ಕಾಸ್ರೋಡ್ ಸುದ್ದಿ | Kasargod News

ಬಿಜೆಪಿ ಯುವ ಮೋರ್ಚಾ ವತಿರ್ದ್ ನೆತ್ತೆರ್ದಾನ ಶಿಬಿರ

Sep 22, 2021

ಕಾರ್ಲ : ಬಿಜೆಪಿ ಯುವ ಮೋರ್ಚ ಕಾರ್ಲ ವತಿರ್ದ್ ಸೇವೆ ಬೊಕ್ಕ ಸಮರ್ಪಣೆ ಅಭಿಯಾನದಂಗವಾದ್ ಇರ್ವತ್ತೂರುಡು ಸೆ. 19ಗ್ ನೆತ್ತೆರ್ದಾನ ಶಿಬಿರ ನಡತುಂಡು . ಬಿಜೆಪಿ ಮಂಡಲ ಗುರ್ಕಾರ್ಲಾಯಿನ ಮಹಾವೀರ ಹೆಗ್ಡೆ ಶಿಬಿರ ಉದಿಪನ ಮಲ್ತೆರ್ .

ಬಿಜೆಪಿ ಯುವ ಮೋರ್ಚಾ ಕಾರ್ಲ ಮಂಡಲ ಗುರ್ಕಾರ್ಲಾಯಿನ ಮುಟ್ಟುಪಾಡಿ ಸುಹಾಸ್ ಶೆಟ್ಟಿ ಗುರ್ಕಾರ್ಮೆ ವಹಿಸ್ ದಿತ್ತೆರ್ . ಗೇರು ಅಭಿವೃದ್ಧಿ ನಿಗಮದ ಅಧ್ಯಕ್ಷ ಮಣಿರಾಜ ಶೆಟ್ಟಿ, ಜಿಲ್ಲಾ ಯುವ ಮೋರ್ಚಾ ಗುರ್ಕಾರ್ಲಾಯಿನ ವಿಖ್ಯಾತ್ ಶೆಟ್ಟಿ, ಕಾರ್ಕಳ ಮಂಡಲ ಕಾರ್ಯದರ್ಶಿ ನವೀನ್ ನಾಯಕ್, ಜಿಲ್ಲಾ ಪಂಚಾಯತ್ ನಿಕಟಪೂರ್ವ ಸದಸ್ಯ ಉದಯ ಕೋಟ್ಯಾನ್, ಜಿಲ್ಲಾ ಕಾರ್ಯದರ್ಶಿ ರೇಷ್ಮಾ ಉದಯ ಶೆಟ್ಟಿ, ಅಭಯಹಸ್ತ ಹೆನ್ ಗುರ್ಕಾರ್ಲಾಯಿನ ರಾಜೇಶ್ ಶೆಟ್ಟಿ ಮುನಿಯಾಲು, ಯುವ ಮೋರ್ಚಾ ಪ್ರಧಾನ ಕಾರ್ಯದರ್ಶಿ ಭರತ್ ಕುಮಾರ್ ಜೈನ್, ಯೋಗೀಶ್ ಸಾಲಿಯನ್ ಪಾಲ್ ಪಡೆದಿತ್ತೆರ್.

