Tue. Nov 17th, 2026

ಊರ್ದ ಸುದ್ದಿ Regional News

ಕನ್ಯಾಡಿ ಶ್ರೀರಾಮ ಕ್ಷೇತ್ರದ ಪೀಠಾಧೀಶೆರ್ ಶ್ರೀ ಬ್ರಹ್ಮಾನಂದ ಸ್ವಾಮಿಲೆನ ಚಾತುರ್ಮಾಸ್ಯ ವೃತ ಸುರು

ಧರ್ಮಸ್ಥಳ : ನಿತ್ಯಾನಂದ ನಗರ ಶ್ರೀ ರಾಮಕ್ಷೇತ್ರ ಮಹಾಸಂಸ್ಥಾನದ ಪೀಠಾಧೀಶೆರ್ ಸದ್ಗುರು ಶ್ರೀ ಬ್ರಹ್ಮಾನಂದ ಸರಸ್ವತಿ ಸ್ವಾಮೀಜಿ ಮೇರ್ನ ಚಾತುರ್ಮಾಸ್ಯ ವೃತ ಜು. 13 ಬುಧಾರ ಆತ್ಂಡ್. ಈ ವೃತ ಸುರು 48 ದಿನ ಮುಟ್ಟ ನಡಪರೆ ಉಂಡು ಪಂದ್ ಚಾತುರ್ಮಾಸ್ಯ ಸಮಿತಿ ಅಧ್ಯಕ್ಷೆರ್ ಶಾಸಕೆರ್ ಹರೀಶ್ ಪೂಂಜಾ ಪತ್ರಿಕಾಗೋಷ್ಠಿಡ್ ತೆರಿಪಾದೆರ್.

ಜು.13 ರ್ದ್ ಅಗೋಸ್ಟ್ 29 ಮುಟ್ಟ 48 ದಿನ ನಡಪರೆ ಇಪ್ಪುನ ಈ ವರ್ಷದ ಸ್ವಾಮಿಲೆನ 3 ನೇ ವರ್ಷದ ಚಾತುರ್ಮಾಸ್ಯ ವೃತ ಉಂದು. 5 ಜಿಲ್ಲೆದ ಗುರುಕ್ಲೆನ ಶಿಷ್ಯರೆರ್ದ್ ಶ್ರದ್ಧಾ ಭಕ್ತಿರ್ದ್ ನಡಪರೆ ಇತ್ತ್ ದ್, ಜಿಲ್ಲೆದ ಸಚಿವೆರ್, ಶಾಸಕೆರ್ ಬೊಕ್ಕ ಭಕ್ತೆರ್ನ ಸಾಕಾರರ್ದ್ ನಡಪರೆ ಉಂಡು ಪಂದ್ ತೆರಿಪಾಯೆರ್. ಶ್ರೀರಾಮ ಕ್ಷೇತ್ರ ಸೇವಾ ಸಮಿತಿ ಸಂಚಾಲಕೆರ್ ಜಯಂತ್ ಕೋಟ್ಯಾನ್ ಪ್ರಾಸ್ತವಿಕವಾದ್ ಪಾತೆರಿಯೆರ್.

ಈ ಪೊರ್ತುಡ್ ಶ್ರೀರಾಮ ಕ್ಷೇತ್ರ ಸೇವಾ ಸಮಿತಿ ತಾಲೂಕು ಅಧ್ಯಕ್ಷೆರ್ ಸದಾನಂದ ಪೂಜಾರಿ ಉಂಗಿಲಬೈಲು, ಚಾತುರ್ಮಾಸ್ಯ ಸಮಿತಿ ಕಾರ್ಯದರ್ಶಿ ಗಣೇಶ್ ಗೌಡ, ತಾಲೂಕು ಶ್ರೀ ರಾಮ ಕ್ಷೇತ್ರ ಸಮಿತಿದ ಪದಾಧಿಕಾರಿಲು, ಸದಸ್ಯೆರ್, ಬೇತೆ ಬೇತೆ ಸಂಘ ಸಂಸ್ಥೆದ ಮುಖಂಡೆರ್, ಶಿಷ್ಯ ವರ್ಗದಕುಲು ಪಾಲ್ ಪಡೆಯರೆ ಉಲ್ಲೆರ್.

ಪ್ರತಿ ದಿನಲ ತಾಲೂಕ್ ದ 81 ಗ್ರಾಮದ ಶಿಷ್ಯೆರ್ ದಿನಕ್ 2 ಗ್ರಾಮದಕುಲು ಪುದೆ ಕಾಣಿಕೆ ದೊಟ್ಟುಗ್ ಪಾಲ್ ಪಡೆಯರೆ ಉಲ್ಲೆರ್. ಪ್ರತಿ ದಿನ ಭಜನೆ, ಸನಿವಾರ, ಐತಾರ ಪೌರಾಣಿಕ ಯಕ್ಷಗಾನ ನಡಪರೆ ಉಂಡು. ಪತ್ರಿಕಾ ಗೋಷ್ಠಿಡ್ ಸಂಚಾಲಕೆರ್ ಜಯಂತ ಕೋಟ್ಯಾನ್, ಕಾರ್ಯದರ್ಶಿ ಗಣೇಶ್ ಗೌಡ, ಸೀತಾರಾಮ್ ಬಿ. ಎಸ್.ಬೆಳಾಲು ಇತ್ತೆರ್.

Sri Brahmananda Sri the Peethadisha of Sri Rama Kshetra will begin his Chatur masa from July 13th.- Harish Poonja

Dharmasthala: The Peethadisha of Nityanand Nagar Sri Rama Kshetra, Sadguru Sri Brahmananda Saraswati swamiji will start his Chaturmas Vratha on July 13th and will continue for 48 days said MLA Harish Poonja the president of Chaturmas samiti.

