ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಕಲ್ಯಾಣಪುರ ನೇಜಾರ್ ಶ್ರೀ ಭಗವತೀ ತೀಯಾ ಸಮಾಜದ ಮಹಿಳಾ ಘಟಕದ ಗುರ್ಕಾರ್ದಿಯಾದ್ ಶಕುಂತಲಾ ಟಿ ಆಯ್ಕೆ

ಮಲ್ಪೆ: ಕಲ್ಯಾಣಪುರ ನೇಜಾರ್ ಶ್ರೀ ಭಗವತೀ ತೀಯಾ ಸಮಾಜ (ರಿ.)ದ ಮಹಿಳಾ ಘಟಕದ ಗುರ್ಕಾರ್ದಿಯಾದ್ ಶಕುಂತಲಾ ಟಿ ಮೇರ್ ಆಯ್ಕೆ ಆತೆರ್.

ಮಾನಾದಿಗೆದ ಗುರ್ಕಾರ್ದಿಯಾದ್ ಟಿ.ಕಲ್ಯಾಣಿ ಟೀಚರ್, ಒತ್ತು ಗುರ್ಕಾರ್ದಿಯಾದ್ ವನಜ ಪಾಲನ್, ಕಾರ್ಯದರ್ಶಿಯಾದ್ ಶಶಿಕಲಾ ಎಸ್ ಕರ್ಕೇರ, ಕೊಶಾಧಿಕಾರಿ ಶೀಲಾ ಯೋಗೀಶ್, ಜತೆ ಕಾರ್ಯದರ್ಶಿಯಾದ್ ಸಂಧ್ಯಾ ಪೂರ್ಣೇಶ್, ಪ್ರೀಯಾ ವಿಕಾಸ್, ಸಂಘಟನಾ ಕಾರ್ಯದರ್ಶಿಯಾದ್ ಮನಿಷಾ ಪದ್ಮನಾಭ, ಶಾಲಿನಿ ಹರಿಪ್ರಸಾದ್, ಕಲಾ ಕಾರ್ಯದರ್ಶಿಯಾದ್ ಶಾರದ ತಿಮ್ಮಪ್ಪ ಸಾಲ್ಯಾನ್, ಸುಧಾ ಸದಾಶಿವ, ಕಾರ್ಯಕ್ರಮ ಸಂಯೋಜಕಿಯಾದ್ ಸೀಮಾ ಸುರೇಶ ಪಾಲನ್, ಬೊಕ್ಕ ಗೌರವ ಸಲಹೆಗಾರೆರ್, ಸಲಹೆಗಾರೆರ್, ಸದಸ್ಯೆರ್ ಆಯ್ಕೆ ಆಯೆರ್.

ಕೊಲ್ಲಿ ಶ್ರೀ ದುರ್ಗಾದೇವಿ ದೇವಲ್ಯದ ಬ್ರಹ್ಮಕಲಶ ಉಚ್ಚಯ ಸಮಿತಿದ ಕಚೇರಿ ಉದಿಪನ

ಮಿತ್ತಬಾಗಿಲು: ಕೊಲ್ಲಿ ಶ್ರೀ ದುರ್ಗಾದೇವಿ ದೇವಲ್ಯಡ್ ಮಾರ್ಚ್ 20-28 ಮುಟ್ಟ ನಡಪರೆ ಇಪ್ಪುನ ಬ್ರಹ್ಮಕಲಶ ಉಚ್ಚಯದ ಸಮಿತಿದ ಕಚೇರಿ ಉದಿಪನ ಅ.24 ಕ್ಕ್ ದೇವಲ್ಯದ ರಥ ಬೀದಿಡ್ ಇಪ್ಪುನ ಶೇಖ‌ರ್ ಪೂಜಾರಿ ಮೆರೆನ ಕಟ್ವಾನಡ್ ನಡತ್ಂಡ್.

ಉದ್ಯಮಿ ರಂಜನ್‌ ಜಿ. ಗೌಡ ಕಚೇರಿ ಉದಿಪನ ಮಲ್ತೆರ್. ಬೊಕ್ಕ ಮೇರ್ ಪಾತೆರ್ದ್, ದೇವಲ್ಯದ ಜೀರ್ಣೋದ್ದಾರ ಊರುದಕ್ಲೆ ಪ್ರಯತ್ನರ್ದ್ ನಡತೊಂದು ಉಂಡು. ಈ ದೇವಲ್ಯನ ಪೊರ್ಲುದ ರೂಪಡ್ ಆಪುಂಡು. ಕೊಲ್ಲಿ ಪ್ರದೇಶಡ್ ಕಂಬುಲನ್ ನಮ ಯಶಸ್ವಿಯಾದ್ ನಡಪಾವೊಂದು ಬೈದ. ಈ ಪುಣ್ಯದ ಕೆಲಸಗ್ ಕ್ಷೇತ್ರದ ದೇವಿನೇ ಕಾರಣ, ಬ್ರಹ್ಮಕಲಶ ಉಚ್ಚಯ ಮಸ್ತ್ ಗೌಜಿಡ್  ನಡಪಡ್ ಪಂದ್ ಪಂಡೆರ್.