ಕಾರ್ಲ ಯುವ ಬಂಟರ ಸಂಘರ್ದ್ 1.25 ಲಕ್ಷ ರೂ. ವಿದ್ಯಾರ್ಥಿ ವೇತನ

Sep 22, 2021

ಕಾರ್ಲ : ಕಾರ್ಲ, ಹೆಬ್ರಿ ಪೇಂಟೆದ ಬಂಟ ಸಮುದಾಯದ ಪ್ರತಿಭಾನ್ವಿತ ಜೋಕ್ಲೆಗ್ ಸೆ. 19ಗ್ ಸವಿತಾ ಹೊಟೇಲ್ ಸಭಾಂಗಣಡ್ ವಿದ್ಯಾರ್ಥಿ ವೇತನ ಕೊರಿಯೆರ್ . ಅಶೋಕ್ ಅಡ್ಯಂತಾಯ ಲೇಸ್ ಉದಿಪನ ಮಲ್ತೆರ್ . ಬೇತೆ ಬೇತೆ ತರಗತಿದ ಪ್ರತಿಭಾನ್ವಿತ 80 ಜೋಕ್ಲೆಗ್ 1.25 ಲಕ್ಷ ರೂ. ವಿದ್ಯಾರ್ಥಿ ವೇತನ ಕೊರಿಯೆರ್ . ಸುರೇಂದ್ರ ಶೆಟ್ಟಿ, ಸಂದೀಪ್ ಶೆಟ್ಟಿ ಸಾಣೂರು, ಶ್ಯಾಮ್ ಶೆಟ್ಟಿ ನಲ್ಲೂರು, ಉದ್ಯಮಿ ಶಿವಣ್ಣ ಶೆಟ್ಟಿ, ಸುನೀತಾ ಸಿರಿಯಣ್ಣ ಶೆಟ್ಟಿ, ರಾಕೇಶ್ ಶೆಟ್ಟಿ ಪಾಲ್ ಪಡೆದಿತ್ತೆರ್ . ಯುವ ಬಂಟರ ಸಂಘದ ಅಧ್ಯಕ್ಷ ಅವಿನಾಶ್ ಜಿ. ಶೆಟ್ಟಿ ಗುರ್ಕಾರ್ಮೆ ವಹಿಸ್ ದಿತ್ತೆರ್ .

ಪುರಸಭೆತ ನೂತನ ನಾಮನಿರ್ದೇಶಿತ ಸದಸ್ಯರಾದ್ ಆಯ್ಕೆಯಾಯಿನ ಅವಿನಾಶ್ ಶೆಟ್ಟಿ ಬೊಕ್ಕ ಕರ್ನಾಟಕ ಕ್ವಾರಿ ಓನರ್ಸ್ ಅಸೋಸಿಯೇಷನ್ ಗುರ್ಕಾರ್ಲಾದ್ ಆಯ್ಕೆಯಾಯಿನ ರವೀಂದ್ರಶೆಟ್ಟಿ ಬಜಗೋಳಿ ಮೆಕ್ಲೆಗ್ ಮಾನದಿಗೆ ಮಲ್ತೆರ್ . ಮುಟ್ಟುಪಾಡಿ ಸುಹಾಸ್ ಶೆಟ್ಟಿ ಲೇಸ್ ನಡಪಾದ್ ಕೊರಿಯೆರ್ .

ಕುಡ್ಲಡ್ ಇನಿ ಕರೆಂಟ್ ದ ಅಭಾವ

Sep 22, 2021

ಕುಡ್ಲ : ಇನಿ ಕಾಂಡೆ 10 ಗಂಟೆರ್ದ್ ಬೈಯ್ಯಗ್ 5 ಗಂಟೆ ಮುಟ 110/33/11 ಕೆವಿ ಕೊಣಾಜೆ ಉಪಕೇಂದ್ರರ್ದ್ ಪಿದಾಡುನ 11ಕೆವಿ ಮಂಜನಾಡಿ, ಕಿನ್ಯಾ, ಉಳ್ಳಾಲ ಎಕ್ಸ್ಪ್ರೆಸ್, ಯುನಿರ್ವಸಿಟಿ, ಕೊಣಾಜೆ, ಪಜೀರ್ ಮತ್ತು ಬೋಳಿಯಾರ್ ಫೀಡರ್ ಡ್ ಜಂಪರ್ ಬದಲಾವಣೆ ಬೊಕ್ಕ ಜಿ.ಓ.ಎಸ್ ಮಾರ್ಗದ ದುರಸ್ತಿ ಕಾಮಗಾರಿ ನಡಪರೆ ಉಂಡು.

