Thu. Nov 19th, 2026

ಊರ್ದ ಸುದ್ದಿ Regional News

ಒಡಿಪುಡು ನಡತಿನ ತುಳುನಾಡ ಗೊಬ್ಬುಲುದ ಮುಗಿತಲದ ಲೇಸ್

ಒಡಿಪು : ತುಳುಕೂಟ ಒಡಿಪು , ಅಂತಾರಾಷ್ಟ್ರೀಯ ಲಯನ್ಸ್ ಸೇವಾ ಸಂಸ್ಥೆ ಜಿಲ್ಲೆ ೩೧೭ಸಿ ಬೊಕ್ಕ ಇಂದ್ರಾಳಿ-ಒಡಿಪು ಲಯನ್ಸ್ ಬೊಕ್ಕ ಲಿಯೋ ಕ್ಲಬ್ ಮೆಕ್ಲೆನ ಒಟ್ಟು ಸೇರಿಗೇಡ್ ಮಲ್ಪೆ ಕಡಲ ಬರಿಟ್ ಅಟ್ಟನೆ ಮಲ್ತಿನ ಒಡಿಪು ಜಿಲ್ಲಾಮಟ್ಟದ ತುಳುನಾಡ ಗೊಬ್ಬುಲು ಬೊಕ್ಕ ಆಹಾರಮೇಳ, ತುಳುನಾಡ ಸಂಗೀತ ನೃತ್ಯ ಲೇಸ್ ದ ಮುಗಿತಲದ ಲೇಸ್ ನಡತುಂಡು.

ಈ ಪೊರ್ತುಡು ವಿಶೇಷವಾದ್ ಪೊಂಜೊವುಲು ಬೊಕ್ಕ ಆಂಜೊವ್ಲೆಗ್ ನಡತಿನ ತುಳುನಾಡ್ ದ ಗೊಬ್ಬುಲಾಯಿನ ಹಗ್ಗ ಜಗ್ಗಾಟ, ವಾಲಿಬಾಲ್, ತ್ರೋಬಾಲ್, ಕಬಡ್ಡಿ, ಮಾನವ ಗೋಪುರ, ಸೊಪ್ಪಾಟ, ಪಾಲೆದ ಗೊಬ್ಬು, ಚೆನ್ನೆಮಣೆ, ಪೊಕ್ಕು, ತಾರಾಯಿದ ಸೋಗೆ ನೈಪುನ , ತಾರಾಯಿದ ಚೋಲಿ ದೆಪ್ಪುನ ಪಂಥಡ್ ಗೆಂದಿನ ಜನಕ್ಲೆಗ್ ಇನಾಮು ಪಟ್ಟಿಯೆರ್.

ಈ ಪೊರ್ತುಡು ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ವಿಜೇತ ಸಾಹಿತಿ ಬನ್ನಂಜೆ ಬಾಬು ಅಮೀನ್ ಬೊಕ್ಕ ತುಳು ಎಂಎ ಪದವಿಡ್ ಸುರುತ ರ್ಯಾಂಕ್ ಪಡೆಯಿನ ವಿಜಯಲಕ್ಷ್ಮೀ ಪ್ರಸಾದ್ ರೈ ಸೇರಿನಂಚ ಬೇತೆ ಬೇತೆ ಗಣ್ಯೆರೆಗ್ ಮಾನದಿಗೆ ಮಲ್ತೆರ್ .