He was speaking at a press conference and said that the Chaturmas would continue till August 29th for 48 days. This is Swamiji ‘s third yearly Chaturmas Vratha.The Vratha had been going on smoothly with the cooperation of his devotees from five districts, district ministers and MLAs.

ಬರ್ಸ,ಬೊಲರ್ರ್ದ್ ನಷ್ಟ : ಒಡಿಪು – ಕುಡ್ಲದ ಅಧಿಕಾರಿಲೆನೊಟ್ಟುಗು ಮುಖ್ಯಮಂತ್ರಿ ಸಭೆ

ಒಡಿಪು: ಕೊಡಗು ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲೆಡ್ ಪ್ರವಾಸ ಮಲ್ತ್ ದೆ. ಭೂಕಂಪ ಬೊಕ್ಕ ಗುಡ್ಡೆ ಜರಿದಿನ ಜಾಗೆಲೆಗ್ ಭೇಟಿ ಕೊರ್ದ್ ಪರಿಶೀಲನೆ ಮಲ್ತ್ ದೆ. ಅಂಚನೆ ಈ ನಾಲ್ ಸಂಸ್ಥೆಲೆಡ್ದ್ ಅಧ್ಯಯನ ಮಲ್ಪರೆ ಸೂಚನೆ ಕೊರ್ತೆ ಪಂದ್ ಕರ್ನಾಟಕ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಪಂಡೆರ್.

ದಕ್ಷಿಣ ಕನ್ನಡ ಬೊಕ್ಕ ಒಡಿಪು ಪ್ರವಾಸಡ್ ಇಪ್ಪುನ ಸಿಎಂ ಬೊಮ್ಮಾಯಿ ಒಡಿಪುಡ್ ಪತ್ರಿಕಾಗೋಷ್ಠಿಡ್ ಪಾತೆರ್ದ್ ಕಡಲ್ಕೊರೆತನ್ ತಡೆಯೊನರ ಪೊಸ ತಂತ್ರಜ್ಞಾನನ್ ಮಲ್ಪರೆ ತೀರ್ಮಾನ ಮಲ್ತ್ ದ. ಕೊಡಗು ಸೇರಿನಂಚನೆ ದ.ಕ, ಒಡಿಪು ಈ ಮೂಜಿ ಜಿಲ್ಲೆಡ್ ಬರ್ಸರ್ದ್ ಆಯಿನ ನಷ್ಟದ ಬಗೆಟ್ ಇತ್ತೆ ಮಣಿಪಾಲ ರಜತಾದ್ರಿ ಕಟ್ವಾನಡ್ ಮೂಜಿ ಜಿಲ್ಲೆದ ಅಧಿಕಾರಿಲೆನೊಟ್ಟುಗ್ ಸಭೆ ನಡಪಾದ. ಅಲ್ಪ ಸರಿಯಾಯಿನ ಚರ್ಚೆ ಆವೊಂದ್oಡ್ ಪಂದ್ ಪಂಡೆರ್.

ಈ ಪೊರ್ತುಡು ಕಂದಾಯ ಸಚಿವೆರ್ ಆರ್ ಅಶೋಕ್, ಹಿಂದುಳಿದ ವರ್ಗದ ಕಲ್ಯಾಣ ಸಚಿವೆರ್ ಕೋಟ ಶ್ರೀನಿವಾಸ ಪೂಜಾರಿ, ಲೋಕೋಪಯೋಗಿ ಸಚಿವೆರ್ ಸಿಸಿ ಪಾಟೀಲ್, ಒಡಿಪು ಉಸ್ತುವಾರಿ ಸಚಿವೆರ್ ಎಸ್. ಅಂಗಾರ ಇತ್ತೆರ್.

CM Basavaraj Bommai holds meeting with officials from Udupi and Mangalore to discuss the details of damages due to floods

Udupi: The CM Basavaraj Bommai said he had inspected the damages that had occurred in Kodagu district due to earthquakes and in DK district due to rains and landslides.He added that he had instructed four institutions to conduct studies on the matter.

Speaking at a press conference at Udupi he said that a new technology will be experimented to stop sea erosion .He also would asses the damages due to rains in the twin districts after a meeting with the DC’s. He was accompanied by ministers R Ashok, Kota Srinivasa Poojary, CC Patil and S Angar.

ಮುಲ್ಕಿ: ವಾಟ್ಸಾಪ್ ಡ್ ಮೆಸೇಜ್ ಪಾಡ್ದದ್ ಪಾವಂಜೆ ಸುದೆಕ್ಕ್ ಲಾಗಿನ ಜವನೆ

ಮುಲ್ಕಿ : ಜವನೆ ಒರಿ ಪಾವಂಜೆ ಸಂಕರ್ದ್ ಸುದೆಕ್ಕ್ ಲಾಗಿದ್ ನಾಪತ್ತೆಯಾಯಿನ ಘಟನೆ ಇನಿ ಕಾಂಡೆ ನಡತ್ ದ್oಡ್.

ಮಂಡ್ಯಡ್ ಮೂಲದ ಜವನೆ, ಕುಡ್ಲದ ಪೋಸ್ಟ್ ಆಫೀಸ್ ಡ್ ಬೇಲೆ ಮಲ್ತೊಂದಿತ್ತಿನ ರಾಕೇಶ್ ಗೌಡ (26) ಸುದೆಕ್ಕ್ ಲಾಗಿದೆರ್ ಪಂದ್ ತೆರಿದ್ ಬೈದ್ಂಡ್.ಲಾಗಿನೆಡ್ದ್ ದುಂಬು ಮೊಬೈಲ್ ಅಂಚನೆ ಬೇತೆ ವಸ್ತುಲೆನ್ ಬೈಕ್ ದ ಮಿತ್ತ್ ದೀದಿತ್ತೆರ್. ಅತ್ತಂದೆ ತಾನ್ ಸುದೆಕ್ಕ್ ಲಾಗುನ ಬಗೆಟ್ ಸಂಬಂಧಿಕೆರೆಗ್ ವಾಟ್ಸ್ ಆ್ಯಪ್ ಮೆಸೇಜ್ ನ್ ಕಡಪಾದ್ ಇತ್ತೆರ್ ಪಂದ್ ಪೋಲಿಸೆರ್ ಪಂತೆರ್.

