ಕಾರ್ಲದ ಸುದ್ದಿ Karkala News

ಆ.26-28 : ಬಪ್ಪನಾಡ್ ಡ್ ಪದ್ಮಶಾಲಿ ಮಹಾಸಭಾ ಅಮೃತ ಮಹೋತ್ಸವ

Aug 19, 2022

ಮುಲ್ಕಿ : ದ.ಕ.ಜಿಲ್ಲಾ ಪದ್ಮಶಾಲಿಮಹಾಸಭಾದ ಅಮೃತ ಸಂಭ್ರಮ 2022 ಪನ್ಪಿನ ಅಮೃತ ವರ್ಸದ ಉಚ್ಚಯ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ವಠಾರೊಡು ಆ.26 ರ್ದ್ 28 ಮುಟ್ಟ ನಡಪರೆ ಉಂಡು.
ಆ.26 ಹಸಿರು ಹೊರೆ ಕಾಣಿಕೆ ಬರಿಯರೆ ಉಂಡು.27 ತಾರೀಕ್ ಗ್ ರಾಜ್ಯಸಭೆ ಸದಸ್ಯೆರ್, ಧರ್ಮಾಧಿಕಾರಿ ಡಿ.ವೀರೇಂದ್ರ ಹೆಗ್ಗಡೆರ್ ಲೇಸ್ ಉದಿಪನ ಮಲ್ಪುವೆರ್.
ಆ.28 ತಾರೀಕ್ ಗ್ ನಡಪುನ ಲೇಸ್ ಗ್ ಚಲನಚಿತ್ರ ನಟಿ, ಮಾಜಿ ಸಚಿವೆರ್ ಉಮಾಶ್ರೀ ಮಲ್ಲ ಬಿನ್ನೆರಾದ್ ಪಾಲ್ ಪಡೆವೆರ್.

ರೇಡಿಯೋ ಮಣಿಪಾಲ್ 90.4 Mh : -ದೇಸಿ ಸೊಗಡು ಸಮುದಾಯ ಬಾನುಲಿ

Aug 19, 2022

ಮಣಿಪಾಲ : ರೇಡಿಯೋ ಮಣಿಪಾಲ್ 90.4 Mh -ದೇಸಿ ಸೊಗಡು ಸಮುದಾಯ ಬಾನುಲಿಡ್ ಕಮ್ಯುನಿಟಿ ರೇಡಿಯೋ ಅಸೋಸಿಯೇಶನ್ ಬೊಕ್ಕ ಯೂನಿಸೆಫ್ ಅಟ್ಟನೆ ಮಲ್ಪುನ ಸ್ವಾಸ್ಥ್ಯ ಸಂಕಲ್ಪ ಪನ್ಪಿನ ಸರಣಿ ಕಾರ್ಯಕ್ರಮದ 9ನೇ ಸಂಚಿಕೆ ಅಗೋಸ್ಟ್ ತಿಂಗೊಲ್ ದ 19 ತಾರೀಕ್ ಗ್ ಸುಕ್ರಾರದಾನಿ ಬಯ್ಯ 4.15 ಕ್ಕ್ ಪ್ರಸಾರ ಆಯರೆ ಉಂಡು.

ಮಿರೆ ಪೇರ್ ಕೊರ್ಪಿನ ಅಮ್ಮನಕುಲ್ ದೆತೊನುನ ಆಹಾರದ ಬಗೆಟ್ ಕೆ.ಎಂ.ಸಿ ಮಣಿಪಾಲದ ಸಮುದಾಯ ವೈದ್ಯಕೀಯ ವಿಭಾಗದ ವೈದ್ಯಕೀಯ ಸಮಾಜ ಸೇವಕೆರ್ ನೀಲಾವತಿ ಎ ಮಾಹಿತಿ ಕೊರಿಯರೆ ಉಲ್ಲೆರ್.

ಈ ಕಾರ್ಯಕ್ರಮ ಆಗೋಸ್ಟ್ 20 ತಾರೀಕ್ ಗ್ ಮಧ್ಯಾಹ್ನ 12.15ಕ್ಕ್ ಮರು ಪ್ರಸಾರ ಆಯೆರ ಉಂಡು.

