ಉಡುಪಿದ ಸುದ್ದಿ | Udupi News

ಒಡಿಪುದ “ಶ್ರೀ ಕೃಷ್ಣ ಮಠ” ಟ್ ತುಳು ಲಿಪಿತ ಪುದರ್ದ ಬೋರ್ಡ್ ನ್ ಪಾಡಿನ “ಶ್ರೀ ಶ್ರೀ ಈಶಪ್ರೀಯ ತೀರ್ಥ” ಮಠಾದೀಶೆರೆಗ್ ಯುವ ತುಳುನಾಡ್ (ರಿ.) ಕುಡ್ಲ ಸಂಘಟನೆದಕ್ಲೆನ ಪರವಾದ್ ಸೊಲ್ಮೆ ಸಂದಾಯಿತ

ತುಳು ಬಾಸೆ ಒರಿಯೊಡು, ತುಳು ಲಿಪಿ ತೆರಿಯೊಡು ಪನ್ಪಿನ ಉದ್ದೇಶಡ್ ಒಡಿಪುದ “ಶ್ರೀ ಕೃಷ್ಣ ಮಠ” ಟ್ ತುಳು ಲಿಪಿತ ಪುದರ್ದ ಬೋರ್ಡ್ ನ್ ಪಾಡಿನ “ಶ್ರೀ ಶ್ರೀ ಈಶಪ್ರೀಯ ತೀರ್ಥ” ಮಠಾದೀಶೆರೆಗ್ ಬೊಕ್ಕ ಶ್ರೀ ಕೃಷ್ಣ ಮಠತ ಆಡಳಿತ ಮುಖ್ಯೆಸ್ತೆರೆಗ್ “ಶ್ರೀ ಗೋವಿಂದ ರಾಜ್” ಮೆರಗ್ “ಯುವ ತುಳುನಾಡ್ (ರಿ.) ಕುಡ್ಲ” ಸಂಘಟನೆದಕುಲು ಉಡಲೊರ್ಮೆದ ಸೊಲ್ಮೆ ಸಂದಾಯಿತ ಮಲ್ತೆರ್. ಈ ಪೊರ್ತುಡು ಶ್ರೀ ಮಠ ಟ್ ನನಾತ್ ತುಳು ಲಿಪಿ ಬೋರ್ಡ್ ಪಾಡೊಡು ಪಂಡ್ದ್ ಅಂಚನೆ ತುಳು ಬಾಸೆ ರಾಜ್ಯದ ಅಧಿಕೃತ ಬಾಸೆ ಮಲ್ಪರೆ ಮಾನ್ಯ ಮುಖ್ಯಮಂತ್ರಿಲೆಗ್ ಬಿನ್ನಾಪು ಮಲ್ಪೊಡು ಪಂಡ್ದ್ ಸ್ವಾಮಿಲೆಡ ಅರಿಕೆ ಮಲ್ತೆರ್ . ಈ ಪೊರ್ತುಡು ಸಂಘಟನೆದ ಪ್ರಧಾನ ಕಾರ್ಯಂತೆರ್ ರಿತೇಶ್ ಡಿಸೋಜ, ಪ್ರಧಾನ ಸಂಘಟನಾ ಮಾರ್ಗದರ್ಶಿ “ತುಳುನಾಡ ತುಡರ್” ದಿಲ್ ರಾಜ್ ಆಳ್ವ, ಖಜಾಂಜಿ ರಕ್ಷಣ್ ಪೂಜಾರಿ, ಮಹಿಳಾ ಗುರ್ಕಾರ್ದಿ ದೀಪಿಕಾ ಶೇರಿಗಾರ್, ಪದುಕೆರ್ ಕೌಶಿಕ್ ಶೆಟ್ಟಿ, ಸಚಿನ್ ಶೆಟ್ಟಿ ಅಂಚನೇ ಟೈಮ್ಸ್ ಆಫ್ ಕುಡ್ಲದ ಯಶೋಧ ಕೇಶವ್ ಪಾಲ್ ಪಡೆದಿತ್ತೆರ್ .

