ಹಳೆಯಂಗಡಿ : ಜನಪ್ರತಿನಿಧಿನಕ್ಲೆಗ್ ಪ್ರಾಮಾಣಿಕತೆ, ಸೇವಾ, ಕರ್ತವ್ಯ ನಿಷ್ಠೆ ಉಪ್ಪೊಡು. ಅಧಿಕಾರ ಶಾಶ್ವತ ಅತ್ತ್, ಜನ ಸೇವೆನೇ ನಿಶ್ಚಿತ ಗೌರವ. ಶಿಕ್ಷಣ ಅಂಚೆನೆ ಸಮಾಜದ ಸಂಘಟನೆಡ್ ದುಂಬು ಪೋಂಡ ಸಂಘ ಸಂಸ್ಥೆಲು ಗಟ್ಟಿಯಾದ್ ಒರಿವುಂಡು ಪಂದ್ ಸಂಸದೆರ್ ನಳಿನ್ಕುಮಾರ್ ಕಟೀಲು ತೆರಿಪಾದೆರ್.
ಆರ್ ಹಳೆಯಂಗಡಿ ಬಿಲ್ಲವ ಸಮಾಜ ಸೇವಾ ಸಂಘದ ಪೊಸ ಬಿಲ್ಲವ ಭವನ ಉದಿಪನ ಮಲ್ತ್ ದ್ ಪಾತೆರಿಯೆರ್.
ಶಾಸಕೆರ್ ಉಮಾನಾಥ ಕೋಟ್ಯಾನ್ ಅಧ್ಯಕ್ಷತೆ ವಹಿಸ್ ದ್ ಪಾತೆರ್ದ್, ಬಿಲ್ಲವ ಸಮಾಜದ ಸಂಘಟನೆಲು, ಮಹಾಮಂಡಲ, ಯೂನಿಯನ್ ಮಾತ ಪುದರ್ ಗ್ ಮಾತ್ರ ಉಪ್ಪಂದೆ ಹಳ್ಳಿ ಹಳ್ಳಿದ ಬಿಲ್ಲವ ಸಂಘಲೆನ್ ಬುಲೆಚ್ಚಿಲ್ ಗ್ ಸಕಾಯ ಮಲ್ಪೊಡು ಪಂದ್ ಪಂಡೆರ್.
ಸೋಲೂರು ಆರ್ಯ ಈಡಿಗ ಸಂಸ್ಥಾನದ ಶ್ರೀ ವಿಖ್ಯಾತಾನಂದ ಸ್ವಾಮೀಜಿ ಆಶೀರ್ವಚನ ಮಲ್ತೆರ್.
ವಿಧಾನಪರಿಷತ್ ಸದಸ್ಯೆರ್ ಬಿ.ಕೆ.ಹರಿಪ್ರಸಾದ್, ಮಾಜಿ ಸಚಿವೆರ್ ಕೆ. ಅಭಯಚಂದ್ರ ಜೈನ್, ಮೂಲ್ಕಿ ಸೀಮೆದ ಅರಸೆರ್ ಎಂ.ದುಗ್ಗಣ್ಣ ಸಾವಂತೆರ್ ಎಡ್ಡೆಪ್ಪು ಬಯಕಿಯೆರ್.
ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಅಧ್ಯಕ್ಷೆರ್ ಹೆಚ್.ಎಸ್.ಸಾಯಿರಾಂ ಲೇಸ್ ಉದಿಪನ ಮಲ್ತೆರ್ . ಕಲಾವೇದಿಕೆನ್ ಶಾಂತಾ ರಾಮ ಅಮೀನ್ ನಾನಿಲ್ ಉದಿಪನ ಮಲ್ತೆರ್.
ಈ ಪೊರ್ತುಡು ಬಿನ್ನೆರೆನ್ ಮಾನಾದಿಗೆ ಮಲ್ತೆರ್. ಅಂಚೆನೆ ಚಂದ್ರಶೇಖರ್ ನಾನಿಲ್ ಮೆರೆನ ಪೊಪ್ಪ ತಿಮ್ಮಪ್ಪ ಪೂಜಾರಿ ಮೆರೆನ್ ಮಾನಾದಿಗೆ ಮಲ್ತೆರ್. ಅವ್ವತ್ತಾಂದೆ ಕಟ್ವಾಣ ಸಮಿತಿದ ಮೋಹನ್ ಸುವರ್ಣ ದಂಪತಿ, ಬಿಲ್ಡರ್ ದಿವಾಕರ್ ಮೆರೆನ್ ಲ ಮಾನಾದಿಗೆ ಮಲ್ತೆರ್.
