Tue. Nov 17th, 2026

ಊರ್ದ ಸುದ್ದಿ Regional News

ಬೊಲ್ಲೊಡು ಆಯಿನ ಬುಲೆ ನಷ್ಟ ತೂವರೆ ಇನಿ ಸಿಎಂ ಬಸವರಾಜ್ ಬೊಮ್ಮಾಯಿ ತುಳುನಾಡ್ ಗ್ ಭೇಟಿ

ಕುಡ್ಲ: ಭಾರಿ ಬರ್ಸ ಬೊಕ್ಕ ಬೊಲ್ರ್ದಾತ್ರ ಆಯಿನ ಬುಲೆ ನಷ್ಟ ಅಂಚೆನೆ ಕಡಲ್ ಪರ್ಲ್ ದಿನೆನ್ ತೂವರೆ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಖುದ್ದು ಕುಡ್ಲ ಬೊಕ್ಕ ಒಡಿಪು ಜಿಲ್ಲೆಗ್ ಬರ್ರೆ ಉಲ್ಲೆರ್.

ತುಳುನಾಡ್ ಡ್ ಕರಿನ ಕೆಲ ದಿನರ್ದ್ ಭಾರೀ ಬರ್ಸ ಬರೊಂದಿತ್ತ್ ದ್ ಮಸ್ತ್ ಕಡೆಟ್ಟ್ ಗುಡ್ಡೆ ಜರಿದ್ ತೊಂದರೆ ಆತ್oಡ್. ಅಂಚಿನ ಜಾಗೆಲೆಗ್ ಇನಿ ಮುಖ್ಯಮಂತ್ರಿಲು ಭೇಟಿ ಕೊರಿಯರೆ ಉಲ್ಲೆರ್.

ಮಧ್ಯಾಹ್ನ 3 – 3.15 ಮುಟ್ಟ ಮಾನ್ಯ ಮುಖ್ಯಮಂತ್ರಿಲೆಗ್ ಸುಳ್ಯ ತಾಲೂಕ್ ದ ಸಂಪಾಜೆಡ್ ಜಿಲ್ಲಾಡಳಿತರ್ದ್ ಎದ್ಕೊನುನ ಲೇಸ್ ಅಂಚನೆ ಗುಡ್ಡೆ ಜರಿದಿನ ವಿಷಯದ ಬಗೆಟ್ಟ್ ಜಿಲ್ಲಾಡಳಿತರ್ದ್ ವರದಿ ಕೊರ್ಪಿನವು.

ಮಧ್ಯಾಹ್ನ 3.15 – 5 ಗಂಟೆ ಮುಟ್ಟ ಉಬಾರ್ ದ ಸಂಗಮ ಜಾಗೆನ್ ತೂದು ಬೊಕ್ಕ ಬುಲೆ ಹಾನಿ ಪರಿಶೀಲನೆ ಮಲ್ಪುವೆರ್.

ಬಯ್ಯ 5 – 5.15 ಮುಟ್ಟ ಬಂಟ್ವಾಳ ತಾಲೂಕ್ ದ ಪಂಜಿಕಲ್ಲು ಗ್ರಾಮಡ್ ಗುಡ್ಡೆ ಜರಿದ್ ಪೋದಿತ್ತ್ ದ್, ಆಯಿಟ್ಟ್ ತೀರ್ ಪೋಯಿನ ಕುಟುಂಬದಕ್ಲೆಗ್ ಪರಿಹಾರದ ಚೆಕ್ ಕೊರ್ರೆ ಉಲ್ಲೆರ್.

ಬೊಕ್ಕ ಬಯ್ಯ 5.30 – 6 ಗಂಟೆ ಮುಟ್ಟ ಉಳ್ಳಾಲ ತಾಲೂಕ್ ದ ಸೋಮೇಶ್ವರ, ಬೆಟ್ಟಂಪಾಡಿ ಕಡಲ್ ಕೊರೆತದ ಜಾಗೆ ತೂವರೆ ಉಲ್ಲೆರ್.

ಬಯ್ಯ 6.15 – 7 ಗಂಟೆ ಮುಟ್ಟ ಮುಲ್ಕಿ ತಾಲೂಕು ಪಂಜ ಕೊಯಿಕುಡೆ ಗ್ರಾಮ ಬೊಕ್ಕ ಉಲ್ಯಡ್ ಬುಲೆ ಹಾನಿ ಬೊಕ್ಕ ನಂದಿನಿ ಸುದೆತ್ತ ಬೊಲ್ಲದ ಜಾಗೆನ್ ತೂಪೆರ್.

ಬೊಕ್ಕ 7.05 ಕ್ಕ್ ಒಡಿಪು ಜಿಲ್ಲೆಗ್ ಪೋಯರೆ ಉಲ್ಲೆರ್ ಪಂದ್ ಜಿಲ್ಲಾಡಳಿತ ತೆರಿಪಾದ್ಂಡ್.

CM Bommai to visit Mangalore today:

The CM Basavaraj Bommai will visit Mangalore today. Heavy rains in Tulunadu from the past few days has wrecked havoc and brought misery to many. The CM is in town to inspect the damages and to talk to those whose lives have been affected by the rains.

* From 3-3.15 p.m will start his tour of the district from Samaje in Sullia taluk and get report of the land slides from the DC.

* From 3.15 to 5 p.m while travelling he will inspect the crop damage and the Sangama point of the river at Ubaar.

