ಪುತ್ತೂರ್ದ ಸುದ್ದಿ | Puttur News

ರೈ ಚಾರಿಟೇಬಲ್ ಟ್ರಸ್ಟ್ ಕಾರ್ಯಾಧ್ಯಕ್ಷೆರಾದ್ ಸುದೇಶ್ ಶೆಟ್ಟಿ ನೇಮಕ ‌

ಪುತ್ತೂರು : ರೈ ಎಸ್ಟೇಟ್ಸ್ ಎಜುಕೇಷನಲ್ ಆಂಡ್ ಚಾರಿಟೇಬಲ್ ಟ್ರಸ್ಟ್ ನೆತ್ತ ಪೊಸ ಕಾರ್ಯಾಧ್ಯಕ್ಷೆರಾದ್ ಉದ್ಯಮಿ ಸುದೇಶ್ ಶೆಟ್ಟಿ ಶಾಂತಿನಗರ ನೇಮಕ ಆತೆರ್.‌ ಟ್ರಸ್ಟ್‌ದ ಗುರ್ಕಾರ್ಲು ಶಾಸಕೆರಾಯಿನ ಅಶೋಕ್ ರೈ ಈ ನೇಮಕಾತಿನ್‌ ಮಲ್ತ್‌ದೆರ್.

ಅ.3.4: ವಿವೇಕಾನಂದ ಪದವಿಪೂರ್ವ ಕಾಲೇಜ್‌ಡ್ ವಿವೇಕ ವಿಜ್ಞಾನ–2023 ಕಾರ್ಯಕ್ರಮ

ಪುತ್ತೂರು : ವಿವೇಕಾನಂದ ಪದವಿಪೂರ್ವ ಕಾಲೇಜ್‌ ಬೊಕ್ಕ ಪುತ್ತೂರು ಕ್ಷೇತ್ರ ಶಿಕ್ಷಣಾಧಿಕಾರಿಲೆನ ಕಚೇರಿ, ಶಾಲಾ ಶಿಕ್ಷಣ ಇಲಾಖೆ ನೆತ್ತ ಒಟ್ಟು ಸೇರಿಗೆಡ್ ಪುತ್ತೂರು ತಾಲೂಕುದ ಕೆಲವು ಪ್ರೌಢಶಾಲಾ ವಿಜ್ಞಾನ & ಗಣಿತ ಅಧ್ಯಾಪಕೆರ್ನ ಕಾರ್ಯಾಗಾರ ವಿವೇಕ ವಿಜ್ಞಾನ 2023 ಕಾರ್ಯಕ್ರಮ ಅಕ್ಟೋಬರ್ 3 ಬೊಕ್ಕ 4 ಕ್ಕ್ ವಿವೇಕಾನಂದ ಪದವಿಪೂರ್ವ ಕಾಲೇಜ್‌ಡ್‌ ನಡಪೆರೆ ಉಂಡು. ಅಕ್ಟೋಬರ್ 3 ದಾನಿ ಉದಿಪನ ಲೇಸ್‌ದ ಗುರ್ಕಾರ್ಮೆನ್ ಕಾಲೇಜ್‌ದ ಆಡಳಿತ ಮಂಡಳಿದ ಗುರ್ಕಾರ್ಲು ರವೀಂದ್ರ ಪಿ ವಹಿಸಾಯೆರೆ ಉಲ್ಲೆರೆ. ಪುತ್ತೂರು ತಾಲೂಕುದ ಕ್ಷೇತ್ರ ಶಿಕ್ಷಣಾಧಿಕಾರಿ ಲೋಕೇಶ್ ಎಸ್ ಆರ್ ಲೇಸ್‌ದ ಉದಿಪನ ಮಲ್ಪೆರುಲ್ಲೆರ್. ಮಲ್ಲ ಬಿನ್ನೆರಾದ್ ವಿವೇಕಾನಂದ ಪದವಿಪೂರ್ವ ಕಾಲೇಜ್‌ದ ಶಿಕ್ಷಕ ರಕ್ಷಕ ಸಂಘದ ಗುರ್ಕಾರ್ಲು ಕೃಷ್ಣಪ್ರಕಾಶ್ ಬಳ್ಳಂಬೆಟ್ಟು ಪಾಲ್‌, ಪುತ್ತೂರು ತಾಲೂಕು ಎಸ್‌ಎಸ್‌ಎಲ್‌ಸಿ ನೋಡಲ್ ಅಧಿಕಾರಿ ಹರಿಪ್ರಸಾದ ಎಂ, ಈ ಪೊರ್ತುಡು ಪಾಲ್‌ ಪಡೆಯೆರೆ ಉಲ್ಲೆರ್.‌

