ಉಡುಪಿದ ಸುದ್ದಿ | Udupi News

ಮಾರ್ಪಳ್ಳಿ ಬ್ರಹ್ಮಬೈದರ್ಕಳ ಗರೊಡಿದ ಅಧ್ಯಕ್ಷೆರಾದ್ ಕಂಬಳಮನೆ ರಾಜೇಶ್ ಎಸ್. ಶೆಟ್ರ್ ನೇಮಕ

ಒಡಿಪು : ಶ್ರೀ ಬ್ರಹ್ಮ ಬೈದರ್ಕಳ ಗರೋಡಿ ಅಭಿವೃದ್ಧಿ ಸಮಿತಿದ 2021-22 ನೇ ಸಾಲ್ ದ ತಿಂಗೊಲ್ದ ಸಭೆಟ್ ನನದ 2 ವರ್ಷ ಕಾಲದ ಪೊಸ ಪದಾಧಿಕಾರಿಲೆನ ಆಯ್ಕೆ ನ. 13 ಐತಾರದಾನಿ ನಡತ್ಂಡ್.

ಬೈಲೂರು, ಚಿಟ್ಪಾಡಿ,ಕೊರಂಗ್ರಪಾಡಿ, ಮಾರ್ಪಳ್ಳಿ, ಕೆಮ್ತೂರು ಗ್ರಾಮ ಸೇರ್ದ್ ಐನ್ ಮಾಗಣೆದ ಮಾರ್ಪಳ್ಳಿ ಬ್ರಹ್ಮಶ್ರೀ ಬೈದರ್ಕಳ ಗರೊಡಿದ ಪೊಸ ಅಧ್ಯಕ್ಷೆರಾದ್ ರಾಜೇಶ್ ಶಾಂತಾರಾಮ್ ಶೆಟ್ರ್ ಆಯ್ಕೆ ಆತೆರ್. ಈ ಸಭೆಟ್ ಗೌರವಾಧ್ಯಕ್ಷೆರಾದ್ ಡಾ| ಸಿ. ಜಿ. ಬಲ್ಲಾಳ್ ಚಿಟ್ಪಾಡಿ ಬೂಡು, ಕೆಮ್ತೂರು ಸುಂದರ ಶೆಟ್ಟಿ, ರಮೇಶ್ ಎ. ಬಂಗೇರ ಬೈಲೂರು, ಕೆ.ವಾಸುದೇವ ಶೆಟ್ಟಿ ದೊಡ್ಡಮನೆ ಕೊರಂಗ್ರಪಾಡಿ, ಅಲೆವೂರು ಶ್ರೀಧರ ಶೆಟ್ಟಿ, ನಾಗೇಶ್ ಹೆಗ್ಡೆ ಚಿಟ್ಪಾಡಿ ಮಟ್ಟಾರು, ರತ್ನಾಕರ ಹೆಗ್ಡೆ ಬೈಲೂರು, ಗೋವಿಂದ ಸೇರಿಗಾರ್ ಕೊರಂಗ್ರಪಾಡಿ, ರಾಘವ ಕೋಟ್ಯಾನ್ ಕೊರಂಗ್ರಪಾಡಿ ಆಯ್ಕೆ ಆತೆರ್.

