ಪುತ್ತೂರ್ದ ಸುದ್ದಿ | Puttur News

ಝೀ ಕನ್ನಡ ‘ಸರಿಗಮಪ ಸೀಸನ್ – 20’ಗ್ ಪುತ್ತೂರ್ದ ‘ಸಮನ್ವಿ ರೈ’ ಮದಕ ಆಯ್ಕೆ

ಪುತ್ತೂರು : ಝೀ ಕನ್ನಡ ವಾಹಿನಿ ನಡಪಾವೊಂದು ಇಪ್ಪುನ ‘ಸರಿಗಮಪ ಸೀಸನ್ – 20’ ಸಂಗೀತ ಸ್ಪರ್ಧೆದ ಮೆಗಾ ಆಡಿಷನ್‌ಡ್ ಪುತ್ತೂರ್ದ್ ಸಮನ್ವಿ ರೈ ಮದಕ ಆಯ್ಕೆಯಾತೆರ್.‌ ಸಮನ್ವಿ ರೈ ವಿದ್ವಾನ್ ದಿ. ಕಾಂಚನ ನಾರಾಯಣ ಭಟ್ ಬೊಕ್ಕ ವಿದುಷಿ ವೀಣಾ ರಾಘವೇಂದ್ರ ಮೊಕ್ಲೆರ್ದ್ ತರಬೇತಿ ಪಡೆಯೊಂದಿತ್ತೆರ್.
ಖ್ಯಾತ ಸಂಗೀತ ಗಾಯಕೆರ್ ಪುತ್ತೂರು ಜಗದೀಶ್ ಆಚಾರ್ಯ ಮೇರ್‌ನ ಸಂಗೀತ ತಂಡದ ಕಲಾವಿದೆಯಾಯಿನ ಮೇರ್ ಬೆಟ್ಟಂಪಾಡಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಆಡಳಿತ ಮಂಡಳಿ ಸದಸ್ಯೆರ್ ಅರುಣ್ ಪ್ರಕಾಶ್ ರೈ ಮದಕ ಬೊಕ್ಕ ಸವಿತಾ ಎ. ರೈ ದಂಪತಿಲೆನ ಮಗಲ್.

