್ .

ಎಸ್‌ವೈಎಸ್ ಇನೋಳಿ ಬ್ರಾಂಚ್ ಗುರ್ಕಾರ್ಲಾಯಿನ ನಾಸೀರ್, ಇಸ್ಮಾಯಿಲ್ ಕಿಲ್ಲೂರ್, ಕೆಸಿಎಫ್ ಪ್ರತಿನಿಧಿ ಫಾರೂಖ್ ಪಾಲ್ ಪಡೆದಿತ್ತೆರ್.

ಫಾದರ್ ಮುಲ್ಲರ್ ಸಂಸ್ಥೆಡ್ ಲಸಿಕಾ ಅಭಿಯಾನಗ್ ಚಾಲನೆ

Jun 22, 2021

ಕುಡ್ಲ , ಜೂ. 22: ನಗರದ ಫಾದರ್ ಮುಲ್ಲರ್ ಮೆಡಿಕಲ್ ಕಾಲೇಜು ಆಸ್ಪತ್ರೆದ ವತಿರ್ದ್ ಅಟ್ಟನೆ ಮಲ್ತಿನ ಕೋವಿಡ್ 19 ಲಸಿಕಾ ಮೇಳಗ್ ಕೋಡೆ ಚಾಲನೆ ಕೊರಿಯೆರ್ , ಒಂಜೇ ದಿನಟ್ 700 ಜನ ಲಸಿಕೆ ಪಡೆಯೆರೆ .

ಸುರುತ್ತಾ ವಿಶೇಷ ಪ್ರಾರ್ಥನೆದೊಟ್ಟುಗು ಬಿಷಪ್ ರೆ. ಡಾ. ಪೀಟರ್ ಪೌಲ್ ಸಲ್ಡಾನಾ ಲಸಿಕಾ ಅಭಿಯಾನಗ್ ಚಾಲನೆ ಕೊರಿಯೆರ್ . ಕೋವಿಡ್ ಸಾಂಕ್ರಾಮಿಕ ರೋಗ ಬೇಗೋಡೆ ಸುರು ಆಪಿಲಕ ಅಂಚನೇ ರೋಗಿಲೆನ ಸೇವೆಡ್ ನಿರತರಾಯಿನಕ್ಲೆನ್ ಸಂರಕ್ಷಣೆ ಮಲ್ತಿನ ಆರ್ ಈ ಪೊರ್ತುಡು ಪ್ರಾರ್ಥನೆ ಮಲ್ತೆರ್ .

ಫಾದರ್ ಮುಲ್ಲರ್ ಕನ್ವೆನ್ಷನ್ ಸೆಂಟರ್‌ಡ್ ಕೋಡೆ ಕಾಂಡೆ 9 ಗಂಟೆಗ್ ಸುರು ಮಲ್ತಿನ ಲಸಿಕಾ ಅಭಿಯಾನಡ್ ಬೈಯ್ಯ 3 ಗಂಟೆ ಪೊರ್ತುಡು ಪೇಂಟೆದ ಕೈತಲ್ ದ 700 ಜನಕ್ ಲಸಿಕೆ ಕೊರಿಯೆರ್.

ಫರಂಗಿಪೇಟೆ ಎಸ್ಡಿಪಿಐ ಸಂಸ್ಥಾಪನಾ ದಿನಾಚರಣೆ

Jun 22, 2021

ಫರಂಗಿಪೇಟೆ, ಜೂನ್ 22: ಸೋಶಿಯಲ್ ಡೆಮಾಕ್ರೆಟಿಕ್ ಪಾರ್ಟಿ ಆಫ್ ಇಂಡಿಯಾ ಪುದು ಗ್ರಾಮ ಸಮಿತಿ ವತಿರ್ದ್ ಪಕ್ಷದ 12ನೇ ವರ್ಷದ ಸಂಸ್ಥಾಪನಾ ದಿನ ಆಚರಣೆ ಮಲ್ತೆರ್ .

ದ್ವಜಾರೋಹಣನ್ ಪುದು ಗ್ರಾಮ ಪಂಚಾಯತ್ ಸದಸ್ಯೆರಾಯಿನ ನಝೀರ್ ಕುಂಜತ್ಕಳ ನಡಪಾದ್ ಕೊರಿಯೆರ್.