ಒಡಿಪು ತುಳುಕೂಟದ ಗುರ್ಕಾರ್ಲಾಯಿನ ಬಿ.ಜಯಕರ್ ಶೆಟ್ಟಿ ಇಂದ್ರಾಳಿ, ಲಯನ್ಸ್ ಜಿಲ್ಲಾ ಗವರ್ನರ್ ವಿಶ್ವನಾಥ್ ಶೆಟ್ಟಿ, ಇಂದ್ರಾಳಿ-ಉಡುಪಿ ಲಯನ್ಸ್ ಬೊಕ್ಕ ಲಿಯೋಕ್ಲಬ್ ಗುರ್ಕಾರ್ಲಾಯಿನ ಮನೋಹರ್ ಶೆಟ್ಟಿ ತೋನ್ಸೆ, ಲೇಸ್ ದ ಪ್ರಮುಖ ಪ್ರಾಯೋಜಕೆರಾಯಿನ ಭೀಮಾ ಜುವೆಲ್ಲರ್ಸ್‌ ಸಂಸ್ಥೆದ ವ್ಯವಸ್ಥಾಪಕ ಸಂದೇಶ್ ಕಾಮತ್, ಆಹಾರ ಮೇಳದ ಸಂಚಾಲಕ ಚಂದ್ರಶೇಖರ್ ರಾವ್, ನಗರಸಭೆ ಸ್ಥಾಯಿ ಸಮಿತಿ ಗುರ್ಕಾರ್ಲಾಯಿನ ಬಾಲಕೃಷ್ಣ ಶೆಟ್ಟಿ, ಸುಧೇಶ್ ಶೆಟ್ಟಿ, ಭುವನಪ್ರಸಾದ್, ತುಳು ಅಕಾಡೆಮಿ ಸದಸ್ಯೆ ತಾರಾ ಆಚಾರ್ಯ, ತುಳುಕೂಟದ ಕೋಶಾಧಿಕಾರಿ ಎಂ.ಜಿ. ಚೈತನ್ಯ, ಯಶೋಧಾ ಕೇಶವ್, ಡಾ.ವಿ.ಕೆ.ಯಾದವ್, ಮೋಹನ್ ಶೆಟ್ಟಿ, ಪ್ರಭಾಕರ್ ಭಂಡಾರಿ, ರತ್ನಾಕರ್ ಇಂದ್ರಾಳಿ, ಮಹಮ್ಮದ್ ಮೌಲಾ,ವೀಣಾ ಶೆಟ್ಟಿ, ವಿವೇಕಾನಂದ ಎನ್, ಪ್ರೇಮ್ ಕುಮಾರ್, ಶಶಿಧರ್ ಕುಂದರ್ ಮಲ್ಪೆ, ಮಂಜು ಕೊಳ ಪಾಲ್ ಪಡೆದಿತ್ತೆರ್ .

ಕಾಪು ಕಡಲ್ ಡ್ ಬೂತಾಯಿ ಮೀನ್ ದ ಸುಗ್ಗಿ: ಸುಮಾರ್ 30 ಟನ್ ರ್ದ್ ಲ ಹೆಚ್ಚದ ಮೀನ್ ಬಲೆಕ್ಕ್

ಕಾಪು: ಮುಲ್ಪದ ಕೈಪುಂಜಾಲು ಓಂ ಸಾಗರ್ ದ ರಡ್ಡ್ ಬೋಟುಡು 30 ಟನ್ ದಾತ್ ಬೂತಾಯಿ ಮೀನ್ ಬಲೆಕ್ಕ್ ಬೂರ್ ದ್ಂಡ್.

ಸುಮಾರ್ 30 ಟನ್ ರ್ದ್ ಲ ಎಚ್ಚದ ಮೀನ್ ಬಲೆಕ್ಕ್ ಬೂರ್ದಿತ್ತ್ ದ್, 30 ಲಕ್ಷರ್ದ್ ಲಾ ಎಚ್ಚದ ಬಿಲೆಕ್ಕ್ ಮೀನ್ ಸೇಲ್ ಆತ್ಂಡ್. ಅಸಾನಿ ಚಂಡಮಾರುತ ಇತ್ತ್ ನೆಡ್ದಾವರ ಕಡಲ್ ಡ್ ಮಸ್ತ್ ಮೀನ್ ತಿಕ್ಕ್ ದ್ಂಡ್. ಬೂತಾಯಿ ಮೀನ್ ಗಂಗೊಳ್ಳಿರ್ದ್ ತುಳುನಾಡ್ ಮುಟ್ಟ ಎಚ್ಚ ಆತ್ಂಡ್ ಪಂದ್ ಮೀನುಗಾರೆರ್ ಪಂತೆರ್.

