ದರ್ಬಾರ್ ಸಿನೆಮಾಸ್ ಬ್ಯಾನರ್ ದಡಿಟ್ಟ್, ರಫೀಕ್ ದರ್ಬಾರ್ ನಿರ್ಮಾಣದ,ಇಸ್ಮಾಯಿಲ್ ಮೂಡುಶೆಡ್ಡೆ ನಿರ್ದೇಶನದ, ಪರ್ವೇಜ್ ಬೆಳ್ಳಾರೆ, ಶರಣ್ ರಾಜ್ ಸುವರ್ಣ ಕಾಸರಗೋಡು ಸಹ ನಿರ್ಮಾಣದ ಬೋಜರಾಜ್ ಎಂ.ಬಿ.ಬಿ.ಎಸ್ ಪನ್ಪಿನ ತುಳು ಪಿಚ್ಚರ್ ಇನಿ ಕುಡ್ಲದ ಬಿಗ್ ಸಿನಿಮಾಸ್ ಡ್ ಬುಡುಗಡೆ ಆಂಡ್.
ನಿರ್ದೇಶಕೆರ್ ಆಯಿನ ಇಸ್ಮಾಯಿಲ್
ಮೂಡುಶೆಡ್ಡೆ ಬೊಕ್ಕ ನವರಸ ರಾಜೆ ಬೋಜರಾಜ್ ವಾಮಂಜೂರು ಅಂಚನೆ ಮಸ್ತ್ ಬಿನ್ನೆರ್ ಈ ಪಿಚ್ಚರ್ ನ್ ತುಡರ್ ಆರ್ಲಾದ್ ಉದಿಪನ ಮಲ್ತೆರ್.ಈ ಪಿಚ್ಚರ್ 99% ಆರೋಗ್ಯಪೂರ್ಣವಾಯಿನ ಹಾಸ್ಯ ಕಥಾ ಹಂದರ ಇತ್ತ್ ದ್, ಸುರುತ್ತ ಸರ್ತಿ ನವರಸ ರಾಜೆ ಬೋಜರಾಜ್ ವಾಮಂಜೂರ್ ನಾಯಕ ನಟೆಯಾದ್ ಈ ಪಿಚ್ಚರ್ ಡ್ ಅಭಿನಯ ಮಲ್ತ್ ದೆರ್. ತುಳುನಾಡ್ ದ ಪುಗರ್ತೆದ ನಟೆ, ನಿರ್ದೇಶಕೆರ್ ಆಯಿನ ದೇವದಾಸ್ ಕಾಪಿಕಾಡ್ ಬೊಕ್ಕ ವಿಜಯಕುಮಾರ್ ಕೊಡಿಯಾಲ್ ಬೈಲ್ ಸುರುತ್ತ ಸರ್ತಿ ಒಂಜೇ ಪಿಚ್ಚರ್ ಡ್ ತೊಜೊಂದಿಪ್ಪುನವ್ ಈ ಪಿಚ್ಚರ್ ದ ವಿಶೇಷವಾತ್ಂಡ್.
ತುಳುನಾಡ ಮಾಣಿಕ್ಯ ಅರವಿಂದ ಬೋಳಾರ್ ಈ ಪಿಚ್ಚರ್ ಡ್ ಮೂಜಿ ಬೇತೆ ಬೇತೆ ಪಾತ್ರನ್ ಮಲ್ತ್ ದೆರ್. ಆಯಿಟ್ಟ್ ಸುಲೈಮಾನ್ ಪುದರ್ ದ ಬ್ಯಾರಿ ಪಾತ್ರ ಡಿಫರೆಂಟ್ ಆದಿತ್ತ್ ದ್, ತುಳುನಾಡ್ ದ ತುಳು ಬೊಕ್ಕ ಬ್ಯಾರಿ ಪಾತೆರುನ ಜನಕ್ಲೆನ ಮನ ಗೆಂದ್ಂಡ್.
