Thu. Nov 19th, 2026

ಊರ್ದ ಸುದ್ದಿ Regional News

ಒಡಿಪು ಜಿಲ್ಲಾ ಕಾಂಗ್ರೆಸ್ ಉಪಾಧ್ಯಕ್ಷೆರ್ ಮುನಿಯಾಲು ಉದಯ ಕುಮಾರ್ ಶೆಟ್ಟಿ ರಾಜೀನಾಮೆ

ಒಡಿಪು: ಜಿಲ್ಲೆಡ್ ಕಾಂಗ್ರೆಸ್ ಪಕ್ಷಡ್ ಸಕ್ರಿಯವಾದ್ ಗುರ್ತಿಸಾದ್ ಜಿಲ್ಲಾ ಉಪಾಧ್ಯಕ್ಷೆರ್ ಬೊಕ್ಕ ಉದ್ಯಮಿಲು ಆಯಿನ ಮುನಿಯಾಲು ಉದಯ ಕುಮಾರ್ ಶೆಟ್ಟಿ ಮೇರ್ ಕಾಂಗ್ರೆಸ್ ಪಕ್ಷಗ್ ರಾಜೀನಾಮೆ ಕೊರ್ಪಿನ ಸಾಧ್ಯತೆ ಉಂಡು ಪಂದ್ ತೆರಿದ್ ಬೈದ್ಂಡ್.

ಅರೆನ ದುಂಬುದ ಸಾದಿ ದಾದ ಪಂದ್ ಆರ್ನ ಬೆಂಬಲಿಗೆರೆಡ್ ಕುತೂಹಲ ಮೂಡಿಸಾವೊಂದ್ ಉಂಡು. ಉದಯ ಕುಮಾರ್ ಶೆಟ್ಟಿ ಮೇರ್ ಬಿಜೆಪಿ ಸೇರುವೆರ್ ಪಂದ್ ತೆರಿದ್ ಬೈದ್ಂಡ್. ಉಂದೆತ್ತ ಬಗ್ಗೆ ಪಾತೆರಿನ ಉದಯ ಕುಮಾರ್ ಶೆಟ್ಟಿ ಮೇರ್, “ದುಂಬುದ ಸಾದಿದ ಬಗ್ಗೆ ನನಲ ತೀರ್ಮಾನ ಮಲ್ತಿಜಿ. ಇತ್ತೆ ಒವ್ ಪಕ್ಷಲ ಸೇರುನ ತೀರ್ಮಾನಡ್ ಇಜ್ಜಿ” ಪಂದ್ ಪಂಡೆರ್.

ಆಂಡ ಉದಯ್ ಕುಮಾರ್ ಶೆಟ್ಟಿ ಮೇರ್ ಬಿಜೆಪಿಗೆ ಸೇರುವೆರ್ ಪನ್ಪಿನ ವಿಚಾರ ಸಾರ್ವಜನಿಕ ವಲಯಡ್ ಕೇನೊಂದ್ ಬರೊಂದ್ಂಡ್.

Udupi district Congress vice President Muniyal Uday Kumar resigns from the Congress!!

A good party worker of the district andthe vice President of the party of the district ; enterpreneur Muniyal Uday Kumar of the Congress party has resigned from the party said sources.

His next move is a mystery to his admirers and supporters.There are rumours of him joining the BJP. Talking to reporters he said that he has not taken any decision regarding his next move.As of now he is not joining any party he said

ಶವರ್ಮ ತಿಂದ್ ತೀರ್ ಪೋಯಿನ ಪೊಣ್ಣು : ಸ್ವಯಂ ಪ್ರೇರಿತ ಪ್ರಕರಣ ದಾಖಲ್ ಮಲ್ತಿನ ಹೈಕೋರ್ಟ್

ಕಾಸ್ರೋಡು : ಏಪ್ರಿಲ್ 29 ತಾರಿಕ್ ಗ್ ಚೆರ್ವತ್ತುರ್ ಐಡಿಯಲ್ ಫುಡ್ ಪಾಯಿಂಟ್ ಕೂಲ್ ಬಾರ್ ದ ಶವರ್ಮ ತಿಂದ್ 16 ವರ್ಷದ ಪೊಣ್ಣು ತೀರ್ ಪೋಯಿನ ಘಟನೆ ವರದಿ ಆದ್ ಇತ್ತುಂಡು . ಘಟನೆಡ್ 50ರ್ದ್ ಜಾಸ್ತಿ ಜನ ಹುಷಾರ್ ಇಜ್ಜಂದೆ ಆಸ್ಪತ್ರೆ ಸೇರ್ದ್ ಇತ್ತೆರ್.

