Tue. Nov 17th, 2026

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಅಮೆರಿಕದ ಶಾಲೆಡ್ ಮೊಬೈಲ್ ನಿಷೇಧ: ಕಲ್ಪುನೆಟ್ಟ್ ಹುಷಾರಾತೆರ್ ಜೋಕುಲು!!

ವಾಷಿಂಗ್ಟನ್: ಅಮೆರಿಕದ ಪ್ರೌಢಶಾಲೆಡ್ ಸ್ಮಾರ್ಟ್ ಫೋನ್‌ನ್ ಗಳಸುನೆನ್ ನಿಷೇಧ ಮಲ್ತ್‌ದೆರ್. ಉಂದು ಎಡ್ಡೆ ರೀತಿಡ್ ಪರಿಣಾಮ ಬೂರ್ದಿತ್ತ್‌ದ್ ಕಲ್ಪಾರ್ಥಿಲು ಎಚ್ಚದ ಕುಷಿಟ್ಟ್ ಇಪ್ಪುನವು ತೋಜಿದ್ ಬೈದ್ಂಡ್. ಉಂದೆರ್ದಾವರ ಕಲ್ಪುನೆಟ್ಟ್ ಎಚ್ಚದ ಆಸಕ್ತಿ ಬೈದ್ಂಡ್.

ಮೆಸ್ಸಾಚುಸೆಟ್ಸ್‌ಡ್ ಇಪ್ಪುನ ಬುಕ್ಸಟನ್ ಸ್ಕೂಲ್‌ಡ್ ಮೊಬೈಲ್ ಗಳಸುನೆನ್ ನಿಷೇಧ ಮಲ್ತ್‌ದೆರ್. ಕೊರೋನಾರ್ದ್ ಬೊಕ್ಕ ಕಲ್ಪಾರ್ಥಿಲು ಶಾಲೆಗ್ ಬನ್ನಗ ಎಚ್ಚ ಮೊಬೈಲ್ ಗಳಸುನವು ತೋಜಿದ್ ಬತ್ತಿತ್ಂಡ್. ಇಂಚಾದ್ ನಿಷೇಧ ಮಲ್ತ್‌ದೆರ್.

 

ತುಳುವೆರೆಂಕುಲು ಬೆಂಗ್ಲೂರ್ ಮುತಾಲಿಕೆಡ್ ಬಲಿಯೇಂದ್ರ ಪರ್ಬ, ಬಲಿಯೇಂದ್ರ ಪುರಸ್ಕಾರ ಲೇಸ್-2022

ತುಳುವೆರೆಂಕುಲು ಬೆಂಗ್ಲೂರ್ (ರಿ.) ದ ಮುತಾಲಿಕೆಡ್ ಬಲಿಯೇಂದ್ರ ಪರ್ಬ ಆಚರಣೆ, ಬಲಿಯೇಂದ್ರ ಪುರಸ್ಕಾರ ಪ್ರದಾನ ಲೇಸ್-2022 ಡಿ.11 ಐತಾರ ಬಯ್ಯಡ್ 3 ಗಂಟೆರ್ದ್ 8 ಗಂಟೆ ಮುಟ್ಟ ಚಾಮರಾಜಪೇಟೆದ ಕನ್ನಡ ಸಾಹಿತ್ಯ ಪರಿಷತ್ ದ ಅಕ್ಕಮಹಾದೇವಿ ಜಾವಡಿ, ಡಾ. ಉದಯ ಧರ್ಮಸ್ಥಳ ವೇದಿಕೆಡ್ ನಡಪರೆ ಉಂಡು.

ಈ ಲೇಸ್ ಸಾಂಸ್ಕೃತಿಕ ಲೇಸ್ ರ್ದ್ ಸುರು ಆದ್, ತುಳು ಯಕ್ಷಗಾನ ತಾಳಮದ್ದಲೆ- ತುಳುವಾಲ ಬಲಿಯೇಂದ್ರ ನಡಪುಂಡು. ಭಾಗವತೆರಾದ್, ದೀಪಕ್ ತುಲ್ಪುಲೆ, ಚೆಂಡೆ ಜಯಪ್ರಕಾಶ್ ಧರ್ಮಸ್ಥಳ, ಮದ್ದಳೆ ಗಿರೀಶ್ ಪರಂಗೋಡು, ಬೊಕ್ಕ ಕಲಾವಿದೆರಾದ್, ದಯಾನಂದ ಜಿ.ಕತ್ತಲ್ ಸಾರ್, ಸದಾಶಿವ ಆಳ್ವ ತಲಪಾಡಿ, ಮಟ್ಟಿ ರಾಮಚಂದ್ರ ರಾವ್, ಬೊಕ್ಕ ಸಂಯೋಜನೆಡ್ ಗೋಪಾಲಕೃಷ್ಣ ಕುಂಜತ್ತಾಯ, ಉಲ್ಲೆರ್. ಆಯಿರ್ದ್ ಬೊಕ್ಕ ಸಭಾ ಲೇಸ್, ಸಾಂಪ್ರದಾಯಿಕ ತುಡರಪರ್ಬ ಆಚರಣೆ, ಬಲಿಯೇಂದ್ರ ಪುರಸ್ಕಾರ ಪ್ರಧಾನ, ಉಡಲ್ದ ಕಡಲ್ ತುಳು ಕಬಿತೆದ ಗೊಂಚಲ್ ಉದಿಪನ ನಡಪರೆ ಉಂಡು.ಈ ಕಬಿತೆನ್ ಡಾ.ಶ್ರೀಲತಾ ಎ. ಬರೆತೆರ್. ಬೊಕ್ಕ ಉಡಲ್ದ ಕಡಲ್ ದ ಪೊಲಬುನ್ ಶ್ರೀ ವಿ. ಶಾಂತಾರಾಮ ಶೆಟ್ಟಿ ಕೊರಿಯೆರೆ ಉಲ್ಲೆರ್. ಬೊಕ್ಕ ಇಸೇಸ ಸಾಂಸ್ಕೃತಿಕ ಲೇಸ್, ಡಾ. ರಾಧಿಕಾ ಕಲ್ಲೂರಾಯ ಮೆರೆನ ಕೂಟರ್ದ್ ನಡಪುಂಡು.

