Wed. Nov 18th, 2026

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ನ.30: ವಿಶ್ವ ಹಿಂದೂ ಪರಿಷತ್ ಬಜರಂಗದಳ ತತ್ವಮಸಿ ಶಾಖೆ, ದೇರಳಕಟ್ಟೆ ಬೊಕ್ಕ ಪತ್ತ್ ಸಮಸ್ತೆರೆನ ಮುತಾಲಿಕೆಡ್ “ಶ್ರೀ ದೇವಿ ಮಹಾತ್ಮೆ” ಬಯಲಾಟ

ದೇರಳಕಟ್ಟೆ: ಬಜರಂಗದಳ ತತ್ವಮಸಿ ಶಾಖೆ, ದೇರಳಕಟ್ಟೆ ಬೊಕ್ಕ ಊರುದ ಪತ್ತ್ ಸಮಸ್ತೆರೆನ ಮುತಾಲಿಕೆಡ್ ಶ್ರೀ ದೇವಿ ಮಹಾತ್ಮೆ ಯಕ್ಷಗಾನ ಬಯಲಾಟ ನ.30 ಬುಧಾರದಾನಿ ದೇರಳಕಟ್ಟೆ ಶ್ರೀ ಅಯ್ಯಪ್ಪ ಸ್ವಾಮಿ ದೇವಲ್ಯದ ಜಾಲ್ ಡ್ ನಡಪರೆ ಉಂಡು.

ಈ ಯಕ್ಷಗಾನ ಬಯಲಾಟ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿ ನಾಗವೃಜ ಕ್ಷೇತ್ರ ಪಾವಂಜೆ ಮೊಕ್ಲೆರ್ದ್ ಬೊಕ್ಕ ಯಕ್ಷಧ್ರುವ ಶ್ರೀ ಪಟ್ಲ ಸತೀಶ್ ಶೆಟ್ರೆನ ಸಾರಥ್ಯಡ್ ನಡಪುಂಡು. ಅಂಚನೆ ಆನಿ ಬಯ್ಯಗ್ 6:30 ಗು ಚೌಕಿ ಪೂಜೆ, ಬೊಕ್ಕ ಅನ್ನಸಂತರ್ಪಣೆ ನಡಪುಂಡು ಪಂದ್ ದೇರಳಕಟ್ಟೆ ವಿಶ್ವ ಹಿಂದೂ ಪರಿಷತ್ ಬಜರಂಗದಳ ತತ್ವಮಸಿ ಶಾಖೆದಕುಲು ಲೆಪ್ಪೋಲೆಡ್ ತೆರಿಪಾದ್ಂಡ್.

ನ.28: ಪಣಂಬೂರ್ ಬೋರ್ಮಾಡಿಗುತ್ತು ದಿ. ಪಿ.ಜಿ ಕೇಳಪ್ಪ ಶೆಟ್ಟಿ ಕಾಂಪೌಂಡ್ ಡ್ “ಶಕ್ತಿ ಕೃಪಾ” ಇಲ್ಲ್ ಒಕ್ಕೆಲ್

ಪಣಂಬೂರ್ ಬೋರ್ಮಾಡಿಗುತ್ತು ದಿ. ಪಿ.ಜಿ ಕೇಳಪ್ಪ ಶೆಟ್ಟಿ ಕಾಂಪೌಂಡ್ ಡ್ ಪೊಸತಾದ್ ನಿರ್ಮಾಣ ಆಯಿನ ಇಲ್ಲ್ ಶಕ್ತಿ ಕೃಪಾದ ಇಲ್ಲ್ ಒಕ್ಕೆಲ್ ನ.28 ಸೋಮಾರ ನಡಪರೆ ಉಂಡು.