ಅಧ್ಯಕ್ಷೆರಾದ್ ರಾಜೇಶ್ ಶೆಟ್ಟಿ ಕಂಬಳ ಮನೆ ಮಾರ್ಪಳ್ಳಿ, ಕಾರ್ಯಾಧ್ಯಕ್ಷೆರಾದ್ ಸಂಜೀವ ಕೆ. ಪೂಜಾರಿ ಬೈಲೂರು, ಉಪಾಧ್ಯಕ್ಷೆರಾದ್ ಚಂದ್ರಹಾಸ ಶೆಟ್ಟಿ ಕುಕ್ಕಿಕಟ್ಟೆ, ಡಾ| ದಿವಾಕರ್ ಶೆಟ್ಟಿ ಬೈಲೂರು, ಸಂಜೀವ ಶೆಟ್ಟಿ ಕೆಮ್ತೂರು, ದಿವಾಕರ್ ಸನಿಲ್ ಬೈಲೂರು, ಸದಾನಂದ ಶೆಟ್ಟಿ ಬೈಲೂರು, ವಿಜಿತ್ ಶೆಟ್ಟಿ ಕೊರಂಗ್ರಪಾಡಿ, ಪ್ರಶಾಂತ್ ಶೆಟ್ಟಿ ಮಾರ್ಪಳ್ಳಿ, ಚಿದಾನಂದ ಕೋಟ್ಯಾನ್ ಕೊರಂಗ್ರಪಾಡಿ, ನವೀನ್ ಎನ್. ಭಂಡಾರಿ ಬೈಲೂರು, ಭಾಸ್ಕರ್ ಶೆಟ್ಟಿ ಅಲೆವೂರು, ಲಕ್ಷ್ಮಿ ನಾರಾಯಣ ರಾವ್ ಮಾರ್ಪಳ್ಳಿ, ಸುಧಾಕರ ಡಿ. ಪೂಜಾರಿ ಮಾರ್ಪಳ್ಳಿ, ಅನಿಲ್ ಶೆಟ್ಟಿ ಕೊಳಂಬೆ ಬೈಲೂರು, ಸುಂದರ ಪೂಜಾರಿ ಕೆಮ್ತೂರು, ವಿಜಯ ಪೂಜಾರಿ ಬೈಲೂರು, ಶೇಖರ ಕೋಟ್ಯಾನ್ ಕೊರಂಗ್ರಪಾಡಿ, ಅರುಣ್ ಶೆಟ್ಟಿಗಾರ್ ಬೈಲೂರು, ಲಚ್ಚೇಂದ್ರ ದೇವಾಡಿಗ ಬೈಲೂರು ಆಯ್ಕೆ ಆಯೆರ್. ಬೊಕ್ಕ ಪ್ರಧಾನ ಸಲಹೆಗಾರೆರಾದ್ ಕೆಮ್ತೂರು ಪ್ರಭಾಕರ ಹೆಗ್ಡೆ, ಬನ್ನಂಜೆ ಬಾಬು ಅಮೀನ್, ಕಲ್ಮಂಜೆ ರಾಘು ಪೂಜಾರಿ, ಪ್ರಧಾನ ಕಾರ್ಯದರ್ಶಿಯಾದ್ ಅಶೋಕ್ ಕುಮಾರ್ ಕೊರಂಗ್ರಪಾಡಿ, ಜತೆ ಕಾರ್ಯದರ್ಶಿ ಆದ್ ಪ್ರವೀಣ್ ಕುಮಾರ್ ಬೈಲೂರು, ದೀಪಕ್ ಸನಿಲ್ ಕೆಮ್ತೂರು, ನಾಗರಾಜ್ ಅಮೀನ್ ಕೊರಂಗ್ರಪಾಡಿ, ಬೊಕ್ಕ ಕೋಶಾಧಿಕಾರಿ ಆದ್ ಪ್ರಸಾದ್ ಜೆ. ಶೆಟ್ಟಿ ಕೊರಂಗ್ರಪಾಡಿ, ಜತೆ ಕೋಶಾಧಿಕಾರಿ ಆದ್, ದಿವಾಕರ್ ಶೆಟ್ಟಿ ಮುಚ್ಚಿಲ್ ಕೋಡ್, ಸಂಘಟನಾ ಕಾರ್ಯದರ್ಶಿ ಆದ್, ಜಯಕರ ಅಮೀನ್ ಕೊರಂಗ್ರಪಾಡಿ, ಹರೀಶ್ ಸುವರ್ಣ ಬೈಲೂರು, ಸುಧಾಕರ್ ಸಾಲ್ಯಾನ್ ಕೆಮ್ತೂರು, ಶಂಕರ ಪಾಲನ್ ಕೊರಂಗ್ರಪಾಡಿ, ಹರೀಶ್ ಡಿ. ಅಂಚನ್ ಮಾರ್ಪಳ್ಳಿ, ದಿವಾಕರ ಪೂಜಾರಿ ಕೆಮ್ತೂರು, ವಿಶ್ವನಾಥ ಅಮೀನ್ ಮಾರ್ಪಳ್ಳಿ, ಮಂಜೇಶ್ ಕುಮಾರ್ ಅಲೆವೂರು, ಹರೀಶ್ ಪೂಜಾರಿ ತಾಪಂಡೆ ಬೈಲೂರು ಆಯ್ಕೆ ಆತೆರ್.

