ಕುಡ್ಲದ ಸುದ್ದಿ | Mangalore News

ಕುಡ್ಲ: ಸಾದಿದ ಬರಿತ್ತ ಗುಂಡಿಗ್ ಕಾರ್ ಜಾರ್ದ್ ಬೂರಿನ ಪೊಂಜೊವು

ಕುಡ್ಲ: ಸಾದಿದ ಬರಿಟ್ಟ್ ಇತ್ತಿನ ಗುಂಡಿಗ್ ಕಾರ್ ಜಾರ್ದ್ ಪೊಂಜೊವು ಒರ್ತಿ ಬೂರ್ದಿನ ಘಟನೆ ಕುಡ್ಲ ಪೇಂಟೆದ ಜ್ಯೋತಿ ಕೈತಲ್‌ದ ಅಂಬೇಡ್ಕರ್ ಸರ್ಕಲ್‌ದ ಕೈತಲ್ ಕೆಎಂಸಿ ಎದುರುಡು ನಡತ್ಂಡ್.

ಕಂಡನ್ಯನೊಟ್ಟುಗು ಪೋವೊಂದಿತ್ತಿನ ಪೊಂಜೊವು ತತ್ತ್‌ದ್ ಕಾರ್ ಜಾರ್ದ್ ಬೂರ್ದೆರ್. ಅಪಗ ಅಲ್ಪನೆ ಇತ್ತಿನ ಜನಕುಲು ಅಕ್ಲೆನ ಮಿತ್ತ್ ದೆರ್ತ್‌ದೆರ್. ಮಾರ್ಗದ ಬೇಲೆ ಆವೊಂದಿಪ್ಪುನಗ ಗರ್ತಿನ ಈ ಗುಂಡಿನ್ ಮುಚ್ಚಂದಿನ ಕಾರಣ ಆಡಳಿತ ವ್ಯವಸ್ಥೆದ ವಿರುದ್ದ ಜನಕುಲು ಬೆಚ್ಚ ಆತೆರ್.

ಕುಕ್ಕರ್ ಬಾಂಬ್ ಡ್ ಪೆಟ್ಟಾತಿನ ರಿಕ್ಷಾ ಡ್ರೈವರ್ ಪುರುಷೋತ್ತಮ ಮೆರೆನ ಇಲ್ಲ್ ರಿಪೇರಿ ಭಾಗ್ಯ

ಕುಡ್ಲ: ಇಂಚಿಪ್ಪಗ್ ಕುಡ್ಲದ ನಾಗುರಿಡ್ ನಡತಿನ ಆಟೋರಿಕ್ಷಾ ಕುಕ್ಕರ್ ಬಾಂಬ್ ಕೇಸ್‌ಡ್ ಪೆಟ್ಟಾತಿನ ರಿಕ್ಷಾ ಡ್ರೈವರ್ ಉಜ್ಜೋಡಿದ ಪುರುಷೋತ್ತಮ ಪೂಜಾರಿ ಮೆರೆನ ಇಲ್ಲ್‌ನ್ “ಗುರುಬೆಳದಿಂಗಳು ಫೌಂಡೇಶನ್” ಮೊಕುಲು ಸರಿ ಮಲ್ಪರೆ ಉಲ್ಲೆರ್.

ಗುರುಬೆಳದಿಂಗಳು ಫೌಂಡೇಶನ್‌ದ ಅಧ್ಯಕ್ಷೆರ್, ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಕೋಶಾಧಿಕಾರಿ ಪದ್ಮರಾಜ್ ಆರ್, ಮೇರ್ ಘಟನೆ ಆಯಿನ ಮನದಾನಿಯೆ ಆಸ್ಪತ್ರೆಗ್ ಪೋದು ಕುಟುಮದ ಸದಸ್ಯೆರ್‍ನೊಟ್ಟುಗು ಆರೋಗ್ಯದ ಬಗೆಟ್ ವಿಚಾರಣೆ ಮಲ್ತ್‌ದಿತ್ತೆರ್.