ಎಸ್ಡಿಪಿಐ ಜಿಲ್ಲಾ ಮುಖಂಡೆರಾಯಿನ ಅಕ್ಬರ್ ಅಲಿ ಪೊನ್ನೋಡಿ ಪಾತೆರ್ದ್ ನಮ್ಮ ಪೂರ್ವಿಕರ ತ್ಯಾಗ ಬಲಿದಾನಗ್ ಪ್ರತಿಫಲವಾದ್ ಜಗತ್ತ್ ಡೆ ಶ್ರೇಷ್ಠವಾಯಿನ ಪ್ರಜಾಪ್ರಭುತ್ವ ಅಸ್ಥಿತ್ವಗ್ ಬೈದುಂಡು ಅಕ್ಲೆನ ಬಲಿದಾನ ವ್ಯರ್ಥ ಆವಂದಿಲಕ ಪ್ರಜಾಪ್ರಭುತ್ವನ್ ಒರಿಪಾದ್ ಬುಲೆಪಾವುನ ಹೋರಾಟ ನಮ್ಮ ಆವೊಡು ಈ ನೆಲೆಟ್ಟ್ ಎಸ್ಡಿಪಿಐ ಪಕ್ಷ ಒಂಜಿ ದಶದಿಂದೀಚೆಕೆ ಸಾಮಾಜಿಕ ಪ್ರಜಾಪ್ರಭುತ್ವಗಾದ್ ಹೋರಾಟ ನಡಪಾವೊಂದೇ ಬೈದುಂಡು ಪಂದ್ ಪಂಡೆರ್. ಲೇಸ್ ದ ಗುರ್ಕಾರ್ಮೆನ್ ವಯಿಸೊಂಡಿನ ಎಸ್ಡಿಪಿಐ ಪುದು ಗ್ರಾಮ ಸಮಿತಿ ಗುರ್ಕಾರ್ಲಾಯಿನ ಇಕ್ಬಾಲ್ ಅಮ್ಮೆಮಾರ್ ವಯಿಸೊಂಡೆರ್ .

ಕೋವಿಡ್ ಟಾಸ್ಕ್ ಫೋರ್ಸ್ ವೀರಕಂಬ ಮೆಕ್ಲೆನ ಒಟ್ಟು ಸೇರಿಗೆಡ್ 45 ವರ್ಷ ಮಿತ್ತ್ ದಕ್ಲೆಗ್ ಕೋವಿಡ್ ಲಸಿಕಾ ಅಭಿಯಾನ

Jun 22, 2021

ಕಲ್ಲಡ್ಕ ಜೂನ್ 22. ವಿಶ್ವದ ಬಾರಿ ಮಲ್ಲ ಉಚಿತ ಲಸಿಕ ಲೇಸ್ ದ ಪರವಾದ್ ಬಂಟ್ವಾಳ ತಾಲೂಕುದ ದ.ಕ.ಜಿ.ಪಂ.ಹಿ.ಪ್ರಾ. ಶಾಲೆ ಮಜಿ ವೀರಕಂಭ ಡ್ ದ.ಕ.ಜಿ.ಪಂ., ಜಿಲ್ಲಾ ಆರೋಗ್ಯ ಕೇಂದ್ರ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ, ಸಮುದಾಯ ಆರೋಗ್ಯ ಕೇಂದ್ರ ವಿಟ್ಲ, ಬೊಕ್ಕ ಗ್ರಾಮ ಪಂಚಾಯತ್ ವೀರಕಂಬ ಅಂಚನೇ ಕೋವಿಡ್ ಟಾಸ್ಕ್ ಫೋರ್ಸ್ ವೀರಕಂಬ ಮೆಕ್ಲೆನ ಒಟ್ಟು ಸೇರಿಗೆಡ್ 45 ವರ್ಷ ಮಿತ್ತ್ ದಕ್ಲೆಗ್ ನಡತಿನ ಕೋವಿಡ್ ಲಸಿಕಾ ಲೇಸ್ ಯಶಸ್ವಿಯಾದ್ ನಡತುಂಡು.

