ಕಾಸ್ರೋಡ್ ಸುದ್ದಿ | Kasargod News

ಚಾಮರಾಜನಗರಡ್ 6 ಸಾರ ಲೀಟರ್ ಲಿಕ್ವಿಡ್ ಆಕ್ಸಿಜನ್ ಸಾಮರ್ಥ್ಯದ ಪ್ಲಾಂಟ್‌ದ ಉದಿಪನ

Apr 30, 2021

ಚಾಮರಾಜನಗರ, ಏಪ್ರಿಲ್ 30; ಚಾಮರಾಜನಗರಡ್ 6 ಸಾರ ಲೀಟರ್ ಲಿಕ್ವಿಡ್ ಆಕ್ಸಿಜನ್ ಸಾಮರ್ಥ್ಯದ ಪ್ಲಾಂಟ್‌ದ ಉದಿಪನ ಮಲ್ತೆರ್ . ಕೋವಿಡ್ ಪೊರ್ತುಡು ಈ ಪ್ಲಾಂಟ್‌ರ್ದ್ ರೋಗಿಲೆಗ್ ಸಾಕಾಯ ಆಪುಂಡು.

ಚಾಮರಾಜನಗರ ಜಿಲ್ಲಾ ಉಸ್ತುವಾರಿ ಸಚಿವ ಸುರೇಶ್ ಕುಮಾರ್ ಆಕ್ಸಿಜನ್ ಪ್ಲಾಂಟ್‌ನ್ ಉದಿಪನ ಮಲ್ತೆರ್ .ನೆರ್ದಾವರ ಜಿಲ್ಲಾ ಕೋವಿಡ್ ಆಸ್ಪತ್ರೆಡ್ ಉಪ್ಪುನ 120 ಹಾಸಿಗೆದ ರೋಗಿಲೆಗ್ ಒಂಜಿ ವಾರ ಮುಟ್ಟ ಆಮ್ಲಜನಕನ್ ಪೂರೈಕೆ ಮಲ್ಪೋಲಿ .

600 ಜಂಬೋ ಸಿಲಿಂಡರ್‌ದಾತ್ ಆಮ್ಲಜನಕನ್ ಇಂದು ಸಂಗ್ರಹ ಮಲ್ಪುಂಡು. ಸ್ವಯಂ ಚಾಲಿತ ತಂತ್ರಜ್ಞಾನ ವ್ಯವಸ್ಥೆಲಾ ಉಂಡು. ಇತ್ತೆ ಆಸ್ಪತ್ರೆಡ್ ಒಂಜಿ ಗಂಟೆಗ್ 10 ಆಕ್ಸಿಜನ್ ಸಿಲಿಂಡರ್ ಬಳಕೆ ಆವೊಂದು ಉಂಡು .

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಲಸಿಕೆ ದೆತೊನುನ ದುಂಬು ಸ್ವಯಂ ಪ್ರೇರಿತೆರಾದ್ ನೆತ್ತೆರ್ ದಾನ ಮಲ್ಪುಲೇ : ಭಾರತೀಯ ರೆಡ್ ಕ್ರಾಸ್ ಸಂಸ್ಥೆರ್ದ್ ಬಿನ್ನಾಪು

Apr 30, 2021

ಬೆಂಗಳೂರು, ಏಪ್ರಿಲ್ 30: ಮೇ 1 ತಾರೀಖ್ ರ್ದ್ 18 ವರ್ಷ ಮಿತ್ತ್ದ ಮಾತೆರ್ಲ ಕೊರೊನಾ ಲಸಿಕೆ ಕೊರೊಡು ಪಂದ್ ರಾಜ್ಯ ಬೊಕ್ಕ ಕೇಂದ್ರ ಸರ್ಕಾರ ತೀರ್ಮಾನ ಮಲ್ದೆರ್ . ಇಂಚಾದ್ ಲಸಿಕೆ ದೆತೊನುನ ದುಂಬು ಜವನ್ಯೆರ್,ಸ್ವಯಂ ಪ್ರೇರಿತ ನೆತ್ತೆರ್ ದಾನಿಲು ಸ್ವಯಂಸೇವಕೆರ್ ನೆತ್ತೆರ್ ದಾನ ಮಲ್ತಿ ಬೊಕ್ಕ ಲಸಿಕೆ ದೆತೊನ್ಲೆ ಪಂದ್ ಭಾರತೀಯ ರೆಡ್ ಕ್ರಾಸ್ ಸಂಸ್ಥೆದ ಕರ್ನಾಟಕ ರಾಜ್ಯ ಶಾಖೆದ ಗೌರವ ಕೋಶಾಧ್ಯಕ್ಷ ಆನಂದ ಎಸ್ ಜಿಗಜಿನ್ನಿ ಬಿನ್ನಾಪು ಮಲ್ದೆರ್ .