ಕಿನ್ನಿಗೋಳಿ : ಗುತ್ತಕಾಡ್ ದ ಶ್ರೀ ಮೂಕಾಂಬಿಕ ದೇವಲ್ಯಡ್ ಬಲೆ ತುಲು ಲಿಪಿ ಕಲ್ಪುಗ ಕಜ್ಜಕೊಟ್ಯ

Aug 19, 2022

ಕಿನ್ನಿಗೋಳಿ : ಶ್ರೀ ಮೂಕಾಂಬಿಕ ದೇವಲ್ಯ ಗುತ್ತಕಾಡ್ ಶಾಂತಿನಗರ ಮೊಕಲೆನ ಮುತಾಲಿಕೆಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಜೈ ತುಲುನಾಡ್ (ರಿ.) ಮೊಕಲೆನ ಒಟ್ಟು ಸೇರಿಗೆಡ್ ಬಲೆ ತುಲು ಲಿಪಿ ಕಲ್ಪುಗ ಕಜ್ಜಕೊಟ್ಯದ ಉದಿಪನ ಲೇಸ್ ಆಗೋಸ್ಟ್ ೨೧ ಐತಾರದಾನಿ ಬಯ್ಯ ೪ ಗಂಟೆಗ್ ಕಿನ್ನಿಗೋಳಿದ ಶ್ರೀ ಮೂಕಾಂಬಿಕಾ ದೇವಲ್ಯ ಗುತ್ತಕಾಡು ಶಾಂತಿನಗರ ನಡಪರೆ ಉಂಡು.

ಶ್ರೀ ಮೂಕಾಂಬಿಕಾ ದೇವಲ್ಯದ ಧರ್ಮದರ್ಶಿಲು ವಿವೇಕಾನಂದ ಮೇರ್ ಲೇಸ್ ದ ಗುರ್ಕರ್ಮೆ ವಹಿಸೊನರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಶ್ರೀ ದೇವಿ ಕಮ್ಯುನಿಕೇಷನ್ ಕಿನ್ನಿಗೋಳಿದ ಪ್ರವೀಣ್ ಕುಮಾರ್, ಶ್ರೀ ಮೂಕಾಂಬಿಕಾ ಸೇವಾ ಸಮಿತಿದ ಗುರ್ಕಾಲು ಚಂದ್ರಶೇಖರ, ಮುಲ್ಕಿ ತಾಲೂಕು ಪತ್ರಕರ್ತರ ಸಂಘದ ಗುರ್ಕಾರೆ ಅಂಚನೆ ದ.ಕ. ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಕಾರ್ಯಕಾರಿ ಸಮಿತಿದ ಪದುಕೆರ್ ಆಯಿನ ನಿಶಾಂತ್ ಶೆಟ್ಟಿ ಕಿಲೆಂಜೂರು, ದೈವ ನರ್ತಕೆರ್ ಬೊಕ್ಕ ಸಿವಿಲ್ ಇಂಜಿನಿಯರ್ ಡಾ. ರವೀಶ್ ಪರವ ಪಡುಮಲೆ, ಮೂಕಾಂಬಿಕಾ ಪೊಂಜೊವ್ ಲೆನ ಮಂಡಲಿದ ಗುರ್ಕಾಲು ಚಿತ್ರಾ ಶೆಟ್ಟಿ ತಾಳಿಪಾಡಿ ಗುತ್ತು, ಜೈ ತುಲುನಾಡ್ (ರಿ.) ದ ಪ್ರಧಾನ ಕಾರ್ಯಂತೆರ್ ಅವಿನಾಶ್ ಮುಕ್ಕ ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್. ಕಿರಣ್ ತುಲುವೆ ಅಂಚನೆ ದೀಕ್ಷಿತ ಮಧ್ಯ ತುಲು ಲಿಪಿನ್ ಕಲ್ಪಾಯರೆ ಉಲ್ಲೆರ್. ಗೀತಾ ಲಕ್ಷ್ಮೀಶ್ ಕುಡ್ಲ ಲೇಸ್ ಸುದಾರಿಕೆ ಮಲ್ಪರೆ ಉಲ್ಲೆರ್.