ಪೊನ್ನನ ಸಾವುಗು ಶಿಗಲ್ಲಾ ಬ್ಯಾಕ್ಟೀರಿಯಾ ಕಾರಣ ಪಂದ್ ಪ್ರಯೋಗಾಲಯಡ್ ಮಲ್ತಿನ ತಪಾಸಣೆಡ್ ತೆರಿದ್ ಬೈದುಂಡು.

ಈ ಪ್ರಕರಣದ ಸಂಬಂಧ ಮೂಜಿ ಜನನ ಇತ್ತೇ ಪತ್ತ್ದೆರ್ ಪಿದಾಯಿ ಊರುಡು ಉಪ್ಪುನ ಫುಡ್ ಪಾಯಿಂಟ್ ದ ದನಿನ ಮಿತ್ತ್ ಪ್ರಕರಣ ದಾಖಲಾತುಂಡು .
ಇತ್ತೇ ಈ ಘಟನೆಗ್ ಸಂಬಂಧಿ ಕೇರಳ ಹೈಕೋರ್ಟ್ ಸ್ವಯಂ ಪ್ರೇರಿತ ಪ್ರಕರಣ ಧಾಖಲ್ ಮಲ್ದುಂಡು .

2004 ಟ್ಟ್ ಸುರು ಆಯಿನ ಪುಗಾರ್ತೆದ ಶೋ “ಕಾಫಿ ವಿತ್ ಕರಣ್”: ಮುಗಿಪುನ ಮಾಹಿತಿ ಕೊರಿನ ನಿರ್ದೇಶಕ ಕರಣ್ ಜೋಹರ್

ಡೆಲ್ಲಿ : 2004 ನೇ ಇಸವಿಡ್ ಸ್ಟಾರ್ ವರ್ಲ್ಡ್ ಟಿವಿ ಚಾನಲ್ ಡ್ ಸುರು ಆಯಿನ ಶೋ “ಕಾಫಿ ವಿತ್ ಕರಣ್” ಮುಗಿಯೊಂದು ಉಪ್ಪುನ ಮಾಹಿತಿ ಶೋ ನಡಪಾದ್ ಕೊರೊಂದು ಇತ್ತಿನ ನಿರ್ದೇಶಕ ಕರಣ್ ಜೋಹರ್ ಟ್ವೀಟ್ ಮಲ್ಪುನ ಮುಖೇನ ಕೊರ್ತೆರ್.

ಈ ಶೋ ಒಟ್ಟಾದ್ 6 ಸೀಸನ್ ಟ್ಟ್ ಪ್ರಸಾರ ಆದ್ ಇತ್ತುಂಡು . ಪ್ರಖ್ಯಾತ ಸ್ಟಾರ್ ನಟ ನಟಿ ನಕ್ಲೆನ ಸಂದರ್ಶನನ್ ನಿರ್ದೇಶಕ ಕರಣ್ ಜೋಹರ್ ಈ ಲೇಸ್ ನಡಪಾದ್ ಕೊರೊಂದು ಇತ್ತೆರ್.

ಉದ್ಯಾವರ ಶ್ರೀ ದೈವ ಕುಂಜತ್ತೂರು, ಮಂಜೇಶ್ವರ ವರ್ಷಾವಧಿ ಉಚ್ಚಯ

ಶ್ರೀ ಅರಸು ಮಂಜಿಷ್ಣಾರ್ ಪ್ರಸನ್ನ, ಉದ್ಯಾವರ ಶ್ರೀ ದೈವ: ಕುಂಜತ್ತೂರು, ಮಂಜೇಶ್ವರ
ವರ್ಷಾವಧಿ ಉಚ್ಚಯ
ತಾ.೦೯-೦೫-೨೦೨೨ ರ್‍ದ್ ೧೪-೦೫-೨೦೨೨ ಮುಟ್ಟ

