ತುಳು ಸುದ್ದಿ

ಮಾ.27-ಎ.3 ಮುಟ್ಟ ಕುಂಪಲದ ಶ್ರೀ ಬಾಲಕೃಷ್ಣ ಮಂದಿರಡ್ ಅಖಂಡ ಭಜನಾ ಸಪ್ತಾಹ

ಕುಡ್ಲ, ಮಾ.25: ಕುಡ್ಲದ ಕುಂಪಲ ಶ್ರೀ ಬಾಲಕೃಷ್ಣ ಮಂದಿರ(ರಿ.) ಮುಲ್ಪ ಮಾರ್ಚ್ 27 – ಏಪ್ರಿಲ್ 3 ಮುಟ್ಟ ಅಖಂಡ ಭಜನಾ ಸಪ್ತಾಹ ನಡಪರೆ ಉಂಡು.

ಈ ಬಗೆಟ್ಟ್ ನಡತಿನ ಪತ್ರಿಕಾಗೋಷ್ಠಿಡ್ ಶ್ರೀ ಬಾಲಕೃಷ್ಣ ಮಂದಿರದ ಅಧ್ಯಕ್ಷೆರ್ ಆಯಿನ ಸತೀಶ್ ಕುಂಪಲ ಪಾತೆರ್ದ್, ಏಳು ದಿನತ್ತ ಕಾಲ ನಡಪರೆ ಇಪ್ಪುನ ಈ ಭಜನಾ ಸಪ್ತಾಹಡ್ ಸಪ್ತ ಯತಿವರ್ಯೆರ್ ಭಜಕ ಭಕ್ತಾದಿನ್ ಅಕ್ಲೆನ ಸ್ವರಟ್ ಪನಿಯರೆ ಉಲ್ಲೆರ್. ತಾ.03-04-2022 ನೇ ಐತಾರದಾನಿ ಕಾಂಡೆ 10 ರ್ದ್ ಶ್ರೀ ಬಾಲಕೃಷ್ಣ ದೇವೆರೆಗ್ ಸಾಮೂಹಿಕ ತುಳಸಿ ಅರ್ಚನೆ, ಮಧ್ಯಾಹ್ನ 12 ಗಂಟೆಗ್ ತುಡರ್ ಆರ್ಲಾವುನಿ ಆಯಿಬೊಕ್ಕ ಶ್ರೀ ಬಾಲಕೃಷ್ಣ ಮಹಿಳಾ ಸಮಿತಿ ಬೊಕ್ಕ ಬಾಲಗೋಕುಲದ ಜೋಕುಲೆರ್ದ್ ಆನಂದ ಭಜನೆ ಕಾರ್ಯಕ್ರಮ ನಡಪರೆ ಉಂಡು.

ದಕ್ಷಿಣ ಕನ್ನಡ, ಒಡಿಪು, ಕಾಸರಗೋಡು ಮೂಜಿ ಜಿಲ್ಲೆರ್ದ್ ನೂದೆರ್ದ್ ಹೆಚ್ಚದ ಭಜನಾ ಮಂಡಳಿಲು ಭಕ್ತಿ ಲಹರಿದ ಮುಖೇನ ಶ್ರೀ ಬಾಲಕೃಷ್ಣ ದೇವೆರೆಗ್ ಭಜನೆ ಮಲ್ಪರೆ ಉಲ್ಲೆರ್. ಅಂಚನೆ ಕುಣಿತ ಭಜನೆಲ ಉಂಡು. ಈ ಸಪ್ತಾಹಗ್ ಭಕ್ತಾದಿಲೆರ್ದ್ “ತ್ರಿವಿಧ ಭಕ್ತಿ ಸಮರ್ಪಣಾ” ರೂಪಡ್ ಪುದೆಕಾಣಿಕೆನ್ ದೆತೊನರೆ ಉಂಡು. ಸಪ್ತಾಹದ ಮಾತ ದಿನಲ ಪಂಚ ದಂಪತಿಲು ಪುಲ್ಯ ಕಾಂಡೆ ತುಡರ್ ಅರ್ಲಾಯರೆ ಉಲ್ಲೆರ್.

ಸಪ್ತಾಹದ ಮಾತ ದಿನಟ್ಟ್ ರಡ್ಡ್ ಪೊರ್ತುಡುಲ ನುಪ್ಪು ಸೇವೆ ಅಂಚನೆ ಉಪಹಾರ ಸೇವೆಲ ನಿರಂತರವಾದ್ ನಡತ್ತೊಂದ್ ಇಪ್ಪುಂಡು ಪಂದ್ ಪಂಡೆರ್.

ಪತ್ರಿಕಾಗೋಷ್ಠಿಡ್ ಶ್ರೀ ಬಾಲಕೃಷ್ಣ ಮಂದಿರದ ಕಾರ್ಯದರ್ಶಿ ರವೀಂದ್ರ ಕುಂಪಲ, ಉತ್ಸವ ಸಮಿತಿದ ಅಧ್ಯಕ್ಷೆರ್ ಶ್ರೀ ಪ್ರವೀಣ್ ಕುಲಾಲ್, ಶ್ರೀ ಗಣೇಶ್ ಅಂಚನೆ, ಮಾಧ್ಯಮ ಅಂಚೆನೇ ಪ್ರಚಾರ ಸಮಿತಿದ ಪ್ರಧಾನ ಸಂಚಾಲಕೆರ್ ಪ್ರಹ್ಲಾದ್ ಕುಮಾರ್ ಇಂದಾಜೆ ಇತ್ತೆರ್.

“Akanda Bajana Saptah ” from March 27th- April 3rd at Kumpala Balakrishna Mandira

Mangalore March, 25th: “Akanda Bajana Saptah” will be held at Kumpala Balakrishna Mandir from March 27th to April 3rd.

Speaking at a press conference the president of the temple management Satish Kumpala said that the seven day program will have bajans from seven ‘yatis’. On Sunday the 3rd April, there will be ‘ Samohaka tulasi Archanay’.

Bajan mandals from the coastal districts will participate in the program.Various temple rituals will be conducted through the week with lunch and dinner served on all days of the Bajan festivities. The secretary of the temple Ravindra Kumpala, Sri Praveen Kulal, Sri Ganesh Anchan Prahlad Kumar participated in the press meet.