ಪುತ್ತೂರ್ದ ಸುದ್ದಿ | Puttur News

ಅಕ್ಷಯ ಕಾಲೇಜ್‌ದ ವಚನ್ ಗ್ “ಮಿಸ್ಟರ್‌ ಕರ್ನಾಟಕ” ಕಿರೀಟ

ಪುತ್ತೂರು: ಬೆಂಗಳೂರುಡ್‌ ಎನ್.ಬಿ ಮಾಡೆಲ್‌ ಮ್ಯಾನೇಜ್‌ಮೆಂಟ್‌ ಸಂಸ್ಥೆದ ಮುತಾಲಿಕೆಡ್‌ ನಡತಿನ ಮಿಸ್ಟರ್-ಮಿಸ್‌ ಟೀನ್‌ ಸೌಂದರ್ಯ ಸ್ಪರ್ಧೆಡ್‌ ಮಿಸ್ಟರ್‌ ಕರ್ನಾಟಕ ವಿಭಾಗಡ್‌ ಪುತ್ತೂರು ಅಕ್ಷಯ ಕಾಲೇಜ್‌ದ ಕಲ್ಪಾರ್ಥಿ ವಚನ್‌ ಎಸ್‌. ಮೇರ್ ಗೆಂದ್ ದ್ ಕಿರೀಟ ಪಡೆಯೊಂದೆರ್.‌

ಉಬಾರ್‌ ಪೆರಿಯಡ್ಕ ನಿವಾಸಿಲಾಯಿನ ಶೇಖರ ಪೂಜಾರಿ ಬೊಕ್ಕ ರೂಪ ದಂಪತಿಲೆನ ಮಗೆಯಾಯಿನ ಮೆರ್‌ ಪುತ್ತೂರು ಅಕ್ಷಯ ಕಾಲೇಜ್‌ಡ್‌ ಮೂಜನೇ ವರ್ಷದ ಫ್ಯಾಷನ್‌ ಡಿಸೈನ್‌ ಕೋರ್ಸ್ ಕಲ್ತೊಂದುಲ್ಲೆರ್.

ಒಟ್ಟುಗು 3 ವಿಭಾಗದ ಪಂತೊಡು 35 ಸ್ಪರ್ಧಿಲು ಪಾಲ್‌ ಪಡೆದಿತ್ತೆರ್.

ಕುಡ್ಲ: ಅಮಲ್ ದ ಸೊತ್ತು ಮಾರೊಂದಿತ್ತಿನ ಸುಳ್ಯದ ಕಲ್ಪಾರ್ಥಿ ಅರೆಸ್ಟ್‌

ಕುಡ್ಲ: ಕುಡ್ಲದ ಪೇಂಟೆದ ಬೆಂದೂರುವೆಲ್‌ ಪರಿಸರಡ್‌ ಅಮಲ್ ದ ಸೊತ್ತುನು ಮಾರೊಂದಿತ್ತಿನ ಕಲ್ಪಾರ್ಥಿನ್‌ ಸಿಸಿಬಿ ಪೊಲೀಸೆರ್‌ ಅರೆಸ್ಟ್‌ ಮಲ್ತ್‌ದೆರ್.‌

ಪೇಂಟೆದ ಕಾಲೇಜ್‌ ಒಂಜೆಟ್ಟ್‌ ಪದವಿ ಕಲ್ಪಾರ್ಥಿ ಸುಳ್ಯ ತಾಲೂಕುದ ಅಜ್ಞಾವರ ಗ್ರಾಮದ ಲುಕ್ಕಾನುಲ್‌ ಹಕೀಂ(22ವ) ಅರೆಸ್ಟ್‌ ಆಯಿನ ಆರೋಪಿ. 1 ಲಕ್ಷ 25 ಸಾವಿರದ 25 ಗ್ರಾಂ ಎಂಡಿಎಂಎ ವಶಕ್ಕ್‌ ಪಡೆಯೊಂದೆರ್.‌ ನೆತ್ತ ಒಟ್ಟಿಗೆ ಮೊಬೈಲ್‌ ಪೋನ್‌, ಡಿಜಿಟಲ್‌ ತೂಕ ಸೇರಿನಂಚ ಒಟ್ಟು 1 ಲಕ್ಷ 60 ಸಾವಿರ ಮೌಲ್ಯದ ವಸ್ತುಲೆನ್‌ ಸಿಸಿಬಿ ಪೊಲೀಸೆರ್‌ ವಶಕ್‌ ಪಡೆಯೊಂದೆರ್.‌