ಅಂಚಾಯಿನೆಟ್ಟ್ ನಾಟೆಕಲ್, ದೇರಳಕಟ್ಟೆ, ರೆಂಜಾಡಿ, ಬಗಂಬಿಲ, ಪನೀರ್, ನಿಟ್ಟೆ, ಕಾನಕೆರೆ, ಕೊಣಾಜೆ, ಆಸೈಗೋಳಿ, ಮಂಜನಾಡಿ ಬೊಕ್ಕ ಕೈತಲ್ ದ ಪ್ರದೇಶ ಕರೆಂಟ್ ಉಂತಾದೆರ್ ಪಂದ್ ಮೆಸ್ಕಾಂದ ಪ್ರಕಟಣೆ ತೆರಿಪಾದುಂಡು .

ರಂಗನಟ ಮೋಹನ ಮಾರ್ನಾಡೆರೆಗ್ ಮಾತೃವಿಯೋಗ

Sep 21, 2021

ಬೆದ್ರ : ಬೆದ್ರದ ಮಾರ್ನಾಡು ಪಣರಬೆಟ್ಟು ಮುಂಡ್ಲಿ ಆಯೆರಗುತ್ತು ನಿವಾಸಿ ಸರಸ್ವತಿ ಹೊನ್ನಪ್ಪ ಶೆಟ್ರ್ (92) ತಾರೀಖ್ 21-9-2021ಕ್ಕ್ ಬೈಯ್ಯಗ್ ಆಜಿ ಗಂಟೆಗ್ ತನ್ನ ಸ್ವಗೃಹಡ್ ಕೆಲವು ದಿನತ ವಯೋಸಹಜ ಸೀಕ್ ರ್ದ್ ತೀರ್ ಪೋತೆರ್ .ಮೇರ್ ತುಳುನಾಡ್ ದ ಸಂಪ್ರದಾಯದ ಬಗ್ಗೆ ಮಸ್ತ್ ಕಾಳಜಿ ಇತ್ತಿನಾರ್ ಅವ್ವೆ ಜ್ಞಾನನ್ ತನ್ನ ಜೋಕ್ಲೆಗ್ ಧಾರೆ ಮೈತ್ ಇತ್ತೆರ್.

ಸನ್ನಡತೆತ ಗುಣರ್ದ್ ಮೇರ್ ತನ್ನ ಊರುಡು ಮಾತಾ ಜನಕ್ಲೆಗ್ ಪ್ರೀತಿ ಪಾತ್ರರಾತೆರ್ .
ಮೇರ್ ತನ್ನ ಐನ್ ಆಣ್ ಜೋಕುಲಾಯಿನ ರಂಗನಟ ಪಾಲ್ಗರ್ ನಿವಾಸಿ ಪ್ರಕಾಶ ಶೆಟ್ಟಿ, ನಾಟಕ ಅಕಾಡೆಮಿ ಪ್ರಶಸ್ತಿ ವಿಜೇತ ಮೋಹನ ಮಾರ್ನಾಡ್,ಪ್ರಸಿದ್ದ ಯಕ್ಷಗಾನ ಕಲಾವಿದ ವಾಸುದೇವ ಶೆಟ್ಟಿ ಮಾರ್ನಾಡ್,ಜಾನಪದ ಕಲಾವಿದ ರಮೇಶ ಶೆಟ್ಟಿ ಮಾರ್ನಾಡ್, ಕಂಠದಾನ ಕಲಾವಿದ ಸುರೇಂದ್ರ ಕುಮಾರ ಮಾರ್ನಾಡ್, ರಡ್ಡ್ ಪೊಣ್ಣು ಜೋಕುಲಾಯಿನ ದಕ್ಷಿಣ ಕನ್ನಡ ಹಾಲು ಉತ್ಪಾದಕರ ಸಂಘದ ಒಕ್ಕೂಟದ ನಿರ್ದೇಶಕಿ ಸವಿತಾ ಶೆಟ್ಟಿ ಬೊಕ್ಕ ಬೆಂಗ್ಳೂರು ನಿವಾಸಿ ಸುಜಾತ ಶೆಟ್ರ್ ಬೊಕ್ಕ ಪುಳ್ಳಿ ಲೆರ್ದ್ ದೂರ ಆತೆರ್.