ಬೊಕ್ಕ ಸಮಿತಿ ಸದಸ್ಯೆರಾದ್ ಶೇಖರ ಸುವರ್ಣ ಗರೋಡಿ ಮನೆ ಮಾರ್ಪಳ್ಳಿ, ಶಂಕರ ಕೆ. ಪೂಜಾರಿ ಬೈಲೂರು, ಸುಧಾಕರ್ ಬೈಲೂರು, ಕೃಷ್ಣ ಜತ್ತನ್ ಕೆಮ್ತೂರು, ಚಂದ್ರಶೇಖರ ಸೇರಿಗಾರ್ ಕೊರಂಗ್ರಪಾಡಿ, ಆಶಿಶ್ ಶೆಟ್ಟಿ ಕೆಮ್ತೂರು, ಡಾ| ಉದಯ ದೇವಾಡಿಗ ಮಾರ್ಪಳ್ಳಿ, ಸತೀಶ್ ಸುವರ್ಣ ಕೊರಂಗ್ರಪಾಡಿ, ಉಮೇಶ್ ಕೋಟ್ಯಾನ್ ಕೊರಂಗ್ರಪಾಡಿ, ದಿನಕರ ಶೆಟ್ಟಿ ಕೊರಂಗ್ರಪಾಡಿ, ಸುಂದರ ಪೂಜಾರಿ ಕೊರಂಗ್ರಪಾಡಿ, ವಿಠ್ಠಲ ಪೂಜಾರಿ ಕೊರಂಗ್ರಪಾಡಿ, ದಾಸ ಅಮೀನ್ ಕೊರಂಗ್ರಪಾಡಿ, ದಯಾನಂದ ಕೋಟ್ಯಾನ್ ಕೊರಂಗ್ರಪಾಡಿ, ವಿಶ್ವಜಿತ್ ಸಾಲ್ಯಾನ್ ಮಾರ್ಪಳ್ಳಿ, ಶೇಖರ ಅಮೀನ್ ಕೊರಂಗ್ರಪಾಡಿ, ಸುಹಾಸ್ ಶೆಟ್ಟಿ ಕೆಮ್ತೂರು, ದಿನೇಶ್ ಶೆಟ್ಟಿ ಕೆಮ್ತೂರು, ಮಂಜುನಾಥ ಪೂಜಾರಿ ಕೊರಂಗ್ರಪಾಡಿ, ಅಶೋಕ್ ಕೆ. ಬೈಲೂರು, ಸಚ್ಚೇಂದ್ರ ಶೆಟ್ಟಿ ಮಾರ್ಪಳ್ಳಿ, ದೇವದಾಸ್ ಸಾಲ್ಯಾನ್ ಬೈಲೂರು, ಸುಧಾಕರ್ ಅಮೀನ್ ಬೈಲೂರು, ದಯಾನಂದ ಅಮೀನ್ ಬೈಲೂರು, ಪಾಂಡುರಂಗ ನಾಯ್ಕ್ ಮಾರ್ಪಳ್ಳಿ, ಸುನಿಲ್ ಪೂಜಾರಿ ಕೊರಂಗ್ರಪಾಡಿ, ಅಶೋಕ್ ಶೆಟ್ಟಿ ಕೆಮ್ತೂರು, ಹರೀಶ್ ಕೆ. ಪೂಜಾರಿ ಮಾರ್ಪಳ್ಳಿ, ಸದಾನಂದ ಕರ್ಕೇರ ಬೈಲೂರು, ಶಂಕರ ಆಚಾರ್ ಮಾರ್ಪಳ್ಳಿ, ನಾರಾಯಣ ಪೂಜಾರಿ ಕೊರಂಗ್ರಪಾಡಿ, ಪ್ರವೀಣ್ ಶೆಟ್ಟಿ ಬಾಳೆಹಿತ್ಲು ಕೊರಂಗ್ರಪಾಡಿ ಆಯ್ಕೆ ಆತೆರ್.

