ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ರಾಜ ಬೂಡು ಬೆಂಗಳೂರುದ ತುಳುವೆರೆರ್ದ್ ವಿಭಿನ್ನ ರೀತಿದ ಗಣರಾಜ್ಯೋತ್ಸವ

ಇನಿ ತಾರೀಖ್ 26/1/2021 ನೇ ಅಂಗಾರೆ ಗಣರಾಜ್ಯೋತ್ಸವದ ಒರುಟ್ಟು ಬೆಂಗಳೂರ್ದ ಯಶವಂತಪುರಟ್ ಇಪ್ಪುನ ತುಳುವೆರೆನ ಸ್ವಾಭಿಮಾನದ ಸಂಕೇತ ತುಳುವೆರೆನ ಧೈರ್ಯ ಒಗ್ಗಟ್ಟುದ ಪ್ರತೀಕ ವೀರ ರಾಣಿ ಅಬ್ಬಕ್ಕನ ಪ್ರತಿಮೆಗ್ ತುಳು ಕೂಟ ಬೆಂಗಳೂರುದ ಮುತಾಲಿಕೇಡ್ ಪುಷ್ಪಾರ್ಚನೆ, ಹಾರಾರ್ಪಣೆ ಬೊಕ್ಕ ಧ್ವಜಾರೋಹಣ ಲೇಸ್ ಗೆಲ್ಮೆಡ್ ನಡತುಂಡು.

ತುಳು ಕೂಟ ದ ಪೊಸ ಗುರ್ಕಾರೆ ಶ್ರೀ ದೇವೇಂದ್ರ ಹೆಗಡೆ ಕೊಕ್ರಾಡಿ ಮೆರೆನ ಗುರ್ಕಾರ್ಮೆಡ್ ನಡತಿನಲೇಸ್ ದ ಸುದಾರ್ಮೆನ್ ಒಕ್ಕೂಟದ ಕಾರ್ಯಂತೆರ್ ಸುಂದರ್ ರಾಜ್ ರೈ ಮೇರ್ ನಡಪಾದ್ ಕೊರಿಯರ್. ರಾಜ ಬೂಡು ಬೆಂಗಳೂರ್ದ ವಿವಿಧ ತುಳು ಬೊಕ್ಕ ಸಮುದಾಯದ ಸಂಘಟನೆದ ಪ್ರಮುಖೇರ್ ಎಚ್ಚಿನ ಸಂಖ್ಯೆ ಡ್ ಪಾಲ್ ಪಡೆದ್ ರಾಜಬೂಡುಡು ತುಳುವೆರ್ನ ಒಗ್ಗಟ್ಗ್ ಸಾಕ್ಷಿಯಾಯೆರ್.ಮುಖ್ಯ ಬಿನ್ನೆರಾದ್ ಪಾಲ್ ಪಡೆಯಿನ ಸ್ಥಳೀಯ ಮಾಜಿ ಶಾಸಕ ಸ್ಥಳೀಯ ಶಾಸಕೆ ನೆಲ ನರೇಂದ್ರಬಾಬು ಮೇರ್ ಪಾತೆರ್ದ್ ಪೋರ್ಚುಗೀಸೆರ್ನ ವಿರುದ್ಧ ಪೋರ್ಮ್ಬಾಟ ಮಲ್ತಿನ ದೇಶದ ಕಡಿರ್ದ ಮಹಿಳಾ ಸ್ವಾತಂತ್ರ್ಯ ಹೋರಾಟಗಾರ್ತಿ ತವ್ಳವ ರಾಣಿ ಅಬ್ಬಕ್ಕ ಪಂದ್ ಪಂಡೆರ್ . ಅಬ್ಬಕ್ಕರಾಣಿನ ಇತಿಹಾಸನ್ ಮಾತಾ ಜೊಕ್ಲೆಗ್, ಜವನೆರೆಗ್ ತೆರಿಪಾವೊಡು ಪಂದ್ ಕಳಕಳಿಡ್ ಬಿನ್ನಯ ಮಲ್ತೊಂಡೆರ್. ಅಂಚನೇ ಉಪ ಮೇಯರ್ ಎಸ್. ಹರೀಶ್, ಸ್ಥಳೀಯ ಕಾರ್ಪೋರೇಟರ್ ಆಯಿನಂಚಿನ ಎನ್. ರಾಜೇಂದ್ರಕುಮಾರ್, ಬದ್ರೇ ಗೌಡ ಈ ಮಾತಾ ಬಿನ್ನೆರ್ ಪಾಲ್ ಪಡೆದ್ ತುಳುವೆರೆನ ಕಜ್ಜಲೆನ್ ಕೊಂಡಾಡಿಯೆರ್ . ಮಾತಾ ತುಳು ಕಾರ್ಯಗ್ ಸಮುದಾಯದ ಅಭಯನ್ಲಾ ಕೊರಿಯೆರ್. ಬೆಂಗಳೂರು ತುಳು ಕೂಟದ ಗುರ್ಕಾರ್ಲು ದೇವೇಂದ್ರ ಹೆಗಡೆ ಕೊಕ್ರಾಡಿ ಮೇರ್ ಪಾತೆರ್ದ್ ತುಳುಕೂಟದ 50ನೇ ವಾರ್ಷಿಕೋತ್ಸವದ ಒರುಟು ತುಳು ವಿಶ್ವ ಸಮ್ಮೇಳನ ಮಲ್ಪುನ ಉಮೇದ್ ನ್ ದುಂಬು ದೀದ್ ಮಾತಾ ತುಳುವೆರ್ನ ಸಾಕಾಯ ಬಿನ್ನಯ ಮಲ್ತೆರ್. ಕೋವಿಡ್ ಸಂಕಷ್ಟರ್ದಾವರ ಸರಳ ರೀತಿಡ್ ಶಿಸ್ತುಬದ್ಧವಾದ್ ಈ ಲೇಸ್ ನಡತುಂಡು. ಸಾಂಕೇತಿಕವಾದ್ ನಡತಿನ ಈ ಲೇಸ್ ಡ್ ರಾಜಬೂಡು ದ ವಿವಿಧ ಸಂಘಟನೆ ದ ಪ್ರಮುಖೆರಾಯಿನಂಚಿನ ಪುರುಷೋತ್ತಮ ಜೇಂದ್ಲ, ದಿನೇಶ್ ಹೆಗ್ಡೆ,ಕೆ. ಎನ್ ಅಡಿಗ, ಹರ್ಷೇಂದ್ರ ಜೈನ್,ಚಂದ್ರ ಹಾಸ್ ಎಸ್ ,ರಘುವೀರ್ ನಾಯಕ್, ಆಶಾನಂದ ಕುಲಶೇಖರ , ಅಜಿತ್ ಹೆಗ್ಡೆ, ವಿಶು ಶೆಟ್ಟಿ, ಶಿವಾನಂದ ಸಾಲ್ಯಾನ್, ಗೋಪಾಲ್ ಪೂಜಾರಿ ಭಟ್ಟೆ, ಪ್ರದೀಪ್ ಮೆಂಡೋನ್ಸ, ರಾಜ್ ಸಂಪಾಜೆ, ನರೇಂದ್ರ ಕುಮಾರ್, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆ ಶ್ರೀಮತಿ ಕಾಂತಿ ಶೆಟ್ಟಿ, ಅಂತರಾಷ್ಟ್ರೀಯ ಕ್ರೀಡಾಪಟು ಶ್ಯಾಮಲಾ ಶೆಟ್ಟಿ, ಮಾತಾ ಗಣ್ಯರ್ ಸೇರ್ದೆರ್.