ಕಾಸ್ರೋಡ್: ಪುಗರ್ತೆದ ನಟಿ ಸಹನಾ ತೀರ್ ಪೊಯೆರ್; ಕಂಡನಿ ಸಜ್ಜಾದ್ ವಿರುದ್ಧ ಕುಟುಂಬದಕ್ಲೆನ ಕೆರಿನ ಆರೋಪ

ಕೇರಳ, ಮೇ 13: ಕಾಸ್ರೋಡ್ ದ ಮಾಡೆಲ್ ಅಂಚನೆ ನಟಿ ಒರ್ತಿನ ಪುನ ಬಲ್ಲ್ ಪಾಡ್ದಿನ ಸ್ಥಿತಿಟ್ಟ್ ಕೇರಳದ ಕಲ್ಲಿಕೋಟೆಡ್ ಪತ್ತೆಯಾತ್ಂಡ್.

ಸಹನಾ(20) ಪನ್ಪಿನ ಪೊನ್ನನ ಪುನ ಪತ್ತೆಯಾತ್ಂಡ್. ಕಾಸ್ರೋಡ್ ದ ಚೆರುವತ್ತೂರ್ ನಿವಾಸಿಯಾದಿತ್ತ್ ದ್, ಕರಿನ ಕತ್ತಲೆಗ್ ಕೊಯಿಕ್ಕೋಡ್ ದ ಬಾಡಿಗೆದ ಇಲ್ಲಡ್ ಪುನ ಪತ್ತೆಯಾತ್ಂಡ್.

ಸಹನಾ ಒಂಜರೆ ವರ್ಷದ ಪಿರವು ಸಜಾದ್ ಪನ್ಪಿನ ಆನನ್ ಮದಿಮೆ ಆದಿತ್ತೆರ್. ಇರ್ವೆರ್ನ ನಡುಟ್ಟ್ ಅಪಗಪಗ ಲಡಾಯಿ ಆವೊಂದಿತ್ಂಡ್. ಒಂಜಿ ಸರ್ತಿ ಕೆರ್ಪೆ ಪಂದ್ ಸಜಾದ್ ಪೋಡಿಪಾದಿತ್ತೆ. ಇತ್ತೆ ಕಂಡನಿ ಸಜಾದ್ ನ ಮಿತ್ತ್ ಕುಟುಂಬದಕುಲೆಗ್ ಅನುಮಾನ ಬತ್ತ್ ದಿತ್ತ್ ದ್, ಪೊಲೀಸೆರ್ ಸಜಾದ್ ನ್ ವಶಕ್ಕ್ ದೆತ್ತೊಂದ್ ವಿಚಾರಣೆ ಮಲ್ತೊಂದುಲ್ಲೆರ್ ಪಂದ್ ತೆರಿದ್ ಬೈದ್ಂಡ್.

ಎಲ್ಲೆ ಒಡಿಪುಗ್ ಬರ್ರೆ ಉಲ್ಲೆರ್ ಪಣವುದ ಸಚಿವೆರ್ ನಿರ್ಮಲಾ ಸೀತಾರಾಮನ್

ಒಡಿಪು: ಕೇಂದ್ರ ಹಣಕಾಸು ಸಚಿವೆರ್ ನಿರ್ಮಲಾ ಸೀತಾರಾಮನ್ ಮೇರ್ ಸನಿಯಾರದಾನಿ ಒಡಿಪುದ ಶ್ರೀ ಕೃಷ್ಣ ಮಠ ಅಂಚೆನೆ ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಲ್ಯಗ್ ಭೇಟಿ ಕೊರಿಯೆರೆ ಉಲ್ಲೆರ್.