ಸುರತ್ಕಲ್: ರಡ್ಡ್ ಜನತ್ತ ಮಿತ್ತ್ ಕತ್ತಿ ಬೀಜ್ ದ್ ಪೆಟ್ಟ್ ಮಲ್ತಿನ ಜವನೆ ಪೊಲೀಸೆರ್‍ನ ಕೈಕ್ಕ್

Aug 19, 2022

ಸುರತ್ಕಲ್: ಜವನೆಯೊರಿ ರಡ್ಡ್ ಜನತ್ತ ಮಿತ್ತ್ ಕತ್ತಿರ್‍ದ್ ಹಲ್ಲೆ ಮಲ್ತ್ ದ್, ಬಸ್ ಕ್ ಕಲ್ಲ್ ದಕ್ಕಿನ ಘಟನೆ ಸುರತ್ಕಲ್ ಕಾನ ಕೈತಲ್ ನಡತ್ಂಡ್.

ಜಾರ್ಖಂಡ್ ದ ಅತುಲ್ ಕಲ್ಲು(30) ಈ ಕೃತ್ಯ ಮಲ್ತಿನಾಯೆ ಪಂದ್ ಪೊಲೀಸೆರ್ ಗುರ್ತಿಸಾದೆರ್.

ಆಯೆ ಗೋವಾರ್ದ್ ಕಾಸ್ರೋಡ್ ಗ್ ರೈಲ್ ಡ್ ಪ್ರಯಾಣ ಮಲ್ತೊಂದಿತ್ತಿನ ಪೊರ್ತುಡು ಸುರತ್ಕಲ್ ರೈಲ್ ನಿಲ್ದಾಣಡ್ ಜತ್ತ್ ದ್, ಸಾರ್ವಜನಿಕೆರೆಡ ಕಿರಿಕಿರಿ ಮಲ್ತೊಂದಿತ್ತೆ. ಗ್ಯಾರೇಜ್ ನಡೆಪಾವೊಂದು ಇತ್ತಿನ ಇಮ್ರಾನ್ ನ ಮಿತ್ತ್ ಕತ್ತಿ ಬೀಜ್ ದ್ ಅರೆಗ್ ಒಂತೆ ಪೆಟ್ಟಾತ್ತ್ಂಡ್. ಆರೋಪಿ ತೂವರೆ ಮಾನಸಿಕ ಅಸ್ವಸ್ಥ ಲೆಕ್ಕ ತೊಜೊಂದುಲ್ಲೆ ಪಂದ್ ತೆರಿದ್ ಬೈದ್ಂಡ್. ಸುರತ್ಕಲ್ ಪೊಲೀಸ್ ಠಾಣೆದ ಅಧಿಕಾರಿಲು ಆರೋಪಿನ್ ವಿಚಾರಣೆ ಮಲ್ತೊಂದುಲ್ಲೆರ್. ಆರೋಪಿ ಬೊಕ್ಕ ಪೆಟ್ಟ್ ಆತಿನ ವ್ಯಕ್ತಿ ಆಸ್ಪತ್ರೆ ಡ್ ಉಲ್ಲೆರ್

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Bombay News ರಪಕ್ಕ ಸುದ್ದಿ Flash News

ಭಾರತದ ಸುರುತ್ತ ಎಲೆಕ್ಟ್ರಿಕ್ ಡಬ್ಬಲ್ ಡೆಕ್ಕರ್ ಬಸ್ ತ್ತ ಸವಾರಿ ಸುರು

Aug 19, 2022

ದೇಶದ ಸುರುತ್ತ ಎಲೆಕ್ಟ್ರಿಕ್ ಡಬಲ್ ಡೆಕ್ಕರ್ ದ 2 ಬಸ್ ಬೊಂಬಾಯಿಡ್ ಇನಿರ್ದ್ ಸವಾರಿ ಮಲ್ಪರೆ ಸುರು ಮಲ್ದ್ಂಡ್.

ಈ ಬಸ್ ಕುಲು ಪ್ರವಾಸೋದ್ಯಮಗ್ ಲ ಉತ್ತೇಜನ ಕೊರಿಯರೆ ಉಂಡು ಪಂದ್ ಅಧಿಕಾರಿಲು ಪಂತೆರ್. ಈ ಬಸ್ ಡ್ ೧ ಆಪ್ ನಿಯಂತ್ರಿತ ಆದಿತ್ತ್ ದ್, ನನೊಂಜಿ ನಿಯಂತ್ರಿತ ಎಲೆಕ್ಟ್ರಿಕ್ ಡಬ್ಬಲ್ ಡೆಕ್ಕರ್ ಬಸ್ ಆದುಂಡು.

