ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

March 11 th: Vijaya Sankalpa yatra in Puttur ಮಾ.11: ಪುತ್ತೂರ್ ಡ್ ವಿಜಯ ಸಂಕಲ್ಪ ಯಾತ್ರೆ

ಪುತ್ತೂರ್: ಮಾರ್ಚ್ 11 ಕ್ಕ್ ಬಯ್ಯಗ್ 5 ಗಂಟೆಗ್ ಪುತ್ತೂರ್ ದ ಶ್ರೀ ವೆಂಕಟರಮಣ ದೇವಲ್ಯದ ಕೈತಲ್ ದ ಮೈದಾನಡ್ ಬಿಜೆಪಿದ ವಿಜಯ ಸಂಕಲ್ಪ ಯಾತ್ರೆ ನಡಪರೆ ಉಂಡು ಪಂದ್ ಪುತ್ತೂರ್ ಬಿಜೆಪಿ ಗ್ರಾಮಾಂತರ ಮಂಡಲದ ಅಧ್ಯಕ್ಷೆರ್ ಸಾಜ ರಾಧಾಕೃಷ್ಣ ಆಳ್ವ ಪಂಡೆರ್.

ಪುತ್ತೂರ್ ಪ್ರೆಸ್ ಕ್ಲಬ್ ಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರ್ದ್ ಮೇರ್, ಬಿಜೆಪಿ ವಿಜಯ ಸಂಕಲ್ಪ ಯಾತ್ರೆ ಒಟ್ಟು ನಾಲ್ ಕೂಟದ ಮುಖೇನ ಪಿದಾಡಿಯೆರೆ ಉಂಡು. ಮಾ.1 ಕ್ಕ್ ಮಲೈ ಮಹಾದೇಶ್ವರ ಬೆಟ್ಟಡ್ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷೆರ್ ಜೆ.ಪಿ.ನಡ್ಡಾ ವಿಜಯ ಸಂಕಲ್ಪ ಯಾತ್ರೆದ ಉದಿಪನ ಮಲ್ತೆರ್. ನೆತ್ತ ಒಂಜಿ ಕೂಟ ಮಾರ್ಚ್ 11 ಕ್ಕ್ ಪುತ್ತೂರ್ ಎತ್ತಿಯೆರೆ ಉಂಡು.ಈ ಕೂಟಡ್ ಬಿಜೆಪಿ ರಾಜ್ಯ ಮುಖಂಡೆರ್ ಆರ್.ಆಶೋಕ್, ಕೆ.ಎಸ್.ಈಶ್ವರಪ್ಪ, ಸುನಿಲ್ ಕುಮಾರ್, ಕೋಟ ಶ್ರೀನಿವಾಸ ಪೂಜಾರಿ, ಎಸ್.ಅಂಗಾರ ಉಲ್ಲೆರ್. ಅಂಚನೆ ಪ್ರತೀ ಬೂತ್ ರ್ದ್ 100 ಜನತ್ತಂಚನೆ ಜನ ಬರಿಯೆರೆ ಉಲ್ಲೆರ್. ಒಟ್ಟು 20 ಸಾರದಾತ್ ಸಾರ್ವಜನಿಕೆರ್ ಈ ಲೇಸ್ ಡ್ ಪಾಲ್ ಪಡೆಪೆರ್ ಪಂದ್ ಪಂಡೆರ್.

March 14-19: Annual Jatra at Shri Panchadurga Parameshwari Daivasta , Koyuoor ಮಾ.14-19 : ಕೊಯ್ಯೂರು ಶ್ರೀ ಪಂಚದುರ್ಗಾ ಪರಮೇಶ್ವರಿ ದೈವೊಲ್ಯಡ್ ಪ್ರತಿಷ್ಠಾ ವರ್ಧಂತಿ, ವರ್ಷಾಧಿದ ಜಾತ್ರೆ

ಬೊಲ್ತೇರ್: ಕೊಯ್ಯೂರು ಶ್ರೀ ಪಂಚದುರ್ಗಾ ಪರಮೇಶ್ವರಿ ದೈವೊಲ್ಯಡ್ ಪ್ರತಿಷ್ಠಾ ವರ್ಧಂತಿ ಬೊಕ್ಕ ವರ್ಷಾಧಿದ ಜಾತ್ರೆ ಮಾ.14-19 ಮುಟ್ಟ ನಡಪರೆ ಉಂಡು.