ಬಡಪತ್ತ್ ದ ಕುಟೊಮೊಗು ಇಲ್ಲ್ ಕೊರ್ದು ಆಸರೆ ಆಯಿನ ಶ್ರಮಿಕ ತರುಣರ ಕೂಟ ಬೈರಂಪಳ್ಳಿ

ಒಡಿಪು: ಸರಕಾರ ಅಭಿವೃದ್ಧಿದ ಬೇಲೆ ಮಲ್ಪುನೆನ್ ಉಂತಾಂಡ ಅಪಗ ಕೈತಲ್ ದ ಸಂಘಟನೆದ ಜಬದಾರಿ ಎಚ್ಚಾಪುಂಡು. ಸರಕಾರದ ಕೈಟ್ ಮಲ್ಪರೆ ಅವಂದಿನ ಬೇಲೆಲೆನ್ ಸಂಘ ಸಂಸ್ಥೆಲು ಮಲ್ಪೊಡಾಪುಂಡು. ಈ ಬೇಲೆನ್ ಸಂತೋಷ್ ಕುಮಾರ್ ಬೈರಂಪಳ್ಳಿ ಮುತಾಲಿಕೆದ ಶ್ರಮಿಕ ತರುಣರ ಕೂಟ ಮಲ್ದ್ಂಡ್.

ಬೈರಂಪಳ್ಳಿದ ಕಾಡ್ ಪ್ರದೇಶದ ನಡುಟ್ಟು ಇಪ್ಪುನ ದುಗ್ಗು ಪನ್ಪುನರೆಗ್ ತನ್ನ ಸುರುತ ಇಲ್ಲ್ ನ್ ಸಂತೋಷ್ ಕುಮಾರ್ ಬೈರಂಪಳ್ಳಿ ಮೆರೆನ ಶ್ರಮಿಕ ಕೂಟದ ಮುತಾಲಿಕೆಡ್ ಮಲ್ಪಾದ್ ಕೊರ್ತೆರ್. ಇತ್ತೆ ಅವ್ವೇ ಶ್ರಮಿಕ ತರುಣರೆನ ಕೂಟ ಬೈರಂಪಳ್ಳಿ ಸಂಘಟನೆ 41ನೇ ಶೀರೂರುದ ಕಾಡ್ ಜಾಗೆದ ನಡುಟ್ಟು ವಾಸ ಮಲ್ತೊಂದು ಇತ್ತಿನ ದುರ್ಬಲ ವರ್ಗದ ಮುಟ್ಟಿ ಪನ್ಪುನರೆಗ್ ಶ್ರಮಿಕರ ಕೂಟ ತನ್ನ ರಡ್ಡ್ ನೇ ಇಲ್ಲ್ ನ್ ರೇಣುಕಾ ಪೀಠ ಆರ್ಯ, ಈಡಿಗ ಮಹಾಸಂಸ್ಥಾನದ ಪೀಠಾಧಿಪತಿಲು ಶ್ರೀ ಶ್ರೀ ಶ್ರೀ ವಿಖ್ಯಾತಾನಂದ ಸ್ವಾಮೀಜಿ ಮೆರೆನ ಪಾಲ್ವಿಕೆಡ್ ಕೊರಿಯೆರ್.

ಈ ಪೊರ್ತುಡು ಪಾತೆರಿನ ಸ್ವಾಮಿಲು, ಬಡವೆರೆನ ಬೇನೆಗ್ ಪ್ರತಿ ಸ್ಪಂದನೆ ಮಲ್ತಿನ ಶ್ರಮಿಕ ಕೂಟದ ಮಾತ ಸದಸ್ಯೆರೆಗ್ ಆಶೀರ್ವಾದ ಮಲ್ತ್ ದ್, ನಿಕಲೆನ ಬೇಲೆನ್ ತೂದು ನನಾತ್ ಶ್ರಮಿಕೆರ್ ನಿಕುಲೆನ ಅಂಚ ಬಡವೆರೆಗ್ ಸಕಾಯ ಮಲ್ಪಡ್ ಪಂದ್ ಆಶೀರ್ವಚನ ಮಲ್ತೆರ್. ಮುಟ್ಟಿ ಮೆರೆನ ಇಲ್ಲದ ಉದಿಪನನ್ ಹರೀಶ್ ಕುಕ್ಕೆಹಳ್ಳಿ , ಉದ್ಯಮಿ ಒಡಿಪು ಬೊಕ್ಕ ಪ್ರಜನ್ ಹೆಗ್ಡೆ ನ್ಯಾಯವಾದಿ ಒಡಿಪು ಮಲ್ತೆರ್.

