ಬೆದ್ರ: ಪ್ರೆಸ್ ಕ್ಲಬ್ ದ ಮಾಜಿ ಗುರ್ಕಾರೆ, ಜಯಕಿರಣ ಪತ್ರಿಕೆದ ಬೆದ್ರ ತಾಲೂಕ್ ವರದಿಗಾರೆ ಬೊಕ್ಕ ಯುವ ನ್ಯಾಯವಾದಿ ವೇಣುಗೋಪಾಲ (30) ಮೇರ್ ಇನಿ ತಿಗಲೆ ಬೇನೆಡ್ ತೀರ್ ಪೋಯೆರ್.
ಸಚ್ಚೇರಿಪೇಟೆದ ಆನಂದ ಪೂಜಾರಿ ಮೆರೆನ ಮಗೆ ಆಯಿನ ವೇಣುಗೋಪಾಲ ಮೇರ್ ಪತ್ರಿಕಾ ಕ್ಷೇತ್ರಡ್ ಮಾತ್ರ ಅತ್ತಂದೆ ಸಾಂಸ್ಕೃತಿಕ ಬೇತೆ ಬೇತೆ ಕ್ಷೇತ್ರಡ್ ಕೆಲಸ ಮಲ್ದೆರ್.
ಮೆರೆನ ಸಾವುಗ್ ಬೆದ್ರ ತಾಲೂಕ್ ಕಾರ್ಯನಿರತ ಪತ್ರಕರ್ತರೆನ ಸಂಘ, ಬೆದ್ರ ವಕೀಲೆರೆನ ಸಂಘ, ಬೊಕ್ಕ ಜಿಲ್ಲಾ ಪತ್ರಕರ್ತೆರೆನ ಸಂಘ ಸಂತಾಪ ತೆರಿಪಾದೆರ್.
ಧರ್ಮಸ್ಥಳ: ಶ್ರೀ ರಾಮ ಕ್ಷೇತ್ರ ಮಹಾ ಸಂಸ್ಥಾನಮ್ ನಿತ್ಯಾನಂದ ನಗರದ ಜಗದ್ಗುರು ಪೀಠದ ಪೀಠಾಧೀಶ ಸದ್ಗುರು ಶ್ರೀ ಬ್ರಹ್ಮಾನಂದ ಸರಸ್ವತಿ ಸ್ವಾಮೀಜಿನ ನೇತೃತ್ವಡ್ ಕ್ಷೇತ್ರದ ಶಾಖಾ ಮಠ ಉತ್ತರಾ ಖಂಡದ ದೇವ ಭೂಮಿ ಹರಿದ್ವಾರ ಶಾಖಾ ಮಠಡ್ ನ.25 ದಾನಿ ವಾರ್ಷಿಕ ಉತ್ಸವ ನಡಪೆರೆ ಉಂಡು.