ದಾನಿಲಾಯಿನ ಜಾನಕಿ ಅಂಚನ್, ಸಸಿಹಿತ್ಲು ಶ್ರೀ ಭಗವತಿ ಕ್ಷೇತ್ರದ ಶ್ರೀನಿವಾಸ್ ಯಾನೆ ಅಪ್ಪು ಪೂಜಾರಿ, ಬಿ.ಸೂರ್ಯಕುಮಾರ್, ಶಶೀಂದ್ರ ಕುಮಾರ್ ಪಾವಂಜೆ, ಎಲ್.ವಿ.ಅಮೀನ್ ಮುಂಬೈ, ಗುತ್ತಿಗೆದಾರೆರ್ ದಿವಾಕರ್, ಶೇಖರ್ ಪೂಜಾರಿ ದುಬೈ, ಧರ್ಮಸ್ಥಳ ಯೋಜನೆದ ದುಗ್ಗೇಗೌಡ, ಲೋಲಾಧರ ಶೆಟ್ಟಿಗಾರ್ ಕಲ್ಲಾಪು, ಪರಮೇಶ್ವರ್ ಪಿ., ಡಾ.ಶಿವಾನಂದ ಪ್ರಭು, ಮೋಹಿನಿ ಎ. ಸಾಲ್ಯಾನ್, ಗುರುಪ್ರಸಾದ್ ನಾನಿಲ್, ಕಿರಣ್ಕುಮಾರ್, ಶ್ರೀನಿವಾಸ ಅಮೀನ್, ಎಸ್ಕೋಡಿ ಬಿಲ್ಲವ ಸಂಘದ ಅಧ್ಯಕ್ಷೆರ್ ನವೀನ್ ಸಾಲ್ಯಾನ್, ಉಮೇಶ್ ಕರ್ಕೇರ, ದೇವದಾಸ್ ಕೊಪ್ಪಲ, ಅರ್ಪಿತ್ ಅಂಚನ್, ಸತೀಶ್ ಅಮೀನ್, ಗಣೇಶ್, ರಮೇಶ್ ಬಂಗೇರ, ಮೋಹನ್ ಎಸ್. ಸುವರ್ಣ, ಯಶೋಧರ ಸಾಲ್ಯಾನ್, ಹಳೆಯಂಗಡಿ ಪಂಚಾಯತ್ ಅಧ್ಯಕ್ಷೆರ್ ಪೂರ್ಣಿಮಾ, ಪಡುಪಣಂಬೂರು ಗ್ರಾಮಪಂ ಅಧ್ಯಕ್ಷೆರ್ ಕುಸುಮಾ, ಕೆಮ್ರಾಲ್ ಪಂಚಾಯತ್ ಅಧ್ಯಕ್ಷೆರ್ ಮಯ್ಯದ್ದಿ, ಚೇಳಾರ್ ಬಿಲ್ಲವ ಸಂಘದ ಅಧ್ಯಕ್ಷೆರ್ ಜಯಾನಂದ ಮೊಕುಲು ಮಾತ ಇತ್ತೆರ್.
ಕಟ್ವಾಣ ಸಮಿತಿದ ಕಾರ್ಯದರ್ಶಿ ಭಾಸ್ಕರ ಸಾಲ್ಯಾನ್ ಸ್ವಾಗತ ಮಲ್ತ್ ಪ್ರಸ್ತಾವನೆ ಮಲ್ತೆರ್. ಹಳೆಯಂಗಡಿ ಬಿಲ್ಲವ ಸಂಘದ ಅಧ್ಯಕ್ಷೆರ್ ಚಂದ್ರಶೇಖರ ನಾನಿಲ್ ಸ್ವಾಗತ ಮಲ್ತೆರ್. ಹಿಮಕರ್ ಟಿ. ಸುವರ್ಣ ಲೇಸ್ ಸುಧಾರಿಕೆ ಮಲ್ತೆರ್.
