ಬೆಂಗ್ಲೂರು : 75ನೇ ಸ್ವಾತಂತ್ರ್ಯ ದಿನಾಚರಣೆದ ಅಮ್ರತ ಮಹೋತ್ಸವದ ಸಂಬ್ರಮೊ ರಾಜಬೂಡುದ ಬೆಂಗಳೂರುಡ್ ಈ ಸರ್ತಿ ವಿಶೇಷವಾದ್ ರಾಜಾಜಿನಗರದ ಸೋಪ್ ಫ್ಯಾಕ್ಟರಿದ ಅಬ್ಬಕ್ಕ ದೇವಿ ಪ್ರತಿಮೆದ ಕೈತಲ್ ದ ಆವರೊಣಡು ಕಾಂಡೆ 8 ಗಂಟೆಡ್ದ್ 11 ಗಂಟೆ ಮುಟ್ಟ 15ನೇ ಆಗಸ್ಟ್ 2022 ಸೋಮಾರ ನಡತ್ಂಡ್.
ಈ ಲೇಸ್ ಡ್ ಮಲ್ಲ ಬಿನ್ನೆರಾದ್ ಅನಿತಾ.ಡಿ. ಸುರೇಂದ್ರ ಕುಮಾರ್ ಪಾತೆರೊಂದು ಬೆಂಗಳೂರುದ ತುಳು ಸಂಘಟನೆಲು ಮಾತಾ ಒಟ್ಟಾದ್ ಉಳ್ಳಾಲದ ರಾಣಿ ಅಬ್ಬಕ್ಖ ದೇವಿನ್ ಇನಿತ 75ನೇ ಸ್ವಾತಂತ್ರ್ಯ ದಿನಾಚರಣೆದ ಅಮೃತ ಮಹೋತ್ಸವದ ಪೊರ್ತುಡು ನೆನೆತೊಂದು ಉಪ್ಪುನ ಎಂಕ್ ಮಸ್ತ್ ಖುಷಿ ಆವೊಂದುಂಡು, ಅಂಚೆನೇ ಯಾನ್ಲ ವೀರ ರಾಣಿ ಅಬ್ಬಕ್ಕ ದೇವಿನ ವಂಶಸ್ಥೆರ್ ಪಂದ್ ಪನರೆಲ ಪೆರ್ಮೆ ಆಪುಂಡು ಪಂಡೆರ್.
16ನೇ ಶತಮಾನೊದ ರಡ್ಡನೇ ಬಾಗೊಡ್ ಪೊರ್ಚುಗೀಸೆರೆ ವಿರುದ್ಧ ಪೊರ್ಂಬಾಟ ಮಲ್ದಿನ ಚೌಟ ಮನೆತನದ ಪೊಣ್ಣು ಪೊಂಜೊವು. ತನ್ನ ದೈರ್ಯ-ಶಕ್ತಿ-ಯುಕ್ತಿದ ಚಾತುರ್ಪುಡ್ ಭಾರತ ದೇಶೊದ ರಕ್ಷಣೆಗ್ ಬೋಡಾದ್ ಹಿಂಸೆ ಮಲ್ಪೊಡಾಯಿನ ಸಂದರ್ಭ ಎಂಕ್ಲೆನ ಅಬ್ಬಕ್ಕ ದೇವಿಗ್ ಬತ್ತ್ಂಡ್ ಅಂಚೆನೇ ರಾಣಿ ಅಬ್ಬಕ್ಕ ದೇವಿನ ಹೋರಾಟದ ಬಗ್ಗೆ ವಿವರವಾದ್ ತೆರಿಪಾದ್ ಕೊರಿಯೆರ್.
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಸದಸ್ಯೆ,ಕುಲಾಲ ಸಂಘ ಬೆಂಗಳೂರುದ ಗುರ್ಕಾಲು,ತುಳುವೆರೆ ಚಾವಡಿದ ಮಾನಾದಿಗೆದ ಗುರ್ಕಾಲು ಪುರುಷೋತ್ತಮ ಚೇಂಡ್ಲ ಮೇರ್ ಬಿನ್ನೆರಾದ್ ಪಾತೆರೊಂದು ಅಬ್ಬಕ್ಕ ರಾಣಿ ಪೊರ್ಚುಗೀಸೆರೆನ ವಿರುದ್ದ ಪೊರ್ಂಬಾಟ ಮಲ್ತ್ ದ್ ನಮ್ಮ ತುಳುನಾಡ್ ದ ಮಣ್ಣ್ ನ್ ಒರಿಪಾದೆರ್ . ರಾಣಿ ಅಬ್ಬಕ್ಕ ದೇವಿನ ಬಗೆಟ್ಟ್ ವಂಶಸ್ಥೆರಾಯಿನ ಅನಿತಾ.ಡಿ. ಸುರೇಂದ್ರಕುಮಾರ್ ಮಲ್ಪುನ ಕಜ್ಜೊಲೆಡ್ ನಮ ಮಾತಾ ತುಳುವೆರ್ ಪುಗೆಲ್ ಕೊರೊಂಡು ಪಂಡೆರ್.