ಈ ಪೊರ್ತುಡು ಅಂತಾರಾಷ್ಟ್ರೀಯ ಶ್ರೀ ಪಂಚದಶನಾಮ ಜುನಾ ಅಖಾಡ ಅಧ್ಯಕ್ಷೆರ್ ಮಹಾಂತ್ ಪ್ರೇಮಗಿರಿ ಮಹಾರಾಜ್, ಉಪಾಧ್ಯಕ್ಷೆರ್ ಮಹಾಂತ್ ವಿದ್ಯಾನಂದ ಸರಸ್ವತಿ ಮಹಾರಾಜ್, ಮಹಾ ಮಂಡಲೇಶ್ವರ 1008 ಶ್ರೀ ಸ್ವಾಮಿ ವಿಜ್ಞಾನ ನಂದ ಸರಸ್ವತಿ ಮಹಾರಾಜ್, ಮಹಾಮಂಡಲೇಶ್ವರ 1008 ಶ್ರೀ ಸ್ವಾಮಿ ಲಲಿತಾನಂದ ಗಿರಿ ಮಹಾರಾಜ್, ಜಯರಾಮ ಆಶ್ರಮದ ಅಧ್ಯಕ್ಷೆರ್ ಬ್ರಹ್ಮ ಸ್ವರೂಪಿ ಬ್ರಹ್ಮಚಾರಿ ಮಹಾರಾಜ್, ಶ್ರೀ ಮಹಾಂತ್ ದೇವಾನಂದ ಸರಸ್ವತಿ ಮಹಾರಾಜ್, ಮಹಾ ಮಂಡಲೇಶ್ವರ 1008 ಶ್ರೀ ಸ್ವಾಮಿ ಯಮುನಾ ಪುರಿ ಮಹಾರಾಜ್, ಮಹಾ ಮಂಡಲೇಶ್ವರ 1008 ಶ್ರೀ ಸ್ವಾಮಿ ಆನಂದ ಚೈತನ್ಯ ಸರಸ್ವತಿ ಮಹಾರಾಜ್ ಮೊಕ್ಲೆನ ದಿವ್ಯ ಸಾನಿಧ್ಯಡ್‌ ಆಶೀರ್ವಚನ ಕೊರಿಯೆರೆ ಉಲ್ಲೆರ್.
ಮೀನುಗಾರಿಕೆ ಬೊಕ್ಕ ಬಂದರು, ಒಳನಾಡು ಜಲ ಸಾರಿಗೆ ಸಚಿವೆರ್ ಮಾಂಕಾಳ್ ಎಸ್.ವೈದ್ಯ, ಕುಡ್ಲದ ಸಂಸದೆರ್ ನಳಿನ್ ಕುಮಾರ್ ಕಟೀಲ್, ಮಾಜಿ ಸಚಿವೆರ್, ಕಾರ್ಲದ ಶಾಸಕೆರ್ ವಿ.ಸುನೀಲ್ ಕುಮಾರ್, ಬೋಲ್ತೆರ್ ಶಾಸಕೆರ್ ಹರೀಶ್ ಪೂಂಜ, ಉತ್ತರಾಖಂಡದ ಮಾಜಿ ಮಂತ್ರಿ, ಹಾಲಿ ಶಾಸಕೆರ್ ಮದನ್ ಕೌಶಿಕ್, ದೇಶದ ಮೂಲೆ ಮೂಲೆರ್ದ್‌ ಭಕ್ತೆರ್ ಪಾಲ್ ಪಡೆಯೆರೆ ಉಲ್ಲೆರ್. ಅವ್ವೇ ದಿನ ಬಯ್ಯಗ್ ಪವಿತ್ರ ಗಂಗಾ ಆರತಿ ನಡಪರೆ ಉಂಡು ಪಂದ್ ಕ್ಷೇತ್ರದ ಪ್ರಕಟಣೆ ತೆರಿಪಾದ್‌ಂಡ್.
ಪೆರಿಂಜೆ: ಶ್ರೀ ಮಂಜುನಾಥೇಶ್ವರ ಭಜನಾ ಮಂಡಳಿ ಪಡ್ಡಂದಡ್ಕ ಮೂಲು ನವರಾತ್ರಿದ ಸುರುತ ದಿನಟ್ ಕುಣಿತ ಭಜನಾ ಮಂಡಳಿಗ್ ಚಾಲನೆ ಕೊರಿಯೆರ್. ಕುಣಿತ ಭಜನೆದ ತರಬೇತಿನ್ ಸಂಪನ್ಮೂಲ ವ್ಯಕ್ತಿಯಾಯಿನ ಸಂದೇಶ್‌ ಮದ್ದಡ್ಕ ತರಬೇತಿ ಕೊರಿಯೆರೆ ಉಲ್ಲೆರ್. ಕಾರ್ಯಕ್ರಮ ಗಣ್ಯೆರ್ನ ಉಪಸ್ಥಿತಿಡ್ ಉದಿಪನ ಆಂಡ್. ಸಂದೇಶ್‌ ಮದ್ದಡ್ಕ ಪ್ರಾಸ್ತಾವಿಕವಾದ್‌ ಪಾತೆರಿಯೆರ್.