ಕೊರೊನಾ ರಡ್ಡನೆ ಅಲೆ, ಲಾಕ್ ಡೌನ್, ಕರ್ಫ್ಯೂರ್ದಾವರ ಇತ್ತೆ ನೆತ್ತೆರ್ ದ ಸಂಗ್ರಹ ಪ್ರಮಾಣ ಶೇಕಡಾ 50 ದಾತ್ ಕುಗ್ಗು ದುಂಡು. ಮೇ ತಿಂಗೊಲು ರ್ದ್ 18 ವರ್ಷ ಮಿತ್ತ್ ದಕ್ಲೆಗ್ ಲಸಿಕೆ ಅಭಿಯಾನ ಸುರು ಆವೊಂದು ಉಂಡು . ರಾಷ್ಟ್ರೀಯ ರಕ್ತಚಾಲನ ಪರಿಷತ್ ನೀರ್ದೇಶನ ಬೊಕ್ಕ ಕೇಂದ್ರ ಸರ್ಕಾರದ ಮಾರ್ಗಸೂಚಿದ ಪ್ರಕಾರ ಲಸಿಕೆ ದೆತೊನಿನಕುಲು ನನ ದುಂಬುದ 28 ದಿನ ನೆತ್ತೆರ್ ದಾನ ಮಲ್ಪೊಡು ಪಂದ್ ಪಂಡೆರ್.

ಪ್ರಧಾನಮಂತ್ರಿ ನರೇಂದ್ರ ಮೋದಿನ್ ಭೇಟಿ ಆಯಿನ ಭಾರತೀಯ ಸೇನಾ ಪಡೆತ ಗುರ್ಕಾರ್ಲಾಯಿನ ಜನರಲ್ ಎಂ.ಎಂ. ನರವಾಣೆ

Apr 30, 2021

ನವದೆಹಲಿ, ಏಪ್ರಿಲ್ 30: ಭಾರತೀಯ ಸೇನಾ ಪಡೆತ ಗುರ್ಕಾರ್ಲಾಯಿನ ಜನರಲ್ ಎಂ.ಎಂ. ನರವಾಣೆ ಮೇರ್ ಪ್ರಧಾನಮಂತ್ರಿ ನರೇಂದ್ರ ಮೋದಿನ್ ಭೇಟಿ ಆಯೆರ್ .

ಕೋವಿಡ್ ನಿರ್ವಹಣೆಗಾದ್ ಸೇನೆದ ನೆರವುಗಾದ್ ಬೇತೆ ಬೇತೆ ಉಪಕ್ರಮದ ಬಗ್ಗೆ ರಡ್ಡ್ ಜನ ಚರ್ಚೆ ಮಲ್ತೆರ್ ಪಂದ್ ಪ್ರಧಾನಿ ಸಚಿವಾಲಯ ಪಂಡೆರ್.

ಸೇನೆದ ವೈದ್ಯಕೀಯ ಸಿಬ್ಬಂದಿಲೆನ್ ಬೇತೆ ಬೇತೆ ರಾಜ್ಯ ಸರ್ಕಾರದ ಸೇವೆಗ್ ಲಭ್ಯ ಆಪುಲಕ ಮಲ್ದ ಪಂದ್ ಜನರಲ್ ಎಂ.ಎಂ. ನರವಾಣೆ ಮೇರ್ ಪ್ರಧಾನಮಂತ್ರಿಗ್ ತೆರಿಪಾಯೆರ್. ದೇಶದ ಬೇತೆ ಬೇತೆ ಭಾಗಡ್ ತಾತ್ಕಾಲಿಕ ಆಸ್ಪತ್ರೆಲೆನ್ ಸೇನೆ ಸ್ಥಾಪನೆ ಮಲ್ತೊಂದು ಉಲ್ಲ ಪಂದ್ ತೆರಿಪಾಯೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಗೌಜಿ ಗಮ್ಮತ್ ದ ಸುದ್ದಿ | Events & Functions ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಕಬಿತೆ | Tulu Poetry ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News