ಅಕ್ಟೋಬರ್ 4 ದಾನಿ ನಡಪುನ ಮುಗಿತಲದ ಲೇಸ್‌ದ ಗುರ್ಕಾರ್ಮೆನ್ ವಿವೇಕಾನಂದ ಪದವಿಪೂರ್ವ ಕಾಲೇಜ್‌ದ ಆಡಳಿತ ಮಂಡಳಿದ ಸಂಚಾಲಕೆರ್ ಗೋಪಾಲಕೃಷ್ಣ ಭಟ್ ವಹಿಸಾಯೆರೆ ಉಲ್ಲೆರ್.‌ ಪುತ್ತೂರು ಕ್ಷೇತ್ರ ಸಂಪನ್ಮೂಲ ಕೇಂದ್ರದ ಸಮನ್ವಯಾಧಿಕಾರಿ ನವೀನ್ ಸ್ಟೀಫನ್ ವೇಗಸ್, ಪುತ್ತೂರು ತಾಲೂಕು ಕರ್ನಾಟಕ ರಾಜ್ಯ ಪ್ರೌಢಶಾಲಾ ಸಹಶಿಕ್ಷಕರ ಸಂಘದ ಗುರ್ಕಾರ್ಲು ಅಬ್ರಹಾಂ ಎಸ್ ಎ ಬೊಕ್ಕ ಕಡಬ ತಾಲೂಕು ಕರ್ನಾಟಕ ರಾಜ್ಯ ಪ್ರೌಢಶಾಲಾ ಸಹಶಿಕ್ಷಕರ ಸಂಘದ ಗುರ್ಕಾರ್ಲು ಶಾಂತಾರಾಮ್ ಒಡ್ಲ ಲೇಸ್‌ಡ್‌ ಪಾಲ್‌ ಪಡೆಯೆರೆ ಉಲ್ಲೆರ್.

ಬಂಟ್ವಾಳ: ಆರ್ಟ್ ಗ್ಯಾಲರಿದ ಧಣಿ ನಾರಾಯಣ ಮೂಲ್ಯ ಆತ್ಮಹತ್ಯೆ..!!!