ನಂದಕುಮಾರ ತಂತ್ರಿಲೆನ ಮುತಾಲಿಕೆಡ್ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲ ಬತ್ತ್ ದ್, ಪ್ರಸಾದ ದೆತೊಂದು, ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಪ್ರಧಾನ ಅರ್ಚಕೆರ್ ಕೆ‌. ಅಶೋಕ್ ಕುಮಾರ್ ಬಾಂಗಿಣ್ಣಾಯ, ಕೊಯ್ಯೂರುಗುತ್ತು ಅನುವಂಶಿಕ ಆಡಳಿತ ಮೊಕ್ತೇಸರೆರ್ ಕೆ.ಬಿ ಹರಿಶ್ಚಂದ್ರ ಬಲ್ಲಾಳ್, ಶ್ರೀ ಪಂಚದುರ್ಗಾ ಭಜನಾ ಮಂಡಳಿ ಬೊಕ್ಕ ಗ್ರಾಮಸ್ಥೆರ್ ಲೆಪ್ಪೋಲೆಡ್ ತೆರಿಪಾದೆರ್.

March 29th: Yarmunjapalla Late Mariamma Bhat memorial Abinaya Rangamandir-Ashwathanarayana Kalpoktha pooja ಮಾ.29: ಯರ್ಮುಂಜಪಳ್ಳ ದಿ. ಮರಿಯಮ್ಮ ಭಟ್ ಸ್ಮಾರಕ ಅಭಿನಯ ರಂಗಮಂದಿರಡ್ ಅಶ್ವತ್ಥ ನಾರಾಯಣ ಕಲ್ಪೋಕ್ತ ಪೂಜೆ

ಪಡ್ನೂರು: ಯುರ್ಮುಂಜಪಳ್ಳ ಶ್ರೀ ಅಶ್ವತ್ಥ ಕಟ್ಟೆ ದೇವತಾ ಸಮಿತಿ ಬೊಕ್ಕ ಜಮಾದಿಪಲ್ಕೆ ಶ್ರೀ ಧೂಮಾವತಿ ಯುವಕ ಮಂಡಲದ ಒಟ್ಟುಸೇರಿಗೆಡ್ ಅಶ್ವತ್ಥ ನಾರಾಯಣ ಕಲ್ಪೋಕ್ತ ಪೂಜೆ ಮಾ.29 ಬುಧಾರ ಯರ್ಮುಂಜಪಳ್ಳ ದಿ. ಮರಿಯಮ್ಮ ಭಟ್ ಸ್ಮಾರಕ ಅಭಿನಯ ರಂಗಮಂದಿರಡ್ ನಡಪರೆ ಉಂಡು.