ಈ ಲೇಸ್ ಶ್ರೀ ಸತ್ಯನಾರಾಯಣ ಪೂಜೆ ಬೊಕ್ಕ ಬಿನ್ನೆರೆನ್ ಎದ್ಕೊನುನ ಮುಖೇನ ನಡಪುಂಡು. ಬೊಕ್ಕ ಅವೇ ದಿನ ಬಯ್ಯಗ್ 6 ಗಂಟೆರ್ದ್ ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದಶಾವತಾರ ಯಕ್ಷಗಾನ ಮಂಡಳಿರ್ದ್ ಶ್ರೀ ದೇವಿ ಮಹಾತ್ಮೆ ಯಕ್ಷಗಾನ ಬಯಲಾಟ ಸೇವೆ ಪೊಸ ಇಲ್ಲದ ಜಾಲ್ ಡ್ ನಡಪರೆ ಉಂಡು. ಈ ಲೇಸ್ ಗ್ ನಿಕುಲು ಮಾತ ಬತ್ತ್ ದ್ ಶ್ರೀ ದೇವಿನ ಅನುಗ್ರಹೊಗ್ ಪಾತ್ರರಾವೊಡು ಪಂದ್ ಪಣಂಬೂರ್ ಬೋರ್ಮಾಡಿಗುತ್ತು ದಿ. ಪಿ.ಜಿ ಕೇಳಪ್ಪ ಶೆಟ್ಟಿ ಬೊಕ್ಕ ಮಾಡರಮನೆ ದಿ. ಸೇಸಿ ಕೇಳಪ್ಪ ಶೆಟ್ರ್ ನ ಜೋಕುಲು ಬೊಕ್ಕ ಕುಟುಂಬಸ್ಥೆರ್ ಅಂಚನೆ ಸುಜಾತ ಎಚ್. ಶೆಟ್ಟಿ ಬೊಕ್ಕ ಹರೀಶ್ ಕೆ. ಶೆಟ್ಟಿ, ದೀಕ್ಷಿತ್ ಎಚ್. ಶೆಟ್ಟಿ ಬೊಕ್ಕ ದೀಕ್ಷಾ ಎಚ್. ಶೆಟ್ಟಿ ಲೆಪ್ಪೋಲೆಡ್ ತೆರಿಪಾದೆರ್.

ಡಿ.24-25 : ಮಂಜೇಶ್ವರ ಶ್ರೀ ವಾಸುಕೀ ನಾಗರಾಜ ರಕ್ತೇಶ್ವರೀ ಪರಿವಾರ ದೈವೊಲೆನ ಸನ್ನಿಧಿಡ್ ಪ್ರತಿಷ್ಠಾ ಬ್ರಹ್ಮಕಲಶ

ಮಂಜೇಶ್ವರ: ಮಂಜೇಶ್ವರ ಶ್ರೀ ವಾಸುಕೀ ನಾಗರಾಜ ರಕ್ತೇಶ್ವರೀ ಪರಿವಾರ ದೈವೊಲೆನ ಸನ್ನಿಧಿಡ್ ಪ್ರತಿಷ್ಠಾ ಬ್ರಹ್ಮಕಲಶ ಡಿ.24 ರ್ದ್ 25 ಐತಾರ ಮುಟ್ಟ ನಡಪರೆ ಉಂಡು.

