ಕೊಡಗು:”ಮಾರ್ತಾಂಡ” ಆನೆಲ ದುರ್ಮರಣ!
ಚೆನ್ನೈದ ಪೊಂಜೊವುನ ಸಾವುಗು ಕಾರಣ ಆಯಿನ “ಮಾರ್ತಾಂಡ” ಆನೆಲ ಮರಣ
ದುಬಾರೆ ಆನೆ ಶಿಬಿರಡ್ ಮಾರ್ತಾಂಡನ ಒಟ್ಟುಗು ಕಂಜನ್ ಆನೆ ಲಡಾಯಿ ಮಲ್ತ್‌ದ್ ಮಸ್ತ್ ಪೆಟ್ಟ್ ಆದಿತ್ತ್ಂಡ್
ಆನೆಲ್‌ನ ಲಡಾಯಿಡ್ ಚೆನ್ನೈದ ಪ್ರವಾಸಿ ಪೊಂಜೊವು ಅಡಿಕ್ಕ್ ಬೂರ್ದು ತೀರ್ ಪೋದಿತ್ತೆರ್
ರಪಕ್ಕ ಸುದ್ದಿ Flash News
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಮುಲ್ಕಿ
ರಪಕ್ಕ ಸುದ್ದಿ Flash News
ವಿದ್ಯೆಗ್ ಸಂಬಂದ ಪಟ್ಟಿನ ಮಾಹಿತಿ | Education Information
ಮುಲ್ಕಿ ವಿಜಯಾ ಕಾಲೇಜಿಡ್ ಕಾಮರ್ಸ್ ಬ್ಯಾಚ್ 1994-97 ವತಿರ್ದ್ ಪ್ರತಿಭಾವಂತ ವಿದ್ಯಾರ್ಥಿಲೆಗ್ ಸನ್ಮಾನ
ಮುಲ್ಕಿ : ವಿಜಯಾ ಕಾಲೇಜ್ ಮುಲ್ಕಿ ಬಿ.ಕಾಮ್ 1994-97 ಬ್ಯಾಚ್‌ದಕುಲು ಎಸ್ಸೆಸ್ಸೆಲ್ಸಿ ಬೊಕ್ಕ ಪಿಯುಸಿ ಪರೀಕ್ಷೆಡ್ ಎಡ್ಡೆ ಮಾರ್ಕ್ಸ್ ಪಡೆತಿನ ವಿದ್ಯಾರ್ಥಿಲೆಗ್ ಸನ್ಮಾನ ಮಲ್ತೆರ್.
ವೇದಿಕೆಡ್ ಮಲ್ಲ ಬಿನ್ನೆರಾದ್ ವಿಜಯಾ ಕಾಲೇಜ್ ಪ್ರಿನ್ಸಿಪಾಲ್ ಪ್ರೊ.ವೆಂಕಟೇಶ್ ಭಟ್, ಪಿಯು ಕಾಲೇಜ್ ಪ್ರಿನ್ಸಿಪಾಲ್ ಪ್ರೊ. ಅರುಣ್ ಕುಮಾರ್ ಬಿ., ಬೆದ್ರ ಶ್ರೀ ಮಹಾವೀರ ಕಾಲೇಜಿದ ಪ್ರೊ.ಹರೀಶ್, ಬ್ಯಾಚ್‌ದ ಕಾರ್ಯದರ್ಶಿ ರೋಹಿತಾಕ್ಷ ದೇವಾಡಿಗ ಪಾಲ್ ಪಡೆದಿತ್ತೆರ್.
ಬಿಕಾಮ್ ಬ್ಯಾಚ್‌ದ ಅಧ್ಯಕ್ಷೆರ್ ಅನಿಲ್ ಶೆಟ್ಟಿ ಅಧ್ಯಕ್ಷತೆ ವಹಿಸ್‌ದಿತ್ತೆರ್.
ಸುಮಂಗಳ ಶೆಟ್ಟಿ ಪ್ರಾರ್ತನೆ ಮಲ್ತೆರ್. ವಿಶ್ವಜಿತ್ ಕೋಟ್ಯಾನ್ ಸ್ವಾಗತ ಮಲ್ತ್‌ದ್ ಸೊಲ್ಮೆ ಸಂದಾಯೆರ್. ಸುಜಾತಾ ಪಿ.ಬಿ. ಸನ್ಮಾನಿತೆರ್‌ನ ಪರಿಚಯ ಮಲ್ತೆರ್. ಮನೋಹರ್ ನಿರೂಪಣೆ ಮಲ್ತೆರ್.
ಸನ್ಮಾನಿತೆರ್
ಲೇಸ್‌ದ ವಿಶೇಷ ದಾದ ಪಂಡ ಮುಲ್ಕಿ ವಿಜಯಾ ಕಾಲೇಜಿಡ್ ಕಾಮರ್ಸ್ ವಿಭಾಗೊಡು 94-97 ಬ್ಯಾಚ್‌ಡ್ ಕಲ್ದಿನಕ್ಲೆನ ಜೋಕುಲೆಗ್ ಇನಿ ಸನ್ಮಾನ ಮಲ್ತೆರ್. ದೇವಾಂಶು ಕೋಟ್ಯಾನ್, ಪ್ರಣವಿ, ಪ್ರತೀಕ್ಷಾ ಸುವರ್ಣ,ಪ್ರಜ್ಞಾ ದೇವಾಡಿಗ,ರಾಜ್‌ವೀರ್ ಆಚಾರ್ಯ,ವಂಶ್ ಕೋಟ್ಯಾನ್, ಪ್ರೇಕ್ಷಾ ಪೂಜಾರಿ, ಭ್ರಿತಿ ಕರ್ಕೇರ, ಮನಸ್ವಿ, ಸುಹಾ ಫಾತಿಮಾ ಇಬ್ರಾಹಿಂ,ಇಶಾನ್ ಮೊಹಮ್ಮದ್ ಮೊಕುಲು ಸನ್ಮಾನ ಸ್ವೀಕಾರ ಮಲ್ತೆರ್.