ತಾ. ೦೯-೦೫-೨೦೨೨ ರಾತ್ರೆ ಗಂಟೆ ೯ಗ್ ದ್ವಜಾರೋಹಣ, ರಾತ್ರೆ ಗಂಟೆ ೧೦ ಗಂಟೆಗ್ ಕಂಚಿಲ ಸೇವೆ, ಕಟ್ಟೆಪೂಜೆ, ದೀಪೋತ್ಸವ
ತಾ.೧೦-೦೫-೨೦೨೨ ಬಯ್ಯ ಗಂಟೆ ೫.೩೦ಗ್ ಯಕ್ಷಗಾನ ತಾಳಮದ್ದಲೆ
, ರಾತ್ರೆ ೯ ಗಂಟೆಗ್ ಸಾಂಸ್ಕೃತಿಕ ಕಜ್ಜೊಲು ಭಕ್ತಿ ಗಾನಸುಧ, ರಾತ್ರೆ ೦೧ ಗಂಟೆಗ್ ಕೊಟ್ಯದಾಯನ ಅಣ್ಣ ದೈವದ ನೇಮ, ಕಟ್ಟೆಪೂಜೆ, ಕೆರೆ ದೀಪೋತ್ಸವ, ತಾ. ೧೧-೦೫-೨೦೨೨ ಕಾಂಡೆ ೯ ಗಂಟೆಗ್ ತಮ್ಮ ದೈವದ ನೇಮ
ಮಧ್ಯಾಹ್ನ ೧೨.೩೦ ಗಂಟೆಗ್ ಮಡಸ್ಥಾನ
ಬಯ್ಯಗ್ ೪.೩೦ ಗಂಟೆಗ್ ಮುಂಡತ್ತಾಯ ದೈವದ ನೇಮ, ರಾತ್ರೆ ೦೭ ಗಂಟೆಗ್ ನಡುಬಂಡಿ ಉಚ್ಚಯ, ಅಣ್ಣ ದೈವದ ನೇಮ, ತಾ. ೧೨-೦೫-೨೦೨೨ ಕಾಂಡೆ ೧೦ ಗಂಟೆಗ್ ತಮ್ಮ ದೈವದ ನೇಮ
ಬಯ್ಯ ೪ಗಂಟೆಗ್ ಮುಂಡತ್ತಾಯ ದೈವದ ನೇಮ
ಬಯ್ಯ ೬.೩೦ ಗಂಟೆಗ್ ಕಡೆಬಂಡಿ ಉಚ್ಚಯ, ತಮ್ಮ ದೈವದ ನೇಮ, ಬೆಡಿಮರ್ದ್ ಪ್ರದರ್ಶನ
ತಾ. ೧೪-೦೫-೨೦೨೨ ರಾತ್ರೆ ೧೦ ಗಂಟೆಗ್ ಧ್ವಜ ಅವರೋಹಣ ನಡಪರೆ ಉಂಡು.

ನಿಕುಲ್ ಮಾತೆರ್‍ಲ ಈ ಉಚ್ಚಯೊಡು ಪಾಲ್ ಪಡೆದ್ ಸಿರಿಮುಡಿ ಗಂಧಪ್ರಸಾದ ಸ್ವೀಕಾರ ಮಲ್ತ್‌ದ್ ಶ್ರೀ ದೈವೊಲೆನ ಕೃಪೆನ್ ಪಡೆಯೊಡು ಪಂದ್ ದೇವಲ್ಯೊದ
ಆಡಳಿತ ಮಂಡಳಿ , ಉದ್ಯಾವರ ದೈವಸ್ಥಾನದ
ಅಧ್ಯಕ್ಷೆರ್ ಬೊಕ್ಕ ಸದಸ್ಯೆರ್,ಶ್ರಿ ದೈವದ ಉಚ್ಚಯ ಸಮಿತಿ,ಕಾರ್ಯ ನಿರ್ವಹಣಾಧಿಕಾರಿ,ಬೊಕ್ಕ ನಾಲ್ ಗ್ರಾಮಸ್ತೆರ್, ಸಮಸ್ತ ಗುರಿಕಾರೆರ್ ಬಿನ್ನಾಪು ಮಲ್ದೆರ್.