ಈ ಪೊರ್ತುಡು ಸತೀಶ್ ಪೂಜಾರಿ ವಕೀಲೆರ್ ಒಡಿಪು, ಬೊಕ್ಕ ದೇವದಾಸ್ ಸುವರ್ಣ ಉದ್ಯಮಿ ಮಲ್ಪೆ, ಶ್ರಮಿಕ ತರುಣರ ಕೂಟದ ಗೌರವಾಧ್ಯಕ್ಷೆರ್ ಪ್ರಕಾಶ್ ಕುಲಾಲ್, ಅಧ್ಯಕ್ಷೆರ್ ರಘುನಾಥ್ ಪೂಜಾರಿ, ಬೊಕ್ಕ ಮಹಿಳಾ ಘಟಕದ ಅಧ್ಯಕ್ಷೆರ್ ಸಂಪ ಪೂಜಾರ್ತಿ, ಮಹಿಳಾ ಘಟಕದ ಗೌರವಾಧ್ಯಕ್ಷೆರ್ ವಿಜಯಶ್ರೀ ಭಟ್ ಇತ್ತೆರ್.

ಶ್ರಮಿಕ ತರುಣರ ಕೂಟದ ಸಂಸ್ಥಾಪಕೆರ್ ಬೊಕ್ಕ ಬೈರಂಪಳ್ಳಿ ಗ್ರಾಮ ಪಂಚಾಯತ್ ಸದ್ಯಸೆರ್ ಸಂತೋಷ್ ಕುಮಾರ್ ಬೈರಂಪಳ್ಳಿ ಮೇರ್ ಎದ್ಕೊಂಡೆರ್. ಶ್ರಮಿಕ ತರುಣ ಕೂಟ ಬೈರಂಪಳ್ಳಿ ಮುತಾಲಿಕೆಡ್ ನಮ್ಮ ಈ ರಡ್ಡ್ ನೇ ಇಲ್ಲ್ ನ್ ಕೊರ್ಪುನ ಲೇಸ್ ನಡಪರೆ ಮೂಲ ಕಾರಣ ನಮ್ಮ ಶ್ರಮಿಕದ ಶ್ರಮಿಕೆರ್ ಪಂದ್ ಪಂಡೆರ್. ಮಾತೆರ್ಲ ಸೇರೊಂದು ಒಗ್ಗಟ್ಟ್ ರ್ದ್ ಮಲ್ತಿನ ಶ್ರಮದಾನದ ಫಲ ಉಂದು. 2019 ಟ್ ಎಂಕುಲು ಈ ಒಂಜಿ 41ನೇ ಶೀರೂರುದ 1ನೇ ವಾರ್ಡ್ ಗ್ ಫೀಲ್ಡ್ ಮಲ್ಪುನಗ ಮುಟ್ಟಿ ಮೇರ್ ಎಕ್ಲೆನ್ ಭೇಟಿ ಆದ್ ಇತ್ತೆರ್.