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
‘ಗಜಾನನ ಕ್ರಿಕೆಟರ್ಸ್’ ತುಳು ಸಿನಿಮಾ ಮೇ 22 ಕ್ಕ್ ಬಿಡುಗಡೆ
ಕುಡ್ಲ : ಪ್ರಜ್ವಲ್ ಫಿಲಂಸ್ ಲಾಂಛನಡ್ ತಯಾರಾಯಿನ ಪ್ರಜ್ವಲ್ ಶೆಟ್ಟಿ ನಿರ್ಮಾಣದ, ಕೀರ್ತನ್ ಭಂಡಾರಿ ನಿರ್ದೇಶನದ `ಗಜಾನನ ಕ್ರಿಕೆಟರ್ಸ್ (ಜಂತೊಟ್ಟು ಸಿನ್ಸ್ 1983)’
ತುಳು ಚಲನಚಿತ್ರ ಮೇ 22 ಕ್ಕ್ ಕರಾವಳಿ ಜಿಲ್ಲೆಡ್ ಬಿಡುಗಡೆ ಆವರೆ ಉಂಡು .
ಕುಡ್ಲ, ತೊರ್ತಾಲ್, ಪಡ್ಡೆದ್ರ, ಒಡಿಪು, ಕುಂದಾಪುರ, ಮಣಿಪಾಲ ಕಾರ್ಲ, ಪುತ್ತೂರು, ಬೆಳ್ತಂಗಡಿ, ದೇರಳಕಟ್ಟೆ ಇಂಚಿನ ಕಡೆಟ್ ಸಿನಿಮಾ ಬಿಡುಗಡೆ ಆಪುಂಡು ಪಂದ್ ನಟೆ, ನಿರ್ಮಾಪಕೆ ಪ್ರಜ್ವಲ್ ಶೆಟ್ಟಿ ಪತ್ರಿಕಾಗೋಷ್ಠಿಡ್ ತೆರಿಪಾಯೆರ್.
ಉಂದು ತುಳು ಭಾಷೆದ ಮಲ್ಲ ಬಜೆಟ್ ಚಿತ್ರ ಆದ್, ಕ್ರಿಕೆಟ್ ಬೊಕ್ಕ ಆಟಗಾರೆರೆ್ನ ಬದ್ಕ್ದ ಹಿನ್ನಲೆದ ಕತೆ ಉಂಡು. ಚಿತ್ರದಲ್ಲಿ ಹಾಸ್ಯ, ಪ್ರೇಮಪೂರಿತ ಭಾವನೆಗಳು ಬೊಕ್ಕ ಸಮಾಜಮುಖಿ ಸಂದೇಶದ ಗಟ್ಟಿ ಕತೆ ಉಂಡು.
ಕೀರ್ತನ್ ಭಂಡಾರಿ ಕಥೆ, ಚಿತ್ರಕಥೆ ಬರೆದ್ ಸುರುತ್ತ ಸರ್ತಿ ನಿರ್ದೇಶನಗ್ ಜೈದೆರ್. ಮಂಗಳೂರು ಬೊಕ್ಕ ಸುತ್ತಮುತ್ತ ಪ್ರದೇಶಡ್ ಚಿತ್ರೀಕರಣ ನಡೆದ್ಂಡ್. ಈ ಸಿನಿಮಾಡ್ ನಿರ್ಮಾಪಕೆರಾಯಿನ ಪ್ರಜ್ವಲ್ ಶೆಟ್ಟಿ ಪ್ರಮುಖ ಪಾತ್ರದಲ್ಲಿ ನಟನೆ ಮಲ್ದೆರ್. ತಾರಾಗಣಡ್ ವಿನೀತ್ ಕುಮಾರ್, ನವೀನ್ ಡಿ. ಪಡೀಲ್, ಅರವಿಂದ ಬೋಳಾರ್, ಭೋಜರಾಜ್ ವಾಮಂಜೂರು, ದೀಪಕ್ ರೈ ಪಾಣಾಜೆ, ಪ್ರಕಾಶ್ ತುಮಿನಾಡು, ಉಮೇಶ್ ಮಿಜಾರು, ಅನ್ವಿತಾ ಸಾಗರ್, ಸಮತಾ ಅಮೀನ್, ಸರ್ವೋತ್ತಮ ಶೆಟ್ಟಿ ಅಬುದಾಭಿ, ವಾಲ್ಟರ್ ನಂದಳಿಕೆ, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ಪುಷ್ಪರಾಜ್ ಬೊಳ್ಳಾರು, ರೂಪ ವರ್ಕಾಡಿ, ಲಂಚುಲಾಲ್, ಸಚಿನ್ ಮಾಡ, ಜೇಮ್ಸ್ ಮೆಂಡೋನ್ಸಾ, ಕರಣ್ ಪೂಜಾರಿ ಸೇರ್ದ್ ಮಸ್ತ್ ಕಲಾವಿದೆರ್ ಅಭಿನಯ ಮಲ್ದೆರ್.ವಿನುತ್ ಕೆ. ಸುವರ್ಣ ಮೆರೆನ ಛಾಯಾಗ್ರಹಣ, ಸುಜಯ್ ಶಿವರಾಮ್ ಬೊಕ್ಕ ಕೌಶಿಕ್ ಭಂಡಾರಿ ಮೆರೆನ ಸಂಕಲನ ಉಂಡು.
ಗೀತಾ ಸಾಹಿತ್ಯನ್ ಕೀರ್ತನ್ ಭಂಡಾರಿ, ಸೃಜನ್ ಮಾನವ್, ಶ್ರೀನಿಧಿ ಶೆಟ್ಟಿ ಬರೆತೆರ್.
ಸಹ ನಿರ್ಮಾಪಕೆರಾದ್ ರೋಹನ್ ಪಿರೇರ ವಾಮಂಜೂರು ಬೊಕ್ಕ ಸಂತೋಷ್ ಲಾಡ್ ಸಹಕಾರ ಕೊರ್ತೆರ್. ಸಂಗೀತ ಸೃಜನ್ ಕುಮಾರ್ ತೋನ್ಸೆ ಕೊರ್ತೆರ್.
ಪತ್ರಿಕಾಗೋಷ್ಠಿಡ್ ನಟ ವಿನೀತ್ ಕುಮಾರ್, ಸಮತಾ ಅಮೀನ್ ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು, ಸಹ ನಿರ್ಮಾಪಕೆರಾಯಿನ ರೋಹನ್ ಪಿರೇರಾ ವಾಮಂಜೂರು, ಸಂತೋಷ್ ಲಾಡ್, ಸುರೇಶ್ ರಾವ್ ಕೊಕ್ಕಡ ಮೊಕುಲು ಮಾತ ಇತ್ತೆರ್.