ಮೇರ್ ತೀರ್ ಪೋಯಿನ ಇಚಾರ ತೆರಿದ್
ಮುಂಬಯಿ ವಿಶ್ವವಿದ್ಯಾಲಯದ ಕನ್ನಡ ವಿಭಾಗದ ಗುರ್ಕಾರ್ಲಾಯಿನ ಡಾ.ಜಿ ಎನ್ ಉಪಾಧ್ಯ,
ಡಾ.ಪೂರ್ಣಿಮಾ ಶೆಟ್ಟಿ,ಪತ್ರಕರ್ತ ಚಂದ್ರಶೇಖರ ಪಾಲೆತ್ತಾಡಿ,ಪೆರಿಯ ಸಾಹಿತಿ ವ್ಯಾಸರಾವ್ ನಿಂಜೂರು,ಶ್ರೀನಿವಾಸ ಜೋಕಟ್ಟೆ, ರಂಗ ನಿರ್ದೇಶಕ ಭರತ್ ಕುಮಾರ ಪೊಲಿಪು,ಓಂದಾಸ್ ಕಣ್ಣಂಗಾರ,ಕವಿ ಶಾಂತರಾಮ ಶೆಟ್ಟಿ ಬೆಂಗ್ಳೂರು, ಅನಿವಾಸಿ ಕನ್ನಡಿಗ ಸರ್ವೋತ್ತಮ ಶೆಟ್ಟಿ ಅಬುದಾಬಿ,ಬೊಂಬೆ ಬಂಟ್ಸ್ ಅಸೊಶಿಯೇಶನ್ದ ಮಾಜಿ ಗುರ್ಕಾರ್ಲಾಯಿನ ಶ್ಯಾಮ ಎನ್ ಶೆಟ್ಟಿ,ಗಾಯಕ ರಮೇಶ್ಚಂದ್ರ ಬೆಂಗ್ಳೂರು,ಲೇಖಕ ವಿಶ್ವನಾಥ ಶೆಟ್ಟಿ ಪೇತ್ರಿ,ರಂಗನಟ ಅವಿನಾಶ್ ಕಾಮತ್,ಶಿವಾನಂದ ಶೆಟ್ಟಿ, ರಂಗನಟಿ ಅಹಲ್ಯ ಬಲ್ಲಾಳ್,ಕವಯತ್ರಿ ಅನಿತಾ ಪೂಜಾರಿ ತಾಕೊಡೆ,
ಕವಯತ್ರಿ ಲಕ್ಷ್ಮೀ ಸತೀಶ್ ಶೆಟ್ಟಿ, ಕಣ್ಣ ನೀರ ಪನಿತರ್ಪಣ ಮಲ್ತೆರ್.

ತುಲುವೆರೆ ಚಾವೆಡಿ (ರಿ) ಬೆಂಗ್ಳೂರು ವತಿರ್ದ್ , ʼಜೋಕುಲೆ ತೆಲಿಕೆ ನಲಿಕೆʼ ಲೇಸ್

Sep 21, 2021

ತುಲುವೆರೆ ಚಾವಡಿ (ರಿ) ಬೆಂಗ್ಳೂರು,ನೆತ್ತ ಒಟ್ಟು ಸೇರಿಗೆಡ್ ಜೋಕ್ಲೆನ ರಂಗಮಂಟಪಡ್ “ಜೋಕುಲೆ ತೆಲಿಕೆ ನಲಿಕೆ” ಲೇಸ್ ತಾರೀಖ್ 19-09-2021ನೆ ಐತಾರ ದಾನಿ ಬೈಯ್ಯಗ್ 6 ಘಂಟೆಗ್ ಝೂಮ್‌ ಮೀಟಿಂಗ್‌ ಆಪ್‌ ಡ್ ನಡತುಂಡು . ತುಳುನಾಡ್ ದ ಜೋಕ್ಲೆನ ಪ್ರತಿಭೆನ್ ತೋಜಾಯೆರೆ ಈ ಲೇಸ್ ಅಟ್ಟನೆ ಮಲ್ತಿತ್ತೆರ್ . ಈ ಲೇಸ್ ಡ್ 130 ಜೋಕುಲು ಪ್ರತಿಭಾ ಪ್ರದರ್ಶನ ತೋಜಾಯೆರೆ ಸೇರ್ದ್ ಇತ್ತೆರ್ .

