ಕುಡ್ಲದ ಸುದ್ದಿ | Mangalore News

ಮೂಲ್ಕಿಡ್ ಸಿವಿಲ್ ಇಂಜಿನಿಯರ್ಸ್ ಅಸೋಸಿಯೇಷನ್ ಉದಿಪನ

ಎಂಜಿನಿಯರ್ಸ್ ಬೊಕ್ಕ ಸರ್ಕಾರದ ಸಹಕಾರೊಡು ಅಭಿವೃದ್ಧಿ ಸಾಧ್ಯ: ರಾಜೇಂದ್ರ ಕಲ್ಬಾವಿ

ಮುಲ್ಕಿ : ಎಂಜಿನಿಯರ್ ನಕುಲು ಬೊಕ್ಕ ಸರಕಾರ ಅಂಚೆನೆ ಸಾರ್ವಜನಿಕೆರ್ನ ಒಟ್ಟುಸೇರಿಗೆಡ್ ಕೆಲಸ ಮಲ್ತ್ಂಡ ಅಭಿವೃದ್ಧಿ ಸಾಧ್ಯ. ಕುಡ್ಲದ ಮಹಾನಗರಪಾಲಿಕೆಡ್ ಉಂದು ಸಾಧ್ಯ ಆತ್ಂಡ್.ಅವ್ವೇ ರೀತಿಡ್ ಮೂಲ್ಕಿ ಪೇಂಟೆಲ ನವ ನಿರ್ಮಾಣ ಆವಡ್ ಪಂದ್ ಎಸಿಸಿಇಐದ ಪ್ರಧಾನ ಕಾರ್ಯದರ್ಶಿ, ಹಿರಿಯ ಎಂಜಿನಿಯರ್ ರಾಜೇಂದ್ರ ಕಲ್ಬಾವಿ ತೆರಿಪಾಯೆರ್.

ಆರ್ ಮುಲ್ಕಿದ ಸುಂದರ ರಾಮ್ ಶೆಟ್ಟಿ ಕನ್ವೆನ್ಷನ್ ಹಾಲ್ ಡ್ ಶನಿವಾರ ನಡತಿನ ಅಸೋಸಿಯೇಷನ್ ಆಫ್ ಸಿವಿಲ್ ಎಂಜಿನಿಯರ್ಸ್ ಮುಲ್ಕಿ (ಎಸಿಇಎಂ) ಉದಿಪನದ ಲೇಸ್ ಡ್ ಪಾತೆರಿಯೆರ್.

ಜಾಗತಿಕ ಬಂಟರ ಸಂಘಲೆನ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟಗರ್ ಬೊಕ್ಕ ಮಾತ ಬಿನ್ನೆರ್ ಸೇರ್ದ್ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತೆರ್.

ಅಂಚೆನೆ ಈ ಪೊರ್ತುಡು ಎಸಿಇಎಂದ ಪೊಸ ಪದುಕೆರ್ನ ಪದಗ್ರಹಣ ವಿಧಿ ನಡತ್ಂಡ್ .

ಎಸಿಇಎ ಅಧ್ಯಕ್ಷೆರ್ ಜೀವನ್ ಕೆ. ಶೆಟ್ರ್ ಪಾತೆರ್ದ್, ಮುಲ್ಕಿದ ಸಮಗ್ರ ಅಭಿವೃದ್ಧಿದ ಉದ್ದೇಶಡ್ ಎಸಿಇಎಂ ಉದಿಪನ ಆಂಡ್, ಸಸಿಹಿತ್ಲು ಟು ಬಪ್ಪನಾಡು ಟೂರಿಸಂ ಕಾರಿಡಾರ್, ಕಾರ್ನಾಡ್ ಜಂಕ್ಷನ್ ರ್ದ್ ಬಪ್ಪನಾಡ್ ಜಂಕ್ಷನ್ ಮುಟ್ಟದ ಡೇಂಜರ್ ಝೋನ್ ಗ್ ಪರಿಹಾರ ಇಂಚಿನ ಕೆಲವು ಯೋಜನೆಲು ಕಾರ್ಯಗತ ಆವೊಡು. ನೆಕ್ಕ್ ನಿಕುಲು ಮಾತೆರ್ನಲ ಸಹಕಾರ ಬೋಡು ಪಂಡೆರ್.