ಸುರತ್ಕಲ್ ಬೊಕ್ಕ ಮುಲ್ಕಿ ವ್ಯಾಪ್ತಿದ ಪೊಲೀಸೆರ್ ಜಾಗೆಗ್ ಭೇಟಿ ಕೊರ್ತೆರ್.

Mulki: Youth jumps into Pavanje river after messaging on Whatsapp

Mulki: A youth jumps into Pavanje river near here after messaging on Whatsapp and is missing since.

Rakesh Gowda (26) from Mandya currently working at a post office in Mangalore is the youth who has messeged his relatives and kept his belongings on a bike and jumped into the river said police sources. Suratkal and Mulky police visited the spot.

ರಘು ಇಡ್ಕಿದು ಬರೆತಿನ ಕಡಲ ನೀರ್ ಗ್ ಅಮಲ್’, ಎನ್ನ ಗೋಪಾಲೆ ಬೂಕುಲೆನ ಬುಡುಗಡೆ

ಕುಡ್ಲ : ತುಳು ಬರವುಗಾರೆ ರಘು ಇಡ್ಕಿದು ಮೇರ್ ಬರೆತಿನ ‘ಕಡಲ ನೀರ್ ಗ್ ಅಮಲ್ತು’ ತುಳು ಕಬಿತೆ ಬೊಕ್ಕ ‘ಎನ್ನ ಗೋಪಾಲೆ’ ತುಳು ನಾಟಕ ಬೂಕು ಬುಡುಗಡೆ , ಕವಿ ಗೋಷ್ಠಿದ ಲೇಸ್ ಕುಡ್ಲ ತಾಲೂಕು ಚುಟುಕು ಸಾಹಿತ್ಯ ಪರಿಷತ್, ದಕ ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ ಬೊಕ್ಕ ವಿದ್ಯಾ ಪ್ರಕಾಶನ ಕುಡ್ಲ ಮೊಕ್ಲೆನ ಒಟ್ಟುಸೇರಿಗೇಡ್ ಕರಿನ ಐತಾರ ಕುಡ್ಲದ ಕೆನರಾ ಕಾಲೇಜಿಡ್ ನಡತ್ಂಡ್.

ಕಡಲ ನೀರ್ ಗ್ ಅಮಲ್ ಬೂಕುನು ಬೆದ್ರದ ಆಳ್ವಾಸ್ ಕಾಲೇಜಿದ ಪ್ರಾಧ್ಯಾಪಕಿ ಡಾ. ಸುಧಾರಾಣಿ ಬುಡುಗಡೆ ಮಲ್ತ್ ದ್, ಒವ್ವೇ ಭಾಷೆ ಬುಲೆಯರೆ ಅನುವಾದ ಅಗತ್ಯ. ಅನುವಾದದ ಮುಕೇನ ಇಂಗ್ಲಿಷ್ ದಂಚೆನೆ ತುಳು ಬಾಷೆಲ ಲೋಕೊರ್ಮೆ ಮುಟ್ಟುಂಡು ಪಂಡೆರ್.

ಎನ್ನ ಗೋಪಾಲೆ ನಾಟಕದ ಬೂಕುನು ಬೆದ್ರದ ಆಳ್ವಾಸ್ ಕಾಲೇಜಿದ ಪ್ರಾಧ್ಯಾಪಕೆರ್ ಡಾ.ಯೋಗೀಶ್ ಕೈರೋಡಿ ಬುಡುಗಡೆ ಮಲ್ತ್ ಪಾತೆರಿಯೆರ್. ಕವಯಿತ್ರಿ , ಲೇಖಕಿ ನಿವೃತ್ತ ಪ್ರಾಧ್ಯಾಪಕಿ ಡಾ. ಮೀನಾಕ್ಷಿ ರಾಮಚಂದ್ರ ಗುರ್ಕಾರ್ಮೆ ಒಯಿಸ್ ದಿತ್ತೆರ್. ರಘು ಇಡ್ಕಿದು ತನ್ನ ಅಭಿಪ್ರಾಯ ಪಂಡೆರ್.

ಬಿನ್ನೆರಾದ್ ಗೋವಿಂದ ದಾಸ್ ಕಾಲೇಜಿದ ಪ್ರಿನ್ಸಿಪಾಲ್ ಡಾ.ಪಿ.ಕೃಷ್ಣಮೂರ್ತಿ, ಕವಯತ್ರಿ ರೂಪಕಲಾ ಆಳ್ವ, ಚುಟುಕು ಸಾಹಿತ್ಯ ಪರಿಷತ್ ಕುಡ್ಲ ಅಧ್ಯಕ್ಷೆರ್ ಕಾ.ವೀ.ಕೃಷ್ಣ ದಾಸ್, ಚುಸಾಪ ದ.ಕ.ಜಿಲ್ಲಾ ಪರಿಷತ್ ಅಧ್ಯಕ್ಷೆರ್ ಹರೀಶ್ ಸುಲಾಯ ಒಡ್ಡಂಬೆಟ್ಟು, ಜಾನಪದ ಬರಹಗಾರೆರ್ ಮುದ್ದು ಮೂಡುಬೆಳ್ಳೆ, ಲತಾ ಮಹೇಶ್ವರಿ , ವಿದ್ಯಾ ರಘು ಇಡ್ಕಿದು ಮೊಕುಲು ಮಾತ ಇತ್ತೆರ್. ಬೊಕ್ಕ ಕವಿ ಗೋಷ್ಠಿ ನಡತ್ಂಡ್.