ಬೊಕ್ಕ ಬಲಿಯೇಂದ್ರ ಪರ್ಬ ಆಚರಣೆ, ಬಲಿಯೇಂದ್ರ ಪುರಸ್ಕಾರ ಪ್ರದಾನ ಲೇಸ್-2022 ತ ಗುರ್ಕಾರ್ಮೆನ್ ತುಳುವೆರೆಂಕುಲು ಬೆಂಗ್ಲೂರ್ ದ ಗೌರವಾಧ್ಯಕ್ಷೆರ್ ಡಿ. ಸುರೇಂದ್ರ ಕುಮಾರ್ ಒಯಿಸೊನ್ವೆರ್. ತೌಳವ ವೀರ ರಾಣಿ ಅಬ್ಬಕ್ಕ ದೇವಿ ವಂಶಸ್ಥೆರ್, ಚಿಂತಕೆರ್ ಅನಿತಾ ಸುರೇಂದ್ರ ಕುಮಾರ್ ಉದಿಪನ ಮಲ್ಪುವೆರ್. ಬೊಕ್ಕ ತುಳುವೆರೆಂಕುಲು ಮಾಜಿ ಅಧ್ಯಕ್ಷೆರ್, ಸಂಘಟಕೆರ್ ರವೀಂದ್ರ ಕುಮಾರ್, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ನಿಕಟಪೂರ್ವ ಗುರ್ಕಾರ್ಲು ದಯಾನಂದ ಜಿ.ಕತ್ತಲ್ ಸಾರ್, ಖ್ಯಾತ ನೃತ್ಯ ವಿದುಷಿ, ಕಲಾವಿದೆರ್ ರಾಧಿಕಾ ಕಲ್ಲೂರಾಯ ಮೊಕ್ಲೆಗ್ ಬಲಿಯೇಂದ್ರ ಪುರಸ್ಕಾರ ಮಲ್ಪರೆ ಉಂಡು. ಬೊಕ್ಕ ದಿ.ಉದಯ ಧರ್ಮಸ್ಥಳ ಸ್ಮರಣಾರ್ಥ ಉದಯ ಕಲಾ ಭೂಷಣ ಇಸೇಸ ಪ್ರಶಸ್ತಿನ್ ಖ್ಯಾತ ಆಯುರ್ವೇದ ವೈದ್ಯೆರ್, ಸಮಾಜ ಚಿಂತಕೆರ್ ಡಾ. ಕೆ.ಸಿ ಬಲ್ಲಾಳ್ ಮೆರೆಗ್ ಕೊರಿಯೆರೆ ಉಂಡು. ಅಂಚನೆ ಈ ಲೇಸ್ ಗ್ ಮಲ್ಲ ಬಿನ್ನೆರಾದ್ ಬೆಂಗ್ಲೂರ್ ದ.ಕ. ಸಂಘ ಬೆಂ. ಬೊಕ್ಕ ಆನಂದ ಬಳಗದ ಅಧ್ಯಕ್ಷೆರ್ ಬಾ. ರಾಮಚಂದ್ರ ಉಪಾಧ್ಯ, ತುಳು-ಕನ್ನಡ ಕವಿ, ಸಾಹಿತಿ, ಚಿಂತಕೆರ್ ವಿ. ಶಾಂತಾರಾಮ ಶೆಟ್ಟಿ, ಬಹುಭಾಷಾ ಬರವುಗಾರ್ತಿ, ಕವಯತ್ರಿ ಶ್ರೀಲತಾ ಎ. ಬರಿಯೆರೆ ಉಲ್ಲೆರ್.

