Tue. Nov 17th, 2026

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಬಿಗ್‌ಬಾಸ್ ಸೀಸನ್ 9 ದ ವಿನ್ನರ್ ಪಟ್ಟಗ್ ಕೌಂಟ್‌ಡೌನ್ ಸುರು ತುಳುನಾಡ್‌ದ ಸ್ಟಾರ್ ರೂಪೇಶ್ ಶೆಟ್ಟಿ ಗೆಂದುನ ಸಾಧ್ಯತೆ

ಬಿಗ್‌ಬಾಸ್ ಸೀಸನ್ 9 ಮುಗಿಯರೆ ಕೆಲವು ಪೊರ್ತು ಮಾತ್ರ ಬಾಕಿ ಉಂಡು. ಬಿಗ್‌ಬಾಸ್ ವಿನ್ನರ್ ಏರ್ ಆಪೆರ್ ಪಂದ್ ಅಭಿಮಾನಿಲು ಕಾತೊಂದುಲ್ಲೆರ್.

ತುಳುನಾಡ್‌ಡ ಪುಗರ್ತೆದ ನಟೆ ಮಸ್ತ್ ತುಳು ಪಿಚ್ಚರ್‌ಡ್ ನಟನೆ ಮಲ್ತಿನ ರೂಪೇಶ್ ಶೆಟ್ಟಿ ಬಿಗ್‌ಬಾಸ್ ಸೀಸನ್ 9 ವಿನ್ನರ್ ಆಪಿನ ಸಾಧ್ಯತೆ ಉಂಡು. ತನ್ನ ಪಾತೆರ, ತೆಲಿಕೆ ನಲಿಕೆದ ಮುಕೇನ ಸುರುರ್ದ್ ಎಡ್ಡೆ ರೀತಿಡ್ ಗೊಬ್ಬೊಂದಿತ್ತಿನ ತುಳುನಾಡ್‌ದ ಸ್ಟಾರ್ ರೂಪೇಶ್ ಶೆಟ್ಟಿ ಗೆಂದೊಡು ಆವೊಡು ಪಂದ್ ತುಳು ಅಭಿಮಾನಿಲು ಪನೊಂದುಲ್ಲೆರ್.

ಇತ್ತೆ ಬಿಗ್‌ಬಾಸ್ ಸೀಸನ್ 9 ದ ಫೈನಲಿಸ್ಟ್ ಆದ್ ರೂಪೇಶ್ ಶೆಟ್ಟಿ, ರಾಕೇಶ್ ಅಡಿಗ, ರಾಜಣ್ಣ, ದೀಪಿಕಾ ದಾಸ್ ಉಲ್ಲೆರ್. ಅವೆಟ್ಟ್ ರೂಪೇಶ್ ಶೆಟ್ಟಿ ಬೊಕ್ಕ ರಾಕೇಶ್ ಅಡಿಗ ನಡುಟ್ಟ್ ಮಸ್ತ್ ಫೈಟ್ ಉಂಡು. ಡಿ. 31 ತ್ತ ಕತ್ತಲೆಗ್ ಕಲರ್ಸ್ ಕನ್ನಡಡ್ ಬಿಗ್‌ಬಾಸ್ ಸೀಸನ್-9 ದ ವಿನ್ನರ್ ಪಟ್ಟ ಏರೆಗ್ ತಿಕ್ಕರೆ ಉಂಡು ಪಂದ್ ನಮ ತೆರಿಯೊಲಿ.