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ಕಂಡೇವುದ ಮೀನ್ ಪತ್ತುನ ಜಾತ್ರೆ ಬಂದ್, ಸಾರ್ವಜನಿಕೆರೆರ್ದ್ ಪ್ರತಿಭಟನೆ
ಸುರತ್ಕಲ್: ಇತಿಹಾಸ ಪ್ರಸಿದ್ಧ ಕ್ಷೇತ್ರ ಕಂಡೆವುದ ನಂದಿನಿ ತುದೆಕ್ಕ್ ಕುರೆ ನೀರ್ ಬುಡ್ತಿನೆರ್ದಾವರ ತುದೆಟ್ಟ್ ಮೀನ್ ಸಂತೆಸಿ ಕೊಡಿಪಂದೆ ಸಾಂಪ್ರದಾಯಿಕ ಮೀನ್ ಪತ್ತುನ ಜಾತ್ರೆ ಉಂತುದು ಪೋಯಿನ ಹಿನ್ನೆಲೆಡ್ ನಂದಿನಿ ನದಿ ಹೋರಾಟ ಸಮಿತಿ ಬೊಕ್ಕ ಸಾರ್ವಜನಿಕೆರೆರ್ದ್ ಶುಕ್ರವಾರ ಹಾಠಾತ್ ಪ್ರತಿಭಟನೆ ನಡತ್ಂಡ್.
ತುಳುನಾಡ್‌ದ ಐತಿಹಾಸಿಕ ಅಕೇರಿದ ಆಲಡೆ, ಕಂಡೇವುದ ಶ್ರೀ ಧರ್ಮರಸು ಉಳ್ಳಾಯ ಬೊಕ್ಕ ಪರಿವಾರ ಶಕ್ತಿಲೆನ ಸಾನ್ನಿದ್ಯೊಡು ಪ್ರತಿವರ್ಷ ನಡಪುನ ಜಾತ್ರೆದ ವಿಶೇಷ ಆಚರಣೆ ಆಯಿನ ಮೀನ್ ಪತ್ತುನ ಜಾತ್ರೆಗ್ ಅಡ್ಡಿ ಆಯಿನ ಹಿನ್ನೆಲೆಡ್ ಹಠಾತ್ ಪ್ರತಿಭಟನೆ ನಡತ್ಂಡ್.
ಕಂಡೇವುದ ತುದೆಕ್ಕ್ ಮುಂಚೂರು ವೆಟ್ ವೆಲ್ ಕೈತಲ್ದ ಚರಂಡಿ ನೀರ್, ಕೊಡಿಪಾಡಿದ ತ್ಯಾಜ್ಯ ಸಂಸ್ಕರಣಾ ಘಟಕದ ನೀರ್, ಚೊಕ್ಕಬೆಟ್ಟು ಪರಿಸರದ ಇಲ್ಲದಕ್ಲೆನ ಕುರೆ ನೀರ್, ಮುಕ್ಕದ ಖಾಸಗಿ ಅಸ್ಪತ್ರೆ, ಕಾಲೇಜು, ವಸತಿ ಗೃಹ ಬೊಕ್ಕ ಹೋಟೇಲ್‌ದ ವಿಷಕಾರಿ ನೀರ್‌ನ್ ಬುಡ್ಪಿನೆರ್ದಾವರ ನಂದಿನಿ ತುದೆ ಸಂಪೂರ್ಣ ಕಲುಷಿತ ಆತ್ಂಡ್.ಉಂದೆರ್ದಾವರ ಚೇಳಾಯಿರು ಕಂಡೇವು ಭಾಗದ ಕೃಷಿಕೆರೆಗ್ ಕೃಷಿ ಮಲ್ಪರೆ ಆವಂದಿನ ಪರಿಸ್ಥಿತಿ ಬೈದ್ಂಡ್.ಪರ್ಪಿನ ನೀರ್‌ಗ್‌ಲ ಸಮಸ್ಯೆ ಆದ್ ಗುವೆಲ್ ಪೂರ ಮಲಿನ ಆತ್ಂಡ್. ಅಂಚೆನೆ ಇತಿಹಾಸ ಪ್ರಸಿದ್ಧ ಕಂಡೇವುದ ಮೀನ್ ಪತ್ತುನ ಜಾತ್ರೆಗ್ ಜನ ದಾಂತೆ ಉಂತಿನೆರ್ದಾವರ ಪ್ರತಿಭಟನಾಕಾರೆರ್ ಜಿಲ್ಲಾಡಳಿತ, ಜನಪ್ರತಿನಿಧಿನಕ್ಲೆಗ್ ಧಿಕ್ಕಾರ ಪಾಡಿಯೆರ್.
ನಂದಿನಿ ಹೋರಾಟ ಸಮಿತಿ ಪ್ರಮುಖೆರಾಯಿನ ದಿವಾಕರ ಸಾಮಾನಿ, ಸುಕೇಶ್ ಶೆಟ್ಟಿ ಖಂಡಿಗೆ, ಚೇಳಾರ್ ಗ್ರಾಮ ಮಾಜಿ ಪಂಚಾಯತ್ ಅಧ್ಯಕ್ಷೆರ್ ಜಯಾನಂದ, ಮುಖಂಡೆರಾಯಿನ ಕಿರಣ್ ಶೆಟ್ಟಿ ಕೆರೆಮನೆ, ನಂದಿನಿ ನದಿ ಹೋರಾಟ ಸಮಿತಿದ ನಿತಿನ್ ಶೆಟ್ಟಿ ಖಂಡಿಗೆ ಪಾತೆರ್ದ್, ನನ ಆಜಿ ತಿಂಗೊಲ್ದ ಉಲಯಿ ಈ ಸಮಸ್ಯೆಗ್ ಪರಿಹಾರ ತಿಕಿಜಿಡ ಮತದಾನ ಬಹಿಷ್ಕಾರ ಅಂಚೆನೆ ಉಗ್ರ ಹೋರಾಟ ಮಲ್ಪುವ ಪಂದ್ ಪಂಡೆರ್. ಚೇಳಾರ್ ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷೆರ್ ಪುಷ್ಪರಾಜ್ ಶೆಟ್ಟಿ,ಮಾಜಿ ಸದಸ್ಯೆರ್ ವಿನಯಕುಮಾರ್ ಶೆಟ್ಟಿ, ಗಂಗಾಧರ ಪೂಜಾರಿ ಚೇಳಾಯಿರು ಕಾಲನಿ ಮೊಕುಲು ಮಾತ ಇತ್ತೆರ್.