ಕೇಂದ್ರ ಸಚಿವೆರ್ ನಿತಿನ್ ಗಡ್ಕರಿ, ಮಹಾರಾಷ್ಟ್ರ ಮುಖ್ಯಮಂತ್ರಿ ಏಕನಾಥ ಶಿಂಧೆ ಅಂಚೆನೆ ಉಪಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಈ ಬಸ್ ಲೆಗ್ ಚಾಲನೆ ಕೊರ್ತೆರ್.

India’s first electric double decker bus begins operations

India’s first electric double decker bus starts services from today at Mumbai.

They will help to boost tourism said officials.Central minister Nitin Gadkari, Maharashtra CM Eknath Shinde and deputy CM Devendra Phadnis inaugurated these vehicles.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಂಪಲ 25 ನೇ ವರ್ಷದ ಶ್ರೀ ಕೃಷ್ಣ ಜನ್ಮಾಷ್ಟಮಿ ಉಚ್ಚಯದ ಉದಿಪನ ಲೇಸ್

Aug 19, 2022

ಕುಂಪಲ ಶ್ರೀ ಬಾಲಕೃಷ್ಣ ಮಂದಿರದ ಮುತಾಲಿಕೆಡ್ ನಡತಿನ ೨೫ ನೇ ವರ್ಷದ ಶ್ರೀ ಕೃಷ್ಣ ಜನ್ಮಾಷ್ಟಮಿ ಉಚ್ಚಯನ್ ಕರ್ನಾಟಕ ಸರಕಾರದ ಹಿಂದುಳಿದ ವರ್ಗದ ಸದಸ್ಯೆರ್ ಕೆ.ಟಿ. ಸುವರ್ಣ ತುಡರ್ ಅರ್ಲಾದ್ ಉದಿಪನ ಮಲ್ತೆರ್.

ದೇರಳಕಟ್ಟೆ ಅಯ್ಯಪ್ಪ ಸ್ವಾಮಿ ದೇವಲ್ಯದ ಆಡಳಿತ ಮೊಕ್ತೇಸರೆರ್ ಚಂದ್ರಹಾಸ್ ಅಡ್ಯಂತಾಯ, ಶ್ರೀ ಸೋಮನಾಥ ದೇವಲ್ಯದ ಮೊಕ್ತೇಸರೆರ್ ರಾಮ್ ದಾಸ್ ಸೋಮೇಶ್ವರ, ಮೆಸ್ಕಾಂ ಜಾಗೃತ ದಳದ ಅಧೀಕ್ಷಕೆರ್ ಪ್ರವೀಣ್ ಉಳ್ಳಾಲ್ ಬೈಲ್, ಗೋವನಿತಾಶ್ರಯದ ಟ್ರಸ್ಟಿ ರವಿ ರೈ ಪಜೀರ್, ಪ್ರಗತಿಪರ ಕೃಷಿಕೆರ್ ರಂಜಿತ್ ಸುಲಾಯ ಮಂಜನಾಡಿ, ಉದ್ಯಮಿ ಶ್ರೀನಿವಾಸ್ ಬೆಂಗ್ಲೂರು, ಬಾಲಕೃಷ್ಣ ಮಂದಿರದ ಅಧ್ಯಕ್ಷೆರ್ ಸತೀಶ್ ಕುಂಪಲ, ಗೌರವಾಧ್ಯಕ್ಷೆರ್ ಕೇಶವದಾಸ್ ಬಗಂಬಿಲ, ಉತ್ಸವ ಸಮಿತಿ ಅಧ್ಯಕ್ಷೆರ್ ಪ್ರಹ್ಲಾದ್ ಕುಮಾರ್ ಇಂದಾಜೆ ಪೊಂಜೊವ್ ಲೆನ ಸಮಿತಿದ ಅಧ್ಯಕ್ಷೆರ್ ಸುಶೀಲ.ಕೆ, ರಜತ ಮಹೋತ್ಸವ ಸಮಿತಿ ಗೌರವಾಧ್ಯಕ್ಷೆರ್ ಮೋಹನ್ ಶೆಟ್ಟಿ ಲೇಸ್ ಡ್ ಇತ್ತೆರ್. ಪ್ರವೀಣ್ ಎಸ್ ಕುಂಪಲ ಲೇಸ್ ಸುದಾರಿಕೆ ಮಲ್ತೆರ್.