ಅಡ್ಯಾರ್ ಕಣ್ಣೂರುಡು ಕಾರ್ ಗ್ ಡಿಕ್ಕಿ ಆಕಿನ ಕಂಟೈನರ್: ತೀರ್ ಪೋಯಿನ ಜವಣ್ಯೆ

ಕುಡ್ಲ , ಮೇ 5: ಪೇಂಟೆದ ರಾ.ಹೆ.75ರ ಅಡ್ಯಾರ್ ಕಣ್ಣೂರು ದ ಕೈತಲ್ ಇನಿ ಕಾಂಡೆ ನಡತಿನ ಮಾರ್ಗ ಅಪಘಾತಡ್ ಕಾರು ಚಾಲಕೆ ತೀರ್ ಪೋಯೆರ್ .ಮಂಜೇಶ್ವರದ ಕುಂಜತ್ತೂರು ನಿವಾಸಿ ಇಬ್ರಾಹೀಂ(32) ತೀರ್ ಪೋಯಿನ ಜವಣ್ಯೆ. ಕಾರ್ ಡ್ ಇತ್ತಿನ ರಡ್ಡ್ ಜನಕ್ ಗಾಯ ಆತುಂಡು ಅಕ್ಲೆನ್ ಪೇಂಟೆದ , ಖಾಸಗಿ ಆಸ್ಪತ್ರೆಗ್ ದಾಖಲ್ ಮಲ್ದೆರ್ .

ಈ ಮೂಜಿ ಜನ ಕಾರ್ ಡ್ ಕುಂಜತ್ತೂರುರ್ದು ಬಂಟ್ವಾಳ ಮಾರ್ಗ ಆದ್ ಪೋವೊಂದು ಇತ್ತೆರ್ ನಿದ್ರೆದ ಅಮಲ್ ಇತ್ತಿನೆರ್ದಾವರ ಕಾರ್ ಡಿವೈಡರ್ ದಾಟ್ ನಗ ಕುಡೊಂಜಿ ಕಡೆರ್ದ್ ಬತ್ತಿನ ಕಂಟೈನರ್ ಢಿಕ್ಕಿ ಆಕುದುಂಡು.

ಈ ಬಗ್ಗೆ ಸಂಚಾರ ದಕ್ಷಿಣ ಠಾಣೆದ ಪೊಲೀಸೆರ್ ತನಿಖೆ ನಡಪಾವೊಂದು ಉಲ್ಲೆರ್ .

ಫ್ಲೋರಿಡಾ ತುಳುಕೂಟದ ಬಿಸುಪರ್ಬ, ವರ್ಷಾಚರಣೆ

ಐಲೇಸಾದ ರಡ್ಡ್ ತುಳು ಪದ ಉಂದು ಮಣ್ಣ್ ದಾ ಬಾಜನ ಬೊಕ್ಕ ಕಬಿತೆ ಪುಟ್ಟು೦ಡೊ ಬುಡುಗಡೆ 

ಅಮೆರಿಕಾಡ್ ನಿಲೆಯಾತಿ ತುಳುವೆದಿ ಶ್ರೀಮತಿ ಶ್ರೀವಲ್ಲಿರೈ ಮಾರ್ಟೆಲ್ ಮೆರೆನ ಮುತಾಲಿಕೆಡ್ ಪೋಯಿ ವರ್ಷ ಬಿಸುತಾನಿ ಉಂಡಾಯಿನ ಸಂಸ್ಥೆ ಫ್ಲೋರಿಡಾ ತುಳುಕೂಟೊಗು ಇತ್ತೇ ಒಂಜಿ ವರ್ಷದ ಖುಷಿ . ಈ ನೆಂಪುಗಾದ್ ಮೇ 7ನೇ ತಾರೀಖ್ ಶನಿವಾರ ಬೈಯ್ಯಗ್ ಭಾರತದ 7 ಗಂಟೆಗ್ ಸರಿಯಾದ್ ಯೂ ಟ್ಯೂಬುದ ವೇದಿಕೆಡ್ ವರ್ಷದ ದಿನ ಬೊಕ್ಕ ಬಿಸು ಪರ್ಬ ದ ಮಿನದನ ನಡಪರೆ ಉಂಡು.

 

ವಿಶ್ವದ ಮಾತಾ ತುಳುವೆರ್ ಸೇರ್ದ್ ತುಳು ಆಚಾರ ವಿಚಾರ , ಪದ ಕುಣಿತ ಪ್ರತಿಭಾ ಪ್ರದರ್ಶನ ಮಲ್ಪುನ ಮುಕಾಂತ್ರ ಆನಿದ ಬಿಸು ಪರ್ಬದ ಆಚರಣೆ ಗೌಜಿ ಗಮ್ಮತ್ತ್ ಡ್ ನಡಪ ಕೊರ್ಪೆರ್.