ಸುವರ್ಣ ಮಹೋತ್ಸವದ ಸಂಭ್ರಮಡ್ ಉಪ್ಪುನ ಡಾ.ಪರಮೇಶ್ವರ ಉಡುಪೆರೆಗ್ ಮಾನದಿಗೆ

Apr 30, 2021

ಸಿದ್ದಾಪುರ, ಎಪ್ರಿಲ್ 30 : ಗ್ರಾಮೀಣ ಭಾಗಡ್ ಸುದೀರ್ಘ ವೈದ್ಯಕೀಯ ಸೇವೆ ಮಲ್ತ್ ದ್ , ಸುವರ್ಣ ಮಹೋತ್ಸವದ ಸಂಭ್ರಮಡ್ ಉಪ್ಪುನ ಡಾ.ಪರಮೇಶ್ವರ ಉಡುಪ ಮೆರೆಗ್ ಗ್ರಾಮಸ್ಥೆರ್ ಮಾನದಿಗೆ ಮಲ್ತೆರ್.

ಸಾಮಾಜಿಕ ಕಾರ್ಯಕರ್ತ ಉದ್ಯಮಿ ಸುರೇಶ್ ಶೆಟ್ಟಿ ಆರ್ಡಿ ಪಾತೆರ್ದ್ , ‘ಕೋವಿಡ್‌ದಂಚಿನ ಸಂಕಷ್ಟ ಪರಿಸ್ಥಿತಿಡ್ ಗ್ರಾಮೀಣ ಭಾಗದ ಜನಕ್ಲೆಗ್ ಕಡಿಮೆ ಖರ್ಚ್ ಡ್ ಸೇವೆ ಕೊರ್ಪಿನ ಮುಖೇನ ಡಾ. ಉಡುಪ ಮೇರ್ ಜನಮನ್ನಣೆಗ್ ಪಾತ್ರರಾತೆರ್.ಮಾಣಿ ಡಾಕ್ಟರ್ ಪಂದೆ ಪುಗಾರ್ತೆ ಪಡೆಯಿನ ಮೇರ್ ಆರ್ಡಿ, ಅಲ್ಬಾಡಿ, ಮಡಾಮಕ್ಕಿ, ಶೇಡಿಮನೆ ಭಾಗದ ಜನತೆಗ್ ಐವ ವರ್ಷರ್ದ್ ಉತ್ತಮ ಸೇವೆ ಮಲ್ತೊಂದು ಉಲ್ಲೆರ್ .

ಮೇ 1 ತಾರೀಖ್ ರ್ದ್ 18 ವರ್ಷ ಮಿತ್ತ್ ದಕ್ಲೆಗ್ ಲಸಿಕೆ ತಿಕ್ಕುನ ಅನುಮಾನ

Apr 30, 2021

ಬೆಂಗಳೂರು, ಎಪ್ರಿಲ್ 30: 18 ವರ್ಷರ್ದ್ ಮಿತ್ತ್ ದಕ್ಲೆಗ್ ಮೇ 1 ತಾರೀಖ್ ರ್ದ್ ಲಸಿಕೆ ಕೊರಿಯರೆ ಕೇಂದ್ರ ಸರ್ಕಾರ ಸೂಚನೆ ಕೊರ್ತುಂಡು . ಆಂಡ ರಾಜ್ಯಡ್ ಮೇ 1ರ್ದ್ ಲಸಿಕೆ ಸುರು ಆಪಿನ ಅನುಮಾನ ಪನೊಂದು ಉಲ್ಲೆರ್ . ಕಾರಣ ಲಸಿಕೆದ ಕೊರತೆ!