ಕೇಂದ್ರ ಸರಕಾರೊಡ್ದ್ ರಾಜ್ಯಸಭೆ ಸದಸ್ಯೆರಾದ್ ಶ್ರೀ ಕ್ಷೇತ್ರ ಧರ್ಮಸ್ಥಳದ ಡಾ.ವೀರೇಂದ್ರ ಹೆಗ್ಗಡೆರೆಗ್ ಮಲ್ಲ ಮಾನಾದಿಗೆ ತಿಕ್ಕಿನವು ತುಳುವೆರಾಯಿನ ನಮಕ್ಕ್ ಮಲ್ಲ ಪೆರ್ಮೆ. ತುಳು ಬಾಸೆ 8ನೇ ಪರಿಚ್ಚೇದೊಗ್ ಸೇರೊಡು ಪನ್ಪಿನ ಬಗೆಟ್ಟ್ ಕೇಂದ್ರ ಸರಕಾರೊಗ್ ಪೂಜ್ಯ ಖಾವಂದೆರ್ ಒತ್ತಾಯ ಮಲ್ಪುವೆರ್ ಪಂಡ್ದ್ ನಂಬುಗೆನ್ ದುಂಬುದೀಯೆರ್.
ತುಳುವೆರೆಂಕುಲು ಬೆಂಗಳೂರುದ ಗುರ್ಕಾರ್ಲು ವೈ.ಜಯಂತ್ ರಾವ್ ಮೇರ್ ಪಾತೆರ್ದ್ ನಮ್ಮ ತುಳು ಸಂಘಟನೆಲು ಪೂರ ಒಮ್ಮತೊಡ್ ಇನಿ ಸೇರ್ದ. ಇಂಚೆನೇ ನನ ದುಂಬುದ ತುಳು ಕಜ್ಜೊಲೆಗ್ಲ ತುಳುವೆರ್ ಒಟ್ಟು ಸೇರ್ದ್ ತುಳು ಸಂಸ್ಕೃತಿನ್ ಒರಿಪುನಂಚಿನ ಕಜ್ಜೊಲೆನ್ ಮಲ್ಪುಗ ಪಂಡ್ದ್ ಬಿನ್ನಯ ಮಲ್ತೆರ್.
ತುಳುವೆರೆ ಚಾವಡಿದ ಗುರ್ಕಾಲಾಯಿನ ಉಮೇಶ್ ಪೂಂಜ ಮೇರ್ ಪಾತೆರೊಂದು ರಾಣಿ ಅಬ್ಬಕ್ಕ ದೇವಿನ್ ನಮ ತುಳುವೆರ್ ವರ್ಷೊಗ್ ರಡ್ಡ್ ಸಲ ಪಂಡ ಸ್ವಾತಂತ್ರ್ಯ ದಿನ ಬೊಕ್ಕ ಪ್ರಜಾಪ್ರಭುತ್ವ ದಿನ ಮುಲ್ಪ ನೆಂಪು ಮಲ್ಪುವ, ರಾಜಬೂಡುಡ್ ವೀರರಾಣಿ ಅಬ್ಬಕ್ಕ ದೇವಿನ ಮೂರ್ತಿ ಸ್ಥಾಪನೆ ಆವೊಡಾಂಡ ತುಳು ಸಂಘಟನೆ ಬೈದಿನ ಮಲ್ಲ ಪೊರ್ಂಬಾಟೊನ್ ಅಂಚೆನೇ ರಾಜಾಜಿನಗರ ಕ್ಷೇತ್ರದ ಕಾರ್ಪೊರೇಟರ್,ಶಾಸಕೆರ್ ಬೆರಿತಾಂಗ್ ಕೊರ್ದು ಮಲ್ದಿನ ಬೇಲೆಲೆನ್ ನೆಂಪು ಮಲ್ತೆರ್.