ಈತ್ ಮಾತಾ ಅತ್ತಾವಂದೆ ಆನಿ ಐಲೇಸಾ – ದಿ ವಾಯ್ಸ್ ಆಫ್ ಓಷನ್ (ರಿ) ತುಳು ಸಾಹಿತ್ಯ ಲೋಕೊಗು ಕೊರಂದುಪ್ಪುನ ಪದ ಗೊಂಚಿಲ್ದ ರಡ್ಡ್ ಪದೊಕುಲು ಬುಡುಗಡೆ ಆದ್ ತುಳುವೆರೆ ಮಟ್ಟೆಲ್ಲ್ ಸೇರರೆ ಉಂಡು .

ಮುಂಬೈದ ತುಳು ಸಾಹಿತ್ಯದ ಮಲ್ಲ ದಾರಗೆ ಡಾ. ಸುನೀತಾ ಶೆಟ್ರು ಬರೆತಿನ ”ಕಬಿತೆ ಪುಟ್ಟು೦ಡೊ” ಪದೊನು ನಮ್ಮ ತುಳುನಾಡುದ ಕೋಗಿಲೆ ಕಲಾವತಿ ದಯಾನಂದ್ ಸ್ವರ ಕೊರ್ದು ಅಬುದಾಭಿದ ತುಳು ವಿಶ್ವ ಸಮ್ಮೇಳನ ಪುಗಾರ್ತೆದ ಸರ್ವೋತಮ ಶೆಟ್ರು ಲೋಕಾರ್ಪಣೆ ಮಲ್ಪುವೆರ್ .

ನನೊಂಜಿ ಪದ ಶಾಂತಾರಾಮ್ ಶೆಟ್ಟಿ ಬೆಂಗಳೂರು , ಬರೆತಿನ ”ಉಂದು ಮಣ್ಣ್ ದಾ ಬಾಜನ” ಪನ್ಪಿನ ಮಣ್ಣ ಬಾಜನದ ಸತು ಗುಣ ತೆರಿಪಾವುನ ಪದ ಆಲ್ ಅಮೇರಿಕ ತುಳು ಅಸೋಸಿಯೇಷನ್ ದ ಗುರ್ಕಾರ್ಲು ಆಯಿನ ಶ್ರೀ ಭಾಸ್ಕರ್ ಶೇರಿಗಾರ್ ಬುಡುಗಡೆ ಮಲ್ಪರೆ ಉಲ್ಲೆರ್ .

ಮುಂಬೈ ವಿಶ್ವವಿದ್ಯಾಲಯದ ಕನ್ನಡ ವಿಭಾಗದ ಸಹಾಯಕ ಅಧ್ಯಾಪಕಿ ಡಾ. ಪೂರ್ಣಿಮಾ ಸುಧಾಕರ್ ಶೆಟ್ಟಿ ಮೇರ್ ಬಿಸು ಪರ್ಬದ ಪೊಲಬು ಮಲ್ತು ಕೊರೊಂದುಲ್ಲೆರ್ . ಕನಾದ ತುಳು ಲಿಪಿಕೀಲಿ ಮಣೆತ ಡಾ. ಗುರುಪ್ರಸಾದ್ ತುಳು ಲಿಪಿ ತಾ ಬಗೆಟ್ ತಾಂತ್ರಿಕ ಮಾಹಿತಿ ಕೊರ್ಪೆರ್ .
ಅಂಚನೆ ಪುಗರ್ತೆದ ಗಾಯಕೆರಾಯಿನ ಡಾ. ರಮೇಶ್ಚಂದ್ರ , ಡಾ. ರಾಧಿಕಾ ಕಲ್ಲೂರಾಯ , ಹೇಮಾ ಕುಮಾರಿ ಎಂ , ಧನ್ಯ ರಾವ್ ಫ್ಲೋರಿಡಾ , ಜಿತೇಶ್ ಸುವರ್ಣ ಫ್ಲೋರಿಡಾ , ನಿಯತಿ ಯು ಶೆಟ್ಟಿ, ರವಿರಾಜ್ ಶೆಟ್ಟಿ , ಸುವಿದ್ ಮಾರ್ನಾಡ್ , ಅಂಶಿಕಾ ಬೊಕ್ಕ ಐನಿ ಗಾಯನ, ಅಭಿನಯ , ನಲಿಕೆದೊಟ್ಟುಗು ತುಳುವೆರೆನ ಉಡಲ್ ಗೆಂದೆರೆ ಉಲ್ಲೆರ್.