ಅಗತ್ಯ ಸೇವೆ Emergency Services
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ರಾಜ್ಯದ ಸುದ್ದಿ | State News
ಪೆಟ್ರೋಲ್, ಡೀಸೆಲ್ ರೇಟ್ 3 ರೂ. ಜಾಸ್ತಿ!
ಸಿಎನ್‌ಜಿ ರೇಟ್‌ಲ 2 ರೂ. ಎಚ್ಚ
ಇನಿರ್ದೇ ಸುರು ಪೊಸ ರೇಟ್‌ದ ಬೆಚ್ಚ
ಇರಾನ್- ಅಮೆರಿಕದ ಲಡಾಯಿದ ಎಫೆಕ್ಟ್
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ವಿದ್ಯೆಗ್ ಸಂಬಂದ ಪಟ್ಟಿನ ಮಾಹಿತಿ | Education Information
ಜೂನ್ 21 ಕ್ಕ್ NEET ಮರು ಪರೀಕ್ಷೆ
ಮೆಡಿಕಲ್ ಕೋರ್ಸ್ ಪ್ರವೇಶೊಗಾದ್ ಮೇ 3 ಕ್ಕ್ ನೀಟ್ ಪರೀಕ್ಷೆ ಆದಿತ್ತ್ಂಡ್
ಪ್ರಶ್ನೆ ಪತ್ರಿಕೆ ಲೀಕ್ ಆಯಿನೆಕ್ಕ್ ಪರೀಕ್ಷಾ ಮಂಡಳಿ ಎನ್‌ಟಿಎ ಪರೀಕ್ಷೆ ಕ್ಯಾನ್ಸಲ್ ಮಲ್ದಿತ್ತ್ಂಡ್
Religious & Cultural News ಮಾತ ಧರ್ಮದ ಸುದ್ದಿ
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ಕಲಾವಿದೆರೆನ ಬದ್‌ಕ್‌ಗ್ ಪಟ್ಲ ಫೌಂಡೇಶನ್ ಟ್ರಸ್ಟ್ ಆಧಾರ: ಡಿವೈಎಸ್ ಪಿ ದಿನಕರ ಶೆಟ್ಟಿ ಪಡ್ರೆ
ಯಕ್ಷಧ್ರುವ ಪಟ್ಲ ಫೌಂಡೇಶನ್ ಸುರತ್ಕಲ್ ಘಟಕದ 6ನೇ ವರ್ಷದ ಉಚ್ಚಯ
ಸುರತ್ಕಲ್: ಒಂಜಿ ಕಾಲಡ್ ಯಕ್ಷಗಾನ ಕಲಾವಿದೆರ್ನ ಜೀವನ ಭಾರಿ ಕಷ್ಟ. ರಂಗಸ್ಥಳಡ್ ರಾಮ, ಕೃಷ್ಣ, ದೇವೇಂದ್ರ ಪಾತ್ರ ಮಲ್ಪುನಕುಲು ವೇಷ ದೆತ್ತ್‌ದ ಇಲ್ಲಗ್ ಬನ್ನಗ ಅಕ್ಲೆನ ಬದ್‌ಕ್ ದಾದ ಪಂದ್ ತೆರಿಯೊನೊಲಿ. ಪಟ್ಲ ಸತೀಶ್ ಶೆಟ್ರ್ ಕಲ್ಲಾಡಿ ವಿಠಲ ಶೆಟ್ರ ಮುಕೇನ ಕಟೀಲು ಮೇಳಗ್ ಏಪ ಬತ್ತೆರೋ ಅಯಿರ್ದ್ ಬೊಕ್ಕ ಯಕ್ಷಗಾನ ಕಲಾವಿದೆರ್ನ ಬದ್ಕ್ದ ಚಿತ್ರಣ ಬದಕಾಂಡ್. ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ಸ್ಥಾಪನೆ ಆಯಿ ಬೊಕ್ಕ ಕಲಾವಿದೆರ್ನ ಜೀವನನೇ ಬದಲಾಂಡ್” ಪಂದ್ ಪಡ್ರೆ ಜುಮಾದಿ ಸಾನದ ಅಧ್ಯಕ್ಷೆರ್, ಡಿವೈಎಸ್ ಪಿ ದಿನಕರ ಶೆಟ್ಟಿ ಪಡ್ರೆ ತೆರಿಪಾಯೆರ್.
ಆರ್ ಸುರತ್ಕಲ್ ಬಂಟರ ಸಂಘದ ಜಾಲ್‌ಡ್ ಲ ನಡತಿನ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಸುರತ್ಕಲ್ ಘಟಕದ ಆಜಿನೇ ವರ್ಷದ ವಾರ್ಷಿಕೋತ್ಸವ ಲೇಸ್‌ಡ್ ಮಲ್ಲ ಬಿನ್ನೆರಾದ್ ಪಾಲ್ ಪಡೆದ್ ಪಾತೆರಿಯೆರ್.
ಪಟ್ಲ ಫೌಂಡೇಶನ್ ಟ್ರಸ್ಟ್ ಕಲಾ ಸೇವೆದ ಜತೆಟ್ಟೇ ಯಕ್ಷಗಾನ, ನಾಟಕ, ದೈವರಾಧನೆ ಸಹಿತ ಬೇತೆ ಬೇತೆ ಕ್ಷೇತ್ರಡ್ ಉಪ್ಪುನ ಕಲಾವಿದೆರ್ನ ಜೋಕುಲೆಗ್ ವಿದ್ಯಾರ್ಥಿ ವೇತನ ಕೊರ್ಪಿನವು ಮೆಚ್ಚೊಡಾಯಿನ ಕೆಲಸ. ಪಟ್ಲ ಸತೀಶ್ ಶೆಟ್ರೆನ ಕೆಲಸ ಕಾರ್ಯ ಸಮಾಜಗ್ ಮಾದರಿಯಾದುಂಡು” ಪಂದ್ ಪಂಡೆರ್.
ಇಡ್ಯಾ ಶ್ರೀ‌ಮಹಾಲಿಂಗೇಶ್ವರ ದೇವಸ್ಥಾನದ ಶಕುಂತಳಾ ರಮಾನಂದ ಭಟ್ ಲೇಸ್ ಉದಿಪನ ಮಲ್ತೆರ್.