ಅಂಚನೆ ಈ ಲೇಸ್ ಗ್ ಮಾತೆರೆನ್ಲಾ ತುಳುವೆರೆಂಕುಲು ಬೆಂಗ್ಲೂರ್ (ರಿ) ಗುರ್ಕಾರ್ಲು ವೈ.ಜಯಂತ್ ರಾವ್, ಮುಖ್ಯ ಕಾರ್ಯಂತೆರ್ ಪಳ್ಳಿ ವಿಶ್ವನಾಥ ಶೆಟ್ಟಿ, ಪದಾಧಿಕಾರಿಲು, ಕಾರ್ಯಕಾರಿ ಸಮಿತಿ ಸರ್ವ ಸದಸ್ಯೆರ್, ಬೊಕ್ಕ ನಿಕಟಪೂರ್ವ ಗುರ್ಕಾರ್ಲು ವಿಜಯಕುಮಾರ್ ಕುಲಶೇಖರ, ಪಿ.ಎನ್ ವಿಷ್ಣುಮೂರ್ತಿ, ಜಲಜಾ ಶೇಖರ್, ಚಂದ್ರಹಾಸ್.ಎಸ್, ಚಾರ್ಲ್ಸ್ ಗೊಮ್ಸ್, ಪಿ.ಸಿ ರಾವ್, ವೀಣಾ ರಾವ್, ಬೊಕ್ಕ ಜಂಟಿ ಕಾರ್ಯಂತೆರ್ ಗೋಪಾಲಕೃಷ್ಣ ಕೆ. ಜತೆ ಕಾರ್ಯದರ್ಶಿಲು ಟಿ.ಎಸ್ ನಾಗರಾಜ ಉಪಾಧ್ಯಾಯ, ವಾಮನ ಬೆಂಗ್ರೆ, ನಿಧಿಶ್ ಶೆಟ್ಟಿ, ಕಾರ್ಯಕಾರಿ ಸಮಿತಿ ಸದಸ್ಯೆರ್ ಡಾ. ಕೆ.ಎನ್ ಅಡಿಗ ಅಡೂರು, ಎಸ್ ಎನ್ ಹೇರ್ಳೆ, ಉಮೇಶ್ ಬಿ.ಕೆ, ಮಟ್ಟಿ ರಾಮಚಂದ್ರ ರಾವ್, ಎಸ್ ಎನ್ ಹೇರ್ಳೆ, ಉಮೇಶ್ ಬಿ.ಕೆ, ಮಟ್ಟಿ ರಾಮಚಂದ್ರ ರಾವ್, ಎಸ್ ಹೆಚ್ ಉಪಾಧ್ಯ, ಡೇವಿಡ್ ಸೋನ್ಸ್, ರೂಪಾ ಶಾಸ್ತ್ರಿ, ಗೋಪಾಲ್ ಪೂಜಾರಿ ಪಟ್ಟೆ, ಮಾಜಿ ಗುರ್ಕಾರ್ನಕುಲು, ಡಾ. ಕೆ.ಪಿ ಪುತ್ತೂರಾಯ, ಮನಮೋಹನ ಬೋಳಾರ್, ವಾಮನ ಸಾಲಿಯಾನ್, ರವೀಂದ್ರ ಕುಮಾರ್, ಕೆ.ಎಲ್ ರಮಾನಾಥ ಭಟ್, ಬಿ.ಮಾಧವ ಕುಲಾಲ್, ಡಾ.ಕೆ.ಎನ್ ಅಡಿಗ, ಅಡೂರು, ಇಸೇಸ ಆಹ್ವಾನಿತೆರ್ ಗಣೇಶ್ ರಾವ್, ಉಪ್ಪಳ ರಾಜಾರಾಮ ಶೆಟ್ಟಿ, ಶ್ರೀಲತಾ ಎ. ಕಾಂತಿ ಶೆಟ್ಟಿ, ಸತೀಶ್ ಅಗ್ವಲ, ಜಯ ಕೋಟ್ಯಾನ್, ಶೇಖರ್ ಎಸ್, ಸದಾನಂದ ಪೂಜಾರಿ ಕಾರ್ಲ, ಬೊಕ್ಕ ತುಳುನಾಡ್ ದ ಸಂಘ ಸಂಸ್ಥೆಲು ಮೋಕೆಡ್ ಎದ್ಕೊಂದೆರ್.

ದೇಶದ ಸುರುತ್ತ ಬಂಗಾರ್‌ದ ಎಟಿಎಂ ಉದಿಪನ

ಹೈದರಾಬಾದ್: ಭಾರತ ದೇಶೋಡೇ ಸುರುತ್ತ ಬಂಗಾರ್‌ದ ಎಟಿಎಂ ಬೇಗಂ ಪೇಟೆಡ್ ಉದಿಪನ ಆತ್ಂಡ್. ತೆಲಂಗಾಣ ಪೊಂಜೊವುಲೆನ ಆಯೋಗದ ಅಧ್ಯಕ್ಷೆರ್ ಸುನಿತಾ ಲಕ್ಷ್ಮ ರೆಡ್ಡಿ ಬಂಗಾರ್‌ದ ಎಟಿಎಂ ನ್ ಉದಿಪನ ಮಲ್ತ್‌ದೆರ್.

ಈ ಎಟಿಎಂರ್ದ್ ಕ್ರೆಡಿಟ್ ಬೊಕ್ಕ ಡೆಬಿಟ್ ಕಾರ್ಡ್‌ನ್ ಗಳಸೊಂದು ಬಂಗಾರ್‌ನ್ ಡ್ರಾ ಮಲ್ಪೊಲಿ. ಶೇ. 99.99 ದಾತ್ ಸುದ್ದದ 0.5,1,2,5,10,20,50,100 ಗ್ರಾಂ ತೂಕದ ಬಂಗಾರ್‌ದ ಪಾವೊಲಿಲೆನ್ ಡ್ರಾ ಮಲ್ಪೊಲಿ.

ಮೋಕೆದಾಲೆಡ ಕೊಂಡಾಟದ ಪಾತೆರ ಕೃತಿ ಬುಡುಗಡೆ ಬೊಕ್ಕ ತುಳು ಕಬಿಲೆನ ಸೇರಿಗೆ

ವಿದ್ಯಾ ಪ್ರಕಾಶನ ಕುಡ್ಲ ಆಯೋಜನೆ ಮಲ್ತಿನ ರಘು ಇಡ್ಕಿದು ಮೆರೆನ 28 ನೇ ಬೂಕು, ಮೋಕೆದಾಲೆಡ ಕೊಂಡಾಟದ ಪಾತೆರ ಬುಡುಗಡೆ ಬೊಕ್ಕ ತುಳು ಕಬಿಲೆನ ಸೇರಿಗೆ ಲೇಸ್ ಡಿ. 11 ಬೊಲ್ಪುಗು 10 ಗಂಟೆಗ್ ಕುಡ್ಲದ ಕೆನರಾ ಕಾಲೇಜ್ ಚಾವಡಿಡ್ ನಡಪರೆ ಉಂಡು.