ಅನುಜ್ಞಾ ರಾವ್ ಫ್ಲೋರಿಡಾ , ರಜನಿ ಶರಣ್ ಫ್ಲೋರಿಡಾ, ರಾಧಿಕಾ ಅರ್ಪಣ್ ಫ್ಲೋರಿಡಾ, ಅರ್ಪಣ್ ನಾಯಕ್ ಫ್ಲೋರಿಡಾ ಮೊಕುಲು ಕಾರ್ಯಕ್ರಮೊನು ನಡಪಾ ಕೋರ್ಪೆರ್
ತುಳುವೆರ್ ಈ ಕಾರ್ಯಕ್ರಮೊನು Florida Tulukoota ಯೂ ಟ್ಯೂಬ್ ಚಾನೆಲ್ ಡ್ ತೂದು ಫ್ಲೋರಿಡಾ ತುಳುಕೂಟದ ವರ್ಷಾಚರಣೆ ಬೊಕ್ಕ ಬಿಸು ಪರ್ಬೊನು ಬೆರಿಸಾಯ ಕೊರೊಡುಂದು ಕೂಟದ ಅಧ್ಯಕ್ಷೆ ಶ್ರೀವಲ್ಲಿ ರೈ ಮಾರ್ಟೆಲ್ ಬೊಕ್ಕ ಪದಾಧಿಕಾರಿಲು ಟೈಮ್ಸ್ ಆಫ್ ಕುಡ್ಲ ಮುಕಾಂತ್ರ ಮೋಕೆದ ಬಿನ್ನಾಪು ಮಲ್ತೊ೦ದೆರ್ .

ಶಾರ್ಪ್ ಕ್ರಿಯೇಶನ್ಸ್ ವತಿರ್ದ್ ವಿಕ್ಕಿ ಕನ್ನಡ ಪಿಚ್ಚರ್ ದ ಆಡಿಯೋ ಲಾಂಚ್ ಲೇಸ್

ಕುಡ್ಲ : ಶಾರ್ಪ್ ಕ್ರಿಯೇಶನ್ಸ್ ವತಿರ್ದ್ ವಿಕ್ಕಿ ಪನ್ಪಿನ ಒಂಜಿ ವಿಭಿನ್ನ ಕನ್ನಡ ಸಿನೇಮಾದ ಆಡಿಯೋ ಲಾಂಚ್ ಲೇಸ್ ಮೇ1 ತಾರಿಕ್ ಐತಾರ ದಾನಿ ಬಲ್ಮಠದ ಸಪ್ತಕ್ ಸ್ಟುಡಿಯೋಡು ನಡತ್oಡ್ .
ಮಲ್ಲ ಬಿನ್ನೆರ್ ಆದ್ ಪುಗಾರ್ತೆದ ನಿರ್ದೇಶಕೆರಾಯಿನ ವಿಜಯ್ ಕುಮಾರ್ ಕೋಡಿಯಾಲ್ ಬೈಲ್, ನಿರ್ದೇಶಕೆರಾಯಿನ ವೀರೇಂದ್ರ ಶೆಟ್ಟಿ, ಸಂಗೀತಗಾರೆರಾಯಿನ ರಾಜ್ ಗೋಪಾಲ್ ಬೊಕ್ಕ ನಟೆ ಸ್ವರಾಜ್ ಶೆಟ್ಟಿ ಪಾಲ್ ಪಡೆದಿತ್ತೆರ್ .

ಈ ಪೊರ್ತುಡು “ನನ್ನೊಲವೇ ಕೇಳು” ಬೊಕ್ಕ “ವಿಕ್ಕಿ” ಟೈಟಲ್ ಟ್ರ್ಯಾಕ್ ಪನ್ಪಿನ ರಡ್ಡ್ ಪದ ಎರಡು ಹಾಡುಗಳನ್ನು ಬುಡುಗಡೆ ಮಲ್ತೆರ್.
ಈ ಪೊರ್ತುಡು ಪಾತೆರಿನ ವಿಜಯ್ ಕುಮಾರ್ ಕೋಡಿಯಾಲ್ ಬೈಲ್ – ಶಾರ್ಪ್ ಕ್ರಿಯೇಷನ್ಸ್ ಕೂಟ ಕಲಾಸಂಗಮದ ಅಂಗ ಸಂಸ್ಥೆ ಆದ್ ಉಂಡು , ಈ ಟೀಮ್ ದ ಆನುಲೆನ ಪ್ರತೆಭೆನ್ ತುವೊಂದು ಬೈದೆ , ವಿಕ್ಕಿ ಚಿತ್ರದ ಪದ ಕೆಂಡ ಕೂಟ ಕುಡೊಂಜಿ ಹಂತ ಮುಟ್ಟಿನ ತೊಜೀದ್ ಬರ್ಪುಂಡು ಪಂದ್ ಪಂಡೆರ್.