ಅ.7: ರೈ ಎಸ್ಟೇಟ್ಸ್ ಚಾರಿಟೇಬಲ್ ಟ್ರಸ್ಟ್‌ರ್ದ್ ಬೃಹತ್ ಉಚಿತ ವೈದ್ಯಕೀಯ ತಪಾಸಣಾ ಶಿಬಿರ‌

ಪುತ್ತೂರು: ರೈ ಎಸ್ಟೇಟ್ಸ್ ಎಜುಕೇಶನಲ್ ಆಂಡ್ ಚಾರಿಟೇಬಲ್ ಟ್ರಸ್ಟ್ ನೆತ್ತ ಮುತಾಲಿಕೆಡ್ ಪುತ್ತೂರು ಶಾಸಕೆರ್ ಅಶೋಕ್ ರೈ ನೇತೃತ್ವಡ್ ಬೃಹತ್ ಉಚಿತ ವೈದ್ಯಕೀಯ ತಪಾಸಣಾ ಶಿಬಿರ ಅ.7 ದಾನಿ ಶನಿವಾರ ಬೈಪಾಸ್ ಕೈತಲ್‌ ಇಪ್ಪುನ ಶಾಸಕರ ಟ್ರಸ್ಟ್ ಕಚೇರಿ ಸಭಾಂಗಣಡ್‌ ನಡಪೆರೆ ಉಂಡು ಪಂದ್ ಟ್ರಸ್ಟ್‌ದ ಕಾರ್ಯಾಧ್ಯಕ್ಷೆರ್ ಸುದೇಶ್ ಶೆಟ್ಟಿ ಶಾಂತಿನಗರ ತೆರಿಪಾದೆರ್.‌
ಕೆಎಂಸಿ ಆಸ್ಪತ್ರೆ ಅತ್ತಾವರ ಕುಡ್ಲ ಬೊಕ್ಕ ಕೆಎಂಸಿ ಆಸ್ಪತ್ರೆ ಡಾ. ಅಂಬೇಡ್ಕರ್ ವೃತ್ತ ಕುಡ್ಲ ನೆತ್ತ ಸಹಯೋಗಡ್ ಶಿಬಿರ ನಡಪೆರೆ ಉಂಡು. ನುರಿತ ವೈದ್ಯೆರ್ ಶಿಬಿರಡ್‌ ಪಾಲ್‌ ಪಡೆದ್‌, ಕೆಲವೊಂಜಿ ಸಣ್ಣಪುಟ್ಟ ಕಾಯಿಲೆಗ್‌ ಅಲ್ಪನೆ ಮರ್ದ್‌ ಕೊರ್ಪ ಪಂದ್‌ ತೆರಿಪಾದೆರ್. ಪಾಲ್‌ ಪಡೆಯುನ ವಿಭಾಗಲು ಸಾಮಾನ್ಯ ರೋಗ, ಹೃದಯ ರೋಗ, ಕಣ್ಣ್‌ದ ವಿಭಾಗ, ಎಲುಬು ಬೊಕ್ಕ ಕೀಲು ರೋಗ, ಗ್ಯಾಸ್ಟೋಎಂಟರಾಲಜಿ ವಿಭಾಗ, ಮೂತ್ರಶಾಸ್ತ್ರ ವಿಭಾಗದ ನುರಿತ ವೈದ್ಯೆರ್‌ ಪಾಲ್‌ ಪಡೆದ್ ಸೂಕ್ತ ಚಿಕಿತ್ಸೆ ಬೊಕ್ಕ ತಪಾಸಣೆನ್‌ ಮಲ್ಪೆರೆ ಉಲ್ಲೆರ್. ಸೌಲಭ್ಯಲು:- ಉಚಿತ ಬಿಪಿ ಬೊಕ್ಕ ಮಧುಮೇಹ ತಪಾಸಣೆ, ಅಗತ್ಯ ಇಪ್ಪುನಕ್ಲೆಗ್ ಉಚಿತ ಇಸಿಜಿ ಪರೀಕ್ಷೆ, ಉಚಿತ ಔಷಧ ವಿತರಣೆ, ಬೊಕ್ಕ ಉಚಿತ ಓದುನ ಕನ್ನಡಕದ ವಿತರಣೆ ಮಲ್ಪುವೆರ್. ಕಾಂಡೆ 9ರ್ದ್ ಮಧ್ಯಾಹ್ನ 1 ಗಂಟೆ ಮುಟ್ಟ ಶಿಬಿರ ನಡಪೆರೆ ಉಂಡು ಸಾರ್ವಜನಿಕೆರ್ ಪ್ರಯೋಜನನ್‌ ಪಡೆಯೊನೊಡು ಪಂದ್ ಕಾರ್ಯಾಧ್ಯಕ್ಷೆರ್‌ ವಿನಂತಿ ಮಲ್ತ್‌ದೆರ್.