ಪದ್ಮಶ್ರೀ ಹರೇಕಳ ಹಾಜಬ್ಬ ಬೂಕು ಬುಡುಗಡೆ ಮಲ್ಪರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ತುಳು ರಂಗಭೂಮಿದ ಪೆರಿಯ ನಟಿ ಜಯಶೀಲ ಮರೋಳಿ ಪಾಲ್ ಪಡೆಯೆರೆ ಉಲ್ಲೆರ್. ಬೂಕುದ ಬಗೆಟ್ ಶಿಕ್ಷಕೆರ್, ಲೇಖಕೆರ್ ಆದಿಪ್ಪುನ ರಮೇಶ್ ಉಳಯ ಪಾತೆರಿಯೆರೆ ಉಲ್ಲೆರ್. ಈ ಲೇಸ್ ಡ್ ಫ್ರೊ.ಪಿ ಕೃಷ್ಣಮೂರ್ತಿ ಬೊಕ್ಕ ಕಾ.‌ವೀ.ಕೃಷ್ಣದಾಸ್ ಪಾಲ್ ಪಡೆಯೆರೆ ಉಲ್ಲೆರ್. ಲೇಸ್ ದ ಅಧ್ಯಕ್ಷತೆನ್ ಸದಾನಂದ ನಾರಾವಿ ಒಯಿಸೊನ್ವೆರ್. ಕಬಿಕುಲಾಯಿನ ವಿಜಯಕುಮಾರ್ ಭಂಡಾರಿ ಹೆಬ್ಬಾರಬೈಲು, ಸುಧಾ ನಾಗೇಶ್, ವಿಜಯಲಕ್ಷ್ಮಿ ಕಟೀಲ್, ನಾರಾಯಣ ಕುಂಬ್ರ, ಲತೀಶ್ ಎಂ ಸಂಕೊಳಿಗೆ, ಎಡ್ವರ್ಡ್ ಲೋಬೋ ತೊಕ್ಕೊಟ್ಟು ದಾ.ನ ಉಮಾಣ್ಣ, ಎಸ್. ಕೆ ಕುಂಪಲ, ಸುಲೋಚನಾ ಪಚ್ಚಿನಡ್ಕ, ಯಶವಂತ ಡಿ.ಎಸ್, ರೇಮಂಡ್ ಡಿ’ಕುನ್ಹ, ರಾಜೇಶ್ ಶೆಟ್ಟಿ ದೋಟ, ಬದ್ರುದ್ದೀನ್ ಕೂಳೂರು, ಹಿತೇಶ್ ಕುಮಾರ್ ಕುಮಾರ್ ಎಂ, ಅರ್ಚನಾ ಎಂ. ಬಂಗೇರ, ರಮ್ಯಾ ಎಂ ಶ್ರೀನಿವಾಸ, ವೆಂಕಟೇಶ ಗಟ್ಟಿ, ಶಶಿಧರ್ ಏಮಾಜೆ, ಗೀತಾ ಲಕ್ಷ್ಮೀಶ್ ಪಾಲ್ ಪಡೆಯೆರೆ ಉಲ್ಲೆರ್.

” Mokeydaleda Kondatada Patera” book release and Tulu poets meet

Vidya Prakashana Manglore have organised a program at Canara College Auditorium Mangalore on 11-12-2022 for the release of a book of poetry by Raghu Idduki named
” Mokeydaleda Kondatada Patera”.This is the 28th book authored by him.The program will start from 10a.m onwards and will include a forum for a meeting of Tulu poets .

The program will be presided by Sadananda Naravi and Padmashree awardee Harkala Hajabba will do the honours of releasing the book. Jayasheela Maroli senior Tulu theatre artiste will be the guest of honour. Author and teacher Ramesh Ulaya will give a introduction of the book to the audience.Prof P Krishnamurthy and Sri K V Krishna das will honour with their august presence.

The poets meet will include Sri Vijay Kumar Bandary Hebbarabail, Smt Sudha Nagesh, Smt Vijayalakshmi Kateel, Narayan Kumbra, Lateesh M Sankoligay, Edward Lobo Tokkottu, D N Umanna,
S K Kumpala, Smt Sulochna Pachinadka, Sri Yashwant D.S,
Raymond D Cuna,Rajesh Shetty, Sri Badruddin Kuloor, Hitesh Kumar, Archana Bangera, Ramya Sri ivas , Venkatesh Gatti, Sashidar Amanjay and Smt Geetha Lakshmish.

ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಮುತಾಲಿಕೆಡ್ ಸಮಾಜ ಕಲ್ಯಾಣ ಲೇಸ್, ಸಾಧಕೆರೆಗ್ ಮಾನಾದಿಗೆ

ಮುಲ್ಕಿ: ಜಾಗತಿಕ ಬಂಟರ ಸಂಘಗಳ ಒಕ್ಕೂಟದ ಮುತಾಲಿಕೆಡ್ ಸಮಾಜ ಕಲ್ಯಾಣ ಲೇಸ್, ಸಾಧಕೆರೆಗ್ ಮಾನಾದಿಗೆ ಲೇಸ್ ನಡತ್ಂಡ್.