ವೀರೇಂದ್ರ ಶೆಟ್ರ್ ಪಾತೆರ್ದ್ ಮ್ಯೂಸಿಕ್ ಡೈರೆಕ್ಟರ್ಗಾದ್ ಒಲ್ಪನಾ ನಾಡುನ ಬೇಲೆ ತತ್ತ್oಡ್, ಲಾಯ್ ವ್ಯಾಲಂಟೈನ್ ಮೆರ್ನ ಮ್ಯೂಸಿಕ್ ಮೋಡಿ ಮಲ್ಪುಂಡು ಪಂದ್ ಪಂಡೆರ್ .
ರಾಜ್ ಗೋಪಾಲ್ ಮೆರೆನ ರಡ್ಡ್ ಪದ ಅದ್ಭುತ ಆದ್ ಉಂಡು , ಕೂಟಗ್ ಎಡ್ಡೆಪ್ಪು ಬಯಕಿಯೆರ್ .
ಲೇಸ್ ಡ್ ವಿಕ್ಕಿ ಚಿತ್ರದ ಸಂಗೀತ ನಿರ್ದೇಶಕೆರಾಯಿನ ಲಾಯ್ ವ್ಯಾಲಂಟೈನ್ ಸಲ್ಡಾನ ಮೆರೆಗ್ ಗೌರವಪೂರ್ವಕವಾದ್ ಮಾನದಿಗೆ ಮಲ್ತೆರ್ . ಈ ಲೇಸ್ ನ್ ಪವಿತ್ರಾ ಪೂಜಾರಿನಡಪಾದ್ ಕೊರಿಯೆರ್.

ವರದಾಯಿನಿ ಶ್ರೀ ವ್ಯಾಘ್ರ ಚಾಮುಂಡಿ ಸಾನಿಧ್ಯ : ನಾಗಮಂಡಲೋಚ್ಚಯ

ಪುತ್ತೂರು : ತಾರಿಕ್ 10/5/2022 ನೇ ಅಂಗಾರೆ ರಾತ್ರಿ 8:30 ಗಂಟೆರ್ದ್ ಕುಕ್ಕಾಡಿ ತಂತ್ರಿ ಶ್ರೀ ಪ್ರೀತಮ್ ಪುತ್ತೂರಾಯ ಮೆರ್ನ ಮುತಾಲಿಕೆಡ್

ಬ್ರಹ್ಮ ಶ್ರೀ ಸಗ್ರಿ ಗೋಪಾಲ ಕೃಷ್ಣ ಸಾಮಗೆರೆರ್ದ್ ಬೊಕ್ಕ ಮುದ್ದೂರು ಶ್ರೀ ಕೃಷ್ಣಪ್ರಸಾದ ವೈದ್ಯ ಕೂಟರ್ದ್ ಚತುರ್ಪವಿತ್ರ ನಾಗಮಂಡಲೋತ್ಸವ ಸೇವೆ ಧಾರ್ಮಿಕ ವಿಧಿ ವಿಧಾನದ ಒಟ್ಟುಗು ಸರ್ವ ನಾಗ ದೋಷ ಪರಿಹಾರ ಬೊಕ್ಕ ಸಮಸ್ತ ಭಕ್ತ ಜನ ಸುಭಿಕ್ಷೆಗಾದ್ ಶ್ರೀ ವಿಷ್ಣು ಮೂರ್ತಿ, ಶ್ರೀ ಅನ್ನಪೂರ್ಣೇಶ್ವರಿ ದೇವಲ್ಯ ಉದಯಗಿರಿ ಸಂಪ್ಯ ಪುತ್ತೂರುಡು ನಡಪರೆ ಉಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಹಣಿಯೂರು ಗುತ್ತು ಪರಿವಾರ ಬಂಟರ ತರವಾಡು ದೈವಸ್ಥಾನ : ಪುನರ್ ಪ್ರತಿಷ್ಠೆ, ಪೊಸ ದೈವಸ್ಥಾನ ಬೊಕ್ಕ ತರವಾಡು ಇಲ್ಲ್ ಒಕ್ಕೆಲ್

