ಕಾಸ್ರೋಡ್ ಸುದ್ದಿ | Kasargod News

ಮುಲ್ಕಿ ರೋಟರಿ ಕ್ಲಬ್ ಗ್ ಪೊಸ ಗುರ್ಕಾರ್ಲಾದ್ ಶಿವರಾಮ ಜಿ. ಅಮೀನ್ ಆಯ್ಕೆ

ಮುಲ್ಕಿ, ಜುಲೈ 5: ಮುಲ್ಕಿ: ರೋಟರಿ ಕ್ಲಬ್‌ 2021-22ನೇ ವರ್ಸದ ಬೊಳ್ಳಿ ಪರ್ಬದ ವರ್ಷದ ಗುರ್ಕಾರ್ಲು ಆದ್ ಮುಲ್ಕಿ ಪ್ರಮೋದ್ ಇಲೆಕ್ಟ್ರಾನಿಕ್ಸ್ ಬೊಕ್ಕ ಫರ್ನಿಚರ್‌ದ ಧಣಿ ಶಿವರಾಮ ಜೆ. ಅಮೀನ್ ಆಯ್ಕೆ ಆತೆರ್.

ಕಾರ್ಯಂತೆರಾದ್ ರವಿಚಂದ್ರ, ಪಣವುದ ಪಾಲವೆರಾದ್ ರಮೆಂಡ್ ರೆಬೆಲ್ಲೊ,ದಂಡಪಾಣಿಯಾದ್ ಭುಜಂಗ ಕವತ್ತಾರ್, ಸಂಘ ಸೇವಾ ನಿರ್ದೇಶಕರಾದ್ ಜಿನರಾಜ್ ಸಾಲ್ಯಾನ್, ಸಮುದಾಯ ಸೇವಾ ನಿರ್ದೇಶಕರಾದ್ ಎಮ್. ನಾರಾಯಣ, ವೃತ್ತಿ ಸೇವಾ ನಿರ್ದೇಶಕೆರಾದ್ ಅಬ್ಬಾಸ್ ಅಲಿ, ಅಂತಾರಾಷ್ಟ್ರೀಯ ಸೇವಾ ನಿರ್ದೇಶಕೆರಾದ್
ಜೊವಿನ್ – ಪ್ರಕಾಶ್ ಡಿಸೋಜ, ಯುವ ಸೇವಾ ನಿರ್ದೇಶಕರಾದ್ ಲಿಯಾಖತ್ ಆಲಿ, ಅಂತಾರಾಷ್ಟ್ರೀಯ ದತ್ತಿ ನಿಧಿ ಸಭಾಪತಿ ಆದ್ ರಾಜಾ ಪತ್ರಾವೊ ಅಂಚೆನೇ ಸಂಸ್ಥೆದ ಪತ್ರಿಕೆ “ಮೂಲಿಕಾ’ ಉಂದೆತ್ತ ಸಂಪೊಲಿಗೆದಾರ್ ಆದ್ ಯಶವಂತ್ ಎನ್. ಸಾಲ್ಯಾನ್, ನಿಕಟಪೂರ್ವ ಅಧ್ಯಕ್ಷೆರ್ ಅಶೋಕ್ ಕುಮಾರ್ ಶೆಟ್ಟಿ ಆಯ್ಕೆ ಆತೆರ್.