“Kadala Neerigu Amal” and ” Yenna Gopalay” books authored by Ravi Idkadu released

Mangalore: Two books written by Tulu author Ravi Idkadu ” Kadala Neerigu Amal” poetry series and ” Yenna Gopalay” a Tulu drama was released on Sunday at Canara College.

Releasing the book “Kadala Neerigu Amal” Dr Sudha Rani , lecturer at Alvas college Moodbidri said that for any language to grow translation to different languages is necessary. Through translation it can reach a wider audience and grow. The book ” Yenna Gopalay” was released by Dr Yogish from Alva’s college Moodbidri.

Author and poetess Dr Meenakshi Ramachandra presided over the function.The guests of honour were Dr P Krishnamurthy, principal Govindas college, Poetess Roopakala Alva and many other dignitaries graced the occasion. Kavi Gosthi followed the program.

ಕುಕ್ಕೆ ಸುಬ್ರಹ್ಮಣ್ಯ ಎಬಿವಿಪಿ ಘಟಕರ್ದ್ ವಿದ್ಯಾರ್ಥಿ ದಿನ ಆಚರಣೆ

ಕುಕ್ಕೆಸುಬ್ರಹ್ಮಣ್ಯ : ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ (ಎಬಿವಿಪಿ) ಕುಕ್ಕೆ ಸುಬ್ರಮಣ್ಯ

ಘಟಕದ ಮುತಾಲಿಕೆಡ್ “75 ನೇ ರಾಷ್ಟ್ರೀಯ ಯುವ ದಿವಸದ ಅಂಗವಾದ್ ವಿದ್ಯಾರ್ಥಿ ದಿನ ಆಚರಣೆ ವಲ್ಲೀಶ ಸಭಾ ಭವನದ ಚಾವಡಿಡ್ ನಡತ್ಂಡ್.

ಪುತ್ತೂರು ಜಿಲ್ಲಾ ಸಂಚಾಲಕ್ ಜಯಂತ ಬೊಕ್ಕ ಸುಬ್ರಮಣ್ಯ ನಗರ ಕಾರ್ಯದರ್ಶಿ ಸೃಜನ್ ರೈ ಮೊಕುಲು ಮಾತ ಇತ್ತೆರ್.
(ವರದಿ : ಗೋಪಿಚಂದನ ಕೆ.ಎಸ್.)

Kukke Subramanya ABVP unit celebrate students day:

Kukke Subramanya: Akila Bhartiya Vidyarthi Parishad (ABVP) Kukke Subramanya unit organised Students day to commorate 75th National youth day at Vallisha sabha Bavana Puttur district correspondent Jayant and Subramanya town Secretary Srujan Rai participated.

ಡಾ. ಹೆಗ್ಗಡೆರೆಗ್ ಪಟ್ಲ ಫೌಂಡೇಶನ್ ಗೌರವ

ಕುಡ್ಲ: ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ. ವೀರೇಂದ್ರ ಹೆಗ್ಗಡೆರೆನ್ ಪ್ರಧಾನಮಂತ್ತಿ ನರೇಂದ್ರ ಮೋದಿ ರಾಜ್ಯ ಸಭೆಕ್ಕ್ ನಾಮ ನಿರ್ದೇಶನ ಮಲ್ದಿನ ನಿಲೆಟ್ಟ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ದ ಸ್ಥಾಪಕಾಧ್ಯಕ್ಷೆರ್ ಪಟ್ಲ ಸತೀಶ್ ಶೆಟ್ಟಿ ಬೊಕ್ಕ ಕೇಂದ್ರೀಯ ಘಟಕದ ಪದಾಧಿಕಾರಿಲು ಧರ್ಮಸ್ಥಳದ ಹೆಗ್ಗಡೆರೆನ ಬೂಡುದ ಇಲ್ಲಡ್ ಭೇಟಿ ಮಲ್ತ್ ದ್ ಗೌರವ ಸಂದಾಯೆರ್.

ಡಾ. ಹೆಗ್ಗಡೆರ್ ಪಟ್ಲ ಫೌಂಡೇಶನ್ ದ ಸೇವಾ ಕಾರ್ಯದ ಬಗೆಟ್ಟ್ ಮೆಚ್ಚಿಗೆ ತೋಜಾಯೆರ್. ಅಂಚೆನೆ ಅಭಿನಂದನೆಗ್ ಕುಷಿ ಪಡೆಯೆರ್. ಧರ್ಮ ಸಮನ್ವಯತೆಗ್ ಹೆಗ್ಗಡೆರ್ನ ಕೊಡುಗೆ ಭಾರಿ ಮಹತ್ತರವಾಯಿನ.ಆರ್ ರಾಜ್ಯಸಭಾ ಸದಸ್ಯೆರಾಯಿನವು ಸಮಾಜಗ್ ಒಂಜಿ ಪೆರ್ಮೆದ ಸಂಗತಿ ಪಂದ್ ಪಟ್ಲ ಸತೀಶ್ ಶೆಟ್ಟಿ ಪಂಡೆರ್.