ಸಾರ್ವಜನಿಕೆರೆಗ್‌ ಬೊಕ್ಕ ಕಲ್ಪಾರ್ಥಿಲೆಗ್‌ ಮಾದಕ ಸೊತ್ತುಲೆನ್ ಮಾರಾಟ ಮಾಲ್ತೊಂದು ಇತ್ತಿನ ಮಾಹಿತಿನ್ ತೆರಿಯೊಂದು ಸಿಸಿಬಿ ಪೊಲೀಸೆರ್‌ ಕಾರ್ಯಾಚರಣೆ ಮಲ್ತ್‌ದ್‌ ಆರೋಪಿನ್‌ ಅರೆಸ್ಟ್‌ ಮಲ್ತ್‌ದೆರ್.‌ ಕುಡ್ಲ ಪೂರ್ವ ಪೊಲೀಸ್‌ ಸ್ಟೇಷನ್‌ಡ್‌ ಕೇಸ್ ದಾಖಲಾತ್‌ಂಡ್‌.

ಕಾಟುಕುಕ್ಕೆ ಕ್ಷೇತ್ರಡ್ ಪುತ್ತೂರು ಶಾಸಕೆರ್ ಅಶೋಕ್ ಕುಮಾರ್ ರೈಗ್ ಅಭಿಮಾನಿಲೆರ್ದ್ ಪೌರ ಸನ್ಮಾನ‌

ಪೆರ್ಲ: ಇತಿಹಾಸ ಪ್ರಸಿದ್ಧ ಕಾಟುಕುಕ್ಕೆ ಶ್ರೀಸುಬ್ರಾಯ ಕ್ಷೇತ್ರಗ್ ಪುತ್ತೂರು ಶಾಸಕೆರಾಯಿನ ಅಶೋಕ್ ಕುಮಾರ್ ರೈ ಭೇಟಿ ಕೊರಿಯೆರ್. ವಿಧಾನ ಸಭಾ ವೋಟ್‌ದ ಪೊರ್ತುಡು ಅಶೋಕ್‌ ರೈ ಗೆಂದೆರೆ ಅಭಿಮಾನಿಲು ಪ್ರಾರ್ಥನೆ ಮಲ್ತ್‌ ಇತ್ತಿನ ಪರಕೆನ್‌ ಸಂದಾಯೆರೆ ಕಾಟುಕುಕ್ಕೆ ಕ್ಷೇತ್ರಕ್ಕೆ ಬತ್ತಿತೆರ್. ಈ ಪೊರ್ತುಡು ಕಾಟುಕುಕ್ಕೆದ ಅಭಿಮಾನಿ ಬಳಗದ ಪರವಾದ್ ಪೌರ ಮಾನಾದಿಗೆ ಮಲ್ತೆರ್.