ಒಡಿಪು ಕೃಷ್ಣ ಮಠೊಟು ತುಲು ಲಿಪಿ ಕಲ್ಪುನ ಕಜ್ಜಕೊಟ್ಯೊ ನಡಪಾಯೆರೆ ಜೈ ತುಲುನಾಡ್ (ರಿ.) ಸಂಘಟನೆರ್ದ್ ಅರಿಕೆ

ಜಾರ್ದೆ 22, ಒಡಿಪು : ಜೈ‌ ತುಲುನಾಡ್ (ರಿ.) ಸಂಘಟನೆ ನವೆಂಬರ್ 20 ತಾರೀಕ್‌ಗ್ ಒಡಿಪು ಮಠೊಟು ತುಲು ಲಿಪಿಟ್ ಪುದರ್‌ಪಲವೆ (ನಾಮಫಲಕ) ಪಾಡೊಡುಂದ್ ಅರಿಕೆ ಮಲ್ತಿತ್ತಿ ಬೊಕ್ಕ‌ ಇತ್ತೆ‌ ಒಡಿಪು ಕೃಷ್ಣ ಮಠೊಟು ತುಲು ಲಿಪಿ ಕಲ್ಪುನ ಕಜ್ಜಕೊಟ್ಯೊ ನಡಪಾವೊಡು ಪಂದ್ ಡಿಸೆಂಬರ್ 07 ತಾರೀಕ್‌ಗ್ ಪರ್ಯಾಯ ಅದಮಾರು ಮಠೊತ ಮಠಾಧೀಶೆರಾಯಿನ ಶ್ರೀ ಶ್ರೀ ಶ್ರೀ ಈಶಪ್ರಿಯ ತೀರ್ಥ ಶ್ರೀಪಾದೆರೆನ್ ಭೇಟಿಯಾದ್ ಜೈ ತುಲುನಾಡ್ (ರಿ.) ಸಂಘಟನೆರ್ದ್ ಅರಿಕೆ ಮಲ್ತ್ಂಡ್.

ಈ ಪೊರ್ತುಡು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಪದುಕೆರ್ ತಾರಾ ಆಚಾರ್ಯ,‌ ವಕೀಲೆರಾಯಿನ ರಮೇಶ್ ದೇವಾಡಿಗ, ಜೈ ತುಲುನಾಡ್ (ರಿ.) ಪ್ರಧಾನ ಕಾರ್ಯಂತೆರಾಯಿನ ಸದಾಶಿವ ಮುದ್ರಾಡಿ, ಕಲ್ಮಾಡಿ ಅಣ್ಣಪ್ಪ ಪಂಜುರ್ಲಿ ದೈವಸ್ಥಾನ ಸಮಿತಿದ ಗುರ್ಕಾರ್ಲು ಆಯಿನ ರಾಘವೇಂದ್ರ ರಾವ್, ತುಲು ಲಿಪಿ ಶಿಕ್ಷಕೆರಾಯಿನ ಶರತ್ ಕೊಡವೂರು, ಅಕ್ಷತಾ ಕುಲಾಲ್, ಪೂರ್ಣಿಮಾ ಎಲ್ಲೂರು, ಒಡಿಪು ತಾಲೂಕು ಒತ್ತು ಕಾರ್ಯಂತೆರಾಯಿನ ಸಚಿನ್ ಬಡಗುಬೆಟ್ಟು, ವಕೀಲೆರಾಯಿನ ಸುಪ್ರೀಯ ಅಖಿಲೇಶ್, ರವೀಂದ್ರ ಪೆರ್ಡೂರ್, ಶ್ರೇಯಸ್,‌ ರಾಹುಲ್ ಒತ್ತುಪಾಲಿತ್ತೆರ್.