ಬನಾರಿ ಹರಿಪ್ರಸಾದ್ ಭಟ್ ಪೌರೋಹಿತ್ಯಡ್ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು. ಬೊಲ್ಪುಗು ಗಣಹೋಮ, ಅಶ್ವತ್ಥ ನಾರಾಯಣ ಕಲ್ಪೋಕ್ತ ಪೂಜೆ, ಮಧ್ಯಾಹ್ನ ಮಹಾಪೂಜೆ ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ಸಾಂಸ್ಕೃತಿಕ ಲೇಸ್ ಕಲ್ಲಡ್ಕ ವಿಠಲ ನಾಯಕ್ ಬೊಕ್ಕ ಕೂಟದಕ್ಲೆರ್ದ್ ಗೀತಾ ಸಾಹಿತ್ಯ ಸಂಭ್ರಮ ಬೊಕ್ಕ ಸಭಾ ಲೇಸ್ ಆದ್ ವಿಜಯಕುಮಾರ್ ಕೊಡಿಯಾಲ್ ಬೈಲ್ ನಿರ್ದೇಶನದ ಕಾಂತಾರ ಪಿಕ್ಚರ್ ಗುರುವ ಪಾತ್ರದ ಸ್ವರಾಜ್ ಶೆಟ್ಟಿ ಅಭಿನಯದ ಶಿವದೂತೆ ಗುಳಿಗೆ ತುಳು ನಾಟಕ ನಡಪರೆ ಉಂಡು ಪಂದ್ ಶ್ರೀ ಅಶ್ವತ್ಥ ಕಟ್ಟೆ ದೇವತಾ ಸಮಿತಿದ ಅಧ್ಯಕ್ಷೆರ್ ಗಿರಿಯಪ್ಪ ಪೂಜಾರಿ ಅಂಡೆಪುಣಿ, ಗೌರವಾಧ್ಯಕ್ಷೆರ್ ಪಿ. ಈಶ್ವರ್ ಭಟ್ ಪಂಜಿಗುಡ್ಡೆ, ಶ್ರೀ ಧೂಮಾವತಿ ಯುವಕ ಮಂಡಲದ ಅಧ್ಯಕ್ಷೆರ್ ಜಯರಾಮ್ ಪೂಜಾರಿ ಪಟ್ಟೆ, ಗೌರವಾಧ್ಯಕ್ಷೆರ್ ಅವಿನಾಶ್ ಜೈನ್ ಪರಂಗಾಜೆ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Air India staff smuggling gold arrested ಕಲ್ವ ತಾದಿಡ್ ಬಂಗಾರ್ ಕೊನೊಂದಿತ್ತಿನ ಏರ್ ಇಂಡಿಯಾ ಸ್ಟಾಫ್ ಅರೆಸ್ಟ್

ಕೊಚ್ಚಿ: ಕಲ್ವ ತಾದಿಡ್ ಬಂಗಾರ್ ಕೊನೊಂದಿತ್ತಿನ ಕೇಸ್ ದ ಬಗೆಟ್ ಏರ್ ಇಂಡಿಯಾ ಸಂಸ್ಥೆದ ಬೇಲೆದರೆನ್ ಅರೆಸ್ಟ್ ಮಲ್ದೆರ್.

ಅರೆಸ್ಟ್ ಆಯಿನ ಆರೋಪಿ ಶಾಫಿ ಪಂದ್ ತೆರಿದ್ ಬೈದ್ಂಡ್. ಆರೋಪಿಡ ಇತ್ತಿನ 1487 ಗ್ರಾಂ ಬಂಗಾರ್ ನ್ ವಶಕ್ಕ್ ಪಡೆತೆರ್. ಶಾಫಿ ಏರ್ ಇಂಡಿಯಾ ಸಂಸ್ಥೆದ ಕ್ಯಾಬಿನ್ ಸಿಬ್ಬಂದಿಯಾದ್ ಬಹರೈನ್-ಕೋಯಿಕೋಡ್- ಕೊಚ್ಚಿ ನಡುಟ್ಟು ಸಂಚಾರ ಮಲ್ತೊಂದು ಇತ್ತಿನ ಏರ್ ಇಂಡಿಯಾ ಇಮಾನಡ್ ಬೇಲೆ ಮಲ್ತೊಂದು ಉಲ್ಲೆರ್. ಕೊಚ್ಚಿಡ್ ಆರೋಪಿನ್ ಕಸ್ಟಮ್ಸ್ ಅಧಿಕಾರಿಲು ಅರೆಸ್ಟ್ ಮಲ್ದೆರ್.

Air India staff smuggling gold arrested

Cochin: Air India staffer was arrested in connection with a case of gold smuggling.
The arrested has been identified as Shafi and 1487 grams was confiscated from him. He was a cabin crew with Air India on the Bharin Kozhikode Cochin flight.