ಕಣ್ಣ್ ದ ತೀರ್ತ್ ತಿಕೊಂದಿನ ಟೂತ್ ಬ್ರಶ್ ದ ತುಂಡ್ ನ್ ದೆತ್ತಿನ ವೈದ್ಯೆರ್ !

Aug 19, 2022

ಹುಬ್ಬಳ್ಳಿ: ಮುಲ್ತ ಕಿಮ್ಸ್ ಆಸ್ಪತ್ರೆದ ವೈದ್ಯೆರ್ ಅಪರೂಪದ ಒಂಜಿ ಆಪರೇಶನ್ ಮಲ್ದೆರ್. ೨೮ ವರ್ಷದ ಪೊಂಜೊವ್ ನ ಕಣ್ಣ್ ದ ತಿರ್ತ್ ಮೂಜಿ ದಿನತ್ತ ಪಿರವು ೭ ಇಂಚ್ ದ ಟೂತ್ ಬ್ರಶ್ ತಿಕೊಂದಿತ್ತ್ಂಡ್. ಆ ಟೂತ್ ಬ್ರಶ್ ನ್ ವೈದ್ಯೆರ್ ಭಾರಿ ಜಾಗರ್ತೆಡ್ ಆಪರೇಶನ್ ಮಲ್ತ್ ದ್ ದೆತ್ತ್ ದೆರ್.

ಹಾವೇರಿ ಜಿಲ್ಲೆದ ಹಾನಗಲ್ ಕೈತಲ್ ಹಿರೂರು ಗ್ರಾಮದ ವಿನೋದಾ ತಳವರ್ (೨೮) ಮೇರ್ ನಾಲು ವರ್ಸದ ಮಗಲ್ ಆಗಸ್ಟ್ ೧೪ ಕ್ಕ್ ಕಾಂಡೆ ಕೂಲಿ ದೆಕ್ಕೊಂದಿಪ್ಪುನಗ ಒರನೇ ಟೂತ್ ಬ್ರಶ್ ಬಾಲೆದ ಅಮ್ಮನ ದತ್ತ ಕಣ್ಣ್ ದ ತಿರ್ತ್ ತಿಕೊಂದಿತ್ತ್ಂಡ್. ಡಾ. ಮಂಜುನಾಥ್ ವಿಜಯಪುರ, ಡಾ. ವಸಂತ್ ಕಟ್ಟಿಮನೆ, ಡಾ. ಅನುರಾಧ ನಾಗನಗೌಡರ್, ಡಾ. ಸ್ಪೂರ್ತಿ ಶೆಟ್ಟಿ ಬೊಕ್ಕ ಅರಿವಳಿಕೆ ಅಂಚನೆ ನೇತ್ರಶಾಸ್ತ್ರ ವಿಭಾಗದ ಸಿಬ್ಬಂದಿಲು ಶಸ್ತ್ರ ಚಿಕಿತ್ಸೆ ಮಲ್ಪುನ ಮುಖೇನ ಟೂತ್ ಬ್ರಶ್ ದ ತುಂಡುನು ದೆತ್ತ್ ದೆರ್.

KIMS hospital Hubli perform a special surgery to remove a broken tooth brush from under the eye:

Hubli: A team of doctors from KIMS hospital in Hubli performed a rare surgery to remove a toothbrush lodged under the eye of a 28 year old woman.

Vinoda Talwar from Janagal in Haveri district was brushing the teeth of her four year old daughter when she accidentally pierced the brush on to the face of her mother under the eyes of her mother on August 14th.The toothbrush broke off when the family tried to pull it out.

A team of doctors including Dr Manjunath, Dr Vasanth Kattemane, Dr Anuradha N, Dr Spoorthi Shetty and doctors from the optomology department , anesthesiasts and dentists together performed the surgery.