ಸಂಪ್ರದಾಯದ ಒರುಟ್ಟು ಸುರುವಾಂಡ್ ಮುಲ್ಕಿ ಸೀಮೆದ ಅರಸು ಕಂಬುಲ

ಪಡುಪಣಂಬೂರು: ತುಳುನಾಡ್ ದ ಮಾಮಲ್ಲ ಆಚರಣೆ ಆದುಪ್ಪುನ ಕಂಬುಲೊಗು ಪ್ರಾಣಿ ದಯಾ ಸಂಘದಕುಲು ಒವ್ವೇ ರೀತಿದ ಅಡ್ಡಿ ಮಲ್ಪಂದೆ ನಮ್ಮ ಸಂಸ್ಕೃತಿ, ಸಂಪ್ರದಾಯದ ಕಂಬುಲ ಸಾಂಗವಾದ್ ನಡಪರೆ ಅವಕಾಶ ಮಲ್ತ್ ಕೊರೊಡು ಪಂದ್ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಅನುವಂಶಿಕ ಮೊಕ್ತೇಸರೆರ್ ಮನೋಹರ ಶೆಟ್ಟಿ ಪಂಡೆರ್.

ಮುಲ್ಕಿ ಅರಸು ಕಂಬುಲದ ಉದಿಪನ ಮಲ್ತ್ ದ್ ಬೊಕ್ಕ ನಡತಿನ ಸಭಾ ಕಾರ್ಯಕ್ರಮೊಡು ಪಾತೆರಿಯೆರ್.

ತುಳುನಾಡ್ ದ ಪರಂಪರೆ ನಿರಂತರವಾದ್ ನಡತೊಂದುಪ್ಪಡ್ ಪಂದ್ ಕೊಲೆಕಾಡಿ ವೇದಮೂರ್ತಿ ವಾದಿರಾಜ ಉಪಾಧ್ಯಾಯೆರ್ ಪಂಡೆರ್.

ಬಪ್ಪನಾಡ್ ಕ್ಷೇತ್ರದ ಅರ್ಚಕೆರ್ ನರಸಿಂಹ ಭಟ್, ಪ್ರಸಾದ್ ಭಟ್, ಧರ್ಮದರ್ಶಿ ಹರಿಕೃಷ್ಣ ಪುನರೂರು, ಭುವನಾಭಿರಾಮ ಉಡುಪ, ಸಸಿಹಿತ್ಲು ಭಗವತಿ ಕ್ಷೇತ್ರದ ಅಪ್ಪು ಯಾನೆ ಶ್ರೀನಿವಾಸ ಪೂಜಾರಿ, ಉಳೆಪಾಡಿ ಕ್ಷೇತ್ರದ ಧರ್ಮದರ್ಶಿ ಮೋಹನ್ ದಾಸ್ ಸುರತ್ಕಲ್, ಧರ್ಮಗುರು ವಿನಯ ಲಾಲ್ ಬಂಗೇರ, ಕದಿಕೆ ಮಸೀದಿದ ಖತೀಬೆರ್ ಪಿ.ಎ.ಅಬ್ದುಲ್ ಜೈನಿ ಮೊಕುಲು ಮಾತ ಇತ್ತೆರ್.

ಮಲ್ಲ ಬಿನ್ನೆರಾದ್ ಜಾಗತಿಕ ಬಂಟರ ಸಂಘದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ, ಮಾಜಿ ಸಚಿವೆರ್ ಅಭಯಚಂದ್ರ ಜೈನ್, ಯುವ ನಾಯಕೆರ್ ಮಿಥುನ್ ರೈ, ವಸಂತ ಬೆರ್ನಾಡ್, ಬಿಜೆಪಿ ಜಿಲ್ಲಾಧ್ಯಕ್ಷೆರ್ ಸುದರ್ಶನ್ ಬೆದ್ರ, ಕಸ್ತೂರಿ ಪಂಜ, ಸುನಿಲ್ ಆಳ್ವ, ಗುಣಪಾಲ ಕಡಂಬ,
ಕರ್ಂಬಿತ್ತ್ ಲ್ ಚಂದ್ರಹಾಸ ಶೆಟ್ಟಿ, ಜನಾರ್ದನ ಪಡುಪಣಂಬೂರು, ಸಮಿತಿದ ಉಪಾಧ್ಯಕ್ಷೆರಾಯಿನ ಶಶೀಂದ್ರ ಸಾಲ್ಯಾನ್, ದಿನೇಶ್ ಸುವರ್ಣ ಬೆಳ್ಳಾಯರು, ಮಹೀಮ್ ಹೆಗ್ಗಡೆ, ಜತೆ ಕಾರ್ಯದರ್ಶಿ ಎಂ.ಕೆ.ಹೆಬ್ಬಾರ್ , ಶರತ್ ಶೆಟ್ಟಿ ಮೊಕುಲು ಮಾತ ಇತ್ತೆರ್. ಬಳ್ಕುಂಜೆ ಗುತ್ತು ಗುತ್ತಿನಾರ್ ರವೀಂದ್ರ ಶೆಟ್ರ್ ಅಧ್ಯಕ್ಷತೆ ಒಯಿಸ್ ದಿತ್ತೆರ್.