ಬಂಟ್ವಾಳ :ಮಾಣಿ–ಮೈಸೂರು ರಾಜ್ಯ ಹೆದ್ದಾರಿದ ನೇರಳಕಟ್ಟೆ ಕೈತಲ್‌ದ ಪರ್ಲೊಟ್ಟು ನಾರಾಯಣ ಮೂಲ್ಯ ಮೇರ್ ಕೆದುಕ್ಕ್‌ ಲಾಗಿದ್‌ ಆತ್ಮಹತ್ಯೆ ಮಲ್ತೊನ್ನ ಘಟನೆ ವರದಿ ಆತ್‌ಂಡ್. ಸೂರಿಕುಮೇರ್ ನಿವಾಸಿ, ಅಮೂಲ್ಯ ಆರ್ಟ್ ಗ್ಯಾಲರಿದ ಧಣಿ, ಎಲ್.ಐ.ಸಿ ಏಜೆಂಟ್ ನಾರಾಯಣ ಕುಲಾಲ್ ತೀರ್‌ಪೋಯಿನ ವ್ಯಕ್ತಿ.
ಸೋಮವಾರ ಬೊಲ್ಪುಗು ಪರ್ಲೊಟ್ಟುದಲ್ಪ ಕೆದುತ್ತ ಕೈತಲ್ ಬೈಕ್, ಮೊಬೈಲ್, ಚಪ್ಪಲ್ ತೂಯಿನ ಕೈತಲ್‌ ದಕುಲು ಏರೋ ಕೆದುಕ್ಕ್‌ ಲಾಗಿದ್‌ ಇಪ್ಪೊಡು ಪನ್ಪಿನ ಸಂಶಯಡ್‌ ವಿಟ್ಲ ಪೊಲೀಸ್‌ ಸ್ಟೇಷನ್‌ ಬೊಕ್ಕ ಅಗ್ನಿಶಾಮಕ ದಳಕ್ಕ್‌ ತೆರಿಪಾಯೆರ್. ಅಗ್ನಿಶಾಮಕ ದಳದಕುಲು ಜಾಗೆಗ್‌ ಬತ್ತ್‌ದ್‌ ಪುನನ್‌ ಪಿದಾಯಿ ದೆತ್‌ದೆರ್. ವಿಟ್ಲ ಸ್ಟೇಷನ್‌ಡ್‌ ಕೇಸ್‌ ದಾಖಲಾತ್‌ಂಡ್.

ವಿಟ್ಲ : ವಿಠ್ಠಲ ಪದವಿಪೂರ್ವ ಕಾಲೇಜ್‌ಡ್ ದ.ಕ ಜಿಲ್ಲಾ ಮಟ್ಟದ ಹ್ಯಾಂಡ್‌ ಬಾಲ್ ಪಂದ್ಯಾಟ‌

ವಿಟ್ಲ : ಕುಡ್ಲ ಪದವಿ ಪೂರ್ವ ಶಿಕ್ಷಣ ಇಲಾಖೆ ದ.ಕ ಜಿಲ್ಲೆ ಬೊಕ್ಕ ವಿಠ್ಠಲ ಪದವಿಪೂರ್ವ ಕಾಲೇಜು ವಿಟ್ಲ ನೆತ್ತ ಒಟ್ಟು ಸೇರಿಗೆಡ್‌ ದ.ಕ ಜಿಲ್ಲಾ ಮಟ್ಟದ ಹ್ಯಾಂಡ್‌ ಬಾಲ್ ಪಂದ್ಯಾಟ ವಿಟ್ಲದ ವಿಠ್ಠಲ ಪದವಿಪೂರ್ವ ಕಾಲೇಜ್‌ಡ್‌ ನಡತ್‌ಂಡ್.