ಪಟ್ಲ ಫೌಂಡೇಶನ್ ಟ್ರಸ್ಟ್ ನ ಸ್ಥಾಪಕಾಧ್ಯಕ್ಷೆರ್ ಪಟ್ಲ ಸತೀಶ್ ಶೆಟ್ಟಿ ಪಾತೆರ್ದ್ ಕಲಾವಿದೆರ್ನ ಕಷ್ಟ ತೂವರೆ ಆವಂದೆ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ಮಲ್ತ್‌ದ್ ವಿಶ್ವ ಮಾನ್ಯತೆ ಪಡೆಯುಲೆಕಾಂಡ್. ಸುರತ್ಕಲ್ ಘಟಕ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಪ್ರತಿಯೊಂಜಿ ಕೆಲಸೊಡ್ಲ ಎಡ್ಡೆ ಕೆಲಸ ಮಲ್ತೊಂದುಂಡು ಪಂದ್ ಪಂಡೆರ್.
ಸಮಾರಂಭಡ್ ಹಿರಿಯ ಮದ್ದಳೆಗಾರೆರ್ ಜಯರಾಮ ಆಚಾರ್ಯ ಚೇಳಾರ್, ಗಿರೀಶ್ ನಾವಡ, ಪೂರ್ಣಿಮಾ ಯತೀಶ್ ರೈ ಮೊಕ್ಲೆಗ್ ಮಾನಾದಿಗೆ ಮಲ್ತೆರ್. ಲೇಸ್‌ಡ್ ಉದ್ಯಮಿ ಸಿ ಎ ಸುನೀಲ್ ಭಂಡಾರಿ, ಸುರತ್ಕಲ್ ಯಕ್ಷಮಿತ್ರರು ಸಂಸ್ಥೆದ ಅಧ್ಯಕ್ಷೆರ್ ಕೆ ರಾಜೇಶ್ ಕುಮಾರ್ ಮುಂಚೂರು, ಮನಪಾ ಮಾಜಿ ಸದಸ್ಯ ಪ್ರಶಾಂತ್ ಮೂಡಾಯಿಕೊಡಿ, ಕೇಸರಿ ಮನೋಹರ್ ಶೆಟ್ಟಿ ಸೂರಿಂಜೆ, ಮುಕ್ಕ ಸತ್ಯಧರ್ಮ ದೇವಿ ದೇವಸ್ಥಾನದ ಅಧ್ಯಕ್ಷ ರವಿರಾಜ್ ಸುವರ್ಣ, ಕೇಂದ್ರೀಯ ಘಟಕದ ಸಂಘಟನಾ ಕಾರ್ಯದರ್ಶಿ ಪ್ರದೀಪ್ ಆಳ್ವ ಕದ್ರಿ, ಮುಂಬೈ ಸಂಚಾಲಕ ಕರ್ನೂರು ಮೋಹನ್ ರೈ, ಬಾಳ ಜಗನ್ನಾಥ ಶೆಟ್ಟಿ, ಸುರತ್ಕಲ್ ಘಟಕದ ಗೌರವಾಧ್ಯೆಕ್ಷೆರ್ ಸುಧಾಕರ ಎಸ್ ಪೂಂಜ, ಅಧ್ಯಕ್ಷೆರ್ ಲೀಲಾಧರ ಶೆಟ್ಟಿ, ಉಪಾಧ್ಯಕ್ಷೆರಾಯಿನ ರಮೇಶ್ ಭಟ್ ಎಸ್ ಜಿ, ಸಹನಾ ರಾಜೇಶ್ ರೈ, ಪ್ರಧಾನ ಕಾರ್ಯದರ್ಶಿ ಬಾಳ ಗಂಗಾಧರ ಪೂಜಾರಿ ಚೇಳಾರ್ ಕೋಶಾಧಿಕಾರಿ ರಾಕೇಶ್ ಹೊಸಬೆಟ್ಟು, ಸಂಚಾಲಕ ನಾಗರಾಜ ಕಡಂಬೋಡಿ, ಸಹ ಸಂಚಾಲಕಿ ಡಾ ಸುಧಾ ಚಂದ್ರಶೇಖರ ಶೆಟ್ಟಿ ಬೊಕ್ಕ ಟ್ರಸ್ಟಿಲು ಇತ್ತೆರ್. ಯಕ್ಷಾಶ್ರಯ ಯೋಜನೆಗೆ ಸುರತ್ಕಲ್ ಘಟಕರ್ದ್ ಇಲ್ಲ್ ಕಟ್ ಕೊರ್ಪಿನ ಯೋಜನೆಗ್ 5 ಲಕ್ಷ ರೂಪಾಯಿ ಕೊರ್ನ ಉದ್ಯಮಿ ಸಿ ಎ ಸುನೀಲ್ ಭಂಡಾರಿ ಮೆರೆನ್ ಪಟ್ಲ ಸತೀಶ್ ಶೆಟ್ಟಿ ಸನ್ಮಾನ ಮಲ್ತೆರ್. ಫೌಂಡೇಶನ್ ಗೆ ಹೊಸದಾದ್ ಸೇರ್ನ ಟ್ರಸ್ಟಿಲೆನ್ ಗೌರವ ಮಲ್ತೆರ್.
ಲಾವಣ್ಯ ಶೆಟ್ಟಿ ಚೇಳಾಯಿರು ಪ್ರಾರ್ಥನೆ ಮಲ್ತೆರ್. ಲೀಲಾಧರ ಶೆಟ್ಟಿ ಸ್ವಾಗತ ಮಲ್ತೆರ್. ಗಂಗಾಧರ ಪೂಜಾರಿ ಸೊಲ್ಮೆ ಸಂದಾಯೆರ್. ಡಾ ಸುಧಾ ಚಂದ್ರಶೇಖರ ಶೆಟ್ಟಿ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.
ಅಯಿರ್ದ್ ಪಾವಂಜೆ ಮೇಳದ ಕಲಾವಿದೆರೆರ್ದ್ ಅಂಬಾ ಶಪಥ-ಗದಾಯುದ್ದ ಯಕ್ಷಗಾನ ಬಯಲಾಟ ಪ್ರದರ್ಶನ ನಡತ್ಂಡ್.