ಕಾರ್ಯಕ್ರಮಡ್ ಭಜನಾ ಮಂಡಳಿದ ಗುರ್ಕಾರೆ ನಾರಾಯಣ ಪೂಜಾರಿ, ಭಜನಾ ಮಂಡಳಿ ಮಾಜಿ ಅಧ್ಯಕ್ಷೆರ್ ಸಂಕಪ್ಪ ನಾಯ್ಕ್ , ಹೊಸಂಗಡಿ ಗ್ರಾ.ಪಂ. ಉಪಾಧ್ಯಕ್ಷ ಶಾಂತ ಕೃಷ್ಣಪ್ಪ, ವೇಣೂರು ಗ್ರಾ.ಪಂ ಉಪಾಧ್ಯಕ್ಷೆ ಪುಷ್ಪ ಬೊಕ್ಕ ಭಜನಾ ಸದಸ್ಯೆರ್, ಪೋಷಕೆರ್ ಬೊಕ್ಕ ಶ್ರೀ ಮಂಜುನಾಥೇಶ್ವರ ಭಜನಾ ಮಂಡಳಿದ ಸರ್ವ ಸದಸ್ಯೆರ್ ಇತ್ತೆರ್.
ಸುಬ್ರಹ್ಮಣ್ಯ: ನಾಗಾರಾಧನೆದ ಪುಣ್ಯ ತಾಣ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನಗ್‌ ಐತಾರ ಕೃಷಿ ಸಚಿವೆರ್ ಎನ್.ಚೆಲುವರಾಯ ಸ್ವಾಮಿ ಬೊಕ್ಕ ಮೇರ್ನ ಬುಡೆದಿ ಧನಲಕ್ಷ್ಮೀ ಭೇಟಿ ಕೊರಿಯೆರ್. ದೇವರ ದರ್ಶನ ಮಲ್ತ್‌ದ್‌, ದೇವಸ್ಥಾನದ ಪ್ರಧಾನ ಅರ್ಚಕೆರ್ ಸೀತಾರಾಮ ಎಡಪಡಿತ್ತಾಯ ಸಚಿವರಿಗೆ ಶಾಲ್‌ ಪಾರ್ದ್ ಪ್ರಸಾದ ಕೊರಿಯೆರ್.
ಈ ಪೊರ್ತುಡ್‌ ದೇವಸ್ಥಾನದ ಎಇಒ ರಾಜಣ್ಣ, ವ್ಯವಸ್ಥಾಪನಾ ಸಮಿತಿದ ಸದಸ್ಯೆರ್ ಶ್ರೀವತ್ಸ ಬೆಂಗಳೂರು, ಕಡಬ ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲು ಸುಧೀರ್ ಕುಮಾರ್ ಶೆಟ್ಟಿ, ನಿಕಟಪೂರ್ವ ತಾ.ಪಂ. ಸದಸ್ಯೆರ್ ಅಶೋಕ್ ನೆಕ್ರಾಜೆ, ಸುಬ್ರಹ್ಮಣ್ಯ ಗ್ರಾಮ ಸಮಿತಿದ ಗುರ್ಕಾರ್ಲು ಹರೀಶ್ ಇಂಜಾಡಿ, ಕಾಂಗ್ರೆಸ್ ಯುವ ಮುಖಂಡೆರಾಯಿನ ಶೇಷಕುಮಾರ್ ಶೆಟ್ಟಿ, ಮನೋಜ್ ಕೈಕಂಬ, ದೇವಳದ ಅಧೀಕ್ಷಕೆರ್ ಪದ್ಮನಾಭ ಶೆಟ್ಟಿಗಾರ್, ಶಿಷ್ಠಾಚಾರ ವಿಭಾಗದ ಪ್ರಮೋದ್ ಕುಮಾರ್ ಎಸ್, ಹರೀಶ್, ನವೀನ್ ಬಟ್ರುಪ್ಪಾಡಿ ಇತ್ತೆರ್.
