ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಕಂಕನಾಡಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ಐತಾರ ಪೂರ್ವಭಾವಿ ಸಭೆ

ತಾರೀಖ್ 08-05-2021 ಶನಿವಾರರ್ದ್, 13-05-2021 ಗುರುವಾರದ ಮುಟ ನಡಪರೆ ಉಪ್ಪುನ ಕಂಕನಾಡಿ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಅಷ್ಟಬಂಧ ಬ್ರಹ್ಮಕಲಶೋತ್ಸವದ ಪೂರ್ವಭಾವಿ ಸಭೆ ತಾರೀಖ್ 14/2/2021 ನೇ ಐತಾರ 4 ಗಂಟೆಗ್ ಸರಿಯಾದ ಕ್ಷೇತ್ರದ ಸಭಾಭವನಡ್ ನಡಪರೆ ಉಂಡು ಪಂದ್ ಕ್ಷೇತ್ರ ದ ಆಡಳಿತ ಮಂಡಳಿ ಪ್ರಕಟಣೆ ಡ್ ತೆರಿಪಾದೆರ್.

ಪಡುಬಿದ್ರಿ: ಪೊಸತಾದ್ ಸುರು ಆಪಿನ ಸಂಸ್ಥೆಡ್ ಕೈತಲ್ ದಕ್ಲೆಗ್ ಉದ್ಯೋಗವಕಾಶ ಕೊರ್ರೆ ಆಗ್ರಹ

ಪಡುಬಿದ್ರಿ: ಪೊಸತಾದ್ ಸುರು ಆಯರೇ ಉಪ್ಪುನ ಸಂಸ್ಥೆಡ್ ಕೈತಲ್ ದಕ್ಲೆಗ್ ಉದ್ಯೋಗವಕಾಶ ಕೊರೊಡು ಪಂದ್ ಆಗ್ರಹ ಮಲ್ತ್ ದ್ ಪಡುಬಿದ್ರಿ ಗ್ರಾಮ ಪಂಚಾಯಿತಿ ಪಿಡಿಓ ಮೆರೆಗ್ ಕೈತಲ್ ದಕುಲು ಅಂಗಾರೆ ಮನವಿ ಮಲ್ತೆರ್.

ಪಡುಬಿದ್ರಿ ಗ್ರಾಮ ಪಂಚಾಯಿತಿದ ನಡ್ಸಾಲು ಗ್ರಾಮದ ಕಂಚಿನಡ್ಕಡ್ ಅರುಣಾ ಮಸಾಲ ಪನ್ಪಿನ ಸಂಸ್ಥೆ ಸುರು ಆಯರೇ ಉಂಡು ನೆಟ್ಟ್ ಕೈತಲ್ ದಕ್ಲೆಗ್ ಬೇಲೆಗ್ ಸುರುತ ಅವಕಾಶ ಕೊರೊಡು ಪಂದ್ ಮನವಿಡ್ ಪಂಡೆರ್.

ರಾಜ್ಯ ಮಟ್ಟದ ವುಶು ಕ್ರೀಡಾಕೂಟಡ್ ದಕ್ಷಿಣ ಕನ್ನಡ ವುಶು ಸಂಸ್ಥೆಗ್ ರಡ್ಡನೇ ಸಮಗ್ರ ಪ್ರಶಸ್ತಿ

ಕೈಕಂಬ:ಕರ್ನಾಟಕದ ಬಾಗಲಕೋಟೆಡ್ ನಡತಿನ ರಾಜ್ಯಮಟ್ಟದ ವುಶು ಕ್ರೀಡಾಕೂಟ ಡ್ ದಕ್ಷಿಣ ಕನ್ನಡ ವುಶು ಸಂಸ್ಥೆನ್ ಪ್ರತಿನಿಧಿಸಾಯಿನ ಇನ್ಸ್ಟಿಟ್ಯೂಟ್ ಆಫ್ ಕರಾಟೆ ಎಂಡ್ ಮಾರ್ಷಲ್ ಆರ್ಟ್ಸ್ ಸಂಸ್ಥೆದ ಸದಸ್ಯೆರ್ 10 ಬಂಗಾರ್ , 3 ಬೊಳ್ಳಿ ಬೊಕ್ಕ 4 ಕಂಚ್ ದ ಪದಕ ಗೆಂದ್ ದೆರ್. ದ.ಕ ವುಶು ಸಂಸ್ಥೆದ ಕೂಟ ರಾಜ್ಯ ಮಟ್ಟಡ್ ರಡ್ಡನೆ ಇನಾಮು ಗೆಂದ್ದುಂಡು.

ಈ ತಂಡ ಸಂಸ್ಥೆದ ಮುಖ್ಯ ಶಿಕ್ಷಕೆರಾಯಿನ ನಿತಿನ್ ಎನ್ ಸುವರ್ಣ ಬೊಕ್ಕ ಶಿಕ್ಷಕೆರಾಯಿನ ಸಂಪತ್ ಕುಮಾರ್ ಮೇರ್ ನೆರ್ದ್ ತರಬೇತಿ ಪಡೆಯೊಂದೆರ್.