ಡಿ.24 ಶನಿಯಾರದಾನಿ ಬ್ರಹ್ಮ ಶ್ರೀ ತಂತ್ರಿಲೆನ್ ವೈದಿಕೆರೆನ್ ಎದ್ಕೊಂದು, ಬೊಕ್ಕ ಸಾಮೂಹಿಕ ಪ್ರಾರ್ತನೆ, ಉಗ್ರಾಣ ಮೂರ್ತ, ಹಸಿರು ಹೊರಕಾಣಿಕೆ ವರ್ಕಾಡಿ ಶ್ರೀ ಕಾವೀ ಸುಬ್ರಹ್ಮಣ್ಯ ದೇವೆರೆನ ಸನ್ನಿಧಿರ್ದ್ ಪಿದಾಡ್ದ್ ಮಂದ್ರಬೈಲ್ ಕೊರಗಜ್ಜನ ಕಟ್ಟೆಯಾದ್ ಸುಂಕದಕಟ್ಟೆ ದುರ್ಗಾಪರಮೇಶ್ವರಿ ಭಜನಾ ಮಂದಿರ ಆದ್ ಪಾವೂರು ಮಾರ್ಗಗ್ ತಿರ್ಗ್ ದ್ ಲಕ್ಷ ಬೀಡು ತಾದಿಯಾದ್ ಶ್ರೀ ಕ್ಷೇತ್ರಗ್ ಬರ್ಪುಂಡು. ಬೊಕ್ಕ ಆಲಯ ಪರಿಗ್ರಹ, ಸಾಮೂಹಿಕ ಪ್ರಾರ್ತನೆ, ಸ್ವಸ್ತಿ ಪುಣ್ಯಾಹ ವಾಚನ, ಸಪ್ತ ಶುದ್ಧಿ, ಪ್ರಾಸಾದ ಶುದ್ಧಿ, ರಾಕ್ಷೋಘ್ನ ಹೋಮ, ವಾಸ್ತು ಹೋಮ, ವಾಸ್ತು ಪೂಜೆ, ವಾಸ್ತು ಬಲಿ, ಪ್ರಾಕಾರ ಬಲಿ, ಬಿಂಬ ಅದಿವಾಸ ಬೊಕ್ಕ ಭಜನೆ ಲೇಸ್ ನಡಪುಂಡು. ಆಯಿರ್ದ್ ಬೊಕ್ಕ ಇಂಚರ ಕ್ರಿಯೇಶನ್ ಮಂಜೇಶ್ವರ ಮೊಕ್ಲೆನ ಭಕ್ತಿ ಗಾನಸುಧಾ, ಬೊಕ್ಕ ಅನ್ನಸಂತರ್ಪಣೆ ಬೊಕ್ಕ ಸಾಂಸ್ಕೃತಿಕ ಲೇಸ್ ದ ಅಂಗವಾದ್ ವರ್ಕಾಡಿ ಕಾವಿ ಸುಬ್ರಹ್ಮಣ್ಯ ಯಕ್ಷಗಾನ ಸಂಘ ಮೊಕ್ಲೆರ್ದ್ ಶಾಂಭವಿ ವಿಜಯ ಯಕ್ಷಗಾನ ತಾಳಮದ್ದಳೆ, ಬೊಕ್ಕ ಪೊಯ್ಯೆ ಶ್ರೀ ಚಾಮುಂಡೇಶ್ವರಿ ಭಜನಾ ಮಂಡಳಿ ಪಾವೂರು ಬಜಾಲ್ ಬೊಕ್ಕ ಶ್ರೀ ದುರ್ಗಾಪರಮೇಶ್ವರಿ ಭಜನಾ ಮಂದಿರ ವರ್ಕಾಡಿ ಸುಂಕದಕಟ್ಟೆ ಮೊಕ್ಲೆರ್ದ್ ಭಜನೆ ಲೇಸ್ ನಡಪುಂಡು. ಬೊಕ್ಕ ಡಿ.25 ಐತಾರದಾನಿ ಗಣಹೋಮ, ಪವಮಾನ ಹೋಮ, ಬ್ರಹ್ಮಕಲಶ ಪೂಜೆ, ಆದಿವಾಸ ಹೋಮ ಬೊಕ್ಕ ಶ್ರೀ ವಾಸುಕೀ ನಾಗರಾಜ ರಕ್ತೇಶ್ವರಿ ಪರಿವಾರ ದೈವೊಲೆನ ಪ್ರತಿಷ್ಠಾ ಬ್ರಹ್ಮಕಲಶಾಭಿಷೇಕ, ಬೊಕ್ಕ ಆಶ್ಲೇಷಬಲಿ, ಮಹಾ ಪೂಜೆ, ಅನ್ನಸಂತರ್ಪಣೆ, ಭಜನೆ ಲೇಸ್, ಸತ್ಯನಾರಾಯಣ ಪೂಜೆ, ದುರ್ಗಾಪೂಜೆ, ಮಹಾಪೂಜೆ, ಅನ್ನಸಂತರ್ಪಣೆ, ಸಭಾಕಾರ್ಯಕ್ರಮ ಬೊಕ್ಕ ಸಾಂಸ್ಕೃತಿಕ ಲೇಸ್ ದ ಅಂಗವಾದ್ ವಿಠಲ ನಾಯಕ್ ಕಲ್ಲಡ್ಕ ಬೊಕ್ಕ ಕೂಟರ್ದ್ ಗೀತಾ ಸಾಹಿತ್ಯ ಸಂಭ್ರಮ ನಡಪರೆ ಉಂಡು ಪಂದ್ ಸ್ನೇಹ ಫ್ರೆಂಡ್ಸ್ ಕ್ಲಬ್ (ರಿ.) ವರ್ಕಾಡಿ ಲೆಪ್ಪೋಲೆಡ್ ತೆರಿಪಾದೆರ್.

ನ.29 ಕುಂಜತ್ತ್ ಬೈಲ್ ಕುಲ ಫ್ರೆಂಡ್ಸ್ ಕ್ಲಬ್ ದಲ್ಪ ಶ್ರೀ ಧರ್ಮಸ್ಥಳ ಕ್ಷೇತ್ರ ಮಹಾತ್ಮೆ ಆಟ

ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಕೃಪಾಪೋಷಿತ ಯಕ್ಷಗಾನ ಮಂಡಳಿದ ಕಲಾವಿದೆರೆರ್ದ್ ನ.29 ಅಂಗಾರೆ ರಾತ್ರೆ 7 ಗಂಟೆರ್ದ್ ಕುಂಜತ್ತ್ ಬೈಲ್ ಕುಲ ಫ್ರೆಂಡ್ಸ್ ಕ್ಲಬ್ ದಲ್ಪ ಶ್ರೀ ಧರ್ಮಸ್ಥಳ ಕ್ಷೇತ್ರ ಮಹಾತ್ಮೆ ಯಕ್ಷಗಾನ ಬಯಲಾಟ ನಡಪರೆ ಉಂಡು.