ಈ ಲೇಸ್ ನ್ ಹಿರಿಯ ಸಾಹಿತಿಲಾಯಿನ ಡಾ! ಕನರಾಡಿ ವಾದಿರಾಜ ಭಟ್‌ ಉದಿಪನ ಮಲ್ತೆರ್ . ಲೇಸ್ ಡ್ ಮಲ್ಲ ಬಿನ್ನೆರ್ ಆದ್ ವಿಜಯಕುಮಾರ್‌ ಕುಮಾರ್‌ ಕೊಡಿಯಾಲ್‌ ಬೈಲ್‌ ನಿರ್ದೇಶಕೆರ್ ತುಳು ರಂಗಭೂಮಿ. ಡಾ! ಸಾಯಿಗೀತ ತುಳು ವಿದ್ವಾಂಸೇರ್ . ಸನತ್‌ ಕುಮಾರ್ ಶೆಟ್ಟಿ ಗುರ್ಕಾರ್ಲು ತುಳು ಕೂಟ ಕುವೈತ್.‌ ಸುರೇಶ್‌ ರೈ ಸಿನೆಮಾ ಕಿರು ತೆರೆ ನಟ. ಸರ್ವೊತ್ತಮ ಶೆಟ್ಟಿ ಅಬುದಾಬಿ, ಸದಸ್ಯೆರ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ. ಡಾ! ಮೂಡಂಬೈಲು ರವಿ ಶೆಟ್ಟಿ ಕತ್ತಾರ್‌,ತುಳು ಕೂಟ ಕತ್ತಾರ್.‌ ಭವ್ಯಶ್ರೀ ರೈ ಕಿರುತೆರೆ ನಟಿ .ಜೀವನ್‌ ರಾಮ್‌ ಸುಳ್ಯ, ರಂಗಕರ್ಮಿ. ಮಾನಸಿ ಸುಧೀರ್‌ ಕಿರುತೆರೆ ನಟಿ. ವಂದನಾ ರೈ ಖ್ಯಾತ ಶಿಕ್ಷಕಿ ಪಾಲ್ ಪಡೆದಿತ್ತೆರ್.

ಜೈ ಹಿಂದ್ ಫ್ರೆಂಡ್ಸ್, ಮಂಕಿ ಸ್ಟಾಂಡ್ ಬೊಕ್ಕ ಭೀಮ್ ಆರ್ಮಿ ವತಿರ್ದ್ ಕೋವಿಡ್ ಲಸಿಕಾ ಲೇಸ್

Sep 21, 2021

ಕುಡ್ಲ : ಜೈ ಹಿಂದ್ ಫ್ರೆಂಡ್ಸ್, ಮಂಕಿ ಸ್ಟಾಂಡ್ ಬೊಕ್ಕ ಭೀಮ್ ಆರ್ಮಿ ವತಿರ್ದ್ ಪೇಂಟೆದ ಮಂಗಳಾದೇವಿ ದೇವಸ್ಥಾನದ ಕೈತಲ್ ಉಪ್ಪುನ ಶಾಂತಾ ಆಳ್ವ ಕಾಂಪೌಂಡ್ ಮೈದಾನಡ್ ಉಚಿತ ಕೋವಿಡ್ ಲಸಿಕಾ ಲೇಸ್ ನಡತುಂಡು .

ಪೇಂಟೆದ ಎಸ್. ಡಿ. ಎಂ. ಕಾಲೇಜು ನಿವೃತ್ತ ಪ್ರಾದ್ಯಾಪಕೆರಾಯಿನ ಉದಯ ಕುಮಾರ್ ಮೇರ್ ಲೇಸ್ ಉದಿಪನ ಮಲ್ತ್ ಪಾತೆರಿಯೆರ್.