ಪಂದ್ಯಾಟನ್ ರಾಜ್ಯಮಟ್ಟದ ಬಾಸ್ಕೆಟ್‌ಬಾಲ್, ಹ್ಯಾಂಡ್ ಬಾಲ್ ಆಟಗಾರೆರ್ ಕುಡ್ಲ ಎ.ಜೆ ಆಸ್ಪತ್ರೆದ ಡಾ. ಪೃಥ್ವೀಶ್ ಹೆಚ್ ಹೆಗ್ಡೆ ಉದಿಪನ ಮಲ್ತೆರ್. ದ ಕ ಜಿಲ್ಲಾ ದೈಹಿಕ ಶಿಕ್ಷಣ ಉಪನ್ಯಾಸಕರ ಸಂಘದ ಗುರ್ಕಾರ್ಲು ಸುಧಾಕರ ಶೆಟ್ಟಿ, ವಿಠ್ಠಲ ಎಜುಕೇಶನ್ ಸೊಸೈಟಿ ಗುರ್ಕಾರ್ಲು ಮುಗುಳಿ ತಿರುಮಲೇಶ್ವರ ಭಟ್, ಕಾರ್ಯದರ್ಶಿ ರಾಧಾಕೃಷ್ಣ ನಾಯಕ್, ಕೋಶಾಧಿಕಾರಿ ಬಾಬು ಕೊಪ್ಪಳ, ಸದಸ್ಯೆರಾಯಿನ ರವಿಪ್ರಕಾಶ್, ನಿತ್ಯಾನಂದ ನಾಯಕ್, ಪದ್ಮಯ್ಯ ಗೌಡ, ಸದಾಶಿವ ಬನ, ಶಿವರಾಮ ಭಟ್, ಪ್ರಾಂಶುಪಾಲೆರ್ ಆದರ್ಶ ಚೊಕ್ಕಾಡಿ, ಆಡಳಿತಾಧಿಕಾರಿ ಪ್ರಶಾಂತ್ ಚೊಕ್ಕಾಡಿ, ಉಪ ಪ್ರಾಂಶುಪಾಲೆರ್ ಕಿರಣ್ ಕುಮಾರ್ ಬ್ರಹ್ಮಾವರ, ದೈಹಿಕ ಶಿಕ್ಷಣ ನಿರ್ದೇಶಕೆರ್ ಶ್ರೀನಿವಾಸ ಗೌಡ, ಐಟಿಐ ಪ್ರಾಂಶುಪಾಲೆರ್ ರಮೇಶ್ ರೈ, ಪಿ ಡಿ ರವಿಶಂಕರ್, ಪಿಟಿ ವಿಶ್ವನಾಥ ರಾಥೋಡ್, ಸರಕಾರಿ ಪ್ರೌಢ ಶಾಲಾ ಮುಖ್ಯ ಶಿಕ್ಷಕಿ ಅನ್ನಪೂರ್ಣ, ಉಪನ್ಯಾಸಕೆರಾಯಿನ ಉದಯ ನಾಯ್ಕ, ಚಂದ್ರಕಾಂತ, ಅಣ್ಣಪ್ಪ ಸಾಸ್ತಾನ್, ಮಾಧವ ಈ ಪೊರ್ತುಡು ಇತ್ತೆರ್.

ಪುತ್ತೂರು ಶಾರದೋತ್ಸವ ಲೆಪ್ಪೋಲೆ ಬುಡುಗಡೆ, ಲಾಂಛನ ಲೋಕಾರ್ಪಣೆ

ಪುತ್ತೂರು: ಅ.15 ರ್ದ್ ಅ.24ರ ಮುಟ್ಟ ಪುತ್ತೂರು ಶ್ರೀ ಶಾರದಾ ಭಜನಾ ಮಂದಿರಡ್ 89ನೇ ವರ್ಷದ ನವರಾತ್ರಿ ಉತ್ಸವ, ಶಾರದೋತ್ಸವ ನಡಪೆರೆ ಇತ್ತ್‌ದ್ ಕಾರ್ಯಕ್ರಮದ ಲೆಪ್ಪೋಲೆ ಬುಡುಗಡೆ ಸೆ.29 ದಾನಿ ಬಯ್ಯಗ್ ಮಂದಿರಡ್‌ ನಡತ್‌ಂಡ್.

ಮಂದಿರದ ಅರ್ಚಕೆರ್ ಹರಿಪ್ರಸನ್ನ ಸರೋಳಿತ್ತಾಯ ಪ್ರಾರ್ಥನೆ ಮಲ್ತ್ ದ್ ನವರಾತ್ರಿ, ಶಾರದೋತ್ಸವ, ಶೋಭಾಯಾತ್ರೆನ್‌ ಒವ್ವೆ ಆತಂಕ ಇಜ್ಜಂದೆ ವಿಜೃಂಭಣೆಡ್‌ ನಡಪಡ್ ಪಂದ್ ಉತ್ಸವ ಸಮಿತಿದಕ್ಲೆಗ್ ಲೆಪ್ಪೋಲೆನ್‌ ಕೊರಿಯೆರ್. ಮಂದಿರದ ಉಪಾಧ್ಯಕ್ಷೆರ್ ರಮೇಶ್ ಬಾಬು ಲೆಪ್ಪೋಲೆನ್‌ ಬುಡುಗಡೆ ಮಲ್ತೆರ್. ಡಾ. ಸುರೇಶ್ ಪುತ್ತೂರಾಯ ಶಾರದೋತ್ಸವದ ಲಾಂಛನ ಲೋಕಾರ್ಪಣೆ ಮಲ್ತೆರ್.‌