ಈ ಸೇವೆದ ಆಟೊಗು ಮಾತೆರ್ಲಾ ಬತ್ತ್ ದ್ ಪಾಲ್ ಪಡೆಯೊಡು ಪಂದ್ ಸೇವಾದಾರೆರಾಯಿನ ರೋಹಿಣಿ ಗೋಪಾಲ ಪೂಜಾರಿ ಬೊಕ್ಕ ಜೋಕುಲು ಲೆಪ್ಪೋಲೆಡ್ ತೆರಿಪಾದೆರ್.

ನ.26: ಕುಂಜತ್ತ್ ಬೈಲ್ ಓಂ ಫ್ರೆಂಡ್ಸ್ (ರಿ.) 11 ನೇ ವರ್ಷದ ವಾರ್ಷಿಕ ಉಚ್ಚಯೊಡು ಶಿವದೂತ ಗುಳಿಗೆ ತುಳು ನಾಟಕ

ಓಂ ಫ್ರೆಂಡ್ಸ್ (ರಿ.) ಕುಂಜತ್ತಬೈಲ್ ಡ್ 11 ನೇ ವರ್ಷದ ವಾರ್ಷಿಕ ಉಚ್ಚಯದ ಲೆಕ್ಕೊಡು ನ.26 ಶನಿಯಾರದಾನಿ ಶಿವದೂತ ಗುಳಿಗೆ ತುಳು ನಾಟಕ ದೈವಾಲಗುಡ್ಡೆ ಕುಂಜತ್ತಬೈಲ್ ವಠಾರಡ್ ನಡಪರೆ ಉಂಡು.

ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ನಿರ್ದೇಶನದ ಈ ತುಳು ನಾಟಕ ಕಲಾಸಂಗಮ ಕಲಾವಿದೆರೆರ್ದ್ ನಡಪುಂಡು ಪಂದ್ ಓಂ ಫ್ರೆಂಡ್ಸ್ (ರಿ.) ದೈವಾಲಗುಡ್ಡೆ, ಕುಂಜತ್ತಬೈಲ್ ನೆತ್ತ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಜ.7: ಯಕ್ಷರಂಗ ವೇದಿಕೆ ಬೊಕ್ಕ ಪತ್ತ್ ಸಮಸ್ತೆರ್ ಕುಂಜತ್ತಬೈಲ್ ಮುತಾಲಿಕೆಡ್ 41 ನೇ ವರ್ಷದ ಬಪ್ಪನಾಡು ಕ್ಷೇತ್ರ ಮಹಾತ್ಮೆ ಯಕ್ಷಗಾನ

ಯಕ್ಷರಂಗ ವೇದಿಕೆ ಬೊಕ್ಕ ಪತ್ತ್ ಸಮಸ್ತೆರ್ ಕುಂಜತ್ತಬೈಲ್ ಮುತಾಲಿಕೆಡ್, ಶ್ರೀ ಅಂಬಿಕಾ ಅನ್ನಪೂರ್ಣೇಶ್ವರಿ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿ ಸುಂಕದಕಟ್ಟೆ ಬಜ್ಪೆ ಮೊಕ್ಲೆರ್ದ್ ಜ.7 ಶನಿಯಾರ ರಾತ್ರೆ ಯಕ್ಷರಂಗ ವೇದಿಕೆ ದೇವಿನಗರಡ್ ಪಾಡಿನ ರಂಗ ಮಂಟಪಡ್ 41 ನೇ ವರ್ಷದ ಬಪ್ಪನಾಡು ಕ್ಷೇತ್ರ ಮಹಾತ್ಮೆ ಯಕ್ಷಗಾನ ನಡಪರೆ ಉಂಡು.

ಈ ಲೇಸ್ ಗ್ ಕಲಾಭಿಮಾನಿಲು ಹೆಚ್ಚದ ಸಂಖ್ಯೆಡ್ ಬತ್ತ್ ದ್, ತನು, ಮನ ಧನತ್ತ ಸಹಕಾರ ಮಲ್ಪೊಡು ಪಂದ್ ಯಕ್ಷರಂಗ ವೇದಿಕೆ ಬೊಕ್ಕ ಪತ್ತ್ ಸಮಸ್ತೆರ್ ಕೂಟದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ನ.28: ತೊಕ್ಕೊಟ್ಟು ಶ್ರೀ ನಾಗಕನ್ನಿಕಾ ರಕ್ತೇಶ್ವರಿ ದೈವೋಲ್ಯಡ್ ಅಂಬಾಶ್ರಯ ವಸತಿ ಸಮುಚ್ಚಯಗ್ ಕೆಸರ್ ಕಲ್ಲ್

ತೊಕ್ಕೊಟ್ಟು ಶ್ರೀ ನಾಗಕನ್ನಿಕಾ ರಕ್ತೇಶ್ವರಿ ದೈವೋಲ್ಯ ಅಂಬಾವನ ಮೂಲು ಪೊಸತಾದ್ ನಿರ್ಮಾಣ ಆಪುನ ಅಂಬಾಶ್ರಯ ವಸತಿ ಸಮುಚ್ಚಯಗ್ ನ.28 ಸೋಮಾರದಾನಿ ಕೆಸರ್ ಕಲ್ಲ್ ಪಾಡಿಯೆರೆ ಉಂಡು.