ಕ್ಷೇತ್ರದ ಆಡಳಿತ ಮೊಕ್ತೇಸರೆರ್ ತಾರನಾಥ ರೈ ಪಡ್ಡಂಬೈಲು, ಮಾಜಿ ಆಡಳಿತ ಮೊಕ್ತೇಸರೆರ್ ನಾರಾಯಣ, ಉತ್ಸವ ಆಚರಣಾ ಸಮಿತಿ ಗುರ್ಕಾರ್ಲು ಪುರುಷೋತ್ತಮ ಭಟ್ ಮಿತ್ತೂರು ಇತ್ತೆರ್. ಎಣ್ಮಕಜೆ ಗ್ರಾಮ ಪಂಚಾಯತಿ ಅಭಿವೃದ್ಧಿ ಸ್ಥಾಯಿ ಸಮಿತಿದ ಗುರ್ಕಾರ್ಲು ಬಿ.ಎಸ್.ಗಾಂಭೀರ್ ಎದ್ಕೊಂದು ದೀಪಕ್ ಭಂಡಾರದ ಮನೆ ಸೊಲ್ಮೆ ಸಂದಾಯ ಮಲ್ತೆರ್. ಈ ಪೊರ್ತುಡು ಕ್ಷೇತ್ರ ಅಭಿವೃದ್ಧಿ ಕಾರ್ಯಗ್‌ ಕರ್ನಾಟಕ ಸರಕಾರರ್ದ್ ಪೂರಕ ಯೋಜನೆಲೆನ್‌ ಕೊರೊಡು ಪಂದ್ ಕ್ಷೇತ್ರದ ಆಡಳಿತ ಮೊಕ್ತೇಸರೆರ್ ತಾರನಾಥ ರೈ ಬಿನ್ನಾಪು ಮಲ್ತೆರ್. ಅಂಚೆನೆ ಪಡ್ಡಂಬೈಲು ಬೊಕ್ಕ ಅಡ್ಕಸ್ಥಳ -ಕಾಟುಕುಕ್ಕೆ ಮುಖೇನ ಆರ್ಲಪದವು ಪುತ್ತೂರುಗ್ ಸರಕಾರಿ ಬಸ್ ಮಂಜೂರು ಮಲ್ಪೊಡು ಪಂದ್ ನಾಗರಿಕೆರ್ನ ಪರವಾದ್ ಬಿ.ಎಸ್.ಗಾಂಭೀರ್ ಶಾಸಕೆರೆಗ್‌ ಮನವಿ ಕೊರಿಯೆರ್.

ಕಡಬ: ಮಸೀದಿದಲ್ಪ ಘೋಷಣೆ ಪಾಡಿನ ರಡ್ಡ್‌ ಜನ ಆರೋಪಿಲು ಅರೆಸ್ಟ್‌‌

ಕಡಬ: ನಡು ರಾತ್ರೆಡ್ ಮಸೀದಿದಡೆ ಬತ್ತ್ ದ್ ಘೋಷಣೆ ಪಾಡಿನ ಆರೋಪದ ಮಿತ್ತ್‌ ರಡ್ಡ್‌ ಜನ ಆರೋಪಿಲೆನ್ ಕಡಬ ಪೊಲೀಸೆರ್‌ ಅರೆಸ್ಟ್‌ ಮಲ್ತ್‌ದೆರ್.‌

ಬಿಳಿನೆಲೆ ಗ್ರಾಮದ ಸೂಡ್ಲು ನಿವಾಸಿ ಕೀರ್ತನ್‌ ಬೊಕ್ಕ ಕೈಕಂಬ ನಡ್ತೋಟ ನಿವಾಸಿ ಸಚಿನ್‌ ಅರೆಸ್ಟ್‌ ಆಯಿನಕುಲು.

ರಾತ್ರಿ ಬೈಕ್‌ಡ್‌ ಬತ್ತ್‌ದ್ ಮಸೀದಿದ ಪಾಗರದ ಉಲಯಿ ಜೈ ಶ್ರೀರಾಮ್‌ ಘೋಷಣೆ ಪಾಡ್ದೆರ್ ಪನ್ಪಿ ಆರೋಪ ಉಂಡು. ಈ ಪೊರ್ತುಡು ಮಸೀದಿರ್ದ್‌ ಪಿದಾಯಿ ಬತ್ತಿನ ಧರ್ಮಗುರುಕುಲೆನ್‌ ತೂದು ಆರೋಪಿಲು ಪರಾರಿ ಆತೆರ್.

ಆರೋಪಿಲು ಬೈಕ್‌ಡ್ ಮಸೀದಿದ ಉಲಾಯಿ ಬತ್ತ್‌ ಪೋಯಿನ ದೃಶ್ಯ ಸಿಸಿ ಕೆಮರಾಡ್‌ ಸೆರೆ ಆತ್‌ಂಡ್. ಪೊಲೀಸೆರ್ ಜಾಗೆಗ್‌ ಬತ್ತ್‌ದ್‌ ಮಾಹಿತಿನ್‌ ಪಡೆದ್‌ ತನಿಖೆ ಮಲ್ತೊಂದು ಉಲ್ಲೆರ್.

