ತುಳು ಸುದ್ದಿ

ಇಂಟರ್ ನ್ಯಾಷನಲ್ ಬಂಟ್ಸ್ ವೆಲ್‌ ಫೇರ್ ಟ್ರ ಸ್ಟ್ (ರಿ.) ಮರಿಯಲದ ಮಿನದನ : ಪೂರ್ವಭಾವಿ ಸಭೆ

ಇಂಟರ್ ನ್ಯಾಷನಲ್ ಬಂಟ್ಸ್ ವೆಲ್‌ ಫೇರ್ ಟ್ರ ಸ್ಟ್ (ರಿ.) ಮರಿಯಲದ ಮಿನದನ : ಪೂರ್ವಭಾವಿ ಸಭೆ

ಕುಡ್ಲ : ಇಂಟರ್ ನ್ಯಾಷನಲ್ ಬಂಟ್ಸ್ ವೆಲ್‌ ಫೇರ್ ಟ್ರಸ್ಟ್ (ರಿ.) ಮೆಕ್ಲೆನ ವತಿರ್ದ್ ಆಗೋಸ್ಟ್ 7 ಕ್ಕ್ ಮರವೂರುದ ಕುಡ್ಲ ಪ್ಯಾಲೆಸ್ ಡ್ ಕಾಂಡೆ 10.00 ಗಂಟೆರ್ದ್ ರಾತ್ರಿ 8.00 ಗಂಟೆ ಮುಟ ಮರಿಯಲದ ಮಿನದನ , ಮುಲ್ಕಿ ಸುಂದರರಾಮ ಶೆಟ್ಟಿ ರಸ್ತೆ ನಾಮಕರಣ ಚರಿತ್ರೆ, ಕೃತಿ ಬುಡುಗಡೆ , ಬೊಕ್ಕ ಸಾಧಕೆರೆಗ್ ಸನ್ಮಾನ ಬೊಕ್ಕ ತುಳು ಸಾಂಸ್ಕೃತಿಕ ಆಟ-ಕೂಟ, ತೆನಸ್ ನಡಪೆರೆ ಉಂಡು.. ನೆತ್ತ ಪೂರ್ವಭಾವಿ ಸಭೆ ಹೊಟೇಲ್ ಕುಡ್ಲ ಫೆವಿಲಿಯನ್ ಚಾವಡಿಡ್ ಸದಾನಂದ ಶೆಟ್ಟಿ ಮೆರೆನ ಗುರ್ಕಾರ್ಮೆಡ್ ನಡತುಂಡು .

ಲೇಸ್ದ ಗುರ್ಕಾರ್ಮೆನ್ ಟ್ರಸ್ಟ್ ದ ಸ್ಥಾಪಕ ಗುರ್ಕಾರ್ಲಾಯಿನ ಎ ಸದಾನಂದ ಶೆಟ್ಟಿ ವಹಿಸರೆ ಉಲ್ಲೆರ್ , ಗುರ್ಕಾರ್ಲಾಯಿನ ಗುರ್ಮೆ ಸುರೇಶ್ ಶೆಟ್ರ್ ಲೇಸ್ ಉಧಿಪನ ಮಲ್ಪರೆ ಉಲ್ಲೆರ್ , ಮುಲ್ಕಿ ಸುಂದರರಾಮ ರಸ್ತೆ ನಾಮಕರಣ ಕೃತಿ ಬುಡುಗಡೆ ಲೇಸ್ ಡ್ ಪಾಲ್ ಪಡೆಯಿನ ಜನ ಪ್ರತಿನಿಧಿಕುಲು , ಬೊಕ್ಕ ಬಿನ್ನೆರ್ನ ಒಟ್ಟುಗು ಲೋಕಾರ್ಪಣೆ ಆಯೆರೆ ಉಂಡು.

ಈ ಪೊರ್ತುಡು ಪ್ರೇಮಕಾಂತಿ ಎಜುಕೇಷನ್ ಟ್ರಸ್ಟ್ ದ ಗುರ್ಕಾರ್ಲಾಯಿನ ಪ್ರೊ ಶ್ರೀ ಮತಿ ಎ ಪ್ರೇಮಲತಾ ಶೆಟ್ಟಿ ಮೆರೆಗ್ ಸಂಘದ ವತಿರ್ದ್ ಶ್ರೀ ಶ್ರದ್ಧಾಂಜಲಿ ಮಲ್ತೆರ್.