ಅರೆಗ್ 2018 ಟ್ ಇಲ್ಲ್ ಮಂಜೂರಾತಿ ಆದಿತ್ತ್ಂಡ್. ಆಂಡ ಅರೆಗ್ ಇಲ್ಲ್ ಮಂಜೂರಾತಿ ಆಯಿನ ಅನುದಾನನ್ ಬೇತೆ ಅಕ್ಲೆನ್ ಅಕೌಂಟ್ ಗ್ ಕಡಪಾದ್ ವ್ಯತ್ಯಾಸ ಆದಿತ್ತ್ಂಡ್. ನೇರ್ದಾವೆರ ಬೇಜಾರಾಯಿನ ಮುಟ್ಟಿ ಮೇರ್ 2018 ರ್ದ್ ಇಡೇ ಮುಟ್ಟ ಪಂಡ 2022 ಮುಟ್ಟ ಹೋರಾಟನ್ ಮಲ್ತೊಂದು, ಪಂಚಾಯತಿಗ್ ಪೋದು ಬರೊಂದು ಇತ್ತೆರ್. ಏತ್ ಕಷ್ಟ ಪಡೆನ್ಂಡಲ ಮೆರೆಗ್ ಆ ಇಲ್ಲ್ ಗ್ ಸರಕಾರಿ ದಾಖಲೆ ತಿಕ್ಕಿಜಿ, ಅಕೆರಿಗ್ ಎಂಕುಲು ಬನ್ನಗ ಎಂಕ್ಲೆಡ ಪಂಡೆರ್. ಎಂಕ್ಲೆನ ಇಲ್ಲ್ ಬೂರುನ ಪರಿಸ್ಥಿತಿಡ್ ಉಂಡು. ಯಾನ್ ಏಪ ಸೈಪೆ ಪಂದ್ ಗೊತ್ತುಜ್ಜಿ, ಜೋಕುಲೆನೊಟ್ಟಿಗೆ ಜೀವನ ಕಷ್ಟ ಆತ್ಂಡ್ ಪಂದ್ ಇಲ್ಲ್ ಗ್ ಬಿನ್ನಾಪು ಮಲ್ತೆರ್. ಅತನಗ 2019 ಟ್ ಎಂಕುಲು ಒಂಜಿ ಭರವಸೆನ್ ಕೊರಿಯ “ನಿಕುಲು ಎಂಕ್ಲೆಗ್ ಆಶೀರ್ವಾದ ಮಲ್ಪಿ ಖಂಡಿತವಾದ್ ಎಂಕುಲು ಇರೆಗ್ ಒಂಜಿ ಇಲ್ಲ್ ಕಟ್ಟಾದ್ ಕೊರ್ಪ ಪಂದ್ ಪಂಡಿನ ಪ್ರಕಾರನೇ ಒಂಜಿ ವರ್ಷಡ್ ಇಲ್ಲ್ ನ್ ನಿರ್ಮಾಣ ಮಲ್ತ್ ದ್ ಮುಟ್ಟಿ ಅರೆಗ್ ಕೊರಿಯೆರ್.

ಶ್ರಮಿಕ ತರುಣರ ಕೂಟ ಬೈರಂಪಳ್ಳಿ ಸಂಘಟನೆ ಕೇವಲ ಬಡವರೆನ ಪರವಾದ್ ಉಂತುನ ಸಂಘಟನೆ . ಬಡವೆರೆಗ್ ಸರ್ಕಾರದ ಅನುದಾನನ್ ಕೊರೊಡು, ಸರ್ಕಾರದ ಯೋಜನೆಲೆನ್ ಅಕ್ಲೆನ ಬಾಕಿಲ್ ಗ್ ಮುಟ್ಟವೊಡು ಪನ್ಪುನವು ಸಂಘಟನೆದ ಉದ್ದೇಶ ಇಪ್ಪುನೆ. ಅಯಿತ ಪ್ರಕಾರ ಸರಕಾರದ ಅನುದಾನನ್ ಮೆರೆಗ್ ಕನತ್ ಕೊರ್ದು, ಇಲ್ಲ್ ನ್ ನಿರ್ಮಾಣ ಮಲ್ತ್ ದ್ ಇನಿ ಮೆರೆಗ್ ಕೊರಿಯೆರ್.