ಪುತ್ತೂರ್ದ ಪಿಲಿರಂಗ್‌ ಸೀಸನ್-‌2 ಲೆಪ್ಪೋಲೆ ಬುಡುಗಡೆ

ಪುತ್ತೂರು: ಪುತ್ತೂರುದ ಕಿಲ್ಲೆ ಮೈದಾನಡ್‌ ಅಕ್ಟೋಬರ್ 22 ದಾನಿ ನಡಪುನ “ಪುತ್ತೂರ್ದ ಪಿಲಿರಂಗ್‌ ಸೀಸನ್-‌2” ನೆತ್ತ ಲೆಪ್ಪೋಲೆನ್‌ ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದಡ್‌ ಬುಡುಗಡೆ ಮಲ್ತೆರ್.‌ ದೇವಸ್ಥಾನದ ಆಡಳಿತ ಮೊಕ್ತೇಸರ ಮುಳಿಯ ಕೇಶವ ಭಟ್‌ ಬೊಕ್ಕ ಶಾಸಕೆರ್‌ ಅಶೋಕ್‌ ರೈ ಬುಡುಗಡೆ ಮಲ್ತೆರ್.‌

ಈ ಪೊರ್ತುಡು ಮಾಜಿ ಶಾಸಕೆರ್‌ ಶಕುಂತಳಾ ಶೆಟ್ಟಿ, ಚಂದ್ರಹಾಸ ಶೆಟ್ಟಿ, ಪಂಜಿಗುಡ್ಡೆ ಈಶ್ವರ ಭಟ್‌, ಶಿವರಾಮ್‌ ಆಳ್ವ, ಎ.ಕೆ ಜಯರಾಮ್‌ ರೈ, ಜಾಕಿಂ ಡಿಸೋಜ, ಸುರೇಂದ್ರ ರೈ, ಜಯಪ್ರಕಾಶ್‌ ಬದಿನಾರ್‌, ಶಾರದ ಅರಸ್‌, ಕೃಷ್ಣ ಪ್ರಸಾದ್‌ ಆಳ್ವ, ಸುದೇಶ್‌, ರೋಶನ್‌ ರೈ, ಶರತ್‌ ಕೇಪುಲ, ಲೋಕೇಶ್‌ ಪಡ್ಡಾಯೂರು, ಶಿವನಾಥ ರೈ ಮೇಗಿನಗುತ್ತು, ನಿಹಾಲ್‌ ಶೆಟ್ಟಿ, ರಿತೇಶ್‌ ಶೆಟ್ಟಿ, ರಾಕೇಶ್‌ ರೈ ಇತ್ತೆರ್.‌

ಕಡಬ: ಬಸ್‌ರ್ದ್‌ ಬೂರ್ದು ತೀರ್‌ಪೋಯಿನ ಆಂಜೊವ್..!

ಕಡಬ: ಪೋವೊಂದು ಇತ್ತಿನ ಕೆಎಸ್ಆರ್‌ಟಿಸಿ ಬಸ್‌ರ್ದ್‌ ಆಂಜೊವ್‌ ಒರಿ ತಿರ್ತ್‌ ಬೂರ್ದು ತೀರ್‌ಪೋಯಿನ ಘಟನೆ ಕಡಬ ಪೋಸ್ಟ್‌ ಆಫೀಸ್‌ದ ಕೈತಲ್ ಉಬಾರ್- ಸುಬ್ರಹ್ಮಣ್ಯ ರಾಜ್ಯಹೆದ್ದಾರಿಡ್‌ ಸೆ.24 ಕ್ಕ್‌ ನಡತ್ತ್‌ಂಡ್.

ಕಡಬ ಕಳಾರ ಕುದ್ಕೊಳಿ ನಿವಾಸಿ ಅಚ್ಚುತ ಗೌಡ (63) ತೀರ್‌ಪೋಯಿನ ವ್ಯಕ್ತಿ.