ಕರ್ನಾಟಕಗ್ 94,47,900 ಡೋಸ್‌ ಕೊರ್ತೆರ್ . ಈ ಪೈಕಿ, 91,01,215 ಡೋಸ್‌ ಫಲಾನುಭವಿಲೆಗ್ ಕೊರ್ತೆರ್ , ಇತ್ತೆ ರಾಜ್ಯಡ್ 3,46,685 ಡೋಸ್‌ ಲಭ್ಯ ಉಂಡು . ಆತೆ ಅತ್ತoದೆ ರಾಜ್ಯಡ್ 4 ಲಕ್ಷ ಡೋಸ್‌ ಹೆಚ್ಚುವರಿಯಾದ್ ಲಸಿಕೆ ಕೊರ್ಪ ಪಂದ್ ಸಚಿವಾಲಯ ಕೊರ್ತುಂಡು.

ಸರಕಾರದ ಮುಖ್ಯ ಕಾರ್ಯದರ್ಶಿ ಪಿ. ರವಿ ಕುಮಾರ್‌, ಒಂಜಿ ಕೋಟಿ ಲಸಿಕೆಗ್ ಆದೇಶ ಕೊರ್ತುಂಡು , ಕಂಪೆನಿಲು ಕೊರೊಡು . ಐರ್ದ್ ಬೊಕ್ಕ ಲಸಿಕೆ ಕೊರ್ರೆ ನಿರ್ಧಾರ ಮಲ್ಪೋಲಿ .

ಒಡಿಪುಡು 664 ಕೊರೋನ ಸೋಂಕು ಪತ್ತೆ

Apr 30, 2021

ಒಡಿಪು , ಎ.30: ಜಿಲ್ಲೆಡ್ ಕೋವಿಡ್-19 ತ್ತ ರಡ್ಡನೆ ಅಲೆ ಮಾತೆರ್ನ ನಿರೀಕ್ಷೆನ್ ಮೀರ್ದ್ ಜಿಲ್ಲೆಡ್ ಬಾರಿ ಬೇಗಡ್ ಪರಡೊಂದು ಉಂಡು.ಬುಧವಾರ ಜಿಲ್ಲೆಡ್ 664 ಜನಕ್ ಕೊರೋನ ಸೋಂಕು ಧೃಡ ಆತುಂಡು . ಇಂದು ಜಿಲ್ಲೆಡ್ ಒಂಜೇ ದಿನಟ್ ತೊಜಿನ ಜಾಸ್ತಿ ಪಾಸಿಟಿವ್ ಸಂಖ್ಯೆ ಆತುಂಡು .ನೆತ್ತೋಟ್ಟುಗು ದಿನಟ್ 326 ಜನ ಸೋಂಕುರ್ದ್ ಹುಷಾರ್ ಆಂಡ ಸೋಂಕುಗು ಸಕ್ರಿಯರಾದುಪ್ಪುನಕ್ಲೆನ ಸಂಖ್ಯೆಲಾ ಇತ್ತೆ 2230ಕ್ಕ್ ಯೇರ್ದುಂಡು ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ. ಸುಧೀರ್‌ಚಂದ್ರ ಸೂಡ ತೆರಿಪಾದೆರ್ .

ಒಡಿಪು ಜಿಲ್ಲಾಸ್ಪತ್ರೆ ರಕ್ತನಿಧಿ ಘಟಕ ವತಿರ್ದ್ ಸ್ವಯಂ ಪ್ರೇರಿತ ನೆತ್ತೆರ್ ದಾನ ಶಿಬಿರ

Apr 30, 2021

ಒಡಿಪು, ಎಪ್ರಿಲ್ 30: ಲಯನ್ಸ್ ಕ್ಲಬ್ ಒಡಿಪು ಲಕ್ಷ್ಯ, ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ, ಗೋಳಿಕಟ್ಟೆ ಮುನ್ನೊಳಿಗುಜ್ಜಿ, ಒಡಿಪು ಜಿಲ್ಲಾಸ್ಪತ್ರೆ ರಕ್ತನಿಧಿ ಘಟಕದ ಒಟ್ಟು ಸೇರಿಗೆಡ್ ಸ್ವಯಂ ಪ್ರೇರಿತ ನೆತ್ತೆರ್ ದಾನ ಶಿಬಿರ ಮೇ 1,2021 ನೇ ಶನಿವಾರ ಕಾಂಡೆ 8:30 ರ್ದ್ ಮಧ್ಯಾಹ್ನ 1 ಗಂಟೆ ಮುಟ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಗೊಳಿಕಟ್ಟೆ ಡ್ ನಡಪರೆ ಉಂಡು.