ಮುಲ್ಕಿ ಅರಸು ಕಂಬುಲ ಸಮಿತಿದ ಅಧ್ಯಕ್ಷೆರ್ ಕಿರಣ್ ಕುಮಾರ್ ಶೆಟ್ಟಿ ಕೊಲ್ನಾಡುಗುತ್ತು ಬಿನ್ನೆರೆನ್ ಎದ್ಕೊಂಡೆರ್. ನವೀನ್ ಎಡ್ಮೆಮಾರ್ ನಿರೂಪಣೆ ಮಲ್ತೆರ್. ಉಪಾಧ್ಯಕ್ಷೆರ್ ವಿನೋದ್ ಸಾಲ್ಯಾನ್ ಸೊಲ್ಮೆ ಸಂದಾಯೆರ್.

ಇಂಚ ಸುರುವಾಂಡ್ ಕಂಬುಲ

ಮುಲ್ಕಿ ಅರಸುಲೆ ಕಂಬುಲೊಗು ಐತಾರ ಬೊಲ್ಪುಗು ಸಂಪ್ರದಾಯಿಕವಾದ್ ಚಾಲನೆ ತಿಕ್ಂಡ್. ಜಾಗೆದ ನಾಗ ಬೆರ್ಮೆರೆಗ್ ಪೂಜೆ ಮಲ್ತ್ ದ್ ಶ್ರೀ ಚಂದ್ರನಾಥ ಸ್ವಾಮಿ ಪದ್ಮಾವತಿ ಅಮ್ಮನ ಗುಡಿಟ್ಟ್ ಪೂಜೆ ಮಲ್ತ್ ದ್ ಅಲ್ತ್ ರ್ದ್ ಪ್ರಸಾದ ಕನತ್ ದ್ ಅರಮನೆಕ್ಕ್ ಬತ್ತ್ ದ್ ಧರ್ಮಚಾವಡಿಗ್ ಬತ್ತ್ ದ್ ಅರಸೆರ್ಡ ಕಂಬುಲೊಗು ಅನು ದೆತೊಂದು ಎರು ಬಂಟ ದೈವೊಲೆನ ನಲಿಕೆ ಸಮೇತ ಚೆಂಡೆ, ವಾದ್ಯ , ಬ್ಯಾಂಡ್ , ಕೊಂಬುದ ಮೆರವಣಿಗೆ ಸಮೇತ ಕಂಬುಲದ ಪಡ್ಡಾಯಿ ಬೊಕ್ಕ ಮೂಡಾಯಿ ಕರೆಕ್ಕ್ ಪ್ರಸಾದ್ ಪಾಡ್ದ್ ಕಂಬುಲೊಗು ಚಾಲನೆ ಕೊರಿಯೆರ್. ಅವೆರ್ದ್ ಬೊಕ್ಕ ಬಪ್ಪನಾಡು ಬಡಗುಹಿತ್ಲು ದಿ.ಕಾಂತು ಪೂಜಾರಿ ಯಾನೆ ಸೇವೆಗಾರ ಮನೆತನದ ಎರ್ಲೆನ್ ಸುರೂಕ್ಕು ಕರೆಕ್ಕ್ ಜಪುಡಾದ್ ಬೊಕ್ಕ ಅರಸು ಮನೆತನದ ಎರ್ಲು ಕರೆಕ್ಕ್ ಜಪ್ಪುನ ಮುಕೇನ ಕಂಬುಲ ಸುರುವಾಂಡ್. ಮಧ್ಯಾಹ್ನ ಮುಟ್ಟ 125 ಜತೆ ಎರ್ಲು ಕಂಬುಲೊಡು ಪಾಲ್ ಪಡೆದಿತ್ತ.

