ಉಡುಪಿದ ಸುದ್ದಿ | Udupi News

“ನಮ್ಮ ಕುಡ್ಲ ಟಾಕೀಸ್‌” – ತುಳು ಸಿನಿಮಾಲೆಗೊಂಜಿ ಪೊಸ ವೇದಿಕೆ

ಕುಡ್ಲ : ಕೋಸ್ಟಲ್‌ವುಡ್‌ ಸಿನಿಮಾಲೆಗ್ ದಕ್ಷಿಣ ಕನ್ನಡ ಬೊಕ್ಕ ಉಡುಪಿ ಜಿಲ್ಲ್ಲೆ ಡುಪ್ಪುನ ಥಿಯೇಟರ್ ಲೆ ಪ್ರಾಣವಾಯು. ಆಂಡ , ಕುಡ್ಲಡ್ ವರ್ಷರ್ದ್ ವರ್ಷಗ್ ಚಿತ್ರಮಂದಿರದ ಸಂಖ್ಯೆ ಕಮ್ಮಿ ಆವೊಂದು ಉಂಡು ತುಳು ಚಿತ್ರೋದ್ಯಮಗ್ ಭಾರಿ ಮಲ್ಲ ಪೆಟ್ಟ್ ಬೂರ್ದುಂಡು. ಉಂದೆನ್ ತೆರಿಯೋನ್ನ ‘ನಮ್ಮ ಕುಡ್ಲ’ ಕೂಟ ತುಳು ಸಿನಿಮಾಲೆನ್ ಜನಕ್ಲೆಗ್ ಮುಟ್ಟಯರೇ ಪೊಸ ಮತ್ತರ್ಮೆ ನ್ ಸೃಷ್ಟಿ ಮಲ್ದುಂಡು .

ಪ್ರಸ್ತುತ ಕೋಸ್ಟಲ್‌ವುಡ್‌ ಡ್ ಉಪ್ಪುನ ಸಮಸ್ಯೆನ್ ಗೇನೋಗೂ ದೆತೊಂದು ಕರ್ಕೇರ ಸಹೋದರರೆರ್ನ ‘ನಮ್ಮ ಕುಡ್ಲ’ ಕೂಟ ಪೊಸ ಭರವಸೆ ಪುಟ್ಟು ಪಾರ್ದುಂಡು . ‘ನಮ್ಮ ಕುಡ್ಲ ಟಾಕೀಸ್‌’ ಪನ್ಪಿನ ಪೊಸ ಪರಿಕಲ್ಪನೆನ್ ಮಾರ್ಚ್‌ಡ್ ಉದಿಪನ ಮಲ್ಪರೆ ಉಲ್ಲೆರ್ .

ಮದಿಮೆದ ಮಂಟಪೊಡ್ದ್ ದೇವಸ್ಥಾನದ ಕರಸೇವೆಗ್ ಪಿದಾಡಿನ ಪೊಸ ಜೋಡಿಲು

ಉಚ್ಚಿಲ ಮಹಾಲಕ್ಷ್ಮೀ ದೇವಸ್ಥಾನದ ಜೀರ್ಣೋದ್ಧಾರದ ಕೆಲಸ ಸುರುವಾದಿತ್ತುದ್ ಮೊಗವೀರ ಕುಲಬಾಂಧವೆರ್ ದೇವಸ್ಥಾನೊಡ್ ಕರಸೇವೆ ಮಲ್ಪರೆಗ್ ದುಂಬಾತೆರ್..ಬೇತೆ ಬೇತೆ ಗ್ರಾಮೊಡ್ ಬತ್ತುದ್ ಅಪ್ಪೆನ ಸೇವೆಡ್ ತೊಡಗಿಸಾವೊಂದೆರ್.ಆಂಡ ಉಂದೊಂಜಿ ಅಪರೂಪದ ಸಂಗತಿ ದೇವಸ್ಥಾನೊಡ್ ನಡದುಂಡ್.ದಾದ ಪಂಡ ಪೊಸತ್ ಮದಿಮೆ ಆಯಿನ ಜೋಡಿಲು ಮದಿಮೆದ ಗೌಜಿಡ್ ಉಪ್ಪುನ ಬದಲ್ ದೇವೆರ್ನ ಸೇವೆ ಮಲ್ಪರೆಗ್ ದುಂಬಾತೆರ್.

ದೇವಸ್ಥಾನದ ಗರ್ಭಗುಡಿತ್ತ ಶಿಖರ ವಿಸರ್ಜನೆ ಮಲ್ತುದ್ ಕರಸೇವೆ ಮಲ್ಪುನ ಮೂಲಕ ದೇವಸ್ಥಾನೊನ್ ವಿಸರ್ಜನೆ ಮಲ್ಪುನ ಕಜ್ಜೊಗ್ ಜೀರ್ಣೋದ್ಧಾರ ಸಮಿತಿದ ಗೌರವಾಧ್ಯಕ್ಷೆರಾಯಿನ ಡಾ.ಜಿ.ಶಂಕರ್ ಚಾಲನೆ ಕೊರಿಯೆರ್.ಉಳ್ಳಾಲ ಬೊಕ್ಕ ಉಪ್ಪಳ ಮೊಗವೀರ ಗ್ರಾಮ ಸಭೆತ್ತ ಸುಮಾರು 500 ಗ್ ಲಾ ಮಿಕ್ಕಿನ ಜನಕುಲ್ ಕರಸೇವೆಡ್ ಪಾಲ್ ಪಡೆಯೆರ್.ಈ ಪೊರ್ತುಡ್ ಉಚ್ಚಿಲ ಮಹಾಲಕ್ಷ್ಮೀ ಸಭಾಂಗಣೊಡ್ ಮದಿಮೆ ಆಯಿನ ಪೊಸ ಜೋಡಿ ರಾಹುಲ್ ಬೊಕ್ಕ ಶೀತಲ್ ಕರಸೇವೆಡ್ ಪಾಲ್ ಪಡೆದ್ ಸಮಾಜೊಗ್ ಮಾದರಿಯಾಯೆರ್.