ಕಡಬರ್ದ್‌ ಬಸ್ ಬರ್ತ್‌ದ್‌ ಇಲ್ಲದಂಚಿ ಪೋನಗ ಒಂಜಿ ತಿರುವುದು ಆಯ ತತ್ತ್‌ದ್‌ ತಿರ್ತ್‌ ಬೂರ್ದೆರ್. ಅರೆನ ಒಟ್ಟಿಗೆ ಬಲ್ಯದ ಚಂದ್ರಶೇಖರ ತಿರ್ತ್ ಬೂರ್ದು ಎಲ್ಯ ಎಲ್ಯ ಗಾಯ ಆದ್ ಪ್ರಾಣಾಪಾಯರ್ದ್‌ ಪಾರ್‌ ಆತೆರ್. ಗಾಯ ಆಯಿನ ಅಚ್ಚುತ ಗೌಡ ಮೆರೆನ್ ಆಸ್ಪತ್ರೆಗ್‌ ಲೆತೊಂದು ಪೋನಗನೆ ಸಾದಿದ ನಡುಟೆ ತೀರ್‌ ಪೋತೆರ್.

ಕಂಬಳಬೆಟ್ಟು: 52ನೇ ವರ್ಷದ ಗಣಪತಿ ಉಚ್ಚಯ

ಸಾರ್ವಜನಿಕ ಗಣೇಶೋತ್ಸವ ಸಮಿತಿ ಧರ್ಮನಗರ, ಕಂಬಳಬೆಟ್ಟು ನೆತ್ತ ಮುತಾಲಿಕೆಡ್ 52ನೇ ವರ್ಷದ ಸಾರ್ವಜನಿಕ ಗಣಪತಿ ಉಚ್ಚಯ ಸೆ.22 ಶುಕ್ರವಾರ ದಾನಿ ನಡತ್ಂಡ್.

ಈ ಲೇಸ್ ಡ್ ಶ್ರೀ ದೇವಿ ನೃತ್ಯಾರಾಧನಾ ಕಲಾ ಕೇಂದ್ರ ಪುತ್ತೂರು, ನೆತ್ತ ನೃತ್ಯ ಗುರು ವಿದುಷಿ ರೋಹಿಣಿ ಉದಯ್ ಮೆರ್ನ ಶಿಷ್ಯ ವೃಂದರ್ದ್ ನೃತ್ಯ ಪ್ರೇರಣಾ ಬೊಕ್ಕ ಯುಗಪುರುಷ (ನೃತ್ಯ ರೂಪಕ) ಪನ್ಪುನ ಸಾಂಸ್ಕೃತಿಕ ಕಾರ್ಯಕ್ರಮ ನಡತ್ಂಡ್.

ಪುತ್ತೂರು ಪಿಲಿಗೊಬ್ಬುದ ಸಮಿತಿ ರಚನೆ

ಪುತ್ತೂರು : ಸುರುತ ಸಲ ನಡಪುನ ‘ಪಿಲಿಗೊಬ್ಬು’ ನೆತ್ತ ಮನಾದಿಗೆದ ಗುರ್ಕಾರೆರಾದಿತ್ತಿನ ಸಹಜ್ ರೈ ಬಳಜ್ಜ ಮೆರ್ ನ ಮುತಾಲಿಕೆಡ್ ಅ.22 ದಾನಿ ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ದೇವರಮಾರು ಕಂಡಡ್ ದ.ಕ ಜಿಲ್ಲೆದ ಲೆಪ್ಪು ಕೊರ್ತಿನ ಪತ್ತ್ ತಂಡದ ‘ಪಿಲಿಗೊಬ್ಬು’ ಪಂತೋ ನಡಪೆರೆ ಉಂಡು. ಈ ಪಂತದ ಯಶಸ್ವಿಗ್ ದರ್ಬೆ ಶ್ರೀರಾಮ ಸೌಧಡ್ ಸಮಿತಿನ್ ರಚನೆ ಮಲ್ತೆರ್.