ಇನಿರ್ದ್ ಶಾಪಿಂಗ್ ಮಾಲ್ ಸುರು ಮಲ್ಪರೆ ಅನುಮತಿ : ದ.ಕ. ಜಿಲ್ಲಾಧಿಕಾರಿ ರಾಜೇಂದ್ರ

ಕುಡ್ಲ , ಜು.5: ರಾಜ್ಯಡ್ 3ನೇ ಹಂತದ ಅನ್‌ಲಾಕ್ ಘೋಷಣೆಯಾತ್oಡ್ , ಜು.5ರ್ದ್ ಜು.19ರ ಮುಟ ಕುಡ್ಲಡ್ ಕೆಲವು ಚಟುವಟಿಕೆಗ್ ಪೂರ್ಣ ವಿನಾಯಿತಿ ಕೊರ್ತೆರ್ . ವಾರಾಂತ್ಯ ಕರ್ಫ್ಯೂ ಮುಗಿದುಂಡು . ಆಂಡ ರಾತ್ರಿ 9 ಗಂಟೆರ್ದ್ ಕಾಂಡೆ 5 ಗಂಟೆ ಮುಟ ರಾತ್ರಿ ಕರ್ಫ್ಯೂ ದುoಬರಿಯರೆ ಉಂಡು ಪಂದ್ ದ.ಕ. ಜಿಲ್ಲಾಧಿಕಾರಿ ಡಾ.ಕೆ.ವಿ.ರಾಜೇಂದ್ರ ಪಂಡೆರ್ .

ಸರಕಾರಿ, ಖಾಸಗಿ ಬಸ್‌ಗ್ ಶೇ.100 ದಾತ್ ಪ್ರಯಾಣ ಮಲ್ಪರೆ ಅವಕಾಲ್ ಉಂಡು . ದೇವಸ್ಥಾನ, ಮಸೀದಿ, ಚರ್ಚ್‌ ಕಾಲಿ ಪ್ರಾರ್ಥನೆ, ದರ್ಶನಗ್ ಮಾತ್ರ ಅವಕಾಶ ಕೊರ್ತೆರ್ . ಆಂಡ ಒವ್ವೆ ಸೇವಾ ಚಟುವಟಿಕೆಗ್ ಅನುಮತಿ ಇಜ್ಜಿ . ರಾಜ್ಯ ಸರಕಾರದ ಪರಿಷ್ಕೃತ ಮಾರ್ಗಸೂಚಿನ್ ಯಥಾವತ್ತಾದ್ ಪಾಲಿಸಸಾವೊಡು ಪಂದ್ ದ.ಕ. ಜಿಲ್ಲಾಧಿಕಾರಿ ಡಾ.ಕೆ.ವಿ.ರಾಜೇಂದ್ರ ಪಂತೆರ್.

ಇನಿರ್ದ್ ಕೋವಿಡ್ ನಿಯಮ ಪಾಲನೆ ದೊಟ್ಟುಗು ಮಸೀದಿಡ್ ನಮಾಜ್ ಮಲ್ಪರೆ ಅವಕಾಶ : ಒಡಿಪು ಡಿಸಿ

ಒಡಿಪು ,ಜುಲೈ 5 ರಾಜ್ಯ ಸರಕಾರದ ಆದೇಶದ ಪ್ರಕಾರ ಕೋವಿಡ್ ನಿಯಮದ ಪಾಲನೆದೊಟ್ಟುಗು ಒಡಿಪು ಜಿಲ್ಲೆದ ಮಸೀದಿಗಡ್ ಜು.5ರ್ದ್ ನಮಾಝ್ ಮಲ್ಪರೆ ಅವಕಾಶ ಕೊರ್ತೆರ್ ಪಂದ್ ಒಡಿಪು ಜಿಲ್ಲಾಧಿಕಾರಿ ಜಿ. ಜಗದೀಶ್ ಪಂಡೆರ್ .

ಕಡ್ಡಾಯವಾದ್ ಮಾಸ್ಕ್ ಪಾರ್ದ್ , ಸುರಕ್ಷಿತ ಅಂತರ ಕಾತೊಂದು ಅಂಚನೇ ಮಸೀದಿದ ಕಟ್ಟಡದ ಸಾಮರ್ಥ್ಯಗ್ ಅನುಗುಣವಾದ್ ಸಾಮೂಹಿಕ ನಮಾಝ್ ಮಲ್ಪೊಲಿ ಪಂದ್ ಪಂಡೆರ್.