* From 5-515 he will inspect the landslide area in Panjikallu in Bantwal taluk and distribute checks to those whose family members lost lives in the landslide.

* From 5.15 -6p.m he will visit Ullal taluk ; and inspect sea erosion at Someshwar and Battampadi.

* From 6.15 to 7p.m he will visit Mulki taluk and inspect crop damage at Pakshikere, Koyukode and the flooded areas of river Nandini.

At 7 p.m he will leave for Udupi district.

ಬೈತಡ್ಕಡ್ ಸುದೆಕ್ಕ್ ಕಾರ್ ಬೂರ್ದಿನ ಘಟನೆ: ಒರಿಯನ ಪುನ ಪತ್ತೆ

ಕಡಬ: ಮೂಜಿ ದಿನರ್ದ್ ಪಿರ ಕಾಣಿಯೂರುದ ಬೈತಡ್ಕ ಕೈತಲ್ ಸಂಕರ್ದ್ ಕಾರ್ ಬೂರ್ದಿನ ಘಟನೆ ಗ್ ಸಂಬಂಧಪಟ್ ದ್ ಬೈತಡ್ಕರ್ದ್ 200 ಮೀಟರ್ ದೂರ ಮರಕಡ ಸುದೆಟ್ಟ್ ಪುನ ಒಂಜಿ ಪತ್ತೆಯಾತ್oಡ್.

ಪುನ ಸುದೆತ್ತ ಬರಿಟ್ಟ್ ಇಪ್ಪುನ ಮರದ ತುಂಡುಡ್ ಪತ್ತೆಯಾತ್oಡ್. ಸುದೆಟ್ಟ್ ನೀರ್ ಕಮ್ಮಿಯಾಯಿನ ಬಗೆಟ್ಟ್ ಪುನ ಬೊಲ್ಪುಗ್ ತೋಜಿದ್ ಬೈದ್oಡ್.

ಬ್ರಹ್ಮಶ್ರೀ ನಾರಾಯಣ ಗುರು ಪಾಠ ಪಿರ ಸೇರ್ಸಾವರೆ ಶಿಕ್ಷಣ ಸಚಿವೆರೆರ್ದ್ ಸೂಚನೆ

ಕುಡ್ಲ : ಬ್ರಹ್ಮಶ್ರೀ ನಾರಾಯಣ ಗುರುಕುಲೆನ ಪಾಠೊನು 10 ನೇ ಕ್ಲಾಸ್ ದ ಸಮಾಜ ವಿಜ್ಞಾನ ಪುಸ್ತೊಕೊಗು ಪಿರ ಸೇರ್ಸಾವರೆ ಶಿಕ್ಷಣ ಇಲಾಖೆ ಮಹತ್ವದ ತೀರ್ಮಾನ ದೆತೊಂದುಂಡು. ಶಿಕ್ಷಣ ಸಚಿವೆರ್ ಬಿ.ಸಿ.ನಾಗೇಶ್ ಮೇರ್ ಶಿಕ್ಷಣ ಇಲಾಖೆಗ್ ಸೂಚನೆ ಕೊರ್ತೆರ್.

ರಾಜ್ಯ ಸರಕಾರದ ಪಾಠ ಪುಸ್ತಕ ಸಮಿತಿ ಗುರುಕ್ಲೆನ ಪಾಠೊನು ಸಮಾಜ ವಿಜ್ಞಾನೊರ್ದು ದೆತ್ತ್ ದ್ ಐಚ್ಚಿಕವಾದುಪ್ಪುನ ಕನ್ನಡ ಪಾಠ ಪುಸ್ತಕೊಗು ಸೇರ್ಸಾದಿನೆನ್ ಖಂಡಿಸಾದ್ ಬಿಲ್ಲವ ಸಂಘಟನೆಲು ಅಂಚೆನೆ ನಾರಾಯಣ ಗುರುಕ್ಲೆನ ಅಭಿಮಾನಿಲು ಭಾರಿ ಪ್ರತಿಭಟನೆ ಮಲ್ದಿತ್ತೆರ್. ನನಲ ಪ್ರತಿಭಟನೆ ಮಲ್ಪರೆ ನಿರ್ದಾರ ಮಲ್ದಿತ್ತೆರ್. ಅಂಚಾದ್ ಕನ್ನಡ ಬೊಕ್ಕ ಸಂಸ್ಕೃತಿ ಸಚಿವೆರ್ ಸುನಿಲ್ ಕುಮಾರ್ ಬೊಕ್ಕ ಬಿಜೆಪಿ ರಾಜ್ಯಾಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲ್ ಶಿಕ್ಷಣ ಸಚಿವೆರೆಗ್ ಈ ವಿಚಾರೊಡು ಮನವಿ ಮಲ್ತ್ ದಿತ್ತೆರ್.

ಆರ್.ಪದ್ಮರಾಜ್ ಅಭಿನಂದನೆ

ಪತ್ತನೇ ಕ್ಲಾಸ್ ದ ಸಮಾಜ ವಿಜ್ಞಾನ ಪಾಠ ಪುಸ್ತಕೊಡು ನಾರಾಯಣ ಗುರುಕ್ಲೆನ ಪಾಠ ಪಿರ ಸೇರ್ಸಾವರೆ ಆದೇಶ ಕೊರಿಯರೆ ಪ್ರಯತ್ನ ಮಲ್ದಿನ ಸಚಿವೆರ್ ಸುನಿಲ್ ಕುಮಾರ್ ಬೊಕ್ಕ ನಳಿನ್ ಕುಮಾರ್ ಕಟೀಲ್ ಮೆರೆಗ್ ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಕೋಶಾಧಿಕಾರಿ ಆರ್.ಪದ್ಮರಾಜ್ ಕೃತಜ್ಞತೆ ಸಂದಾದೆರ್.