ಪ್ರೊ. ರಾಮಕೃಷ್ಣ ಕೊಲೆ ಕೇಸ್: ಡಾ.ರೇಣುಕಾ ಪ್ರಸಾದ್ ಸೇರ್ದ್‌ ಐನ್‌ ಜನಕ್ಕ್‌ ಜೀವಾವಧಿ ಶಿಕ್ಷೆ

ಸುಳ್ಯ ಕೆವಿಜಿ ಪಾಲಿಟೆಕ್ನಿಕ್‌ ಪ್ರಾಂಶುಪಾಲೆರಾಯಿನ ಪ್ರೊ. ಎ.ಎಸ್‌ ರಾಮಕೃಷ್ಣ ಅರೆನ ಕೊಲೆ ಕೇಸ್ ದ ಅಪರಾಧಿಲೆಗ್ ಹೈಕೋರ್ಟ್ ನ್ಯಾಯಾಧೀಶೆರ್ ಜೀವಾವಧಿ ಶಿಕ್ಷೆ ಕೊರ್ದು ತೀರ್ಪು ಕೊರ್ತೆರ್.
ಕುರುಂಜಿ ವೆಂಕಟರಮಣ ಗೌಡ ಮೆರೆನ ಮಗೆ ಡಾ. ರೇಣುಕಾ ಪ್ರಸಾದ್‌ ಸೇರಿನಂಚ ಆರೋಪಿಲೆಡ್‌ ಒರಿಯನ್‌ ಬುಡ್ದು ಐನ್ ಜನಕ್ಕ್ ಶಿಕ್ಷೆ ವಿಧಿಸಾದೆರ್.‌ ವೀಡಿಯೋ ಕಾನ್ಪರೆನ್ಸ್ ಮುಖೇನ ಹೈ ಕೋರ್ಟ್ ನ್ಯಾಯಾಧೀಶೆರ್ ಅಪರಾಧಿಲೆನ ಅಹವಾಲು ತೂದು ಶಿಕ್ಷೆದ ತೀರ್ಪು ಪ್ರಕಟ ಮಲ್ತ್‌ದೆರ್.

ಅ.7: ಪುತ್ತೂರುಡು ಶೌರ್ಯ ಜಾಗರಣಾ ರಥಯಾತ್ರೆ; ಲೆಪ್ಪೋಲೆ ಪತ್ರ ವಿತರಣೆ

ಪುತ್ತೂರು : ಅ.7 ದಾನಿ ಪುತ್ತೂರುಡು ನಡಪುನ ಶೌರ್ಯ ಜಾಗರಣ ರಥಯಾತ್ರೆ, ಶೋಭಾಯಾತ್ರೆ ಬೊಕ್ಕ ಬೃಹತ್ ಹಿಂದೂ ಶೌರ್ಯ ಸಂಗಮ ಸಮಾವೇಶದ ಬಗ್ಗೆ ಅ.5 ದಾನಿ ಪುತ್ತೂರು ಪೇಂಟೆಡ್‌ ಲೆಪ್ಪೋಲೆ ಪತ್ರದ ವಿತರಣೆ ಕಾರ್ಯಕ್ರಮ ನಡತ್‌ಂಡ್. ದರ್ಬೆರ್ದ್-ಬೊಳುವಾರು ಮುಟ್ಟ, ಹಿಂದೂ ಪರ ಸಂಸ್ಥೆಲೆಗ್ ಲೆಪ್ಪೋಲೆ ಪತ್ರದ ವಿತರಣೆ‌ ಮಲ್ತೆರ್.‌
ವಿಶ್ವ ಹಿಂದೂ ಪರಿಷದ್ ಜಿಲ್ಲಾಧಕ್ಷೆರ್ ಡಾ. ಕೃಷ್ಣಪ್ರಸನ್ನ, ಬಜರಂಗದಳ ಕರ್ನಾಟಕ ದಕ್ಷಿಣ ಪ್ರಾಂತ ಸಹಸಂಯೋಜಕೆರ್ ಮುರಳಿಕೃಷ್ಣ ಹಸಂತಡ್ಕ, ಶೌರ್ಯ ರಥಯಾತ್ರೆ ಸ್ವಾಗತ ಸಮಿತಿದ ಗುರ್ಕಾರ್ಲು ಕಿಶೋರ್ ಬೊಟ್ಯಾಡಿ, ಸಂಚಾಲಕೆರ್ ಕೃಷ್ಣ ಪ್ರಸಾದ್ ಬೆಟ್ಟ, ಕಾರ್ಯದರ್ಶಿ ವಿರೂಪಾಕ್ಷ ಭಟ್, ದಿನೇಶ್ ಪಂಜಿಗ, ವಿಶಾಖ್ ರೈ, ಹರೀಶ್ ದೋಳ್ಪಾಡಿ ಈ ಪೊರ್ತುಡು ಇತ್ತೆರ್.

