Tue. Nov 17th, 2026

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ವಿಟ್ಲಡ್ ಏಡ್ ಲೆನ್ ಕಂಡೊಂದು ಇತ್ತಿನ ರಡ್ಡ್ ಜನ ಪೊಲೀಸ್ ವಶಕ್ಕ್

ವಿಟ್ಲದ ಪ್ರದೇಶಡ್ ಏಡ್ ಲೆನ್ ಕಂಡ್ ದ್ ಕೊನೊಂದು ಇತ್ತಿನ ರಡ್ಡ್ ಜನನ್ ಸಾರ್ವಜನಿಕೆರ್ ಪತ್ ದ್ ಪೊಲೀಸೆರೆಗ್ ಕೊರ್ತೆರ್ ಪಂದ್ ತೆರಿದ್ ಬೈದ್ಂಡ್.

ಆಂಡ ಪೊಲೀಸೆರ್ ಈ ಬಗೆಟ್ ಒವ್ವೇ ಕೇಸ್ ದಾಖಲ್ ಆತಿಜಿ ಪಂದ್ ತೆರಿಪಾದೆರ್.

ಕರೆಂಟ್ ಶಾಕ್ ಹಾಕ್ ದ್ ನೆಂಪುದ ಸಗ್ತಿ ಕಳೆವೊನ್ನ ಆನ್

ಕೊಪ್ಪಳ: ಗೊಬ್ಬುನ ಮೈದಾನಡ್ ಕರೆಂಟ್ ಶಾಕ್ ಹಾಕ್ ದ್ ಆನ್ ಒರಿ ನೆಂಪುದ ಸಗ್ತಿನ್ ಕಳೆವೊನ್ನ ಘಟನೆ ಕೊಪ್ಪಳ ಜಿಲ್ಲೆದ ಕಾರಟಗಿ ತಾಲೂಕ್ ದ ಮೈಲಾಪುರ ಗ್ರಾಮಡ್ ನಡತ್ಂಡ್.

ಈ ಘಟನೆಡ್ ಪೆಟ್ಟಾಯಿನ ವೀರೇಶ್ (10) ನ್ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಈ ಬಗೆಟ್ ಗುತ್ತಿಗೆದಾರೆ ಮಹದೇವಪ್ಪ ಮೆರೆನ ಮಿತ್ತ್ ಕಾರಟಗಿ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್. ಜಿಲ್ಲಾ ಪಂಚಾಯತ್ ಅಧಿಕಾರಿಲೆನ ವಿರುದ್ಧ ಕ್ರಮ ದೆತೊನೊಂದು ಪಂದ್ ಗ್ರಾಮಸ್ಥೆರ್ ಪೊರ್ಂಬಾಟ ಮಲ್ದೆರ್.

ರೇಡಿಯೋ ಮಣಿಪಾಲ್ ಡ್ ಪುರಾಣಾಮೃತ ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್

ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಪುರಾಣಾಮೃತ ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್ ದ 76ನೇ ಸಂಚಿಕೆ ಡಿ.31 ಸನಿಯಾರ ಬಯ್ಯಗ್ 4:15 ಕ್ ಪ್ರಸಾರ ಆಂಡ್.

ಈ ಲೇಸ್ ಡ್ ಉಪನ್ಯಾಸಕೆರ್ ಮುಂಡಾಜೆ ಕುಮಾರೇಶ್ವರ ಭಟ್ ಪಾಲ್ ಪಡೆಯೆರ್. ಜ.1 ಕ್ ಮಧ್ಯಾಹ್ನ 12:15 ಕ್ ಮರುಪ್ರಸಾರ ಆಪುಂಡು.