ಈ ಪೊರ್ತುಡು ಕೇಂದ್ರೀಯ ಘಟಕದ ಪ್ರಧಾನ ಕಾರ್ಯದರ್ಶಿ ಪುರುಷೋತ್ತಮ ಭಂಡಾರಿ ಅಡ್ಯಾರ್, ಜೊತೆ ಕಾರ್ಯದರ್ಶಿ ರವಿಚಂದ್ರ ಶೆಟ್ಟಿ ಅಶೋಕ ನಗರ, ಸಂಘಟನಾ ಕಾರ್ಯದರ್ಶಿ ಬಾಳ ಜಗನ್ನಾಥ ಶೆಟ್ಟಿ, ಕುಡ್ಲ ಘಟಕದ ಅಧ್ಯಕ್ಷೆರ್ ಪ್ರದೀಪ್ ಆಳ್ವ ಕದ್ರಿ, ಡಾ. ಪ್ರಖ್ಯಾತ್ ಶೆಟ್ಟಿ, ಅಶ್ವಿತ್ ಶೆಟ್ಟಿ ಮೊಕುಲು ಮಾತ ಇತ್ತೆರ್.

ಪಟ್ಲ ಫೌಂಡೇಶನ್ ಟ್ರಸ್ಟ್ ಕಲಾವಿದೆರೆಗ್ ಸಾದಿದ ಬೊಲ್ಪಾವಡ್: ಕನ್ಯಾನ ಸದಾಶಿವ ಶೆಟ್ಟಿ

ಕುಡ್ಲ: ಯಕ್ಷಗಾನ ಕಲಾವಿದೆರ್ನ ಕಷ್ಟ ತೆರಿಯೊಂದ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ಬೇಲೆ ಮಲ್ತೊಂದ್oಡು. ಯಕ್ಷಗಾನ‌ ಬುಲೆವೊಡು ಕಲಾವಿದೆರ್ ಒರಿಯೊಡು. ಈ ಬಗೆಟ್ಟ್ ಪಟ್ಲ ಫೌಂಡೇಶನ್ ಟ್ರಸ್ಟ್ ಕಲಾವಿದೆರೆಗ್ ಸಾದಿದ ಬೊಲ್ಪಾವಡ್. ಕತ್ತಲೆಗ್ ನಿದ್ರೆ ಕಜೆರ್ ದ್ ರಂಗಸ್ಥಳಡ್ ನಲಿಪುನ ಕಲಾವಿದೆರ್ನ ಯೋಗಕ್ಷೇಮ ತೂಪಿನ ಫೌಂಡೇಶನ್ ದ ಕಾರ್ಯ ಶ್ಲಾಘನೀಯ. ಕಲೆಕ್ಕ್ ಬಿಲೆ ಕೊರ್ದ್ ಕಲಾವಿದೆರೆನ್ ಎಡ್ಡೆ ಮಲ್ಪುನ ಬೇಲೆ ಪಟ್ಲ ಫೌಂಡೇಶನ್ ಟ್ರಸ್ಟ್ ರ್ದ್ ನಡಪಡ್ ಪಂದ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಗೌರವಾಧ್ಯಕ್ಷೆರ್ , ಬೊಂಬಾಯಿ ಹೇರಂಬ ಇಂಡಸ್ಟ್ರೀಸ್ ದ ಅಧ್ಯಕ್ಷೆರ್ ಸದಾಶಿವ ಶೆಟ್ಟಿ ಕನ್ಯಾನ ತೆರಿಪಾಯೆರ್.

ಆರ್ ಕಂಕನಾಡಿ ಗರೋಡಿ ಕೈತಲ್ ದ ಅಟ್ಟಣೆ ಹೊಟೇಲ್ ಚಾವಡಿಡ್ ನಡತಿನ ಯಕ್ಷಾಶ್ರಯ ಯೋಜನೆಡ್ ನಾಲ್ ಜನ ಕಲಾವಿದೆರೆಗ್ ಇಲ್ಲ್ ಕಟ್ಟರೆ ತಲಾ 2 ಲಕ್ಷ ರೂ. ಪಣವುನ್ ಪಟ್ ದ್ ಪಾತೆರಿಯೆರ್.

ಪಟ್ಲ ಫೌಂಡೇಶನ್ ಸಂಸ್ಥೆನ್ ನನಾತ್ ಗಟ್ಟಿಯಾದ್ ಆರ್ಥಿಕವಾದ್ ಸಕಾಯ ಮಲ್ಪುನ ಬೇಲೆ ಆವರೆ ಉಂಡು. ಉಂದೆಕ್ಕ್ ಮಾತೆರೆನ್ಲಾ ಸಕಾಯ ಅಗತ್ಯ ಉಂಡು. ಅವ್ವೇ ದಿನ ಕತ್ತಲೆಗ್ ನಿದ್ರೆ ಕಜೆರ್ ದ್ ಬೆನ್ಪುನ ಕಲಾವಿದೆರ್ನ ಬಗೆಟ್ ಯಕ್ಷಗಾನ ಮೇಳದ ಕಲಾವಿದೆರ್ಲ ಗೇನ ದಿವೊಡ್. ಕಲಾವಿದೆರೆಗ್ ಕೊರ್ಪಿನ ಸಂಬಳ ಅಂಚನೆ ಬೇತೆ ರೀತಿದ ಸೌಲಭ್ಯದ ಬಗೆಟ್ ಲ ಯಜಮಾನೆರ್ ಗೇನ ದಿವಡ್. ಯಕ್ಷಗಾನ ಪನ್ಪಿನವು ಮಾಮಲ್ಲ ಕಲೆ. ಉಂದೆನ್ ಒರಿಪಾವುನ ಬೇಲೆ ಆವೊಡ್. ಅಶಕ್ತೆರೆಗ್ ಪಣವುದ ಸಕಾಯ, ಯೋಜನೆ ಉಂದು ಏಪಲ ಪಟ್ಲ ಫೌಂಡೇಶನ್ ಟ್ರಸ್ಟ್ ರ್ದ್ ನಡಪರೆ ಉಂಡು ಪಂದ್ ಎಡ್ಡೆಪ್ಪುನು ಬಯಕ್ಯೆರ್.