ಈ ಪೊರ್ತುಡು ಹಿರಿಯೆರಾಯಿನ ಇಂಜಿನಿಯರ್ ಪ್ರೊಫೆಸರ್ ಜಿ.ಆರ್. ರೈ ಮೆರೆನ್ ಮಾನಾದಿಗೆ ಮಲ್ತೆರ್.

ಮಲ್ಲ ಬಿನ್ನೆರಾದ್ ಇಂಜಿನಿಯರ್ ವಿಜಯ ವಿಷ್ಣು ಮಯ್ಯ, ವಿಧಾನ ಪರಿಷತ್ ಸದಸ್ಯೆರ್ ಎಸ್.ಎಲ್. ಭೋಜೇಗೌಡ, ಮಾಜಿ ಸಚಿವೆರ್ ಕೆ. ಅಭಯಚಂದ್ರ ಜೈನ್, ಕ್ರೆಡೈ ಉಡುಪಿ ಅಧ್ಯಕ್ಷೆರ್ ಕೆ. ಮನೋಹರ ಶೆಟ್ಟಿ, ಕುಡ್ಲ ಕ್ರೆಡೈ ಅಧ್ಯಕ್ಷೆರ್ ವಿನೋದ್ ಎ.ಆರ್.ಪಿಂಟೊ,ಲೆಕ್ಸಾ ಲೈಟ್ಸ್ ದ ರೊನಾಲ್ಡ್ ಡಿಸೋಜ, ಪಾಂಡುರಂಗ ಆಚಾರ್ಯ, ಶಿವಪುತ್ರಪ್ಪ, ಉಜ್ವಲ್ ಡಿಸೋಜ, ಮಹಾಬಲ ಎಂ., ಬಾಲಸುಬ್ರಮಣ್ಯ ಎಂ. ಮೊಕುಲು ಮಾತ ಇತ್ತೆರ್.

ಎಸಿಇಎಂ ಕಾರ್ಯದರ್ಶಿ ಸುಜಿತ್ ಸಾಲಿಯಾನ್ ಬಿನ್ನೆರೆನ್ ಎದ್ಕೊಂಡೆರ್. ವರುಣ್ ದೇವೆರೆನ್ ಸುಗಿತೆರ್. ಸೌಜನ್ಯ ಹೆಗ್ಡೆ ಲೇಸ್ ಸುಧಾರಿಕೆ ಮಲ್ತೆರ್.

ಪಕ್ಷಿಕೆರೆ: 30ನೇ ವರ್ಷದ ಸಾರ್ವಜನಿಕ ಗಣಪತಿ ಉಚ್ಚಯ

ಪಕ್ಷಿಕೆರೆ: ಸಾರ್ವಜನಿಕ ಶ್ರೀ ಗಣೋಶೋತ್ಸವ ಸಮಿತಿ ನೆತ್ತ ಮುತಾಲಿಕೆಡ್ 30ನೇ ವರ್ಷದ ಸಾರ್ವಜನಿಕ ಶ್ರೀ ಗಣಪತಿ ಉಚ್ಚಯ ಸೆ.19 ರ್ದ್ ಸೆ.21 ಮುಟ್ಟ ಪಕ್ಷಿಕೆರೆ ಶ್ರೀ ಗಣೇಶ ಕಲಾಮಂಟಪಡ್ ನಡಪರೆ ಉಂಡು.

ಸೆ.19 ಅಂಗಾರೆ ಸ್ಥಳ ಶುದ್ಧಿ, ಮೂರ್ತಿ ಪ್ರತಿಷ್ಠೆ, ಗಣಹೋಮ, ಬೊಕ್ಕ ಮಹಾಪೂಜೆ, ಪ್ರಸಾದ ವಿತರಣೆ, ಭಜನಾ ಸೇವೆ ಬಯ್ಯಗ್ ಸಂದೇಶ್ ನೀರ್ ಮಾರ್ಗ ಬಳಗದಕ್ಲೆರ್ದ್ ಸಂಗೀತ ರಸ ಸಂಜೆ ಬೊಕ್ಕ ಮಿಮಿಕ್ರಿ ನಡಪರೆ ಉಂಡು. ಅಂಚನೆ ರಾತ್ರೆ ಮನೋರಂಜನಾ ಕಾರ್ಯಕ್ರಮ, ನೃತ್ಯ ಸಂಭ್ರಮ, ಜನಪದ ನೃತ್ಯ ವೈಭವ ನಡಪೆರೆ ಉಂಡು.