*ಬೇತೆ ಬೇತೆ ಕ್ಷೇತ್ರ ದ ಸಾಧಕೆರೆಗ್ ಮಾನದಿಗೆ* : ಈ ಪೊರ್ತುಡು ಇಂಟರ್ ನ್ಯಾಷನಲ್ ಬಂಟ್ಸ್ ವೆಲ್‌ಫೇರ್ ಟ್ರಸ್ಟ್ (ರಿ.) ವತಿರ್ದ್ ಪಾದೆ ಅಜಿತ್ ರೈ ಮುಂಬೈ ಮೆರೆಗ್ ಎಕ್ಸೆಲೆನ್ಸಿ ಅವಾರ್ಡ್ ಆಫ್ ಹೋಸ್ಪಿಟಲಿಟಿ ಮಾನದಿಗೆ ಮಲ್ಪರೆ ಉಲ್ಲೆರ್.ತುಳು ಸಂಸ್ಕೃತಿ ಆಟ ಕೂಟ ತೆನಸ್ ದ ಗೌಜಿ ಈ ಲೇಸ್ ಡ್ ನಡಪೆರೆ ಉಂಡು.

ಲೇಸ್ ಡ್ ಬಿಜೆಪಿ ರಾಜ್ಯಧ್ಯಕ್ಷರಾಯಿನ ನಳೀನ್ ಕುಮಾರ್ ಕಟೀಲ್‌, ವೇದವ್ಯಾಸ ಕಾಮತ್ ಶಾಸಕೆರ್ , ಮೇಯರ್ ಪ್ರೇಮಾನಂದ ಶೆಟ್ರ್ , ಶ್ರೀ ಮತಿ ಗಾಯತ್ರಿ ಆರ್ ಮಹಾಪ್ರಭಂದಕೆರ್ ಬೊಕ್ಕ ವಲಯ ಮುಖ್ಯಸ್ಥೇರ್ , ಶಶಿಧರ್ ಬಿ ಶೆಟ್ಟಿ ಬರೋಡ, ಗುರು ಕಿರಣ್ ಖ್ಯಾತ ಸಂಗೀತ ನಿರ್ದೇಶಕೆರ್ , ದಿವಾಕರ ಪಾಂಡೇಶ್ವರ ಮಾಜಿ ಮೇಯರ್, ಎಂ. ಬಾಲಕೃಷ್ಣ ಶೆಟ್ಟಿ ಬೆಂಗ್ಳೂರು, ಸನದಿ ಅಜಿತ್ ಹೆಗಡೆ ಮಾಜಿ ಆಯುಕ್ತೆರ್ ಕುಡ್ಲ ನಗರ ಪಾಲಿಕೆ, ಐಕಳ ಹರೀಶ್‌ ಶೆಟ್ಟಿ ಗುರ್ಕಾರ್ಲು ಜಾಗತಿಕ ಬಂಟರ ಒಕ್ಕೂಟಗಡು,ಪಡು ಚಿತ್ತರಂಜನ್‌ ಶೆಟ್ಟಿ , ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಪ್ರಕಟಣೆಡ್ ತೆರಿಪಾಯೆರ್.

ಲೇಸ್ ಡ್ ಮಹಿಳಾ ವಿಭಾಗದ ಗುರ್ಕಾರ್ಲಾಯಿನ ವಿಜಯಲಕ್ಷ್ಮೀ ಬಿ. ಶೆಟ್ಟಿ ಎದುಕೊಂಡೆರ್ , ಆರತಿ ಆಳ್ವ ಸೊಲ್ಮೆ ಸಂದೈತ ಮಲ್ತೆರ್ . ಲೇಸ್ ನ್ ಯುವ ವಿಭಾಗದ ಗುರ್ಕಾರ್ಲಾಯಿನ ನಿತೀಶ್ ಶೆಟ್ಟಿ ಎಕ್ಕಾರ್ ನಡಪಾದ್ ಕೊರಿಯೆರ್ .