ಶ್ರೀ ಅಣ್ಣಪ್ಪ ಪಂಜುರ್ಲಿ ದೈವಸ್ಥಾನ ಕಂಗೊಟ್ಟುದ ಜೀರ್ಣೋದ್ಧಾರದ ಪುನಃ ಪ್ರತಿಷ್ಠೆ ದ ಪುದೆಕಾಣಿಕೆ ಮೆರವಣಿಗೆ

ಶ್ರೀ ಅಣ್ಣಪ್ಪ ಪಂಜುರ್ಲಿ ದೈವಸ್ಥಾನ ಕಂಗೊಟ್ಟುದ ಜೀರ್ಣೋದ್ಧಾರದ ಪುನಃ ಪ್ರತಿಷ್ಠೆ 17 ನೇ ತಾರೀಕು ಬೊಕ್ಕ ಬ್ರಹ್ಮಕುಂಭಾಭಿಷೇಕ 20 ನೇ ತಾರೀಕುದಾನಿ ನಡಪರೆಗಿತ್ತುದ್ ಆ ಪ್ರಯುಕ್ತ ಬ್ರಹತ್ ಮೆರವಣಿಗೆ ಮಲ್ಪೆ ಅಯ್ಯಪ್ಪ ಮಂದಿರಡ್ದ್ ದೈವಸ್ಥಾನಮುಟ್ಟ ನಡತುಂಡ್.

ಊರುದ ಸಮಸ್ತ ಭಕ್ತೆರ್ ಈ ಪುಣ್ಯಕಾರ್ಯೊಡ್ ಪಾಲ್ ಪಡೆದ್ ಸಾದಿಡ್ ಮೆರವಣಿಗೆ ಸಾಗುದ್ ಬನ್ನಗ ತನ್ನ ಇಲ್ಲಡ್ ಬುಲೆಯಿನ ತಾರಾಯಿ, ತರಕಾರಿಲೆನ್ ಕೊರ್ದು ದೈವಸ್ಥಾನದ ಅನ್ನಸಂತರ್ಪಣೆಗ್ ತಂಕುಲೆಡ ಆಪಿನ ಸಹಕಾರ ಕೊರಿಯೆರ್.

ಪೊಸ ಸಿಇಒ ಆದ್ ಕುಮಾರ್ ನಿಯೋಜನೆ

ಕುಡ್ಲ : ದ.ಕ. ಜಿಪಂ ಸಿಇಒ ಆತಿನ ಡಾ.ಸೆಲ್ವಮಣಿ ಆರ್. ಕೋಲಾರ ಜಿಲ್ಲಾಧಿಕಾರಿಯಾದ್ ವರ್ಗಾವಣೆ ಆತೆರ್ , ಜಿಲ್ಲೆಗ್ ಪೊಸ ಸಿಇಒ ಆದ್ ಕುಮಾರ್ ನೇಮಕ ಆತೆರ್.

ಕುಮಾರ್ ಮೇರ್ ಚಿಕ್ಕಮಗಳೂರು ಜಿಲ್ಲೆದ ಎಡಿಸಿಯಾದ್ ಕರ್ತವ್ಯ ಮಲ್ತೊಂದು ಇತ್ತೆರ್ . ನೆರ್ದ್ ದುಂಬು ದ.ಕ. ಜಿಲ್ಲೆದ ಹೆಚ್ಚುವರಿ ಜಿಲ್ಲಾಧಿಕಾರಿಯಾದ್ ಲಾ ಬೇಲೆ ಮಲ್ದೆರ್.

Dr. Selvamani R. who was the CEO. Kumar has been transferred to Kolar district and Kumar has been appointed as the new CEO of the district.

ಮುಂಚೂಣಿ ಕಾರ್ಯಕರ್ತೆರೆಗ್ ಕೋವಿಶೀಲ್ಡ್ ಲಸಿಕೆ

ಒಡಿಪು , ಫೆ.14: ಕೊರೋನ ವಿರುದ್ಧ ಕೊರೊಂದು ಉಪ್ಪುನ ಕೋವಿಶೀಲ್ಡ್ ಲಸಿಕೆನ್ ಇತ್ತೆ ಶೇ.49.1ತ್ತಾತ್ ಜಿಲ್ಲೆದ ಮುಂಚೂಣಿ ಕಾರ್ಯಕರ್ತೆರೆಗ್ ಕೊರ್ತೆರ್ . ಜಿಲ್ಲೆಡ್ ಒಟ್ಟು 4179 ಮುಂಚೂಣಿ ಕಾರ್ಯಕರ್ತೆರೆಗ್ ಲಸಿಕೆ ಕೊರ್ಪಿನ ಗುರಿ ಉಂಡು, ದಿನಟ್ 16 ಜನ ಸೇರಿನಂಚ ಒಟ್ಟು 2053 ಜನ ಲಸಿಕೆ ದೆತೊನ್ವೆರ್ ಪಂದ್ ಜಿಲ್ಲಾ ಆರೋಗ್ಯ ಇಲಾಖೆ ಪ್ರಕಟಣೆಡ್ ತೆರಿಪಾದೆರ್.

Udupi, Feb.14 The Cowshield vaccine against coronavirus has so far been given to 49.1 per cent of district-leading workers. The district aims to vaccinate a total of 4179 frontline workers, with a total of 2053 people receiving the vaccine, including 16 people a day, the district health department said in a statement.