ಒಡಿಪುಡು ಮಾತಾ ಪ್ರದೇಶಗ್ಲಾ ಸರ್ಕಾರಿ ಬಸ್ ಪಾಡೊಡು ಪಂದ್ ಕ್ಯಾಂಪಸ್ ಫ್ರಂಟ್ ಬಿನ್ನಾಪು

ಒಡಿಪು, ಜುಲೈ 5; ಒಡಿಪು ಜಿಲ್ಲೆದ ಅವ್ವೆತೋ ಕಾಲೇಜುಡ್ ಲಸಿಕಾ ಅಭಿಯಾನ ಸುರು ಆತುಂಡು, ಆಂಡ ಕೆಲವು ಗ್ರಾಮಾಂತರ ಬೊಕ್ಕ ಉಲಯಿ ಭಾಗಡ್ ಉಪ್ಪುನ ಜೋಕ್ಲೆಗ್ ಬಸ್ ಇಜ್ಜಂದಿನೆರ್ದಾವರ ಕಾಲೇಜ್ ಪೋದು ಲಸಿಕೆ ಪಡೆಯರೇ ಆವೊಂದು ಇಜ್ಜಿ . ಒಡಿಪುಡು ಕೆಲವು ಭಾಗಡ್ ಸರಕಾರಿ ಬಸ್ಸುದ ಸೌಲಭ್ಯ ಇಜ್ಜಂದಿನೆರ್ದಾವರ , ಅವ್ವೆ ರೀತಿ ಕೇವಲ ನಿಗದಿತ ಪೊರ್ತುಗು ಮಾತ್ರ ಖಾಸಗಿ ಬಸ್ ಉಪ್ಪುನೆರ್ದಾವರ ಆ ಬಸ್ ತತ್ತ್oಡ ಗಂಟೆಗಟ್ಟಲೆ ಕಾಪುನ ಪರಿಸ್ಥಿತಿ ಉಪ್ಪುನೆರ್ದಾವರ ಜೋಕ್ಲೆಗ್ ಬೊಕ್ಕ ಊರ್ದಕ್ಲೆಗ್ ಬಾರಿ ಸಮಸ್ಯೆಯಾವೊಂದು ಉಂಡು , ಪರೀಕ್ಷಾ ಪೊರ್ತುಡು ಜೋಕ್ಲೆಗ್ ಸರಿಯಾಯಿನ ಪೊರ್ತುಗು ಮುಟ್ಟರೆ ಸಾಧ್ಯ ಆವಂದೆ ಜೋಕುಲು ಬಂಗ ಬರೊಂದು ಉಲ್ಲೆರ್. ಈ ಮಾತಾ ಸಮಸ್ಯೆನ್ ಗೇನಡ್ ದೀದ್ ಒಡಿಪುದ ಮಾತಾ ಜಾಗೆಗ್ಲಾ ಸರಕಾರಿ ಬಸ್ಸು ಪಾಡೋಡು , ಅಂಚನೇ ಈ ಲಾಕೌಡೌನ್ ಪೊರ್ತುಡು ಜೋಕ್ಲೆಗ್ ಕಾಲೇಜ್ ಗ್ ಪೋದು ಲಸಿಕೆ ಪಡೆಯೆರೆ ಅನುಕೂಲ ಮಲ್ತ್ ಕೊರೊಡು ಪಂದ್ ವಿದ್ಯಾರ್ಥಿಗಳಿಗೆ ಕಾಲೇಜುಗಳಿಗೆ ಬಸ್ಸಿನ ಕ್ಯಾಂಪಸ್ ಫ್ರಂಟ್ ಒಡಿಪು ವತಿರ್ದ್ ಕ ರಾ ರ ಸಾ ನಿ ಅಧಿಕಾರಿಗ್ ಬಿನ್ನಾಪು ಮಲ್ತೆರ್ .