ಈ ಪೊರ್ತುಡು ಬ್ರಹ್ಮಕಲಶ ಉಚ್ಚಯ ಸಮಿತಿದ ಗುರ್ಕಾರೆ ಬಿ. ಕೆ. ಧನಂಜಯ್‌ ರಾವ್, ಪ್ರಧಾನ ಕಾರ್ಯದರ್ಶಿ ದಾಸಪ್ಪ ಗೌಡ ಕಾಂಜಾನು, ವ್ಯವಸ್ಥಾಪನಾ ಸಮಿತಿದ ಗುರ್ಕಾರೆ ವಾಸುದೇವ ರಾವ್ ಕಕ್ಕೆನೇಜಿ, ಗೌರವ ಸಲಹೆಗಾರೆ ಡಾ.ವಾಣಿ ಸುಗುಣ ಕುಮಾರ್, ಸಹ ಕೋಶಾಧಿಕಾರಿ ಪರಮೇಶ್ವರ್ ರಾವ್, ಸಂಘಟನಾ ಕಾರ್ಯದರ್ಶಿ ವಿನಯಚಂದ್ರ ಸೇನೆರಬೆಟ್ಟು, ಶಾಲಿನಿ ಗೋಪಾಲ್ ಪೂಜಾರಿ, ಸಲಹೆಗಾರೆ ಕೃಷ್ಣಪ್ಪ ಪೂಜಾರಿ ಕಿಲ್ಲೂರು, ಪೂವಪ್ಪ ಗೌಡ ಕೊಂಡಮಲೆ, ಜತೆ ಕಾರ್ಯದರ್ಶಿ ಜ್ಯೋತಿಲಕ್ಷ್ಮಿ ಕಿಲ್ಲೂರು, ಶೇಖರ ಪೂಜಾರಿ ಕಂಬಳದಡ್ಡ, ಬಾಲಕೃಷ್ಣ ಪೂಜಾರಿ, ಜೀರ್ಣೋದ್ಧಾರ ಸಮಿತಿದ ಗುರ್ಕಾರೆ ಡಾ. ಬಿ.ಕೆ. ಲೋಕೇಶ್ ರಾವ್‌, ಪ್ರಧಾನ ಕಾರ್ಯದರ್ಶಿ ಡಿ. ದಿನೇಶ್ ಗೌಡ ಪಾಲ್ ಪಡೆದಿತ್ತೆರ್.

ನ.3-4: ಡೊಂಬಿವಿಲಿ ಶ್ರೀ ರಾಧಾಕೃಷ್ಣ ಬೊಕ್ಕ ಶ್ರೀ ಶನೀಶ್ವರ ಮಂದಿರದ 65ನೇ ವರ್ಷದ ಮಂಗಳ ಉಚ್ಚಯ

ಡೊಂಬಿವಲಿ ಟೆಲ್ಕ್ ಸ್ ವಾಡಿದ ಶ್ರೀ ರಾಧಾಕೃಷ್ಣ ಬೊಕ್ಕ ಶ್ರೀ ಶನೀಶ್ವರ ಮಂದಿರದ 65ನೇ ವಾರ್ಷದ ಮಂಗಳ ಉಚ್ಚಯ ನ.3-4 ಕ್ಕ್ ದೇವಲ್ಯದ ಪ್ರಧಾನ ಅರ್ಚಕೆರ್ ಪ್ರಕಾಶ್ ಭಟ್ ಕಾನಂಗಿ ಮೆರೆನ ಮುತಾಲಿಕೆಡ್ ನಡಪರೆ ಉಂಡು.

ನ.3 ಸುಕ್ರಾರ ಬೊಲ್ಪುಗು ತೋರಣ ಮೂರ್ತ, ಗಣಹೋಮ, ನವಕ ಪ್ರದಾನ ಹೋಮ, ಪಂಚಾಮೃತ ಅಭಿಷೇಕ, ಅಲಂಕಾರ ಪೂಜೆ, ಮಂಗಳಾರತಿ ನಡಪರೆ ಉಂಡು.