ಸೆ.20 ಬುಧವಾರ ತುಲಾಭಾರ ಸೇವೆ, ಪೂಜೆ, ಗಣಹೋಮ, ಸಹಸ್ರ ಅಪೂಪ ಯಾಗ, ಭಜನಾ ಸೇವೆ, ಸಂಗೀತ ಸಿಂಚನ, ಬಯ್ಯಗ್ ಶ್ರೀನಿವಾಸ ಕಲ್ಯಾಣ ಯಕ್ಷಗಾನ ನಡಪರೆ ಉಂಡು, ರಾತ್ರೆ “ಯಮನ ಸೋಲು” ಕಿರು ನಾಟಕ, ಅಂಚನೆ ಡ್ಯಾನ್ಸ್ ಸ್ಟುಡಿಯೋ ಪಕ್ಷಿಕೆರೆ ಮೊಕ್ಲೆರ್ದ್ ಮನೋರಂಜನಾ ವೈವಿಧ್ಯ ಕಾರ್ಯಕ್ರಮ ನಡಪರೆ ಉಂಡು.

ಸೆ.21 ಗುರುವಾರ ಪೂಜೆ, ಗಣಹೋಮ, ಬೇತೆ ಬೇತೆ ಗೊಬ್ಬುಲು, ಭಜನಾ ಸೇವೆ, ಮುದ್ದುಕೃಷ್ಣ ಪ್ರದರ್ಶನ, ಧಾರ್ಮಿಕ ಸಭೆ, ಕಲ್ಪಾರ್ಥಿ ವೇತನ, ಬಹುಮಾನ ವಿತರಣೆ ನಡಪೆರೆ ಉಂಡು.

ಅoಚನೆ ಮಂದಿರ ನಿರ್ಮಾಣಗ್ ಸುಮಾರ್ 80 ಲಕ್ಷ ಆವರೆ ಉಂಡು. ಇತ್ತೆ ನಿರ್ಮಾಣದ ಕಾರ್ಯ ಸುರು ಆದ್ ಮಾತೆರ್ ನಲ ಸಹಕಾರದ ಒಟ್ಟಿಗೆ ಕೈ ಜೋಡಿಸಾದ್ ಸಾಮಾಜಿಕ, ಧಾರ್ಮಿಕ, ಸಾಂಸ್ಕೃತಿಕ, ಸಂಘಟನಾತ್ಮ ಕಾರ್ಯಡ್ ಒಂದಾದ್ ಮಾತೆರ್ಲ ತನು-ಮನ-ಧನ ರ್ದ್ ಸಹಕಾರನ್ ಮಲ್ಪೊಡು ಪಂದ್ ಲೆಪ್ಪೋಲೆಡ್ ಬಿನ್ನಾಪು ಮಲ್ತ್ ದೆರ್.

ಸೆ.19-22: ಬಪ್ಪನಾಡ್ ಡ್ 48ನೇ ವರ್ಷದ ಸಾರ್ವಜನಿಕ ಗಣಪತಿ ಉಚ್ಚಯ

ಮೂಲ್ಕಿ: ಬಪ್ಪನಾಡು ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಮೊಕ್ಲೆನ ಮುತಾಲಿಕೆಡ್ 48 ವರ್ಷದ ಸಾರ್ವಜನಿಕ ಗಣೇಶೋತ್ಸವ ಸೆ.19 ರ್ದ್ 22 ಮುಟ್ಟ ಮೂಲ್ಕಿ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ವಠಾರಡ್ ನಡಪರೆ ಉಂಡು.

