ರಪಕ್ಕ ಸುದ್ದಿ Flash News

ರಿಕ್ಷಾದ ಮಿತ್ತ್ ರಾಜಕೀಯ ನಾಯಕೆರ್‍ನ ಫೋಟೋ ಪಾಡರೆ ಇಜ್ಜಿ

ಬೆಂಗ್ಲೂರ್: ರಾಜ್ಯ ವಿಧಾನಸಭಾ ವೋಟುದ ನೀತಿಸಂಹಿತೆ ಜಾರಿಡ್ ಇಪ್ಪುನೆಡ್ದಾವರ ರಾಜಕೀಯ ಪಕ್ಷದ ಆಭ್ಯರ್ಥಿಲೆನ ಪ್ರಚಾರಗ್ ಕೆಲ ನಿಯಮಲು ಉಂಡು. ಅವೆನ್ ಪಾಲಿಸಾವಂದೆ ಪ್ರಚಾರ ಮಲ್ತ್‌ನಕ್ಲೆನ ಮಿತ್ತ್ ಅಧಿಕಾರಿಲು ಕ್ರಮ ದೆತೊನೊಂದು ಉಲ್ಲೆರ್.

ಇತ್ತೆ ಬೆಂಗ್ಲೂರುಡ್ ರಿಕ್ಷಾದ ಮಿತ್ತ್ ರಾಜಕೀಯ ಪಕ್ಷಲು ಬೊಕ್ಕ ಆಭ್ಯರ್ಥಿಲೆನ ಫೋಟೋ ಪಾಡ್ದಿನಕ್ಲೆಗ್ ನೀತಿ ಸಂಹಿತೆ ಬೆಚ್ಚ ಮುಟ್ಟಾದೆರ್. ಇಂಚ ಪ್ರಚಾರ ಮಲ್ತಿನ ಸುಮಾರ್ 450 ರ್ದ್‌ಲ ಎಚ್ಚದ ಪ್ರಕರಣಲೆನ್ ಪತ್ತ್‌ದ್ ದಂಡ ವಸೂಲಿ ಮಲ್ತ್‌ದೆರ್.

ಕೇರಳ ಲಾಟರಿಡ್ 80 ಲಕ್ಷ ರೂ. ಗೆಂದಿನ ಜನ ಮನದಾನಿ ಗುರಿಕ್ಕ್ ಬೂರ್ದು ಕಲಾಸ್!

ಪಾಂಗೋಡು: ಕೇರಳ ರಾಜ್ಯ ಲಾಟರಿಡ್ 80 ಲಕ್ಷ ರೂಪಾಯಿ ಗೆಂದಿನ ಜನ ಒರಿ ದೋಸ್ತಿನ ಬಾಡಿಗೆದ ಇಲ್ಲಡ್ ಗಂಗಸರದ ಪಾರ್ಟಿ ಮಲ್ತ್ ದ್ ಬೊಕ್ಕ ಸಂಸಯಾಸ್ಪದ ರೀತಿಡ್ ಗುರಿಕ್ಕ್ ಬೂರ್ದು ತೀರ್ ಪೋಯಿನ ಘಟನೆ ನಡತ್ಂಡ್.

ತೀರ್ ಪೋಯಿನಾರೆನ್ ತಿರುವನಂತಪುರಂದ ಪಾಂಗೋಡು ಮೂಲದ ಸಜೀವ್ (35) ಪಂದ್ ಗುರ್ತಿಸಾದೆರ್. ಸಜೀವ್ ಕರಿನ ತಿಂಗೊಲ್ ಲಾಟರಿ ಗೆಂದ್‌ದಿತ್ತೆರ್. ಕೆಲ ದಿನತ್ತ ಪಿರವು ಅರೆನ ಬ್ಯಾಂಕ್‌ಗ್ ಆ ಕಾಸ್ ಜಮೆ ಆತ್ಂಡ್. ಉಂದಾಯಿನ ಬೆರಿಟ್ಟೆ ದೋಸ್ತಿನ ಇಲ್ಲಡ್ ಅಕುಲು ಪಾರ್ಟಿ ಮಲ್ತೊಂದಿತ್ತೆರ್.

ವರದಿದ ಪ್ರಕಾರ, ಸಂತೋಷ್ ಪನ್ಪಿನ ದೋಸ್ತಿ ಸಜೀವ್ ನ್ ನೂಕುದ್ ಪಾಡ್ದಿನೆಡ್ದಾವರ ಆರ್ ರಬ್ಬರ್ ತೋಟದ ಗುರಿಕ್ಕ್ ಪೋದು ಬೂರ್ದೆರ್. ಅರೆನ್ ಆಸ್ಪತ್ರೆಗ್ ದಾಖಲ್ ಮಲ್ತ್‌ದಿತ್ತೆರ್. ಚಿಕಿತ್ಸೆ ಫಲ ಕೊರಂದೆ ತೀರ್ ಪೋತೆರ್. ಪಾಂಗೋಡ್ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಅತ್ಂಡ್.