ಕರಿನ ವಾರ ಆಸ್ಪತ್ರೆಡ್ ಇಪ್ಪುನ ಪುರುಷೋತ್ತಮ ಪೂಜಾರಿ ಮೆರೆನ ಭೇಟಿ ಆನಗ ತನ್ನ ಬೇನೆದ ಒಟ್ಟುಗು ಮೇ ತಿಂಗೊಲ್‌ಡ್ ಮಗಲೆನ ಮದಿಮೆ ಮಲ್ಪೊಡು. ಅವೆರ್ದ್ ದುಂಬು ಇಲ್ಲ್‌ನ್ ಸರಿ ಮಲ್ಪೊಡು. ಆ ಬೇಲೆ ಇತ್ತೆ ಆವೊಂದಿಜ್ಜಿ ಪಂದ್ ಪಂಡೆರ್. ಅಂಚಾದ್ ಡಿ.18 ಗ್ ಅರೆನ ಇಲ್ಲಗ್ ಇಂಜಿನಿಯರ್ ದೀವರಾಜ್ ನೊಟ್ಟುಗು ಭೇಟಿ ಕೊರ್ದು ಇಲ್ಲ್ ಸರಿ ಮಲ್ಪುನ ಬೇಲೆನ್ ಮಲ್ಪುನ ಪಂದ್ ಪಂಡೆರ್.

ಜೋಕುಲೆಗ್ ತಿಗಲೆ ಬೇನೆದ ಸಮಸ್ಯೆ: ಶಾಲೆದ ವೇಳ್ಯ ಬದಲ್ ಮಲ್ಪರೆ ಸಲಹೆ

ಜೋಕುಲೆಡ ಹೃದ್ರೋಗ ಸಮಸ್ಯೆ ಎಚ್ಚ ಆತಿನೆಡ್ದಾವರ ಶಾಲೆದ ಪೊರ್ತುನು ಬದಲ್ ಮಲ್ಪೊಡು ಪನ್ಪಿನ ಮಹತ್ವದ ಸಲಹೆನ್ ಜಯದೇವ ಹೃದ್ರೋಗ ಆಸ್ಪತ್ರೆದ ಡಾ. ಮಂಜುನಾಥ್ ಪಂತೆರ್.

7-8 ವರ್ಷದ ಜೋಕುಲು ಎಚ್ಚ ನಿದ್ರೆ ಮಲ್ಪೊಡು. ಆಂಡ ನಿದ್ರಾಹೀನತೆಗ್ ಅಕ್ಲೆನ ರೋಗ ನಿರೋಧಕ ಶಕ್ತಿ ಕಮ್ಮಿಯಾದ್ ಹೃದ್ರೋಗಗ್ ಕಾರಣ ಆತ್ಂಡ್. 7 ವರ್ಷಡ್ 6000 ತಿಗಲೆದ ಚಿಕಿತ್ಸೆ ಮಲ್ತ್‌ದಿತ್ತ್‌ದ್, ಎಲ್ಯ ಪ್ರಾಯಡೇ ಆರೋಗ್ಯದ ಸಮಸ್ಯೆ ಬರೊಂದುಂಡು. 2ನೇ ಕ್ಲಾಸ್ ಮುಟ್ಟ ಶಾಲೆದ ಸಮಯ 10 ಗಂಟೆರ್ದ್ 12.30 ಗಂಟೆ ಮುಟ್ಟ ಮಲ್ಪೊಡು ಪಂದ್ ಎಚ್ಚರ್ಗೆ ಕೊರ್ತೆರ್.

Rising cardiac issues in children – change school timings

Noticing raising cases of cardiac problems in children; Dr Manjunath head of Jayadeva Heart Hospital has given an innovative suggestions to change school timings.

He said children upto eight years need a lot of sleep for development.Lack of good sleep is bringing down their immunity and consequently heart and other health problems are noticed in young children. So school timing should start from 10 a .m for classes upto class second.