March 13-15: Annual Jatra at Shri Ullaklu, Dhumavathi, Malaraya Daiva, Kedila ಮಾ.13-15: ಕೆದಿಲ ಶ್ರೀ ಉಳ್ಳಾಕ್ಲು ಧೂಮಾವತಿ ಮಲರಾಯ ದೈವೊಲ್ಯಡ್ ವರ್ಷಾಧಿದ ಜಾತ್ರೆ

ಕೆದಿಲ ಶ್ರೀ ಉಳ್ಳಾಕ್ಲು ಧೂಮಾವತಿ ಮಲರಾಯ ದೈವೊಲ್ಯಡ್ ವರ್ಷಾಧಿದ ಜಾತ್ರೆ ಮಾ.13-15 ಮುಟ್ಟ ನಡಪರೆ ಉಂಡು.

ಕೆಮ್ಮಿಂಜೆ ನಾಗೇಶ ತಂತ್ರಿಲೆನ ಮುತಾಲಿಕೆಡ್ ಈ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು. ಮಾ.6 ಸೋಮಾರ ಕೈಲ್ ಕಡ್ತೆರ್. ಮಾ.12 ಐತಾರ ಪುದೆಕಾಣಿಕೆ ಸಮರ್ಪಣೆ, ಉಗ್ರಾಣ ದಿಂಜಾಯೆರೆ ಉಂಡು. ಮಾ.13 ಸೋಮಾರ ಬೊಲ್ಪುಗು ಗಣಹೋಮ, ಚಾವಡಿರ್ದ್ ಭಂಡಾರ ಬರ್ಪುಂಡು. ಕಲಶಾಭಿಷೇಕ, ಕೊಡಿ ಏರುಂಡು. ಮಧ್ಯಾಹ್ನ ಅನ್ನಸಂತರ್ಪಣೆ ನಡಪರೆ ಉಂಡು. ರಾತ್ರೆ ಶ್ರೀ ಉಳ್ಳಾಕ್ಲು ಓಲಸರಿ ನೇಮ ನಡಪರೆ ಉಂಡು. ಮಾ.14 ಅಂಗಾರೆ ಮಧ್ಯಾಹ್ನ ಮಹಾಪೂಜೆ, ಪ್ರಸಾದ ಕೊರಿಯೆರೆ ಉಂಡು. ರಾತ್ರೆ ಶ್ರೀ ಮಲರಾಯ, ಧೂಮಾವತಿ, ರಕ್ತೇಶ್ವರಿ ಬೊಕ್ಕ ಪಿಲಿಚಾಮುಂಡಿ ದೈವೊದ ನೇಮ ನಡಪರೆ ಉಂಡು. ಮಾ.15 ಬುಧಾರ ಬೊಲ್ಪುಗು ಗಣಹೋಮ, ಕೊಡಿ ಜವೆರೆ ಉಂಡು. ಬೊಕ್ಕ ಚಾವಡಿಗ್ ಭಂಡಾರ ಲ ಪೋಪುಂಡು. ಅವೆರ್ದ್ ಬೊಕ್ಕ ಸಂಕ್ರಾಂತಿ ತಂಬಿಲ, ಮಹಾಪೂಜೆ, ಪ್ರಸಾದ ಕೊರಿಯೆರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ದೈವೊಲ್ಯದ ಅಧ್ಯಕ್ಷೆರ್ ಜೆ‌.ಕೃಷ್ಣ ಭಟ್ಟ್ ಕೇಶವ ಕೃಪಾ ಮೀರಾವನ, ಪದಾಧಿಕಾರಿಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

March 15 th – 16 th : Nema celebration for Alekadi Sri Naga Brahma Aadhi Mugerkala ಮಾ.15-16: ಅಲೆಕ್ಕಾಡಿ ಶ್ರೀ ನಾಗಬ್ರಹ್ಮ ಆದಿ ಮೊಗೇರ್ಕಳ ನೇಮ ಉಚ್ಚಯ

ಸುಳ್ಯ: ಅಲೆಕ್ಕಾಡಿ ಶ್ರೀ ನಾಗಬ್ರಹ್ಮ ಆದಿ ಮೊಗೇರ್ಕಳ ನೇಮ ಉಚ್ಚಯ ಸಮಿತಿದ ಮುತಾಲಿಕೆಡ್ ಶ್ರೀ ನಾಗಬ್ರಹ್ಮ ಆದಿ ಮೊಗೇರ್ಕಳ ನೇಮ ಮಾ.15 ಬೊಕ್ಕ 16 ಕ್ಕ್ ನಡಪರೆ ಉಂಡು.