ಬಂಟರ ಯಾನೆ ನಾಡವರ ಮಾತೃ ಸಂಘ ದ ಅಧ್ಯಕ್ಷೆರಾದ್ ಕೆ ಅಜಿತ್ ಕುಮಾರ್ ರೈ ಮಾಲಾಡಿ ಪುನರಾಯ್ಕೆ
ಕುಡ್ಲ : ದಕ್ಷಿಣ ಕನ್ನಡ, ಉಡುಪಿ, ಕಾಸ್ರೋಡು ಬೊಕ್ಕ ಪಿದಯಿ ದೇಸೊಡ್ಲ ಸದಸ್ಯೆರ್ ಉಪ್ಪುನ ಬಂಟರ ಯಾನೆ ನಾಡವರ ಮಾತೃ ಸಂಘಗ್ 2026 -29ರ ಸಾಲ್‌ದ ಅಧ್ಯಕ್ಷೆರಾದ್ ಮಾಲಾಡಿ ಅಜಿತ್ ಕುಮಾರ್ ರೈ ಕೊಡಿಯಾಲ್ ಗುತ್ತು ಪುನರಾಯ್ಕೆ ಆಯೆರ್.
“ನನ ದುಂಬುದ ದಿನಟ್ಟ್ ಸಂಘದ ಮಹತ್ವಾಕಾಂಕ್ಷೆ ಯೋಜನೆಯಾಯಿನ ಶತಮಾನೋತ್ಸವ ಕಟ್ವಾಣ, ವಿಶ್ವವ್ಯಾಪಿ ಸಮಾಜ ಬಾಂಧವೆರೆನ್ ಒಂಜೇ ಕಡೆಕ್ ಕನತ್‌ದ್ ಆರ್ಥಿಕ, ಸಾಮಾಜಿಕ, ಶೈಕ್ಷಣಿಕ ಸಮೀಕ್ಷೆ ಮಲ್ಪುನು ಬೊಕ್ಕ ಸಮಾಜದ ಸರ್ವತೋಮುಖ ಅಭಿವೃದ್ಧಿಗ್ ಕೆಲಸ ಮಲ್ಪುವೆ ” ಪಂದ್ ಕೆ ಅಜಿತ್ ಕುಮಾರ್ ರೈ ತೆರಿಪಾಯೆರ್.
ಮುಖ್ಯ ಚುನಾವಣಾಧಿಕಾರಿಯಾದ್ ಕರ್ತವ್ಯ ನಿರ್ವಹಣೆ ಮಲ್ತಿನ ವಕೀಲೆರ್ ಉಮೇಶ್ ಶೆಟ್ಟಿ ಶೆಡ್ಡೆ ಹೊಸಲಕ್ಕೆ ಮೇರ್ ಅಧ್ಯಕ್ಷೆರ್ನ ಅವಿರೋಧ ಆಯ್ಕೆನ್ ಘೋಷಣೆ ಮಲ್ತೆರ್. ಉಪ ಚುನಾವಣಾಧಿಕಾರಿ, ವಕೀಲೆರ್ ನವೀನ್ ಶೆಟ್ಟಿ ಅಂಚೆನೆ ಚುನಾವಣಾಧಿಕಾರಿ ಸದಾಶಿವ ಶೆಟ್ಟಿ ಮೊಕುಲು ಮಾತ ಇತ್ತೆರ್.
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ಎಂಸಿಸಿ ಬ್ಯಾಂಕ್ ವತಿರ್ದ್ ಅಂತರರಾಜ್ಯ ಬ್ಯಾಂಕಿಂಗ್ ಸಂವಾದ
ಪಣಜಿ : ಎಂಸಿಸಿ ಬ್ಯಾಂಕ್ ವತಿರ್ದ್ ಏ. 25 ಬೊಕ್ಕ 26 ಕ್ಕ್ ಗೋವಾದ ಕೋರ್ಟ್ ಯಾರ್ಡ್ ಬೈ ಮ್ಯಾರಿಯೆಟ್ ಚಾವಡಿಡ್ ಅಂತರರಾಜ್ಯ ಬ್ಯಾಂಕಿಂಗ್ ಸಂವಾದ ನಡತ್ಂಡ್. ಈ ಕಾರ್ಯಕ್ರಮಡ್ ಬ್ಯಾಂಕ್‌ದ ಹಿರಿಯ ಅಧಿಕಾರಿಲು, ಶಾಖಾ ವ್ಯವಸ್ಥಾಪಕೆರ್, ಪೆಕ್ರಡಿಟ್ ಅಧಿಕಾರಿಗಳು, ನನ ದುಂಬುದ ವ್ಯವಸ್ಥಾಪಕೆರ್ ಬೊಕ್ಕ ನಿರ್ದೇಶಕ ಮಂಡಳಿದ ಸದಸ್ಯೆರ್ ಪಾಲ್ ಪಡೆದಿತ್ತೆರ್. ಬ್ಯಾಂಕಿಂಗ್ ಕ್ಷೇತ್ರಡ್ ಬದಲಾವೊಂದುಪ್ಪುನ ಪರಿಸ್ಥಿತಿನ್ ಚರ್ಚೆ ಮಲ್ಪುನು ಬೊಕ್ಕ ಅಂತರರಾಜ್ಯ ಸಹಕಾರನ್ ಉತ್ತೇಜನ ಮಲ್ಪುನು ಈ ಸಂವಾದದ ಮಲ್ಲ ಉದ್ದೇಶ ಆದಿತ್ತ್ಂಡ್.