ಕಟೀಲ್ ದೇವಸ್ಥಾನದ ಅರ್ಚಕೆರ್ ಲಕ್ಷಿನಾರಾಯಣ ಅಸ್ರಣ್ಣೆರ್ ಲೇಸ್ ಉದಿಪನ ಮಲ್ತೆರ್. ಧ್ಯಾನ್ ಚಂದ್ ಪ್ರಶಸ್ತಿ ಪಡೆದಿನ ಅಶ್ವಿನಿ ಅಕ್ಕುಂಜೆ ಮೆರೆಗ್ ಬಿನ್ನೆರ್ ಸೇರ್ದ್ ಮಾನಾದಿಗೆ ಮಲ್ತೆರ್. ಅಂಚೆನೆ ಯಕ್ಷಗಾನ ಕ್ಷೇತ್ರದ ಸಾಧಕೆರ್ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪಡೆದಿನ ಪ್ರಭಾಕರ ಜೋಶಿ, ಸರಪಾಡಿ ಅಶೋಕ್ ಶೆಟ್ಟಿ, ಸುಬ್ರಹ್ಮಣ್ಯ ಧಾರೇಶ್ವರ, ಎಂ.ಎ.ನಾಯಕ್, ಸಮಾಜ ಸೇವಕ ಮಾರಣಕಟ್ಟೆ ಕೃಷ್ಣಮೂರ್ತಿ ಮಂಜ,ಸಾನ್ವಿ ಶೆಟ್ಟಿ, ಗುಡ್ಡ ಪಾಣಾರ, ಯುವವಾಹಿನಿ ಮಂಗಳೂರು, ಎಂ.ನಾರಾಯಣ, ಕಮಲಾಕ್ಷ ಆಚಾರ್ ಮೊಕ್ಲೆಗ್ ಮಾನಾದಿಗೆ ನಡತ್ಂಡ್. ಬಿನ್ನೆರಾದ್ ಬಪ್ಪನಾಡ್ ದೇವಲ್ಯದ ಮೊಕ್ತೇಸರೆರ್ ಮನೋಹರ ಶೆಟ್ಟಿ,ಉದ್ಯಮಿ ಪ್ರಕಾಶ್ ಶೆಟ್ಟಿ ಬಂಜಾರ, ಕನ್ಯಾನ ಸದಾಶಿವ ಶೆಟ್ಟಿ ದಂಪತಿ, ಮಂಜುನಾಥ ಭಂಡಾರಿ ಅಶೋಕ್ ಶೆಟ್ಟಿ, ಶಾಸಕೆರ್ ಉಮಾನಾಥ ಕೋಟ್ಯಾನ್, ಉಳ್ತೂರು ಮೋಹನ ದಾಸ್ ಶೆಟ್ಟಿ ಪಟ್ಟ ಸತೀಶ್ ಶೆಟ್ಟಿ ಅರವಿಂದ ಪೂಂಜ ಪುಣೆ ಬಂಟರ ಸಂಘದ ಅಧ್ಯಕ್ಷೆರ್ ಸಂತೋಷ್ ಕುಮಾರ್ ಶೆಟ್ಟಿ ಸುಧಾಕರ ಪೂಂಜ ಗುರ್ಮೆ ಸುರೇಶ್ ಶೆಟ್ಟಿ ಮಿತ್ತರ್ಮೆಡ್ ಇತ್ತೆರ್. ಸಾಯಿನಾಥ ಶೆಟ್ಟಿ, ಮಂಜುಳಾ ಶೆಟ್ಟಿ, ರಾಜೇಶ್ವರಿ ಟಿ.ಶೆಟ್ಟಿ, ಶರತ್ ಶೆಟ್ಟಿ ಕಿನ್ನಿಗೋಳಿ ಮಾನಾದಿಗೆ ಪತ್ರ ಓದಿಯೆರ್. ಕರ್ನಿರೆ ವಿಶ್ವನಾಥ ಶೆಟ್ಟಿ ಬಿನ್ನೆರೆನ್ ಸ್ವಾಗತ ಮಲ್ತೆರ್. ನಿತೇಶ್ ಶೆಟ್ಟಿ ಬೊಕ್ಕ ಪ್ರಿಯಾ ಹರೀಶ್ ಎಕ್ಕಾರ್ ಸಭೆ ಸುಧಾರಿಕೆ ಮಲ್ತೆರ್.

KA 20 ಗಾಡಿಲೆಗ್ ಪೆಜಮಾಡಿ ಟೋಲುಡ್ ರಿಯಾಯ್ತಿ ಕೊರೊಡು : ಸಚಿವೆರ್ ಸುನಿಲ್ ಕುಮಾರ್

ಒಡಿಪು: ಪೆಜಮಾಡಿ ಟೋಲ್ ಗೇಟ್ ಡ್ ಒಡಿಪು ಜಿಲ್ಲೆದ KA 20 ಗಾಡಿಲೆಗ್ ರಿಯಾಯಿತಿ ಕೊರೊಡು, ಜಿಲ್ಲೆದ ಗಾಡಿಲೆಗ್ ಎಚ್ಚದ ಕಾಸ್ ದೆತೊನರೆ ಬಲ್ಲಿ, ಸುರತ್ಕಲ್ ಟೋಲ್ ರೇಟ್ ಸಂಗ್ರಹ ಬಗೆಟ್ ಡೆಲ್ಲಿಡ್ ಚರ್ಚೆ ಮಲ್ಪರೆ ತೀರ್ಮಾನ ಆತ್ಂಡ್ ಪಂದ್ ಇಂಧನ ಸಚಿವೆರ್ ಸುನಿಲ್ ಕುಮಾರ್ ತೆರಿಪಾದೆರ್.