ಸುಬ್ರಹ್ಮಣ್ಯ: ಕುಮಾರಧಾರದ ಸುತ್ತ ಮುತ್ತ ಪರಿಸರಡ್‌ ಡಾ| ರವಿ ಕಕ್ಕೆಪದವು ಸಮಾಜ ಸೇವಾ ಟ್ರಸ್ಟ್ ಮುತಾಲಿಕೆಡ್ ಅ.15 ದಾನಿ ಸ್ವಚ್ಚತಾ ಕಾರ್ಯ ನಡತ್ಂಡ್. ಈ ಪೊರ್ತುಡು ಡಾ| ರವಿ ಕಕ್ಕೆಪದವು ಸಮಾಜ ಸೇವಾ ಟ್ರಸ್ಟ್‌ದ ಸದಸ್ಯೆರ್ ಇತ್ತೆರ್.
ಒಡಿಪು: ದಕ್ಷಿಣ ಕನ್ನಡ ಬೊಕ್ಕ ಒಡಿಪು ಜಿಲ್ಲೆದ ಸರ್ವತೋಮುಖ ಅಭಿವೃದ್ಧಿಗಾದ್ ಪೇಜಾವರ ಸ್ವಾಮೀಜಿಲೆನ ಆಶೀರ್ವಾದರ್ದ್ ತೋನ್ಸೆ ಜಯಕೃಷ್ಣ ಎ. ಶೆಟ್ಟಿ ಮೆರೆನ ಮುತಾಲಿಕೆಡ್ 23 ವರ್ಷೊದ ಪಿರವು ಸ್ಥಾಪನೆ ಆಯಿನ ಸರಕಾರೇತರ ಸಂಸ್ಥೆ, ಜಯಶ್ರೀಕ್ರಷ್ಣ ಪರಿಸರ ಪ್ರೇಮಿ ಸಮಿತಿ ಇತ್ತೆ ಅಂತರಾಷ್ಟ್ರೀಯ ಮಟ್ಟಡ್ ಸಮಿತಿನ್ ಸ್ಥಾಪನೆ ಮಲ್ದ್ಂಡ್. ಸಮಿತಿದ ನಿಸ್ವಾರ್ಥ ಸೇವೆಗ್ ನನಲ ಎಚ್ಚದ ಶಕ್ತಿ ತಿಕ್ ದ್ಂಡ್. ಮಾಲಿನ್ಯ ರಹಿತ ಅಭಿವೃದ್ದಿಗಾದ್ ಸಮಿತಿ ದುಂಬುದಲೆಕ್ಕ ನನಲ ಶಕ್ತಿ ಮೀರ್ದ್ ಬೆನಿಯೆರೆ ಉಂಡು ಪಂದ್ ಜಯಶ್ರೀಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಒಡಿಪು ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲೆದ ಗುರ್ಕಾರೆ ಡಿ.ಆರ್. ರಾಜು ಪಂಡೆರ್.
ಮೇರ್ ಅ.13 ಕ್ಕ್ ಬಯ್ಯಗ್ ಒಡಿಪುದ ಮಾಧವ ಕೃಷ್ಣ ಸಭಾಂಗಣ, ಕಿದಿಯೂರು ಹೋಟೆಲ್ ಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿಯೆರ್.
ಸಮಿತಿದ ಸಂಸ್ಥಾಪಕೆರ್ ತೋನ್ಸೆ ಜಯಕೃಷ್ಣ ಎ. ಶೆಟ್ಟಿ ಪಾತೆರ್ದ್, 2000ನೇ ಇಸವಿಡ್ 29 ಬೇತೆ ಬೇತೆ ಸಮುದಾಯ ಸಂಘಟನೆಲೆನ್ ಒಟ್ಟು ಸೇರ್ಸಾದ್ ಸಮಿತಿನ್ ರಚನೆ ಮಲ್ದೆರ್. ಆನಿದ ಒಡಿಪು ಪೇಜಾವರ ಮಠತ್ತ ಸ್ವಾಮೀಜಿ ಮೇರ್ ಸಮಿತಿಗ್ ಪುದರ್ ದೀದ್ ಆಶೀರ್ವಾದ ಮಲ್ತೆರ್.