ಕೋಸ್ಟಲ್ ವುಡ್ಡ್ ದ ಪುಗರ್ತೆದ ನಟಿಯಾಯಿನ ಶೀತಲ್ ನಾಯಕ್ ಬೊಕ್ಕ ನವ್ಯಾ ಪೂಜಾರಿ ಬೋಜರಾಜ್ ವಾಮಂಜೂರ್ ನ ನಾಯಕಿನ ಪಾತ್ರಡ್ ಇತ್ತ್ ದ್, ಸಾಯಿಕೃಷ್ಣ ಕುಡ್ಲ ಪಿಚ್ಚರ್ ದ ಸುರುರ್ದ್ ಕಡೆ ಮುಟ್ಟ ಬೋಜರಾಜ್ ವಾಮಂಜೂರ್ ಮೇರ್ನ ದೋಸ್ತಿಯಾದ್ ಅಭಿನಯ ಮಲ್ತ್ ದೆರ್. ನನ ಉಮೇಶ್ ಮಿಜಾರ್, ರವಿ ರಾಮಕುಂಜ, ಪ್ರಾಣ್ ಶೆಟ್ಟಿ, ರೂನ್ಸ್ ಲಂಡನ್, ಪರ್ವೇಜ್ ಬೆಳ್ಳಾರೆ ಅಂಚನೆ ಮಸ್ತ್ ಕಲಾವಿದೆರ್ ಈ ಪಿಚ್ಚರ್ ಡ್ ಅಭಿನಯ ಮಲ್ತ್ ದೆರ್.
ಹಾಸ್ಯಮಯವಾಯಿನ ಸನ್ನಿವೇಶ ಇತ್ತ್ ದ್, ಬೇತೆಯಕುಲ್ನೊಟ್ಟುಗ್ ಸಾಲ ಮಲ್ತ್ ದ್ ಅವೆನ್ ತಡೆಯರೆ ಆವಾಂದೆ ಬೋಜರಾಜ್ ಬೇತೆ ಊರುಗ್ ಬತ್ತ್ ದ್ ಡಾಕ್ಟರ್ ನ್ ವೇಷ ಪಾಡುದ್ ಅಲ್ಪದ ಜನಕ್ಲೆನ್ ಎಡ್ಡೆ ರೀತಿಡ್ ತೂದ್ ಜನಕ್ಲೆನ ಮನ ಒಲಿಸಾದ್ ಕಡೆಕ್ಕ್ ಮಾತೆರ್ನಲ ಮನ ಒಲಿಸಾವುನವೇ. ಅಂಡ್ ಸತ್ಯದ ಸಾದಿಡ್ ನಡಪುನವೇ ಜೀವನ ಪನ್ಪಿನ ಸಂದೇಶನ್ ಸಾರುನ ಕಥೆ ಬೋಜರಾಜ್ ಎಂಬಿಬಿಎಸ್ ಪಿಚ್ಚರ್ ಆತ್ಂಡ್.
ಈ ಪೊರ್ತುಡ್ ಸಮಾಜ ಸೇವಕೆರ್ ಆಯಿನ ಲತಾ ಸುವರ್ಣ, ನವಿನ್ ಚಂದ್ರ ಸುವರ್ಣ, ಬೋಜರಾಜ್ ವಾಮಂಜೂರ್, ರಫೀಕ್ ದರ್ಬಾರ್, ಪರ್ವೇಜ್ ಬೆಳ್ಳಾರೆ, ಶರಣ್ ರಾಜ್ ಸುವರ್ಣ ಸೇರಿನಂಚನೆ ಮಸ್ತ್ ಬಿನ್ನೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.
Tulu movie ‘ Bojraj M.B.B.S. ‘ released:
Tulu movie Bojraj M.B.B.S was released in Big cinemas Mangalore today.
Produced under Darbar cinemas banner,produced by Rafiq Darbar; directed by Ismail Mudushedde; it is co produced by Parvez Bellare, Sharan Raj and Suvarna Kasaragod.
A fun movie with humour infused throughout; it has Bojraj Vamanjoor in the lead role for the first time; with Devdas Kapikad and Vijay Kumar Kodialbail as his co-stars.
The first show was inaugurated by lightning a lamp by the director Ismail Mudushedde and the lead star Bojraj Vamanjoor.
The movie also features stars from coastal wood including Arvind Bolar in a unique role,Sheetal Nayak and Navya Poojary.
The other starcast includes Saikrishna Kudla, Umesh Mijar, Ravi Ramkunja, Pran Shetty,Ron’s London Parvez Bellare among others.