ಒಡಿಪುದ ತಾಲೂಕ್ ಕಚೇರಿ ಸಭಾಂಗಣಡ್ ನಡತಿನ ಸುರತ್ಕಲ್ ಟೋಲ್ ದೆತ್ ದ್, ಆಯಿನ್ ಪೆಜಮಾಡಿ ಟೋಲ್ ದೊಟ್ಟಿಗೆ ಸೇರ್ಸಾದ್ ರೇಟ್ ಸಂಗ್ರಹ ಪ್ರಸ್ತಾವನೆ ಸಭೆತ ಬೊಕ್ಕ ಸುದ್ಧಿಗಾರೆರೆನೊಟ್ಟಿಗೆ ಮೇರ್ ಪಾತೆರಿಯೆರ್. ರಾಷ್ಟ್ರೀಯ ಹೆದ್ದಾರಿ ಅಧಿಕಾರಿಲೆನ ತಪ್ಪುರ್ದ್ ಅವೈಜ್ಞಾನಿಕ ವ್ಯವಸ್ಥೆ ಜಾರಿ ಮಲ್ಪೆರೆ ಆತ್ಂಡ್ ಪಂದ್ ಪಂಡಿನ ಸುನಿಲ್ ಕುಮಾರ್, ಸುರತ್ಕಲ್ ಟೋಲ್ ದೆಪ್ಪುನ ವೇಗಡ್ ಬಿಲೆ ಹೆಚ್ಚ ಮಲ್ತ್ ದ್, ಪೆಜಮಾಡಿದ ಮಿತ್ತ್ ವರ್ಗಾವಣೆ ಮಲ್ಪರೆ ಆಂಡ್. ಶಾಸಕೆರ್ ರಘುಪತಿ ಭಟ್ ಡೆಲ್ಲಿಡ್ ಈ ಬಗೆಟ್ ಪಾತೆರ್ದೆರ್. ನನದ ವಾರಡ್ ಮುಖ್ಯಮಂತ್ರಿಲೆನೊಟ್ಟಿಗೆ ಚರ್ಚೆ ಮಲ್ಪುನ ಪಂದ್ ಪಂಡೆರ್. ಸುರತ್ಕಲ್ ಟೋಲ್ ಅಕ್ರಮ ಪಂದ್ ಎಂಕುಲು ಏಪಲ ಪಂತಿಜ. 2035 ಮುಟ್ಟ ಮಲ್ತಿನ ಒಪ್ಪಂದದ ದಾಖಲೆಲು. ಇಂಚಾದ್ ಸುರತ್ಕಲ್ ಡ್ ನಡತಿನ ಒತ್ತಡದ ಕಾರಣಗ್ ಕೈತಲ್ ದ ಪೆಜಮಾಡಿ ಮಿತ್ತ್ ಟೋಲ್ ದ ಹೊರೆ ಪಾಡ್ದೆರ್. ಒವ್ವೇ ಸೂಕ್ತ ನಿರ್ಧಾರ ಆಪುನ ಮುಟ್ಟ ಹೆಚ್ಚದ ಟೋಲ್ ಸಂಗ್ರಹ ಮಲ್ಪರೆ ಬಲ್ಲಿ ಪನ್ಪುನ ಬೇಡಿಕೆದೊಟ್ಟಿಗೆ ಡೆಲ್ಲಿ ಮಟ್ಟಡ್ ಮಾತ ಜನಪ್ರತಿನಿಧಿಲು ಚರ್ಚೆ ಮಲ್ಪುವ ಪಂದ್ ಸಚಿವೆರ್ ಸುನಿಲ್ ಕುಮಾರ್ ಭರವಸೆ ಕೊರಿಯೆರ್.

ಕುಡ್ಲ: ಮೂಜಿ ದಿನತ ಉಲಯಿ ಪೊಯ್ಯೆ ದೆಪ್ಪರೆ ಪರ್ಮಿಶನ್!

ಕುಡ್ಲ: ಕರಾವಳಿ ನಿಯಂತ್ರಣ ವಲಯ (ಸಿಆರ್‌ಝಡ್) ವ್ಯಾಪ್ತಿಡ್ ಸಾಂಪ್ರದಾಯಿಕ ಪದ್ಧತಿಡ್ ಪೊಯ್ಯೆ ದೆಪ್ಪುನೆಕ್ಕ್ ರಡ್ಡ್ ಮೂಜಿ ದಿನಟ್ ಪರವಾನಿಗೆ ಕೊರ್ಪ ಪಂದ್ ದ.ಕ. ಜಿಲ್ಲಾಧಿಕಾರಿ ರವಿಕುಮಾರ್ ಎಂ.ಆರ್. ತೆರಿಪಾದೆರ್.

ಒಡಿಪು ಜಿಲ್ಲೆಗ್ ಸಂಬಂಧ ಪಟ್ಟಿನ ಕೇಸ್ ಡ್ ರಾಷ್ಟ್ರೀಯ ಹಸಿರು ನ್ಯಾಯಮಂಡಳಿ (ಎನ್‌ಜಿಟಿ) ಸರ್ಕಾರಗ್ ಕೊರ್ನ ನಿರ್ದೇಶನನ್ ದಕ್ಷಿಣ ಕನ್ನಡ (ದ.ಕ) ಜಿಲ್ಲೆಗ್ ಮೇ ತಿಂಗೊಲುಡು ಸಿಆರ್‌ಝಡ್ ವ್ಯಾಪ್ತಿಡ್ ಪೊಯ್ಯೆ ದೆಪ್ಪುನೆನ್ ಉಂತಾದಿತ್ತ್ಂಡ್. ನೆಕ್ ಸಂಬಂಧ ಪಟ್ಟಿನ ಅಧಿಕಾರಿಲೆನೊಟ್ಟಿಗೆ ಸಭೆ ನಡತ್ಂಡ್. 142 ಸಾಂಪ್ರದಾಯಿಕ ಪೊಯ್ಯೆ ದೆಪ್ಪುನಕ್ಲೆನ ಜಿಲ್ಲಾಡಳಿತ ಗುರ್ತ ಮಲ್ದ್ಂಡ್. ನನ 52 ಅರ್ಜಿಲು ಪರಿಶೀಲನೆಗ್ ಬಾಕಿ ಉಂಡು. ಅರ್ಜಿದಾರೆರ್ ಸಾಂಪ್ರದಾಯಿಕ ಪೊಯ್ಯೆ ದೆಪ್ಪುವೆರ ಇಜ್ಜ ಪಂದ್ ಪರಿಶೀಲನೆ ಮಲ್ಪೆರೆ ಸಹಾಯಕ ಆಯುಕ್ತೆರೆಗ್ ತೆರಿಪಾದ್ಂಡ್. ನಾನ್ ಸಿಆರ್‌ಝಡ್ ಪ್ರದೇಶಡ್ ಪೊಯ್ಯೆ ದೆಪ್ಪುನ 18 ಜಾಗೆನ್ ಗುರ್ತ ಮಲ್ತ್ ದ್, ಟೆಂಡರ್ ಲೈದೆರ್. ನನ 17ರ್ದ್ 18 ಕಡೆಟ್ ಪೊಯ್ಯೆದ ಗುಡ್ಡೆನ್ ಗುರ್ತ ಮಲ್ತ್ ದ್, ಜಿಲ್ಲಾಡಳಿತ ಪರಿಸರ ಅನುಮತಿಗಾದ್ ಕಾತೊಂದು ಉಂಡು. ಅನುಮತಿ ತಿಕ್ಕಿನ ಬೊಕ್ಕ ಪ್ರಕ್ರಿಯೆ ಸುರು ಆಪುಂಡು ಪಂದ್ ಪಂಡೆರ್. ನಾನ್ ಸಿಆರ್ ಝಡ್ ಪ್ರದೇಶಡ್ ಸುಮಾರ್ 10 ಲಕ್ಷ ಮೆಟ್ರಿಕ್ ಟನ್ ಲಭ್ಯ ಉಂಡು ಪಂದ್ ಡಿಸಿ ತೆರಿಪಾದೆರ್. ಕಲ್ವ ತಾದಿಡ್ ಪೊಯ್ಯೆ ಸಾಲಗ್ 18 ಸಾರ ರೂ. ಒರ ಪೊಯ್ಯೆ ದೆಪ್ಪುನೆನ್ ಸಕ್ರಮ ಮಲ್ತ್ಂಡ ಪ್ರತಿ ಲೋಡ್‌ಗ್ 7ರ್ದ್ 8 ಸಾರ ರೂ.ಗ್ ಜನಕ್ಲೆಗ್ ಪೊಯ್ಯೆ ತಿಕ್ಕಿಯೆರೆ ಉಂಡು ಪಂದ್ ಪಂಡೆರ್.