ಸಿಆರ್ ಪಿಎಫ್ ಡ್ 1458 ಬೇಲೆಲೆಗ್ ಅರ್ಜಿ ಪಡೊಲಿ..!

ಸಿಆರ್ ಪಿಎಫ್ ಡ್ 1458 ಬೇಲೆಲೆಡ್ 143 ಅಸಿಸ್ಟೆಂಟ್ ಸಬ್ ಇನ್ಸ್‌ಪೆಕ್ಟರ್ ಬೊಕ್ಕ 1315 ಹೆಡ್ ಕಾನ್ಸ್‌ಟೇಬಲ್ ಬೇಲೆ ಉಂಡು.

ಈ ಬೇಲೆ ಅರ್ಜಿ ಪಾಡೊಡಾಂಡ ಪಿಯುಸಿ ಆದಿಪ್ಪೊಡು. ಅಂಚನೆ 18 ರ್ದ್ 25 ವರ್ಸರ್ದ್ ತೀರ್ತ್ ಇಪ್ಪೊಡು. ಈ ಅರ್ಜಿನ್ https://crpf.gov.in/ ಮುಖೇನ ಜನವರಿ 4 ರ್ದ್ 5 ಮುಟ್ಟ ಪಡೊಲಿ.

ಗುಜರಾತ್ ಡ್ ಬಸ್, ಕಾರ್ ಗುದ್ದುದು 9 ಜನ ತೀರ್ ಪೋಯೆರ್

ಗುಜರಾತ್ ಡ್ ಬಸ್ ಬೊಕ್ಕ ಕಾರ್ ಗುದ್ದುದು 9 ಜನ ತೀರ್ ಪೋಯಿನ ಘಟನೆ ಇನಿ ಬೊಲ್ಪುಗು ನಡತ್ಂಡ್.

ನೆಟ್ಟ್ 32 ಜನಕ್ ಮಸ್ತ್ ಪೆಟ್ಟಾತ್ಂಡ್. ಮೊಕ್ಲೆನ್ ಚಿಕಿತ್ಸೆಗಾದ್ ಕೈತಲ್ ದ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಈ ಬಗೆಟ್ ಎಚ್ಚದ ಮಾಹಿತಿ ನನ ಗೊತ್ತಾವೊಡಾತೆ.

ಒಡಿಪು: ಲಾರಿ ಗುದ್ದುದು ತೀರ್ ಪೋಯಿನ ಸಬ್ ಇನ್ಸ್‌ಪೆಕ್ಟರ್…!

ಒಡಿಪುದ ಅಂಬಾಗಿಲ್ ಡ್ ಲಾರಿ ಗುದ್ದುದು ಕುಡ್ಲ ಅಬಕಾರಿ ಇಲಾಖೆದ ಸಬ್ ಇನ್ಸ್‌ಸ್ಪೆಕ್ಟರ್ ತೀರ್ ಪೋಯಿನ ಘಟನೆ ಕೋಡೆ ರಾತ್ರೆ ನಡತ್ಂಡ್.

ಈ ಘಟನೆಡ್ ಬ್ರಹ್ಮಾವರದ ಉಳ್ಳೂರ್ ನಿವಾಸಿ ಅಬಕಾರಿ ಇಲಾಖೆದ ಸಬ್ ಇನ್ ಸ್ಪೆಕ್ಟರ್ ಶಂಕರ್ (52) ತೀರ್ ಪೋಯಿನಾರ್. ಈ ಬಗೆಟ್ ಬ್ರಹ್ಮಾವರ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್

ಯುಜಿಸಿ ನೆಟ್‌ ಪರೀಕ್ಷೆದ ವೇಳಾಪಟ್ಟಿ ಬುಡುಗಡೆ

ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ ವಿಶ್ವವಿದ್ಯಾಲಯ ಧನಸಹಾಯ ಆಯೋಗದ 2023ತ ಯುಜಿಸಿ ನೆಟ್‌ ಪರೀಕ್ಷೆದ ತಾರೀಕ್ ಪ್ರಕಟ ಆತ್ಂಡ್.