ತುಳುಕೂಟ (ರಿ) ಬೆಂಗಳೂರುದ ಗುರ್ಕಾಲು ದೇವೇಂದ್ರ ಕೊಕ್ರಾಡಿ 75 ನೇ ಸ್ವಾತಂತ್ರ್ಯ ದಿನಾಚರಣೆ ಅಮ್ರತ ಮಹೋತ್ಸವದ ಅಂಗವಾದ್ ವಿಶೇಷವಾದ್ ಲೇಸ್ ನ್ ಮಾತಾ ತುಳು ಸಂಘಟನೆಲೆನ್ ಒಟ್ಟು ಸೇರ್ಪಾದ್ ಪಾತೆರೊಂದು ವೀರರಾಣಿ ಅಬ್ಬಕ್ಕ ದೇವಿನ ಹೋರಾಟದ ಬಗ್ಗೆಟ್ಟ್ ತೆರಿಪಾಯೆರ್. ಅಂಚೆನೇ ತುಳುಕೂಟ ಬೆಂಗಳೂರು 50ನೇ ಸಂಬ್ರಮದ ಪೊರ್ತುಡು ವಿಶ್ವ ತುಳು ಸಮ್ಮೇಳನ ಮಾತಾ ತುಳು ಸಂಘಟನೆದ ಒಟ್ಟು ಸೇರಿಗೆಡ್ ನಡಪರೆ ಉಂಡು. ಅಯಿಕ್ ಬೋಡಾದ್ ರಾಜ್ಯ ಸರಕಾರೊಡ್ದ್ ಪಣವುದ ಸಕಾಯ ಬೋಡು ಪಂಡ್ದ್ ಸರಕಾರೊಗ್ ಬಿನ್ನಯ ಮಲ್ತೆರ್.
ಸೋಪ್ ಪ್ಯಾಕ್ಟರಿದ ಎಂ.ಡಿ. ಡಾ.ಮಹೇಶ್ ಮೇರ್ ಪಾತೆರ್ದ್, ತುಳುನಾಡ್ ದ ವೀರ ರಾಣಿ ಅಬ್ಬಕ್ಕ ದೇವಿನ್ ಈ ಸಂದರ್ಭೊಡು ಬೆಂಗಳೂರುಡಿತ್ತಿನ ಮಾತಾ ತುಳು ಸಂಘಟನೆಲು ನೆಂಪು ಮಲ್ತೊಂದುಲ್ಲೆರ್. ಉಂದು ಖುಷಿತ ವಿಚಾರ ಪಂಡ್ದ್ ಮಾತೆರೆಗ್ಲ ಎಡ್ಡೆಪ್ಪು ಪಾತೆರೆ ಪಂಡೆರ್.
ಬಿ.ಎಸ್.ಎಂ.ಜೈನ್ ಅಸೋಸಿಯೇಷನ್ ದ ಗುರ್ಕಾಲಾಯಿನ ಯಶೋಧರ್ ಅಧಿಕಾರಿ ಪಾತೆರ್ದ್, ರಾಣಿ ಅಬ್ಬಕ್ಕ ದೇವಿನ್ ಇನಿತ ದಿನ ನೆಂಪು ಮಲ್ತ್ ದ್ ಆರೆಗ್ ಮಾನಾದಿಗೆ ಕೊರೊಡು ಪಂಡ್ದ್ ಸೇರ್ದಿನ ಮಾತಾ ತುಳು ಸಂಘಟನೆದ ಮುಖ್ಯಸ್ಥರೆಗ್ ಎಡ್ಡೆಪ್ಪುದ ಮದಿಪು ಪಂಡೆರ್.
ತುಳುಕೂಟದ ಕಾರ್ಯೆಂತೆರ್, ಸಂಘಟಕೆರಾಯಿನ ಸುಂದರ್ ರಾಜ್ ರೈ ಮೇರ್ ತುಳುಕ್ಕು ರಾಜ್ಯ ಬಾಸೆದ ಮಾನಾದಿಗೆ ಬೊಕ್ಕ ಕೇಂದ್ರಡೊ ತುಳು ಬಾಸೆಗ್ 8ನೇ ಪರಿಚ್ಚೇದೊಗ್ ಸೇರ್ಪಾವರೆ ಏತೋ ಸಲ ತುಳು ಸಂಘಟನೆಲು ಹಕ್ಕೊತ್ತಾಯ ಮಂತ್ತ್ಂದ್ ಸರಕಾರದ ದುಂಬು ದಿಂಡಲಾ ಸರ್ಕಾರ ದಾಲಾ ಗಮನ ಕೊರಂದಿನೆಕ್ಕ್ ನಮ್ಮ ತುಳುನಾಡ್ ದ ಧರ್ಮಸ್ಥಳ ಕ್ಷೇತ್ರೊದ ಕೇಂದ್ರೊಡ್ದ್ ರಾಜ್ಯ ಸಭೆ ಸದಸ್ಯೆರಾದ್ ಆಯ್ಕೆ ಆಯಿನ ಪೂಜ್ಯ ಖಾವಂದರೆನ ಮುಖಾಂತರ ಆವೊಡ್ ಪಂಡ್ದ್ ಲೇಸ್ ಡ್ ಪಾಲು ಪಡೆಯಿನ ಅನಿತಾ.ಡಿ.ಸುರೇಂದ್ರ ಕುಮಾರ್ ಮೆರೆಡ ಬಿನ್ನಾಪು ಮಲ್ತೆರ್.