ಹೃದಯಾಘಾತಡ್ ತೀರ್ ಪೋಯಿನ ಏರ್ ಇಂಡಿಯಾ ಉದ್ಯೋಗಿಯಾದ್ ನಿವೃತ್ತಿ ಪಡೆಯಿನ ಮೋಹನ್ ಪೂಜಾರಿ

Apr 30, 2021

ಬೊಂಬಾಯಿ, ಏಪ್ರಿಲ್ 30: ಮೂಲತಃ ಕದ್ರಿದಾರಾಯಿನ ದೂರದ ಬೊಂಬಾಯಿದ ಮೀರಾ ರೋಡ್ ಅವಿಸ್ಕಾರ್ ಸೊಸೈಟಿದ ನಿವಾಸಿ, ಏರ್ ಇಂಡಿಯಾ ಉದ್ಯೋಗಿಯಾದ್ ನಿವೃತ್ತಿ ಪಡೆಯಿನ ಮೋಹನ್ ಪೂಜಾರಿ (67) ಮೇರ್ ಹೃದಯಾಘಾತಡ್ ಬುಧವಾರದಾನಿ ಬೈಯ 4 ಗಂಟೆಗಗ್ ತನ್ನ ಸ್ವಗ್ರಹ ಡ್ ತೀರ್ ಪೋಯೆರ್. ಮೃತೆರ್ನ ಬೊಡೆದಿ ಮಸ್ತ್ ಸಂಘ ಸಂಸ್ಥೆಲೆದ ಸಕ್ರಿಯ ಕಾರ್ಯಕರ್ತೆಯಾಯಿನ ಗೀತಾ ಎಂ ಪೂಜಾರಿ. ಅಂಚನೇ ಜೋಕುಲು ಮಿತುನ್ ಬೊಕ್ಕ ನಿತೀನ್ ಅಂಚನೇ ತಂಗಡಿ ಬೇಬಿ ಬೊಕ್ಕ ಇಷ್ಟ ಮಿತ್ರೆರೆರ್ದ್ ದೂರ ಆತೆರ್.