ಈ ಲೇಸ್ ಗ್ ನಿಕುಲು ಮಾತ ಬತ್ತ್ ದ್ ಈ ಲೇಸ್ ನ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಆಡಳಿತ ಮಂಡಳಿ ಲೆಪ್ಪೋಲೆಡ್ ತೆರಿಪಾದೆರ್.

ಡಿ.31 ಕ್ ಕುಡ್ಲದ ಪರಪು ಶ್ರೀ ಕ್ಷೇತ್ರ ತರವಾಡ್ ಡ್ ವರ್ಷಾಧಿದ ಉಚ್ಚಯ

ಕುಡ್ಲ: ಕುಡ್ಲದ ಪೆರ್ಮನ್ನೂರು ಪರಪು ಶ್ರೀ ಕ್ಷೇತ್ರ ತರವಾಡ್ ಡ್ ಡಿ.31 ಶನಿಯಾರದಾನಿ ವರ್ಷಾಧಿದ ಉಚ್ಚಯ ನಡಪರೆ ಉಂಡು.


ಆನಿ ಕಾಂಡೆ ಗಣಪತಿ ಹೋಮ, ಶ್ರೀದೇವಿ ಬೊಕ್ಕ ಪರಿವಾರ ದೈವಲೆಗ್ ಪ್ರಾರ್ತನೆ, ನಾಗತಂಬಿಲ, ಶ್ರೀ ಲಕ್ಷ್ಮೀ ವೆಂಕಟರಮಣ ದೇವೆರೆನ ಮುಡಿಪು ಶುದ್ಧ ಬೊಕ್ಕ ಮುಡಿಪು ಕಟ್ಟೆರೆ ಉಂಡು. ಬೊಕ್ಕ ಜುಮಾದಿ ದೈವದ ದರ್ಶನ, ಪ್ರಸಾದ ಪಟ್ಟುನ ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

ಡಿ.31: ಕಾಸ್ರೋಡು ಜಿಲ್ಲೆಡ್ ಶ್ರೀ ಗೆಜ್ಜೆಗಿರಿ ಮೇಳದ ಸುರೂತ್ತ ಆಟ ಶ್ರೀ ಗೆಜ್ಜೆಗಿರಿ ಕ್ಷೇತ್ರ ಮಹಾತ್ಮೆ

ಕಾಸ್ರೋಡು ಜಿಲ್ಲೆಡ್ ಶ್ರೀ ಗೆಜ್ಜೆಗಿರಿ ಮೇಳದ ಸುರೂತ್ತ ಪದರ್ಶನ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬಿ ಸಿ. ಟ್ರಸ್ಟ್ (ರಿ.) ಕಾಸ್ರೋಡು ಅಖಿಲ ಕರ್ನಾಟಕ ಜಿಲ್ಲಾ ಜನಜಾಗೃತಿ ವೇದಿಕೆ, ಕಾಸ್ರೋಡು ಜಿಲ್ಲೆ ಪ್ರಗತಿ ಬಂಧು ಸ್ವ-ಸಹಾಯ ಸಂಘಲೆನ ಒಕ್ಕೂಟಲು, ಪೈವಳಿಕೆ ವಲಯ ನೆತ್ತ ಸಹಕಾರೊಡು ಡಿ.31 ಶನಿಯಾರ ಬಯ್ಯಗ್ 6:30 ರ್ದ್ ಲಾಲ್ ಬಾಗ್, ಪೈವಳಿಕೆ ಮಂಜೇಶ್ವರಡ್ ಶ್ರೀ ಗೆಜ್ಜೆಗಿರಿ ಕ್ಷೇತ್ರ ಮಹಾತ್ಮೆ ಪನ್ಪಿನ ತುಳು-ಕನ್ನಡ ಯಕ್ಷಗಾನ ನಡಪರೆ ಉಂಡು.