ಈ ಲೇಸ್ ಡ್ ವೀರಕಂಭ ಗ್ರಾಮ ವ್ಯಾಪ್ತಿದ 239 ಜನ ಲಸಿಕೆ ದೆತೊನ್ಡೆರ್.ವಿಟ್ಲ ಸಮುದಾಯ ಆರೋಗ್ಯಕೇಂದ್ರದ ಪೆರಿಯ ಮಹಿಳಾ ಆರೋಗ್ಯ ಸಹಾಯಕಿ ಇಂದಿರಾ ನಾಯ್ಕ, ಕಿರಿಯ ಆರೋಗ್ಯ ಸಹಾಯಕಿಯೆರಾಯಿನ ಜ್ಯೋತಿ ಕೆ ಎನ್, ಸೌಮ್ಯ ಪಿ, ವೆರೋನಿಕಾ ರೋಡ್ರಿಗಸ್ ,ಕೀತಿ೯ ಕೆ ಎನ್, ವೀರಕಂಭ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ದಿನೇಶ್ . ಗ್ರಾಮ ಪಂಚಾಯತ್, ಸದಸ್ಯೆರಾಯಿನ ಶ್ರೀಮತಿ ಮೀನಾಕ್ಷಿ, ಜಯಂತಿ ಜನಾರ್ಧನ, ಗೀತಾಜಯಶೀಲ ಗಾಂಭೀರ್, ಜಯಪ್ರಸಾದ್,ಸಂದೀಪ್, ಆಶಾ ಕಾಯ೯ಕತೆ೯ರಾಯಿನ ಲೀಲಾವತಿ, ಕೋಮಲಾಕ್ಷಿ,ಸ್ನೇಹಲತಾ,ಶಶಿಕಲಾ, ಟಾಸ್ಕ್ ಫೋರ್ಸ್ ಸಮಿತಿದ ಸದಸ್ಯೆರಾಯಿನ ನಾರಾಯಣ ಪೂಜಾರಿ ಎಸ್ ಕೆ ತಿಮ್ಮಪ್ಪ ನಾಯ್ಕ ಶ್ರೀಮತಿ ಸಂಗೀತ ಶರ್ಮ ಪಾಲ್ ಪಡೆದಿತ್ತೆರ್.

ಮುಂಬಯಿ ಬಂಟರ ಸಂಘದ ವತಿರ್ದ್ ಯೋಗ ವೆಬಿನಾರ್

Jun 21, 2021

ಮುಂಬಯಿ, ಜೂನ್ 21: ಬಂಟರ ಸಂಘ ಮುಂಬಯಿ ನೆತ್ತ ವಸಾಯಿ-ಡಹಾಣೂ ಪ್ರಾದೇಶಿಕ ಸಮಿತಿರ್ದ್ ಮಹಿಳಾ ವಿಭಾಗದ ಒಟ್ಟು ಸೇರಿಗೆಡ್ ಯೋಗ ದಿನಾಚರಣೆ ಪರವಾದ್ ಜೂ. 21ಕ್ಕ್ ಬೈಯ್ಯ 5 ಗಂಟೆಗ್ ಯೋಗ ತರಬೇತಿನ್ ಅಟ್ಟನೆ ಮಲ್ದೆರ್.

ಎಚ್ಚದ ಮಾಹಿತಿಗಾದ್ https://chat.whatsapp.com/GgZtfDV4lHm8NLtK8RqRDq ವಾಟ್ಸ್‌ಆಯಪ್‌ ಗ್ರೂಪ್‌ ಅನ್ನು ಸೇರರೇ ಬಿನ್ನಾಪು ಮಲ್ದೆರ್.ವೆಬಿನಾರ್‌ ಮುಖೇನ ನಡಪರೇ ಉಪ್ಪುನ ಈ ಲೇಸ್ ಡ್ ಆರ್ಟ್‌ ಆಫ್‌ ಲಿವಿಂಗ್‌ ಬಗ್ಗೆ ಅರುಣ್‌ ಶೆಣೈ ಪಾತೆರೆರೆ ಉಲ್ಲೆರ್ .ರವಿಶಂಕರ್‌ ಗುರೂಜಿನ ಆಶೀರ್ವಾದಡ್ ಬಂಟರ ಸಂಘ ಮುಂಬಯಿ ಗುರ್ಕಾರ್ಲಾಯಿನ ಚಂದ್ರಹಾಸ ಕೆ. ಶೆಟ್ಟಿ ಮೆರ್ನ ಗುರ್ಕಾರ್ಮೆಡ್ ನಡಪರೇ ಉಪ್ಪುನ ಈ ಲೇಸ್ ಡ್ ಮಾತೆರ್ಲ ಪಾಲ್ ಪಡೆಯೋಡು ಪಂದ್ ವಸಾಯಿ-ಡಹಾಣೂ ಪ್ರಾದೇಶಿಕ ಸಮಿತಿದ ಪರವಾದ್ ಕಾರ್ಯಾಧ್ಯಕ್ಷ ಹರೀಶ್‌ ಪಾಂಡು ಶೆಟ್ಟಿ, ಸಂಘದ ಪ್ರಾದೇಶಿಕ ಸಮಿತಿದ ಪಶ್ಚಿಮ ವಲಯದ ಸಮನ್ವಯಕರೆರಾಯಿನ ಶಶಿಧರ ಕೆ. ಶೆಟ್ಟಿ ಇನ್ನಂಜೆ, ಸಮಿತಿದ ಸಂಚಾಲಕೆರಾಯಿನ ಜಯಂತ ಆರ್‌. ಪಕ್ಕಳ, ಮಹಿಳಾ ವಿಭಾಗದ ಕಾರ್ಯಾಧ್ಯಕ್ಷೆ ಉಷಾ ಎಸ್‌. ಶೆಟ್ಟಿ, ಯುವ ವಿಭಾಗದ ಕಾರ್ಯಾಧ್ಯಕ್ಷ ಪ್ರಖ್ಯಾತ್‌ ಶೆಟ್ಟಿ ಬೊಕ್ಕ ಸಮಿತಿದ ಮತ್ತು ಮಾತಾ ಉಪಸಮಿತಿದ ಸದಸ್ಯೆರ್ ಪ್ರಕಟಣೆಡ್ ತೆರಿಪಾದೆರ್.