ಮೋಹನ್ ಪೂಜಾರಿ 2004ಟ್ಟ್ ಮೀರಾ ರೋಡ್ ಶ್ರೀ ಶನೀಶ್ವರ ಸೇವಾ ಸಮಿತಿ (ಇತ್ತೆದ ಶ್ರೀ ಶನೀಶ್ವರ ಮಂದಿರ)ನೆತ್ತ ಸ್ಥಾಪಕ ಒತ್ತುಗುರ್ಕಾರ್ಲಾದ್ ಸೇವೆ ಮಲ್ದೆರ್ ಬಿಲ್ಲವರ ಅಸೋಸಿಯೇಷನ್ ಮುಂಬಯಿ ಮೀರಾ ರೋಡ್ ಸ್ಥಳೀಯ ಸಕ್ರಿಯವಾದಿತ್ತಿನ ಮೇರ್ ಮಿರಾ ಭಯಿಂದರ್ದ ಕೆಲವು ಸಂಘ ಸಂಸ್ಥೆಡ್ ನಿಸ್ವಾರ್ಥ ಸೇವೆ ಮಲ್ದೆರ್. ಕಲಾ ಪೋಷಕೆರಾಯಿನ ಪೂಜಾರಿಲು ಮೀರಾರೋಡ್ಡ್ ಅವ್ವೆತೋ ಯಕ್ಷಗಾನ ದಂಚಿನ ಸಾಂಸ್ಕೃತಿಕ ಧಾರ್ಮಿಕ ಕಾರ್ಯಕ್ರಮಲೆನ್ ಸ್ವತಃ ಅಟ್ಟನೆ ಮಲ್ತೊಂದು,ಸಮಾಜ ಸೇವೆಡ್ ಲಾ ನಿರಂತರ ಪಾಲ್ ಪಡೆಯೊಂದು ಮಾತೆರೆಗ್ಲಾ ಏರ್ ಇಂಡಿಯಾ ಮೋಹನ್ ಪಂದೆ ಪುಗಾರ್ತೆ ಪಡೆಯಿನ ಮೆರೆನ ಪಾರ್ಥಿವ ಶರೀರದ ಅಂತ್ಯ ಕ್ರಿಯೆಡ್ ಮೀರಾ ರೋಡ್ ಶ್ರೀ ಶನೀಶ್ವರ ಸೇವಾ ಸಮಿತಿ, ಬಿಲ್ಲವರ ಅಸೋಸಿಯೇಷನ್ ಮುಂಬಯಿ, ಮೀರಾ ರೋಡ್ ಕೈತಲ್ ದ ಕಚೇರಿ,ತುಳುನಾಡ ಸೇವಾ ಸಮಾಜ ಮೀರಾ ಭಯಿಂದರ್,ತುಳು ಕನ್ನಡ ವೆಲ್ಪೇರ್ ಅಸೋಸಿಯೇಷನ್ ಮೀರಾ ಭಯಿಂದರ್, ಚಾಮುಂಡೇಶ್ವರಿ ಸನ್ನಿಧಿ ಮೀರಾ ರೋಡ್,ಶ್ರೀ ದುರ್ಗಾಪರಮೇಶ್ವರಿ ಭಕ್ತ ವ್ರಂದ ಮೀರಾ ಭಯಿಂದರ್, ನಿತ್ಯನಂದ ಸೇವಾ ಸಮಿತಿ ಮೀರಾ ಭಯಿಂದರ್,ನನಾತ್ ಸಂಘ ಸಂಸ್ಥೆದ ಪದಾಧಿಕಾರಿಲು ಬೊಕ್ಕ ಅಭಿಮಾನಿಲು ಕಣ್ಣ ನೀರ ಪನಿತರ್ಪಣ ಮಲ್ತೆರ್.

ಉಡುಪಿದ ಸುದ್ದಿ | Udupi News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ಕೊರೊನಾ ಲಾಕ್ ಡೌನ್ ಪೊರ್ತುಡ್ ನಿರ್ಗತಿಕೆರ್ನ ಬಡಾವು ತೆಕ್ಕಾದ್ ಮಾನವೀಯತೆ ಮೆರೆಯಿನ‌ ಒಡಿಪುದ ಅನ್ಸಾರ್ ಅಹಮದ್ ಬೊಕ್ಕ ಕೂಟ

Apr 29, 2021

ಒಡಿಪು, ಎಪ್ರಿಲ್ 29: ಕೊರೊನಾ ಮಹಾಮಾರಿಡಾದ್ ಲಾಕ್ ಡೌನ್ ಪೊರ್ತುಡ್ ಹೋಟೆಲ್ ಪೂರಾ ಬಂದ್ ಉಪ್ಪುನೆಡ್ದಾವರ ಕಾಸ್ ಇತ್ತಿನಕುಲ್ ಪಾರ್ಸೆಲ್ ಕೊನೊದ್ ತಿನುವೆರ್.ಆಂಡ ರಸ್ತೆಡ್ ಬತ್ತಿನಕಲೆಡ್ ಹೋಟೇಲ್ ದಕಲೆಡ ಭಿಕ್ಷೆ ಬೇಡೊಂದ್ ತಿನೊಂದಿತ್ತಿನಕುಲು ಲಾಕ್ ಡೌನ್ ಪೊರ್ತುಡ್ ಗತಿದಾಂತೆ ಬಂಜಿದ ಬಡಾವುಗಾದ್ ಪರದಾಡುನ ಪರಿಸ್ಥಿತಿ ಬೈದುಂಡ್.ಅಕಲೆಗ್ ಬಂಜಿದ ಬಡಾವು ತೆಕ್ಕಾವುನ ಬೇಲೆ ಮಲ್ತೊಂದುಲ್ಲೆರ್ ಒಡಿಪುದ ಅನ್ಸಾರ್ ಅಹಮದ್..ಅನ್ಸಾರ್ ಮೇರ್ ಕರಿನ ಸರ್ತಿ ಲಾಕ್ ಡೌನ್ ಆಯಿನ ಪೊರ್ತುಡ್ ಒಂಜಿ ತಿಂಗೊಲ್ ಇಡೀ ಸಾದಿಡ್ ತಿರ್ಗೊಂದಿತ್ತಿನಕಲೆಗ್ ವನಸ್ ದ ವ್ಯವಸ್ಥೆ ಮಲ್ತುದಿತ್ತೆರ್..ಈ ಸರ್ತಿ ಭಿಕ್ಷುಕೆರೆಗ್ ,ಮಾನಸಿಕ ಅಸ್ವಸ್ಥೆರೆಗ್,ಗತಿದಾಂತೆನಕಲೆಗ್ ಬಂಜಿದ ಬಡಾವು ತೆಕ್ಕಾವೊಂದುಲ್ಲೆರ್..ಮೆರೆನ ಈ ಎಡ್ಡೆ ಬೇಲೆಗ್ ಒಡಿಪುದ ದಾನಿಲು ಸಹಕಾರ ಕೊರೊಂದುಲ್ಲೆರ್.