ಈ ಲೇಸ್ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ ವೀರೇಂದ್ರ ಹೆಗ್ಗಡೆ ಮೆರೆನ ಆಶೀರ್ವಾದೊಡು ಶ್ರೀ ಗೆಜ್ಜೆಗಿರಿ ಯಕ್ಷಗಾನ ಬಯಲಾಟ ಸಮಿತಿ, ಲಾಲ್ ಬಾಗ್ ಪೈವಳಿಕೆ ಜ್ಞಾನಜ್ಯೋತಿ ನವಜೀವನ ಸಮಿತಿ, ಲಾಲ್ ಬಾಗ್ ಪೈವಳಿಕೆ ವಲಯ ನೆತ್ತ 5 ನೇ ವರ್ಷದ ವಾರ್ಷಿಕ ಉಚ್ಚಯದ ಲೆಕ್ಕೊಡು ನಡಪುಂಡು ಪಂದ್ ಕಾಸ್ರೋಡು ಜಿಲ್ಲೆದ ಅಖಿಲ ಕರ್ನಾಟಕ ಜಿಲ್ಲಾ ಜನಜಾಗೃತಿ ವೇದಿಕೆದ ಅಧ್ಯಕ್ಷೆರ್ ಶ್ರೀ ಅಶ್ವಥ್ ಪೂಜಾರಿ ಲಾಲ್ ಬಾಗ್ ಲೆಪ್ಪೋಲೆಡ್ ತೆರಿಪಾದೆರ್.

ನ.27 ಕ್ಕ್ ಗೆಜ್ಜೆಗಿರಿ ಯಕ್ಷಗಾನ ಮೇಳ ಉದಿಪನ

20,000 ಜನ ಸೇರುನ ಅಂದಾಜಿ/
130 ಆಟ ಬುಕ್ಕಿಂಗ್/ 68,000 ₹ ವೀಳ್ಯ/

ಕುಡ್ಲ : ತುಳುನಾಡ ಬಿರ್ಸೆರ್ ಕೋಟಿ ಚೆನ್ನಯೆರ್ನ ಮೂಲಸ್ಥಾನ ಗೆಜ್ಜೆಗಿರಿ ನಂದನ ಬಿತ್ತ್ ಲ್ ಡ್ ನ.27 ನೇ ತಾರೀಕ್ ಗ್ ಶ್ರೀ ಆದಿ ಧೂಮಾವತಿ ಶ್ರೀ ದೇಯಿ ಬೈದೆತಿ ಕೃಪಾಪೋಷಿತ ಯಕ್ಷಗಾನ ಮಂಡಳಿ ಪನ್ಪಿನ ಪೊಸ ಯಕ್ಷಗಾನ ಮೇಳ ಉದಿಪನದ ಲೇಸ್ ಅಂಚೆನೆ ದೇವೆರ್ನ ಸುರೂತ್ತ ಸೇವೆ ಆಟ ನಡಪರೆ ಉಂಡು ಪಂದ್ ಗೆಜ್ಜೆಗಿರಿ ಕ್ಷೇತ್ರಾಡಳಿತ ಸಮಿತಿದ ಅಧ್ಯಕ್ಷೆರ್ ಪೀತಾಂಬರ ಹೆರಾಜೆ ತೆರಿಪಾಯೆರ್.