ಈ ಪೊರ್ತುಡು ಕ್ಯಾಂಪಸ್ ಫ್ರಂಟ್ ಆಫ್ ಇಂಡಿಯಾ, ಒಡಿಪು ಜಿಲ್ಲಾ ಸಮಿತಿ ಸದಸ್ಯೆರಾಯಿನ ಅರ್ಫಾಝ್ ಒಡಿಪು ಯೂನಿಟ ಸದಸ್ಯೆರಾಯಿನ ತಾಬಿಶ್ ,ಸುಹೈಲ ಪಾಲ್ ಪಡೆದಿತ್ತೆರ್ .

ಹಿಂದು ಜಾಗರಣ ವೇದಿಕೆ ಉಳ್ಳಾಲ ತಾಲೂಕು ವತಿರ್ದ್ ಶ್ರದ್ಧಾಂಜಲಿ ಸಭೆ

ಉಳ್ಳಾಲ, ಜುಲೈ 4:ಇಂಚೋಗು ತೀರ್ ಪೋಯಿನ ಹಿಂಜಾವೇ ಸಕ್ರಿಯ ಕಾರ್ಯಕರ್ತೇರಾಯಿನ ಕುಂಪಲದ ರಾಜು ಮೆರೆಗ್ ಸಾರ್ವಜನಿಕ ಶ್ರದ್ಧಾಂಜಲಿ ಸಭೆ ಆಶ್ರಯ ಕಾಲೋನಿ ಕೊರಗಜ್ಜ ಕ್ಷೇತ್ರದ ವಠಾರಡ್ ಹಿಂದು ಜಾಗರಣ ವೇದಿಕೆ ಕುಂಪಲ ಘಟಕದ ವತಿರ್ದ್ ನಡತುಂಡು .

ಲೇಸ್ ಡ್ ಬೇತೆ ಬೇತೆ ಸಂಘ ಸಂಸ್ಥೆದ ಪ್ರಮುಖೆರ್ , ಹಿಂಜಾವೇ ಜಿಲ್ಲಾ ಪ್ರಮುಖೆರ್ ಬೊಕ್ಕ ಉಳ್ಳಾಲ ತಾಲೂಕು ಪ್ರಮುಖೆರ್ , ಕಾರ್ಯಂತೆರ್ ಪಾಲ್ ಪಡೆದಿತ್ತೆರ್.

ಹುಷಾರ್ದಾಂತೆ ತೀರ್ ಪೋಯಿನ ಜಿ. ಪಂ ಮಾಜಿ ಸದಸ್ಯೆರಾಯಿನ ಕೆ. ಎಸ್. ದೇವರಾಜ್

ಸುಬ್ರಹ್ಮಣ್ಯ, ಜುಲೈ 4: : ಕಡಬ ತಾಲೂಕುದ ಸುಬ್ರಹ್ಮಣ್ಯ ಕೈತಲ್ ದ ಯೇನೆಕಲ್ಲು ನಿವಾಸಿ ಮಾಜಿ ಜಿ.ಪಂ. ಸದಸ್ಯ, ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ನಿರ್ದೇಶಕ ಕೆ.ಎಸ್. ದೇವರಾಜ್ (55ವರ್ಷ) ಮೇರ್ ಕೋಡೆ ಕುಡ್ಲ ಖಾಸಗಿ ಆಸ್ಪತ್ರೆಡ್ ತೀರ್ ಪೋಯೆರ್.

ಕರಿನ ಕೆಲವು ದಿನರ್ದ್ ಹುಷಾರ್ ದಾಂತೆ ಇತ್ತಿನ ಮೇರ್ ಕುಡ್ಲದ ಖಾಸಗಿ ಆಸ್ಪತ್ರೆಡ್ ಮರ್ದ್ ಪಡೆಯೊಂದು ಇತ್ತೆರ್. ಮೃತೆರ್ ಬೊಡೆದಿ ರಡ್ಡ್ ಜೋಕುಲೆರ್ದ್ ದೂರ ಆತೆರ್.