ಅಪ್ಪೆ ಭಾಷೆದ ಪಾತೆರ ಮನಸ್ಸ್ ಗ್ ಮುಟ್ಟುನವು – ಡಾ.ಆಕಾಶ್ ರಾಜ್ ಜೈನ್

ಜೈ ತುಳುನಾಡ್ ಸಂಘಟನೆದಕ್ಲೆನ ಮುತಾಲಿಕೆಡ್ ಊರುದಕ್ಲೆನ ಸಾಕಾರೊಡು ಕೊಡವೂರುಡು ಊರುದ ಪುದರ್ ನ್ ತುಳು ಲಿಪಿಟ್ ಬರೆಯಿನ ಬೋರ್ಡ್ ದ ಉದಿಪನದ ಲೇಸ್ ನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರಾಯಿನ ಅಂಚನೇ ಅಳುಪ ಅರಸೆರ್ನ ವಂಶಸ್ತೆರಾಯಿನ ಡಾ. ಆಕಾಶ್ ರಾಜ್ ಜೈನ್ ಉದಿಪನ ಮಲ್ತ್ ದ್ “ನಮ ಪಿದಾಯಿದಕ್ಲೆನೊಟ್ಟಿಗೆ ಅಕ್ಲೆಗ್ ಗೊತ್ತುಪ್ಪುನ ಭಾಷೆಡ್ ಪಾತೆರ್ನಗ ಅವು ಅಕ್ಲೆನ ಮನಸ್ಸ್ ನ್ ಮುಟ್ಟುನ್ಡು , ನೆಲತ ಮಣ್ಣ್ ದ ಅಂತಸತ್ವದೊಟ್ಟುಗು ಭಾವನೆರ್ದ್ ಮಿಳಿತವಾಯಿನ ಮಾತ್ರ್ ಭಾಷೆಡ್ ಪಾತೆರ ಕಥೆ ನಡಪಾಂಡ ಅವು ಅಕ್ಲೆನ ಮನಸ್ಸ್ ನ್ ಮುಟ್ಟುನ್ಡು .ಈ ನಿಟ್ಟ್ ಡ್ ತುಳುವೆರಾಯಿನ ನಮ ಮಾತಾ 2500ರ್ದ್ ಲಾ ಮಿತ್ತ್ ದ ಇತಿಹಾಸ ಇಪ್ಪುನ ನಮ್ಮ ಅಪ್ಪೆ ಭಾಷೆ ತುಳುತ ಮಿತ್ತ್ ಅಭಿಮಾನ,ಗೌರವ ದೀದ್ ತುಳು ಸಾಹಿತ್ಯ, ಸಂಸ್ಕೃತಿ,ಆಚಾರ ವಿಚಾರಲೆನ್ ಒರಿಪಾದ್ ಬುಲೆಪಾಯೆರೆ ಒಟ್ಟಾಕ ” ಪಂದ್ ಪಂಡೆರ್ .