ಆರ್ ಕುಡ್ಲದ ಪತ್ರಿಕಾಭವನಡ್ ಅಂಗಾರೆ ನಡತಿನ ಸುದ್ದಿಗೋಷ್ಠಿಡ್ ಈ ವಿಷಯ ತೆರಿಪಾಯೆರ್. ಗೆಜ್ಜೆಗಿರಿ ಕ್ಷೇತ್ರದ ಬ್ರಹ್ಮಕಲಶ ಉಚ್ಚಯೊಗು ದೇಶ ವಿದೇಶೊರ್ದುಲ ಭಾರಿ ಸಂಖ್ಯೆಡ್ ಭಕ್ತೆರ್ ಜಾತಿ ಮತ ಬೇಧ ಎನ್ನಂದೆ ಸೇರ್ದಿನಂಚೆನೆ ಮೇಳ ಉದಿಪನದ ಲೇಸ್ ಡ್ ಲ ಎಚ್ಚಿನ ಸಂಖ್ಯೆಡ್ ಭಕ್ತೆರ್ ಪಾಲ್ ಪಡೆವುನ ಅಂದಾಜಿ ಉಂಡು ಪಂಡೆರ್. ನ.27 ಕ್ಕ್ ಶ್ರೀ ಕ್ಷೇತ್ರ ಗೆಜ್ಜೆಗಿರಿ ನಂದನ ಬಿತ್ತ್ ಲ್ ಡ್ ಬೊಲ್ಪುಗು ದ್ವಾದಶ ನಾರಿಕೇಳ ಗಣಯಾಗ, ಮಹಾಪೂಜೆ, ಮಧ್ಯಾಹ್ನ ಅನ್ನಸಂತರ್ಪಣೆ, ಯಕ್ಷಗಾನ ನಾಟ್ಯ ವೈಭವ, ಬಯ್ಯಡ್ ದುರ್ಗಾ ನಮಸ್ಕಾರ, ಸಭಾ ಕಾರ್ಯಕ್ರಮ, ಮೇಳ ಉದಿಪನ, ಸಾಧಕೆರೆಗ್ ಮಾನಾದಿಗೆ, ಗೌರವಾರ್ಪಣೆ ನಡತಿ ಬೊಕ್ಕ ರಾತ್ರೆ 9.30 ಗು ಚೌಕಿ ಪೂಜೆ ಬೊಕ್ಕ ದೇವೆರ್ನ ಸುರೂತ್ತ ಸೇವೆದ ಆಟ ನಡಪರೆ ಉಂಡು ಪಂದ್ ಆರ್ ತೆರಿಪಾಯೆರ್. ಮೇಳ ಉದಿಪನ ಲೇಸ್ ಗ್ ಸುಮಾರ್ 20,000 ಸಾರ ಜನ ಪಾಲ್ ಪಡೆವುನ ಅಂದಾಜಿ ಉಂಡು. ಭಕ್ತೆರೆನ ಅನುಕೂಲೊಗು ಬೋಡಾದ್ ಮಾತಾ ಕಡೆರ್ದ್ ಲ ಸುಮಾರ್ 40-50 ಕೆಎಸ್ಸಾರ್ಟಿಸಿ ಬಸ್ ತ್ತ ವ್ಯವಸ್ಥೆ ಮಲ್ತ್ ದ. ಗಾಡಿಲೆಗ್ ಸರಿಯಾಯಿನ ಪಾರ್ಕಿಂಗ್ ವ್ಯವಸ್ಥೆ ಸೇರ್ದ್ ಮಾತಾ ಸವಲತ್ತ್ ಲೆನ್ ವ್ಯವಸ್ಥೆ ಮಲ್ತ್ ದ ಪಂದ್ ತೆರಿಪಾಯೆರ್. ಮೇಳ ಉದಿಪನದ ಲೇಸ್ ಡ್ ಆರ್ಯ ಈಡಿಗ ಮಹಾ ಸಂಸ್ಥಾನ ದ ಶ್ರೀ ವಿಖ್ಯಾತಾನಂದ ಸ್ವಾಮೀಜಿ, ಶ್ರೀ ಕ್ಷೇತ್ರ ಧರ್ಮಸ್ಥಳದ ಹರ್ಷೇಂದ್ರ ಕುಮಾರ್, ಶ್ರೀ ಕ್ಷೇತ್ರ ಕಟೀಲ್ ದ ಕಮಲಾ ದೇವಿ ಅಸ್ರಣ್ಣೆರ್ ಆಶೀರ್ವಚನ ಮಲ್ಪರೆ ಉಲ್ಲೆರ್. ಸಚಿವೆರಾಯಿನ ಕೋಟ ಶ್ರೀನಿವಾಸ ಪೂಜಾರಿ, ಸುನಿಲ್ ಕುಮಾರ್, ಸಂಸದೆರ್ ನಳಿನ್ ಕುಮಾರ್ ಕಟೀಲ್, ಬಿಕೆ.ಹರಿಪ್ರಸಾದ್, ಶಾಸಕೆರಾಯಿನ ಸಂಜೀವ ಮಠಂದೂರು, ಉಮಾನಾಥ ಕೋಟ್ಯಾನ್, ಹರೀಶ್ ಕುಮಾರ್, ಮಾಜಿ ಶಾಸಕೆರ್ ವಸಂತ ಬಂಗೇರ, ಕುದ್ರೋಳಿ ಕ್ಷೇತ್ರದ ಪದ್ಮರಾಜ್ ಆರ್, ಕಟಪಾಡಿ ಕ್ಷೇತ್ರದ ಬಿ.ಎನ್.ಶಂಕರ ಪೂಜಾರಿ ಮೊಕುಲು ಮಾತ ಲೇಸ್ ಡ್ ಮಲ್ಲ ಬಿನ್ನೆರಾದ್ ಬರ್ರೆ ಉಲ್ಲೆರ್ ಪಂದ್ ಆರ್ ಪಂಡೆರ್. ಭಾರಿ ಪುಗರ್ತೆದ ಕಲಾವಿದೆರ್ ಮೇಳೊಡು ಉಲ್ಲೆರ್. ಭಾಗವತೆರಾದ್ ಗಿರೀಶ್ ರೈ ಕಕ್ಕೆಪದವು, ನಿರಂಜನ ಬಡಗಬೆಳ್ಳೂರು, ಮಹಿಷಾಸುರ ವೇಷೊಡು ಪುದರ್ ಪಡೆಯಿನ ಸತೀಶ್ ನೈನಾಡು, ಹಾಸ್ಯ ಕಲಾವಿದೆರಾದ್ ದಿನೇಶ್ ರೈ ಕಡಬ, ಚಂದ್ರಹಾಸ ತುಂಬೆ ಇಂಚ ಭಾರಿ ಪುಗರ್ತೆದ ಮಲ್ಲ ಮಲ್ಲ ಕಲಾವಿದೆರ್ ಮೇಳೊಡು ಉಲ್ಲೆರ್ ಪಂದ್ ಆರ್ ತೆರಿಪಾಯೆರ್. ಸುದ್ದಿಗೋಷ್ಠಿಡ್ ಗೆಜ್ಜೆಗಿರಿ ಕ್ಷೇತ್ರದ ಉಪಾಧ್ಯಕ್ಷೆರ್ ರವಿ ಪೂಜಾರಿ ಚಿಲಿಂಬಿ, ಮೇಳದ ಸಂಚಾಲಕೆರ್ ನವೀನ್ ಸುವರ್ಣ ಸಜೀಪ, ಕುಡ್ಲ ವಲಯದ ಸಂಚಾಲಕೆರ್ ಹರೀಶ್ ಕೆ. ಪೂಜಾರಿ, ವಕ್ತಾರೆರ್ ರಾಜೇಂದ್ರ ಚಿಲಿಂಬಿ, ಕಾರ್ಯದರ್ಶಿ ಚಂದ್ರಶೇಖರ ಉಚ್ಚಿಲ ಇತ್ತೆರ್.