ಈ ನಡುಟ್ಟು ಮೆರೆನ ಈ ಉತ್ತಮ ಕಾರ್ಯಲೆನ್ ಸಹಿಸಂದಿನ ವಿರೋದಿಲು ಮಲ್ತಿನ ಟೀಕೆದ ಬಗೆಟ್ ಪಾತೆರಿನ ಸಂಸ್ಥಾಪಕೆರ್, ವಾಟ್ಸ್ ಆಪ್ ದ ಮೆಸೇಜ್ ದ ಮುಖೇನ ಅಪ ಪ್ರಚಾರ ಮಲ್ಪುನ ವ್ಯಕ್ತಿಲೆಗ್ ಎಚ್ಚರಿಕೆ ಕೊರ್ದು, 2018 ಟ್ ಪಂಚಾಯತಿರ್ದ್, ಮಂಜೂರಾತಿ ಆಯಿನ ವಸತಿ ಯೋಜನೆನ್ ಮುಟ್ಟಿ ಮೆರೆಗ್ ದಾಯೇ ಇಲ್ಲ್ ಕಟ್ಟಯಿಜರ್? ಪಂದ್ ಪ್ರಶ್ನೆ ಮಲ್ತೆರ್. ರಡ್ಡ್ ನೇದಾದ್ ನಿಕುಲು ನಿಕುಲೆನ ಸಂದೇಶಡ್ ಪಾಡ್ದಾರ್. 86000 ರೂಪಾಯಿ ಈ ಮುಟ್ಟಿ ಕೋಂ ಬೊಗ್ಗು ಮೆರೆಗ್ ಫಲಾನುಭವಿಯಾದ್ ತಿಕ್ಕುಂಡು ಪಂದ್, ಅಂಚಾಂಡ ನಿಕುಲು 86000 ರೂಪಾಯಿಡ್ ಒಂಜಿ ಇಲ್ಲ್ ಮಲ್ತ್ ದ್ ಕೊರ್ಲೆ, ಅಂಚನೆ ನಿಕ್ಲೆನ ಗೌರವಾನ್ವಿತ ಅಧ್ಯಕ್ಷೆರ್ ಬೈರಂಪಳ್ಳಿಗ್ 36 ಇಲ್ಲ್ ಲೆನ್ ಕೊರ್ತೆರ್. ಬಡವರೆನ ಪಾಲ್ ಗ್ ಇಲ್ಲ್ ಕಟ್ಟ್ ದ್ ಕೊರ್ಲೆ ಪಂದ್ ಸವಾಲ್ ಪಾಡಿಯೆರ್.

ಪ್ರತಿಯೊಂಜಿ ಪಂಚಾಯತಿಗ್ ಪ್ರತಿ ವರ್ಷ 40 ದಂಚ ಇಲ್ಲ್ ಲ್ ಸರ್ಕಾರರ್ದ್ ಬರ್ಪುನ ಯೋಜನೆ ಅವು ಬಡವೆರೆನ ಪಾಲಿಗ್ ಬರ್ಪುಂಡು. ಇನಿ ಅಧ್ಯಕ್ಷೆ ಒರಿ ಇಪ್ಪುವೆ ಎಲ್ಲೆ ಕುಡೊರಿ ಬರ್ಪೆ ಆಂಡ ಆ ಒಂಜಿ ಯೋಜನೆ ಪ್ರತಿ ವರ್ಷ ಬರ್ಪುಂಡು ಆ ಕಾರಣ ಸರ್ಕಾರದ ದುಡ್ಡು ಬತ್ತ್ ದ್ ಶ್ರಮಿಕ ತರುಣರ ಕೂಟ ಲಾಭ ಅತ್ತಂಡ ಬಿಟ್ಟಿ ಪ್ರಚಾರನ್ ಬಯಸುಜ. ನಿಕ್ಲೆಡ ತಾಕತ್ ಇತ್ತ್ಂಡ ಶ್ರಮಿಕ ಸಂಘಟನೆಡ್ ಇಪ್ಪುನ ವ್ಯಕ್ತಿಲೆನ ರೀತಿಡ್ ಬತ್ತ್ ದ್, ಬಡವೆರೆನ ಇಲ್ಲಗ್ ಪೋದು ದಲಿತ ದೀನೆರ್ನ ಕಷ್ಟನ್ ಕೇನ್ದ್ ಅಕ್ಲೆಗ್ ಇಲ್ಲ್ ನಿರ್ಮಾಣ ಮಲ್ತ್ ದ್ ಕೊರ್ಲೆ ಪಂದ್ ಪಂಡೆರ್. ಮಹಿಳಾ ಘಟಕ ಇತ್ತೆ ನಿರ್ಮಾಣ ಆತ್ಂಡ್.300 ಕ್ ಹೆಚ್ಚ ಪೊಂಜೋವ್ ಲು ಉಲ್ಲೆರ್. ಅಕ್ಲೆಗ್ ಪೂರ ಸೊಲ್ಮೆ ಸಂದಾವೆ ಪಂದ್ ಪಂಡೆರ್. ಅಂಚನೆ ನಿಕ್ಲೆನ ಆಶೀರ್ವಾದ ಏಪಲ ಎಕ್ಲೆನ ಮಿತ್ತ್ ಇಪ್ಪಡ್ ಪಂದ್ ಸಂತೋಷ್ ಕುಮಾರ್ ಬೈರಂಪಳ್ಳಿ ತೆರಿಪಾದೆರ್.