ಉದ್ಘಾಟನಾ ಕಾರ್ಯಕ್ರಮಡ್ ಎಂಸಿಸಿ ಬ್ಯಾಂಕ್ ಅಧ್ಯಕ್ಷೆರ್ “ಸಹಕಾರ ರತ್ನ” ಅನಿಲ್ ಲೋಬೋ ಅಧ್ಯಕ್ಷತೆ ವಹಿಸ್‌ದಿತ್ತೆರ್. ಗೋವಾ ಬೀನೌಲಿಂನ ಕ್ಯಾಟೆಕೆಟಿಕ್ಸ್ ಆಯೋಗದ ಕಾರ್ಯದರ್ಶಿ ವಂದನೀಯ ಫಾ| ವಿಜಯ ಮಚಾದೊ, ಗೋವಾ ಅರ್ಬನ್ ಸಹಕಾರ ಬ್ಯಾಂಕ್‌ನ ವ್ಯವಸ್ಥಾಪಕ ನಿರ್ದೇಶಕೆರ್ ಗೋಪಾಲಕೃಷ್ಣ ವೈ. ನಾಯಕ್, IIM Kozhikode ವಿಸಿಟಿಂಗ್ ಪ್ರೊಫೆಸರ್ ಬೊಕ್ಕ ಚಾರ್ಟರ್ಡ್ ಅಕೌಂಟೆಂಟ್ ಸಿಜೆ ಲಾಯ್ನಲ್ ಅರಾನ್ಹಾ, ದೈಜಿವರ್ಲ್ಡ್ ಮೀಡಿಯಾ ದ ವಾಲ್ಟರ್ ನಂದಳಿಕೆ, ಮಿಲಾಗ್ರಿಸ್ ಕಾಲೇಜು ಕಲ್ಯಾಣಪುರದ ಪ್ರಿನ್ಸಿಪಾಲ್ ಡಾ| ವಿನ್ಸೆಂಟ್ ಅಳ್ವ ಬೊಕ್ಕ ಎಂಸಿಸಿ ಬ್ಯಾಂಕ್‌ದ ಪ್ರಧಾನ ವ್ಯವಸ್ಥಾಪಕೆರ್ ಸುನಿಲ್ ಮೆನೇಜಸ್ ಮೊಕುಲು ಮಾತ ಇತ್ತೆರ್.
ಅಧ್ಯಕ್ಷೆರ್ ಅನಿಲ್ ಲೋಬೋ ಮಾತೆರೆನ್ಲ ಸ್ವಾಗತ ಮಲ್ತ್‌ದ್ ಬ್ಯಾಂಕ್‌ದ ನಿರಂತರ ಬೆಳವಣಿಗೆಗ್ ಬಲವಾಯಿನ ನಾಯಕತ್ವ, ನಿಷ್ಠಾವಂತ ಸಿಬ್ಬಂದಿಲು ಬೊಕ್ಕ ಗ್ರಾಹಕೆರೆನ ವಿಶ್ವಾಸನೇ ಕಾರಣ ಪಂದ್ ತೆರಿಪಾಯೆರ್. ಬ್ಯಾಂಕ್‌ದ ಭವಿಷ್ಯದ ದೃಷ್ಟಿಕೋನದ ಬಗೆಟ್ಟ್ ಪಾತೆರ್ದ್, ಬ್ಯಾಂಕಿಂಗ್ ಕ್ಷೇತ್ರಡ್ ವೇಗವಾದ್ ನಡಪುನ ಬದಲಾವಣೆದ ಹಿನ್ನೆಲೆಡ್ ನವೀನತೆ, ಡಿಜಿಟಲ್ ಪರಿವರ್ತನೆ ಬೊಕ್ಕ ಎಡ್ಡೆ ಗ್ರಾಹಕ ಸೇವೆನ್ ಅಳವಡಿಸಾವುನು ಅತ್ಯಗತ್ಯ ಪಂದ್ ಪಂಡೆರ್.
ಮುಗಿತಲದ ಲೇಸ್ :
ಏ. 26 ಕ್ಕ್ ನಡತಿನ ಸಮಾರೋಪ ಸಮಾರಂಭಡ್ ಅನಿಲ್ ಲೋಬೋ ಅಧ್ಯಕ್ಷತೆ ವಹಿಸ್‌ದಿತ್ತೆರ್. ಸಿಜೆ ಲಾಯ್ನಲ್ ಅರಾನ್ಹಾ, ವಾಲ್ಟರ್ ನಂದಳಿಕೆ, ಡಾ| ವಿನ್ಸೆಂಟ್ ಅಳ್ವ ಇತ್ತೆರ್. ಎಂಸಿಸಿ ಬ್ಯಾಂಕ್ ಪ್ರಧಾನ ವ್ಯವಸ್ಥಾಪಕೆರ್ ಸುನಿಲ್ ಮೆನೇಜಸ್ ಬೊಕ್ಕ ಉಪ ಮಹಾಪ್ರಬಂಧಕೆರ್ ರಾಜ್ ಮಿನೇಜಸ್ ವಂದನೆ ಸಂದಾಯೆರ್. ಬ್ರಹ್ಮಾವರ ಶಾಖಾ ನಿರ್ದೇಶಕೆರ್ ಓವಿನ್ ರೆಬೆಲ್ಲೊ ಸ್ವಾಗತ ಮಲ್ತ್ ಲೇಸ್ ನಿರೂಪಣೆ ಮಲ್ತೆರ್.
ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ಮಂಗಳೂರು ದಸರಾ ಇತಿಹಾಸಡ್ ಪೊಸ ಮೈಲ್‌ಕಲ್ಲ್
₹67 ಕೋಟಿ ವೆಚ್ಚದ ಭೂಗತ ಕೇಬಲ್ ಯೋಜನೆಗೆ ಮಂಜೂರಾತಿ
ಕುಡ್ಲ : ವಿಶ್ವವಿಖ್ಯಾತ ಮಂಗಳೂರು ದಸರಾ ಮಹೋತ್ಸವದ ಮೆರವಣಿಗೆಗ್ ಕೆಲವು ವರ್ಷರ್ದಿಂಚಿ ಅಡ್ಡ ಆವೊಂದಿತ್ತಿನ ತಾಂತ್ರಿಕ ಸವಾಲ್‌ಗ್ ಇತ್ತೆ ಶಾಶ್ವತ ಪರಿಹಾರ ತಿಕ್ಕೊಂದುಂಡು.
ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಆಡಳಿತ ಮಂಡಳಿದ ಮಸ್ತ್ ವರ್ಷರ್ದಿಂಚಿದ ಪ್ರಯತ್ನದ ಫಲವಾದ್, ದಸರಾ ಮೆರವಣಿಗೆ ಮಾರ್ಗಡ್ ಅಡ್ಡ ಆವೊಂದಿತ್ತಿನ ಕರೆಂಟ್ ವೈರ್‌ಲೆನ್ ದೆತ್ತ್ ದ ನೆಲತ್ತಡಿಟ್(ಭೂಗತ) ಕೇಬಲ್ ಪಾಡುನ 67 ಕೋಟಿ ರೂಪಾಯಿ ವೆಚ್ಚದ ಬೃಹತ್ ಯೋಜನೆಗ್ ರಾಜ್ಯ ಸರ್ಕಾರ ಮಂಜೂರಾತಿ ಕೊರ್ತುಂಡು.