130 ಆಟ ಬುಕ್ಕಿಂಗ್ :
ಗೆಜ್ಜೆಗಿರಿ ಮೇಳೊಗು ಈತ್ನ ಮುಟ್ಟ 130 ರ್ದುಲ ಎಚ್ಚದ ಸಂಖ್ಯೆಡ್ ಆಟ ಬುಕ್ಕಿಂಗ್ ಆತ್ಂಡ್. ಅಯಿಟ್ಟ್ 100 ಮುಟ್ಟ ಗೆಜ್ಜೆಗಿರಿ ಕ್ಷೇತ್ರ ಮಹಾತ್ಮೆ ಆಟ ಬುಕ್ ಆತ್ಂಡ್. ಬೊಂಬೈಡ್ 30 ಆಟ ಬುಕ್ ಆತ್ಂಡ್. ಅವ್ವತ್ತಾಂದೆ ವಿಶ್ವ ವ್ಯಾಪಕ ನಾಮ ಶ್ರೀ ರಾಮ ಬೊಕ್ಕ ಬ್ರಹ್ಮಕಲಶ ಪನ್ಪಿನ ಪೊಸ ರಡ್ಡ್ ಪ್ರಸಂಗೊಲೆನ್ ಮೇಳದ ಕಲಾವಿದೆರ್ ಗೊಬ್ಬುದು ತೋಜಾವರೆ ಉಲ್ಲೆರ್ ಪಂದ್ ಗೆಜ್ಜೆಗಿರಿ ಮೇಳದ ಸಂಚಾಲಕೆರ್ ನವೀನ್ ಸುವರ್ಣ ಸಜೀಪ ತೆರಿಪಾಯೆರ್.

68,000 ರೂ. ವೀಳ್ಯ:
ಗೆಜ್ಜೆಗಿರಿ ಮೇಳದ ಆಟೊನು ಕಾಲಮಿತಿ ಅಂಚೆನೆ ಇಡೀ ರಾತ್ರೆಲ ಗೊಬ್ಬರೆ ತಯಾರಾದುಂಡು. ಕ್ಷೇತ್ರ ಮಹಾತ್ಮೆ ಅತ್ತಾಂದೆ ಶ್ರೀ ದೇವಿ ಮಹಾತ್ಮೆ ಬೊಕ್ಕ ಬೇತೆ ಮಾತಾ ಪ್ರಸಂಗೊಲೆನ್ ಕನ್ನಡ ಅಂಚೆನೆ ತುಳು ಬಾಸೆಡ್ ಗೊಬ್ಬುದು ತೋಜಾವೆರ್. ಆಟ ಗೊಬ್ಬಾವರೆ 68,000 ರೂ. ವೀಳ್ಯ ಉಂಡು. ಅಯಿಟ್ಟ್ ರಂಗಸ್ಥಳ, ಸೌಂಡ್ ಬೊಕ್ಕ ಲೈಟಿಂಗ್ ಲ ಸೇರುಂಡು ಪಂದ್ ನವೀನ್ ಸುವರ್ಣ ತೆರಿಪಾಯೆರ್.