ಜೂನ್ 13 ರ್ದ್ 22 ಮುಟ್ಟ ನಡಪುಂಡು ಪಂದ್ ಯುಜಿಸಿ ಅಧ್ಯಕ್ಷೆರ್ ಎಮ್.ಜಗದೀಶ್ ಕುಮಾರ್ ಘೋಷಣೆ ಮಲ್ದೆರ್. ಈ ಪರೀಕ್ಷೆ ವರ್ಷಗ್ 2 ಸಲ ಜೂನ್ ಬೊಕ್ಕ ಡಿಸೆಂಬರ್ ಡ್ ನಡಪುಂಡು ಪಂದ್ ಟ್ವೀಟ್ ಮಲ್ದೆರ್. ಎನ್ಎಟಿದ ವೆಬ್ ಸೈಟ್‌ http://ugcnet.nta.ac.in./ ಡ್ ವೇಳಾಪಟ್ಟಿ ಪ್ರಕಟ ಆತ್ಂಡ್.

ರೇಡಿಯೋ ಮಣಿಪಾಲ್ ಡ್ ಶುದ್ಧ ಜಲ, ಸ್ವಚ್ಛ ನೆಲ ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್

ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಡಿ.30 ಶುಕ್ರಾರ ಬಯ್ಯಗ್ 6 ಗಂಟೆಗ್ ಜಲಾನಯನ ಪ್ರದೇಶದ ಅಭಿವೃದ್ಧಿಡ್ ಸಾರ್ವಜನಿಕೆರೆನ ಪಾತ್ರದ ಬಗೆಟ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಬ್ರಹ್ಮಾವರ ವಲಯದ ಸೇವಾಪ್ರತಿನಿಧಿ ಅಣ್ಣಪ್ಪ ಹಿಲಿಯಾಣ ಪಾಲ್ ಪಡೆಯೆರೆ ಉಲ್ಲೆರ್. ಡಿ.31ಕ್ ಮಧ್ಯಾಹ್ನ 2 ಕ್ ಮರುಪ್ರಸಾರ ಆಪುಂಡು.

‘ಪ್ರತಿ ಪಂಚಾಯತ್‌ಡ್ ಪೇರ್ ದ ಡೈರಿ ಸ್ಥಾಪನೆ’-ಅಮಿತ್‌ ಶಾ

ಮಂಡ್ಯ: ಕೇಂದ್ರ ಗೃಹ ಬೊಕ್ಕ ಸಹಕಾರ ಸಚಿವೆರ್ ಅಮಿತ್ ಶಾ ಮೇರ್ ಇನಿ ಮಂಡ್ಯದ ಗೆಜ್ಜಲಗೆರೆ ಡೈರಿ ಆವರಣಡ್ ಮೆಗಾ ಡೈರಿ ಉದಿಪನ ಮಲ್ತೆರ್.