ಮಾ.15 ಬುಧಾರ ಬಯ್ಯಗ್ ಶ್ರೀ ದೈವೊಲೆನ ಭಂಡಾರ ದೆಪ್ಪೆರೆ ಉಂಡು. ರಾತ್ರೆ ಶ್ರೀ ಆದಿ ಮೊಗೇರ್ಕಳ ಗರಡಿ ಜಪ್ಪುಂಡು. ಮಾ.16 ಗುರುವಾರ ಬೊಲ್ಪುಗು ತನ್ನಿಮಾನಿಗ ಗರೊಡಿ ಜಪ್ಪುಂಡು. ಬೊಕ್ಕ ಪರಕೆ, ಶ್ರೀಗಂಧ ಪ್ರಸಾದ ಕೊರಿಯೆರೆ ಉಂಡು. ಅವೆರ್ದ್ ಬೊಕ್ಕ ಶ್ರೀ ಕೊರಗ ತನಿಯ ನೇಮ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಅಲೆಕ್ಕಾಡಿ ಶ್ರೀ ನಾಗಬ್ರಹ್ಮ ಆದಿ ಮೊಗೇರ್ಕಳ ನೇಮ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ವಾಸುದೇವ ಕೊಡೆಂಕಿರಿ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Senior actor and renowned director Satish Kaushik no more ಬಾಲಿವುಡ್ ದ ಪೆರಿಯ ನಟೆ, ನಿರ್ದೇಶಕೆರ್ ಸತೀಶ್ ಕೌಶಿಕ್ ದೇವೆರೆ ಪಾದ ಸೇರಿಯೆರ್

ಡೆಲ್ಲಿ: ಬಾಲಿವುಡ್‌ ದ ಪೆರಿಯ ನಟೆ ಬೊಕ್ಕ ನಿರ್ದೇಶಕೆರ್ ಸತೀಶ್ ಕೌಶಿಕ್(66) ಬುಧಾರ ಮುಂಬೈಡ್ ದೇವೆರೆ ಪಾದ ಸೇರಿಯೆರ್. ಈ ವಿಷಯೊನು ಅರೆನ ದೋಸ್ತಿ ಪೆರಿಯ ನಟೆ ಅನುಪಮ್ ಖೇರ್ ಟ್ವಿಟ್ ಮಲ್ದೆರ್.

ಮೇರ್ ಗುರುಗ್ರಾಮ್‌ ಗ್ ತನ್ನ ದೋಸ್ತಿನ್ ಭೇಟಿ ಆವರೆ ಪೋನಗ ತಿಗಲೆ ಬೇನೆಡ್ ತೀರ್ ಪೋಯೆರ್ ಪಂದ್ ವರದಿ ಆತ್ಂಡ್. ಏಪ್ರಿಲ್‌, 13, 1956 ಟ್ ಹರ್ಯಾಣಡ್ ಪುಟ್ಟಿನ ಮೇರ್, ಸತೀಶ್‌ ನ್ಯಾಷನಲ್ ಸ್ಕೂಲ್ ಆಫ್ ಡ್ರಾಮಾ ಬೊಕ್ಕ ಫಿಲ್ಮ್ ಅಂಡ್ ಟೆಲಿವಿಷನ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾದ ಹಳೆ ವಿದ್ಯಾರ್ಥಿ ಆದಿತ್ತೆರ್.

Senior actor and renowned director Satish Kaushik no more

Delhi : Well known Bollywood director and actor Satish Kaushik (66) died of a heart attack on Wednesday. Hailing from Haryana he is the old student of National School of Drama and Film and Telivision Institute of India.