ರೇಡಿಯೋ ಮಣಿಪಾಲ್ ಡ್ ಕಥೆ ಕೇಳೋಣ ಕೂಪೆ

ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಕನ್ನಡ ಸಾಹಿತ್ಯ ಪರಿಷತ್ತ್ ಒಡಿಪು ಜಿಲ್ಲೆ ಬೊಕ್ಕ ಒಡಿಪು ತಾಲೂಕ್ ಘಟಕದ ಒಟ್ಟುಸೇರಿಗೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 35ನೇ ಸಂಚಿಕೆ ಡಿ.31 ಸನಿಯಾರ ಬಯ್ಯಗ್ 4:30 ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಬರವುಗಾರೆರ್, ಸಹಾಯಕೆರ್ ಬೊಕ್ಕ ಪ್ರಾಧ್ಯಾಪಕೆರ್ ಡಾ. ಪ್ರಜ್ಞಾ ಮಾರ್ಪಳ್ಳಿ ಪಾಲ್ ಪಡೆಯೆರೆ ಉಲ್ಲೆರ್. ಜ.1 ಕ್ ಮಧ್ಯಾಹ್ನ 12:30 ಕ್ ಮರುಪ್ರಸಾರ ಆಪುಂಡು.

ಪಿದಯಿ ದೇಶದ ಪ್ರಯಾಣಿಕೆರೆಗ್ ಕೋವಿಡ್ ಟೆಸ್ಟ್ ಕಡ್ಡಾಯ

ಕೊರೊನಾ ಸೀಕ್ ಹೆಚ್ಚಾವೊಂದು ಇಪ್ಪುನ ಕಾರಣ ಕೇಂದ್ರ ಸರ್ಕಾರ ಚೀನಾ, ಹಾಂಕಾಂಗ್, ಜಪಾನ್, ದಕ್ಷಿಣ ಕೊರಿಯಾ, ಸಿಂಗಾಪುರ್ ಬೊಕ್ಕ ಥೈಲ್ಯಾಂಡ್ ರ್ದ್ ಭಾರತಗ್ ಬರ್ಪುನ ಪ್ರಯಾಣಿಕೆರೆಗ್ ಆರ್ ಟಿ-ಪಿಸಿಆರ್ ಪರೀಕ್ಷೆನ್ ಕಡ್ಡಾಯ ಮಲ್ದ್ಂಡ್.

ಈ ನಿರ್ಬಂಧಲು ಎಲ್ಲೆರ್ದೆ ಜಾರಿಗ್ ಬರ್ಪುಂಡು. ಈ ದೇಶಲೆರ್ದ್ ಬರ್ಪುನ ಪ್ರಯಾಣಿಕೆರ್ ಪ್ರಯಾಣದ ಸುರುಕ್ ಏರ್ ಸುವಿಧಾ ಪೋರ್ಟಲ್ ಡ್ ತನ್ನ ವರದಿಲೆನ್ ಅಪ್ ಲೋಡ್ ಮಲ್ಪೊಡು.

Covid testing compulsory for travellers arriving from abroad

With the increase in the number of covid cases, the central government has made compulsory RT- PCR testing for travellers arriving from China, Hongkong, Japan, South Korea, Singapore and Thailand.

This rules will be effective from tomorrow.Travellers arriving from these countries can upload their details on on Air Suvidha portal.

ಜ.3 ರ್ದ್ ಶ್ರೀಲಂಕಾ ಟಿ20/ ಪಂತೊ

ಪೊಸ ವರ್ಸಡ್ ಟೀಂ ಇಂಡಿಯಾದ ಸುರುತ ಟಿ20/ ಪಂತೊ ಶ್ರೀಲಂಕಾದೊಟ್ಟಿಗೆ ನಡಪರೆ ಉಂಡು.

ಮೂಜಿ ಪಂತೊಲೆನ ವಿವರ ಇಂಚ ಉಂಡು:
ಸುರುತ ಪಂತೊ- ಜ.3ಕ್ ಬೊಂಬೈದ ವಾಂಖೆಡೆ ಸ್ಟೇಡಿಯಂಡ್ ಬಯ್ಯಗ್ 7 ಗಂಟೆಗ್. ರಡ್ಡನೇ ಪಂತೊ ಜ.5ಕ್ ಪುಣೆದ ಮಹಾರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್ ಸ್ಟೇಡಿಯಂಡ್ ಬಯ್ಯಗ್ 7ಗಂಟೆಗ್. ಮೂಜಿನೇ ಪಂತೊ ಜ.7 ಕ್ ರಾಜ್ಕೋಟ್ ದ ಸೌರಾಷ್ಟ್ರ ಕ್ರಿಕೆಟ್ ಅಸೋಸಿಯೇಷನ್ ಸೇಡಿಯಂಡ್ ಬಯ್ಯಗ್ 7 ಗಂಟೆಗ್ ನಡಪರೆ ಉಂಡು.