ಸುಕ್ರಾರ ದಿಲ್ಲಿರ್ದ್ ಬೆಂಗ್ಳೂರ್ ಗ್ ಬರ್ರೆ ಇಪ್ಪುನ ಸಚಿವೆರ್, ಸನಿಯಾರ ಕಾಂಡೆ ಒಡಿಪು ಶ್ರೀ ಕೃಷ್ಣ ಮಠ, ಕೊಲ್ಲೂರು ಮೂಕಾಂಬಿಕಾ ದೇವಲ್ಯದ ದರ್ಶನ ಮಲ್ಪರೆ ಉಲ್ಲೆರ್.

ಸನಿಯಾರ ದೇವಲ್ಯದ ಭೇಟಿದ ಬೊಕ್ಕ ಖಾಸಗಿ ಕಾರ್ಯಕ್ರಮಡ್ ಪಾಲ್ ಪಡೆದ್ ಅವ್ವೆ ದಿನ ಕತ್ತಲೆಗ್ ಬೆಂಗ್ಳೂರ್ ಗ್ ಪೋಯರೆ ಉಲ್ಲೆರ್.

ರಾಯಪುರ: ಹೆಲಿಕಾಪ್ಟರ್ ಪತನ; ತೀರ್ ಪೋಯಿನ ರಡ್ಡ್ ಪೈಲೆಟ್

ರಾಯಪುರ : ಹಾರಾಟ ಅಭ್ಯಾಸ ಮಲ್ಪುನ ಪೊರ್ತುಡು ಸರಕಾರಿ ಹೆಲಿಕಾಪ್ಟರ್‌ ಅಪಘಾತ ಆದ್ ರಡ್ಡ್ ಪೈಲಟ್‌ ತೀರ್ ಪೋಯಿನ ದುರಂತ ಛತ್ತೀಸ್‌ಗಡ ರಾಜಧಾನಿಡ್ ಗುರುವಾರ (ಮೇ 12) ರಾತ್ರಿ ನಡತುಂಡು . ರಾಯಪುರ್‌ ಸ್ವಾಮಿ ವಿವೇಕಾನoದ ವಿಮಾನ ನಿಲ್ದಾಣಡ್ ರಾತ್ರಿ 9:10ರ ಪೊರ್ತುಡು ಈ ಘಟನೆ ನಡತುಂಡು ಪಂದ್ ಪೊಲೀಸ್ ಮೂಲ ತೆರಿಪಾದುಂಡು.

ಗೂಗಲ್ ಟ್ರಾನ್ಸ್​ಲೇಶನ್ ಗ್ ಸೇರಿನ ‘ಕೊಂಕಣಿ’ ಭಾಸೆ

ಬೆಂಗ್ಳೂರು: ಅಂತರ್ಜಾಲ ಆಧಾರಿತ ಭಾಷಾಂತರ ಅಪ್ಲಿಕೇಶನ್ ಆಯಿನ ಗೂಗಲ್ ಟ್ರಾನ್ಸ್ ಲೇಶ ನ್ ಗ್ ಪೊಸತಾದ್ ಕೊಂಕಣಿನ್ ಸೇರಾದ ಪಂದ್ ಗೂಗಲ್ ಸಂಸ್ಥೆ ಪ್ರಕಟನೆ ಕೊರ್ತುಂಡು .