ಜೈ ತುಳುನಾಡ್ (ರಿ.), ಕೊಡವೂರು ಶಾಲಾ ಹಳೆ ವಿದ್ಯಾರ್ಥಿ ಸಂಘ ಬೊಕ್ಕ ಯುವಕ ಸಂಘದ ವತಿರ್ದ್ ಕೊಡವೂರು ವೃತ್ತಡ್ ತುಳುಲಿಪಿತ ನಾಮಫಲಕದ ಅನಾವರಣ ಬೊಕ್ಕ ತುಳು ಲಿಪಿ ಪರೀಕ್ಷೆಡ್ ಎಡ್ಡೆ ಸಾಧನೆ ಮಲ್ತಿನ ಜೋಕ್ಲೆಗ್ ಮಾನದಿಗೆ ಮಲ್ಪುನ ಕಜ್ಜಡು ಮೇರ್ ಪಾತೆರಿಯೆರ್ .ಮಲ್ಲ ಗುರ್ಕಾರ್ಲಾದ್ ಪಾಲ್ ಪಡೆಯಿನ ಕೊಡವೂರು ವಾರ್ಡ್ ದ
ನಗರಸಭಾ ಸದಸ್ಯೆರಯಿನ ವಿಜಯ ಕೊಡವೂರು ಪಾತೆರ್ದ್ ತುಳು ಮಹಾಭಾರತೊ ಬರೆತಿನ ಕೊಡವೂರುದ ಅರುಣಾಬ್ಜನ ಪುದರ್ ನ್ ಮುಲ್ಪದ ಒಂಜಿ ಮಾರ್ಗೋಗು ದೀಯರೆ ಕಾನೂನಾತ್ಮಕವಾದ್ ನಿರ್ಧಾರ ದೆತೊನೊಡು ಪಂದ್ ಪಂಡೆರ್. ಊರುದ ಶ್ರೀ ಶಂಕರನಾರಾಯಣ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರ್ಲಾಯಿನ ಪ್ರಕಾಶ್ ಜಿ ಕೊಡವೂರು, ಕೊಡವೂರು ವ್ಯ.ಸೇ.ಸ.ಸಂಘದ ಗುರ್ಕಾರ್ಲು ನಾರಾಯಣ ಬಲ್ಲಾಳ್, ಯುವಕ ಸಂಘದ ಗುರ್ಕಾರ್ಲು ಪ್ರಭಾತ್ ಕೋಟ್ಯಾನ್, ಬೇತೆ ಬೇತೆ ಸಂಘ ಸಂಸ್ಥೆದ ಪದಾಧಿಕಾರಿಲಾಯಿನ ರಾಜ ಎ.ಸೇರಿಗಾರ್,ಸುಧಾ ಎನ್ ಶೆಟ್ಟಿ,ಬೇಬಿ ಮೆಂಡನ್, ರಾಮ ಸೇರಿಗಾರ್ ಶ್ರೀನಿವಾಸ್ ಬಾಯರಿ, ಭಾಸ್ಕರ್ ಶೆಟ್ಟಿ, ಪ್ರಶಾಂತ್ ಜಿ ಕೊಡವೂರು,ಜೀವನ್ ಕುಮಾರ್ ಪಾಳೆಕಟ್ಟೆ, ಪ್ರವೀಣ್ ಜಿ ಕೊಡವೂರು, ಟೈಮ್ಸ್ ಆಫ್ ಕುಡ್ಲದ ಯಶೋಧ ಕೇಶವ್, ಸರೋಜಿನಿ ವಿಜಯ್, ಕಿರಣ್ ತುಳುವೆ, ರಾಜೇಶ್ ತುಳುವೆ, ಜಗದೀಶ ಕಲ್ಕಳ ಪಾಲ್ ಪಡೆದಿತ್ತೆರ್. ಜೈ ತುಳುನಾಡ್ ಸಂಘಟನೆದ ಶರತ್ ಕೊಡವೂರು ಎದುಕೊಂಡೆರ್ . ಸಂಘದ ಗುರ್ಕಾರ್ಲಾಯಿನ ಸತೀಶ್ ಕೊಡವೂರು ಪ್ರಸ್ತಾವನೆ ಮಲ್ತೆರ್ . ಉಜ್ವಲ ಪೂಜಾರಿ ಕಾರ್ಯಕ್ರಮನ್ ಎದುಕೊಂದು, ಸೊಲ್ಮೆ ಸಂದಾಯ್ತ ಮಲ್ತೆರ್.

Communication in Mathr Language is Reachable  – Dr. Akash Raj Jain

Dr. Krishnan Nair, a member of the Tulu Literary Academy of Karnataka Akash Raj Jain unveiled, “When we communicate with others in a language they know, it touches the mind, and the ground mudslides with the emotions of the Mathr language that touch their minds. We are all in this regard. “Let us join hands to save and develop the precepts.” Jai Tulunad (R), Kodavur School Alumni Association and Youth Congress, spoke at the launch of the Tulipali Nammalakalapuram in Kodavur Vidyalaya and the students who excelled in the Tulip script examination. Of the Kodavoor ward as chief guests
Municipal Councilor Vijaya Kodavoor said that the name of Arunabja of Kodavoor written by Tulu Mahabharata is legally sought to be kept in a way. Prakash Ji Kodavoor, Chairman of the local Sri Sankaranarayan temple management committee, Narayana Ballal, president of Kodavur VSSU, Prabhat Kotan, president of youth union, Raja A Serigar, Sudha N Shetty, Baby Mendari, Shri. Bhaskar Shetty, Prashanth G. Kodavoor, Jeevan Kumar Palikatte, Praveen G. Kodavoor, Sarojini Vijay, Kiran Tuvve, Rajesh Tuvve, Jagadeesh Kalka were present. Sarath Kodavoor of the Jai Tulunad Organization welcomed the proposal. Presenting the salutation ceremony.