ಉಡುಪಿದ ಸುದ್ದಿ | Udupi News

ಆರೋಗ್ಯ ಕಾರ್ಡ್ ಮುಖೇನ ಡಾ.ಜಿ ಶಂಕರ್ ಮೆರೆರ್ದ್ ಆರೋಗ್ಯ ಕ್ರಾಂತಿ: ರಮೇಶ್ ಕಾಂಚನ್

ಉಡುಪಿ: ಒವ್ವೆ ಜಾತಿ, ಧರ್ಮ ಬೇಧದಾಂತೆ ಜಿಲ್ಲೆದ ಜನಕ್ಲೆಗ್ ಡಾ. ಜಿ.ಶಂಕರ್ ಮೇರ್ ಆರೋಗ್ಯ ಕಾರ್ಡ್ ಕೊರೊಂದು ಉಲ್ಲೆರ್ ಪಾಪದಕ್ಲೆನ ಪಾಲ್ ಗ್ ಇಂದು ಸಂಜೀವಿನಿಯಾತುಂಡು.ಲಕ್ಷಾಂತರ ಕುಟುಂಬಲೆಗ್ ಈ ಕಾರ್ಡ್ ರ್ದ್ ಅನುಕೂಲ ಆತುಂಡು ಈ ಮುಖೇನ ಡಾ.ಜಿ ಶಂಕರ್ ಮೇರ್ ಆರೋಗ್ಯ ಕ್ಷೇತ್ರಡ್ ಕ್ರಾಂತಿ ಮಲ್ದೆರ್ ಪಂದ್ ನಗರಸಭೆತ ವಿಪಕ್ಷ ನಾಯಕ ರಮೇಶ್ ಕಾಂಚನ್ ಪಂಡೆರ್ .

ಚಿಕ್ಪಾಡಿ ಶಾರದಾಂಬ ದೇವಸ್ಥಾನಡ್ ಶುಕ್ರವಾರ ನಡತಿನ ಡಾ. ಜಿ ಶಂಕರ್ ಆರೋಗ್ಯ ಕಾರ್ಡ್ ಲೆನ್ ಫಲಾನುಭವಿಲೆಗ್ ಕೊರ್ದು ಪಾತೆರಿಯೆರ್. ಒವ್ವೆ ಜಾತಿ ಸಂಘಟನೆಯಾವಡ್ ಅತ್ತುಂಡ ಉದ್ಯಮಿಯಾವಡ್ ಇಂಚಿನ ಮಹತ್ಕಾರ್ಯ ಮಲ್ದ್ ಜೆರ್.ಜಿ.ಶಂಕರ್ ಮೇರ್ ovve ಜಾತಿ, ಧರ್ಮನ್ ತೂವಂದೆ ಪಾಪದಕ್ಲೆಗ್ ಆಸ್ಪತ್ರೆಡಾಪಿನ ಕಾಸ್ ದ ಸಮಸ್ಯೆನ್ ಗೇನಡ್ ದೀದ್ ಕಾರ್ಡ್ ಕೊರ್ಪಿನ ಬೇಲೆ ಮಲ್ತೊಂದು ಉಲ್ಲೆರ್. ಈ ಮುಖೇನ ಜಿ.ಶಂಕರ್ ಮೇರ್ ಅವ್ವೆತೋ ಪಾಪದಕ್ಲೆನ ಪಾಲ್ ಗ್ ಸಹಕಾರಿ ಆತೆರ್. ಮೆರ್ನ ಈ ಕಾರ್ಯ ನಿಜವಾದ್ ಲಾ ಪುಗಾರುನವು ಪಂದ್ ಪಂಡೆರ್.

ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆದ್ ಪಾತೆರಿನ ವೆಸ್ಟ್ ಕೋಸ್ಟ್ ಗ್ಯಾಸ್ ಏಜನ್ಸಿದ ಜನರಲ್ ಮ್ಯಾನೇಜರ್ ದಿನೇಶ್ ಬಂಗೇರಾ, ಪಿರವುದ ಕಾಲಡ್ ಇಂಚಿನ ವ್ಯವಸ್ಥೆಲು ಇಜ್ಜಂದಿನ ಕಾರಣ ಬಡಜನಕ್ಲೆಗ್ ಬಂಗ ಆವೊಂದು ಇತ್ತುಂಡು . ಆಂಡ ಇತ್ತೆ ಡಾ. ಜಿ ಶಂಕರ್ ಆರೋಗ್ಯ ಕಾರ್ಡ್ ಲು ಪೇಂಟೆದ ಮಾತಾ ವರ್ಗದಕ್ಲೆಗ್ ಲಾ ಪಡೆಯರೆ ಅವಕಾಶ ಇತ್ತುಂಡು ಸೂಕ್ತ ಸಮಯಡ್ ನೆತ್ತ ನೊಂದಾವಣೆ ಮುಖೇನ ಪಾಪದಕುಲು ನೆತ್ತ ಲಾಭನ್ ಪಡೆಯೋಲಿ ಪಂದ್ ಪಂಡೆರ್.