ಪುತ್ತೂರು : ತಾರಿಕ್ 14/5/2022 ನೇ ಶನಿಯಾರರ್ದ್ 18/5/2022 ನೇ ಬುಧಾರ ಮುಟ ವೇದಮೂರ್ತಿ ಬ್ರಹ್ಮ ಶ್ರೀ ಕುಂಟು ಕುಡೇಲು ರಘುರಾಮ ತಂತ್ರಿಲೆನ ಮುತಾಲಿಕೆಡ್ ಹಣಿಯೂರು ಗುತ್ತು ಪರಿವಾರ ಬಂಟರ ತರವಾಡು ದೈವಸ್ಥಾನಡ್ ಪುನರ್ ಪ್ರತಿಷ್ಠೆ, ಪೊಸ ದೈವಸ್ಥಾನ ಬೊಕ್ಕ ತರವಾಡು ಇಲ್ಲ್ ಒಕ್ಕೆಲ್ ಅಂಚನೆ ಶ್ರೀ ದೈವದ ನೇಮೋಚ್ಚಯ ನಡಪರೆ ಉಂಡು ಪಂದ್ ಪಣಿಯೂರು ಫ್ಯಾಮಿಲಿ ಡೈಟೀಸ್ ಟ್ರಸ್ಟ್ ದ ಗುರ್ಕಾರ್ಲಾಯಿನ ಡಾ. ಕೆಸಿ ನಾಯ್ಕ್ ಪಂಡೆರ್.

ಈ ನೆಲೆಟ್ಟ್ ಮೇ 14 ಕ್ಕ್ ಕಾಂಡೆ 7 ಗಂಟೆಗ್ ತಂತ್ರಿಲೆನ ಆಗಮನ, ಸಾಮೂಹಿಕ ಪ್ರಾರ್ಥನೆ, ಜಾಗೆದ ಶುದ್ದಿ ಬೊಕ್ಕ ದೈವದ ಭಂಡಾರ ಬರಿಯೆರೆ ಉಂಡು ಮಧ್ಯಾಹ್ನ 1 ಗಂಟೆಗ್ ವನಸ್ ದ ವ್ಯವಸ್ಥೆ ಬಯ್ಯಗ್ 3 ಗಂಟೆಗ್ ಪುದೆಕಾಣಿಕೆ ಬರಿಯೆರೆ ಉಂಡು.

ಕುಡ್ಲಡ್ ಕವಿತಾ ಫೆಸ್ಟ್ ಲೇಸ್

ಕುಡ್ಲ : ಕೊಂಕಣಿ ಕವಿತೆ ಬೊಕ್ಕ ಕಾವ್ಯ ಕ್ಷೇತ್ರಗ್ ವಿಶೇಷ ಕೊಡುಗೆ ಕೊರೊಂದು ಬೈದಿನ ಕವಿತಾ ಟ್ರಸ್ಟ್ ವತಿರ್ದ್ ವರ್ಷಲ ನಡಪುನ ಕವಿತಾ ಫೆಸ್ತ್ ಲೇಸ್ ಇಂಚೋಗು ಕುಡ್ಲದ ವಿಶ್ವ ಕೊಂಕಣಿ ಕೇಂದ್ರಡ್ ನಡತ್oಡ್.

ಕವಯತ್ರಿ ಉಶಾಪ್ರಭಾ ನಾಯಕ್ ಬೊಕ್ಕ ವಿಶ್ವ ಕೊಂಕಣಿ ಕೇಂದ್ರದ ಗುರ್ಕಾರ್ಲಾಯಿನ ಜಿ.
ನಂದಗೋಪಾಲ್ ಶೆಣೈ ಲೇಸ್ ಉದಿಪನ ಮಲ್ತೆರ್ .ಐರ್ದ್ ಬೊಕ್ಕ ಕೊಂಕಣಿ ಅಕಾಡಮಿ ಪ್ರಶಸ್ತಿ ವಿಜೇತ ಜೆ.ವಿ ಸಿಕ್ವೇರಾ ಮೆರೆನ ಒಟ್ಟುಗು ಟ್ರಸ್ಟಿ ಅಂಡ್ರ್ಯು ಎಲ್. ಡಿಕುನ್ಹಾ ಸಂವಾದ ನಡಪಾಯೆರ್ .