ಉಳ್ಳಾಲಡ್ ತಲ್ವಾರ್ ದಾಳಿ ಆಂಡ್ ಪಂದ್ ಸುಳ್ಳು ಸುದ್ದಿ ಉಳ್ಳಾಲದ ಈ ಘಟನೆನ್ ಗೃಹ ಇಲಾಖೆ ಗಂಭೀರವಾದ್ ದೆತೊoದು ಸೂಕ್ತ ಕ್ರಮ ದೆತೊನೆರೆ ಅಗ್ರಹ ಮಲ್ತಿನ ಶಾಸಕ ಯು.ಟಿ.ಖಾದರ್

ಉಳ್ಳಾಲಡ್ ತಲ್ವಾರ್ ದಾಳಿ ಆಂಡ್ ಪಂದ್ ಸುಳ್ಳು ಸುದ್ದಿ ಉಳ್ಳಾಲದ ಈ ಘಟನೆನ್ ಗೃಹ ಇಲಾಖೆ ಗಂಭೀರವಾದ್ ದೆತೊoದು ಸೂಕ್ತ ಕ್ರಮ ದೆತೊನೆರೆ ಅಗ್ರಹ ಮಲ್ತಿನ ಶಾಸಕ ಯು.ಟಿ.ಖಾದರ್

ಉಳ್ಳಾಲ : ಉಳ್ಳಾಲಡ್ ಒರಿ ತನ್ನ ಮಿತ್ತ್ ತಲ್ವಾರ್ ದಾಳಿ ಮಲ್ದೆರ್ ಪಂದ್ ಸುಳ್ಳು ಕಥೆ ಕಟ್ಟ್ ದ್ ಉಳ್ಳಾಲದ ನೆಮ್ಮದಿ ಹಾಳ್ ಮಲ್ಪರೆ ಯತ್ನ ಮಲ್ದೆ ,ಆಯೇನ ವಿರುದ್ಧ ಪೋಲೀಸ್ ಇಲಾಖೆ ಕ್ರಮ ದೆತೊನೆರೆ ದುಂಬು ಬೈದಿನವು ಶ್ಲಾಘನೀಯ.ಆಂಡ ಈ ಘಟನೆ ಉಳ್ಳಾಲದ ಸೌಹಾರ್ದತೆ,ಶಾಂತಿ ಹಾಳ್ ಮಲ್ಪರೆ ಕೆಲವು ತೋಜಂದಿ ಕೈಕುಲು ನೆತ್ತ ಪಿರವು ಬೇಲೆ ಮಲ್ಪುನ ತೊಜೀದ್ ಬರೊಂದು ಉಂಡು ಪೋಲೀಸ್ ಇಲಾಖೆ ಈ ಘಟನೆನ್ ಗಂಭೀರವಾದ್ ದೆತೊoದು ನೆತ್ತ ಪಿರವು ಉಪ್ಪುನ ಜನಕ್ಲೆನ್ ನಾಡ್ ಪತ್ತ್ ದ್ ಕಾನೂನುದ ಎದುರು ಕನವೊಡು ಪಂದ್ ಮಾಜಿ ಸಚಿವ,ವಿಪಕ್ಷ ಉಪ ನಾಯಕ,ಶಾಸಕ ಯು.ಟಿ.ಖಾದರ್ ಆಗ್ರಹ ಮಲ್ದೆರ್ .

ಆ.13ರ್ದ್ ಸರ್ಕಾರಿ ಕಚೇರಿದ ಮಿತ್ತ್ ರಾಷ್ಟ್ರ ಧ್ವಜ ಪಾರಾಯೆರೆ ಸೂಚನೆ ಕೊರಿನ ಕುಡ್ಲ ಜಿ. ಪಂ ಸಿಇಒ ಡಾ. ಕುಮಾರ್

ಕುಡ್ಲ , ಆ.3: ಸ್ವಾತಂತ್ರ್ಯದ ಅಮೃತ ಉಚ್ಚಯದ ನೆಲೆಟ್ಟ್ ಆ.13ರ್ದ್ 15 ತಾರಿಕ್ ಮುಟ ಹರ್ ಘರ್ ತಿರಂಗ ಲೇಸ್ ದಡಿ ಜಿಲ್ಲೆದ ಮಾತಾ ಸರಕಾರಿ ಕಚೇರಿದ ಕಟ್ಟಡದ ಮಿತ್ತ್ ಕಡ್ಡಾಯವಾದ್ ರಾಷ್ಟ್ರ ಧ್ವಜ ಪಾರಾವೊಡು ಪಂದ್ ದ.ಕ.ಜಿಪಂ ಸಿಇಒ ಡಾ.ಕುಮಾರ್ ಮಾತಾ ಇಲಾಖೆದ ಅಧಿಕಾರಿಲೆಗ್ ಸೂಚನೆ ಕೊರಿಯೆರ್ .