ಮನುಷ್ಯತ್ವ ದೀದ್ ಪ್ರಾಮಾಣಿಕತೆಡ್ ಬೇಲೆ ಮಲ್ಪುಗ : ಐಕಳ

ಮತ್ತರ್ಮೆಡ್ ಇತ್ತಿನ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಪ್ರಧಾನ ಸಂಚಾಲಕೆರ್, ಜಾಗತಿಕ ಬಂಟರ ಸಂಘ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಪಾತೆರ್ದ್ ಸಮಾಜ ಸೇವೆ ಪನ್ನಗ ಜಾತಿ ಬರಿಕ್ ದೀದ್ ಮನುಷ್ಯತ್ವ, ಪ್ರಾಮಾಣಿಕತೆಡ್ ಬೇಲೆ ಮಲ್ಪುಗ. ಸರಕಾರಗ್ ಲ ಮಲ್ಪರೆ ಆವoದಿನ ಬೇಲೆನ್ ಕಲಾವಿದೆರೆಗಾದ್ ಪಟ್ಲ ಫೌಂಡೇಶನ್ ಟ್ರಸ್ಟ್ ಬೇಲೆ ಮಲ್ತೊಂದುಂಡು. ಫೌಂಡೇಶನ್ ಗ್ ಗೌರವಾಧ್ಯಕ್ಷೆರಾದ್ ಸದಾಶಿವ ಶೆಟ್ಟಿ ಕನ್ಯಾನ ದೇವೆರ್ ಲೆಕ ಒದಗ್ ದ್ ಬೈದೆರ್. ಉಂದು ಫೌಂಡೇಶನ್ ಬೊಕ್ಕ ಕಲಾವಿದೆರ್ನ ಪುಣ್ಯ. ಪಟ್ಲ ಫೌಂಡೇಶನ್ ಟ್ರಸ್ಟ್ ಬೊಕ್ಕ ಜಾಗತಿಕ ಬಂಟರ ಸಂಘ ಒಕ್ಕೂಟದ ಧ್ಯೇಯೋದ್ದೇಶ ಒಂಜೇ ಆದ್oಡು. ಬಡವೆರ್ನ ನೆರವುಗಾದ್ ಕೇನುನವು ಬೊಕ್ಕ ಕೊರ್ಪಿನವು ಒಂಜೆ. ಇಂಚಾದ್ ಕಲಾವಿದೆರ್ನ ಪಾಲ್ ಗ್ ಪಟ್ಲ ಫೌಂಡೇಶನ್ ಟ್ರಸ್ಟ್ ಬೊಲ್ಪಾತ್oಡ್ ಪಂದ್ ಪಂಡೆರ್.

ಪ್ರಾಸ್ತಾವಿಕವಾದ್ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಸ್ಥಾಪಕಾಧ್ಯಕ್ಷೆರ್ ಪಟ್ಲ ಸತೀಶ್ ಶೆಟ್ಟಿ ಪಾತೆರ್ದ್ ಫೌಂಡೇಶನ್ ಟ್ರಸ್ಟ್ ಕರಿನ ಆಜಿ ವರ್ಷದ ಪೊರ್ತ್ ರ್ದ್ ಈಡೆ ಮುಟ್ಟ ಬೇತೆ ಬೇತೆ ಯೋಜನೆದಡಿಟ್ಟ್ 8.5 ಕೋಟಿ ರೂಪಾಯಿಗ್ ಲ ಮೀರ್ದ್ ಸಕಾಯ ಪಣವುನ್ ಕಲಾವಿದೆರೆಗ್ ಮಲ್ತ್ ದ್oಡ್. ಸದಾಶಿವ ಶೆಟ್ಟಿ ಕನ್ಯಾನ ಬೊಕ್ಕ ಐಕಳ ಹರೀಶ್ ಶೆಟ್ಟಿ ಮೇರ್ನ ಮಾರ್ಗದರ್ಶನಡ್ ಪಟ್ಲ ಫೌಂಡೇಶನ್ ಟ್ರಸ್ಟ್ ದುಂಬುದ ದಿನಟ್ಟ್ ಎಡ್ಡೆ ರೀತಿದ ಯೋಜನೆನ್ ಮಲ್ಪರೆ ಉಂಡು ಪಂದ್ ಪಂಡೆರ್.

ಇಲ್ಲ್ ಕಟ್ಟರೆ ಸಕಾಯ

ಕಮಲಶಿಲೆ ಯಕ್ಷಗಾನ ಮೇಳದ ಲಕ್ಷಣ ಭಂಡಾರಿ, ಮಾರಣಕಟ್ಟೆ ಮೇಳದ ತಿಮ್ಮಪ್ಪ ದೇವಾಡಿಗ, ಮಂದಾರ್ತಿ ಮೇಳದ ನರಸಿಂಹ ನಾಯಕ್ ಬೊಕ್ಕ ಪೊಳಲಿದ ಚಂದ್ರಹಾಸ ಪೂಜಾರಿ ಮೊಕ್ಲೆಗ್ ಇಲ್ಲ್ ಕಟ್ಟರೆ ಸುಮಾರ್ ರಡ್ಡ್ ಲಕ್ಷ ಕಾಸ್ ಕೊರಿಯೆರ್. ವೇದಿಕೆಡ್ ಟ್ರಸ್ಟ್ ದ ಕೋಶಾಧಿಕಾರಿ ಸಿಎ ಸುದೇಶ್ ಕುಮಾರ್ ರೈ ಇತ್ತೆರ್.