ಇತ್ತೇ 100ರ್ದ್ ಜಾಸ್ತಿ ಭಾಷೆ ಗೂಗಲ್ ಟ್ರಾನ್ಸ್​ಲೇಟ್​ಡ್ ಉಂಡು , ಭಾರತೀಯ ಭಾಷೆಗ್ ಲಾ ಗೂಗಲ್ ಮಾನ್ಯತೆ ಉಂಡು ಇತ್ತೇ ಗೂಗಲ್ ಟ್ರಾನ್ಸ್​ಲೇಟ್​​ಡ್ ಪೊಸತಾದ್ ಭಾರತೀಯ ಭಾಷೆ ಆಯಿನ ಅಸ್ಸಾಮಿ, ಭೋಜ್​ಪುರಿ, ಡೋಗ್ರ, ಕೊಂಕಣಿ, ಮೈಥಿಲಿ, ಮಣಿಪುರಿ ಬೊಕ್ಕ ಮಿಜೋ ಭಾಷೆ ಸೇರ್ದುಂಡು . ಗೂಗಲ್ ಟ್ರಾನ್ಸ್​ಲೇಟ್​​ಡ್ ಕೊಂಕಣಿ ಸೇರಿನ ಬಗ್ಗೆ ಕೊಂಕಣಿ ಭಾಷಾ ಪ್ರೇಮಿಲು ಗೂಗಲ್‌ಗ್ ಸೊಲ್ಮೆಲು ಸಂದೈತ ಮಲ್ದೆರ್.

ಮೇ 19 ಗ್ ಎಸ್.ಎಸ್.ಎಲ್.ಸಿ ರಿಸಲ್ಟ್

ಬೆಂಗ್ಳೂರು: ಮೇ 19ಗ್ ಎಸ್.ಎಸ್.ಎಲ್.ಸಿ ಪರೀಕ್ಷೆದ ಫಲಿತಾಂಶ ಪ್ರಕಟ ಆಪುಂಡ್. ಶಿಕ್ಷಣ ಸಚಿವೆರ್ ಆಯಿನ ಬಿ.ಸಿ.ನಾಗೇಶ್ ಫಲಿತಾಂಶ ಪ್ರಕಟ ಮಲ್ಪುವೆರ್.

ಶಿಕ್ಷಣ ಸಚಿವೆರ್ ನ ಸುದ್ದಿಗೋಷ್ಠಿರ್ದ್ ಬೊಕ್ಕ ಎಸ್.ಎಸ್.ಎಲ್.ಸಿ ಬೋರ್ಡ್ ವೆಬ್ಸೈಟ್ ದ ಫಲಿತಾಂಶ ತಿಕ್ಕುಂಡು. ಮನದಾನಿ ಆಯಾ ಶಾಲೆಲೆಡ್ ಫಲಿತಾಂಶ ಪ್ರಕಟ ಆಪುಂಡ್. ಮಾರ್ಚ್ 28 ರ್ದ್ ಏಪ್ರಿಲ್ 11 ಮುಟ್ಟ ಪರೀಕ್ಷೆ ನಡತ್ ದಿತ್ತ್ಂಡ್. ಸುಮಾರ್ 8.74 ಲಕ್ಷ ಕಲ್ಪಾರ್ಥಿಲು ಪರೀಕ್ಷೆ ಬರೆದಿತ್ತೆರ್.

ಬಂಟ್ವಾಳ: ಪೊಸ ತಹಶೀಲ್ದಾರ್ ಆದ್ ಡಾ. ಸ್ಮಿತಾ ರಾಮು ನೇಮಕ

ಬಂಟ್ವಾಳ: ಮಂಡ್ಯ ಜಿಲ್ಲೆದ ಚುನಾವಣಾ ಶಾಖೆದ ತಹಶೀಲ್ದಾರ್, 2015ನೇ ಬ್ಯಾಚ್ ದ ಕೆಎಎಸ್ ಅಧಿಕಾರಿ ಡಾ.ಸ್ಮಿತಾ ರಾಮು ಮೆರೆನ್ ದಕ್ಷಿಣ ಕನ್ನಡ ಜಿಲ್ಲೆದ ಬಂಟ್ವಾಳ ತಹಶೀಲ್ದಾರ್ ಆದ್ ರಾಜ್ಯ ಸರಕಾರ ಆದೇಶ ಮಲ್ತ್ ದ್ಂಡ್.