ಒಡಿಪು ಸೇರಿನಂಚ ಆಜಿ ಜಿಲ್ಲೆ ಅನ್ ಲಾಕ್ ಮಲ್ಪರೆ ರಾಜ್ಯ ಸರ್ಕಾರ ಆದೇಶ

Jun 21, 2021

ಒಡಿಪು , ಜೂ. 21: ಒಡಿಪು ಜಿಲ್ಲೆ ಸೇರಿನಂಚ ಆಜಿಜಿಲ್ಲೆನ್ ಅನ್ ಲಾಕ್ ಮಲ್ಪರೆ ರಾಜ್ಯ ಸರಕಾರ ಇನಿ ಆದೇಶ ಕೊರ್ತುಂಡು .

ಈ ದುಂಬು ರಾಜ್ಯ ಸರಕಾರ ಶೇ.5ರ್ದ್ ಕಮ್ಮಿ ಕೋವಿಡ್ ಪಾಸಿಟಿವಿಟಿ ದರ ಉಪ್ಪುನ 16 ಜಿಲ್ಲೆಡ್ ಜೂ.21ರ್ದ್ ಶೇ.50 ದಾತ್ ಸಾರಿಗೆ ಸಹಿತ ಸಂಪೂರ್ಣ ವಾಣಿಜ್ಯ ಚಟುವಟಿಕೆಲೆಗ್ ಅನುವು ಮಲ್ತ್ ಕೊರ್ದು ಇತ್ತುಂಡು . ಆಂಡ ಶೇ.5ರ್ದ್ ಜಾಸ್ತಿ ಪಾಸಿಟಿವಿಟಿ ದರ ಉಪ್ಪುನ ಕಾರಣಗ್ ಒಡಿಪು ಜಿಲ್ಲೆನ್ ಆ ಪಟ್ಟಿರ್ದ್ ದೆತ್ತಿತ್ತೆರ್.

ಈ ಬಗ್ಗೆ ಒಡಿಪು ಜಿಲ್ಲೆನ್ ಅನ್‌ಲಾಕ್ ಮಲ್ಪುಲಕ ಶಾಸಕೆರ್ ಬೊಕ್ಕ ಸಂಸದೆರ್ ಸೇರಿನಂಚ ಸಾರ್ವಜನಿಕೆರೆರ್ದ್ ಒತ್ತಾಯ ಕೇಂದ್ ಬತ್ತಿನೆರ್ದಾವರ ಇತ್ತೇ ಪೊಸ ಆದೇಶ ಕೊರ್ತುಂಡು ಆ ಪಟ್ಟಿಗ್ ಒಡಿಪುನ್ಲಾ ಸೇರ್ಸಾದುಂಡು . ಐತ ಪ್ರಕಾರ ಕಾಂಡೆ ಆಜಿ ಗಂಟೆರ್ದ್ ಬೈಯ್ಯ 5ಗಂಟೆ ಮುಟ ಮಾತಾ ಅಂಗಡಿ ದೆಪ್ಪರೆ ಅನುವು ಮಲ್ತ್ ಕೊರ್ತೆರ್.