ಬೊಕ್ಕ ಮೇರ್ ಪಾತೆರ್ದ್, ದೇಶದ ಪ್ರತಿ ಪಂಚಾಯತ್‌ಡ್ ಪ್ರೈಮರಿ ಪೇರ್ ದ ಡೈರಿ ಸ್ಥಾಪನೆ ಮಲ್ಪುವ ಪಂದ್ ಪಂಡೆರ್. ಈ ಪೊರ್ತುಡು ಆದಿ ಚುಂಚನಗಿರಿ ಮಠತ ಶ್ರೀ ನಿರ್ಮಲಾನಂದನಾಥ ಸ್ವಾಮೀಜಿ, ಮಾಜಿ ಪ್ರಧಾನಿ ಹೆಚ್.ಡಿ. ದೇವೇಗೌಡ, ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಕೇಂದ್ರ ಕಲ್ಲಿದ್ದಲು ಸಚಿವೆರ್ ಪ್ರಹ್ಲಾದ ಜೋಶಿ, ಸಹಕಾರ ಸಚಿವೆರ್ ಎಸ್.ಟಿ. ಸೋಮಶೇಖರ್, ಸಚಿವೆರ್ ಕೆ. ಗೋಪಾಲಯ್ಯ, ಶಾಸಕೆರ್ ಸಿ.ಎಸ್. ಪುಟ್ಟರಾಜು, ಡಿ.ಸಿ. ತಮ್ಮಣ್ಣ, ಮನ್ಮೂಲ್ ಅಧ್ಯಕ್ಷೆರ್ ಬಿ.ಆರ್. ರಾಮಚಂದ್ರ ಇತ್ತೆರ್.

ಕೈಕಂಜಿಗ್ ಚರ್ಮಗಂಟ್ ರೋಗ: ಒಂಜಿ ಕಡೆರ್ದ್ ನನೊಂಜಿ ಕಡೆಕ್ ಸಾಗಾಟ ನಿಷೇಧ-ಡಿಸಿ ಆದೇಶ

ಕುಡ್ಲ: ಕ್ಯಾಪ್ರಿಪಾಕ್ಸ್ ಪನ್ಪುನ ವೈರಾಸ್ ರ್ದ್ ಚರ್ಮಗಂಟ್ (ಲುಂಪಿ ಸ್ಕಿನ್ ಡಿಸೀಸ್) ರೋಗ ಕೈಕಂಜಿಗ್ ಬೈದ್ಂಡ್.

ಜಿಲ್ಲೆಡ್ 289 ಗ್ರಾಮಡ್ ಈ ರೋಗ ಉಂಡು. ಇಡೇ ಮುಟ್ಟ 3,414 ಕೈಕಂಜಿಗ್ ಬೈದ್ಂಡ್. ಆಯಿಟ್ 64 ಕೈಕಂಜಿ ಸೈದ್ಂಡ್. ಅಂಚಾದ್ ನನ ಒಂಜಿ ಕಡೆರ್ದ್ ನನೊಂಜಿ ಕಡೆಕ್ ಕೊನೊಯೆರೆ ಬಲ್ಲಿ ಪಂದ್ ಜಿಲ್ಲಾಧಿಕಾರಿ ರವಿಕುಮಾರ್ ಎಂ.ಆರ್. ಆದೇಶ ಮಲ್ದೆರ್.

ಜ.15: ಮುಲ್ಕಿ ರಾಷ್ಟ್ರೀಯ ಬಿಲ್ಲವರ ಮಹಾಮಂಡಲ ನೆತ್ತ ಬೊಳ್ಳಿ ಪರ್ಬದ ಗೌಜಿ

ಮುಲ್ಕಿ: ರಾಷ್ಟ್ರೀಯ ಬಿಲ್ಲವರ ಮಹಾಮಂಡಲ ನೆತ್ತ ಬೊಳ್ಳಿ ಪರ್ಬದ ಗೌಜಿ ಜ.15 ಕ್ ಪೆಜಮಾಡಿ ಬಿಲ್ಲವ ಸಂಘದ ಜಯ ಸಿ. ಸುವರ್ಣ ಸಭಾಗೃಹಡ್ ನಡಪರೆ ಉಂಡು.