ಈ ಪಿರವು ರಶ್ಮಿ ಎಸ್.ಆರ್ ಮೇರ್ ಬಂಟ್ವಾಳ ತಹಶೀಲ್ದಾರ್ ಆದಿತ್ತ್ ದ್, ಅರೆನ್ ಹಿಂದುಳಿದ ವರ್ಗದ ಇಲಾಖೆದ ಜಿಲ್ಲಾ ಅಧಿಕಾರಿಯಾದ್ ವರ್ಗಾವಣೆ ಮಲ್ತಿ ಬೊಕ್ಕ ಬಂಟ್ವಾಳ ತಹಶೀಲ್ದಾರ್ ಹುದ್ದೆ ಖಾಲಿಯಾದಿತ್ತ್ಂಡ್.

ನಟೆ ಮಾಜಿ ಸಚಿವೆರ್ ದಿ.ಅಂಬರೀಶ್ ಮೆರ್ನ ಕಟ್ಟಾ ಅಭಿಮಾನಿ, ಮಂಡ್ಯ ಜಿಲ್ಲೆದ ಕರೆಗೋಡು ವಿಧಾನಸಭಾ ಕ್ಷೇತ್ರದ ಮಾಜಿ ಶಾಸಕೆರ್ ಎಚ್.ಬಿ.ರಾಮು ಮೆರ್ನ ಮಗಲ್ ಡಾ. ಸ್ಮಿತಾ ಮೇರ್ ಮೂಲತಃ ಕೂಲಿದ ಡಾಕ್ಟರ್ ಆದಿತ್ತೆರ್.

ಕುಡ್ಲದ ಯನೆಪೋಯ ದಂತ ವೈದ್ಯಕೀಯ ಕಾಲೇಜ್ ಡ್ ಬಿಡಿಎಸ್ ಪದವಿನ್ ಪಡೆತಿನ ಆರ್ ಸುಮಾರು 14 ವರ್ಷ ಮಂಡ್ಯ ಇನ್ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸ್ ಡ್ ಡಾಕ್ಟರ್ ಆದ್ ಬೇಲೆನ್ ಮಲ್ತೊಂದಿತ್ತೆರ್.

ಒಡಿಪು : ಉದ್ಯಾವರ ಕೈತಲ್ ಬಸ್ ಪಲ್ಟಿ, ಮಸ್ತ್ ಜನ ಜಖಂ

ಒಡಿಪು :ಕುಡ್ಲರ್ದ್ ಒಡಿಪುಗು ಪೋವೊಂದು ಇತ್ತಿನ ಖಾಸಗಿ ಬಸ್ಸೊಂಜಿ ಒಡಿಪು -ಉದ್ಯಾವರ ಜಂಕ್ಷನ್ ಕೈತಲ್ ಪಲ್ಟಿಯಾದ್ ಪ್ರಯಾಣಿಕೆರ್ ಜಖಂ ಆಯಿನ ಘಟನೆ ಇನಿ (ಮೇ.೧೨) ಮಧ್ಯಾಹ್ನ ‌ನಡತುಂಡು .

ಬಸ್ ಪೋವೊಂದು ಇತ್ತಿನ ಪೊರ್ತುಡು ಓವರ್ ಟೇಕ್‌ ಮಲ್ಪುನ ಪೊರ್ತುಡು ಡ್ರೈವರ್ ನ ನಿಯಂತ್ರಣ ತತ್ತ್ ದ್ ಮಾರ್ಗದ ಬರಿತ ಕಂಬಗ್ಢಿ ಕ್ಕಿ ಆಕುದುಂಡು , ಐರ್ದ್ ಬೊಕ್ಕ ಡಿವೈಡರ್ ಗ್ ಲಾಗಿದ್ ಪಲ್ಟಿಯಾತುಂಡು ಪಂದ್ ತೆರಿದ್ ಬೈದುಂಡು . ಬಸ್ ಟ್ ಜನಕುಲು ಇತ್ತೆರ್ ಡಲ ಅದೃಷ್ಟವಶಾತ್ ಒವ್ವೆ ಪ್ರಾಣಾಪಾಯ ಇಜ್ಜಂದೆ ಬಚಾವ್ ಆತೆರ್.