ರಾಜ್ಯ ಸರ್ಕಾರ ಈ ವಿಚಾರೊಡು ಬೇಗ ಆದೇಶ ಕಡಪುಡೊಡು. ಅವೆರ್ದ್ ಬೊಕ್ಕ ಬಿಲ್ಲವ ಸಂಘಟನೆಲೆನ ಪ್ರತಿಭಟನೆ ಪಿರ ದೆಪ್ಪುವ ಪಂದ್ ಆರ್ ತೆರಿಪಾದೆರ್. ಅವ್ವತ್ತಾಂದೆ ನೆತ್ತ ಬಗೆಟ್ಟ್ ಹೋರಾಟ ಮಲ್ತಿನ ಮಾತೆರೆಗ್ಲ ಕೃತಜ್ಞತೆನ್ ಪತ್ರಿಕಾ ಹೇಳಿಕೆಡ್ ತೆರಿಪಾದೆರ್.

ಕುಡ್ಲ ವಿವಿ ಡಾಕ್ಟರೇಟ್ ಪಡೆಯಿನ ಹೇಮಾವತಿ ವೀ.ಹೆಗ್ಗಡೆರೆಗ್ ಕುಡುಮದ ಬೂಡುಡು ಮಾನಾದಿಗೆ

ಕುಡುಮ(ಧರ್ಮಸ್ಥಳ): ಬಡಪತ್ತ್ ದ ಜನಕ್ಲೆಗ್ ಬದ್ ಕ್ ಕಟ್ ದ್ ಕೊರ್ಪಿನ ಅಂಚೆನೆ ಪೊಂಜೊವುಲೆನ್ ಸ್ವಂತ ಕಾರ್ ಡ್ ಉಂತುಲೆಕ ಮಲ್ತ್ ದ್ ಸಮಾಜದ ಮುಖ್ಯವಾಹಿನಿಗ್ ಕನಪಿನವು ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಉದ್ದೇಶವಾದುಂಡು.ಉಂದು ಎಂಕ್ ಅತಿ ಇಷ್ಟದ ಸೇವೆ ಆದುಂಡು ಪಂದ್ ಧರ್ಮಸ್ಥಳದ ಡಾ. ಹೇಮಾವತಿ ವೀರೇಂದ್ರ ಹೆಗ್ಗಡೆರ್ ಪಂಡೆರ್.

ಕುಡ್ಲ ವಿಶ್ವವಿದ್ಯಾಲಯರ್ದ್ ಗೌರವ ಡಾಕ್ಟರೇಟ್ ಪಡೆಯಿನ ಬಗೆಟ್ಟ್ ಹೇಮಾವತಿ ವೀ. ಹೆಗ್ಗಡೆ ಮೆರೆನ್ ಮಾಜಿ ಎಂ.ಎಲ್.ಸಿ. ಐವನ್ ಡಿ’ಸೋಜಾ ಮುತಾಲಿಕೆಡ್ ಕುಡ್ಲದ ಪೌರ ಸನ್ಮಾನ ಸಮಿತಿದಕುಲು ಶನಿವಾರ ಧರ್ಮಸ್ಥಳದ ಬೂಡುಡು ಗೌರವ ಮಲ್ತಿನ ಪೊರ್ತುಡು ಆರ್ ಪಾತೆರಿಯೆರ್.