ಹರ್ ಘರ್ ತಿರಂಗಾ ಲೇಸ್ ನ್ ಜಿಲ್ಲೆಡ್ ಯಶಸ್ವಿ ಮಲ್ಪರೆ ಅಂಚನೆ ಸ್ವಾತಂತ್ರ್ಯೋತ್ಸವ ಆಚರಣೆ ಮಲ್ಪುನ ಬಗ್ಗೆ ದ.ಕ.ಜಿಪಂನ ನೇತ್ರಾವತಿ ಚಾವಡಿಡ್ ಸೋಮವಾರ ನಡತಿನ ಪೂರ್ವಭಾವಿ ಸಿದ್ದತಾ ಸಭೆತ ಗುರ್ಕಾರ್ಮೆ ವಹಿಸ್ ದ್ ಆರ್ ಪಾತೆರಿಯೆರ್.

ಕುಕ್ಕಾವು ವರಮಹಾಲಕ್ಷ್ಮಿ ಪೂಜಾ ಸಮಿತಿದ ಗುರ್ಕಾರ್ಲಾದ್ ಆಯ್ಕೆ ಆಯಿನ ಸುಶ್ಮಿತಾ ಬಿಕೆ

ಕುಕ್ಕಾವು ವರಮಹಾಲಕ್ಷ್ಮಿ ಪೂಜಾ ಸಮಿತಿದ ಗುರ್ಕಾರ್ಲಾದ್ ಆಯ್ಕೆ ಆಯಿನ ಸುಶ್ಮಿತಾ ಬಿಕೆ

ಬೊಲ್ತೆರ್ : ಬೊಲ್ತೆರ್ದ ಕುಕ್ಕಾವು ವರಮಹಾಲಕ್ಷ್ಮೀ ಪೂಜಾ ಸಮಿತಿದ ಗುರ್ಕಾರ್ಲಾದ್ ಸುಶ್ಮಿತಾ ಬಿ.ಕೆ. ಕಬ್ಬಿನಹಿತ್ತಲು, ಕಾರ್ಯಂತೇರಾದ್ ತುಳಸಿ ದಿನೇಶ್ ಕುಕ್ಕಾವು ಆಯ್ಕೆಯಾತೆರ್ .

ಸಮಿತಿದ ಮಾನದಿಗೆದ ಗುರ್ಕಾರ್ಲಾದ್ ಯು.ರೂಪಾ ಗೋಪಾಲ ಗೌಡ ವಲಂಬ್ರ, ಕೋಶಾಧಿಕಾರಿಯಾಗಿ ವಿಜಯ ಕುಕ್ಕಾವು, ಒತ್ತು ಗುರ್ಕಾರ್ಲಾದ್ ರೇಷ್ಮಾ ಕೊಲ್ಪೆ, ಸತ್ಯವತಿ ಕಲ್ಲೋಲೆ, ಜತೆ ಕಾರ್ಯದರ್ಶಿಯಾಗಿ ಜಯಶ್ರೀ ಚಂದಯ್ಯ ಕುಕ್ಕಾವು, ಸಲಹೆಗಾರೇರಾದ್ ವತ್ಸಲಾ ಶಿವಾನಂದ ರಾವ್ ಕಕ್ಕೆನೇಜಿ, ಶಕುಂತಲಾ ಅಶೋಕ ಗೌಡ ಕಡ್ತಿಕುಮೇರು, ವಸಂತಲಕ್ಷ್ಮೀ ಬಜತ್ತಬೆಟ್ಟು, ಪ್ರೇಮಾ ಪಿಲ್ಯಂದ್ರ, ಗಿರಿಜಾ ಪೆಲತ್ತಡಿ, ಸದಸ್ಯರಾಗಿ ಗೀತಾ ಮಾಂಜ, ಭಾರತಿ ಪಿಲತ್ತಡಿ, ಅಪ್ಪಿ ಮದ್ರೆಂಗಿ, ಶಾಂತ ಮಾಂಜ, ಸುಮಲತ ಪಾದೆ, ಹೊನ್ನಮ್ಮ ಆಲಂಗಾವು, ಭೂಮಿಕಾ ಕೊಂಬಿತ್ಯಾರು, ನಳಿನಿ ದೈಪಿತ್ತಿಲು ಆಯ್ಕೆಯಾತೆರ್ .