ಕ್ರೈಮಿಯಾಡ್ ಕಾರ್ ಮರಕ್ ಗುದ್ದುದು ತೀರ್ ಪೋಯೆರ್ ಭಾರತದ ನಾಲ್ ಕಲ್ಪಾರ್ಥಿಲು

ಕ್ರೈಮಿಯಾ: ಡ್ರೈವರ್ ನ ಅಕಲ್ ತತ್ತ್ ದ್ ಕಾರ್ ಮರಕ್ ಗುದ್ದುದು ಭಾರತದ ನಾಲ್ ವೈದ್ಯಕೀಯ ಕಲ್ಪಾರ್ಥಿಲು ತೀರ್ ಪೋಯಿನ ಘಟನೆ ಕ್ರೈಮಿಯಾದ ಸಿಮ್ಫೆರೋಪೋಲ್‌ಡ್ ನಡತ್ಂಡ್.

ಕಾರ್ ಡ್ ಮೂಜಿ ಬೊಕ್ಕ ನಾಲ್ ನೇ ವರ್ಷ ಕಲ್ತೊಂದು ಇತ್ತಿನ ವೈದ್ಯಕೀಯ ಕಲ್ಪಾರ್ಥಿಲು ಇತ್ತೆರ್.

ಭೂಸೇನೆದ ಲೆಫ್ಟಿನೆಂಟ್‌ ಆದ್ ಸುಬ್ರಹ್ಮಣ್ಯದ ಅಜಿತೇಶ್‌ ಆಯ್ಕೆ

ಸುಬ್ರಹ್ಮಣ್ಯ: ಯು.ಪಿ.ಎಸ್‌.ಸಿ. ನಡಪಾಯಿನ ಕಂಬೈನ್‌ ಡಿಫೆನ್ಸ್‌ ಸರ್ವಿಸ್‌ ಪರೀಕ್ಷೆಡ್ ಬೊಕ್ಕ ಅಲಹಾಬಾದ್‌ ಸರ್ವಿಸ್‌ ಸೆಲೆಕ್ಷನ್‌ ಬೋರ್ಡ್‌ ನಡಪಾಯಿನ ಪರೀಕ್ಷೆಡ್ ಪಾಸ್ ಆದ್ ಭೂಸೇನೆದ ಲೆಫ್ಟಿನೆಂಟ್‌ ಬೇಲೆಗ್ ಅಜಿತೇಶ್‌ ಪಿ.ಎಸ್‌. ಆಯ್ಕೆ ಆತೆರ್.

ಮೇರ್ ಇತ್ತೆ ಡೆಹ್ರಾಡೂನ್‌ ಡ್ ಇಪ್ಪುನ ಫಾರೆಸ್ಟ್‌ ರಿಸರ್ಚ್‌ ಇನ್‌ಸ್ಟಿಟ್ಯೂಟ್‌ದ ಸೆಕೆಂಡ್ ಎಂಎಸ್‌ಸಿದ ಕಲ್ಪಾರ್ಥಿ ಆತೆರ್. ಕುಕ್ಕೆ ಸುಬ್ರಹ್ಮಣ್ಯದ ಕುಮಾರಸ್ವಾಮಿ ವಿದ್ಯಾಸಂಸ್ಥೆದ ಮುಖ್ಯಶಿಕ್ಷಕಿ ವಿದ್ಯಾರತ್ನ ಬೊಕ್ಕ ಬಿಳಿನೆಲೆ ಶ್ರೀ ಗೋಪಾಲಕೃಷ್ಣ ಪ್ರೌಢಶಾಲೆದ ನಿವೃತ್ತ ಮುಖ್ಯಶಿಕ್ಷಕೆರ್ ಶ್ರೀಕೃಷ್ಣ ಶರ್ಮ ಪಿ. ಮೊಕ್ಲೆನ ಮಗೆ ಆಯಿನ ಮೇರ್ ಪ್ರೈಮರಿ ಬೊಕ್ಕ ಹೈಸ್ಕೂಲ್ ನ್ ಸುಬ್ರಹ್ಮಣ್ಯ ಕುಮಾರಸ್ವಾಮಿ ಶಾಲೆಡ್, ಪಿಯುಸಿನ್ ಪುತ್ತೂರ್ ವಿವೇಕಾನಂದ ಕಾಲೇಜ್ ಡ್, ಬಿ.ಎಸ್‌ಸಿ ಪದವಿನ್ ಮಡಿಕೇರಿದ ಪೊನ್ನಂಪೇಟೆ ಕಾಲೇಜ್ ಡ್ ಪಡೆತೆರ್.