ಈ ಲೇಸ್ ಡ್ ಭ್ರಮರಾಂಬಿಕಾ ದೇವಸ್ಥಾನದ ಗುರ್ಕಾರ್ಲಾಯಿನ ಪ್ರಾಣೇಶ್, ಜಿಲ್ಲಾ ಯುವ ಕಾಂಗ್ರೆಸ್ ನಾಯಕ ರಮಾನಂದ ಪೂಜಾರಿ, ಜೈ ಹಿಂದ್ ಫ್ರೆಂಡ್ಸ್ ಗುರ್ಕಾರ್ಲಾಯಿನ ವಿಜಯ್ ಮಂಕಿ ಸ್ಟಾಂಡ್, ಸುಶೀಲ್, ಸುನೀಲ್, ರಾಕೇಶ್ ಪಾಲ್ ಪಡೆದಿತ್ತೆರ್.

ತುಲುವೆರೆ ಪಕ್ಷದ ವೆಬ್ ಸೈಟ್ ಉದಿಪನ ಬೊಕ್ಕ ಸದಸ್ಯತ್ವ ಅಭಿಯಾನ

Sep 21, 2021

ತುಲುವೆರೆ ಪಕ್ಷದ ವೆಬ್ ಸೈಟ್ ಉದಿಪನ ಬೊಕ್ಕ ಸದಸ್ಯತ್ವ ಅಭಿಯಾನ ಕಜ್ಜದ‌ ಉದಿಪನ ಲೇಸ್ 26 ಸೆಪ್ಟೆಂಬರ್ 2021 ಅಯಿತಾರ ಕಾಂಡೆ 11.00 ಗಂಟೆಗ್ ಸರಿಯಾದ್ ಅಂಬೇಡ್ಕರ್ ಭವನ ಬೊಲ್ತೇರ್ ಡ್ ನಡಪರ ಉಂಡು. ಪಕ್ಷದ ವೆಬ್ ಸೈಟ್ ಮೂಲಕ ಪಕ್ಷದ ಪದುಕೆರಾವರ ಬೊಕ್ಕ ಪಕ್ಷಗ್ ದೇಣಿಗೆ ಕೊರಿಯರ ಅವಕಾಶ ಉಂಡು. ಅಂಚೆನೆ ನೇರವಾದ್ ಪಕ್ಷದ ಸಭೆಟ್ ಪದುಕೆ ಆದ್ ಸೇರರ ಇಜಂಡ ಪಕ್ಷದ ಜಬದಾರಿದ ಪದುಕೆರೆನ ಮೂಲಕ ಪಕ್ಷಗ್ ಸೇರರ ಅವಕಾಶ ಉಂಡು ಪಂದ್ ತುಲುವೆರೆ ಪಕ್ಷದ ಉದಿಪು ಗುರ್ಕಾರ್ ಶೈಲೇಶ್ ಆರ್. ಜೆ. ಪತ್ರಿಕೆಗ್ ತೆರಿಪಾಯೆರ್.

ಕೆಎಸ್ಎಸ್ಎಸ್ ದ ವಿಜಯೋತ್ಸವ ಆಚರಣೆ

Sep 21, 2021

ಕುದುರೆಮುಖ : ಕುದುರೆಮುಖ ಶ್ರಮ ಶಕ್ತಿ ಸಂಘಟನೆ (KSSS) ಒಕ್ಕೂಟ INTUC ಗ್ ಸೇರ್ದಿನೇರ್ದಾವರ 20.09.2021 ಕ್ಕ್ ವಿಜಯೋಚ್ಚಯನ್ ಆಚರಣೆ ಮಲ್ತೆರ್.