ಈ ಪೊರ್ತುಡು ಏರ್ ಇಂಡಿಯಾದ ಸ್ಟೇಷನ್ ಪ್ರಬಂಧಕೆರ್ ನಾಗೇಶ್ ಶೆಟ್ಟಿ ಮಾಣಿಗುತ್ತು, ಸಮಿತಿದ ಗೌರವ ಕಾರ್ಯದರ್ಶಿ ರವಿ ದೇವಾಡಿಗ, ಜಿಲ್ಲಾ ಉಪಾಧ್ಯಕ್ಷೆರ್ ಜಗದೀಶ್ ಅಧಿಕಾರಿ ಬೊಕ್ಕ ಜಿಲ್ಲಾ ಸಮಿತಿದ ಗೌರವ ಕಾರ್ಯದರ್ಶಿ ಪ್ರೊ. ಶಂಕರ್ ಚಾವಡಿಡ್ ಪಾಲ್ ಪಡೆದಿತ್ತೆರ್. ಸಮಿತಿದ ಗೌರವ ಪ್ರಧಾನ ಕಾರ್ಯದರ್ಶಿ ಮುಂಡ್ಕೂರು ಸುರೇಂದ್ರ ಸಾಲ್ಯಾನ್ ಪರಿಚಯ ಮಲ್ತ್ ದ್ ಎದ್ಕೊನಿಯೆರ್.
ಬೆಂಗಳೂರು: ಕರ್ನಾಟಕ ಹೈಕೋರ್ಟ್‌ದ ದಸರಾ ರಜೆ ವೇಳಾಪಟ್ಟಿ ಬಿಡುಗಡೆ ಆತ್‌ಂಡ್. ಅಕ್ಟೋಬರ್ 16 ಸೋಮವಾರರ್ದ್‌ 21 ಮುಟ್ಟ ದಸರಾ ರಜೆ. ಈ ಅವಧಿಡ್ ರಜಾಕಾಲೀನ ಪೀಠ ತುರ್ತು ಅರ್ಜಿ ವಿಚಾರಣೆ ಮಾತ್ರ ನಡಪುಂಡ್. ಹೈಕೋರ್ಟ್‌ದ ನ್ಯಾಯಿಕ ರಿಜಿಸ್ಟ್ರಾರ್ ಎಂ.ಚಂದ್ರಶೇಖರ ರೆಡ್ಡಿ ದಸರಾ ರಜೆ ವೇಳಾಪಟ್ಟಿನ್‌ ಪ್ರಕಟಣೆ ಮುಖೇನ ತೆರಿಪಾದೆರ್. ಈ ಅವಧಿಡ್ ರಜಾಕಾಲೀನ ಪೀಠಲು ಬೆಂಗಳೂರು, ಧಾರವಾಡ ಬೊಕ್ಕ ಕಲಬುರಗಿಡ್ ಕಾರ್ಯ ನಿರ್ವಹಣೆ ಮಲ್ಪೆರೆ ಉಂಡು.
ಕಿನ್ನಿಗೋಳಿ: ಗುತ್ತಕಾಡು ಕೈತಲ್ದ ತಾಳಿಪಾಡಿದ ಶಾಂತಿನಗರ ಶ್ರೀ ಮೂಕಾಂಬಿಕಾ ದೇವಲ್ಯ ಡ್ ನಡಪರೆ ಇಪ್ಪುನ ದೇವಲ್ಯದ ಜೀರ್ಣೋದ್ಧಾರ ಬೊಕ್ಕ ಬ್ರಹ್ಮಕಲಶ ಉಚ್ಚಯದ ಲೆಕ್ಕೊಡು ಸಮಾಲೋಚನೆ ನಡತ್ಂಡ್.