ಬೇಲೆ ತಿಕ್ಕಿಜಿ ಪನ್ಪಿನ ಬೇಜಾರ್ ಡ್ ಎಂಬಿಎ ಕಲ್ತಿನ ಪೊಣ್ಣು ಆತ್ಮಹತ್ಯೆ

ಒಡಿಪು: ಎಂಬಿಎ ಕಲ್ತುದಿತ್ತ್ಂಡಲ ಸರಿಯಾಯಿನ ಬೇಲೆ ತಿಕ್ಕಿಜಿ ಪನ್ಪಿನ ಬಗೆಟ್ಟ್ ಪೊಣ್ಣು ಒರ್ತಿ ವಿಷ ಪರ್ದ್ ಆತ್ಮಹತ್ಯೆ ಮಲ್ತಿನ ಘಟನೆ ಒಡಿಪುದ ಕಾಪು ತಾಲೂಕ್ ಡ್ ನಡತ್ ದ್ಂಡ್.

ದ.ಕ.ಜಿಲ್ಲೆ ಉಬಾರ್ ದ ಸಹನಾ (23) ಆತ್ಮಹತ್ಯೆ ಮಲ್ತಿನ ಪೊಣ್ಣು. ಕುಡ್ಲದ ಖಾಸಗಿ ಕಾಲೇಜ್ ಒಂಜಾರೆ ವರ್ಷದ ಪಿರವು ಎಂಬಿಎ ಡ್ ಪದವಿ ಶಿಕ್ಷಣನ್ ಪಡೆದಿತ್ತೆರ್. ಆಂಡ ಅಲೆಗ್ ಸರಿಯಾಯಿನ ಬೇಲೆ ತಿಕ್ಕಿದಿಜಾಂಡ್.

ಏಪ್ರಿಲ್ 30 ಗ್ ಶಿರ್ವ ಕೈತಲ್ ದ ಕಟ್ಟಿಂಗೇರಿ ಗ್ರಾಮದ ಅಕ್ಕನ ಇಲ್ಲಗ್ ಬತ್ತಿನ ಸಹನಾ ಅಲ್ಪನೇ ಕತ್ತಲೆಗ್ ವಿಷ ಪರ್ದ್ ಆತ್ಮಹತ್ಯೆಗ್ ಪ್ರಯತ್ನ ಮಲ್ತ್ ದೆರ್ ಪಂದ್ ಪೊಲೀಸೆರ್ ಮಾಹಿತಿನ್ ಕೊರ್ತೆರ್.

ಮೇ 1 ಕ್ಕ್ ಕಾಂಡೆ ಸಹನಾ ಮಸ್ತ್ ಕಕ್ಕಿನೆಡ್ದಾವರ ಅಲೆನ್ ಒಡಿಪುದ ಮಿಷನ್ ಆಸ್ಪತ್ರೆಗ್ ಸೆರ್ಸಾದಿತ್ತೆರ್. ಅಲ್ಪರ್ದ್ ಎಚ್ಚದ ಚಿಕಿತ್ಸೆಗಾದ್ ಮೇ 7 ಕ್ಕ್ ಒಡಿಪುದ ಜಿಲ್ಲಾ ಸರ್ಕಾರಿ ಆಸ್ಪತ್ರೆಗ್ ಸೆರ್ಸಾದಿತ್ತೆರ್. ಅಂಡ ಚಿಕಿತ್ಸೆ ಸಮ ಆವಾಂದೆ ತೀರ್ ಪೊತೆರ್. ಶಿರ್ವ ಠಾಣೆಡ್ ಈ ಪ್ರಕರಣ ದಾಖಲಾತ್ಂಡ್.