ಭಾರತೀಯ ಸೇನೆ ಅಗ್ನಿವೀರ್‌ಗ್ ಸೇರ್ಪಡೆಯಾಯಿನ ಕಲ್ಪಾರ್ಥಿಗ್ ಅಭಿನಂದನಾ ಕಾರ್ಯಕ್ರಮ

ಪುತ್ತೂರು: ಭಾರತೀಯ ಸೇನೆದ ಅಗ್ನಿವೀರ್‌ಗ್ ಸೇರ್ಪಡೆಯಾಯಿನ ಪ್ರಗತಿ ಸ್ಟಡಿ ಸೆಂಟರ್‌ದ ಪರ ಕಲ್ಪಾರ್ಥಿ ಭವಿಷ್ಯ್‌ಗ್‌ ಅಭಿನಂದನಾ ಕಾರ್ಯಕ್ರಮ ನಡತ್‌ಂಡ್. ಕಾರ್ಯಕ್ರಮಡ್ ಸಂಸ್ಥೆದ ಸಂಚಾಕೆರ್‌ ಗೋಕುಲ್‌ನಾಥ್‌ ಪಿ.ವಿ ಭವಿಷ್ಯ್‌ನ ದುಂಬುದ ಭವಿಷ್ಯಗ್‌ ಶುಭ ಹಾರೈಕೆ ಮಲ್ತೆರ್.
ಈ ಪೊರ್ತುಡು ಸಂಸ್ಥೆದ ಪ್ರಾಂಶುಪಾಲೆರ್ ಹೇಮಲ️ತಾ ಗೋಕುಲ್‌ನಾಥ್, ಮುಖ್ಯ ಶಿಕ್ಷಕಿ ಪ್ರಮೀಳಾ.ಎನ್.ಡಿ, ಉಪನ್ಯಾಸಕ ವೃಂದ, ಕಲ್ಪಾರ್ಥಿಲು ಇತ್ತೆರ್.

ಅ.6: ಪುತ್ತೂರು ಮಹಾಲಿಂಗೇಶ್ವರ ದೇವಸ್ಥಾನದಡ್ ಮೃತ್ಯುಂಜಯ ಹೋಮ‌

 ಪುತ್ತೂರು: ಇತಿಹಾಸ ಪ್ರಸಿದ್ಧ ಪುತ್ತೂರು ಮಹತೋಭಾರ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್ ಅ.6 ಆರ್ದ್ರಾ ನಕ್ಷತ್ರದಾನಿ ತಿಂಗೊಲ್ದ ಮೃತ್ಯುಂಜಯ ಹೋಮ ನಡಪೆರೆ ಉಂಡು. ಮೃತ್ಯುಂಜಯ ಹೋಮ ಸೇವೆ ಮಲ್ಪುನ ಭಕ್ತಾದಿಲು ರಶೀದಿನ್ ದೇವಳದ ಕೌಂಟರ್‌ಡ್‌ ಮಲ್ಪುನಂಚ ದೇವಳದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರ್ಲು ಕೇಶವಪ್ರಸಾದ್ ಮುಳಿಯ ಬೊಕ್ಕ ಕಾರ್ಯನಿರ್ವಹಣಾಧಿಕಾರಿ ಕೆ.ವಿ.ಶ್ರೀನಿವಾಸ್ ತೆರಿಪಾದೆರ್.