75ನೇ ಸ್ವಾತಂತ್ರ್ಯ ದಿನಾಚರಣೆದ ಅಮ್ರತ ಮಹೋತ್ಸವದ ಲೇಸ್ದ್ ಚಾವಡಿಡ್ ಬಿಬಿಎಂಪಿದ ಮಾಜಿ ಸದಸ್ಯೆರ್ ರಾಜೇಂದ್ರ ಕುಮಾರ್, ಮಾಜಿ ಉಪ ಮೇಯರ್ ಹೇಮಲತಾ ಗೋಪಾಲಯ್ಯ, ತುಳುಕೂಟದ ಒತ್ತು ಗುರ್ಕಾರ್ಲು ಸೇವಂತಿ ಶೆಟ್ಟಿ, ಪುಗರ್ತೆದ ಗಾಯಕಿ ರತ್ನಮಾಲ ಪುರಂದರ,ತುಳುವರೆಂಕುಲು ಸಂಘದ ಕಾರ್ಯಂತೆರ್ ಪಳ್ಳಿ ವಿಶ್ವನಾಥ್ ಶೆಟ್ಟಿ, ಬೆಂಗಳೂರು ತುಳುವೆರೆಂಕುಲು ಒತ್ತು ಗುರ್ಕಾರ್ಲು ಚಂದ್ರಹಾಸ್ ಎಸ್. ತುಳುವೆರೆ ಚಾವಡಿದ ಮಾಜಿ ಗುರ್ಕಾರ್ಲು ಆಶಾನಂದ ಕುಲಶೇಖರ್, ತುಳುವೆರೆ ಚಾವಡಿದ ಕಾರ್ಯಂತೆರ್ ರಘುವೀರ್ ನಾಯ್ಕ್, ಮಾಳ ಹರ್ಷೇಂದ್ರ ಜೈನ್, ಡಾ. ಶ್ರೀಲತಾ, ಸತೀಶ್ ಅಗಲ್ಪ ಬೊಕ್ಕ ತುಳುಕೂಟದ ಮಾತಾ ಕಾರ್ಯಕಾರಿ ಸಮಿತಿದ ಸದಸ್ಯೆರ್,ತುಳು ಸಂಘಟನೆದ, ಬೇತೆ ಬೇತೆ ಸಮುದಾಯದ ಮುಖ್ಯಸ್ಥೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.
ಲೇಸ್ದ್ ಸುದಾರಿಕೆನ್ ನಿರೂಪಣೆ ಚತುರೆ ರಾಜ್ ಸಂಪಾಜೆ ಪೊರ್ಲುಡ್ ನಡಪಾದ್ ಕೊರಿಯೆರ್.
– ವರದಿ : ಯಾದವ ಎಸ್ ಕಲ್ಲಾಪು.
Veera Rani Abbakka of Tulunadu protected our Nation- Anitha Surendra Kumar
Bangalore: On the occasion of the 75 th independence day celebrations a special program was organised at the premises of the statue of Rani Abbakka near Rajajinagar soap factory.
The chief guest was Anitha Surendra Kumar who is also a member of Abbakka’s family line said that she was proud of the fact that she belonged to the same family line as the Queen and spoke of how the brave queen fought against the Portuguese with valour and strength.
Purushottam Chendla honorary president of Tuluvere Chavadi said that they were ready to render support to all programs associated to the brave queen Abbakka.
Office bearers of various Tulu associations of Bangalore participated in the program and showed unity in appreciating and remembering the brave queen and the sacrifices she had to endure in protecting her kingdom. An appeal was also made to include Tulu language in the eighth schedule of the constitution and give the status that this ancient language deserves.