ಗುರ್ಕಾರೆರಾದ್ ಶ್ರೀರಾಮ ಸೌಧದ ಮಾಲಕೆರ್ ಬೊಕ್ಕ ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ ಗುರ್ಕಾರ್ಲು ಪುತ್ತೂರು ಉಮೇಶ್ ನಾಯಕ್, ಕಾರ್ಯಾಧ್ಯಕ್ಷರಾದ್ ಸುಜಿತ್ ರೈ ಪಾಲ್ತಾಡ್, ಸಂಚಾಲಕೆರಾದ್ ನಾಗರಾಜ್ ನಡುವಡ್ಕ, ಪ್ರಧಾನ ಕಾರ್ಯದರ್ಶಿಯಾದ್ ಶರತ್ ಆಳ್ವ ಕೂರೇಲು, ಉಪಾಧ್ಯಕ್ಷೆರಾದ್ ಸಂದೀಪ್ ರೈ ನಂಜೆ ಬೊಕ್ಕ ದೇವಿಪ್ರಕಾಶ್ ಭಂಡಾರಿ, ಕಾರ್ಯದರ್ಶಿಯಾದ್ ಸುರೇಶ್ ಪಿದಪಟ್ಲ ಬೊಕ್ಕ ಶರತ್ ಕುಮಾರ್ ಮಾಡಾವು, ಜೊತೆ ಕಾರ್ಯದರ್ಶಿಯಾದ್ ಶಂಕರ್ ಭಟ್, ಈಶಾನ್ಯ, ಕೋಶಾಧಿಕಾರಿಯಾದ್ ರಾಜೇಶ್ ಕೆ. ಗೌಡ ಬೊಕ್ಕ ಅಶೋಕ್ ಅಡೂರು, ಸಂಘಟನಾ ಕಾರ್ಯದರ್ಶಿಯಾದ್ ಅರುಣ್ ರೈ ಬೊಕ್ಕ ಉದಯ್ ಪಾಟಾಳಿ ಬೆಳ್ಳಾರೆ.

ಕಾರ್ಯಕಾರಿ ಸಮಿತಿ ಸದಸ್ಯೆರಾದ್ ದಯಾನಂದ ಶೆಟ್ಟಿ ಉಜ್ರೆಮಾರ್, ಪ್ರೀತಂಶೆಟ್ಟಿ ಪೆರ್ನೆ, ಆದರ್ಶ್ ಶೆಟ್ಟಿ ಉಪ್ಪಿನಂಗಡಿ, ಪ್ರಮೀತ್ ರಾಜ್ ಕಟ್ಟತ್ತಾರು, ವಿನಯ ರೈ ಕೋರಿಕ್ಕಾರು, ಆನಂದ ತೆಂಕಿಲ, ದಿನೇಶ್ ವಾಸುಕಿ, ಚಂದ್ರಶೇಖರ ರೈ ಸಣಂಗಲ, ಸತೀಶ್ ರೈ ದೇವಿನಗರ, ಕಿಶೋರ್ ಕೊಳ್ತಿಗೆ, ಆದೇಶ್ ಶೆಟ್ಟಿ ಉಪ್ಪಿನಂಗಡಿ, ಸಚಿನ್ ಶೆಟ್ಟಿ ನರಿಮೊಗರು, ಸಾಯಿರಾಂ ಬಾಳಿಲ, ಸುಬ್ಬು ಸಂಟ್ಯಾರ್, ವಸಂತ ಕುಮಾರ್ ಪುತ್ತೂರು, ಸತೀಶ್ ಬಲಮುರಿ, ಪ್ರದೀಪ್ ರೈ ಕರ್ನೂರ್, ಪ್ರಶಾಂತ್ ಸವಣೂರು, ಯಶು ಸಂಪ್ಯ, ಯತೀಶ್ ಕುರಿಯ, ಪುನೀತ್ ಕೆಯ್ಯೂರು, ಹರ್ಷಕುಮಾರ್ ಪುತ್ತೂರು, ಚರಣ್ ರೈ ಮಠ, ಸಚಿನ್ ಸವಣೂರು, ಪವನ್ ಶೆಟ್ಟಿ, ಪ್ರಗತ್ ಶೆಟ್ಟಿ ಆಯ್ಕೆಯಾತೆರ್.