ಕೊಂಬೆಟ್ಟು ಮರಾಟಿ ಮಹಿಳಾ ವೇದಿಕೆದ ಪೊಸ ಕಾರ್ಯಕಾರಿ ಸಮಿತಿ ರಚನೆ

ಪುತ್ತೂರು: ಕೊಂಬೆಟ್ಟು ಮರಾಟಿ ಸಮಾಜ ಸೇವಾ ಸಂಘ ನೆತ್ತ ಅಂಗಸಂಸ್ಥೆಯಾಯಿನ ಪುತ್ತೂರು ಕೊಂಬೆಟ್ಟು ಮರಾಟಿ ಮಹಿಳಾ ವೇದಿಕೆ 2023–24ನೇ ಸಾಲ್‌ದ ಪೊಸ ಕಾರ್ಯಕಾರಿ ಸಮಿತಿ ರಚನೆ ಬೊಕ್ಕ ಪದಾಧಿಕಾರಿಲೆನ ಆಯ್ಕೆ ಪುತ್ತೂರುದ ಕೊಂಬೆಟ್ಟು ಮರಾಟಿ ಸಮಾಜ ಮಂದಿರಡ್‌ ನಡತ್‌ಂಡ್.
ಮರಾಟಿ ಮಹಿಳಾ ವೇದಿಕೆದ ಪೊಸ ಗುರ್ಕಾರ್ದಿ ಆದ್ ಚೇತನಾ ಲೋಕಾನಂದ ಬನ್ನೂರು, ಉಪಾಧ್ಯಕ್ಷೆಯಾದ್ ಉಷಾ ಬಾಬು ನಾಯ್ಕ್ ತೆಂಕಿಲ, ಪ್ರಧಾನ ಕಾರ್ಯದರ್ಶಿಯಾದ್ ಕಿಶೋರಿ ದುಗ್ಗಪ್ಪ ಬಡಾವು ಬೊಕ್ಕ ಕೋಶಾಧಿಕಾರಿಯಾದ್ ಮೀನಾಕ್ಷಿ ಮಂಜುನಾಥ್ ಆಯ್ಕೆಯಾಯೆರ್.‌ ಜೊತೆ ಕಾರ್ಯದರ್ಶಿಯಾದ್ ವಸಂತಿ ದರ್ಬೆ, ಸಂಘಟನಾ ಕಾರ್ಯದರ್ಶಿ ಮೋಹಿನಿ ಬಲ್ನಾಡು, ಕುಸುಮಾವತಿ ಕುಂಬ್ರ, ಗೌರಿ ಬರೆಪ್ಪಾಡಿ, ಕ್ರೀಡಾ ಕಾರ್ಯದರ್ಶಿ ಲಲಿತಾ ಅಶೋಕ್, ಸಾಂಸ್ಕೃತಿಕ ಕಾರ್ಯದರ್ಶಿ ಲೀಲಾವತಿ ನಾರಾಯಣ, ಬೊಕ್ಕ ಕಾರ್ಯಕಾರಿ ಸಮಿತಿದ ಸದಸ್ಯೆರ್‌ ಆಯ್ಕೆ ಮಲ್ತೆರ್.

ಪೂವಪ್ಪ ನಾಯ್ಕ ಕುಂಞಕುಮೇರು ಬೊಕ್ಕ ಲೋಕಾನಂದ ನಾಯ್ಕ್ ಆಯ್ಕೆ ಪ್ರಕ್ರಿಯೆನ್‌ ನಡಪಾದ್‌ ಕೊರಿಯೆರ್. ಮರಾಟಿ ಸಮಾಜ ಸೇವಾ ಸಂಘದ ಗುರ್ಕಾರ್ಲು ಮಂಜುನಾಥ ಎನ್.ಎಸ್‌ ಗುರ್ಕಾರ್ಮೆನ್‌ ವಹಿಸ್‌ದ್‌ ಇತ್ತೆರ್. ಕಾರ್ಯದರ್ಶಿ ಅಶೋಕ್ ಬಲ್ನಾಡು. ಕೋಶಾಧಿಕಾರಿ ಬಾಬು ನಾಯ್ಕ್ , ನಿಕಟಪೂರ್ವ ಗುರ್ಕಾರ್ದಿ ಯಮುನಾ ವೈ.ಕೆ. ನಾಯ್ಕ್ ಪಟ್ಟೆ, ನಿಕಟಪೂರ್ವ ಕಾರ್ಯದರ್ಶಿ ಪ್ರಧಾನ ಕಾರ್ಯದರ್ಶಿ ಗೌರಿ ಬರೆಪ್ಪಾಡಿ, ನಿಕಟಪೂರ್ವ ಕೋಶಾಧಿಕಾರಿ ಲಲಿತಾ. ವೈ, ಬೊಕ್ಕ ಯುವ ವೇದಿಕೆದ ಪದಾಧಿಕಾರಿಲು ಈ ಪೊರ್ತುಡು ಇತ್ತೆರ್.