ಬೊಲ್ಪುಗು 10 ಗಂಟೆಗ್ ಈ ಲೇಸ್ ನ್ ಸಚಿವೆರ್ ವಿ.ಸುನಿಲ್ ಕುಮಾರ್ ಉದಿಪನ ಮಲ್ಪುವೆರ್. ಕನ್ಯಾಡಿ ಮಹಾಸಂಸ್ಥಾನದ ಪೀಠಾಧಿಪತಿ ಶ್ರೀ ಬ್ರಹ್ಮಾನಂದ ಸರಸ್ವತೀ ಸ್ವಾಮೀಜಿ, ಸೋಲೂರು ಆರ್ಯ ಈಡಿಗ ಸಂಸ್ಥಾನದ ಪೀಠಾಧಿಪತಿ ಶ್ರೀ ವಿಖ್ಯಾತನಂದ ಸ್ವಾಮೀಜಿ, ಬೆಳಗಾವಿ ಮಹಾಕಾಳಿ ಸಂಸ್ಥಾನದ ಪೀಠಾಧಿಪತಿ ಶ್ರೀ ಅರುಣಾನಂದ ಸ್ವಾಮೀಜಿ, ವರ್ಕಳ ಶಿವಗಿರಿ ಮಠತ ಶ್ರೀ ಸತ್ಯಾನಂದ ಸ್ವಾಮೀಜಿ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಗುರ್ಕಾರ್ಮೆನ್ ರಾಷ್ಟ್ರೀಯ ಬಿಲ್ಲವ ಮಹಾಮಂಡಲದ ಅಧ್ಯಕ್ಷೆರ್ ಡಾ. ರಾಜಶೇಖರ್ ಕೋಟ್ಯಾನ್ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಸಚಿವೆರ್ ಕೋಟ ಶ್ರೀನಿವಾಸ ಪೂಜಾರಿ, ವಿಧಾನ ಪರಿಷತ್ ವಿರೋಧಪಕ್ಷ ನಾಯಕೆರ್ ಬಿ.ಕೆ ಹರಿಪ್ರಸಾದ್, ಶಾಸಕೆರ್ ಉಮಾನಾಥ ಕೋಟ್ಯಾನ್, ವಿಧಾನ ಪರಿಷತ್ ಸದಸ್ಯೆರ್ ಕೆ ಹರೀಶ್ ಕುಮಾರ್, ಕಿಯೋನಿಕ್ಸ್ ಅಧ್ಯಕ್ಷೆರ್ ಹರಿಕೃಷ್ಣ ಬಂಟ್ವಾಳ್, ಮಾಜಿ ಶಾಸಕೆರ್ ವಿನಯ್ ಕುಮಾರ್ ಸೊರಕೆ, ವಸಂತ್ ಬಂಗೇರ, ಗೋಪಾಲ ಪೂಜಾರಿ ಬೈಂದೂರು ಬರಿಯೆರೆ ಉಲ್ಲೆರ್. ಬೊಕ್ಕ ಬೇತೆ ಬೇತೆ ಕ್ಷೇತ್ರಡ್ ಸಾಧನೆ ಮಲ್ತಿನ ಗಣ್ಯೆರೆನ ತಮ್ಮನ ಲೇಸ್ ನಡಪರೆ ಉಂಡು ಪಂದ್ ಅಧ್ಯಕ್ಷೆರ್ ರಾಜಶೇಖರ ಕೋಟ್ಯಾನ್, ಉಪಾಧ್ಯಕ್ಷೆರ್ ಪಿತಾಂಬರ ಹೆರಾಜೆ, ಸೂರ್ಯಕಾಂತ ಜೆ. ಸುವರ್ಣ, ಕೋಶಾಧಿಕಾರಿ ಪ್ರಭಾಕರ ಬಂಗೇರ, ಸಹ ಕೋಶಾಧಿಕಾರಿ ಶಿವಾಜಿ ಸುವರ್ಣ ಬೆಳ್ಳೆ, ಗೌ.ಪ್ರ. ಕಾರ್ಯದರ್ಶಿ ವಿಜಯಕುಮಾರ್ ಕುಬೆವೂರು, ಜೊತೆ ಕಾರ್ಯದರ್ಶಿ ಗಂಗಾಧರ ಪೂಜಾರಿ ಚೇಳ್ಯಾರ್, ಗಣೇಶ್ ಎಲ್ ಪೂಜಾರಿ ಬೈಂದೂರು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

You Missed