ಸೆ.19 ಅಂಗಾರೆದಾನಿ ಬೊಲ್ಪುಗು ಶ್ರೀ ಮಹಾಗಣಪತಿ ಬಿಂಬ ಪ್ರತಿಷ್ಠೆ ಬೊಕ್ಕ ಮಹಾಪೂಜೆ, ಸಾರ್ವಜನಿಕೆರೆಗ್ ಕರ ದರ್ಪುನ, ಆಂಜೊವ್ ಬೊಕ್ಕ ಪೊಂಜೊವ್ ನಕ್ಲೆಗ್ ಬಲಿಪುನ ಪಂತೊ, ಸಂಗೀತ ಕುರ್ಚಿ, ಕಾರ್ ಗ್ ಪುಗ್ಗ ಕಟ್ಟ್ ದ್ ಹಾಕುನ, ಚಿತ್ರ ಬುಡ್ಪಾವುನ, ರಂಗೋಲಿ ಸ್ಪರ್ಧೆ ಅಂಚನೆ ನಟನಂ ನೃತ್ಯ ಅಕಾಡೆಮಿ ಬಪ್ಪನಾಡು ಮೂಲ್ಕಿ ವಿದುಷಿ ರಮ್ಯಚಂದ್ರ ಶಿಷ್ಯೆರೆರ್ದ್ ನೃತ್ಯ ಕಾರ್ಯಕ್ರಮ ನಡಪೆರೆ ಉಂಡು. ರಾತ್ರೆ ಮಹಾಪೂಜೆ ಆದ್ ಪ್ರಸಾದ ವಿತರಣೆ ನಡಪುಂಡು.

ಸೆ.20 ಬುಧವಾರ ದಾನಿ ನಿತ್ಯ ಗಣಹೋಮ, ಮಹಾಪೂಜೆ ಪ್ರಸಾದ ವಿತರಣೆ, ಕುಣಿತ ಭಜನೆ, ರಾತ್ರೆ ಮಹಾ ರಂಗ ಪೂಜೆ ಆದ್ ಪ್ರಸಾದ ವಿತರಣೆ ನಡಪೆರೆ ಉಂಡು.

ಸೆ.21 ಗುರುವಾರ ನಿತ್ಯ ಗಣಹೋಮ, ಮಹಾಪೂಜೆ ಬೊಕ್ಕ ಪ್ರಸಾದ ವಿತರಣೆ, ಮಹಾಗಣಪತಿಗ್ ಕದಿಕೆ ಸಮರ್ಪಣೆ, ಬಯ್ಯಗ್ ವಿಜಯ ಕುಮಾರ್ ಕೊಡಿಯಾಲ್ ಬೈಲ್ ಮೆರ್ ನ ಸಹಕಾರದ ಶಿವಕಲ್ಯಾಣ್ ರಚನೆ ಮಲ್ತಿನ ಶ್ರೀ ಬಪ್ಪನಾಡು ಮೇಳದಕ್ಲೆರ್ದ್ ಶಿವದೂತೆ ಗುಳಿಗೆ ತುಳು ಯಕ್ಷಗಾನ ಬಯಲಾಟ ನಡಪರೆ ಉಂಡು. ಬೊಕ್ಕ ಮಹಾಪೂಜೆ ಆದ್ ಪ್ರಸಾದ ವಿತರಣೆ ಆವರೆ ಉಂಡು.

ಸೆ.22 ಸುಕ್ರವಾರ ಸ್ವಸ್ತಿ ಪುಣ್ಯಾಹ ವಾಚಮ, ಸಾಮೂಹಿಕ ಅಥರ್ವೆಶೀರ್ಷ ಗಣಯಾಗ, ಮದ್ಯಾಹ್ನ ಸಾರ್ವಜನಿಕೆರೆಗ್ ಅನ್ನಪ್ರಸಾದ ವಿತರಣೆ, ಬಯ್ಯಗ್ ಮುಗಿತಲದ ಲೇಸ್ ನಡಪರೆ ಉಂಡು. ಗುರ್ಕಾಮೆನ್ ಎಸ್.ಎಸ್.ಆರ್ ಮಸಾಲದ ಆಡಳಿತ ನಿರ್ದೇಶಕೆರ್ ಶೈಲೇಂದ್ರ ವೈ ಸುವರ್ಣ ವಹಿಸಾಯೆರೆ ಉಲ್ಲೆರ್. ಶ್ರೀ ಕ್ಷೇತ್ರ ಬಪ್ಪನಾಡುದ ಅರ್ಚಕೆರ್ ಶ್ರೀಪತಿ ಉಪಾಧ್ಯಾಯ ಆಶೀರ್ವಚನ ಮಲ್ಪೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಕೊಲಕಾಡಿ ಗಂಗಾಧರ ವಿ ಶೆಟ್ಟಿ, ಕ್ಷೇತ್ರದ ಕಾರ್ಯನಿರ್ವಾಹಣಾಧಿಕಾರಿ ಜಯಮ್ಮ, ಅನುವಂಶಿಕ ಮೊಕ್ತೇಸೆರೆರ್ ದುಗ್ಗಣ್ಣ ಸಾವಂತೆರ್, ಬಪ್ಪನಾಡು ಕ್ಷೇತ್ರದ ಅನುವಂಶಿಕ ಮೊಕ್ತೇಸರೆರ್ ಎನ್, ಎಸ್ ಮನೋಹರ್ ಶೆಟ್ಟಿ, ಮಾಧವ ದೇವಾಡಿಗ ಮೊಕುಲು ಪಾಲ್ ಪಡೆಯೆರೆ ಉಲ್ಲೆರ್