.ಈ ಪೊರ್ತುಡು ವಿನಯಕುಮಾರ್ ಸೋರ್ಕೆ, ಐವನ್ ಡಿಸೋಜ, ಕಲ್ಲಿಗೆ ತಾರಾನಾಥ ಶೆಟ್ಟಿ, ಮಾಬಲ್ ಮಾರ್ಲ ಮನೋಹರ ಶೆಟ್ಟಿ ರಾಜಗುರು ಬೊಕ್ಕ ಐಎನ್‌ಟಿಯುಸಿ ನಾಯಕೆರ್ ಪಾಲ್ ಪಡೆದಿತ್ತೆರ್ ಪಂದ್ ರಾಕೆಶ್ ಮಲ್ಲಿ, ಐಎನ್‌ಟಿಯುಸಿ ರಾಷ್ಟ್ರೀಯ ಕಾರ್ಯದರ್ಶಿ ಪ್ರಕಟನೆಡ್ ತೆರಿಪಾದೆರ್.

Kudremukh Shram Shakthi Sanghatan (KSSS) union Affiliated to INTUC Celebrate Victory CELEBRATION ON 20.09.2021. VINAYKUMAR SORKE,IVAN D’Souza, Kallige tharanath shetty, mabal marla Manohar shetty Rajaguru and INTUC Leaders attend the function.

ಕಾಂಗ್ರೆಸ್ ದ ಮಸ್ತ್ ಶಾಸಕೆರ್ ಬಿಜೆಪಿ ಸೇರ್ರೆ ತಯಾರುಲ್ಲೆರ್- ಬಿಎಸ್ ವೈ

Sep 21, 2021

ಬೆಂಗ್ಳೂರ್, ಸೆ.21: “ಕಾಂಗ್ರೆಸ್‌ ದ ಮಸ್ತು ಶಾಸಕೆರ್ ಬಿಜೆಪಿಗ್ ಸೇರ್ರ ಸಿದ್ದತೆನ್ ಮಲ್ತೊಂದುಲ್ಲೆರ್ ಪಂದು ಬಿ.ಎಸ್. ಯಡಿಯೂರಪ್ಪ ಪೊಸ ಬಾಂಬ್ ನ್ ಪಾಡ್ದೆರ್.

ಈ ವಿಷಯಡ್ ಸುದ್ದಿಗಾರೊರ್ನೊಟ್ಟುಗ್ ಪಾತೆರ್ದಿನ ಆರ್, “ಕಾಂಗ್ರೆಸ್‌ ದ ಶಾಸಕೆರ್ ಬಿಜೆಪಿ ಸೇರ್ರ ತಯಾರ್ ಅವೊಂದು ಉಲ್ಲೆರ್. ಬಿಜೆಪಿಗ್ ಒವ್ ಶಾಸಕೆರ್ ಬರ್ಪೆರ್ ಪಂಡುದು ಚುರ್ ದಿನಟ್ ಗೊತ್ತಾಯರ ಉಂಡು ಪಂದು ಪಂಡೆರ್.

ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲ: 19.89 ಲಕ್ಷ ಕಾಸ್ ದ ಬಂಗಾರ್ ಸಾಗಾಟ-Mangalore: Illigal smuggling of gold worth 19.89 lakh

Sep 21, 2021

ಕುಡ್ಲ, ಸೆ 21: ದುಬೈಡ್ದು ಬತ್ತಿನ ಕಾಸ್ರೋಡ್ ಮೂಲೊದ ಜಾವನ್ಯೆ ನ್ ವಶಕ್ಕ್ ಪಡೆಯಿನ ಕುಡ್ಲ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಕಸ್ಟಮ್ಸ್ ಅಧಿಕಾರಿಲ್ ಆಯೆಡ್ದು 418 ಗ್ರಾಂ ತೂಕದ 19,89,680 ಕಾಸ್ ದ ಬಂಗಾರ್ ನ ವಶಕ್ ದೆತೊಂದೆರ್.

ಸೆ. 19 ದಾನಿ ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ವಿಮಾನದ ಮುಖೇನ ಬತ್ತಿನ ಆರೋಪಿ ಪೇಸ್ಟ್ ಅಂಚನೆ ಕ್ಯಾಪ್ಸೂಲ್ ರೂಪಡ್ ಪ್ಯಾಕ್ ಮಲ್ತುದು ಅಕ್ರಮವಾದ್ ಸಾಗಾಟ ನ್ ಮಲ್ಪರ ಯತ್ನಿಸಾಯೆ.