ಪ್ರಧಾನ ಕಾರ್ಯದರ್ಶಿ ಪುರುಷೋತ್ತಮ ಭಂಡಾರಿ ಅಡ್ಯಾರ್ ಬಿನ್ನೆರೆನ್ ಎದ್ಕೊಂದು ಲೇಸ್ ದ ನಿರೂಪಣೆ ಮಲ್ತೆರ್. ಉಪಾಧ್ಯಕ್ಷೆರ್ ಡಾ.ಮನು ರಾವ್ ಸೊಲ್ಮೆ ಸಂದೈತ ಮಲ್ತೆರ್. ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಪದಾಧಿಕಾರಿಲು, ಟ್ರಸ್ಟಿಲು ವಲಯ ಘಟಕದ ಅಧ್ಯಕ್ಷೆರ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

Patla foundation trust a beacon of hope to Yakshagana artists: Kanyana Sadashiv Shetty

A programme to distribute funds for building houses

Mangalore: The Yakshadruma Patla foundation trust has been founded especially to help Yakshagana artists.It is not only working on the improvement of Yakshagana art form and helping artists who work all night to continue the art.The Patla foundation is doing exemplary work in this regard said Sadashiv Shetty honorary president of Yakshadruva foundation and president of Hayramba industries, Mumbai.

He was speaking at a program in Mangalore were under the YaksaAshraya scheme rupees two lakhs each was distributed to four artist beneficiaries to build houses.

He also spoke about providing other facilities to artists of yakshagana mela and working for their well being.Improvement of their living conditions and enhancement of their salaries will go along way in saving the great art form of Yakshagana.

The chief secretary of the Patla foundation and the president of the global unit of Bantara sangha Ikala Harish Shetty said that leaving aside religious interests and working on humanitarian grounds is real social service.The Patla foundation by working for artists and art form is doing yeomens service to the society.

The founder president of the foundation trust Patla Sathish Shetty said that since it’s inception six years ago more than 8.5 crores has been distributed under various schemes.

Under the housing scheme Lakshman Bandari from Kamalashile Mela, Thimappa Devadiga from Maranakatte mela, Narasimha Nayak from Mandarthi mela and Chandrahasa Poojary from Polali mela were given aid to build houses.

ಬೈತಡ್ಕಡ್ ಸುದೆಕ್ಕ್ ಕಾರ್ ಬೂರ್ದಿನ ಘಟನೆ: ತೀರ್ ಪೋಯಿನ ಜವನೆರ ಗುರುತು ಪತ್ತೆ

ಕಾಣಿಯೂರು: ಬೈತಡ್ಕಡ್ ಸುದೆಕ್ಕ್ ಕಾರ್ ಬೂರ್ದಿನ ಘಟನೆಗ್ ಸಂಬಂಧಪಟ್ ದ್ ಬೈತಡ್ಕರ್ದ್ 200 ಮೀಟರ್ ದೂರದ ಮರಕಡ ಸುದೆಟ್ಟ್ ಇರ್ವೆರ್ನ ಪುನ ಪತ್ತೆಯಾತ್oಡ್.

ತೀರ್ ಪೋತಿನಕ್ಲೆನ್ ವಿಟ್ಲ ಕುಂಡಡ್ಕ ಸಂತ್ಯಡ್ಕದ ಧನುಷ್ ಅಂಚನೆ ಕನ್ಯಾನದ ಧನಂಜಯ ಧನಂಜಯ ಪಂದ್ ಕುಟುಂಬಸ್ಥೆರ್ ಗುರ್ತಿಸಾದೆರ್. ಸುದೆಟ್ಟ್ ನೀರ್ ಕಮ್ಮಿಯಾಯಿನ ಬಗೆಟ್ಟ್ ಪುನ ಬೊಲ್ಪುಗ್ ತೋಜಿದ್ ಬೈದ್oಡ್.

ಒರಿಯನ ಪುನ ಸುದೆತ್ತ ಬರಿಟ್ಟ್ ಇಪ್ಪುನ ಮರದ ತುಂಡುಡ್ ಪತ್ತೆಯಾತ್oಡ್. ನನೊಂಜಿ ಪುನಲ ಪತ್ತೆಯಾತ್oಡ್. ಸುರುತ್ತ ಪುನ ಪತ್ತೆಯಾಯಿನ 50 ಮೀಟರ್ ದೂರಡ್ ನನೊಂಜಿ ಪುನ ಪತ್ತೆಯಾತ್oಡ್.

Bytadka: car falls into a river ; bodies of the dead identified

Kaniyoor: Two bodies were found in connection with incident of a car falling into the river at Bytadka.

The persons have been identified as Danush from Vittal abd Dananjy from Kanyana. The bodies were found after the river water receeded on the bank of the river.

ಇಲ್ಲದ ಗೋಡೆ ಜರಿದ್ ಅಪ್ಪೆ ಮಗಲ್ ತೀರ್ ಪೋಯೆರ್

ಉತ್ತರಕನ್ನಡ: ‌ಉತ್ತರ ಕನ್ನಡ ಜಿಲ್ಲೆದ ಹಳಿಯಾಳ ತಾಲೂಕ್ ದ ಮುರ್ಕವಾಡ ಗ್ರಾಮಡ್ ಇಲ್ಲ್ ದ ಗೋಡೆ ಜರಿದ್ ಅಪ್ಪೆ ಬೊಕ್ಕ ಮಗಲ್ ತೀರ್ ಪೋಯಿನ ಘಟನೆ ಅಂಗಾರೆ ಕಾಂಡೆ ನಡತ್ ದ್oಡ್.