ಜ್ಞಾನ ವಿಕಾಸ ಕಾರ್ಯಕ್ರಮದ ನಿಲೆಟ್ಟ್ ೨೫೩ ತಾಲೂಕುಡು ಪ್ರತಿ ತಾಲೂಕುಗು ತಲಾ ೨೫ತ್ತ ಲೆಕ ಜ್ಞಾನ ವಿಕಾಸ ಕೇಂದ್ರಲೆನ್ ಸುರು ಮಲ್ತ್ ದ್ ಪೊಂಜೊವುಲೆಗ್ ಬೋಡಾಪಿನ ಮಾಹಿತಿ, ಮಾರ್ಗದರ್ಶನ ಬೊಕ್ಕ ಪ್ರೇರಣೆ ಕೊರೊಂದುಂಡು. 15 ಸಾರ ಕಾರ್ಯಕರ್ತೆರ್ 11 ಸಾವಿರ ಮಹಿಳಾ ಕಾರ್ಯಕರ್ತೆರ್ ಉಲ್ಲೆರ್. ಕಾರ್ಯಕರ್ತೆರೆಗ್ ಶಿಸ್ತು, ನಿಷ್ಠೆ, ಕಾರ್ಯತತ್ಪರತೆ, ಯೋಜನೆದ ಬಗೆಟ್ಟ್ ಇಪ್ಪುನ ಪ್ರೀತಿ-ವಿಶ್ವಾಸ ಬೊಕ್ಕ ಗೌರವೊಡು ಮಾತಾ ಕಾರ್ಯಕ್ರಮೊಲು ಯಶಸ್ವಿ ಆತ್ಂಡ್. ಗ್ರಾಮೀಣ ಜನಕ್ಲೆನ ಕಷ್ಟ-ಸಮಸ್ಯೆ, ಸವಾಲ್ ನ್ ತೆರಿಂಡ ನಮಕ್ಕ್ ನಿಜವಾಯಿನ ಜೀವನ ದರ್ಶನ ಆಪುಂಡು. ಸರ್ಕಾರದಕುಲು ಗ್ರಾಮಾಭಿವೃದ್ಧಿ ಯೋಜನೆದ ಸೇವೆ, ಸಾಧನೆನ್ ತೂದು ಸಾಮಾನ್ಯ ಸೇವಾ ಕೇಂದ್ರಲೆನ್ ಸುರು ಮಲ್ಪರೆ ಅನುಮತಿ ಕೊರ್ದು, ಇತ್ತೆ 11 ಸಾರ ಸೇವಾ ಕೇಂದ್ರಲೆನ ಮುಕೇನ ಜನಕ್ಲೆಗ್ ಸರ್ಕಾರದ ಸವಲತ್ತುಲೆನ್ ಕೊರೊಂದುಂಡು. ವಾತ್ಸಲ್ಯ ಕಾರ್ಯಕ್ರಮದ ಮುಕೇನ ಹಿರಿಯಾಕ್ಲೆನ ರಕ್ಷಣೆ, ಆರೋಗ್ಯ ಸೇವೆ, ಆಹಾರ ಅನುಪಾನ, ಇಲ್ಲ್ ರಿಪೇರಿ, ಜೋಕುಲೆನ ಪಾಲನೆ, ಪೋಷಣೆ, ಪೌಷ್ಠಿಕ ಆಹಾರ ಕೊರ್ಪಿನ ಸೇವೆಲೆನ್ ಮಲ್ತೊಂದುಂಡು ಪಂದ್ ಆರ್ ತೆರಿಪಾಯೆರ್.

ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆರೆನ್ ರಾಜ್ಯಸಭೆಗೆ ನಾಮನಿರ್ದೇಶನ ಮಲ್ದಿನವು ಅರೆನ ಸೇವೆಗ್ ಸಂದಿನ ಗೌರವ ವಾದುಂಡು. ಉಂದೆರ್ದಾತ್ರ ಅರೆಗ್ ರಾಷ್ಟ್ರಮಟ್ಟಡ್ ಮಾನಾದಿಗೆ ತಿಕಿಲೆಕ್ಕಾಂಡ್ ಪಂದ್ ಹೇಮಾವತಿ ಹೆಗ್ಗಡೆರ್ ಕುಷಿ ಪಟ್ಟೊಂಡೆರ್.
ಕುಡ್ಲದ ಪೌರ ಸನ್ಮಾನ ಸಮಿತಿದ ಪ್ರಧಾನ ಸಂಚಾಲಕೆರ್ ಐವನ್ ಡಿ’ಸೋಜಾ ಪ್ರಾಸ್ತಾವಿಕವಾದ್ ಪಾತೆರ್ದ್ ಬಿನ್ನೆರೆನ್ ಸ್ವಾಗತ ಮಲ್ತೆರ್.

ನಾಗೇಂದ್ರಕುಮಾರ್, ಡಾ. ದೇವರಾಜ್, ಕೆ., ರೊನಾಲ್ಡ್‌ ರಾಯ್‌ ಕ್ಯಾಸ್ತಲಿನೊ, ಕೆ. ಭಾಸ್ಕರರಾವ್, ಜನಾರ್ದನ್, ಡಾ. ಕವಿತಾ ಡಿ’ಸೋಜ, ಮೀನಾ ಟೆಲ್ಲಿಸ್, ಜೇಮ್ಸ್‌ ಪ್ರವೀಣ್, ಮಹೇಶ್ ಮಂಗಳೂರು, ಶೇಖರ, ಸುನಿಲ್ ಮೊಕುಲು ಮಾತ ಲೇಸ್ ಡ್ ಪಾಲ್ ಪಡೆದಿತ್ತೆರ್.

Dr Hemavathi V Heggade felicitated on procuring a doctrate from Mangalore University

Dharmasthala: “Making women Self reliant in life and bringing tribals into the mainstream of the society is the main aim of the rural development project and a topic close to my heart ” said Dr Hemavathi Heggade .

She was speaking on being honoured by the members of the Manglore city felicitation committee under the lead of Ivan D Souza former MLC ; on her being awarded a honourary doctorate by the Mangalore University.

The program was held on Saturday at the Dharmasthala Beedu.

Under the Gyana Vikasa scheme in 253 taluks; 25 Gyana Vikasa Kendra’s have been stated for the upliftment of women They have been formed to give inform and inspire women to be self-reliant and live a life of dignity. About 11,000 women workers are working with discipline and diligence to make the scheme a roaring success.

The government too has started such projects on noticing the success of the rural development schemes.About 11,000 seva kendras run by the government are also providing aid to the needy.There are also projects for help of senior citizens, health,food and norishment,housing and many such others.

She also conveyed her happiness on Veerendra Heggade being nominated for the Rajya Sabha ans added now he could render his service at the national level.

Ivan D Souza welcomed the gathering on behalf of the felicitation committee.He was accompanied by the members of the felicitation committee including Nagendra Kumar, Dr Devraj, Ronald Casteleno,J Bhaskar Rao, and others.