ನಿರಂತರ ಸಮಾಜಸೇವೆಡ್ ತ್ರಪ್ತಿ ಪಡೆಯುನ ಅನ್ಸಾರ್ ಮೆರೆನ ಈ ಬೇಲೆನ್ ನಿಜವಾದುಲಾ ಮೆಚ್ಚೊಡಾಯಿನವು.

ಮುಸ್ಲಿಂ ಬಾಂಧವೆರಾಯಿನ ಅನ್ಸಾರ್ ಅಹಮದ್ ಇತ್ತೆ ರಮ್ಜಾನ್ ದ ಪೊರ್ತುಡ್ ತಾನ್ ಉಪವಾಸ ಇತ್ತುಂಡಲಾ ನಿರ್ಗತಿಕೆರ್ ಬಂಜಿಗ್ ದಾಂತೆ ಉಪ್ಪರೆ ಬಲ್ಲಿ ಪಂಡುದ್ ತನ್ನ ದೋಸ್ತಿಲೆನ ಒಟ್ಟುಡ್ ಸೇರೊಂದ್ ಈ ಎಡ್ಡೆ ಕಜ್ಜೊನ್ ಮಲ್ತೊಂದುಲ್ಲೆರ್..ಮೊಕಲೆನ ಎಡ್ಡೆ ಕಜ್ಜೊಗ್ ದೇವೆರ್ನ ಬೆರಿಬಲ ಉಪ್ಪಡ್ ಪಂಡುದ್ ನಮ ನಟ್ಟೊನುಗಾ.ಕೋಡೆ ಸುಮಾರ್ 250 ಜನ ನಿರ್ಗತಿಕೆರೆಗ್ ವನಸ್ ದ ವ್ಯವಸ್ಥೆ ಮಲ್ತುದೆರ್.ಕೊರೊನಾ ಲಾಕ್ ಡೌನ್ ಮುಗಿಯಮುಟ್ಡ ಒಡಿಪುಡುಪ್ಪುನ ಗತಿದಾಂತಿನಕಲೆಗ್ ವನಸ್ ದ ವ್ಯವಸ್ಥೆನ್ ಈ ಜವನೆರೆನ ತಂಡ ಮಲ್ಪುವೆರೆಗೆ.

ಅಗತ್ಯ ಸೇವೆ Emergency Services ಉಡುಪಿದ ಸುದ್ದಿ | Udupi News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ಕುಡ್ಲಡ್ ಬುಧವಾರ ಜಾಸ್ತಿ ಸಂಖ್ಯೆಡ್ ಸೋಂಕು ಪತ್ತೆ

Apr 29, 2021

ಕುಡ್ಲ, ಎಪ್ರಿಲ್ 29: ಕುಡ್ಲಡ್ ಬುಧವಾರ 664 ಜನಕ್ ಕೊರೊನಾ ಸೋಂಕು ಬೈದುಂಡು . ಅಂಚನೇ 256 ಜನ ಸೋಂಕಿತೆರ್ ಬುಧವಾರ ಹುಷಾರ್ ಆದ್ ಪೋತೆರ್ . ದಕ್ಷಿಣ ಕನ್ನಡ ಡ್ ಬುಧವಾರ ವರದಿಯಾಯಿನ 664 ಕೊರೊನಾ ವೈರಸ್‌ ಪ್ರಕರಣ ಸೇರಿನಂಚ ಪೇಂಟೆಡ್ ಒಟ್ಟು ಕೊರೊನಾ ಸೋಂಕು ಪ್ರಕರಣದ ಲೆಕ್ಕ 42,729 ಕ್ಕ್ ಏರಿಕೆಯಾತುಂಡು .