M	T	W	T	F	S	S
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

ರಪಕ್ಕ ಸುದ್ದಿ Flash News

ಹುಷಾರ್ದಾಂತೆ ತೀರ್ ಪೋಯಿನ ಖ್ಯಾತ ಸಂಗೀತಗಾರ್ತಿ ಬೊಕ್ಕ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಪರಸ್ಸಲಾ ಬಿ ಪೊನ್ನಮ್ಮಲ್

ಅಭ್ಯುದಯ ಭಾರತೀ ಸೇವಾ ಟ್ರಸ್ಟ್ (ರಿ.) ಕಾಟಿಪಳ್ಳ ವತಿರ್ದ್ ಜಾಸ್ತಿ ಮೂಲ ಪುದರ್ ಪಟ್ಟಿ ಮಲ್ಪುನ ಪಂಥ

ಕುಡ್ಲಡ್ ಎಲ್ಲೆರ್ದ್ ಮಾತಾ ಅಂಗಡಿಡ್ ಬೇರ ಮಲ್ಪರೆ ಅವಕಾಶ – ಕೋಟ ಶ್ರೀನಿವಾಸ್ ಪೂಜಾರಿ

ಕೋವಿಡ್ ರ್ದ್ ತೀರ್ ಪೋಯಿನಕ್ಲೆನ ಅಸ್ತಿ ವಿಸರ್ಜನೆ ಮಲ್ತಿನ ನಳಿನ್ ಕುಮಾರ್ ಕಟೀಲ್

ಎಸ್ಎಸ್ ಎಫ್ ವತಿರ್ದ್ ” ಮುತಅಲ್ಲಿಮರಿಗೊಂಜಿ ಸೆಲ್ಯೂಟ್’ ಲೇಸ್

ಫಾದರ್ ಮುಲ್ಲರ್ ಸಂಸ್ಥೆಡ್ ಲಸಿಕಾ ಅಭಿಯಾನಗ್ ಚಾಲನೆ

ಫರಂಗಿಪೇಟೆ ಎಸ್ಡಿಪಿಐ ಸಂಸ್ಥಾಪನಾ ದಿನಾಚರಣೆ

ಕೋವಿಡ್ ಟಾಸ್ಕ್ ಫೋರ್ಸ್ ವೀರಕಂಬ ಮೆಕ್ಲೆನ ಒಟ್ಟು ಸೇರಿಗೆಡ್ 45 ವರ್ಷ ಮಿತ್ತ್ ದಕ್ಲೆಗ್ ಕೋವಿಡ್ ಲಸಿಕಾ ಅಭಿಯಾನ

ಮುಂಬಯಿ ಬಂಟರ ಸಂಘದ ವತಿರ್ದ್ ಯೋಗ ವೆಬಿನಾರ್

ಒಡಿಪು ಸೇರಿನಂಚ ಆಜಿ ಜಿಲ್ಲೆ ಅನ್ ಲಾಕ್ ಮಲ್ಪರೆ ರಾಜ್ಯ ಸರ್ಕಾರ ಆದೇಶ

You Missed

ಕ್ರೀಡಾ ಪತ್ರಕರ್ತೆ ಎಸ್. ಜಗದೀಶ್ಚಂದ್ರ ಅಂಚನ್‌ ಸೂಟರ್ ಪೇಟೆ ಮೆರೆಗ್ ‘ಸಾಧಕ ರತ್ನ’ ಪ್ರಶಸ್ತಿ ಪ್ರದಾನ

ಮತದಾರೆರ್ನ ನೋಂದಣಿದ ಪೊರ್ತು ಎಸ್ಐಆರ್ ಘೋಷಣೆ ವಾಪಸ್

ಆರೋಗ್ಯ ರಕ್ಷಣೆಗ್ ಭಜನೆ ಸಹಕಾರಿ: ವಿವೇಕ್ ಪಾಯಸ್

ನ್ಯಾಯಂತಡೆಗ್ ಹಾಜರಾವಂದೆ 12 ವರ್ಷ ದೆಂಗುದ್ ಕುಲ್ದಿನ ಆರೋಪಿ ಕೈದ್