ಜು.17 : ಒಡಿಪುಡು ಬಿಲ್ಲವ ಸಂಘಟನೆಲೆರ್ದ್ ಹೆದ್ದಾರಿ ತಡೆತ್ ದ್ ಪ್ರತಿಭಟನೆ

ಒಡಿಪು : ಬ್ರಹ್ಮ ಶ್ರೀ ನಾರಾಯಣ ಗುರುಕುಲೆನ ಪಾಠೊನು 10 ಕ್ಲಾಸ್ ದ ಸಮಾಜ ವಿಜ್ಞಾನ ಪುಸ್ತಕೊಡು ಪಿರ ಸೇರ್ಸಾವೊಡು ಅಂಚೆನೆ ಸರಕಾರೊಗು ಬೇತೆ ಬೇತೆ ಬೇಡಿಕೆ ದೀದ್ ಜು.17 ಐತಾರ ಕಾಂಡೆ ಬಿಲ್ಲವ ಸಂಘಟನೆದಕುಲು ಭಾರಿ ಮಲ್ಲ ಪ್ರತಿಭಟನೆ ಮಲ್ಪರೆ ಉಲ್ಲೆರ್.

ಒಡಿಪು ಜಿಲ್ಲಾ ಬಿಲ್ಲವ ಯುವ ವೇದಿಕೆ ಈ ಪ್ರತಿಭಟನೆದ ಮುತಾಲಿಕೆ ಒಯಿಸೊಂದುಂಡು. ಉಂದೆಟ್ಟ್ ಬಿಲ್ಲವ ಸಮಾಜದ ಮಾತ ಸಂಘ ಸಂಸ್ಥೆಲು, ಗರೋಡಿ ಪ್ರಮುಖೆರ್ ಅಂಚೆನೆ ನಾರಾಯಣ ಗುರುಕ್ಲೆನ್ ಅಭಿಮಾನಿ ವರ್ಗದಕುಲು ಪಾಲ್ ಪಡೆವರೆ ಉಲ್ಲೆರ್.
ಜು.17 ಕಾಂಡೆ 10 ಗಂಟೆಗ್ ಬನ್ನಂಜೆ ಬಿಲ್ಲವ ಸಂಘರ್ದ್ ಪ್ರತಿಭಟನೆದ ಮೆರವಣಿಗೆ ಪಿದಾಡರೆ ಉಂಡು ಪಂದ್ ಒಡಿಪು ಜಿಲ್ಲಾ ಬಿಲ್ಲವ ಯುವ ವೇದಿಕೆ ತೆರಿಪಾದ್ಂಡ್.

ಇಂಡಿಗೊ ಇಮಾನೊಡು ಪ್ರಯಾಣಿಕೆರೆಗ್ ಸ್ಮಾರ್ಟ್ ಆದ್ ಕ್ಯೂಟ್ ಚಾರ್ಜ್ ಪಾಡೊಂದುಲ್ಲೆರ್ ದಾಯೆಗ್ ?

ಕುಡ್ಲ: ಇಂಡಿಗೋ ಇಮಾನ ಕಂಪೆನಿದಕುಲು ತನ್ನ ಪ್ರಯಾಣಿಕೆರೆಗ್ ಕ್ಯೂಟ್ ಚಾರ್ಜ್ ಪಾಡೊಂದುಲ್ಲೆರ್. ಆಂಡ ಈ ಕ್ಯೂಟ್ ಚಾರ್ಜ್ ಪಂಡ ದಾದ ಪಂದ್ ಪ್ರಯಾಣಿಕೆರ್ ಗೊಂದಲ ಆತೆರ್.ಅಕ್ಲೆಗ್ ಬೋಡುತ್ತಿಲೆಕ್ಕ ಉಂದೆನ್ ಸೋಶಿಯಲ್ ಮೀಡಿಯಾ ಡ್ ಪಾಡ್ದ್ ಕಮೆಂಟ್ ಮಲ್ತೊಂದುಲ್ಲೆರ್.

ಇಂಚಿಪ್ಪಗ್ ಇಂಡಿಗೋ ಇಮಾನಡ್ ಪೊಯಿನ ಪ್ರಯಾಣಿಕೆರಾಯಿನ ಶಾಂತನು ಪನ್ಪಿನಾರ್ ಟಿಕೆಟ್ ದ ಬಿಲೆನ್ ಸ್ಕ್ರೀನ್ ಶಾಟ್ ಮಲ್ತ್ ದ್ ಟ್ವಿಟರ್ ಡ್ ಪಟ್ಟೊಂದೆರ್. ಉಂದೆಕ್ಕ್ ಆರ್ ತೆಲ್ಪುನ ಶೀರ್ಷಿಕೆನ್ ಲ ಪಾಡ್ದೆರ್.

ಶಾಂತನು ಪಾಡ್ದಿನ ಪೋಸ್ಟ್ ಡ್ ಕ್ಯೂಟ್ ಚಾರ್ಜ್ ನ್ ಎಚ್ಚ ಹೈಲೈಟ್ ಮಲ್ತ್ ದೆರ್. ‘ವಿಮಾನಯಾನ ಸಂಸ್ಥೆ ಯನರ್ದ್ ಕ್ಯೂಟ್ ಆಯಿನ ಚಾರ್ಜ್ ನ್ ದಾಯೆ ದೆತೊನೊಂದ್ ಉಂಡು. ಯಾನ್ ತೂವರೆ ಕ್ಯೂಟ್ ಆದ್ ಉಲ್ಲೆ ಪಂದ್ ಯoಕು ಗೊತ್ತುಂಡು. ಆಂಡ ಇಂಡಿಗೋ ಯoಕ್ ಕಾಸ್ ಪಾಡುಂಡು ಪಂದ್ ಏಪಗ್ ಲ ಗೊತ್ತಿಜ್ಜಾಂಡ್” ಪನ್ಪಿನ ಶೀರ್ಷಿಕೆನ್ ಬರೆತ್ತೆರ್.