ನ.4 ಸನಿಯಾರ ಬೊಲ್ಪುಗು ಬೊಲ್ಪುದ ಪೂಜೆ, ಸಾಮೂಹಿಕ ಶ್ರೀ ಸತ್ಯನಾರಾಯಣ ಮಹಾಪೂಜೆ, ಭಜನೆ ಮಧ್ಯಾಹ್ನ ಮಹಾ ಮಂಗಳಾರತಿ, ಮಹಾಪೂಜೆ, ಧಾರ್ಮಿಕ ಸಭಾ ಲೇಸ್, ಶ್ರೀ ಶನಿಪೂಜೆ, ಬೊಕ್ಕ ಯಕ್ಷಗಾನ ರೂಪಡ್ ಶನಿ ಗ್ರಂಥ ಪಾರಾಯಣ, ರಾತ್ರೆ ರಂಗಪೂಜೆ ಭಜನೆ, ಮಹಾ ಮಂಗಳಾರತಿ, ತೀರ್ಥ ಪ್ರಸಾದ ಪಟ್ಟಿಯೆರೆ ಬೊಕ್ಕ ನುಪ್ಪು ಪ್ರಸಾದ ಸೇವೆ ನಡಪರೆ ಉಂಡು.

ಭಕ್ತಾದಿಲು ಮಹಾಪೂಜೆದ ಮತ ಸೇವೆಡ್ ಪಾಲ್ ಪಡೆದ್, ಶ್ರೀ ರಾಧಾಕೃಷ್ಣ ಶನೀಶ್ವರ ದೇವೆರೆನ ಮಹಾ ಉಚ್ಚಯನ್ ಪೊರ್ಲು ಮಲ್ತ್ ದ್ ಕೊರೊಡು, ಬೊಕ್ಕ ಶ್ರೀ ಮಹಾಗಣಪತಿ, ಶನೀಶ್ವರ, ಪ್ರಧಾನ ಒಡೆಯೇ ಶ್ರೀ ರಾಧಾಕೃಷ್ಣ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಮಂದಿರದ ಮಾನಾದಿಗೆದ ಗುರ್ಕಾರೆ, ಗುರ್ಕಾರೆ, ಕಾರ್ಯಕಾರಿ ಸಮಿತಿ, ಸಲಹೆಗಾರೆರ್, ಮಹಿಳಾ ವಿಭಾಗ ಬೊಕ್ಕ ಸರ್ವಸದಸ್ಯೆರ್ ಪ್ರಕಟಣೆಡ್ ತೆರಿಪಾದೆರ್.

ಇನಿ ಬಿಜೆಪಿ ಸಿಇಸಿ ಸಭೆ

ಐನ್ ರಾಜ್ಯಲೆನ ವಿಧಾನಸಭೆ ವೋಟುಗು ಸಂಬಂಧ ಪಟ್ಟಿನಂಚೆನೆ ಬಿಜೆಪಿದ ಕೇಂದ್ರ ಚುನಾವಣಾ ಸಮಿತಿ (ಸಿಇಸಿ) ಇನಿ ಬಯ್ಯಗ್ ಸಭೆ ನಡಪಾದ್ಂಡ್.

ಸಭೆಟ್ಟ್ ಅಭ್ಯರ್ಥಿಲೆನ ಪಟ್ಟಿ ಅಕೇರಿ ಮಲ್ಪರೆ ಉಂಡು. ಬೊಕ್ಕ ಗೆಲ್ಮೆಗಾದ್ ವಾ ವಾ ತಂತ್ರ ಮಲ್ಪೊಡು ಪನ್ಪುನ ಬಗೆಟ್ಟ್ ಚರ್ಚೆ ನಡಪರೆ ಉಂಡು ಪಂದ್ ವರದಿ ಆತ್ಂಡ್. ಪಕ್ಷದ ರಾಷ್ಟ್ರೀಯ ಗುರ್ಕಾರೆ ಜೆಪಿ ನಡ್ಡಾ ಸೇರಿನಂಚೆನೆ ಪಕ್ಷದ ಪ್ರಮುಖ ನಾಯಕೆರ್ ಬೊಕ್ಕ ಕೇಂದ್ರದ ಸುಮಾರ್ ಸಚಿವೆರ್ ಪಾಲ್ ಪಡೆಯೆರೆ ಉಲ್ಲೆರ್.

