ಕುಡ್ಲದ ಸುದ್ದಿ | Mangalore News

ನ.26: ಜ್ಞಾನರತ್ನ ಎಜುಕೇಷನ್ ಬೊಕ್ಕ ಚಾರಿಟೇಬಲ್ ಟ್ರಸ್ಟ್ (ರಿ.) ನಿಡ್ಡೋಡಿ ಮೊಕ್ಲೆನ ಮುತಾಲಿಕೆಡ್ ಗ್ರಾಮೋತ್ಸವ-14 ಲೇಸ್

ಕುಡ್ಲ: ಜ್ಞಾನರತ್ನ ಎಜುಕೇಷನ್ ಬೊಕ್ಕ ಚಾರಿಟೇಬಲ್ ಟ್ರಸ್ಟ್ (ರಿ.) ನಿಡ್ಡೋಡಿ ಮೊಕಲೆನ ಮುತಾಲಿಕೆಡ್ ಗ್ರಾಮೋತ್ಸವ-14 ಲೇಸ್ ನ.26 ತಾರೀಕ್ ಸನಿವಾರ ನಿಡ್ಡೋಡಿದ ರತ್ನಗಿರಿಟ್ಟ್ ನಡಪರೆ ಉಂಡು.

ಬಯ್ಯ 7 ಗಂಟೆಗ್ ಸಭಾ ಕಾರ್ಯಕ್ರಮ ನಡಪರೆ ಇತ್ತ್‌ದ್, ಲೇಸ್‌ದ ಅಧ್ಯಕ್ಷತೆನ್ ಬಿಜೆಪಿ ರಾಜ್ಯಾಧ್ಯಕ್ಷೆರ್, ಸಂಸದೆರ್ ನಳಿನ್ ಕುಮಾರ್ ಕಟೀಲ್ ವಹಿಸೊನರೆ ಉಲ್ಲೆರ್. ರಾಜ್ಯಸಭಾ ಸದಸ್ಯೆರ್, ಚಿತ್ರನಟೆ ಜಗ್ಗೇಶ್ ಗ್ರಾಮೋತ್ಸವ ಲೇಸ್ ಉದಿಪನ ಮಲ್ಪರೆ ಉಲ್ಲೆರ್. ಮುಲ್ಕಿ-ಬೆದ್ರ ಕ್ಷೇತ್ರದ ಶಾಸಕೆರ್ ಉಮಾನಾಥ ಎ. ಕೋಟ್ಯಾನ್, ಕರ್ಣಾಟಕ ಬ್ಯಾಂಕ್‌ದ ನಿವೃತ್ತ ಸಹಾಯಕ ಮಹಾಪ್ರಬಂಧಕೆರ್ ಶ್ರೀನಿವಾಸ್ ದೇಶಪಾಂಡೆ, ಸಾರ್ವಜನಿಕ ಶಿಕ್ಷಣ ಇಲಾಖೆದ ಉಪನಿರ್ದೇಶಕೆರ್ ಕೆ. ಸುಧಾಕರ, ಕಲ್ಲಮುಂಡ್ಕೂರು ಗ್ರಾಮಪಂಚಾಯತ್ ಅಧ್ಯಕ್ಷೆರ್ ಕೇಶವ ಪೂಜಾರಿ ಮಲ್ಲ ಬಿನ್ನೆರಾದ್ ಲೇಸ್‌ಡ್ ಪಾಲ್ ಪಡೆಯರೆ ಉಲ್ಲೆರ್.