ಲೇಸ್‌ಡ್ ಮಾಜಿ ಶಾಸಕೆರ್ ಸಂಜೀವ ಮಠಂದೂರು, ಉತ್ಸವ ಸಮಿತಿದ ಗುರ್ಕಾರ್ಲು ರಾಜೇಶ್ ಬನ್ನೂರು, ಸಂಚಾಲಕೆರ್ ಪಿ.ಜಿ. ಜಗನ್ನಿವಾಸ ರಾವ್, ಶೋಭಾಯಾತ್ರೆ ಸಂಚಾಲಕೆರ್ ಸೀತಾರಾಮ ಶೆಟ್ಟಿ ಕೆದಂಬಾಡಿಗುತ್ತು, ಕಾರ್ಯಾಧ್ಯಕ್ಷೆರ್ ಮುರಳಿಕೃಷ್ಣ ಹಸಂತ್ತಡ್ಕ, ಉಪಾಧ್ಯಕ್ಷೆರ್ ದಯಾನಂದ ಆದರ್ಶ, ನಯನಾ ರೈ ನೆಲ್ಲಿಕಟ್ಟೆ, ಕಾರ್ಯದರ್ಶಿ ಅಜಿತ್ ರೈ ಹೊಸಮನೆ, ಜತೆ ಕಾರ್ಯದರ್ಶಿ ಎಂ. ಗೋಪಾಲಕೃಷ್ಣ ಈಶ, ಭಜನಾ ಮಂದಿರದ ಗುರ್ಕಾರ್ಲು ಸಾಯಿರಾಮ ರಾವ್, ಕೋಶಾಧಿಕಾರಿ ತಾರನಾಥ್ ಎಚ್, ಸಮಿತಿ ಸದಸ್ಯೆರ್‌ ಇತ್ತೆರ್. ಮಂದಿರದ ಪ್ರಧಾನ ಕಾರ್ಯದರ್ಶಿ ಜಯಂತ್ ಉರ್ಲಾಂಡಿ ಬಿನ್ನೆರೆನ್‌ ಎದ್ಕೊಂಡೆರ್. ನವೀನ್ ಕುಲಾಲ್ ಲೇಸ್‌ದ ಸುಧಾರಿಕೆ ಮಲ್ತೆರ್.

ಪುತ್ತೂರುದ ಪಿಲಿಗೊಬ್ಬು ಲೆಪ್ಪೋಲೆ ಬುಡುಗಡೆ

ಪುತ್ತೂರು: ಅ.22 ದಾನಿ ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ದೇವರಮಾರು ಕಂಡಡ್ ಪುತ್ತೂರು ವಿಜಯ ಸಾಮ್ರಾಟ್ ಮುತಾಲಿಕೆಡ್‌ ನಡಪುನ ಪುತ್ತೂರುದ ಪಿಲಿಗೊಬ್ಬು-2023″ ರ ಲೆಪ್ಪೋಲೆ ಬುಡುಗಡೆ ಗುರುವಾರ ಬಯ್ಯಗ್ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದಲ್ಲಿ ನಡತ್‌ಂಡ್.‌

ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರ್ಲು ಕೇಶವ ಪ್ರಸಾದ್ ಮುಳಿಯ ಬೊಕ್ಕ ಡಾ.ನರಸಿಂಹ ಕಾನಾವು ಲೆಪ್ಪೋಲೆ ಬುಡುಗಡೆ ಮಲ್ತೆರ್. ಈ ಪೊರ್ತುಡು ಪಿಲಿಗೊಬ್ಬು ಸಮಿತಿದ‌ ಗೌರವಾಧ್ಯಕ್ಷೆರ್‌ ಸಹಜ್ ರೈ ಬಳಜ್ಜ, ಸಂಚಾಲಕೆರ್ ನಾಗಾರಾಜ್ ನಡುವಡ್ಕ, ಜೊತೆ ಕಾರ್ಯದರ್ಶಿ ಶಂಕರ್ ಭಟ್ ಈಶಾನ್ಯ, ಕೋಶಾಧಿಕಾರಿ ರಾಜೇಶ್ ಕೆ.ಗೌಡ, ಕಾರ್ಯದರ್ಶಿ ಶರತ್ ಕುಮಾರ್ ಮಾಡಾವು ಅಂಚನೆ ಸಮಿತಿದ ಸದಸ್ಯೆರ್‌ ಈ ಪೊರ್ತುಡು ಇತ್ತೆರ್.

ದೆಲ್ಲಿ ಪಟ್ಲ ಸಂಭ್ರಮಡ್ ಪ್ರದರ್ಶನ ಕೊರ್ಪುನ ಕಲಾವಿದರೆಗ್ ತಂಟೆಪ್ಪಾಡಿ ನಿನಾದರ್ದ್ ಬೀಳ್ಕೊಡುಗೆ‌

ಯಕ್ಷಧ್ರುವ ಪಟ್ಲ ಫೌಂಡೇಶನ್ ದೆಹಲಿ ‌ಶಾಖೆ ಬೊಕ್ಕ ತಂಟೆಪ್ಪಾಡಿ ನಿನಾದ ಸಾಂಸ್ಕೃತಿಕ ಕಲಾ ಕೇಂದ್ರ ನೆತ್ತ ಮುತಾಲಿಕೆಡ್ ಸೆ.30 ದಾನಿ ದೆಲ್ಲಿಡ್‌ ನಡಪುನ ಯಕ್ಷಧ್ರುವ ಪಟ್ಲ ಸಂಭ್ರಮ 2023 ಕಾರ್ಯಕ್ರಮಡ್ ಸಾಹಿತಿ ವಸಂತ ಶೆಟ್ಟಿ ಬೆಳ್ಳಾರೆ ಬೊಕ್ಕ ಡಾನ್ಸ್ ಮಾಸ್ಟರ್ ಪ್ರಮೋದ್ ಸಂಘಟನೆದ ಬೆಳ್ಳಾರೆ ಬೊಕ್ಕ ಕಳಂಜ ಗ್ರಾಮದ ಗ್ರಾಮೀಣ ಪ್ರತಿಭೆಲು ಈ ಲೇಸ್‌ಡ್‌ ಪಾಲ್‌ ಪಡೆಯೆರೆ ಉಲ್ಲೆರ್.‌
ಸೆ.28 ದಾನಿ‌ ಈ ಕಲಾವಿದೆರೆಗ್ ತಂಟೆಪ್ಪಾಡಿದ ನಿನಾದ ಕಲಾ ಕೇಂದ್ರರ್ದ್ ಬೀಳ್ಕೊಡುಗೆನ್‌ ಮಲ್ತೆರ್. ಕಳಂಜ ಪಂಚಾಯತ್ ಗುರ್ಕಾರ್ಲು ಬೊಕ್ಕ ಸದಸ್ಯೆರ್ ಜೋಕ್ಲೆನ ಪೊಪ್ಪ, ಅಮ್ಮ, ಪಂಚಾಯತ್‌ ಸದಸ್ಯೆರ್ ಅಶೋಕ್ ಚೂಂತಾರು ಕಲಾವಿದೆರೆಗ್‌ ಎಡ್ಡೆಪ್ಪು ಬಯಕಿಯೆರ್.