ಲೇಸ್ ದ ಗುರ್ಕಾರ್ಮೆನ್ ಶಾಂತಿನಗರ ಶ್ರೀ ಮೂಕಾಂಬಿಕಾ ದೇವಲ್ಯದ ಗುರ್ಕಾರೆ ಚಂದ್ರಶೇಖರ ಒಯಿಸೊಂದಿತ್ತೆರ್.
ಸಭೆಟ್ಟ್ ದಿನೇಶ್ ಬಂಡ್ರಿಯಾಲ್ ತಾಳಿಪಾಡಿ ಗುತ್ತು, ಧರ್ಮದರ್ಶಿಲು ವಿವೇಕಾನಂದ, ಸುರೇಶ್ ಶೆಟ್ಟಿ ನಡಿಯಾಲ್ ಗುತ್ತು, ಭುವನಾಭಿರಾಮ ಉಡುಪ, ದಯಾನಂದ ಭಟ್, ಕುಶಲ ಪೂಜಾರಿ, ರೋಕಿ ಪಿಂಟೋ, ದಿನೇಶ್ ಆಚಾರ್, ರಘುರಾಮ ಪುನರೂರು, ಡೋಲ್ಪಿ ಸಂತು ಮಯಾರ್, ಶಾಂಭವಿ ಶೆಟ್ಟಿ, ಧನಂಜಯ ಶೆಟ್ಟಿಗಾರ್, ಸಾಗರಿಕ ಪಕ್ಷಿಕೆರೆ, ಮಾಧವ, ಚಿತ್ರಾಕ್ಷಿ ಶೆಟ್ಟಿ, ಮೀರಾ ಶೆಟ್ಟಿ, ಸುಕುಮಾರ್ ಶೆಟ್ಟಿ, ವಿಠಲ ಪೂಜಾರಿ ಬೆದ್ರಡಿ, ದಿವಾಕರ ಕರ್ಕೇರಾ, ಯೋಗೀಶ್ ಕೋಟ್ಯಾನ್, ಕೇಶವ, ಶಶಿಕಾಂತ್, ಸಮಿತಿದ ಬೇತೆ ಬೇತೆ ಪದಾಧಿಕಾರಿಲು ಬೊಕ್ಕ ಭಕ್ತಾದಿಲು ಎಚ್ಚದ ಸಂಖ್ಯೆಡ್ ಪಾಲ್ ಪಡೆದಿತ್ತೆರ್.
ದಿವಾಕರ ಕರ್ಕೇರ ಲೇಸ್ ದ ಸುಧಾರಿಕೆ ಮಲ್ತೆರ್. ಶಶಿಕಾಂತ್ ಎದ್ಕೊಂದು ಸೊಲ್ಮೆ ಸಂದಾಯೆರ್. ಮಾರ್ಚ್ 10,11,12 ಕ್ಕ್ ಬ್ರಹ್ಮಕಲಶ ಉಚ್ಚಯ ನಡಪರೆ ಉಂಡು.
ಕುಡ್ಲದ ಪುಗರ್ತೆದ ಕಂಪೆನಿ MRPL ದ CSR ಫಂಡ್ ದ ಮುಖೇನ ಶ್ರೀ ಕ್ಷೇತ್ರ ಈಶ್ವರಗೋಳಿದ ಸಮುದಾಯ ಭವನಗ್ ಕೆಸರ್ ಕಲ್ಲ್ ಪಾಡುನ ಲೇಸ್ ನಡತ್ಂಡ್.
ಈ ಪೊರ್ತುಡು MRPL ಸಂಸ್ಥೆದ ಅಧಿಕಾರಿಲು, ಪೊಸೊಡಿ ವಾರ್ಡ್ ದ ಕಾರ್ಪೊರೇಟರ್ ವರುಣ್ ಚೌಟ, ಜೀರ್ಣೋದ್ದಾರ ಸಮಿತಿದ ಗುರ್ಕಾರೆ, ಸದಸ್ಯೆರ್, ಊರುದ ಪರವೂರುದ ಭಕ್ತೆರ್, ಬೊಕ್ಕ ಪತ್ತ್ ಸಮಸ್ತೆರ್ ಪಾಲ್ ಪಡೆದಿತ್ತೆರ್.