ಸಿದ್ದರಾಮಯೆರ್ನ ಕಾರ್ ಗ್ ತೆತ್ತಿ ದಕ್ಕಿನ ಕೇಸ್; 9 ಜನ ಆರೋಪಿಲು ಅರೆಸ್ಟ್

Aug 19, 2022

ಬೆಂಗ್ಲೂರ್: ಮಾಜಿ ಸಿಎಂ ಸಿದ್ದರಾಮಯ್ಯ ಮೆರೆನ ಕಾರ್ ಗ್ ತೆತ್ತಿ ದಕ್ಕಿನ ಕೇಸ್ ಗ್ ಸಂಬಂಧಿಸಾದ್ ಕುಶಾಲನಗರ ಪೊಲೀಸೆರ್ ೯ ಜನ ಆರೋಪಿಲೆನ್ ಅರೆಸ್ಟ್ ಮಲ್ತ್ ದೆರ್.

ಬರ್ಸಡ್ ಆಯಿನ ನಷ್ಟ ಪರಿಶೀಲನೆ ಮಲ್ಪರೆ ಸಿದ್ದರಾಮಯ್ಯ ಮೇರ್ ಕೊಡಗು ಜಿಲ್ಲೆದ ಕುಶಾಲನಗರ ತಾಲೂಕ್ ದ ಗುಡ್ಡೆಹೊಸೂರ್ ಗ್ ಭೇಟಿ ಮಲ್ತಿನ ಪೊರ್ತುಡು ಮೆರೆನ ಕಾರ್ ಗ್ ಕೆಲವೆರ್ ತೆತ್ತಿ ದಕ್ಕ್ ದೆರ್. ಮಸ್ತ್ ಕಡೆಟ್ ಬಿಜೆಪಿ ಕಾರ್ಯಕರ್ತೆರ್ ಗುಂಪು ಸೇರ್‍ದ್ ಕಪ್ಪು ಬಾವುಟ ಪತೂಂದ್ ಪ್ರತಿಭಟನೆ ಮಲ್ತ್ ದೆರ್. ಈ ಬಗೆಟ್ ಪ್ರಕರಣ ದಾಖಲಾದಿತ್ತ್ ದ್ ಕುಶಾಲನಗರ ಪೊಲೀಸೆರ್ ೯ ಜನ ಬಿಜೆಪಿ ಕಾರ್ಯಕರ್ತೆರೆನ್ ಅರೆಸ್ಟ್ ಮಲ್ತ್ ದೆರ್.

ಕಾಪು: ಡ್ರೈವರ್ ನ ಕೈ ತತ್ತ್ ದ್ ಹೋಟೆಲ್ ದ ಉಲಾಯಿ ಪೊಗ್ಗಿನ ಕಾರ್, ಇರ್ವೆರೆಗ್ ಮಸ್ತ್ ಪೆಟ್ಟ್

Aug 19, 2022

ಒಡಿಪುದ ರಾಷ್ಟ್ರೀಯ ಹೆದ್ದಾರಿ ೬೬ತ್ತ ಕಟಪಾಡಿ ಸರ್ವೀಸ್ ಮಾರ್ಗಡ್ ಕಾರ್ ಒಂಜಿ ಡ್ರೈವರ್ ನ ಕೈ ತತ್ತ್ ದ್ ಹೋಟೆಲ್ ದ ಉಲಾಯಿ ಪೊಗ್ಗ್ ದಿತ್ತ್ ದ್, ರಡ್ಡ್ ಜನಕ್ಕ್ ಪೆಟ್ಟಾಯಿನ ಘಟನೆ ನಡತ್ ದ್ಂಡ್.

ಮಹೀಂದ್ರಾ ಎಕ್ಸ್ ಯುವಿ ಕಾರ್ ಒಡಿಪು ರ್ದ್ ಬಂಟಕಲ್ಲ್ ಕಡೆಟ್ ಪೋಪಿನ ಪೊರ್ತುಡು ಕಟಪಾಡಿ ಸರ್ವಿಸ್ ಮಾರ್ಗಡ್ ಡ್ರೈವೆರ್ ನ ಕೈ ತತ್ತ್ ದ್ ಉಂತಾದಿತಿನ ಕಾರ್ ಗ್ ತಾಂಟ್ ದ್, ಮಾರ್ಗದ ಬರಿಟ್ ಇತ್ತಿನ ಹೋಟೆಲ್ ಗ್ ಪೊಗ್ಗ್ ದ್ಂಡ್.