ಈ ಪೈಕಿ 4694 ಪ್ರಕರಣ ಸಕ್ರಿಯ ಆದುಂಡು ಒಟ್ಟು 7,29,742 ಮಾದರಿಲೆನ್ ಒಟ್ಟು ಮಲ್ದೆರ್ ಐಟ್ 687013 ಮಾದರಿ ನೆಗೆಟಿವ್‌ ಬೈದುಂಡು .

ಕಾಸ್ರೋಡ್ ಸುದ್ದಿ | Kasargod News

ಚಾಮರಾಜನಗರಡ್ 6 ಸಾರ ಲೀಟರ್ ಲಿಕ್ವಿಡ್ ಆಕ್ಸಿಜನ್ ಸಾಮರ್ಥ್ಯದ ಪ್ಲಾಂಟ್‌ದ ಉದಿಪನ

ಲಸಿಕೆ ದೆತೊನುನ ದುಂಬು ಸ್ವಯಂ ಪ್ರೇರಿತೆರಾದ್ ನೆತ್ತೆರ್ ದಾನ ಮಲ್ಪುಲೇ : ಭಾರತೀಯ ರೆಡ್ ಕ್ರಾಸ್ ಸಂಸ್ಥೆರ್ದ್ ಬಿನ್ನಾಪು

ಪ್ರಧಾನಮಂತ್ರಿ ನರೇಂದ್ರ ಮೋದಿನ್ ಭೇಟಿ ಆಯಿನ ಭಾರತೀಯ ಸೇನಾ ಪಡೆತ ಗುರ್ಕಾರ್ಲಾಯಿನ ಜನರಲ್ ಎಂ.ಎಂ. ನರವಾಣೆ

ಸುವರ್ಣ ಮಹೋತ್ಸವದ ಸಂಭ್ರಮಡ್ ಉಪ್ಪುನ ಡಾ.ಪರಮೇಶ್ವರ ಉಡುಪೆರೆಗ್ ಮಾನದಿಗೆ

ಮೇ 1 ತಾರೀಖ್ ರ್ದ್ 18 ವರ್ಷ ಮಿತ್ತ್ ದಕ್ಲೆಗ್ ಲಸಿಕೆ ತಿಕ್ಕುನ ಅನುಮಾನ

ಒಡಿಪುಡು 664 ಕೊರೋನ ಸೋಂಕು ಪತ್ತೆ

ಒಡಿಪು ಜಿಲ್ಲಾಸ್ಪತ್ರೆ ರಕ್ತನಿಧಿ ಘಟಕ ವತಿರ್ದ್ ಸ್ವಯಂ ಪ್ರೇರಿತ ನೆತ್ತೆರ್ ದಾನ ಶಿಬಿರ

ಹೃದಯಾಘಾತಡ್ ತೀರ್ ಪೋಯಿನ ಏರ್ ಇಂಡಿಯಾ ಉದ್ಯೋಗಿಯಾದ್ ನಿವೃತ್ತಿ ಪಡೆಯಿನ ಮೋಹನ್ ಪೂಜಾರಿ

ಕೊರೊನಾ ಲಾಕ್ ಡೌನ್ ಪೊರ್ತುಡ್ ನಿರ್ಗತಿಕೆರ್ನ ಬಡಾವು ತೆಕ್ಕಾದ್ ಮಾನವೀಯತೆ ಮೆರೆಯಿನ‌ ಒಡಿಪುದ ಅನ್ಸಾರ್ ಅಹಮದ್ ಬೊಕ್ಕ ಕೂಟ

ಕುಡ್ಲಡ್ ಬುಧವಾರ ಜಾಸ್ತಿ ಸಂಖ್ಯೆಡ್ ಸೋಂಕು ಪತ್ತೆ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