ಕಂಬುಲದ ಉಸೇನ್ ಬೋಲ್ಟ್ ಶ್ರೀನಿವಾಸ ಗೌಡ ಇತ್ತೆ ಬಂಗಾರ್‌ದ ಮಾಡೆಲ್

ಕುಡ್ಲ: ಕಂಬುಲ ಕ್ಷೇತ್ರದ ಉಸೇನ್ ಬೋಲ್ಟ್ ಪುಗರ್ತೆದ ಶ್ರೀನಿವಾಸ ಗೌಡ ಇತ್ತೆ ಮಾಡೆಲಿಂಗ್ ಕ್ಷೇತ್ರಡ್ ಮಿನ್ಕೊಂದುಲ್ಲೆರ್.

ತುಳುನಾಡ್‌ದ್ ಪಚ್ಚೆ ಪಜಿರ್‌ದ ಪರಿಸರಡ್ ಬಲ್ಪುನ ಎರುಕ್ಲೆನ ಒಟ್ಟುಗು ಬಂಗಾರ್ ಪಾಡ್ದ್ ತೆಲ್ತೊಂದು ಉಂತಿನ ಶ್ರೀನಿವಾಸ ಗೌಡ ಮೆರೆನ ಮಲ್ಲ ಮಲ್ಲ ಪ್ಲೆಕ್ಸ್‌ಲು ತುಳುನಾಡ್‌ಡ್ ತೋಜಿದ್ ಬರೊಂದು ಉಂಡು. ಉಂದು ಆಭರಣ ಜ್ಯುವೆಲ್ಲರ್ಸ್ ದಕ್ಲೆನ ಜಾಹಿರಾತುಗಾದ್ ಕೊರ್ತಿನ ಫ್ಲೆಕ್ಸ್ ಆದ್ ಉಂಡು.

“ಬಿರ್ದ್‌ದ ಕಂಬುಲ” ಸಿನಿಮಾ ತುಳುನಾಡ್‌ದ ಸಂಸ್ಕೃತಿಗ್ ಮಾಮಲ್ಲ ಕೊಡುಗೆ ಕೊರಿಯರೆ ಉಂಡು : ಎಸ್.ವಿ. ರಾಜೇಂದ್ರ ಸಿಂಗ್ ಬಾಬು

ಕುಡ್ಲ: “ಬಿರ್ದ್‌ದ ಕಂಬುಲ” ತುಳು ಪಿಚ್ಚರ್‌ದ ಕಡೆತ್ತ ಶೂಟಿಂಗ್ ನಡತೊಂದು ಉಂಡು. ತುಳುನಾಡ್‌ದ ಪುಗರ್ತೆದ ಕಲಾವಿದೆರ್ ಈ ಪಿಚ್ಚರ್‌ಡ್ ನಟನೆ ಮಲ್ತ್‌ದೆರ್. ಈ ಪಿಚ್ಚರ್ ತುಳುನಾಡ್‌ದ ಸಂಸ್ಕೃತಿಗ್ ಮಾಮಲ್ಲ ಕೊಡುಗೆ ಕೊರಿಯರೆ ಉಂಡು ಪಂದ್ ಪಿಚ್ಚರ್‌ದ ನಿರ್ದೇಶಕೆರ್ ಎಸ್.ವಿ. ರಾಜೇಂದ್ರ ಸಿಂಗ್ ಬಾಬು ಪಂಡೆರ್.