ಕೆಲ್ಲಪುತ್ತಿಗೆ: 20 ವರ್ಷದ ಸಾರ್ವಜನಿಕ ಗಣಪತಿ ಉಚ್ಚಯ

ಕೆಲ್ಲಪುತ್ತಿಗೆ: ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಕೆಲ್ಲಪುತ್ತಿಗೆ- ದರೆಗುಡ್ಡೆ-ಮೂಡು ಮಾರ್ನಾಡು ಮೊಕ್ಲೆನ ಮುತಾಲಿಕೆಡ್ 20ನೇ ವರ್ಷದ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಉಚ್ಚಯ ಸೆ.19 ದಾನಿ ವೀರಮಾರುತಿ ಕ್ರೀಂಡಾಗಣ ಕೆಲ್ಲಪುತ್ತಿಗೆ ಮೂಲು ನಡಪರೆ ಉಂಡು.

ಸೆ.19 ಅಂಗಾರೆ ಗಣಪತಿ ಮೂರ್ತಿನ್ ಕೆಲ್ಲಪುತ್ತಿಗೆ ವೀರಮಾರುತಿ ಕ್ರೀಡಾಂಗಣಗ್ ಕನತ್ ದ್ ದೇವತಾ ಪ್ರಾರ್ಥನೆ, ಪಂಚಗವ್ಯ ಗಣಯಾಗ, ಗಣಪತಿ ವಿಗ್ರಹ ಪ್ರತಿಷ್ಠೆ, ಬೊಕ್ಕ ಮಹಾಪೂಜೆ, ಪ್ರಸಾದ ವಿತರಣೆ, ಅನ್ನಸಂತರ್ಪಣೆ, ಶ್ರೀ ದೇವಿ ಭಜನಾ ಮಂಡಳಿದ ಕೆಲ್ಲಪುತ್ತಿಗೆ ಮೊಕ್ಲೆರ್ದ್ ಭಜನಾ ಕಾರ್ಯಕ್ರಮ, ಬಯ್ಯಗ್ ರಂಗಪೂಜೆ, ಮಹಾಪೂಜೆ, ಪ್ರಸಾದ ವಿತರಣೆ,

ರಾಜೇಶ್ ಗೆಳೆಯರ ಬಳಗದ ಸಾರಥ್ಯಡ್ ಸುಗಮ ಸಂಗೀತ ಬೊಕ್ಕ ಶಿವಂ ಡ್ಯಾನ್ಸ್ ಅಕಾಡೆಮಿ ವಿಟ್ಲ ಮೊಕ್ಲೆರ್ದ್ ಡ್ಯಾನ್ಸ್ ಧಮಾಕ, ರಾತ್ರೆ ಅನ್ನ ಸಂತರ್ಪಣೆ, ವಿಸರ್ಜನಾ ಪೂಜೆ ಆದ್ ಮೆರವಣಿಗೆ ಬೊಕ್ಕ ಜಲಸ್ಥಂಭನ ಆವರೆ ಉಂಡು.

ಸಾರ್ವಜನಿಕೆರೆಗ್ ಅವ್ವೇ ದಿನ ಕಾಂಡೆ 10 ಗಂಟೆಗ್ ಬೇತೆ ಬೇತೆ ಗೊಬ್ಬುಲು ನಡಪೆರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.