ವರದಿ: ಜಗದೀಶ್ ಪೂಜಾರಿ
ಬೆದ್ರ

ರಾಷ್ಟ್ರಮಟ್ಟದ ಕರಾಟೆಡ್ ಮುಹಮ್ಮದ್ ಮಾಹಿಝ್ ಗ್ ಬಂಗಾರ್ ದ ಪದಕ

ಒಡಿಪು: ಬುಡೊಕಾನ್ ಕರಾಟೆ ಡೋ ಇಂಡಿಯಾ ವತಿರ್ದ್ ಒಡಿಪುಡು ಇಂಚಿಪ್ಪ ನಡತಿನ 40ನೇ ರಾಷ್ಟ್ರಮಟ್ಟದ ಕರಾಟೆ ಚಾಂಪಿಯನ್ ಶಿಪ್‌ಡ್ ಪರ್ಕಳ ಇಂಗೀಷ್ ಮೀಡಿಯಮ್ ಶಾಲೆದ 7ನೇ ಕ್ಲಾಸ್ ದ ವಿದ್ಯಾರ್ಥಿ ಮುಹಮ್ಮದ್ ಮಾಹಿಝ್ ಶಾಲಿಮಾರ್ ಮೇರ್ ಕಟಾ, ಕುಮಿಟೇ ಬೊಕ್ಕ ಟೀಮ್ ಕಟ ಮೂಜಿ ವಿಭಾಗಲೆಡ್ ಮೂಜಿ ಬಂಗಾರ್ ದ ಪದಕಲೆನ್ ಗೆಂದ್ ದೆರ್.

ಮೇರ್ ಆತ್ರಾಡಿದ ಮುಹಮ್ಮದ್ ಶಮೀರ್ ಬೊಕ್ಕ ಅಸ್ಮಾ ದಂಪತಿಲೆನ ಮಗೆ. ಅಂತಾರಾಷ್ಟ್ರೀಯ ಕರಾಟೆ ಪಟು ಪ್ರವೀಣ್ ಸುವರ್ಣ ಮೆರೆಡ ಕರಾಟೆ ಟ್ರೈನಿಂಗ್ ದೆತೊನೊಂದು ಉಲ್ಲೆರ್.

ಸತೀಶ್ ಜಾರಕಿಹೊಳಿ ವಿರುದ್ಧ ಒಡಿಪುಡ್ ಬಿಜೆಪಿ ಪ್ರತಿಭಟನೆ

ಒಡಿಪು: ಹಿಂದೂ ಪದತ್ತ ವಿಚಾರೊಡು ವಿವಾದಾಸ್ಪದ ಪಾತೆರ ಪನ್ತಿನ ಕೆಪಿಸಿಸಿ ಕಾರ್ಯಾಧ್ಯಕ್ಷೆರ್ ಸತೀಶ್ ಜಾರಕಿಹೊಳಿನ ವಿರುದ್ಧ ಇನಿ ಉಡುಪಿ ಜಿಲ್ಲಾ ಬಿಜೆಪಿ ಕಚೇರಿದ ಕೈತಲ್ ಪ್ರತಿಭಟನೆ ನಡತ್ಂಡ್.

ಈ ಪೊರ್ತುಡು ಒಡಿಪು ಶಾಸಕೆರ್ ಕೆ.ರಘುಪತಿ ಭಟ್, ಬಿಜೆಪಿ ಜಿಲ್ಲಾ ಅಧ್ಯಕ್ಷೆರ್ ಸುರೇಶ್ ನಾಯಕ್ ಕುಯಿಲಾಡಿ, ಮುಖಂಡೆರಾಯಿನ ಉದಯ ಕುಮಾರ್ ಶೆಟ್ಟಿ, ದಿನಕರ ಬಾಬು, ವೀಣಾ ಶೆಟ್ಟಿ, ರಾಘವೇಂದ್ರ ಕಿಣಿ, ಮಹೇಶ್ ಠಾಕೂರ್, ಒಡಿಪು ನಗರಸಭೆ ಅಧ್ಯಕ್ಷೆರ್ ಸುಮಿತ್ರಾ ಆರ್. ನಾಯಕ್ ಇತ್ತೆರ್.