ಕುಡ್ಲದ ಉರ್ವ ಮಾರ್ಕೆಟ್ ಮೈದಾನಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್, ಈ ಪಿಚ್ಚರ್ ಒಂಜಿ ಕಂಬುಲದ ಕಥೆ ಆತಿನೆಡ್ದಾವರ ಪ್ರಾಣಿಲೆನ ಒಟ್ಟುಗು ಶೂಟಿಂಗ್ ಮಲ್ತ್‌ದ. ಉಂದು ಸುಲಭದ ಪಾತೆರ ಅತ್ತ್. ಉಂದೆಟ್ಟ್ ಬರ್ಪಿನ ಮಾತ ದೃಶ್ಯಲ ನೈಜವಾದ್ ಇತ್ತ್‌ದ್ ಸಹಜವಾದ್ ಚಿತ್ರನ್ ನಿರ್ಮಾಣ ಮಲ್ತ್‌ದ್. ತುಳುನಾಡ್‌ದ ಪುಗರ್ತೆದ ರಂಗಭೂಮಿ ಕಲಾವಿದೆರ್ ಪ್ರಕಾಶ್ ರಾಜ್, ರವಿಶಂಕರ್ ಈ ಪಿಚ್ಚರ್‌ಡ್ ನಟನೆ ಮಲ್ತ್‌ದೆರ್ ಪಂಡೆರ್. ನಿರ್ಮಾಪಕೆರ್ ಅರುಣ್ ರೈ ತೋಡಾರ್, ರಾಜೇಶ್ ಕುಡ್ಲ, ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ಇತ್ತಿನೆಡ್ದಾವರ ತುಳು ಭಾಷೆ ಯಂಕ್ ಗೊತ್ತಿಜಿಂಡಲ ಸುಲಭವಾದ್ ಶೂಟಿಂಗ್ ಮಲ್ಪರೆ ಆಂಡ್. “ಬಿರ್ದ್‌ದ ಕಂಬುಲ” ತುಳು ಪಿಚ್ಚರ್‌ನ್ ಕನ್ನಡ, ಹಿಂದಿ, ತಮಿಳ್, ಮಲಯಾಲಂ ಭಾಷೆಡ್‌ಲ ಡಬ್ ಮಲ್ತ್‌ದ್ ಬುಡುಗಡೆ ಮಲ್ಪರೆ ಉಂಡು ಪಂದ್ ಪಂಡೆರ್.

ಪಿಚ್ಚರ್‌ದ ಸಂಭಾಷಣೆಗಾರೆರ್ ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ಪಾತೆರ್ದ್, “ಈ ಪಿಚ್ಚರ್‌ದ ಮುಕೇನ ರಾಜೇಂದ್ರ ಸಿಂಗ್ ಬಾಬು ಮೇರ್ ತುಳು ಭಾಷೆಗ್ ಪೊಸ ಆಯಾಮ ಕೊರಿಯರೆ ಉಲ್ಲೆರ್. ಉಂದೊಂಜಿ ವಿಭಿನ್ನವಾಯಿನ ಪಿಚ್ಚರ್. ಮಾತೆರ್‍ನಲಾ ಸಕಾರ ಈ ಪಿಚ್ಚರ್‌ಗ್ ಬೋಡು ಪಂದ್ ಪಂಡೆರ್.

ಕುಸಲ್ದರಸೆ ನವೀನ್ ಡಿ. ಪಡೀಲ್ ಪಾತೆರ್ದ್, “ಚಿತ್ರದ ಮಿತ್ತ್ ನಿರೀಕ್ಷೆ ಎಚ್ಚ ಆತ್ಂಡ್. ಯನ್ನ ಪಾತ್ರ ಡಿಫರೆಂಟ್ ಆದ್ ಉಂಡು. ಕಂಬುಲ ಬರೀ ನಮ್ಮ ಸಂಸ್ಕೃತಿ ಮಾತ್ರ ಅತ್ತ್ ಅವ್ ನಮ್ಮ ಬದ್‌ಕ್ ಪಂದ್ ಪಂಡೆರ್.

ಪತ್ರಿಕಾಗೋಷ್ಠಿಡ್ ಕಂಬುಲ ಓಟಗಾರೆ ಶ್ರೀನಿವಾಸ ಗೌಡ, ನಟೆ ಸ್ವರಾಜ್ ಶೆಟ್ಟಿ, ಕಲಾ ನಿರ್ದೇಶಕೆರ್ ಚಂದ್ರಶೇಖರ್ ಸುವರ್ಣ ಇತ್ತೆರ್.

You Missed