ಪಂಜ: ಕಲ್ಪಾರ್ಥಿ ವೇತನ ವಿತರಣಾ ಕಾರ್ಯಕ್ರಮ

ಮಾಡಬಾಗಿಲು ಕಂಬಳ ಆನಂದ ಗೌಡ ಟ್ರಸ್ಟ್ ಕಂಬಳ 8ನೇ ವರ್ಷದ ಕಲ್ಪಾರ್ಥಿ ವೇತನ ವಿತರಣಾ ಕಾರ್ಯಕ್ರಮ ಅ.2 ದಾನಿ ಸರಕಾರಿ ಪದವಿ ಪೂರ್ವ ಕಾಲೇಜ್‌ಡ್‌ ನಡತ್‌ಂಡ್. ಮಾಡಬಾಗಿಲು ಟ್ರಸ್ಟ್‌ದ ಗುರ್ಕಾರ್ಲು ಬಿ.ಎಂ. ಆನಂದ ಗೌಡ ಕಂಬಳ ಗುರ್ಕಾರ್ಮೆನ್‌ ವಹಿಸ್‌ದ್‌ ಇತ್ತೆರ್.
ಲೇಸ್‌ನ್ ಕ್ಷೇತ್ರ ಶಿಕ್ಷಣಾಧಿಕಾರಿ ರಮೇಶ್ ಬಿ.ಇ ಉದಿಪನ ಮಲ್ತೆರ್.‌ ಮಲ್ಲ ಬಿನ್ನೆರಾದ್ ಪಂಜ ಸರಕಾರಿ ಪದವಿ ಪೂರ್ವ ಕಾಲೇಜ್‌ದ ಪ್ರಾಂಶುಪಾಲೆರ್ ವೆಂಕಪ್ಪ ಗೌಡ ಕೇನಾಜೆ, ಮುಖ್ಯ ಶಿಕ್ಷಕೆರ್ ಟೈಟಸ್ ವರ್ಗೀಸ್, ಕಾಲೇಜು ಅಭಿವೃದ್ಧಿ ಸಮಿತಿದ ಕಾರ್ಯಾಧ್ಯಕ್ಷೆರ್ ಚೀನಪ್ಪ ಕಾಣಿಕೆ, ಎಸ್.ಡಿ.ಎಂ.ಸಿ ಗುರ್ಕಾರ್ಲು ಗಣೇಶ್ ಜೋಯಿಸ ಬೊಕ್ಕ ಟ್ರಸ್ಟಿಲಾಯಿನ ಬಿ.ಎಂ.ಗಂಗಮ್ಮ, ಸುಧಾ ಯಶವಂತ ಕುದುಂಗು, ಹೇಮಂತ್ ಕುಮಾರ್ ಕಂಬಳ , ದಾಸ್ ಪ್ರಕಾಶ್ ಕಂಬಳ ಈ ಪೊರ್ತುಡು ಇತ್ತೆರ್.

ಪೆರ್ನೆ : ಕಳೆಂಜ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನಡ್ ನವರಾತ್ರಿ ಉಚ್ಚಯ : ಲೆಪ್ಪೋಲೆ ಬುಡುಗಡೆ