Mangalore: A man arriving from Dubai arrested for illigal smuggling of 418gram of gold worth 19.89 lakh in Mangalore airport .

The flight arrived on 19th September. The gold was packed in the form of capsules and was caught by the Mangalore police.

ಕಾಸ್ರೋಡ್ ಸುದ್ದಿ | Kasargod News

ಬಿಜೆಪಿ ಯುವ ಮೋರ್ಚಾ ವತಿರ್ದ್ ನೆತ್ತೆರ್ದಾನ ಶಿಬಿರ

ಕಾರ್ಲ ಯುವ ಬಂಟರ ಸಂಘರ್ದ್ 1.25 ಲಕ್ಷ ರೂ. ವಿದ್ಯಾರ್ಥಿ ವೇತನ

ಕುಡ್ಲಡ್ ಇನಿ ಕರೆಂಟ್ ದ ಅಭಾವ

ರಂಗನಟ ಮೋಹನ ಮಾರ್ನಾಡೆರೆಗ್ ಮಾತೃವಿಯೋಗ

ತುಲುವೆರೆ ಚಾವೆಡಿ (ರಿ) ಬೆಂಗ್ಳೂರು ವತಿರ್ದ್ , ʼಜೋಕುಲೆ ತೆಲಿಕೆ ನಲಿಕೆʼ ಲೇಸ್

ಜೈ ಹಿಂದ್ ಫ್ರೆಂಡ್ಸ್, ಮಂಕಿ ಸ್ಟಾಂಡ್ ಬೊಕ್ಕ ಭೀಮ್ ಆರ್ಮಿ ವತಿರ್ದ್ ಕೋವಿಡ್ ಲಸಿಕಾ ಲೇಸ್

ತುಲುವೆರೆ ಪಕ್ಷದ ವೆಬ್ ಸೈಟ್ ಉದಿಪನ ಬೊಕ್ಕ ಸದಸ್ಯತ್ವ ಅಭಿಯಾನ

ಕೆಎಸ್ಎಸ್ಎಸ್ ದ ವಿಜಯೋತ್ಸವ ಆಚರಣೆ

ಕಾಂಗ್ರೆಸ್ ದ ಮಸ್ತ್ ಶಾಸಕೆರ್ ಬಿಜೆಪಿ ಸೇರ್ರೆ ತಯಾರುಲ್ಲೆರ್- ಬಿಎಸ್ ವೈ

ಕುಡ್ಲ: 19.89 ಲಕ್ಷ ಕಾಸ್ ದ ಬಂಗಾರ್ ಸಾಗಾಟ-Mangalore: Illigal smuggling of gold worth 19.89 lakh

You Missed

ದಕ್ಷಿಣ ಕನ್ನಡ ಬಸ್ ಮಾಲಕರ ಸಂಘದ ಅಧ್ಯಕ್ಷೆರಾದ್ ಅಝೀಝ್ ಪರ್ತಿಪಾಡಿ ಆಯ್ಕೆ

ದೇಶದ ಪುಗರ್ತೆದ ಎನ್ಐಟಿಕೆ ಶಿಕ್ಷಣ ಸಂಸ್ಥೆದ ಎದುರಡೇ ಡಂಪಿಂಗ್ ಯಾರ್ಡ್ ದಂಚಿನ ಬಸ್ ಸ್ಯಾಂಡ್!

“ನಮ್ಮ ಕುಡ್ಲ”ದ ಲೀಲಾಕ್ಷ ಬಿ. ಕರ್ಕೇರ ಮೆರೆಗ್ ಕಂಬುಲ ಅಕಾಡೆಮಿ ಪ್ರಶಸ್ತಿ

ಯುಕೆ ತುಳು ಕಮ್ಯುನಿಟಿಗ್ ಪೊಸ ಪದಾಧಿಕಾರಿಲೆನ ಆಯ್ಕೆ