ನನೊರಿ ಟ್ವಿಟ್ಟರ್ ಡ್ ಕಮೆಂಟ್ ಮಲ್ತ್ ದ್, “ಹೇ ಏರ್ ಲೈನ್, ಈ ಚಾರ್ಚ್ ಒವ್? ಯನ್ನೋಟ್ಟ್ ಗ್ ಕ್ಯೂಟ್ ಆದ್ ಇಪ್ಪರೆ ಪ್ರಯತ್ನ ಮಲ್ತೊಂದುಲ್ಲರಾ, ಆಂಡ ಯಾನ್ ಸ್ಮಾರ್ಟ್ ಇಜ್ಜಿ ಕಾಲಿ ಪೊರ್ಲು ಉಲ್ಲೇ ಪಂದ್ ಪಾಡ್ಯರಾ ಪಂದ್ ಕೇಂಡ್ ದೆರ್.

 

ನನೊರಿ ಕಾಮೆಂಟ್ ಮಲ್ತ್ ದ್, “CUTE ಪಂಡ ಕಾಮನ್ ಯೂಸರ್ ಟರ್ಮಿನಲ್ ಈಕ್ವಿಪ್ ಮೆಂಟ್ ಚಾರ್ಜ್ ಪಂದ್ ಪಂತೆರ್. ಉಂದು ವಿಮಾನ ನಿಲ್ದಾಣಡ್ ಲೋಹ ಪತ್ತೆ ಮಲ್ಪುನ ಯಂತ್ರಲು, ಎಸ್ಕಲೇಟರ್ ಲು ಬೊಕ್ಕ ಬೇತೆ ಸಲಕರಣೆಗ್ ಚಾರ್ಜ್ ನ್ ಪಾಡುವೆರ್. ಈ ಚಾರ್ಜ್ ಒಂಜಿ ವಿಮಾನ ನಿಲ್ದಾಣರ್ದ್ ನನೊಂಜಿ ವಿಮಾನ ನಿಲ್ದಾಣಗ್ ಬದಲ್ ಆಪುಂಡ್” ಪಂದ್ ಲ ಟ್ವೀಟ್ ಮಲ್ದೆರ್.

IndiGo flights charge passengers ‘ cute’ charges!!
What do they mean….

Mangalore: Many passenges travelling by Indigo flights were amused to see ‘cute’ charges in their tickets charges breakup.
They took to social media to share their thoughts.

A traveller Shantanu quipped ‘ I know I am getting cuter with age.But why am I charged by Indigo for this?’

Another person tweeted ‘ hey airline what does this charge mean?’ .
Another clarified ” CUTE” is Common User terminal equipment charge.It is levied for use of metal detector, escalator and other commen equipment at airports .This charge differs from airport to airport.

ಜು. 30 ಮುಟ್ಟ ಆಗುಂಬೆ ಘಾಟಿಡ್ ಮಲ್ಲ ಗಾಡಿ ಪೋಯರೆ ಇಜ್ಜಿ : ಜಿಲ್ಲಾಧಿಕಾರಿ ಆದೇಶ

ಒಡಿಪು: ಐತಾರ ಬೊಲ್ಪುಗ್ ಆಗುಂಬೆ ಘಾಟಿದ ರಾಷ್ಟ್ರೀಯ ಮಾರ್ಗ 169A ದ 11 ನೇ ತಿರ್ಗಾಸ್ಡ್ ಗುಡ್ಡೆ ಜರಿದಿನೆಡ್ದಾವರ ಜುಲೈ 12 -30 ತಾರೀಕ್ ಮುಟ್ಟ ಮಲ್ಲ ಗಾಡಿಲು ಪೋಯರೆ ಇಜ್ಜಿ. ಅಂಚಾದ್ ಬೇತೆ ಮಾರ್ಗಡ್ ಗಾಡಿಲು ಪೋಪಿಲೆಕ್ಕ ಒಡಿಪುದ ಜಿಲ್ಲಾಧಿಕಾರಿ ಕೂರ್ಮಾರಾವ್ ಎಂ ಆದೇಶ ಮಲ್ತೆರ್.

ಜುಲೈ 12 ಅಂಗಾರೆ ಆಗುಂಬೆ ಘಾಟಿಡ್ ಎಲ್ಯ ಗಾಡಿ ಪೋಯರೆ ಅವಕಾಶ ಕೊರ್ತೆರ್. ಮಲ್ಲ ಗಾಡಿ ಆಯಿನಂಚಿನ ಬಸ್,ಲಾರಿ ಅಂಚನೆ ಬೇತೆ ಗಾಡಿಲೆಗ್ ತೀರ್ಥಹಳ್ಳಿ, ಕೊಪ್ಪ, ಶೃಂಗೇರಿ ,ಕಾರ್ಲ ಸಾದಿಯಾದ್ ಕುಡ್ಲಗ್ ಅಂಚನೆ ತೀರ್ಥಹಳ್ಳಿ , ಮಾಸ್ತಿಕಟ್ಟೆ ಸಾದಿಯಾದ್ ಕುಂದಾಪುರ,ಒಡಿಪುಗ್ ಗಾಡಿಲು ಪೊಯರ ಸರಿಯಾಯಿನ ವ್ಯವಸ್ಥೆ ಮಲ್ತ್ ಕೊರ್ತೆರ್.