ಪುತ್ತೂರು : ದೇವಸ್ಥಾನದ ಕಾರ್ಯಕ್ರಮ ಒಂಜೆಟ್ಟ್ ರಾಜಕೀಯ ಮರತ್ತ್‌ದ್ ನಾಯಕೆರ್ ಮಾತಾ ಒಂಜಾದ್‌ ತೋಜಿದೆರ್. ಇತಿಹಾಸ ಪ್ರಸಿದ್ಧ ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ವಠಾರಡ್ ಪುನರುತ್ಥಾನ ಕಾರ್ಯದ ಪೈಕಿ ಅನ್ನಛತ್ರ ನಿರ್ಮಾಣ, ಕಿರೆ ಪುನರುತ್ಥಾನ ನಿಧಿ ಸಂಚಯದ ಬಗ್ಗೆಟ್ ಅ.15 ದಾನಿ ನಡತ್ತ್‌ನ ಭಕ್ತರ ಮಹಾಸಭೆಟ್ ಶಾಸಕೆರ್ ಅಶೋಕ್ ಕುಮಾರ್ ರೈ, ಮಾಜಿ ಶಾಸಕೆರ್ ಸಂಜೀವ ಮಠಂದೂರು, ಪುತ್ತಿಲ ಪರಿವಾರದ ಅರುಣ್ ಕುಮಾರ್ ಪುತ್ತಿಲ, ಮುರಳಿಕೃಷ್ಣ ಹಸಂತಡ್ಕ ಜೊತೆಯಾದ್‌ ಇತ್ತೆರ್.
ಈ ಪೊರ್ತುಡು ಕಾಂಗ್ರೆಸ್ ನಾಯಕೆರ್ ಕೃಷ್ಣಪ್ರಸಾದ್ ಆಳ್ವ ಒಟ್ಟಿಗೆ ಇತ್ತೆರ್. ಸಭಾ ಕಾರ್ಯಕ್ರಮದ ಉದಿಪನನ್ ಶಾಸಕೆರ್ ಅಶೋಕ್ ಕುಮಾರ್ ರೈ ಮಲ್ತೆರ್. ಬೊಕ್ಕ ಮಾಜಿ ಶಾಸಕೆರ್ ಸಂಜೀವ ಮಠಂದೂರು, ಪಿ.ಜಿ.ಜಗನ್ನಿವಾಸ ರಾವ್ ಬೊಕ್ಕ ದೇವಸ್ಥಾನದ ವ್ಯವಸ್ಥಾಪನ ಸಮಿತಿದ ಗುರ್ಕಾರ್ಲು ಕೇಶವಪ್ರಸಾದ್ ಮುಳಿಯ ಇತ್ತೆರ್. ಈ ಮಾತ ಬೆಳವಣಿಗೆದ ಮೂಲಕ ರಾಜಕೀಯ ದೇವಸ್ಥಾನದ ಪಿದಯಿ ಮಾತ್ರ ಉಲಾಯಿ ಅತ್ತ್‌ ಪಂದ್ ತೊಜಿಪಾದ್‌ ಕೊರಿಯೆರ್. ಶಾಸಕೆರ್ ತನ್ನ ಭಾಷಣಡ್ ದೇವಸ್ಥಾನದ ಉಲಾಯಿ ಬನ್ನಗ ಚಪ್ಪಲ್‌ನ್‌ ಎಂಚ ಪಿದಾಯಿ ಬುಡ್ದು ಬರ್ಪ ಅಂಚೆನೆ ರಾಜಕೀಯನ್‌ಲ ಬುಡ್ದು ಬರೊಡು ಪಂದ್ ಪಂಡೆರ್.