ಶ್ರೀ ಮಂಗಳಾದೇವಿ ದೇವಲ್ಯಡ್ ಮಹಾಯಜ್ಞ ಗೋ ನವರಾತ್ರಿ ಉಚ್ಚಯದ ಲೆಪ್ಪೋಲೆ ಬುಡುಗಡೆ

ಬಂಟ್ವಾಳ ತಾಲೂಕ್ ದ ಪುದು ಗ್ರಾಮದ ಗೋವಿನತೋಟ ಶ್ರೀ ರಾಧ ಸುರಭಿ ಗೋಮಂದಿರಡ್ ನ.14-22 ಮುಟ್ಟ ನಡಪರೆ ಇಪ್ಪುನ ಅಷ್ಟೋತ್ತರ ಶತ (108) ಶ್ರೀ ಮದ್ಬಾಗವತ ಕಥಾ ಪಾರಾಯಣ ಸಪ್ತಾಹ ಮಹಾಯಜ್ಞ, ಗೋ ನವರಾತ್ರಿ ಉಚ್ಚಯದ ಲೆಕ್ಕೊಡು (ಅ.31) ಅಂಗಾರೆ ಕುಡ್ಲದ ಶ್ರೀ ಮಂಗಳಾದೇವಿ ದೇವಲ್ಯಡ್ ಲೆಪ್ಪೋಲೆ ಬುಡುಗಡೆ ಲೇಸ್ ನಡತ್ಂಡ್.

ಧರ್ಮಾಧಾರಿತ ವಿಶ್ವಗುರು ಭಾರತಕ್ಕಾದ್ ದಕ್ಷಿಣ ಭಾರತಡೇ ಸುರುತ್ತ ಸರ್ತಿ ಈ ಲೇಸ್ ಶ್ರೀ ರಾಧಾ ಸುರಭಿ ಗೋ ಮಂದಿರ, ರಾಷ್ಟ್ರೀಯ ಗೋ ಸೇವಾ ಸಂಸ್ಥಾನ ಬ್ರಹ್ಮಗಿರಿ, ಗೋವಿನತೋಟ ಬೊಕ್ಕ ಗೋಸೇವಾ ಗತಿವಿದಿ ಕರ್ನಾಟಕದ ಮುತಾಲಿಕೆಡ್ ನಡಪರೆ ಉಂಡು. ನೆತ್ತ ಅಟ್ಟಣೆಗಾದ್ ಸೆ.24-ನ8 ಮುಟ್ಟ ದಕ್ಷಿಣ ಕನ್ನಡ, ಒಡಿಪು, ಕೊಡಗು ಜಿಲ್ಲೆಡ್ ಗೋರಥಯಾತ್ರೆ ನಡಪರೆ ಉಂಡು.

ವಿಶ್ವಹಿಂದು ಪರಿಷತ್ ಪ್ರಾಂತದ ಗುರ್ಕಾರೆ ಎಂ.ಬಿ ಪುರಾಣಿಕ್ ಲೆಪ್ಪೋಲೆ ಬುಡುಗಡೆ ಮಲ್ತೆರ್. ಬಂಟರ ಯಾನೆ ನಾಡವರ ಮಾತೃ ಸಂಘದ ಗುರ್ಕಾರೆ ಅಜಿತ್ ಕುಮಾರ್ ರೈ ಮಾಲಾಡಿ ಗುರ್ಕಾರ್ಮೆನ್ ಒಯಿಸ್ ದಿತ್ತೆರ್. ಈ ಪೊರ್ತುಡು ಪ್ರಮುಖೆರ್ ಭಕ್ತಿಭೂಷಣ್ ದಾಸ್ ಪ್ರಭೂಜಿ, ಬೃಜೇಶ್ ಚೌಟ, ಶರಣ್ ಪಂಪ್ ವೆಲ್, ರವಿಶಂಕರ್ ಮಿಜಾರ್, ರಾಮ್ ದಾಸ್ ಬಂಟ್ವಾಳ, ಐತಪ್ಪ ಆಳ್ವ ಸುಜೀರ್ ಗುತ್ತು, ತೇವು ತಾರಾನಾಥ ಕೊಟ್ಟಾರಿ ಫರಂಗಿಪೇಟೆ, ದಾಮೋದರ ನೆತ್ತರಕೆರೆ, ಅನಿಲ್ ಪಂಡಿತ್ ವಳವೂರು, ಶೋಭಾ ಮಯ್ಯ, ಕಿಶೋರ್ ಕೊಟ್ಟಾರಿ, ಸುನೀಲ್ ಆಚಾರ್, ಪ್ರವೀಣ್ ಸರಳಾಯ, ರಂಜನ್ ಬೆಟ್ಟರ್ಪಾಡಿ, ಎಚ್ ಕೆ ಪುರುಷೋತ್ತಮ್, ಜಯಂತ್ ಜೆ ಕೋಟ್ಯಾನ್, ವಿವೇಕ್ ಆಳ್ವ ಪಾಲ್ ಪಡೆದಿತ್ತೆರ್.