Udupi: Landslide at Agumbe Ghat.No entry for heavy vehicles till July 30th.- DC’s notification

Udupi: There was a landslide at the 11 th turn of national highway 169A road at Agumbe Ghat on Sunday morning.So there is no entry for heavy vehicles from 12-30 th of July.An notification to this effect was given by DC Kurma Rao.

Heavy vehicles like bus, lorry and such others must take route of Thirtahalli, Koppa, Sringeri, Karkala, Mangalore ; and route Thirtahalli,Mastikatte to Kundapur, Udupi.
Arrangements will be made for smooth passage through these routes.

ಬಕ್ರೀದ್ ಪರ್ಬದ ಲೆಕ್ಕಡ್ ಉಳ್ಳಾಲ ದರ್ಗಾ ಗ್ ಭೇಟಿ ಕೊರಿನ ಉಳ್ಳಾಲ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್

ಉಳ್ಳಾಲ: ಬಕ್ರೀದ್ ಪರ್ಬದ ನಿಲೆಟ್ಟ್ ಭಾರಿ ಪರಪೋಕು ಇಪ್ಪುನ ಪುಗರ್ತೆದ ಉಳ್ಳಾಲ ದರ್ಗಾ ಗ್ ಉಳ್ಳಾಲ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಬೊಕ್ಕ ಪೆರಿಯೆರಾಯಿನ ಶ್ರೀ ಸದಾಶಿವ ಉಳ್ಳಾಲ್ ಭೇಟಿ ಕೊರ್ದು ಪ್ರಾರ್ಥನೆ ಮಲ್ತೆರ್.

ಈ ಪೊರ್ತುಡು ಹಿಂದುಳಿದ ವರ್ಗದ ಅಧ್ಯಕ್ಷೆರ್ ದೀಪಕ್ ಪಿಲಾರ್, ಕಾರ್ಯದರ್ಶಿ ವಿಜಯ ಕಿಲ್ಲೆ, ವಿಶಾಲ್ ಕಾಸಿಮ್, ಬಾಜಿ ಲ್ ಡಿಸೋಜ, ರಾಜ ಬಂಡಸಲೆ, ದಾಸಣ್ಣ ಕೋಟೆಕಾರ್, ಪ್ರವೀಣ್ ಕೊಲ್ಯ ಮನ್ಸೂರ್ ಭೇಟಿ ಮಲ್ತ್ ದ್ ಮುಸ್ಲಿಂ ಬಂಧುಲೆಗ್ ಎಡ್ಡೆಪ್ಪುನು ಬಯಕ್ಯೆರ್.

Ullal block congress president visits Ullal dargh on the occasion Bakrid

Ullal: Ullal block Congress president Sri Sadashiv Ullal visited the holy and historical dargh at Ullal to offer prayers on the occasion of Bakrid.

Backward classes leader Deepak Pilar , secretary Vijay Killay and others went along and wished their Muslim brothers.

ರಿಷಿ ಕಿರು ಚಿತ್ರೊಗು ಮೂರ್ತ

ಪುರಲ್ : ತುಳುನಾಡ ಸಾಹಿತ್ಯ ದೋಸ್ತಿಲಾಯಿನ ರಕ್ಷಿತ್ ಸರಿಪಲ್ಲ ಅಂಚೆನೆ ಶ್ರೇಯಸ್ ಯೆಯ್ಯಾಡಿ ಮೊಕ್ಲೆನ ಆರ್.ಎಸ್.ಸಾಂಗ್ಸ್ ಪ್ರೊಡಕ್ಷನ್ಸ್ ಬೊಕ್ಕ ವೈ.ಕೆ.ಕ್ರಿಯೇಶನ್ಸ್ ಬ್ಯಾನರ್ ಡ್ ಪ್ರಸಾದ್ ಆಳ್ವ ಬೆಂಗಳೂರು ಅಂಚೆನೆ ಪುರಂದರ ಕುಲಾಲ್ ನಿರ್ಮಾಣಡ್ ತಯಾರಾಪಿನ ಕನ್ನಡ ಕಿರು ಚಿತ್ರ ರಿಷಿ(A Man Of Dream) ಸಿನಿಮಾದ ಮೂರ್ತ ಪೊರಲ್ ದ ಶ್ರೀ ರಾಜರಾಜೇಶ್ವರಿ ದೇವಸ್ಥಾನಡ್ ಐತಾರ ಕಾಂಡೆ 10 ಗಂಟೆಗ್ ನಡತ್ಂಡ್.