ಕೆ.ಎಸ್.ದೇವರಾಜ್ ಮೇರ್ ಪ್ರಭಾವಿ ಮುಖಂಡೆರಾದ್ ಇತ್ತೆರ್ . ರಾಜಕೀಯ, ಸಾಮಾಜಿಕ, ಸಹಕಾರಿ, ಧಾರ್ಮಿಕ ಕ್ಷೇತ್ರಡ್ ತೋಡಗಾವೊಂದು. ಸುಬ್ರಹ್ಮಣ್ಯ ಗ್ರಾಮ ಪಂಚಾಯತ್ ಗುರ್ಕಾರ್ಲಾದ್ , ಏನೆಕಲ್ಲು ಕೃಷಿ ಪತ್ತಿನ ಸಹಕಾರಿ ಸಂಘದ ಗುರ್ಕಾರ್ಲಾದ್, ಮಂಡಲ ಪಂಚಾಯತ್ ಸದಸ್ಯೆರಾದ್ ಬೇಲೆ ಮಲ್ದೆರ್.

ಮಸೀದಿಡ್ ನಮಾಜ್ ಮಲ್ಪರೆ ಅವಕಾಶ ಮಲ್ತ್ ಕೊರ್ರೆ ಬಿನ್ನಾಪು

ಕುಡ್ಲ , ಜುಲೈ 4:: ರಾಜ್ಯ ಸರಕಾರದ ಕೋವಿಡ್-19 ಮಾರ್ಗಸೂಚಿಯನ್ ಪಾಲಿಸಾವೊಂದು ಮಸೀದಿಡ್ ನಮಾಝ್ ಮಲ್ಪರೆ ಅವಕಾಶ ಮಲ್ತ್ ಕೊರೊಡು ಪಂದ್ ದ.ಕ.ಜಿಲ್ಲಾಧಿಕಾರಿಲೆಗ್ ದ.ಕ. ಮುಸ್ಲಿಂ ಎಸೋಸಿಯೇಶನ್‌ದ ನಿಯೋಗ ಬಿನ್ನಾಪು ಮಲ್ದೆರ್ .

ಕೊರೋನ ಸೋಂಕುದ ರಡ್ಡನೇ ಅಲೆತ ನೆಲೆಟ್ಟ್ ಪಾಡಿನಂಚಿನ ಲಾಕ್‌ಡೌನ್‌ರ್ದ್ ಮಸೀದಿಲೆನ್ ಮುಚ್ಚಿದೆರ್ . ಅಂಚಾದ್ ಕರಿನ ರಡ್ಡ್ ತಿಂಗೊಲುರ್ದು ಮುಸ್ಲಿಮೇರ್ ಇಲ್ಲಡೆ ನಮಾಝ್ ಮಲ್ತೊಂದು ಉಲ್ಲೆರ್ . ಇತ್ತೇ ಪೇಂಟೆಡ್ ಕೊರೋನ ಸಕ್ರಿಯ ಪ್ರಕರಣ ಕಮ್ಮಿ ಆವೊಂದು ಉಪ್ಪುನೆರ್ದಾವರ ಸರಕಾರದ ಮಾತಾ ಮುನ್ನೆಚ್ಚರಿಕೆ ಕ್ರಮ ಬೊಕ್ಕ ನಿರ್ದೇಶನನ್ ಪಾಲೀಸಾವೊಂದು ಮಸೀದಿಡ್ ಪ್ರಾರ್ಥನೆ ಮಲ್ಪರೆ ಅನುಮತಿ ಕೊರೊಡು ಪಂದ್ ಮುಸ್ಲಿಂ ಎಸೋಸಿಯೇಶನ್‌ದ ಸ್ಥಾಪಕಾಧ್ಯಕ್ಷ ಎಸ್.ಎಂ. ರಶೀದ್ ಹಾಜಿ ಪಂಡೆರ್ .