ಎಲ್ಲೆ ಬಿರುವೆರ್ ಕುಡ್ಲ(ರಿ.) ದೇರಳಕಟ್ಟೆ ಘಟಕದ ಉದಿಪನ ಬೊಕ್ಕ ಪದಗ್ರಹಣ

ದೇರಳಕಟ್ಟೆ: ಬಿರುವೆರ್ ಕುಡ್ಲ(ರಿ.) ದೇರಳಕಟ್ಟೆ ಘಟಕದ ಉದಿಪನ ಬೊಕ್ಕ ಪದಗ್ರಹಣ ಲೇಸ್ ಡಿ.4 ಐತಾರದಾನಿ ಬೊಲ್ಪುಗು 10 ಗಂಟೆಗ್ ದೇರಳಕಟ್ಟೆ ವಿದ್ಯಾರತ್ನ ಇಂಗ್ಲೀಷ್ ಮೀಡಿಯಂ ಶಾಲೆಡ್ ನಡಪರೆ ಉಂಡು.

ಈ ಲೇಸ್ ದ ಸಭಾ ಕಾರ್ಯಕ್ರಮಡ್ ಹಿಂದುಳಿದ ವರ್ಗದ ಆಯೋಗದ ನಿರ್ದೇಶಕೆರ್ ಕೆ.ಟಿ ಸುವರ್ಣ, ಬಿರುವೆರ್ ಕುಡ್ಲ (ರಿ.)ದ ಸ್ಥಾಪಕ ಅಧ್ಯಕ್ಷೆರ್ ಉದಯ್ ಪೂಜಾರಿ ಬಲ್ಲಾಳ್ ಬಾಗ್, ಬಿರುವೆರ್ ಕುಡ್ಲ (ರಿ.)ದ ಅಧ್ಯಕ್ಷೆರ್ ರಾಜೇಶ್ ಪೂಜಾರಿ ಬಲ್ಲಾಳ್ ಬಾಗ್, ‌ಬಿರುವೆರ್ ಕುಡ್ಲ (ರಿ.)ದ ವಕೀಲೆರ್ ಬೊಕ್ಕ ಸಂಘಟನೆ ಅಧ್ಯಕ್ಷೆರ್ ಚಂದ್ರಶೇಖರ್ ಎಮ್ ಅಮೀನ್, ಶ್ರೀ ಬಾಲಕೃಷ್ಣ ಮಂದಿರ (ರಿ.) ಕುಂಪಲದ ಅಧ್ಯಕ್ಷೆರ್ ಸತೀಶ್ ಕುಂಪಲ, ಬಿಜೆಪಿ ಕುಡ್ಲ ಮಂಡಲ ಅಧ್ಯಕ್ಷೆರ್ ಚಂದ್ರಹಾಸ್ ಪಂಡಿತ್ ಹೌಸ್, ಟ್ರಸ್ಟಿ ಗೆಜ್ಜೆಗಿರಿ ಕ್ಷೇತ್ರದ ಚಂದ್ರಶೇಖರ್ ಉಚ್ಚಿಲ್, ಕರ್ನಾಟಕ ಅಲೆಮಾರಿ ಬೊಕ್ಕ ಅರೆ-ಅರೆಮಾರಿ ಅಭಿವೃದ್ಧಿ ನಿಗಮ ಮಾಜಿ ಅಧ್ಯಕ್ಷೆರ್ ರವೀಂದ್ರ ಶೆಟ್ಟಿ ಉಳಿದೊಟ್ಟು, ಶ್ರೀ ಮಲರಾಯ ಧೂಮವತಿ ಬಂಟ ದೈವಲೆನ ಭಂಡಾರ ಮನೆ, ಬೆಳರಿಂಗೆ ಕಿನ್ಯದ ಆಡಳಿತ ಮೊಕ್ತೇಸೆರ್ ಬಾಬು ಶಾಸ್ತಾ ಕಿನ್ಯ, ಶ್ರೀ ವೈದ್ಯನಾಥ ಭಜನಾ ಮಂದಿರ(ರಿ.) ಬಗಂಬಿಲ ಅಧ್ಯಕ್ಷೆರ್ ಪುರುಷೋತ್ತಮ ಅಂಚನ್, ಬಿಲ್ಲವ ಸೇವಾ ಸಮಾಜ(ರಿ.) ಕೊಲ್ಯ ಅಧ್ಯಕ್ಷೆರ್ ಜಯರಾಮ್ ಪಿಲಿಕೂರು, ಬ್ರಹ್ಮಶ್ರೀ ನಾರಾಯಣ ಗುರು ಸೇವಾ ಸಂಘ(ರಿ.) ಗ್ರಾಮಚಾವಡಿ ಅಧ್ಯಕ್ಷೆರ್ ಚಂದ್ರಹಾಸ್ ಅಮೀನ್, ಬಿರುವೆರ್ ಕುಡ್ಲ (ರಿ) ದೇರಳಕಟ್ಟೆ ಘಟಕದ ಗಿತೇಶ್ ಪೂಜಾರಿ ಕುತ್ತಾರ್, ಬಿರುವೆರ್ ಕುಡ್ಲ (ರಿ) ದೇರಳಕಟ್ಟೆ ಘಟಕದ ಅಧ್ಯಕ್ಷೆರ್ ಶ್ರವಣ್ ಪೂಜಾರಿ‌ ಅಂಬ್ಲಮೊಗೆರ್ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಬಿರುವೆರ್ ಕುಡ್ಲ (ರಿ) ದೇರಳಕಟ್ಟೆ ಘಟಕದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಆದಿಚುಂಚನ ಗಿರಿ ಮಹಾ ಸಂಸ್ಥಾನ ಕಾವೂರ್ ಮಠತ ಶ್ರೀ ಶ್ರೀ ಡಾ. ಧರ್ಮಪಾಲನಾಥ ಸ್ವಾಮೀಜಿನ್ ಭೇಟಿ ಮಲ್ತಿನ ಗೌಡರ ಯಾನೆ ಒಕ್ಕಲಿಗರ ಸೇವಾ ಸಂಘ ಮುಂಡುರ್ ಪಾಲಿಕೆ