ಕಿರು ಚಿತ್ರದ ಪೋಸ್ಟರ್ ನ್ ಕಟೀಲ್ ಮೇಳದ ಭಾಗವತೆರಾಯಿನ ದಿವಾಕರ ಆಚಾರ್ಯರೆರ್ ಬುಡುಗಡೆ ಮಲ್ತುದ್ ಎಡ್ಡೆಪ್ಪುಲು ಬಯಕಿಯೆರ್. ಚಿತ್ರಗ್ ಸಂಗೀತ ನಿರ್ದೇಶಕೆ, ತುಳುನಾಡ ಸಾಹಿತ್ಯ ರತ್ನ ರಕ್ಷಿತ್ ಸರಿಪಲ್ಲರೆನ ಕಥೆ ಚಿತ್ರಕಥೆ ಸಂಭಾಷಣೆ ಇತ್ತುದ್ ಯಶವಂತ್ ಕುಲಾಲ್ ಈ ಚಿತ್ರನ್ ಬಾರಿ ಪೋರ್ಲುಡ್ ನಿರ್ದೇಶನ ಮಲ್ಪೆರೆ ರೆಡಿ ಆತೆರ್,ಸಹ ನಿರ್ದೇಶನನ್ ತುಳುನಾಡ್ ದ ಸಾಹಿತಿ ಶ್ರೇಯಸ್ ಯೆಯ್ಯಾಡಿ ಮಲ್ಪುವೆರ್. ತುಳುನಾಡ್ ದ ಪೆರ್ಮೆದ ನಿರೂಪಕೆ,ನಟೆ ಕುಮಾರ್ ವಿಟ್ಲ ನಾಯಕೆ ನಟೆ ಆದ್ ಮಿಂಚ್ಯೆರೆ ಉಲ್ಲೆರ್. ಹಳ್ಳಿ ಹುಡುಗ ಖ್ಯಾತಿದ ಚೇರ್ಕಾಡಿದ ಪೆರ್ಮೆದ ಪ್ರತಿಭೆ ಮಂಜುನಾಥ್ ಚೇರ್ಕಾಡಿ ಪುರಂದರ ಕುಲಾಲ್ ಅಂಚೆನೆ ಯಂ.ಕೆ.ಉದಯಕುಮಾರ್ ಮುಖ್ಯ ಪಾತ್ರೊಡು ನಟನೆ ಮಲ್ಪೆರೆ ಉಲ್ಲೆರ್. ಗೌತಮ್ ಜಿ.ಕೆ ಈ ಸಿನಿಮಾದ ಛಾಯಾಗ್ರಹಣ ಮಲ್ಪೆರೆ ಇತ್ತುದ್ ಸಂಕಲನ ಆಂಚೆನೆ ಪೋಸ್ಟರ್ನ್ ಯಶವಂತ್ ಕುಲಾಲ್ ಮಲ್ಪೆರೆ ಉಲ್ಲೆರ್.

ಚಿತ್ರದ ಶೂಟಿಂಗ್ ನನ ಶುರು ಆಯೆರೆ ಉಂಡು. ಸಿನಿಮಾ ಅಕ್ಟೋಬರ್ ಡ್ ಬುಡುಗಡೆಗ್ ರೆಡಿ ಆಯೆರೆ ಉಂಡು ಪಂಡುಡ್ ಚಿತ್ರದ ನಿರ್ದೇಶಕೆ ಯಶವಂತ್ ಕುಲಾಲ್ ಪಂಡೆರ್.

ಒಂಜಿ ರಿಕ್ಷಾಡ್ 27 ಜನನ್ ದಿಂಜಾವೊಂದು ಪೋಯಿನ ಡ್ರೈವರ್

ಉತ್ತರಪ್ರದೇಶ: ರಿಕ್ಷಾಡ್ ಡ್ರೈವರ್ ಒರಿ ಜೋಕುಲು ಸೇರ್ದ್ 27 ಜನನ್ ದಿಂಜಾವೊಂದ್ ಪೋಯಿನ ಘಟನೆ ಉತ್ತರ ಪ್ರದೇಶಡ್ ನಡತ್ ದ್ಂಡ್. ಇತ್ತೆ ರಿಕ್ಷಾದ ವಿಡಿಯೋ ವೈರಲ್ ಆದಿತ್ತ್ ದ್, ರಿಕ್ಷಾರ್ದ್ ಜನಕ್ಲೆನ್ ತಿರ್ತ್ ಜಪುಡಾದ್ ಪೊಲೀಸೆರ್ ರಿಕ್ಷಾನ್ ಸೀಜ್ ಮಲ್ತ್ ದೆರ್.

ಯುಪಿದ ಫತೇಪುರ್ ಜಿಲ್ಲೆಡ್ ಘಟನೆ ನಡೆದಿತ್ತ್ ದ್, ಬಕ್ರೀದ್ ಪರ್ಬದ ಲೆಕ್ಕಡ್ ನಮಾಜ್​ ಮಲ್ಪರೆ ಕೆಲವೆರ್ ರಿಕ್ಷಾಡ್ ಬಿಂಡ್ಕಿ ಗ್ ಬತ್ತಿತ್ತೆರ್. ಆಂಡ 6 ಸೀಟ್​ ದ ರಿಕ್ಷಾಡ್ 27 ಜನನ್ ರಿಕ್ಷಾ ಡ್ರೈವರ್ ಕುಲ್ಲಾವೊಂದು ಬೈದೆ. ರಿಕ್ಷಾ ಡ್ರೈವರ್ ಮಸ್ತ್ ಸ್ಪೀಡ್​​ ಡ್ ಪೋವೊಂದಿತ್ತೆ. ಇಂಚಾದ್ ಪೊಲೀಸೆರ್ ರಿಕ್ಷಾ ಉಂತಾಯಿನ ಪೊರ್ತುಡ್ ಈ ಘಟನೆ ತೋಜಿದ್ ಬೈದ್oಡ್.

You Missed