ಪುತ್ತೂರು : ಶ್ರೀ ಸೋದೆ ಮಠಾಧೀಶೆರ್ ಪ್ರತಿಷ್ಠಾಪನೆ ಮಲ್ತಿನ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನ ಕಳೆಂಜ ದೇಂತಡ್ಕ, ಬಿಳಿಯೂರು ಪೆರ್ನೆಡ್‌ ಮಾರ್ನೆಮಿದ ನವರಾತ್ರಿ ಉಚ್ಚಯ ಅ.15 ರ್ದ್ 24 ಮುಟ್ಟ ನಡಪೆರೆ ಉಂಡು. ನೆತ್ತ ಲೆಪ್ಪೋಲೆ ಬುಡುಗಡೆನ್‌ ಅ.5 ದಾನಿ ದೇವಾಲಯಡ್‌ ಬುಡುಗಡೆ ಮಲ್ತೆರ್.
ಲೇಸ್‌ಡ್ ದೇವಸ್ಥಾನದ ಪವಿತ್ರಪಾಣಿ ಕೃಷ್ಣರಾವ್ ಬಾಗ್ಲೊಡಿ, ದೇವಸ್ಥಾನದ ಆಡಳಿತ ಮಂಡಳಿದ ಗುರ್ಕಾರೆ ಕೃಷ್ಣಮೂರ್ತಿ ಕಾರಂತ ಶಂಕರಯ್ಯ ಪಾಲು , ಕಾರ್ಯದರ್ಶಿ ರೇವತಿ ಪಿ, ಉಪಾಧ್ಯಕ್ಷೆರ್ ಉಮೇಶ್ ಪೂಜಾರಿ ಬಾಕಿಮಾರ್ , ಕೋಶಾಧಿಕಾರಿ ಚಿದಾನಂದ ಕಳೆಂಜ, ಉಮಾನಾಥ ಶೆಟ್ಟಿ ಸಂಪಿಗೆಕೋಡಿ, ಸುಂದರ ಮಲ್ಲಡ್ಕ, ವಿಜೇತ್ ಕುಮಾರ್, ಪುಷ್ಪರಾಜ್ ಶೆಟ್ಟಿ ಪದಬರಿ, ರವೀಂದ್ರ ಶೆಟ್ಟಿ, ದಿನೇಶ್ ಗುಂಡಿ, ವೇಣುಗೋಪಾಲ್ ಬಟ್ಟೆಜಾಲ್, ಶೀನಪ್ಪ ಪೂಜಾರಿ, ಸುರೇಶ್ ಶೆಟ್ಟಿ, ನೀಲಪ್ಪ ಗೌಡ, ಚಂದ್ರಹಾಸ ಶೆಟ್ಟಿ, ಸಂಜೀವ ಪೂಜಾರಿ, ಐತ್ತಪ್ಪ ಭಂಡಾರಿ, ಪುರಂದರ ಗೌಡ, ವಿದ್ಯಾಪ್ರಸಾದ್, ಕಿರಣ್ ಶೆಟ್ಟಿ, ಪ್ರೀತಮ್ ಕೇದಗೆ, ಗೋಪಾಲ ಶೆಟ್ಟಿ ಸಂಪಿಗೆಕೋಡಿ, ಗಿರೀಶ್ ಭಟ್,ಗಂಗಾಧರ ಶೆಟ್ಟಿ,ಶೀವಪ್ಪ ನಾಯ್ಕ, ನಳಿನಿ ಉಮೇಶ್,ಮಿತ್ರದಾಸ್ ರೈ, ಸದಾಶಿವ ಶೆಟ್ಟಿ, ಗೀರಿಶ್ ಪೂಜಾರಿ, ಚೇತನ್, ಸೀತಾರಾಮ ಸಾಮಾನಿ, ಶೀನಪ್ಪ ಗೌಡ ಕುಂಡಾಜೆ, ಪದ್ಮನಾಭ ಸಾಮಾನಿ, ಮೋಹನ್ ಶೆಟ್ಟಿ, ತನಿಯಪ್ಪ ಪೂಜಾರಿ,ಸತೀಶ್ ಶೆಟ್ಟಿ, ನಾರಾಯಣ ಪೂಜಾರಿ, ಕೊರಗಪ್ಪ ಭಂಡಾರಿ, ಜಯ ಆಚಾರ್ಯ, ದೇವಸ್ಥಾನದ ಅರ್ಚಕೆರಾಯಿನ ನಾರಾಯಣ ಭಟ್ ಬೊಕ್ಕ ಊರುದ ಭಕ್ತಾದಿಲು ಇತ್ತೆರ್.