ಕಾವೂರುದ ಆದಿಚುಂಚನ ಗಿರಿ ಮಹಾ ಸಂಸ್ಥಾನದ ಶ್ರೀ ಶ್ರೀ ಡಾ. ಧರ್ಮಪಾಲನಾಥ ಸ್ವಾಮೀಜಿ ಮೆರೆನ್ ಇನಿ ಗೌಡರ ಯಾನೆ ಒಕ್ಕಲಿಗರ ಸೇವಾ ಸಂಘ ಮುಂಡುರುಪಾಲಿಕೆ ವಲಯರ್ದ್ ಭೇಟಿ ಮಲ್ತ್ ದ್, ಫಲಪುಷ್ಪದೊಟ್ಟಿಗೆ ಗೌರವ ಕೊರ್ದು ಆಶೀರ್ವಾದ ದೆತೊನಿಯೆರ್.

ಈ ಪೊರ್ತುಡು ಸಮಿತಿದ ಅಧ್ಯಕ್ಷೆರ್, ಕಾರ್ಯದರ್ಶಿಲು ಬೊಕ್ಕ ಪದಾಧಿಕಾರಿಲು ಇತ್ತೆರ್.

ಡಿ.14: ಬಾಳ ತೊತ್ತಾಡಿಡ್ ಕಟೀಲ್ ಮೇಳರ್ದ್ ಶ್ರೀ ದೇವಿ ಮಹಾತ್ಮೆ ಆಟ

ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ಪ್ರಸಾದಿತ ದಶಾವತಾರ ಯಕ್ಷಗಾನ ಮಂಡಳಿರ್ದ್ ಶ್ರೀ ದೇವಿ ಮಹಾತ್ಮೆ ಆಟ ಡಿ.14 ಬುಧಾರದಾನಿ ಬಯ್ಯಗ್ 5:30 ಕ್ ಶ್ರೀ ನಾಗಬ್ರಹ್ಮಸ್ಥಾನ ಬಾಳ ತೊತ್ತಾಡಿದ ಚಾವಡಿಡ್ ಪಾಡಿನ ಭವ್ಯ ರಂಗಮಂಟಪಡ್ ನಡಪರೆ ಉಂಡು.


ಈ ಲೇಸ್ ಗ್ ಕಲಾಭಿಮಾನಿಲಾಯಿನ ನಿಕುಲು ಮಾತ ಬತ್ ದ್, ರಾತ್ರೆ ಚೌಕಿ ಪೂಜೆದ ಬೊಕ್ಕ ನಡಪುನ ಅನ್ನಸಂತರ್ಪಣೆಡ್ ಪಾಲ್ ಪಡೆದ್ ಶ್ರೀ ದುರ್ಗಾಪರಮೇಶ್ವರೀ ಅಮ್ಮನ ಕೃಪೆಗ್ ಪಾತ್ರರಾವೊಡು ಪಂದ್ ನಿಶ್ಚಲ್ ಚೌಟ ಬೊಳ್ಳುಳ್ಳಿ ಮಾರುಗುತ್ತು, ಶಾಲಿನಿ ಚೌಟ ಬೊಕ್ಕ ನಯನ ಚೌಟ ಬಾಳದಗುತ್ತು ಲೆಪ್ಪೋಲೆಡ್ ತೆರಿಪಾದೆರ್.

You Missed