ಘಟನೆಡ್ ಹೋಟೆಲ್ ದ ಒಂಜಿ ಸಿಬ್ಬಂದಿ ಅಂಚನೆ ರಡ್ಡ್ ಜನಕ್ಕ್ ಪೆಟ್ಟಾದಿತ್ತ್ ದ್, ಖಾಸಗಿ ಆಸ್ಪತ್ರೆಗ್ ದಾಖಲ್ ಮಲ್ತ್ ದೆರ್. ಕಾಪು ಪೊಲೀಸೆರ್ ಜಾಗೆಗ್ ಬತ್ತ್ ದ್ ಪರಿಶೀಲನೆ ಮಲ್ತ್ ದೆರ್.

ಅ. 21 : ಏಣಗುಡ್ಡೆ ಗರಡಿ ಜವನೆರ್ ಮುತಾಲಿಕೆಡ್ ಮುದ್ದು ಕೃಷ್ಣ ಪಂಥೊ

Aug 19, 2022

ಕಟಪಾಡಿ: ಗರಡಿ ಜವನೆರ್ ಏಣಗುಡ್ಡೆ ಕಟಪಾಡಿ ಮುಕ್ಲೇನ ಮುತಾಲಿಕೆಡ್ ಮುದ್ದು ಕೃಷ್ಣ ಪಂಥೊ ಅಗೋಸ್ಟ್ ೨೧ ತಾರೀಕ್ ಗ್ ಐತಾರದಾನಿ ಕಾಂಡೆ ೧೦ ಗಂಟೆಗ್ ಕಟಪಾಡಿ ಏಣಗುಡ್ಡೆ ಗರಡಿ ಜಾಗೆಡ್ ನಡಪರೆ ಉಂಡು.

ಪಂಥೊಡು ಗೆಂದಿನ ಜೋಕುಲೆಗ್ ಸುರುತ್ತ ಇನಾಮು ೩೦೦೦, ರಡ್ಡನೇ ಇನಾಮು ೨೦೦೦, ಮೂಜನೇ ಇನಾಮು ೧೦೦೦ ತಿಕ್ಕರೆ ಉಂಡು. ಪಂತಡ್ ಜೋಕುಲೆಗ್ ೨-೩ ನಿಮಿಷ ನಟನೆ ಮಲ್ಪರೆ ಅವಕಾಶ ಉಂಡು. ೧-೩ ವರ್ಸ ಅಂಚನೆ ೩-೬ ವರ್ಷ ವಿಭಾಗಡ್ ಪಂತ ನಡಪರೆ ಉಂಡು. ಉಂದೆಟ್ ಪಾಲ್ ಪಡೆಯರೆ ಇಚ್ಚೆ ಇತ್ತಿನ ಜೋಕುಲು ಪುದರ್, ಪ್ರಾಯ, ಪುಟ್ಟಿನ ತಾರೀಕ್, ಜನನ ಪ್ರಮಾಣ ಪತ್ರನ್ ಕೊರೊಡ್ ಪಂದ್ ಲೆಪ್ಪೊಲೆಡ್ ಬಿನ್ನಾಪು ಮಲ್ತ್ ದೆರ್. ಎಚ್ಚದ ಮಾಹಿತಿಗಾದ್ ರಂಜಿತ್: 9964282995 ,ಶಂಬು ಪೊಸಾರ್: 9980909313 , ರಾಕೇಶ್: 9845972351, ಕಮಲಾಕ್ಷ ಕೋಟೆ: 9964103541, ಅನುಷ್: 9481844473 ಈ ನಂಬರ್ ಗ್ ಲೆಪ್ಪು ಕೊರೊಲಿ ಪಂದ್ ಬಿನ್ನಾಪು ಮಲ್ದೆರ್.

“Muddu Krishna” fancy dress competition to be held under the auspices of the youth of Yenagudde Garadi

Katpadi: A fancy dress competition will be held on August 21st Sunday from 10a.m onwards at Yenagudde Garadi.

Attractive prizes will be awarded to the winners .Time limit is two to three minutes.For more details contact:
Ranjith- 9964282995
Shambu- 9980909313
Kamalaksha Kote- 9964103541
Rakesh-9845972351
Anush-9481844473.