ರುಕ್ಮಿಣಿ ವಿಠ್ಠಲ್ ಮಾಚಕ(37) ಬೊಕ್ಕ ಮಗಲ್ ಶ್ರೀದೇವಿ ವಿಠ್ಠಲ್ ಮಾಚಕ(13) ತೀರ್ ಪೋತಿನಕುಲು. ಜಿಲ್ಲೆಡ್ ಭಾರೀ ಬರ್ಸ ಬರೊಂದಿತ್ತಿನೆಡ್ದಾವರ ಮುಕುಲು ಇತ್ತಿನ ಮಣ್ಣ್ ದ ಇಲ್ಲದ ಗೋಡೆ ಜರಿದ್, ಜೆತ್ತಿನಲ್ಪನೆ ಅಪ್ಪೆ ಮಗಲ್ ತೀರ್ ಪೋತೆರ್.

ವಿಷಯ ತೆರಿದ್ ಜಾಗೆಗ್ ತಹಸೀಲ್ದಾರ್​ ಪ್ರಕಾಶ ಗಾಯಕವಾಡ, ತಾ.ಪಂ ಇಒ ಪರಶುರಾಮ್ ಗಸ್ತಿ ಅಂಚನೆ ಅಧಿಕಾರಿಲೆನ ಕೂಟ ಭೇಟಿ ಕೊರ್ದ್ ಪರಿಶೀಲನೆ ಮಲ್ತೊಂದುಲ್ಲೆರ್.

ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆರೆಗ್ ಸಂಸದೆರ್ ಬೊಕ್ಕ ಜಿಲ್ಲೆದ ಶಾಸಕೆರೆರ್ದ್ ಮಾನಾದಿಗೆ

ಉಜಿರೆ: ರಾಜ್ಯಸಭಾ ಸದಸ್ಯೆರಾದ್ ನಾಮ ನಿರ್ದೇಶನ ಆಯಿನ ಧರ್ಮಸ್ಥಳದ ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆರೆಗ್ ಸೋಮವಾರ ಬಿಜೆಪಿ ರಾಜ್ಯಾಧ್ಯಕ್ಷೆರ್ ನಳಿನ್ ಕುಮಾರ್‌ ಕಟೀಲ್ ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲೆದ ಶಾಸಕೆರಾಯಿನ ಹರೀಶ್ ಪೂಂಜ, ಉಮಾನಾಥ ಕೋಟ್ಯಾನ್, ಸಂಜೀವ ಮಠಂದೂರು, ಡಾ. ಭರತ್ ಶೆಟ್ಟಿ, ವೇದವ್ಯಾಸ ಕಾಮತ್, ವಿಧಾನ ಪರಿಷತ್ ಸದಸ್ಯ ಕೆ. ಪ್ರತಾಪಸಿಂಹ ನಾಯಕ್ ಧರ್ಮಸ್ಥಳಗ್ ಬತ್ತ್ ದ್, ಹೆಗ್ಗಡೆರ್ನ ಬೂಡುಡ್ ಮಾನಾದಿಗೆ ಮಲ್ತೆರ್.

ಬಿ.ಜೆ.ಪಿ. ಜಿಲ್ಲಾಧ್ಯಕ್ಷೆರ್ ಸುದರ್ಶನ ಬೆದ್ರ, ಕಿಯೊನಿಕ್ಸ್‌ ಅಧ್ಯಕ್ಷೆರ್ ಹರಿಕೃಷ್ಣ ಬಂಟ್ವಾಳ, ಬಿಜೆಪಿ ಬೊಲ್ತೆರ್ ಮಂಡಲದ ಅಧ್ಯಕ್ಷೆರ್ ಜಯಂತ ಕೋಟ್ಯಾನ್ ಬೊಕ್ಕ ಪ್ರಧಾನ ಕಾರ್ಯದರ್ಶಿ ಶ್ರೀನಿವಾಸ ರಾವ್ ಧರ್ಮಸ್ಥಳ, ಬೆದ್ರ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಅಧ್ಯಕ್ಷ ಡಾ. ಎಂ. ಮೋಹನ ಆಳ್ವ, ಬೆದ್ರದ ದಿನೇಶ್‌ ಆನಡ್ಕ, ನೋಟರಿ ಬಾಹುಬಲಿ ಪ್ರಸಾದ್ ಈ ಪೊರ್ತುಡು ಪಾಲ್ ಪಡೆದಿತ್ತೆರ್.

ಬೆದ್ರ ಜೈನ ಮಠತ್ತ ಚಾರುಕೀರ್ತಿ ಭಟ್ಟಾರಕ ಸ್ವಾಮೀಜಿ ಬೊಕ್ಕ ಕಾರ್ಲ ಜೈನಮಠದ ಲಲಿತಕೀರ್ತಿ ಭಟ್ಟಾರಕ ಸ್ವಾಮೀಜಿ ಹೆಗ್ಗಡೆರೆಗ್ ವಿಶೇಷ ಪ್ರಸಾದ ಕೊರ್ದ್ ಆಶೀರ್ವಾದ ಮಲ್ತೆರ್.

Dharmadhikari Veerendra Heggade felicitated by the district members of the parliament and members of the legislative assembly

Ujjire: The Dharmadhikari of Dharmasthala Sri Veerendra Heggade was felicitated for being nominated to the parliament by the BJP state president Nalin Kumar Kateel and the district MLA’s Harish Poonja, Umanath Kotian , Sanjeev Matandoor , Dr Bharat Shetty , Vedavyasa Kamath and Vidhana Parishad member K Pratap Simha Nayak.

The Swamijis of Jain Mutt Moodbidri and Jain Mutt Karkala also honoured Heggade with special prayers and blessings.

Leading members of the society including Mohan Alva from Alvas foundation, Harikrishna Bantwal of Keonics, Sudershan Bedra BJP district president and many others honoured Heggade.

You Missed