ಪವರ್ ಸಂಸ್ಥೆದ ಸದಸ್ಯೆ ರೇಸ್ಮಾ ಸಯ್ಯದ್ ಫರೀದ್, ಸಹಕಾರಿ ಧುರೀಣೆ ಇಂದು ರಮಾನಂದ ಭಟ್, ಮಾಜಿ ನಗರಸಭಾ ಸದಸ್ಯ ಸತೀಶ್ ಪುತ್ರನ್ ಪಾಲ್ ಪಡೆದಿತ್ತೆರ್ . ಗೀತಾ ಲೇಸ್ ನಡಪಾದ್ ಕೊರಿಯೆರ್. ದಿವ್ಯ ಸೊಲ್ಮೆ ಸಂದೈತ ಮಲ್ತೆರ್ .

ಶ್ರೀ ಕ್ಷೇತ್ರ ಇಂದ್ರಾಣಿ ಶ್ರೀ ಪಂಚದುರ್ಗಾ ಪರಮೇಶ್ವರಿ ದೇವಸ್ಥಾನೊಡು ತುಳುಲಿಪಿತ ಪುದರ್ದ ಪಲವೆ ನ್ ಪಾಡುನ ಲೇಸ್

ಶ್ರೀ ಕ್ಷೇತ್ರ ಇಂದ್ರಾಣಿ ಶ್ರೀ,ಪಂಚದುರ್ಗಾ ಪರಮೇಶ್ವರಿ ದೇವಸ್ಥಾನೊದ ವಾರ್ಷಿಕ ರಥೋತ್ಸವ ನಡತೊಂದುಪ್ಪುನ ಈ ಪೊರ್ಲ ಪೊರ್ತುಡು,ದೇವಸ್ಥಾನೊದ ಪುದರ್ ನ್ ತುಳುಲಿಪಿ ಟ್ ಬರೆಪಾದ್,ಅಪ್ಪೆ ಭಾಸೆ ತುಳುಕ್ ಮಾನಾದಿಗೆ ಕೊರ್ಪಿನಂಚಿನ ಕೆಲಸೊನು ದೇವಸ್ಥಾನೊದ ಆಡಳಿತ ಮೊಕ್ತೇಸರೆರಾದುಪ್ಪುನ ಮಾನ್ಯ,ಶ್ರೀ ಜಯಕರಶೆಟ್ಟಿ ಇಂದ್ರಾಳಿ ಮೇರ್ ಬೊಕ್ಕ ಆಡಳಿತ ಮಂಡಳಿ ಸಮಿತಿದಕುಲು ಮಲ್ದಿನವು ಬಾರಿ ಪೆರ್ಮೆದ ಇಚಾರ.

ಈ ನೆಲೆಟ್ಟ್ ಎಲ್ಲೆ ಕಾಂಡೆ 10.30 ಗಂಟೆಗ್ ಸರಿಯಾದ್,ಇಂದ್ರಾಣೀ ದೇವಸ್ಥಾನೊಡ್ , ತುಳುಲಿಪಿತ ಪುದರ್ದ ಪಲವೆ ನ್ ಪಾಡುನ ಲೇಸ್ ನಡಪರೆಗುಂಡು. ಈ ಪೊರ್ಲ ಲೇಸ್ ಗ್ ಮಾತಾ ಭಕ್ತೆರ್ ಒಟ್ಟಾದ್ ಕಾರ್ಯಕ್ರಮೊಗು ಪೊರ್ಲು ದಿಂಜಾದ್ ಕೊರೊಡು ಪಂದ್ ಬಿನ್ನಾಪು ಮಲ್ದೆರ್.

ಅಂಚೆನೇ ಕಾಂಡೆ 11.30 ಗಂಟೆಗ್ ನಡಪುನ ಇಂದ್ರಾಣಿ ಪಂಚದುರ್ಗಾಪರಮೇಶ್ವರಿ ದೇವೆರೆನ ರಥಾರೋಹಣ ಕಾರ್ಯಕ್ರಮೊಟ್ಲಾ  ಪಾಲ್ ಪಡೆದ್ ಮಧ್ಯಾಹ್ನ 1 ಗಂಟೆಗ್ ಅನ್ನಪ್ರಸಾದ ಭೋಜನೊನು ಸ್ವೀಕಾರ ಮಲ್ತ್  ದ್,ರಾತ್ರೆ 7 ಗಂಟೆಗ್ ನಡಪುನ,ವಾರ್ಷಿಕ ಮಹಾ ರಥೋತ್ಸವೊಡು ಪಾಲ್ ಪಡೆದ್,ಅಪ್ಪೆ ದುರ್ಗೆನ  ಸಂಪೂರ್ಣ ಅನುಗ್ರಹೊನು ಪಡೆವೊಡು, ಪಂದ್  ಶ್ರೀಯುತ ಇಂದ್ರಾಳಿ ಜಯಕರಶೆಟ್ರ್ ತೆರಿಪಾದೆರ್.