ಕಾರ್ಲದ ಸುದ್ದಿ Karkala News

ಆ.26-28 : ಬಪ್ಪನಾಡ್ ಡ್ ಪದ್ಮಶಾಲಿ ಮಹಾಸಭಾ ಅಮೃತ ಮಹೋತ್ಸವ

ರೇಡಿಯೋ ಮಣಿಪಾಲ್ 90.4 Mh : -ದೇಸಿ ಸೊಗಡು ಸಮುದಾಯ ಬಾನುಲಿ

ಕಿನ್ನಿಗೋಳಿ : ಗುತ್ತಕಾಡ್ ದ ಶ್ರೀ ಮೂಕಾಂಬಿಕ ದೇವಲ್ಯಡ್ ಬಲೆ ತುಲು ಲಿಪಿ ಕಲ್ಪುಗ ಕಜ್ಜಕೊಟ್ಯ

ಸುರತ್ಕಲ್: ರಡ್ಡ್ ಜನತ್ತ ಮಿತ್ತ್ ಕತ್ತಿ ಬೀಜ್ ದ್ ಪೆಟ್ಟ್ ಮಲ್ತಿನ ಜವನೆ ಪೊಲೀಸೆರ್‍ನ ಕೈಕ್ಕ್

ಭಾರತದ ಸುರುತ್ತ ಎಲೆಕ್ಟ್ರಿಕ್ ಡಬ್ಬಲ್ ಡೆಕ್ಕರ್ ಬಸ್ ತ್ತ ಸವಾರಿ ಸುರು

ಕುಂಪಲ 25 ನೇ ವರ್ಷದ ಶ್ರೀ ಕೃಷ್ಣ ಜನ್ಮಾಷ್ಟಮಿ ಉಚ್ಚಯದ ಉದಿಪನ ಲೇಸ್

ಕಣ್ಣ್ ದ ತೀರ್ತ್ ತಿಕೊಂದಿನ ಟೂತ್ ಬ್ರಶ್ ದ ತುಂಡ್ ನ್ ದೆತ್ತಿನ ವೈದ್ಯೆರ್ !

ಸಿದ್ದರಾಮಯೆರ್ನ ಕಾರ್ ಗ್ ತೆತ್ತಿ ದಕ್ಕಿನ ಕೇಸ್; 9 ಜನ ಆರೋಪಿಲು ಅರೆಸ್ಟ್

ಕಾಪು: ಡ್ರೈವರ್ ನ ಕೈ ತತ್ತ್ ದ್ ಹೋಟೆಲ್ ದ ಉಲಾಯಿ ಪೊಗ್ಗಿನ ಕಾರ್, ಇರ್ವೆರೆಗ್ ಮಸ್ತ್ ಪೆಟ್ಟ್

ಅ. 21 : ಏಣಗುಡ್ಡೆ ಗರಡಿ ಜವನೆರ್ ಮುತಾಲಿಕೆಡ್ ಮುದ್ದು ಕೃಷ್ಣ ಪಂಥೊ

You Missed

ದಕ್ಷಿಣ ಕನ್ನಡ ಬಸ್ ಮಾಲಕರ ಸಂಘದ ಅಧ್ಯಕ್ಷೆರಾದ್ ಅಝೀಝ್ ಪರ್ತಿಪಾಡಿ ಆಯ್ಕೆ

ದೇಶದ ಪುಗರ್ತೆದ ಎನ್ಐಟಿಕೆ ಶಿಕ್ಷಣ ಸಂಸ್ಥೆದ ಎದುರಡೇ ಡಂಪಿಂಗ್ ಯಾರ್ಡ್ ದಂಚಿನ ಬಸ್ ಸ್ಯಾಂಡ್!

“ನಮ್ಮ ಕುಡ್ಲ”ದ ಲೀಲಾಕ್ಷ ಬಿ. ಕರ್ಕೇರ ಮೆರೆಗ್ ಕಂಬುಲ ಅಕಾಡೆಮಿ ಪ್ರಶಸ್ತಿ

ಯುಕೆ ತುಳು ಕಮ್ಯುನಿಟಿಗ್ ಪೊಸ ಪದಾಧಿಕಾರಿಲೆನ ಆಯ್ಕೆ