ಪ್ರತಿ ವರ್ಷ ಮಂಗಳೂರು ದಸರಾ ಮೆರವಣಿಗೆದ ಸಂದರ್ಭಡ್ ಸಾಲ್ ಸಾಲಾದ್ ಪೋಪಿನ ಎತ್ತರದ ಸ್ತಬ್ಧಚಿತ್ರ ಬೊಕ್ಕ ತೇರ್ ಗ್ ಮಾರ್ಗದ ಮಿತ್ತ್‌ಡ್ ಇತ್ತಿನ ವಿದ್ಯುತ್ ತಂತಿಲು ಮಲ್ಲ ಸಮಸ್ಯೆ ಆದಿತ್ತ್ಂಡ್. ಸುರಕ್ಷತೆದ ದೃಷ್ಟಿಡ್ ಮೆರವಣಿಗೆದ ಪೊರ್ತುಡು ಕೆಲವು ಕಡೆಟ್ ಕರೆಂಟ್ ಸಂಪರ್ಕ ದೆಪ್ಪೊಡಿತ್ತ್ಂಡ್‌.ಉಂದೆರ್ದ್ ಜನಕ್ಲೆಗ್ ಬೊಕ್ಕ ಬೇರದಕ್ಲೆಗ್ ಬಾರಿ ತೊಂದರೆ ಆದಿತ್ತ್ಂಡ್. ಈ ಗಂಭೀರ ಸಮಸ್ಯೆನ್ ತೂಯಿನ ಕುದ್ರೋಳಿ ಕ್ಷೇತ್ರದ ಆಡಳಿತ ಮಂಡಳಿ, ವಿಧಾನಸಭೆ ಸ್ಪೀಕರ್ ಯು.ಟಿ.ಖಾದರ್ ಮೂಲಕ ಸರ್ಕಾರಗ್ ವಿಶೇಷ ಮನವಿ ಕೊರ್ದಿತ್ತ್ಂಡ್.
ಈ ಸಮಸ್ಯೆದ ಗಂಭೀರತೆನ್ ಅರ್ತ ಮಲ್ತೊಂಡಿನ ಯು.ಟಿ. ಖಾದರ್, ಉಂದೆನ್ ಕೇವಲ ಒಂಜಿ ಧಾರ್ಮಿಕ ಕಾರ್ಯಕ್ರಮಂದ್ ತೂವಂದೆ ಕುಡ್ಲದ ಘನತೆದ ಪ್ರಶ್ನೆ ಪಂದ್ ಸ್ವೀಕಾರ ಮಲ್ತ್‌ದ್, ಇಂಧನ ಸಚಿವೆರ್‌ನ ಒಟ್ಟುಗು ಸತತ ಸಂಪರ್ಕ ಮಲ್ತ್‌ದ್, ಬೃಹತ್ ಯೋಜನೆಗೆ ಅನುಮೋದನೆ ಕೊರ್ಪಾವುನೆಟ್ ಆರ್ ಮಲ್ಲ ಬೇಲೆ ಮಲ್ದೆರ್. ಟೆಂಡರ್ ಪ್ರಕ್ರಿಯೆನ್ ತಡ ಮಲ್ಪಂದೆ ಪೂರ್ಣ ಮಲ್ತ್‌ದ್ ಬೇಲೆ ಸುರು ಮಲ್ಪರೆ ಹಸಿರು ನಿಶಾನೆ ತೊಜಪಾವುನ ಮುಕೇನ ಅರೆನ ‘ಕಾರ್ಯದಕ್ಷತೆ’ನ್ ಕುಡೊರ ಸಾಬೀತು ಮಲ್ದೆರ್” ಪಂದ್ ಕ್ಷೇತ್ರದ ಕೋಶಾಧಿಕಾರಿ ಪದ್ಮರಾಜ್ ಆರ್. ಪೂಜಾರಿ ತೆರಿಪಾದೆರ್.
ಈ ಐತಿಹಾಸಿಕ ಯೋಜನೆದ ಜಾರಿಗ್ ಸಹಕಾರ ಮಲ್ದಿನ ಮುಖ್ಯಮಂತ್ರಿ ಸಿದ್ದರಾಮಯ್ಯೆರ್, ಉಪಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್, ವಿಧಾನಸಭೆ ಸ್ಪೀಕರ್ ಯು.ಟಿ. ಖಾದರ್, ಇಂಧನ ಸಚಿವೆರ್ ಕೆ.ಜೆ. ಜಾರ್ಜ್, ಜಿಲ್ಲಾ ಉಸ್ತುವಾರಿ ಸಚಿವೆರ್ ದಿನೇಶ್ ಗುಂಡೂರಾವ್, ಎಂಎಲ್‌ಸಿ ಮಂಜುನಾಥ ಭಂಡಾರಿ, ಮೆಸ್ಕಾಂ ಅಧ್ಯಕ್ಷೆರ್ ಹರೀಶ್ ಕುಮಾರ್ ಮೊಕ್ಲೆಗ್ ಮಾತ ಕೃತಜ್ಞತೆ ಸಂದಾದೆರ್.
“” ಭೂಗತ ಕೇಬಲ್ ಯೋಜನೆರ್ದಾದ್ ನನ ದುಂಬುದ ದಿನೊಟ್ಟು ವಿದ್ಯುತ್ ಆಘಾತದ ಪೋಡಿಗೆ ದಾಂತೆ ದಸರಾ ಮೆರವಣಿಗೆ ಸುಗಮವಾದ್ ಪೋವರೆ ಉಂಡು. ಮರಿಯಲೊಡು ಮರ ಬೂರ್ದು ವಿದ್ಯುತ್ ವ್ಯತ್ಯಯ ಆಪಿನ ಸಮಸ್ಯೆಗ್‌ಲ ಪರಿಹಾರ ಆಪುಂಡು. ಈ ಮಹತ್ವದ ಕಾಮಗಾರಿ ಬೇಗೊಡೇ ಸುರು ಆವರೆ ಉಂಡು””
ಆರ್ ಪದ್ಮರಾಜ್,
ಕೋಶಾಧಿಕಾರಿಲು
ಶ್ರೀ ಗೋಕರ್ಣನಾಥ ಕ್ಷೇತ್ರ, ಕುಡ್ಲ